 |
حنــــــــــــــــــــــان
الجزء الخامس
داخل المقام دخلت نساء كثيره الكل بيبحث عن الغريب اللي دخل مقام الشيخه اصوات غاضبة بتحرك ناحية حنان وأدهم اللي قاعد مرعوب ومش عارف اللي داخلين دول انس ولا جن
صرخت واحده من اللي داخلين المقام
-ورا مقام الشيخه تعالو هنا بسرعه
اندفاع شديد وعيون غضبانه جريت ناحية حنان وأدهم اللي مستخبيين ورا قماش المقام وادهم بيقول بصوت مسموع ايه المصايب دي كلها انا كانت حياتي طبيعيه ايه اللي خلاها تظهر في حياتي ياريتني ماوديتها المستشفي ياريتني ما مشيت من الطريق اللي كانت مقتوله عليه ياريتني ماخرجت من البيت اساسا
قرب جيش من الستات الغاضبه ورفعو قماش المقام وأدهم مغطي راسه بايديه بصت اول ست فيهم لحنان ورجعت لورا وهي بتقول
-دي ستنا الشيخه بركاااتك سامحينا
الستات كلها بعد اما كان الغضب ماليهم رجعو لورا وكلهم رهبه واندهاش في نفس الوقت وبدأت الستات واحده ورا واحده يرجعو لورا
أدهم مستغرب ومن كتر اندهاشه سأل حنان بصوت عالي
-انتي شيخه ولا عفريت ولا جن هما خافو منك كده ليه وكمان بيقولولك ياشيخه انتي ايه بالظبط فهميني
حنان: اششششش اسكت خالص واتحرك برا عشان نمشي
أدهم : هانمشي ازاي وكلهم باصين عليكي وبيقولو الشيخه
حنان : هما مش شايفينا اصلا هما شايفين صاحبة المقام وهي اللي بتشاورلهم يرجعو لورا دول خدام المقام اتحرك بسرعه لو حد منهم حس بينا هيقتلوك وانا محدش هيلمسني وضحكت
أدهم متعصب او مستغرب : انتي خلاص كده اول مانمشي من هنا متفكريش تكلميني تاني شوفي حالك وانا عاوز ارجع لحياتي
خرج الاتنين بسرعه خارج المقام واتحركو لحد اول الطريق
حنان باستهزاء: هي فين عربيات الشرطه عشان يروحونا
أدهم بخوف : لاااا شرطة ايه ابوس ايدك روحينا مشي الظابط ده شراني ولو شافني هيقتلني بدون تفاهم
ضحكت حنان بصوت اعلي : لا خلاص فيه عربيه جايه وهاتعدي من قدام بيتك هانركبها انت وانا مش هتشوف وشي تاني
أدهم : احسن برضه من يوم ماعرفتك وانا حياتي اتملت مصايب
في منزل والد حنان ستات كتيره لابسه اسود قاعدين وصوت صراخ من الدور علي مختلط بالضحك ومحمد قاعد قدام البيت وكل شوية يبص في ساعته
صوت صرااخ عااالي بتصرخه هالة مرات محمد : الشيخ دهشور هو السبب انا مليش دعوه سيبوووني وبعدها صوت ضحك بهستيريه
بعدها ترجع هاله تصرخ بصوت اعلي ماليش دعوه انا قولتله وهو اللي وافق واتفق مع الشيخ دهشور
بعد دقائق وصل راجل كبير في السن اشعث الشعرقصير القامه ملابسه متسخه
جري محمد نحاية الراجل ده وهو بيقول
-اتأخرت ليه ياشيخ دهشور
-متأخرتش انت اللي مستعجل مالها هاله
محمد يميل ناحية الشيخ دهشور : عفريتة حنان جننتها وهاتقتلنا الحقنا ياشيخ
الشيخ دهشور: ده تلاقيه احساس بالندم بس لكن حنان اكيد ماتت وشبعت موت
محمد : لا شفناها امبارح وحنان مماتتش
في انتظار الشيخ دهشور ايضا والد حنان اللي باين عليه الحزن الشديد وكأنه بيقتله احساس بالذنب وعلي غير العاده مرحبش بالشيخ دهشور اللي كل الناس بتترعب منه قاله اطلع الدور اللي فوق يادهشور
دخا محمد والشيخ دهشور للغرفه اللي فيها هاله وقبل دخول والد حنان اتقفل باب الغرفه وكأن شئ بيمنعه من الدخول
طلع الشيخ دهشور من جيبه بخور وبدأ يولع بخور ويقول تعاويذ وهو ماسك رأس هاله وهاله برضه بتصرخ
-مش عااااوزين حاجه مش عاااوزين حاااااجه سيبينا وامشي ومره واحده بدأت تشاور عند الدولاب وتصرخ وتقول حنااااان الحقوني هاتقتلني
الشيخ دهشور ومحمد رجعو لركن الغرفه وعلي ملامحهم الهلع والخوف وهما بيبصو لحنان نظرة خوف والشيخ دهشور بيقول لمحمد دي مماتتش بجد
في لمح البصر كانت حنان واقفه قدامهم عيونها بقت كلها سودا وبينزل منها دموع من الدم وقالت
-قدركم قرب واللعنه هاتكتمل بيكم
-الشيخ دهشور : امشي ياحنان خلي روحك ترقد في سلام وسامحينا
حنان ضاحكة : ههههههههه روحي ترقد في سلام؟؟ انا ماموتش ياشيخ دهشور
مسك محمد في ايده لوح خشبي جنبه ورفعه وهاينزل بيه علي حنان
وف لحظة وكأنه اتسحر رفع اللوح باعلي قوته وضرب بيه هاله وهو بيصرخ ويقول لاااا مش قصدي عليكي ياهاله وطار اللوح من ايده علي ايد الشيخ دهشور كسرها وطار محمد لورا باتجاه وراسه خبطت في الحيطه وبدأت تنزف
حنان : فاكره ياهاله لما خدتيني للشيخ دهشور عشان يعالجني من الجن ؟؟
وانت ياشيخ دهشور فاكر لما كنت بتسلط عليا الجن يجننوني عشان اتعالج عندك ؟ وفاكر يامحمد لما الشيخ شربني منوم واغتصبني قدامك عشان احمل وتلاقي سبب تقتلني بيه؟؟
قدرت يامحمد تشوف اختك حبيبتك راجل تاني بيغتصبها قدامك ؟؟
طب ماحسيتش بتأنيب ضمير وانت بتقتلني وانا ماليش ذنب طب كنت قولي عاوز الورث والله كنت هاديهولك
الثلاثة بيصرخو من الالم الشيخ دهشور كسره مضاعف وايده كلها ورمت في لمح البصر ومحمد راسه بتنزف دم كتير جدا وهاله اللوح نزل علي رجلها كسرها
حنان بدأت تبكي عاطفتها واخداها وبتقول : مكانش نفسي يحصل كل ده كنت قلت من الاول يامحمد عاوز الورث كنت هديهولك
محمد وهو بيتألم : سامحينا ياحنان سامحينا
حنان لو بأيدي كنت سامحتكم ومكنتش انتقمت من حد بس انتو بدأتو لعنه الله اعلم هاترسي علي ايه
صوت خشن قوي قادم من الخلف صوووت مرعب مخيف بيكلم حنان
-محمد ملوش ورث ومحمد بدأ اللعنه واللعنه هاتنتهي بدمه
اختفت حنان وصوت بشع في الغرفه بيوجه كلامه للثلاثه اللي بيصرخو بصوت واحد
-الارواح النجسه مكانها معروف وانتوا انجس الانجاس مقتل احدكم الليله
باب الغرفه اتكسر ودخلت ناس كتيره منهم والد حنان اللي جواه مليون سؤال وعيونه مليانه حزن وفي نفس الوقت استغراب من اللي حاصل للثلاثه
-شيخ دهشور ايه اللي حصل
-الشيخ دهشور طلعوني من هنا بسرعه
-حنان اللي عملت كده؟ظ
-الشيخ دهشور جاااوب بسرعه لا لا مرات محمد عليها جن قوي
احد الجيران: هو ده وقته حد يطلب الاسعاف بسرعه
في منزل ادهم
ادهم واقف في الشباك وكأنه منتظر ضيف مهم جدا عمال يبص في كل ناحية ويلف راسه يبص ناحية الباب اللي سايبه مفتوح
-ايه جرالك يا أدهم انت حبيتها؟؟ يوم ماتحب تحب جنيه يا أدهم
-لا مش جنيه دي ساحرة
ولو ماهي برضه شريره
لا مش شريره انا متأكد دي اكيد سحرتني لما بقفل عيني بشوفها وبشوف ضحكتها الحلوه انا اكيد اتجننت ماهو انا اللي طردتها اومال مستنيها ليه وقلبي بيقول حاسس انها هاتيجي
وسط لهفة ادهم وتفكيره العميق صوت خطوات جاي من وراه لف ادهم بسرعه ناحية الصوت لقي حنان واقفه
بس مش حنان اللي بتضحك دي عيونها مليانه دموع
ادهم: مالك ياحنان
-حنان : مفيش
-أدهم : لا انتي بتبكي مالك
حنان : قلت مفيش انا هدخل انام عشان تعبانه ونتكلم الصبح نام انت في الصاله وانا هنام في اوضتك
أدهم : اومأ براسه دليل علي الموافقه وفرد جسمه علي الكنبه وكأن مجرد رجوعها يرضيه
في منتصف الليل في منزل والد حنان
والد حنان سمع صوت بيتحرك في الصاله خياله اخده ان ده حرامي
اتحرك ببطئ شديد ومسك في ايده شومه
وخرج للصاله وفضل يلف حوالين نفسه مش لاقي حد
وفجأه اتسمر مكانه وفتح عينيه علي اخرها
حنان واقفه حزينه وبتبصله وهي مكسوره وبتقول......
يتبع ...تعليقات كتير ومتابعه ليصلك اشعار بنزول الاجزاء
الجزء السادس
حنــــــــــــــــــــــان
والد حنان واقف مذهول ولسانه متوقف عن النطق
ازاي حنان اللي محمد ضربها طعنات متتاليه والمفروض ميته واقفه قدامه
وازاي دخلت البيت اصلا وهو مقفول الا لو كان ده عفريتها بدأ والد حنان يقول اعوذ بالله من الشيطان الرجيم ويقرأ قرآن لكن حنان مختفتش بالعكس قربت منه ووشها مليان حزن
دموع بتنزل منها وباين عليها القهره وبصوت مليان قالت لابوها
-وحشتني يا ابويا
-الاب بصوت باكي وحشتيني ياحنان انتي عايشه ولا ميته ياحنان
-انا عايشه وقدامك يا ابويا عشان خاطري احمي امي يا ابويا
-احميها من ايه ياحنان
-اللي حصل جابلكم لعنه يابوي لعنه هايسيل فيها دم كتيير
-انا مش فاهم حاجه ياحنان يابنتي
-امي سبب اللعنه كلها يا ابويا وانا خايفه عليها هاتتقتل لو محدش حماها احمي امي يا ابويا
الاب بذهول : امك مكانتش تعرف اصلا انك حامل ياحنان ولا اننا هانقتلك الا لما اخوكي قتلك صارحتها بكل حاجه لما جينا
-حنان : امي عليها ذنب قديم هو السبب في كل اللعنه احميها عشان خاطري
قربت حنان وباين عليها الانكسار من ابوها وابوها باين في عيونه الحيره والتعب
حضنت حنان ابوها وهي بتبكي بصوت عالي وابوها بيبكي بصوت اعلي
-حنان يابنتي من يوم اللي حصل وانا مش بنام نفسي اموت عشان ارتاح ياحنان
-انا عارفه انك اتضحك عليك يا ابويا وانك ملكش ذنب ف حاجه روح يا ابويا لمقام ورا قسم الشرطة هاتفهم هناك شوية حاجات
صوت خطوات قادمه من غرفة نوم والد حنان والنور بتاع الصاله اتفتح
ام حنان بتتكلم بنبرة المرعوبه : بتعيط ايه يا ابو حنان في انصاص الليالي ومالك ماسك الحيطه وحاضنها زي العيال الصغيره
انتفض ابو حنان واتكلم بصوت جد شويه. لا مفيش يا ام حنان شكله كان كابوس ادخلي نامي وانا جاي معاكي
في منزل قديم و مبني من الطوب الطيني انواره ضعيفه قاعد الشيخ دهشور بيولع في بخور كتيير ويقوول طلاسم ويتبعها بكلمات مسموعه. -" احموني يا اسيادي احموني من اصحاب الكرامات. احموني كما خدمتكم"
اضاءة منزله الخافته انقطعت مره واحده وبدأ الشيخ دهشور يبص حواليه زي المجنون ويتحرك في انحاء المنزل
وصل لكلوب مضاء بشمعه مسكه في ايده وبسرعه جدا خرج من المنزل وهو بيبص حواليه ومذعور وبدأ يعدي من علي كوبري صغير تحته ترعه صغيره بتفصل منزله عن القريه
اصوات ضحك من ورا الشيخ دهشور خلته ينتفض ويبص وراه ويصرخ مييين
-صوت انثوي من وراه رد
-عملك الاسود يادهشور
-انا انا انا مليش ذنب ياحنان اخوكي اللي طلب وانا نفذت عشان اخد فلوس
-حنان جايه من وراه بشكلها المخيف وجه وقت رد ثمن الفلوس اللي اخدتها قصاد شرفي اللي اخدته
-يوطي الشيخ دهشور في الارض وهو بيبوس رجل حنان
ابوس رجلك سيبيني اعيش ابوس رجلك وهعيش خدامك
-فات الاوان يادهشور وذنب كل ست اذيتها في القريه هيخلص
صوت خشن قادم من خلف حنان ببقول
لاتنظر_خلفك فتكون من النادمين روح نجسه وحان وقت اقتطافها لتذهب الي أعماق الجحيم
جحظت عيون الشيخ دهشور لفوق وهو شايف طيف نازل ناحيته ودهشور بيصررررخ انجديني ياحنان
حنان بتضحك بتشفي والطيف بيرمي الشيخ دهشور علي الارض ويبدأ في تجريده من ملابسه وواحده بواحده يبدأ يقطع اوتار ايديه ورجليه وصوت ضحكات مخيفه للطيف ممتزج بصرخات الشيخ دهشور اللي صرخاته بتعبر عن مدي الالم اللي حاسس بيه
اجتمع علي صوت الشيخ دهشور ناس كتيره من اهالي القريه وكلهم واقفين بيشوفو اللحظات الاخيره من حياة دهشور النجس
بعد انتهاء الطيف من قطع اوتار دهشور بضربه قويه جدااا فصل رقبته عن جسمه ووقعت قدام رجل حنان
وعيون الشيخ دهشور بتفتح وتغمض وهي بتبص بذعر لروح الشيخ النجس وهي بتنازع للخروج لعالمها الجديد
في منزل ادهم حنان استيقظت الساعه السادسه صباحا وصحت ادهم من نومه.
-اصحي عشان نمشي
-نمشي نروح فين الصبح كده ويلف نفسه ببطانيته كدليل علي تمسكه بنومه العميق. سيبيني انام ساعتين بس وبعدها هروح معاكي مطرح ماتروحي
-لا دلوقتي عشان الشرطه جايه تاخدك
قام ادهم من مكانه بسرررعه شرطه؟ يالا حالا الظابط ده شراني ولو مسكني هيقتلني وف لحظة لبس كل ملابسه واستعد للرحيل معاها
في القريه في نفس الموعد الظابط واقف قدام جثة الشيخ دهشور.
-غطوه يابني منظره وحش هي الاسعاف مش ناويه تيجي تاخده المشرحه ولا إيه
-جايه دلوقتي ياباشا بس العربيه عطلت بيهم وصلحوها وجايين
-انا هاخرب بيت حنان دي. ورحمة امي هاندمها علي المنظر اللي شوهت بيه جثة الراجل العجوز ده
يميل ألعسكري علي الظابط ويهمسله
-بيقولو الجن اللي قتلوه هي كانت واقفه بس ياباشا
الظابط : اخرس ياعسكري مفيش جن بيقتل البنت دي هي السبب ورا كل المصايب
وصلت الاسعاف اللي اخدت جثة القذر دهشور واتحركت اما الظابط فخد عربية الشرطة واتحرك بسرعه جنونيه
-العسكري : هانروح فين ياباشا ده مش طريق القسم
الظابط : هاروح اجيب الكلبه دي من بيت ادهم انا عارف انها هناك
في منزل والد حنان بكاء وعويل من الدور الثاني مرات محمد مرعووووبه
-الدور علينا يامحمد. اهي قتلت دهشور
-اهدي بس جايز حد قتله
-اهل البلد كلهم شافوها وهي بتقتله ومعاها جن
يلهوي يلهوي ياريتني ما شورت عليك ياريتنا سبنالها البلد كلها ومشينا
اما في الدور الاول من منزل والد حنان
والد حنان : اهدي يا ام حنان بطلي عياط
-اهدي ايه البلد كلها بتقول بنتي حنان هي اللي قتلت دهشور وانا بنتي ميته ومش عارفه مدفونه فين. منك لله انت السبب انت السبب كنت سيبها تعيش بدل ماتقتلها وكنا نزلنا اللي في بطنها وعاشت من غير جواز
-كفايه يا ام حنان انا مش مستحمل حنان لو قتلت دهشور يبقي يستاهل
-يعني انت مصدق كلام الناس ان واحده ميته هاتطلع تقتل؟
انت خرفت ياراجل ولا مخك اتلحس. ياحبيبتي ياحنان مظلومه وانتي حيه وانتي ميته
والد حنان وقف وف عينه اصرار عجيب : انا رايح مشوار مهم يا ام حنان والمشوار ده هيعرفني ايه اللي حصل
-مشوار ايه ده
-لما اجي هقولك. وخرج والد حنان مسرعا ناحية القبور اللي ورا قسم الشرطه
في طريق والد حنان للمقام اصوات همس من كل ناحية حواليه وهو بيبص حواليه وماسك في ايده عصايته بايد وماسك طرف جلابيته وكأنه بيستعد للجري بالايد الثانيه
وصل والد حنان للمقام ودخل بحذر شديد لحد اما وصل للمقام. وسمع صوت اقعد ياظالم
بص حواليه مفيش حد
استعد بسررررعه للجري خارج المقام ولكن باب المقام اختفي ومن وراه جه صوت هتجري من القدر تروح فين لعنة ولازم هاتكتمل. الظلم ظلمات. الظلم ظلمات. الظلم ظلمات
لف والد حنان وكأنه بيلف لقدره خايف ومرعووووب وكان قدامه واحده ست باين في عيونها الغضب
خايف؟؟ راجل وخايف؟؟ اومال البنت المسكينه لما كنتو بتقتلوها انت وابنك كان شعورها ايه
رجع والد حنان خطوات للخلف سمع من وراه صوت خشن رجولي بيقووووول لقد جئت لقدرك و.......
يتبع وتوقعاتكم ..انتظرو الحلقه السابعه بعد المتابعه والتفاعل بتعليقات كتيير ليصلك إشعار بنزول باقى الأجزاء👇👇👇
تعليقات
إرسال تعليق