 |
فضيحة طبيب
الجزء السادس
للكاتبة...حنان حسن
بعدما اقتنعت ....بوجهة نظر الدكتور عبد القادر
لما قالي....
اني ممكن اعرف الزوجة الخاينة
لما اخرج علي الريسبشن
بتاع المستشفي
واشوف مين من زوجاتي
تركت المستشفي... وهربت
خوفا من العقاب
وبالفعل ...
خرجت سريعا من المعمل
وروحت علي الريسبشن
ولما وصلت ...
وبصيت علي المقاعد في الريسبشن
اتفاجئت ...
بشيئ صادم
وهو...
اني لم اجد زوجاتي الاثنين
وفضلت ابص حواليا
وانا مش مصدق نفسي
واقول...
لا مش ممكن؟
اكيد ذهبن هنا... او هناك
وبحثت بعيني عنهن في الريسبشن باكملة
لكن مكنش ليهم اثر
فا روحت بسرعة ...
علي موظف الاستقبال في المستشفي
وسالته عنهن
وفي اللحظة دي
اكدلي موظف الاستقبال
ان الاتنين الستات
الي كانوا داخلين معايا للمستشفي
خرجوا من باب المستشفي....
وغادروا بقالهم شوية
فا لقيت نفسي بجري ناحية الباب
وخرجت من المستشفي
عشان ابحث عنهن
يمكن يكونوا مازالوا امام المستشفي
لكن بردوا ملقتهمش للاسف
وفضلت ماشي في الشارع مذهول...
وبكلم نفسي
واقول...معقولة ؟
تغريد ...وسماح الاتنين
يهربوا
عشان خايفين من عمل تحليل ال دي.. ان.. ايه؟
معقولة الاتنين طلعوا خاينين ؟
يعني انا كنت بتخان من زوجاتي الاتنين ؟
وكل واحدة فيهم حامل من راجل غيري
لا انا مش قادر اصدق
وفضلت افكر... واحاول اتذكر كل الي حصل
عشان اعرف ليه هما عملوا معايا كده
لكن فكرت كتير وموصلتش لحاجة
وفضلت افكر... وافكر لغاية ما اعياني التفكير
وكنت ساعتها ماشي في الشارع
وعامل زي الي مضروب علي راسة
وبعد شوية
لقيت رجلي اخدتني لبيت ام تغريد...
وقلت بيني وبين نقسي
اكيد ام تغريد
عارفة كل حاجة... عن بنتها
بدليل... التمثيلية الي عملوها مع بعض
يوم ما كشفت علي بنتها
وفضلت اخبط ...وارن الجرس كتير جدا
لكن محدش كان بيرد
وفي الاخر
خرجت واحدة من الجيران تقولي...
ام تغريد خرجت يلي بتخبط
فسالت الجارة
وقلت ...خرجت امتي؟
قالت ...معرفش
بس انا سمعت الباب عندها بيتقفل من شوية
واكيد خرجت وراحت مشوار
وفضلت منتظر ادام شقة ام تغريد
اكتر من ساعتين
علي امل انها ترجع من بره
لكن مرجعتش
وفي الاخر ...
سالت نفسي
وقلت ..
انت قاعد هنا ليه؟
بالعقل كده
بما ان تغريد طلعت خاينة؟
فا اكيد اتصلت بامها
وعرفتها اني اكتشفت خيانتها
واكيد امها كمان
هتحاول الهرب مني
يعني قعدتي هنا ملهاش اي فايدة
ورجعت افكر تاني
ياتري هربوا راحوا فين؟
دي حتي تغريد ملهاش حد غير امها؟
وسماح كمان اصبحت وحيدة
بعد ما ابوها مات
وده كان اخر واحد ليها في عيلتها؟
ووقفت مندهش ...من وجودي هنا ادام بيت ام تغريد
ورجعت اعطي لنفسي امل تاني
واقول...
وبعدين انت مين قالك
انهم هربوا بدون ما ياخدوا حاجتهم من البيت؟
ايوه لازم يكونوا راحوا علي البيت
علي الاقل عشان ياخدوا حاجتهم من هناك
يعني انا دلوقتي لازم ارجع علي البيت بسرعة
وبالفعل...
جريت علي البيت
لكن لما دخلت الشقة
ملقتش حد
فا روحت علي شقة ابويا
ولقيت ابويا اشتد عليه المرض
الي كان بيعاني منه من اكتر من ثلاث سنين
وامي كانت قاعدة جنبة
فا سالت امي
ان كانت شافت اي واحدة من زوجاتي
وهي راجعة للبيت من شوية؟
لكن امي قالت
ان مفيش واحده فيهن رجعت البيت
من ساعة ما انا اخدتهن وخرجت
وساعتها..
امي سالتني
وقالت..مالك يا عمرو؟
هو في حاجة حصلت؟
بصيت لامي بحزن
وكنت عايز احكيلها علي الفضايح
الي عماله تلاحقني من كل ناحية ...
لكن ....ابويا كان مريض
ومحبتش ازود عليهم الي هما فيه
وقلت..لا يا امي مفيش حاجة
ورجعت لشقتي وانا هتجنن
ومش عارف اعمل اية
عشان اوصلهم ... واسالهم
ليه؟
ليه عملوا فيا كده؟
وازاي؟
ومع مين؟
ودخلت ادور في دولاب كل واحدة فيهم
يمكن اوصل لاي معلومة
واثناء ما كنت بفتش في الشقة
سمعت صوت رنين موبيلي
ولما بصيت علي رقم المتصل
لقيتة نفس الرقم المجهول
وفكرت اني مردش عليه
لكن....
قلت في نفسي
الشخص ده هو الي نبهني للمصيبة الي انا فيها
وعرفني...ان في عشيق لاحدي زوجاتي في شقتي
واكيد المتصل
عنده بعض المعلومات...
واكيد عارف العشيق كان علي علاقة مع مين
من زوجاتي بالضبط
عشان كده
لقيتني برد عليه
وقلت...نعم؟
رد عليا بنبرات صوتة الباردة
وقالي....
هربوا منك هما الاتنين
صح؟
استغربت انه عارف المعلومة
دي
وسالتة
قلت...عرفت ازاي؟
رد المتصل
وقال...عرفت وخلاص
واظن دلوقتي بعد ما هربوا
اكيد انت اتاكدت
ان الاتنين خاينين؟
مردتش علي سؤالة
وسالتة
قلت...لازم تقولي عرفت ازاي انهم هربوا؟
رد المتصل المجهول
وقالي...
انا كنت عارف اصلا ان الاتنين كانوا خاينين
لكن لو كنت قلتلك مكنتش هتصدقني
عشان كده
طلبت منك تعمل تحليل
ال دي.. ان ..ايه
والتحليل هو الي كان هيثبتلك خيانتهم
قلت..
.انت مين؟
وعرفت ازاي
انهم كانوا بيخونوني؟
لو عندك اي معلومات قولهالي
رد المتصل
وقال...دنا مش عندي معلومات وبس
لا ....
دنا معايا دليل علي خيانة زوجاتك الاتنين
بالصوت والصورة كمان....
وعندي فيديوهات
لو نزلت علي الفيس بوك هتبقي (تريند)
ومش هخبي عليك
واقولك اني معرفش هما مستخبين منك فين
لا ...
بصراحة بقي
انا اعرف زوجاتك فين
لما لمحت في كلامة شبح فضيحة جديد ....
اتفزعت
وسالتة؟
قلت... فين زوجاتي الاتنين؟
وفين الفيديوهات الي بتقول عليها؟
رد المتصل
وقال... اسمع يا دكتور عمرو
بصراحة كدة بقي...
زوجاتك الاتنين بيطلبوا مني الفيديوهات
وعرضوا عليا مقابل مغري جدا
مقابل اني ارجعلهم الفيديوهات
وطبعا انت فاهم ايه المقابل المغري
الي هما عرضوة عليا؟
واي راجل يتعرض عليه المقابل ده اكيد هيوافق طبعا
بس انا لسة بفكر
ومنتظر ردك
ولو اتفقنا ....هديلك انت الفيديوهات
وهنفض لزوجاتك
بعد ما سمعت كلامة
طبعا فهمت من تلميحاتة
ان زوجاتي يعرفوه تمام
المعرفة
بما انهم بيعرضن عليه انفسهن
مقابل الفيديوهات
وكمان عرفت ايضا
انة....
يعرف مكان زوجاتي
الاتنين
ويعرف ايضا مكان ام تغريد
فا سالتة ؟؟؟
وقلت...
انت قلت انك تعرف مكان زوجاتي دلوقتي
صح؟
رد المتصل
وقال.. طبعا اعرف مكانهم
وممكن ادلك علية
وممكن كمان
لو عايز تاخد الفيديوهات
انا ممكن اديهالك
لكن ....لما نتفاوض الاول
قلت..نتفاوض علي ايه؟
قال...
هنعمل انا وانت اتفاق
والاتفاق هيكون اني اسلمك زوجاتك الاتنين...
واسلمك الفيديوهات بتاعتهم
وانقذ سمعتك من فضيحة جديدة
بس بشرط
قلت...ايه هو الشرط ده؟
رد المتصل
وقال...
(تقتل زوجاتك الاتنين)
قلت...من غير ما تساومني
انا اصلا لو شوفتهم ادامي دلوقتي
هاكل لحمهم بسناني
رد المتصل
وقال...لا ..
انا مش عايزك تاكل لحمهم
انا عايزك...( تقتلهم)
انتبهت لاصرار المتصل علي اني اقتل زوجاتي الاتنين
وسالتة
قلت...وانت مصلحتك ايه؟
وهتستفاد ايه من اني اقتلهم
رد المتصل
وقال...تقدر تقول اني متعاطف معاك
قلت...لا معلش
شوف سبب تاني غير ده
لاني مش مصدقك
رد المتصل
وقال...
بصراحة بقي
لاني كنت متزوج ....وزوجتي خانتني
وانا كمان طلعت (خروف) للاسف
وكنت بتمني اقتلها
لكن...ماتت قبل ما انتقم منها
وعشان كده
تقدر تقول اني معقد
وبشفي غليلي...
من اي واحدة.... بعرف انها بتخون جوزها
قلت.. طيب انا عايز اشوف الفيديوهات
الي انت بتقول عليها دي
رد المتصل بخبث
وقال...
قلتلك الفيديوهات... وزوجاتك الاتنين وحماتك
هسلمهملك لما نتفق
فكرت شوية
وقلت...
ايوه بس....
انا ممكن مقدرش اقتلهم
رد المتصل بسخرية
وقال...
يااااااه .....اد كدة انت متهاون في حق نفسك؟
وكرامتك مش فارقة معاك؟
تصدق كان عندي حق
لما قلت عليك خروف؟
واضاف المتصل
قائلا...
يبني دول خانوك...
وكل واحده فيهم
كانت عايزة تلبسك عيل
حملت فيه من عشيقها
ده غير انهم ....
هيتسببوا في فضيحة جديدة ليك
يعني كده القتل قليل عليهم كمان
بعد ما استمعت لكلام المتصل المجهول
قلت...انا ممكن اضربهم...
او حتي اعذبهم
لكن صدقني مش هقدر اقتل
رد المتصل بغضب
وقال...خلاص
يبقي خلي زوجاتك مختفين عنك
واستحمل الفضيحة الي هتشوفها
في كل مكان
اصلي ناوي انزل الفيديوهات دي
علي النت
وهحرص اني اوصلها بنفسي لكل اهل البلد
الي يعرفوك
وشوف انت بقي
الفضيحة دي مع الفضايح القديمة
دنيتك ساعتها هتبقي عاملة ازاي؟
وبدء الرجل بالسخرية
حيث قال....
دنتا هتدخل موسوعة جينيس يا راجل
وهتحتل المركز الاول في الفضايح
وهتبقي ملقب
( بالرجل المفضوح)
بعد ما استفزني بسخريتة
فكرت مع نفسي تاني
وقلت.. الراجل ده ممكن يكون نصاب
وممكن كمان
يكون لا يعرف مكان زوجاتي
ولا حتي معاه فيديوهات
وفي اللحظة دي
رديت عليه بغضب
وقلت..
اسمع يا حيوان انت
انا مش هقتل وانت متقدرش تعملي حاجة
لانك نصاب
واصلا انت متعرفش مكان زوجاتي
وانا اوعدك انك لو اتصلت بيا تاني هبلغ عنك
و لا هيهمني من فضايح ولا غيره
وقبل ما اقفل السكة في وشة
سمعتة... بيستوقفني
وبيقولي...
يعني انت مش مصدقني يا خروف؟
طيب انا هاكدلك اني عارف مكان زوجاتك الاتنين
وهااكدلك كمان اني معايا فيديوهات بالفضايح بتاعتهم
وبكره الصبح هيوصلك الدليل علي كلامي
طبعا انا افتكرتة بيهرتل
بكلمتين فاضيين
عشان يحفظ ماء وجهة ادامي
فا قفلت السكة في وشة
وقفلت الموبيل خالص عشان
ميعرفش يوصلي
ودخلت عشان اعمل المستحيل واحاول انام شوية
لكن مقدرتش انام ...وفضلت سهران
لما الصبح طلع عليا
وانا قاعد
ولما لقيت نفسي مصدع ومش شايف ادامي
دخلت اعمل فنجان قهوة
واثناء ما كنت واقف جنب القهوة في المطبخ
سمعت جرس الباب بيرن
فا روحت فتحت
لكن ملقتش حد علي الباب
وكنت لسة هقفل الباب
لقيت رسالة واقعة في الارض
والرسالة مكتوب فيها
التالي
اسمعني كويس ياخروف
انت غلطت غلطة عمرك
وكدبتني امبارح
وانا دلوقتي...
بعتلك الدليل علي كلامي
بص من الشباك يا خروف
عشان تشوف الدليل
علي اني عارف مكانهم
وخلي بالك ...
لو بلغت البوليس
هتلاقي الفيديوهات نازلة علي النت
والمناظر الي فيها مطرية علي الشعب كله
بعد ما قرات الكلام الغريب الي هو كاتبة
فتحت بسرعةالشباك
عشان اشوف الدليل الي بيقول عليه
ولما بصيت في الشارع
لقيت ناس ملتفين حول شخص ملقي علي الارض
فا نزلت بسرعة للشارع عشان اشوف في ايه
ولما اقتربت من الزحام
سمعت الناس بيقولوا انها جثة
سيدة
كانت قد دهستها سيارة منذ قليل
وشكيت ساعتها
انها ممكن تكون جثة لاحدي زوجاتي
بس كنت عايز اعرف هي جثة مين فيهم
سماح ؟ولا تغريد؟
فا جريت ناحية الجمع الغفير...
الي كان ملتف حول الجثة
و اخترقت الزحام
وبمجرد ما قربت اتاكدت... فعلا انها جثة ..........
تعليقات
إرسال تعليق