 |
السابعة والثامنه 😲😲
وبعد ان يبتعد التاكسي الذي قام بتوصيل رضوي الي قصر فؤاد بمسافة مناسبة اذ ينشب به فجأة حريق كبير فيخرج منه السائق وهو يشتعل بالنيران ويصرخ كي يُغيثة احد من المارة ولكن للأسف لا يستطيع احد الاقتراب منه حتي يلتهمه الحريق فيموت .. رضوي في صدمة شديدة من هذا المنظر المفجع تذكرت كلام هذا السائق عندما اخبرها انه اذا قام بتوصيلها سوف يخسر حياته ؟! وبالفعل خسر حياته ومات محروقا ؟!! رضوي تسير مسرعة نحو باب القصر تطرق ابوابة بكلتا يديها وتنادي بصوت عال كي يُفتح لها الباب
رضوي .. افتح الباب !! انتوا يا جماعة ياللي افتحولي الباب !!
ثم يفتح الحارس الباب ويبدوا انه غاضب
الحارس .. في ايه يا ست انتي ؟! عايزة ايه ؟!
رضوي .. عايزة بناتي !! .. فين بناتي ؟!
الحارس .. بناتك مين يا ست انتي ؟!
انتي مجنونة ولا ايه ؟!
امشي من هنا !!
رضوي .. استني !!
انت مش عارفني يا عم انت ولا ايه ؟!
انا جيت هنا قبل كدا ومعايا ٣ بنات ..
انت نسيتني ولا ايه ؟!
الحارس .. لا انا مشوفتكيش قبل كدا ؟!
رضوي .. مشوفتنيش ازاي ؟!
دا انا جيت هنا من يومين بالليل وانت بنفسك اللي فتحت الباب وقلتلي اتفضلي البية في انتظارك وقعدت حتي تهزر مع بنتي الصغيرة سهام واديتها كمان ملبس كان في جيبك!!
الحارس .. ملبس !!
انتي بتخرفي تقولي ايه يا ست انتي ؟!
ملبس ايه اللي انا هاشيلة في جيبي وانا راجل عندي السكر عالي ؟! انتي باين عليكي مجنونة وانا اجن منك علي فكرة امشي من هنا بدال ما اعملها معاكي
رضوي .. استني .. هو في ايه بالظبط ؟!
انت بجد مش فاكرني ؟!
الحارس .. هو انا شفتك قبل كدا عشان افتكرك ؟! امشي بقي خليني اشوف شغلي !!
رضوي .. طب بناتي فين ؟!
الحارس .. يا ستي بقلك مفيش بنات هنا !! متعصبنيش اومال !!
رضوي تلمح بناتها سلمي وانهار وسهام يلعبون في الحديقة
رضوي .. بناتي !! سلمي !! .. يا انهار !! .. يا سهام !!
الحارس .. انتي بتنادي علي مين يا ست انتي ؟!
رضوي .. علي بناتي !! علي فكرة عيب اوي لما تبقي راجل كبير وكداب ؟!
ازاي بتقول ان البنات مش هنا وهما بيلعبوا هناك اهوه !!
الحارس .. بنات ايه اللي بتلعب هناك دي ؟!
فين البنات دي ؟!
رضوي .. اهم ..
وفجأة تجد رضوي ان البنات قد اختفوا
رضوي .. ايه دا ؟!
البنات راحت فين ؟!
الحارس .. بنات مين يا ولية يا مجنونة ؟!
قسماً بالله لو مامشتيش من هنا لأطلبلك الشرطة .. بلاوي ايه دي بس اللي بتتحدف علينا ع الصبح يا جدعان !! امشي ياست انتي من هنا طلعتيني من هدومي يخرب بيتك !! غوري ..
ثم يغلق بوابة القصر في وجهها ورضوي في حيرة شديدة وقلق علي بناتها ..
رضوي .. متقفلش الباب بقلك !!
افتح الباب !! ..
هاتوا بناتي يا حرامية !!
سلمي !! وبعدين يا ربي ..
اعمل ايه ؟!
ثم تمر بجوارها سيدة عجوز فتسألها ..
السيدة .. مالك يا بنتي في ايه ؟!
رضوي .. خطفوا بناتي جوة القصر ده ؟! انا شايفاهم بعيني جوة .. افتح طلع بناتي بقلك .. افتح الباب يا جدع انت !!
السيدة العجوز .. مش هيرد عليكي يا بنتي متتعبيش نفسك ؟!
رضوي .. يعني ايه مش هيرد عليا ؟!
بقلك بناتي عندهم جوة !!
انا مش همشي من هنا وغير وبناتي في ايدي ..
دول خطفوا بناتي !!
السيدة العجوز .. لا يا بنتي صاحب القصر ده عمره ما يخطف حاجة مش بتاعته ..
كله بالتراضي ..
فاهماني ؟!
رضوي .. لا مش فاهماكي !!
انا مش عرفة ايه حكايتكم انهاردة ؟!
كل واحد اقابلة يكلمني بالالغاز ؟!
هو في ايه بالظبط ؟!
العجوز .. فيه كل خير يا بنتي ..
بس انتي روَّحي دلوقتي وتعالي الساعة ٨ بالليل ..
رضوي .. انا مش همشي من هنا غير وبناتي معايا ..
انا لو مشيت من غيرهم هطلع علي قسم البوليس وهاقول ان الراجل صاحب القصر ده جه عندي البيت الصبح وخطف بناتي !!
العجوز .. محدش هيصدقك
رضوي .. يعني ايه محدش هيصدقني ؟!
بقلك بناتي جوة القصر ده ..
انا شفتهم حالا !!
العجوز .. وانا مصدقاكي والله .. عشان كدا بقلك تعالي الساعة ٨ بالليل وهتلاقيهم في انتظارك
رضوي .. انتي باين عليكي ست كبيرة وبتخرفي !!
العجوز .. الله يسامحك .. بس انا اللي عندي قلتهولك .. وبراحتك .. سلام
ثم تتركها وتنصرف وتظل رضوي واقفة امام القصر بعض الوقت تفكر ماذا ستفعل .. بعدها تقرر ان تستمع لكلام تلك السيدة العجوز وتعود الي المنزل وفي المساء وعند دقات الساعة الثامنة بالضبط كانت رضوي امام بوابة القصر الكبيرة وقامت بطرق الباب ففتح لها نفس الحارس ولكن هذه المره استقبلها ابتسامه جميلة وبترحاب شديد ..
الحارس .. اهلا .. اهلا .. اهلا .. ست رضوي .. اتفضلي الباشا والبنات في انتظارك ..
رد فعل علي وجه رضوي ..😲🙄
ماذا حدث ؟ هذا ما سنعرفه من اللي جاي ..
الثامنة 😲😲🔥
رضوي تنظر الي الحارس في دهشة لا تصدق تغيره المفاجئ في معاملته لها فقد كان في الصباح شخصا اخر تماما ..
رضوي .. سبحان الله !!
الحارس .. في ايه يا ست رضوي ؟!
رضوي .. مش معقول تكون انت نفس البني آدم اللي قابلني الصبح ؟!
انت متأكد انك انت نفس الشخص اللي بيبقي هنا الصبح ؟! ولا انت اخوه ولا واحد شبهه ؟!
الحارس .. لا انا مفيش حد هنا معايا خالص !! انا مقيم هنا طول اليوم وبعدين انا ماليش اخوات ..
رضوي .. طب انت ليه انكرت الصبح انك تعرفني وطردتني من هنا ورفضت انك تدخلني القصر ؟!
وفجأة تأتي بنات رضوي الثلاث فرحين برؤية امهم
سلمي .. ماما .. حبيبتي
الام تحضن بناتها بكل حب واشتياق وتقبلهم ويقبلونها
انهار .. بقي كدا يا ماما ننتظرك طول اليوم عشان تيجي ومتجيش غير دلوقتي ؟!
رضوي .. لا .. ازاي ؟!
انا جيت طبعا عشان اسأل عليكم وعمو طردني ؟!
الحارس .. طردت مين بس يا ست رضوي .. محصلش الكلام ده ؟!
رضوي .. محصلش ازاي يعني ؟!
انا مش جيت هنا الصبح وانت طردتني وكمان شتمتني ؟! وانكرت وجود البنات هنا !! مع اني شفتهم بعنيا وهما بيلعبوا هناك في الجنينة !!
الحارس .. لا حول ولا قوة الا بالله .. انا شتمتك يا ست رضوي ؟!
رضوي .. ايوا شتمتني طبعا وقلت عليا مجنونة وقلت اني بلاوي بتحدف عليك وكنت عايز تطلب الشرطة !!
الحارس .. انا صدر مني دا كله ؟!
رضوي .. ايوا انا مش بكذب علي فكرة !!
الحارس .. طب عليا الطلاق من مرتي نفيسة الكلام دا ما حصل ؟!
رضوي .. وبتحلف بالطلاق كمان ؟!
ياخي حرام عليك بجد ؟!
الحارس .. طب عليا الطلاق كمان مرة .. الكلام اللي انتي بتقوليه دا ما حصل .. عيب تشوهي صورتي قدام البنات يا ست رضوي ؟!
رضوي .. انت هتجنني يا راجل انت ؟!
انا مش كنت هنا الصبح حتي بالامارة كنت لابس جلبية غير دي .. كان لونها.. اااا .. ايوا كان لونها بني !!
الحارس .. طب الحمد لله .. ظهر الحق اهوه .. الجلبية دي بقالها يومين علي جتتي مغيرتهاش .. والجلبية دي لونها اسود مش بني !!
رضوي .. لا انت كنت لابس جلبية تاني غير دي .. وكانت بني فعلا
الحارس .. يا ست رضوي اسمعي الكلام اومال !!
انا بقلك الجلبية دي بقالها يومين علي جسمي مقلعتهاش خالص .. حتي اسألي البنات شافوني كذا مره انهاردة .. يا بنات انتوا شفتوني لابس جلبية تاني غير دي ؟!
سلمي .. لا يا ماما .. عمو جمال لابس الجلبية دي من ساعة ما جينا هنا الصبح وشوفناه اكتر من مره وكان بنفس الجلبية فعلا !!
الحارس .. شفتي بقي ؟!
رضوي .. وبعدين معاكم ؟!
واستني هنا انتي وهي ازاي تمشوا مع اونكل فؤاد من غير ما تستأذنوني ؟!
انهار .. لا طبعا .. استأذناكي وانتي وافقتي!!
مش صح يا سلمي ؟
سلمي .. ايوا
رضوي .. ايوا في عينك انتي وهي !!
انتوا استأذنتوني برضه يا بت انتي وهي ؟!
انهار .. وربنا استأذناكي يا ماما وانتي قلتي روحوا وانا هاجي وراكم علطول
رضوي .. وبعدين بقي معاكم ؟!
هو في ايه ؟!
انتوا متفقين كلكم عليا ولا ايه ؟!
سلمي .. ليه بتقولي كدا يا ماما ؟! وهنتفق عليكي ليه بس ؟!
رضوي .. انا عارفة بقي .. يمكن عايزين تجننوني ؟!
انهار .. بعد الشر عليكي يا ماما !! متقوليش كدا لو سمحتي
رضوي .. وبعدين انا قعدت انده عليكم لما صوتي انتبح !! مردتوش عليا ليه ؟!
سلمي .. امتي ده ؟!
رضوي .. لما جيت هنا الصبح
الحارس .. هتقول جيت تاني ؟!
رضوي .. ايوا جيت وبطل كدب بقي يا اخي ؟! ايه ده!!
الحارس .. ما علينا يا ست رضوي.. عشان الليلة دي تعدي علي خير اعتبريه حصل .. اتفضلي بقي الباشا في انتظارك !!
وتدخل رضوي القصر ومعها بناتها الثلاث .. ويقابلهم الخادم بالداخل
الخادم .. اتفضلوا ارتاحوا الباشا حالا ينزل
سلمي ترتدي انسيال من الالماظ
سلمي .. شفتي يا ماما عمو فؤاد جابلي ايه ؟
رضوي .. ايه ده !! دا انسيال غالي اوي !!
سلمي .. ايوا دا الماظ حر .. عمو بيقول دي شبكتي
رضوي .. شبكتك علي مين ؟!
سلمي .. معرفش ..
يمكن جايبلي عريس ولا حاجة !!
ههههه
رضوي .. عريس ايه دا ؟!
انهار .. طب شفتي دا كمان ؟!
رضوي تلاحظ انهار ترتدي عقد في رقبتها من اللؤلؤ
رضوي .. وايه دا كمان ؟!
انهار .. دا عقد لولي . بس جميل اوي .. صح يا ماما ؟
رضوي .. هو جميل فعلا .. ودا عشان ايه بقي دا كمان ؟! اوعي تقوليلي شبكتك انتي الاخري ؟!
انهار تضحك .. ههههه .. ايوا بالظبط كدا
رضوي .. بتتكلمي جد ؟!
انهار .. اه والله .. عمو اداهولي وقالي دي شبكتك يا انهار .. جايز يكون جايبلي عريس انا كمان !!
رضوي .. عرسان ايه اللي بتتكلموا عنها؟! ..
انتوا لسة بدري ع الكلام ده !!
وانتي يا مقصوفة الرقبة ( تقصد سهام ) ادالك ايه انتي كمان ؟!
سهام تبدوا حزينة بعض الشئ .. ادالي ده
رضوي تشاهد علبه كارتون في يد سهام
رضوي .. ايه ده؟! وريني كده ..
رضوي تفتح العلبة فتجد بداخلها لولب ..
الذي تستخدمه السيدات كوسيلة لمنع الحمل فتصاب بالصدمة 😲
رضوي بانفعال واضح .. انتي جيبتي دا منين يا بنت ؟!
سهام .. عمو فؤاد اللي اداهولي !!
رضوي .. هو الراجل دا اتجنن ولا ايه ؟!
ازاي يدي لطفلة حاجة زي دي ؟!
سهام .. هو دا ايه ده يا ماما ؟!
رضوي .. مش مهم تعرفي .. هاتيه
سهام .. خديه .. ما هو اصلا ليكي انتي
رضوي .. ليا انا ؟!
سهام .. ايوه .. عمو قالي ايديه ل ماما
رضوي .. ايه ؟!
ثم ينزل فؤاد من الطابق الاعلي وهو ينظر الي رضوي وبناتها بابتسامة عريضة ويحمل في يده القط جيمي مقيدا كما في السابق ..
رضوي تنظر الي القط في دهشة شديدة .. فقد وجدته مذبوحا في الصباح داخل حمام شقتها ؟؟!!
ما الذي يحدث بالضبط وما قصة هذا الرجل الغامض وماذا يريد من رضوي وبناتها ؟!
هذا ما سنعرفة من الحلقة القادمة .
تعليقات
إرسال تعليق