 |
#اسكريبت كامل
_ مناخيره كبيرة.
_ نعم ؟!
_ ودانه قد الطاسة.
_ رفضتيه عشان كده؟!
_ يا ماما ده مش بيحب الشاي باللبن، إنتى متخيلة.
_ أمان!
_ بصراحة كده وبدون أي مقدمات وعشان تكونى عارفة .........
_ عايزة سبب مقنع يا أمان.
_ ناولينى بس الجاتوه ده كده.
_ إتنهدت، خدى يا أخرة صبري.
_ إتنهدت، بصي بصراحة ده بيلبس شراب طويل، مش ال مرسوم عليه كرتون.
_ صوتها على ، ما هو مش كل عريس تقعدى تطلعى فيه القطط الفاطسة كده.
_ حاولت أدارى ضحكتى، يا ماما ده كأنه بيقدم على شغل وبيقولى cv بتاعه ده رسمي خالص.
_ الراجل محترم وكل ناس شهدت بكده.
_ إتوترت، مناخيره كبيرة وأنا لا يمكن أتجوز واحد مناخيره كبيرة.
_ هاه عملتى إيه ؟
_ هى مسلطاكى عليا عشان تعرفى صح ياسلوى؟
_ إنتى ... لا طبعا.
_ ضيقت عينى، طيب ي كدابة.
_ ما هو يا أمان مش كل عريس، أمك زهقت منك.
_ أنا قولت لقيانى على باب جامع مش مصدقانى.
_ رفضتيه ليه بصراحة؟
_ بص يا حاج إسماعيل ...
_ أمان!
_ خلاص يا سلوى هو أنا كل ما أهزر مع حد يقولى أمان.
_ زعقت، إحكى إخلصي.
_ بصراحة أنا مش هتجوز بالطريقة دى.
_ طريقة إيه!
_ الطريقة ال ماما وأم العريس إتفقوا والمفروض إنه يجى وهو يقرر إذا كان عجبته وله لا!
_ وبعدين؟
_ وحياتك ما ناقصة تريقة، ده كل ال يهمه بتعرفى تطبخى أصناف قد إيه، ده همه على الأكل.
_......
_ متبصيش كده، العريس مناسب جدا ، بس مش ليا، عجبك إنتى إتجوزيه.
_ .....
_ دلوقتى سكتى، أقولك سكتى ليه عشان بتحبى محمد جاركوا ال بتابعيه كل يوم وهو راجع من الشغل، وبتتعلمى الأكل من دلوقتى عشانه، ده إنتى يا بنتى بقيتى بتهتمى بيه أكتر من نفسك ده كله ليه، عشان بتحبيه، وأنا كمان عايزة أتجوز حد بحبه ي سلوى.
هو فيه جواز بدون حب؟
الجواز أكبر من إنه طرفين، الجواز رابط روحى.
ينفع أحكى لحد مخاوفى وأنا مش بحبه!
طيب هتطمن معاه إزاى!
يعنى ينفع أعمل الأكل لحد مش بحبه؟
أكيد هيبقى طعمه وحش لإن مفيش حب وله حنية؟
يعنى هو ينفع أحضن حد مش بحبه؟
ينفع؟ أكيد لا
_فركشتك صح؟!
_ إنتى عرفتى؟
_ الشلة كلها عرفت.
_ إسمها فركشت.
_ لا بس الطموح حلو، أول ما واحد جه أحلى منك البت ما صدقت وقامت مفركشاك.
_ هو أحلى منى!
_ هو الواد قمر مفيش كلام.
_ يعنى أنا وحش!
_ رفعت إيدي ، مين ده ال وحش ده انت قمر.
شديت كرسي وقعدت قصاده
_ بص مش هتريق عليك خالص.
_ فركوشة، عرفت إنها سابتك يا فركوشة.
_ بص بغضب وضرب التربيزة بإيده، أمان والله إن ما بطلتى تستفزينى لأكون قايم من هنا.
_ حطيت إيدى على وشي، لا خلاص سكت.
حط إيده على شعره، وفضل يهز رجله بعنف معنى كده إنه مضايق وجدا كمان.
_ شاي بالنعناع!
_نعم؟!
_ قهوة!
_ هو فيه إي؟!
_ يبقى شاي باللبن ومفيش كلام بعده.
_ أمان.
_ إيه يا زين عايزة أشرب شاي باللبن.
_ شاي باللبن وأنا .....
_ وأنا فركوشة كمل بالله ، ضحكت لدرجة الناس بصت علينا.
_ أمان!
_ خلاص والله خلاص.
فضلنا ساكتين أنا كنت عايزة أضحكه عشان ميزعلش.
زين مش بس ابن خالتى يمكن واخد أكتر من دور فى حياتى، تقريبا مش هعرف أسمى علاقتنا يإيه!
مزيج لطيف.
مزيج حلو بين إن يكون صاحبك هو نفسه شخصك المفضل.
.
_ نفخت من كتر الزهق من السكوت ... طيب يعنى إنت زعلان عشان سارة فركشتك وله عشان راحت لكريم وسابتك إنت؟!
_ بص بغضب ... بقولك متقوليش سابتك دى تانى .
_ خلاص إنت ال سيبتها حلو كده!
_ أمان!
_ مش إنت ال قولت ي زين.
_ إتكلم بقلة حيلة ... هو يعنى أنا فيا إيه عشان تسبنى!
_ هو لازم تكون أنت ال وحش، ليه متقولش إن هى ال مش تستاهل.
_ إنتى عشان بتحبينى بتقولى كده.
_ لا خالص.
_ لا إيه مش بتحبيى!
_ لا طبعا بحب ..... إيه يا بنى بطل بقا، أقصد إنك كويس.
_ أنا زعلان يا أمان.
_ زعلان وأنا هنا طيب يرضيك الناس تاكل وشي والله.
_ ضحك، والله لأوريها سارة.
_ هتعمل إيه يعنى؟
_ لازم أضايقها زى ما هى ضايقتنى.
_ أقولك جاتلى فكرة.
_ قولى.
_ حطيت رجل على رجل، هتعلمنى بلايستشين؟
_ إستغلالية.
_ هنغلط وله إيه؟
_ لا يا ستى هعلمك بس قولى.
_ بص يا سيدي ........
_ يا أمان ما هو مفيش غيرك.
_ والله ما يحصل، أنا إيه ال خلانى أقولك على الفكره دى بس
_ والله هى دى الطريقة الوحيدة ال نضايق سارة بيها، وكمان تخلصي من موضوع العرسان ال بترفضيهم دول.
_ إنت عرفت إنت كمان.
_ أمك حكت لأمى الموضوع ده سبع مرات دى كانت هتعيط عشانك يا بنتى.
_ فتحت باب العربية وقعدت جنبه، ضايقها بعيد عنى، والعرسان أنا بطفشهم بمعرفتى.
_ حط إيده على إيدى، عشان خاطرى.
_بصيت ليه، وإنت فاكر إن لما تبصلى كده هحن وأوافق.
_ هز رأسه بمعنى أيوة.
_ يبقى عندك حق.
_ ضحك، والله أحلى بنت خالة.
_ خطيبتك يا أستاذ بعد كده.
_ إيه ده هو أنا خطبتك إمتى؟
_ يا بنى مش دى الخطة.
_ آه آه إفتكرت.
_ هما تلات شهور والموضوع ده يتفركش.
_ شهرين وحياتك أنا يعنى ال هستحملك.
_ زين!
_ عيونه، بهزر يا بنتى ده إنتى أخويا.
_ضحكت، على الله حكايتنا يا زين.
_ إتخطبتى لزين بجد!
_ أومال بهزار.
_ أمان.
_ إيه أمان دى بقولك أنا بحبه وهو بيحبنى.
_ إنتى وزين طيب إزاى؟!, زين بيحبك إزاى؟
_ إزاى يعنى إيه؟
_ يعنى عمرى ما لاحظت ده، أقصد يعنى عمرى ما شوفته مهتم بيكى أو كده كان بيحب أقصد كان هو وسارة يعنى ....
_ خلاص ي سلوى إقفلى دلوقتى وهبقى أكلمك تانى.
قفلت معاها وأنا مضايقة، مضايقة إن كل ال حواليا إستغربوا خطوبتى أنا وزين باين إنها خدعة جدا، إن الشاب ال كان مرتبط بأحلى واحده فى الشلة خطب بنت خالته ال كان بيعتبرها صاحبه.
_ حاولى تبينى إنك بتحبينى قدامها.
_خلاص يا زين سيبنى أقفل بقا و ثق فيا.
_ بيلوزة خالتو ال بتلبسيها دى مفيش ثقة.
_طيب والله دى بتاعتى بس هى بس عايزة تتظبط.
_ تتظبط؟!
_ آه والله.
_ طيب بصي حاولى تقولى كلام حلو يعنى تقولى حبيبى.
_ ده عشان إيه!
_ عشان خاطرى.
_ زين مع السلامة نتقابل هناك.
بصيت فى المراية، أكيد مش هغير نفسي عشان أثبت إنى حلوة أنا حلوة بس ده شايفنى أخوه، طيب يا زين.
" 💙
_ أمنية إبراهيم_ مناخيره كبيرة.
_ نعم ؟!
_ ودانه قد الطاسة.
_ رفضتيه عشان كده؟!
_ يا ماما ده مش بيحب الشاي باللبن، إنتى متخيلة.
_ أمان!
_ بصراحة كده وبدون أي مقدمات وعشان تكونى عارفة .........
_ عايزة سبب مقنع يا أمان.
_ ناولينى بس الجاتوه ده كده.
_ إتنهدت، خدى يا أخرة صبري.
_ إتنهدت، بصي بصراحة ده بيلبس شراب طويل، مش ال مرسوم عليه كرتون.
_ صوتها على ، ما هو مش كل عريس تقعدى تطلعى فيه القطط الفاطسة كده.
_ حاولت أدارى ضحكتى، يا ماما ده كأنه بيقدم على شغل وبيقولى cv بتاعه ده رسمي خالص.
_ الراجل محترم وكل ناس شهدت بكده.
_ إتوترت، مناخيره كبيرة وأنا لا يمكن أتجوز واحد مناخيره كبيرة.
_ هاه عملتى إيه ؟
_ هى مسلطاكى عليا عشان تعرفى صح ياسلوى؟
_ إنتى ... لا طبعا.
_ ضيقت عينى، طيب ي كدابة.
_ ما هو يا أمان مش كل عريس، أمك زهقت منك.
_ أنا قولت لقيانى على باب جامع مش مصدقانى.
_ رفضتيه ليه بصراحة؟
_ بص يا حاج إسماعيل ...
_ أمان!
_ خلاص يا سلوى هو أنا كل ما أهزر مع حد يقولى أمان.
_ زعقت، إحكى إخلصي.
_ بصراحة أنا مش هتجوز بالطريقة دى.
_ طريقة إيه!
_ الطريقة ال ماما وأم العريس إتفقوا والمفروض إنه يجى وهو يقرر إذا كان عجبته وله لا!
_ وبعدين؟
_ وحياتك ما ناقصة تريقة، ده كل ال يهمه بتعرفى تطبخى أصناف قد إيه، ده همه على الأكل.
_......
_ متبصيش كده، العريس مناسب جدا ، بس مش ليا، عجبك إنتى إتجوزيه.
_ .....
_ دلوقتى سكتى، أقولك سكتى ليه عشان بتحبى محمد جاركوا ال بتابعيه كل يوم وهو راجع من الشغل، وبتتعلمى الأكل من دلوقتى عشانه، ده إنتى يا بنتى بقيتى بتهتمى بيه أكتر من نفسك ده كله ليه، عشان بتحبيه، وأنا كمان عايزة أتجوز حد بحبه ي سلوى.
هو فيه جواز بدون حب؟
الجواز أكبر من إنه طرفين، الجواز رابط روحى.
ينفع أحكى لحد مخاوفى وأنا مش بحبه!
طيب هتطمن معاه إزاى!
يعنى ينفع أعمل الأكل لحد مش بحبه؟
أكيد هيبقى طعمه وحش لإن مفيش حب وله حنية؟
يعنى هو ينفع أحضن حد مش بحبه؟
ينفع؟ أكيد لا
_فركشتك صح؟!
_ إنتى عرفتى؟
_ الشلة كلها عرفت.
_ إسمها فركشت.
_ لا بس الطموح حلو، أول ما واحد جه أحلى منك البت ما صدقت وقامت مفركشاك.
_ هو أحلى منى!
_ هو الواد قمر مفيش كلام.
_ يعنى أنا وحش!
_ رفعت إيدي ، مين ده ال وحش ده انت قمر.
شديت كرسي وقعدت قصاده
_ بص مش هتريق عليك خالص.
_ فركوشة، عرفت إنها سابتك يا فركوشة.
_ بص بغضب وضرب التربيزة بإيده، أمان والله إن ما بطلتى تستفزينى لأكون قايم من هنا.
_ حطيت إيدى على وشي، لا خلاص سكت.
حط إيده على شعره، وفضل يهز رجله بعنف معنى كده إنه مضايق وجدا كمان.
_ شاي بالنعناع!
_نعم؟!
_ قهوة!
_ هو فيه إي؟!
_ يبقى شاي باللبن ومفيش كلام بعده.
_ أمان.
_ إيه يا زين عايزة أشرب شاي باللبن.
_ شاي باللبن وأنا .....
_ وأنا فركوشة كمل بالله ، ضحكت لدرجة الناس بصت علينا.
_ أمان!
_ خلاص والله خلاص.
فضلنا ساكتين أنا كنت عايزة أضحكه عشان ميزعلش.
زين مش بس ابن خالتى يمكن واخد أكتر من دور فى حياتى، تقريبا مش هعرف أسمى علاقتنا يإيه!
مزيج لطيف.
مزيج حلو بين إن يكون صاحبك هو نفسه شخصك المفضل.
.
_ نفخت من كتر الزهق من السكوت ... طيب يعنى إنت زعلان عشان سارة فركشتك وله عشان راحت لكريم وسابتك إنت؟!
_ بص بغضب ... بقولك متقوليش سابتك دى تانى .
_ خلاص إنت ال سيبتها حلو كده!
_ أمان!
_ مش إنت ال قولت ي زين.
_ إتكلم بقلة حيلة ... هو يعنى أنا فيا إيه عشان تسبنى!
_ هو لازم تكون أنت ال وحش، ليه متقولش إن هى ال مش تستاهل.
_ إنتى عشان بتحبينى بتقولى كده.
_ لا خالص.
_ لا إيه مش بتحبيى!
_ لا طبعا بحب ..... إيه يا بنى بطل بقا، أقصد إنك كويس.
_ أنا زعلان يا أمان.
_ زعلان وأنا هنا طيب يرضيك الناس تاكل وشي والله.
_ ضحك، والله لأوريها سارة.
_ هتعمل إيه يعنى؟
_ لازم أضايقها زى ما هى ضايقتنى.
_ أقولك جاتلى فكرة.
_ قولى.
_ حطيت رجل على رجل، هتعلمنى بلايستشين؟
_ إستغلالية.
_ هنغلط وله إيه؟
_ لا يا ستى هعلمك بس قولى.
_ بص يا سيدي ........
_ يا أمان ما هو مفيش غيرك.
_ والله ما يحصل، أنا إيه ال خلانى أقولك على الفكرة دى بس.
_ والله هى دى الطريقة الوحيدة ال نضايق سارة بيها، وكمان تخلصي من موضوع العرسان ال بترفضيهم دول.
_ إنت عرفت إنت كمان.
_ أمك حكت لأمى الموضوع ده سبع مرات دى كانت هتعيط عشانك يا بنتى.
_ فتحت باب العربية وقعدت جنبه، ضايقها بعيد عنى، والعرسان أنا بطفشهم بمعرفتى.
_ حط إيده على إيدى، عشان خاطرى.
_بصيت ليه، وإنت فاكر إن لما تبصلى كده هحن وأوافق.
_ هز رأسه بمعنى أيوة.
_ يبقى عندك حق.
_ ضحك، والله أحلى بنت خالة.
_ خطيبتك يا أستاذ بعد كده.
_ إيه ده هو أنا خطبتك إمتى؟
_ يا بنى مش دى الخطة.
_ آه آه إفتكرت.
_ هما تلات شهور والموضوع ده يتفركش.
_ شهرين وحياتك أنا يعنى ال هستحملك.
_ زين!
_ عيونه، بهزر يا بنتى ده إنتى أخويا.
_ضحكت، على الله حكايتنا يا زين.
_ إتخطبتى لزين بجد!
_ أومال بهزار.
_ أمان.
_ إيه أمان دى بقولك أنا بحبه وهو بيحبنى.
_ إنتى وزين طيب إزاى؟!, زين بيحبك إزاى؟
_ إزاى يعنى إيه؟
_ يعنى عمرى ما لاحظت ده، أقصد يعنى عمرى ما شوفته مهتم بيكى أو كده كان بيحب أقصد كان هو وسارة يعنى ....
_ خلاص ي سلوى إقفلى دلوقتى وهبقى أكلمك تانى.
قفلت معاها وأنا مضايقة، مضايقة إن كل ال حواليا إستغربوا خطوبتى أنا وزين باين إنها خدعة جدا، إن الشاب ال كان مرتبط بأحلى واحده فى الشلة خطب بنت خالته ال كان بيعتبرها صاحبه.
_ حاولى تبينى إنك بتحبينى قدامها.
_خلاص يا زين سيبنى أقفل بقا و ثق فيا.
_ بيلوزة خالتو ال بتلبسيها دى مفيش ثقة.
_طيب والله دى بتاعتى بس هى بس عايزة تتظبط.
_ تتظبط؟!
_ آه والله.
_ طيب بصي حاولى تقولى كلام حلو يعنى تقولى حبيبى.
_ ده عشان إيه!
_ عشان خاطرى.
_ زين مع السلامة نتقابل هناك.
بصيت فى المراية، أكيد مش هغير نفسي عشان أثبت إنى حلوة أنا حلوة بس ده شايفنى أخوه، طيب يا زين.
لبست دريس أبيض فيه ورود صغيرة لونها بنفسج وسيبت شعرى مفرود ولبست جزمة بيضة، ونزلت عشان أروح الكافيه ال المفروض سارة وخطيبها هيبقوا هناك فيه.
_ إتأخرت عليك يا حبيبي؟
_ .....
_ باصص كده ليه يخربيتك هتفضحنا.
_ حط إيده على عيونه، هو نفس الصوت بس مين القمر ده!
_ والله أضربك قلم يفوقك يا زين.
_ هو إنتى أمان بجد؟
_ دوست على رجله، هتودينا فى داهيةشدلى كرسي عشان أقعد وبين إنك بتحبنى يا غبى.
_ شد كرسى، غبى يبقى أمان بس قمر يخربيتك.
_ حبيبي عيونك الحلوين بس.
_ مسك إيدى، قولى حبيبي تانى والنبى.
_ كده هيبقى دلع أوڤر.
_ ضحك وميل عليا، عندك حق إنتى شكلك حافظة.
_ إيه يا أمان القمر ده، شكل الخطوبة بتحلى خالص.
_ مسكت إيد زين، تسلم يا كريم، بس تقصد الحب، أصل الحب بيحلى الملامح.
جملة طلعت بتلقائية منى بصيت لزين لاحظت أنه ضغطت على أيدى وإبتسم.
هو ممكن يكون بينك وبين مكمل روحك بس خطوتين؟!
أو كلمتين؟!
يمكن نظرة تكفى تقولك إنى بحبك!
_ كانت بتبص ليك يا زين، هتكذبنى؟
_ خنافة تانى!
_ ورابع وعاشر طول ما أنت بتخونى.
_ يا بنتى أخونك إيه، هى بصت وأنا والله ما كنت شايفها أصلا.
_ آه وأخر بوست ليك.
_ ماله؟
_ فيه واحدة عاملة ليك لاڤ.
_ لا والله!
_آه ولو فتشت وعرفت إنك تعرفها قسما بالله يا زين لأكون ساييالك البيت.
_ آه ده إنتى حافظة بقا مش فاهمة.
_ ضحك وقعد وهو بيتنهد، مامتك مشيت.
_ إتنهدت وقعدت على الكرسي ال ورايا
_ بس كنتى فى النكد هايلة يا بت يا أمان.
_ يا بنى إتهد لماما تسمعنا.
_ لا بس براڤو عليكى، بس عرفتى منين البنت ال عاملة لاڤ.
_ إتوترت، أعملك شاي هعملك هعملك.
هو أول الحب غيرة!
وله بنغير فنكتشف إننا أصلا بنحب.
مشاعر لطيفة بدأت تبقى جوايا من ناحية زين، ببقى حاسة إن كل كلمة بقولها بتبقى فعلا حقيقة، هو ممكن أكون بحبه بجد، يعنى ممكن أكون كنت بتونس بيه عشان بحبه، كنت بحب أحكيله عشان بحبه، بدأت أحفظ تفاصيله من غير قصد، بقيت مملة فى عد الحاجات ال بيحبها.
_ ترقصي يا أمان.
كنا فى حفلة وزين إستأذن من ماما عشان نروح سوا، بصيت لزين ورجعت بصيت لكريم ال واقف قصاد التربيزة
_ مسك إيدى وهو بيشدنى، أمان مش بتعرف ترقص.
_ كان لسه بدرى على المرواح يا زين.
_ ......
_ وعلى فكره أنا بعرف أرقص وحلو كمان.
_ وقف وضغط على أيدى وعلى صوته، وإنتى كنتى عايزانى أسيبه يحط إيده عليكى وترقصى وياه، وشعرك ده يتلم ومتخرجيش بيه كده تانى.
_ يا زين أنا بكلمك فى إيه وإنت بتقول إيه.
_ يتلم يا أمان وإيه الفستان ال لركبتك ده، إنتى مشوفتيش كريم كان بيبص عليكى إزاى ده كان ناقص يقوم يحضنك.
مردتش عليه وقعدنا على الرصيف، يمكن لإن كل واحد بقى مكشوف بالنسبة للتانى.
_ ونس.
_ إيه!
_ كانت ماما دايما تسألنى بترفضي ليه! ببقى عايزة أقولها إنى مش لاقية فيهم ونسي.
_ كنت بتحبها.
_ كنت فاكر.
_ مش فاهمة.
_ كنت دايما بحس إنك طفلة، مشافتش من بشاعة العالم حاجة، مطلعتيش بس طفلة طلعتى طفلة مختلفة ملكيش شبه، نقاءك ملقتهوش يا أمان، كنت فاكر إنى بحبها لكن إكتشفت إنى كنت بدور عليكى فيها،وإكتشفت إنى بحبك.
_ إكتشفت إنك إي؟!
_ إنى بحبك.
_ بتلبس شراب مرسوم عليه كرتون.
_ مارد وشوشنى.
_ حلو بحبه.
_ وبحب الشاي باللبن.
_ قرة عيني.
_ ومناخيري صغيرة.
_ حتى لو كبيرة، أنا بحبك.
" قلبى ال شايفك مش عنيا"
_ يالهوووووووي.
_ خلاص والله قربنا نوصل، إستحملى شوية.
_ منك لله إنت السبب.
_ طيب حاضر.
_ إنت بتاخدنى على قد عقلي، طلقنى يا زين بقولك طلقنى.
_ تولدى بس وهطلقك حاضر.
_ هتاخدنى لحم وترمينى عضم.
_ عضم إيه يخربيك هو إحنا عند الجزار.
_ هو أنا مش كنت قولتلك من أسبوع هات نص كيلو لحمة وإنت جاي ونسيت.
_ إنتى لسه فاكرة يا أمان.
_ آااااااااااه، منك لله يا زين.
_ بطلى خناق كده هتتعبى أكتر ، خمس دقايق ونوصل المستشفى إهدى كده.
_ إنت بتزعق!
_ لا والله.
_ إنت معنتش بتحبنى على فكرة.
_ والله يا ستى بحبك.
_ قول بحبك كمان مرة.
_ بحبك.
_ وأنا كمان، آاااااه منك لله يا زين.
" يا عزيز قلبى، أبلغ قلبك السلام حتى ألقاه" 💙
_ أمنية إبراهيم
تعليقات
إرسال تعليق