 |
فضيحة طبيب
الجزء السابع
للكاتبة...حنان حسن
بعدما تلقيت الرسالة..
الي ارسلهالي المتصل المجهول
لقيتة بيقولي فيها...
اني غلطت غلطت عمري لما كدبتة
وقلتلة ...انه ميعرفش مكان زوجاتي
وعشان ياكدلي انه عارف مكانهم
طلب مني....
اني ابص من الشباك
ولما بصيت من الشباك
لقيت سيدة ملقاة علي الارض
وملموم عليها الناس
وسمعت تعليقات البعض وانا واقف في الشباك
كانوا بيقولوا ....
انها صدمتها سيارة مسرعة
من شوية
ولسة منتظرين الاسعاف لغاية دلوقتي
و بالنسبة للسيارة الي خبطتها
للاسف ...
محدش قدر ياخد ارقام السيارة
لان السيارة كانت بدون ارقام
فا اخدني الفضول
عشان انزل
واعرف مين الست دي؟
ولما نزلت... واخترقت الزحام
اكتشفت انها...
(حماتي ام تغريد)
فا اسرعت ناحيتها
وحاولت اطمن عليها
واشوف جرالها ايه؟
لكن الناس بعدوني عنها
وقالوا انها خلاص ماتت
ولازم جثتها تتستر لغاية
ما تتنقل للمشرحة
مكنوش يعرفوا طبعا اني زوج ابنتها
وبالفعل ....
جابوا غطاء سيارة قديم
وغطوا الجثمان
وفي اللحظة دي
انا شكيت
ان المتصل يكون ليه يد في موتها
فا طلعت البيت بسرعة
عشان اشوف لو كان بعتلي رسايل تاني... ولا حاجة؟
وبعد شوية...
لقيت الموبيل بتاعي بيرن
ولما بصيت علي الرقم
الي بيرن
لقيتة هو نفسة المتصل
المجهول
فا رديت بسرعة
وقبل ما يتكلم اي كلمة
سالتة؟؟
قلت...انت الي قتلت ام تغريد؟
رد المتصل وهو بيضحك
وقالي... ايوه
اظن كده انت صدقت كل الي قولتهولك
وصدقت كمان اني اعرف طريقهم ؟
بعد ما استمعت لذلك المتصل المجنون
قلت..ينهارك اسود
يعني انت قتلت ام تغريد
عشان تثبتلي انك عارف مكانهم؟
رد الرجل المتصل
وقال...انا محبش حد يستهين بيا
ولا يتهمني بالكدب
وعشان انت كدبتني
انا قولت اثبتلك اني مش بعرف اكدب....
عشان متكررهاش تاني
جلست علي اقرب كرسي
وانا حاسس اني رجليا مش قادرة تشيلني
وسمعتة بيسالني
وقال...
ها؟ قولت اية؟
رديت بعد ما ابتلعت ريقي بصعوبة
وقلت ...
قولت ايه في ايه؟
قال...موافق تعمل معايا الاتفاق
ولا لسه بتكدبني؟
قلت...ممكن سؤال؟
قال..
اتفضل اسال
قلت..
لما القتل عندك سهل اوي كده؟
واديك لسه قاتل ام تغريد
حالا
يبقي ليه عايزيني انا اقتلهملك ؟
وليه متقتلتهمش انت؟
رد المتصل
وقال...عشان هما زوجاتك انت
وخانوك انت ....يا خروف
وانا عايزك تثأر لكرامتك يلي معندكش رجولة ولا دم
قلت...
اولا ...انا لو سمعت كلامك وقتلنهم (هاخد اعدام )
ودول اننين ستات خاينين
ميستهلوش اني اخد فيهم يوم واحد سجن
مش اعدام
رد المتصل
وقال...منتا لو مقتلتهمش
هتتعدم بردوا يا ناصح
قلت هتعدم ليه؟
رد المتصل
وقالي..
بص ع الوتس عندك
هتلاقي رسالة
لما تقرائها ...
هتعرف انت هتتعدم ليه؟
فتحت بسرعة الوتس
ولقيتة باعتلي رسالة
ومفروض ان الرسالة دي
مكتوبة ...بخط ( ام تغريد)
وعليها بصمة اصابعها
بتقول فيها...
اشهد واعترف انا سنية محمد ابراهيم
وشهرتي ام تغريد
بان الدكتور عمرو السيد حسن
زوج ابنتي تغريد
قد هددني اكتر من مرة
بالقتل
...
بسبب ...
اني كنت بتدخل في مشاكل بينة وبين تغريد ابنتي
حيث كان دائم الشجار معها
ودلوقتي... تغريد بنتي اختفت فجاءة...
وانا شاكة ان الدكتور عمرو يكون وراء اختفائها
لاني لما سالتة
عن مكان ابنتي..
و هددتة...
اانه لو مرجعش بنتي ...
هبلغ عنة البوليس
وعدني انه هيرجعها
وطلب مني مهلة ليرجعها لي
بس انا حاسة من ناحيتة
بنية الغدر
وعشان كده ....
لو جرالي حاجة...
فا انا( بتهم) الدكتور عمرو
زوج ابنتي تغريد
بانه هو الي قتلني...
وهو الي وراء اختفاء تغريد
بنتي كمان
ورسالتي دي
بمثابة بلاغ مني
ضد الدكتور عمرو السيد حسن
بعد ما قرات الرسالة
لقيتني بصرخ بصوت عالي
وبقولة...
انت لا يمكن تكون بني ادم
انت اكيد شيطان
ضحك المتصل
وقالي...
وانت لما اتحرشت ببسنت في الميكروباص
كنت ايه؟
ملاك؟
بعد ما استمعت لسؤالة
شكيت في امره
لانه عارف اسم البنت الي اتهمتني
بتهمة التحرش
وقلت لنفسي..
هو ازاي عرف اسمها؟
دنا نفسي مش فاكر اسمها
انا فاكر بس اول حرفين من اسمها
واسم ابوها
الي كانو بيرددوه في الاخبار
ب...ص
لان.. اسمها مكنش بيتقال عشان ميشهروش بيها
ومحدش يعرف اسمها بالكامل غير المحامين
وكام واحد يتعدوا علي الصوابع
اما انا ...
فا كنت في ايامها في حالة يرثي لها
لدرجة اني كنت ناسي اسمي انا شخصيا
و قلت لنقسي
اكيد هو الي دبر لكل الي حصل
وشكيت كمان انه يكون غرر بزوجاتي
وصورلهم فيديوهات
عشان يورطني في جريمة قتل
كا نوع من الانتقام
بس المشكلة دلوقتي انه ورطني معاه فعلا
بالورقة الي فيها اعتراف ام تغريد
ده غير الفيديوهات الي صورها لزوجاتي
وفضلت ساكت
بعد ما سالني سؤالة...
الي كشف عن شخصيتة
وبعد شوية
سالتة..
قلت...هو انت تقرب للبنت الي اتهمتني بالتحرش؟
في اللحظة دي
تجاهل سؤالي
ولقيتة بيقولي...
اسمع يا عمرو
بصرف النظر عن انا ابقي مين؟
انت دلوقتي مجبر انك تسمع كلامي..
.لانك لو منفذتش الي بقولك عليه
انا هقتل مراتك تغريد
فعلا
وهوصل رسالة حماتك للبوليس
وابقي اثبت بقي عكس كلامها
لما يقبضوا عليك
فكرت شوية..
ولقيتني فعلا خلاص اتورطت في جريمتين
١_ قتل حماتي
٢_واختفاء تغريد
الي مستبعدش انه هيقتلها هي كمان
ويتهمني في قتلها بردوا
فا قلت احاول اكسب
شوية وقت
واقولة... اني موافق علي قتل زوجاتي الاتنين
عشان اولا... اعرف مكانهم
وثانيا..لانه ممكن يتعجل ويقتلهم بنفسة
اهو اكسب شوية وقت...
لغاية ما اعرف طرقهم..وساعتها يحلها ميت حلال
وقررت اتبع الحيلة
ولقيتني بوافق فعلا
وبقولة...
انت قلت اني لو قتلتهم هتديني الفيديوهات ...
وهتساعدني كمان علي تجنب الفضيحة؟
رد المتصل المجهول
وقال...ايوه انا قلت كده فعلا
وانا لسه عند وعدي
قلت..خلاص اتفضل
قولي
هما فين واقدر اوصلهم ازاي
عشان اقتلهم؟
ضحك المتصل
وقالي..اهو انت كده بقيت حبيبي
وابتديت ارضي عنك
قلت...انجز وقول
علي مكانهم
عشان اخلص من الشبكة السودة دي
سكت المتصل شوية
وسالني
قال..
طيب انا ايه الي يضمنلي يا دكتور
انك مترجعش في كلامك
معايا؟
قلت...اوعدك بشرفي
ضحك المتصل مره اخري
وقالي..
لا... لا ...انا عايز دليل مادي
عشان اضمن انك هتقتلهم
قلت..وايه هو بقي الدليل المادي الي يرضي سيادتك؟
رد المتصل
وقال...اعتراف بصوتك انك قتلت زوجاتك الاتنين
واوعدك اني همسح الاعتراف بمجرد ما تقتلهم
قلت..لا طبعا مفيش الكلام ده
مش هسجل حاجة
انا اصلا مقتلتش حد
رد المتصل
وقال..تمام
انا هقتل تغريد حالا....
واوصل رسالة امها للبوليس
وهنشر الفيديوهات الي الناس كلها هتشوفها
وخد بالك ...
الفيدوهات دي مش هتجرسك وتخلي فضيحتك تريند بس..لا
دي كمان هتبقي دليل ادانة عليك
لان القضاء هيعتبرها دافع من دوافع الجريمة
وابقي اثبت انت بقي يا حلو انك ملكش علاقة بجريمة القتل
وفي اللحظة دي
اوحالي الراجل المعتوه ده
بموضوع تسجيل المكالمات
وفكرت اني اسجله المكالمة
عشان ممكن استخدم التسجيل دا
كا دليل براءة ليا ....
من اتهاماتة دي كلها
فا شغلت التسجيل وقلت اخده علي اد عقلة
لغاية ما استدرجة
وحاولت اخلية يتكلم علي اد مقدر
وسالتة
وقلتله..يعني انت عايزني اسجلك بصوتي
اعتراف اني قتلت زوجاتي
الاتنين
عشان يبقي دليل ضدي
بعد كده
لو مقبلتش اني اقتل
فا انت تقدم التسجيل الصوتي دليل ضدي
رد المتصل
وقال..انا مش هرد عليك غير لما تنفذ الي طلبتة منك
قلت..ايوه.... يعني عايزني اقول ايه في التسجيل الصوتي ده؟
وانتظرتة يرد عليا
لكن لقيتة ..
بعتلي رسالة ع الوتس
فيها نص بالاعتراف الي مفروض اعترفة علي نفسي
فا قلت..ومالة هعمل الي هو عايزة
عشان يطمنلي ...
و اقدر اسجلة انا كمان
المهم ..سجلت الاعتراف الي كان مكتوب
وطبعا الكلام الي كان كاتبة
كان عبارة عن....
اعتراف مني اني قتلت زوجاتي الاتنين
وحاولت استدرجة بعدها عشان اسجلة
فسالتة..
قلت..اظن كدة انت اطمنت
ومعاك دليل ياكدلك اني هقتلهم فعلا
ممكن بقي تتكلم وتقولي
انت مين و بتعمل معايا كل ده ليه؟
رد المتصل
وقالي...
انا محمود اخو بسنت
الي اتحرشت بيها
واديني دلوقتي بدفعك الثمن
عشان انتقم لاختي
الي انت اتسببتلها في عقدة من الرجالة
طول عمرها يا حيوان
وسالتة
قلت..بس انت هتستفاد ايه لما انا اقتل زوجاتي؟
رد محمود
وقال...ابوظ حياتك
قلت ..ليه؟
رد الرجل بغضب
وقال...
امال عايز تتحرش باختي الي بقت سيرتها علي كل لسان واسيبك
لازم ابوظلك حياتك زي ما بوظتلها حياتها
بعد ما سجلتلة المكالمة
الي بيعترف علي نفسة فيها بانة محتجز زوجاتي ...
و ينتقم مني بسبب بسنت اختة
قررت اني ابلغ عنة بمجرد ما انهي مكالمتي معاه
وطبعا كان لازم
اجارية في الكلام...
وطلبت منه يعرفني مكان زوجاتي
لكن قبل ما يقولي مكانهم
الخط فصل
وحاولت اتصل بيه تاني
لقيت تليفونة اتقفل
فا قررت اني اخرج دلوقتي
حالا
وابلغ البوليس قبل ما يقتل زوجاتي
واتوجهت لغرفتي عشان البس
لكن اثناء كنت داخل لغرفتي
سمعت صوت باب شقتي
بيتفتح
وافتكرت واحده منهم رجعت
لكن لما بصيت كويس
لقيت ايناس وامي هما الي
كانوا بيفتحوا الباب
ووقفت امي تبصلي بلوم
وهي بتقولي..
ابوك تعبان اوي يا عمرو
وكلمناك اكتر من مره
عشان تيجي تكشف عليه
لكن انت مش بترد علينا
بصيتلها وانا شارد الذهن
وقلت..معلش يا امي
انا مشغول شوية اليومين دول
ردت امي بحزن
وقالت...
عموما خلاص احنا طلبناله دكتور
بس كنا عايزينك تروحلة عشان طلب انه يشوفك
اعتذرت لامي
ووعدتها اني هبقي اشوف ابويا لما ارجع
و اتعللت باني مستعجل
وسيبتهم عشان البس
وبعد ما لبست بسرعة
خرجت بعدها من الغرفة
واخدت الموبيل والمفاتيح من علي التربيزة الي في الصالة
ونزلت بسرعة من البيت
واثناء ما كنت نازل مستعجل
اصطدمت علي السلم براجل اول مره كنت اشوفة
وكانت الصدمة قوية
لدرجة ان الموبيل بتاعي... والموبيل بتاع الراجل...
مع المفاتيح وقعوا
علي الارض
ولقيت الراجل بيجيب الموبيلات والمفاتيح من الارض وهو بيعتذر
وبيقولي...
معلش انا مكنتش اقصد اصطدم بيك
انت الي كنت نازل تجري بسرعة
لم التفت لكلام الرجل...
وبصيت علي ايده الي كانت ممدودة ليا بالموبيل
ولقيتني باخد منه الموبيل وانا بقوله ....
ولا يهمك
طبعا انا مكنش عندي وقت اسالة
واقولة انت مين
لان كنت مستعجل
وبعدين انا قلت لنفسي
...تلاقيه الدكتور الي كان جاي يكشف علي ابويا
المهم ..بعدما اخدت من ايده الموبيل والمفاتيح
جريت بسرعة عشان ابلغ البوليس
لكن لما وصلت عند قسم الشرطة
توقفت شوية
وفضلت ارتب افكاري
عشان اشوف هقولهم ايه في قسم الشرطة
وفي اللحظة دي...
فكرت اتصل بالاستاذ غريب المحامي
عشان يجي معايا وانا ببلغ البوليس
ومسكت الموبيل عشان افتحة
لكن...
وانا بحاول افتح الموبيل
اتفاجئت
انه مش الموبيل بتاعي
وساعتها عرفت ان الموبيل اتغلط
في موبيل الدكتور
الي قابلني علي السلم
فا حاولت افتح الموبيل
واتصل باخر رقم هو
كلمة منه
عشان اقدر اوصل للدكتور
واخد منه تليفوني
لكن معرفتش افتح الموبيل
عشان كان مقفول برقم سري
فا رجعت بسرعة علي البيت عشان الحق الدكتور
قبل ما يتزل من عندنا
وبالفعل طلعت علي شقة ابويا ودخلت غرفتة...
لكن ملقتش الدكتور
فسالت امي عنة
فا قالتلي
الدكتور علي وصول
قلت..هو مين الي علي وصول
يا امي دا انا لسة مقابلة
وانا نازل من شوية
استعجبت امي من كلامي
ولقيتها بتقولي
بقولك ..الدكتور لسة مجاش
احنا اتصلنا بيه لكن
لسه مجاش
استعجبت من الي حصل
وبسرعة اخدت موبيل امي
واتصلت علي موبيلي
عشان اقول للراجل يرجع يبدل الموبيلات..
لكن لقيت موبيلي اتقفل
وكان الحل الوحيد عشان اوصل لصاحب الموبيل
ان هو يكتشف اختفاء الموبيل بتاعة..
فا يجي بنفسة هنا تاني
ويرجعلي موبيلي....
وياخد موبيلة
وفضلت منتظر فترة انه يجي
لكن مجاش
ولا اتصل علي موبيلي
من رقم غريب
وفي اللحظة دي...
اخدت الموبيل وروحت لواحد
بيعرف يفتح الباسورد
بتاع الموبيلات
لان كان لازم افتح الموبيل
و اشوف الموبيل ده بتاع مين؟
المهم سيبت الموبيل للراجل بتاع الموبيلات ...
عشان ...يفتحة
وروحت علي بيتنا
واخدت موبيل امي واتصلت علي المحامي
عشان اقولة علي حوار محمود اخو بسنت
واشوف هيقولي اعمل ايه بالظبط
المهم...
بعد السلامات والتحيات
سالتة
وقلتلة..فاكر يا استاذ غريب
محمود اخو بسنت؟
رد الاستاذ غريب باندهاش
وقالي..مين محمود؟
ومين بسنت؟
قلت..بسنت يا استاذ غريب
بتاعة قضية التحرش
الي انت كنت بتترافع عني فيها
ااخوها محمود حب ينتقملها واستدرجني لغاية ما...
وقبل ما اكمل كلامي
لقيت استاذ غريب بيستوقفني في الكلام
وبيقولي..
استني بس يا دكتور
لان واضح.... ان في سؤ فهم في الموضوع
قلت سؤ فهم ايه؟
رد استاذ غريب المحامي
وقال..
اولا ....
البنت الي اتهمتك بالتحرش مسمهاش بسنت
قلت..امال اسمها ايه؟
قال..اسمها بسمه
قلت..يمكن اخوها محمود
بينادي عليها بسمة بدل بسنت كا اختصار للاسم؟
رد استاذ غريب
وقالي...
اخوها مين ومحمود مين؟
بسمة الي كانت بتتهمك بنت وحيدة
و ملهاش اخوات رجالة اصلا
قلت..معقولة؟
وسرحت في الكلام الي كان المتصل.. بيكدب عليا بيه
ولقيتني بقول لنفسي
انا ازاي صدقتة كده بسرعة؟
ولقيتني بقول بصوت مسموع
انا ازاي انا مكنتش
اعرف اي معلومات عن البنت الي اتهمتني؟
اقترب مني الاستاذ غريب
ورتب علي كتفي
وقال ...انت ايام المحنة
دي
كنت في دنيا تانية
ومكنتش مركز في اي حاجة
و بصراحة ....كان الله في عونك
واثناء ما كنت شارد بذهني
سالني استاذ غريب
قال..مين بقي محمود وايه حوار بسنت دي؟
قلت..لا ده موضوع كده
هبقي اقولك عليه بعدين
وقفلت السكة مع المحامي
وفضلت افكر مع نفسي
ايه الي بيحصل ده
انا بحلم ولا دي حقيقة
اكيد انا في كابوس
ولما قعدت اركز في الي حصل
بدات اشك ...
ان يكون الشخص الي خبط فيا من شوية...
هو نفسة الشخص
الي كان بيكلمني في الموبيل
ينهار اسود
لو كان هو فعلا؟؟؟
دي تبقي مصيبة
لانه بكده يبقي قاصد انه ياخد موبيلي
لانه شك اني سجلتلة
ومعني كده
ان الدليل الوحيد الي كان بيدين الشخص ده خلاص راح
وهو دلوقتي اخد اعتراف
صوتي مني
اني قتلت زوجاتي الاتنين
ده غير الاعتراف بتاع ام تغريد
الي بتتهمني فيه اني قتلتها هي وبنتها
يعني هو معاه اكتر من دليل
يثبت ادانتي
وانا مش معايا ولا
دليل واحد
ومعني كده
اني هنفذ الي طلبة مني
ولقيتني مش مصدق الي بيحصلي
وحاولت اوهم نفسي ان كل ده كان كابوس
ايوه ياريت يكون حلم واصحي منه
ولقيتني بقول لنفسى
لا مكنش حلم
بدليل الموبيل الي اتبدل مع الدكتور
الموبيل موجود فعلا عند محل الموبيلات
يعني حقيقة مش حلم
وفي اللحظة دي
افتكرت الموبيل
وقلت...اه صحيح انا ازي ناسي الموبيل
الموبيل ده لو اتفتح
انا اكيد هلاقي فيه حاجة توصلني لاي معلومة
عن ... صاحب الموبيل
وبسرعة خرجت وروحت لمحل الموبيلا
ولحسن الحظ
اني لقيت صاحب المحل
بيقولي ...
الموبيل اتفتح
اخدت الموبيل من ايد صاحب المحل
وانا بقول.... الحمد لله
وفي ول ما فتحت الموبيل
فضلت اتصفحة
بس للاسف...
ملقتش حاجة تعرفني بصاحب الموبيل
لكن بمجرد ما دخلت علي الاستوديوا بتاع الصور
اتصدمت صدمة العمر
لاني تقريبا عرفت صاحب الموبيل
عارفين الموبيل طلع بتاع مين؟؟؟؟..........
لو عايز باقي احداث الرواية
ضع عشر ملصقات مع متابعة صفحتي الشخصية
مع تحياتي
الكاتبة
حنان حسن
تعليقات
إرسال تعليق