 |
التاسعة والعاشرة 😲🔴
ويتقدم فؤاد وهو يحمل في يده القط جيمي ويرحب ب رضوي
فؤاد .. اهلا .. اهلا .. مدام رضوي ..
ازي حضرتك ..
عاملة ايه ؟
رضوي .. انا كويسة الحمد لله
رضوي تنظر الي القط في دهشة شديدة وفؤاد يلاحظ ذلك فيسألها في تعجب قائلا
فؤاد .. في ايه يا مدام رضوي ؟
بتبصي ليه كدا ل جيمي ؟!
رضوي .. هو دا كمان اسمه جيمي ؟!
فؤاد .. سوري .. تقصدي ايه بكلمة هو دا كمان ؟!
رضوي .. قصدي ان القط التاني دا كمان اسمه جيمي برضه ؟!
فؤاد .. دا جيمي اصلا ..
مفيش قط تاني ولا حاجة ؟!
رضوي .. ازاي ؟!
انا جيمي لقيته مدبوح عندي في الحمام واخدته ورميته في الزبالة قبل ما اجي ؟!
فؤاد .. يا شيخة حرام عليكي .. بقي عايزة القط الجميل دا يموت !!
ومدبوح كمان ؟!
ايه القسوة دي ؟!
رضوي .. بس حضرتك هو دا اللي حصل فعلا !!
فؤاد .. لا لا .. اكيد حضرتك فيه حاجة غلط !!
جيمي قدامك اهوه زي الفل !!
رضوي .. بجد انا مبقتش فاهمه ايه اللي بيحصل دا ؟! وبعدين حضرتك اللي مديه للبنات ده ؟!
فؤاد .. دي حاجات بسيطة ماتخديش في بالك
رضوي .. ما اخدش في بالي ازاي ؟!
اولا دي حاجات غالية جداا ..
انسيال الماظ وعقد لولي !!
دول تمنهم غالي اوي اكيد
فؤاد .. مفيش حاجة تغلي ع القمامير دول
رضوي .. طب .. معلش يعني .. عدم لا مؤاخذة ايه اللي حضرتك مدية للبنت الصغيرة ده ؟!
وتقولها كمان اديه ل ماما ؟!
فؤاد.. اه .. بصراحة انا احرجت اني ادهولك بنفسي .. فبعته مع البنت
رضوي .. ودا عشان ايه يعني ؟!
فؤاد .. عشان تستخدميه اكيد
رضوي .. واستخدمه ليه عدم لا مؤاخذة وانا اصلا ست ارملة ؟!!
فؤاد .. من فضلك اعفيني من السؤال ده لأني مش هاقدر اجاوب عليه ..
بس اللي اقدر اقولهولك انك لازم تركبي اللوب دا بكره بالكتير
رضوي .. عايز الصراحة ومتزعلش مني حضرتك ؟!
فؤاد .. لا مش هازعل بكل تأكيد .. ومفيش اجمل من الصراحة في الدنيا
رضوي .. انا بصراحة بقيت اخاف من حضرتك وحاسة ان من ساعة ما اتعرفت عليك وفيه حاجات مش طبيعية بتحصلي ؟!
انا بجد بقيت خايفة وقلقانه جدا ؟!
فؤاد .. ههههههه ..
خايفة وقلقانه مني ؟!
رضوي .. بصراحة اه .. عشان كدا انا جاية اقول لحضرتك انهارده اني مش هاقدر اسيب بناتي عندك ولو يوم واحد !! مش هبقي مطمنه خالص عليهم
فؤاد .. ليه بس ؟!
دا انا حتي بعامل بناتك احسن معاملة كأني ابوهم بالظبط وهما كمان بيحبوني اوي .. ولا ايه يا بنات ؟!
مش بتحبوا برضه عمكم فؤاد ؟!
سلمي وانهار وسهام في صوت واحد.. بنحبك طبعا يا عمو
فؤاد ..
شفتي بقي ..
البنات بيحبوني ازاي ؟!
رضوي .. برضه انا قلقانه ومش مرتاحة !!
انا اسفة لحضرتك والله .. بس انا مفيش عندي اغلي من بناتي
فؤاد .. طب والفلوس .. الاتنين مليون دولار .. والمستقبل الجميل اللي منتظرهم ؟!
رضوي .. معلش بقي .. مش نصيبنا .. واكيد هتلاقي حضرتك هتلاقي اللي ليه نصيب فيهم
فؤاد يبدوا عليه الغضب .. اه .. بس انتي كدا بتحكمي علي بناتك انهم يعيشوا حياه مش كريمة ابدا .. مع ان الفرصة قدامهم اهه عشان يعيشوا حياه كلها بذخ وترف .. برنسيسات !!
رضوي .. ملهمش نصيب بقي .. وكل واحد بياخد نصيبة في الدنيا .. انا اسفة وارجو حضرتك تقدر موقفي .. استأذن انا بقي . يلا يا بنات
فؤاد .. ع العموم براحتك وفرصة سعيدة يا مدام رضوي
رضوي .. انا الاسعد والله .. يلا يا سلمي انتي وانهار ادوا الحاجة اللي معاكم ل عمو .. ( تقصد الانسيال والعقد )
فؤاد .. برضه دا كلام .. تقلعي البنات الحاجة اللي انا مديهالهم ؟!
رضوي .. ايوا حضرتك بس احنا ما اتفقناش خلاص يبقي ملهاش لزوم الحاجة دي تبقي معاهم
فؤاد .. مين قال كدا ؟!
اولا نتفق نختلف دا امر وارد جداا ..
ثانيا .. الحاجة دي هدية مني ليهم
رضوي .. بس دي حاجات غالية اوي ؟!
فؤاد .. وانا قلتلك ان مفيش حاجة تغلي عليهم ابدا !!
رضوي .. طيب شكرا لحضرتك .. بعد اذنك
فؤاد .. اتفضلي ... مع السلامة .. مع السلامة يا بنات
سهام .. ماما احنا مش عايزين نمشي من هنا !!
احنا عايزين نقعد هنا مع عمو في القصر
رضوي .. عيب يا بنت !!
فؤاد .. متزعقيش فيها من فضلك
ثم ينزل اليها ويهمس في اذنها قائلا
فؤاد .. اقلك علي سر كمان ومتقوليش ل ماما ؟!
سهام .. قول يا عمو
فؤاد .. الاسبوع الجاي هاتيجي وتقعدي معايا هنا علطول
سهام .. بجد ؟!
فؤاد .. اها
سهام .. طيب .. اتفقنا
ثم ينهض قائلا .. انستي وشرفتي يا مدام رضوي .. مع السلامة..
وبعد ان تتحرك رضوي مسافة خطوتين ناحية باب القصر ينادي عليها فؤاد قائلا
فؤاد .. لو سمحتي يا مدام رضوي
رضوي .. نعم
فؤاد .. نسيتي اللوب
رضوي .. ما انا قلت لحضرتك مالوش لزوم ؟!
فؤاد .. خديه من فضلك
رضوي تأخذ اللوب في دهشة واستنكار شديد
وبعد ان تخرج رضوي من القصر تسمع صوت مجموعة من البنات يصرخن ويبكين وكأنهن يعذبن تسمعهم يقولون ..
الحقينا يا رضوي .. الحقينا يا رضوي
رضوي .. اعوذ بالله من الشيطان الرجيم .. ايه اللي انا بسمعه وبشوفه دا ؟!
يلا يا بنات نمشي من هنا بسرعة
وبعد ان تعود رضوي الي المنزل تأتي اليها جارتها ام نيفين ..
ام نيفين .. اما صحيح انك ست فقرية ومش وش نعمه ؟! بقي يا وليه الراجل يقلك هاديلك ٢ مليون دولار وكمان هياخد بناتك عنده القصر .. يربيهم احسن تربية وترفضي دا كله ؟!
رضوي .. بقلك انسان مش طبيعي .. انا فعلا بقيت اخاف منه !!
وبعدين فيه حاجات كدا بتحصل من ساعة ما شفته ..
حاسة انها شغل عفاريت !!
ام نيفين .. ما عفريت الا بني ادم ياختي !!
لا ملكيش حق ترفضي عرض دا زي دا ابدا ..
ياريت ياختي انا كان يوافق ياخد بناتي يربيهم عنده ويديني حتي ربع اللي هيدهولك !!
بس انا بناتي وحشين للأسف ..
خدوا خلقة ابوهم الفقري !!
رضوي .. لا ولو برضه .. طظ في الفلوس .. المهم ان بناتي يبقوا قصاد عنيا وابقي مطمنه عليهم وبعدين بقلك دا انسان مش طبيعي !!
دا مدي البنت الصغيرة لولب ويقلها اديه ل مامتك ؟!
ام نيفين .. ودا هتعملي بيه ايه دا ؟!
هو مش عارف انك ارملة ؟!
رضوي .. عارف طبعا .. وكررتله تاني اني ست ارمله لما اصر اني اخد اللوب .. قلت لا يكون نسي ولا حاجة .. راح قالي لازم تركبيه بكره ؟!
شفتي الجنان الرسمي ؟!
ام نيفين .. غريبة !!
دا كدا فعلا يبقي انسان مش طبيعي !!
رضوي .. هو اصلا العرض بتاعه دا اللي عرضة عليا مش طبيعي ابدا ووراه حاجة غامضة اكيد !!
كدا احسن بناتي في حضني وهو بقي يروح لحال سبيله ربنا يسهله بعيد عننا ..
ام نيفين .. اللي تشوفيه يا رضوي .. مصلحتك وانتي عارفاها كويس .. اروح انا بقي اجهز الاكل لأحسن المحروس جوزي بسلامته يجي وميلاقيش لقمه ياكلها يقوم يطين عيشتي !!
وفي المساء وبعد منتصف الليل واثناء ما رضوي وبناتها نائمين .. تشعر رضوي بأن شئ ما يجردها من ملابسها .. تظن ان هذا حلم او كابوس ثم تشعر بعد ذلك بمخالب تسير علي جسدها مُحدثة لها الما شديدا بعدها تستيقظ رضوي مُفزَعه لتري نفسها عارية بالفعل فتندهش من الذي جردها من ملابسها بهذه الطريقة ؟! ..
تري في الظلام وكأن جروح طوليه دامية علي بطنها وفخذيها من اسفل فتنهض مسرعة وتتوجه نحو مفتاح اضاءة مصباح الغرفة لتضيئه وتنظر ما الذي حدث لها .. لتفاجئ بالفعل جروح وكأنها ناتجة عن مخالب قط .. لتري بعد ذلك القط جيمي في زاوية الغرفة ينظر اليها وهو يلهث بشدة وعيناه شديدة الاحمرار .. رضوي ترتجف من الخوف وتقول ..
رضوي .. اعوذ بالله من الشيطان الرجيم .. انا ايه اللي بيحصلي دا ؟!
ثم تنادي علي سلمي ابنتها الكبري
رضوي .. سلمي .. يا سلمي
سلمي تأتي مسرعة منزعجة بشدة
سلمي .. في ايه يا ماما ؟!
بتصرخي كدا ليه ؟!
رضوي .. بصي يا بنتي شوفي ايه اللي جري لي ؟!
سلمي .. ايه اللي جري لك يا ماما ؟!
قلقتيني !!
رضوي .. بصي شوفي جسمي ولا انتي عميتي ؟!
سلمي .. مفيش حاجة يا ماما .. انتي كويسة !!
رضوي تنظر الي نفسها فتجد انها قد ارتدت ملابسها وذهبت عنها الجروح التي كانت في جسدها
رضوي .. ايه ده !!
انا كنت عريانه من شوية وجسمي كله كان متقطع ؟!
سلمي .. يا ساتر يارب !!
شكله كابوس يا ماما !!
اهدي بقي من فضلك
رضوي .. كابوس ؟!
طب والقط ده دخل هنا ازاي ؟!
رضوي تنظر فلا تجد القط ؟؟!!
لتفاجئ بعد ذلك بكارثة ؟! 😲😲😲
الحلقة القادمة جامدة جداا ولن تصل الا للمتفاعلين .. تحياتي .
العاشــــــــرة 😲😲
سلمي .. فين القط ده يا ماما ؟!
رضوي .. كان واقف هناك ؟!
هو راح فين ؟!
سلمي .. مفيش لا قطط ولا حاجة يا امي .. دا كابوس وانتي اتهيآلك انه حقيقي .. اهدي بقي يا ماما من فضلك .. روحي اقعدي ع السرير وانا هاجيبلك كوباية لمون .. يلا بقي يا ماما !! .. علي مهلك يا حبيبتي
رضوي لا تصدق ما حدث فتلك هي المرة الاولي التي تتعرض فيها لهذا الموقف الفظيع والمرعب .. تعود الي السرير ولكنها في حالة من الذهول والخوف الشديد .. وفي الصباح تدخل رضوي لتأخذ شاور فتلاحظ وجود انتفاخ غير طبيعي في منطقة البطن .. تظن انها غازات داخل البطن وهي التي سببت هذا الانتفاخ
رضوي .. هو انا بطني منفوخة ليه كدا ؟!
معقول تكون غازات ؟!
جايز !!
ونذهب الي فؤاد الذي نراه يجر فتاه في قمة الجمال عمرها لم يتجاوز الاثني عشرة عاما مكبلة بالقيود ويسير في مكان مظلم اسفل القصر والبنت تبكي وتستغيث كي يتركها
الفتاه .. ارجوك يا عمو سيبني اروَّح ل ماما .. ابوس ايدك تسيبني امشي من هنا.. فكني يا عمو ابوس ايديك حرام عليك!!
فؤاد ساخرا .. اخرسي يا بنت .. هو انتي فاكرة ان دخول الحمام زي خروجه ؟!
وبعدين امك قبضت تمنك خلاص !!
ثم يقف امام غرفة مغلقة ويفتح الباب بواسطة مفتاح في حوزته .. الغرفة من الداخل مظلمة تماما ولا يُري ما بداخلها من شدة ظلامها .. ثم يدفع بالفتاه الي الداخل .. قائلا ..
فؤاد .. يلا بقي ادخلي
الفتاه .. ايه المكان دا ؟!
دا مكان عتمة اوي ويخوف يا عمو !!
فؤاد .. لا متخافيش.. هينور بوجودك !!
ادخلي بقي متطلعيش روحي اومال
الفتاه .. والنبي ما تسيبني هنا يا عمو .. انا مش عملتك حاجة وحشة .. ليه بتعمل فيا كدا ؟!
سيبني اروح ل ماما ابوس ايدك
فؤاد .. متتعبنيش بقي معاكي .. ادخلي بقي !!
ثم يدفعها الي الداخل ويغلق الباب بالمفتاح وبعد ثوان معدودة نسمع صرخة الفتاه ترج المكان .. بعدها يبتسم فؤاد فرحا وكأنه كان ينتظر سماع تلك الصرخة بعدها يصعد الي القصر ليمسك برواز كان موضوعا علي المنضدة ومقلوبا علي الصورة فيعدله فتظهر الصورة وعليها شريط اسود .. انها لتلك الفتاه التي القاها في تلك الغرفة المظلمة منذ قليل .. اخذ ينظر الي الصورة وهو يبتسم ثم يتوجه ناحية الحائط ويقوم بتعليق الصورة في مكانها علي الحائط وسط مجموعة كبيرة من صور الفتيات الجميلات وينظر اليهم مبتسما فرحا وكأنه يشعر ببهجة الانتصار ثم يتوجه نحو الثلاث براويز حيثُ ما زالوا فارغين ليس بهم صور ويمعن النظر اليهم وفجأة تختفي ابتسامته ويحل مكانها غضب شديد وتحمر عيناه من شدة الغضب .. ثم يضع يده في جيبة ويُخرج صورة ل رضوي بعدها يمسك بالقلم ويرسم دائرة حول بطنها يتوسطها علامة اكس ..
نذهب الي رضوي حيث تجلس مع بناتها تناول وجبة من السمك البلطي المقلي ويشاهدون فيلم ل اسماعيل يس في التليفاز .. تبدوا عليهم مظاهر الفرح ويضحكون لمشاهدة هذا الفيلم الكوميدي وفجأة يطرق باب الشقة
رضوي .. روحي شوفي مين يا سلمي
سلمي تذهب كي تفتح الباب فتجد الطارق هي ام نيفين جارتهم ..
ام نيفين .. ازيك يا سلمي ؟
سلمي .. ازيك يا طنط .. اتفضلي
ام نيفين متوجهه نحو الداخل ..
سلمي .. شامة ريحة السمك المقلي من المنور قلت اجي اتغدي معاكم .. حكم انا نفسي فيه اوي !!
رضوي .. تعالي اتفضلي ..
ام نيفين .. يزيد فضلك يا اختي ..
رضوي .. ازيك عاملة ايه ؟ وجوزك وعيالك عاملين ايه ؟
ام نيفين .. الحمد لله كلنا بخير .. الله السمك طعمه حلو اوي
رضوي .. الف هنا وشفا
ام نيفين .. الله يهنيكي يا حبيبتي .. هاتي طبق الرز دا من عندك يا سلمي .. تعيشي يا قمر
وفجأة تشعر رضوي بألم مفاجأ في بطنها فتقول
رضوي .. اه
ام نيفين .. سلامتك يااختي من قولة اه .. مالك يا رضوي ؟!
رضوي .. مش عارفة بقالي كام يوم كدا حاسة ان بطني منفوخة وانهارده حاسه بألم عمال يروح ويجي من الصبح ودلوقتي الالم زاد اوي .. اه ..
ام نيفين .. لا الف سلامة عليكي .. من ايه دا طيب ؟!
رضوي .. معرفش صدقيني .. بعد ازنكم ادخل الحمام
ام نيفين .. اتفضلي طبعا يا حبيبتي .. مالها ماما يابت انتي وهي ؟!
سلمي .. الله اعلم .. بس هي تعبانه اوي انهارده ؟!
وتدخل رضوي الحمام وهي تمسك بطنها وتتألم بشدة وفجأة تلاحظ نزول دم من اسفل فترتجف من الخوف .. ثم فجأة تلاحظ خروج كائن غريب من اسفل فتزداد رعبا ؟؟!!
ما هو 😲😲
دا اللي هنعرفه ف الحلقة الجاية
تعليقات
إرسال تعليق