 |
الحادية عشر والثاني عشر 🔴🔥
الحادي عشر
رضوي تلاحظ خروج ثعبان طويل احمر اللون ذو رأس تشبه رأس الانسان تماما ثم ينزل الي الارض متقدما نحو الامام وفجأة يلتف ليصبح وجهه للأمام .. انه يشبة فؤاد تماما .. يضحك في وجهها فيكشف عن انياب حادة كمصاصي الدماء وفجأة ينفجر من تلقاء نفسة حتي يتحول الي قطع صغيرة جداا .. رضوي في ذهول شديد .. تخرج من الحمام مسرعة وهي تصرخ وتقول ..
رضوي .. الحقوني .. الحقوني
سلمي .. فيه ايه يا ماما ؟! ايه الدم اللي علي وشك وهدومك ده ؟!
ام نيفين .. يا ساتر يارب .. ايه ده يا رضوي ؟!
رضوي .. الحقوني .. في تعبان كبير جوة الحمام خرج من جسمي وبعد كدا انفجر مع نفسة !!
ام نيفين .. ايه الكلام ده يا رضوي ؟!
رضوي .. زي ما بقلك كدا ؟! خشوا شوفوه جوة الحمام هتلاقوه متقطع مليون حته !!
ثم تجري ام نيفين وسلمي واخواتها نحو الحمام وعندما ينظرون اليه لا يجدون شيئا ..
ام نيفين .. مفيش حاجة في الحمام يعني ؟! اومال فين التعبان ده اللي امك بتقول عليه ؟!
سلمي .. مش عارفة ؟!
جايز ماما يكون بيتهيآلها ولا حاجة !!
ام نيفين .. طب والدم اللي علي وشها وهدومها دا جه منين ؟!
سلمي .. ايوا فعلا الدم ده جه منين ؟!
ام نيفين .. اعوذبالله من الشيطان الرجيم .. البيت شكلة اتسكن بالعفاريت ولا ايه ؟!
سلمي .. تصدقي يا طنط هو ممكن يكون كده فعلا !!
ام نيفين يصيبها الخوف .. ايه ؟! طب استأذن انا بقي عشان جوزي زمانه جه .. سلاموا عليكم ..
ثم تهرول مسرعة ناحية باب الشقة وهي تقول .. سلام قولا من رب رحيم .. ربنا يجعل كلامنا خفيف عليهم
وتراها رضوي وهي تجري مسرعة نحو الباب فتندهش من هذا الفعل ثم تنظر ل سلمي وتقول
رضوي .. ايه ؟!
سلمي .. مفيش حاجة في الحمام يا ماما !
رضوي .. مفيش حاجة ازاي ؟! انتوا بصيتوا كويس ؟!
انهار .. ايوه بصينا كويس والحمام طبيعي جدا ومفهوش تعابين ولا حاجة ؟!
رضوي .. ازاي ؟! دا انفجر قدامي وكل حته منه راحت في مكان
سلمي .. دي تهيآت يا ماما
رضوي بغضب شديد .. انتي كل حاجة تقوليلي تهيآت ؟! لا مش تهيآت !! دي حقيقة .. بدليل انه لما خرج من جسمي انا حاسة دلوقتي اني بطني مرتاحة جدا والالم راح .. ولو تهيآت زي ما بتقولي .. تقدري تفسري الدم اللي وشي وهدومي ده جه منين ؟!
رضوي تنظر ل نفسها فلا تجد اي اثار لهذا الدم وملابسها نظيفة تماما
رضوي مندهشة .. ايه ده !! اومال الدم اللي كان علي وشي وهدومي راح فين ؟!
سلمي .. ماما .. واضح جدا ان اعصابك تعبانه جدا اليومين دول !! من فضلك اهدي شوية
رضوي .. انا اعصابي مش تعبانه ولا حاجة ؟! وامك ما اتجننتش يا سلمي !!
سلمي .. بعد الشر عليكي يا ماما .. انا مش قصدي صدقيني .. بس انتي اللي بتقوليه ده كلام ...
رضوي تقاطعها .. كلام مجانين !! مش ده اللي عايزه تقوليه ؟!
سلمي .. لا طبعا يا ماما .. انتي اعقل واحدة في الدنيا بس جايز يكون التوتر والقلق اللي حضرتك فيه اليومين دول هو سبب اللي بيحصل معاكي ده
انهار .. وجايز يكون البيت يكون مسكون بالعفاريت زي ما قالت طنط ام نيفين
رضوي .. عفاريت ؟!
سلمي .. ماما .. ممكن تجيبي شيخ يقرأ قرآن في البيت ويحصنه من فضلك؟
رضوي منهكة ومتعبة بشدة .. هاعمل كده فعلا
وفي اخر الليل وبينما رضوي وبناتها انهار وسهام نائمين في سرير واحد يحضنون بعضهم البعض من شدة الخوف بعد ما
حدث .. نري سلمي ترتدي ميني جيب وبلوزة وفي ابهي زينتها تفتح باب الغرفة علي امها واخواتها فتراهم نائمين ثم تبتسم في سخرية شديدة عندما تراهم يحتضنون بعضهم البعض خوفا .. ثم تغلق الباب مرة اخري .. بعدها تتوجه نحو باب الشقة تنوي الخروج ..
ونذهب الي فؤاد حيث يرن جرس باب القصر فنراه يتوجه نحو الباب يرتدي بيجامة حمراء وشبشب احمر ويحمل في يده القط المكبل بالقيود وفي الاخري سكين وكأسين فارغين .. يضعهم ع المنضدة .. ويتوجه ليفتح الباب فنجد الطارق سلمي ابنة رضوي .. فؤاد مبتسما
فؤاد .. اتأخرتي ليه كدا ؟!
سلمي .. منا ما ناموا بقي !! ايه وحشتك ؟!
فؤاد .. جدااا .. اتفضلي
ثم تدخل سلمي ويُغلق باب القصر .. بعدها تنطفئ اضواء القصر ويصبح المكان مظلم تماما ؟؟!!
ولسه اللي جاي تقيل
الثاني عشر 😲🔥
اهو سريع سريع الحلقة ورا التانية عشان خاطركم 🌷
وفي الصباح تستيقظ رضوي فلا تجد بناتها بجوارها فيصيبها الرعب وتنهض بسرعة من السرير بحثا عنهم وعندما تخرج الي الصالة تجد انهار وسهام يجلسون في الصالة يضعون ايديهم علي خدهم ويبدوا عليهم الحزن
رضوي ..صباح الخير
انهار .. صباح النور يا ماما
رضوي .. مالكم يابنات قاعدين ليه كدا ؟!
انهار.. مستنيين سلمي تيجي
رضوي .. ليه اختكم راحت فين ؟!
سهام .. منعرفش ؟! صحينا من النوم ملقينهاش
رضوي .. يعني ايه ملقيتوهاش ؟! هي مش نايمة في اوضتها ؟!
انهار .. لا يا ماما
رضوي .. لا ازاي؟!
رضوي تجري مسرعه نحو غرفة سلمي وتنظر الي السرير فلا تجد احدا عليه
رضوي مندهشة .. اومال هتكون راحت فين ؟! ومن امتي هي بتخرج من غير اذني ؟! طب رني يا انهار ع الموبيل بتاعها
انهار .. رنيت .. الموبيل بتاعها هنا اصلا !!
وفجأة تفتح سلمي باب الشقة ونراها ترتدي ملابسها العادية الحشمة .. وتحمل في يدها عيش وفول وطعمية
انهار .. اهي جت اهه
رضوي بغضب واضح .. انتي كنتي فين يا بنت ؟!
سلمي .. صحيت بدري قلت اروح اجيب الفطار
رضوي .. ومن امتي انتي بتنزلي تجيبي حاجة ؟! واصلا من امتي بتنزلي من غير اذني ؟!
سلمي .. انا لقيتك نايمة ف ماحبتش اصحيكي .. وبعدين فيها ايه لما انزل اشتري الفطار .. الحق عليا اني شايفاكي تعبانه فقلت اساعدك شوية ؟!
رضوي .. لا مفيهاش حاجة انك تساعديني .. بس الواجب انك تستأذني مني قبل ما تخرجي . . انا مش قاعدة هنا قرطاس !! ع العموم العملة دي متتكررش تاني .. فاهمه ؟!
سلمي .. حاضر يا ماما
رضوي .. طيب .. وشكرا يا ستي انك حاسة بيا وعايزة تساعديني مع انها مش طبيعتك يعني ؟! دا انتي بتغسلي المواعين بالعافية وبعد خناقة كمان !!
سلمي .. جزاتي يعني ؟!
رضوي .. ماشي يا سلمي .. بس اوعي تخرجي من البيت تاني من غير علمي ؟!
سلمي .. قلنا حاضر يا ماما .. المهم اني دلوقتي عاملة ايه ؟!
رضوي .. انا الحمد لله احسن بكتير .. بس الالم اللي في بطني رجع تاني !!
سلمي .. تاني ؟! لا بقي انتي لازم تروحي لدكتور .. وبعدين لازم شيخ يجي يقرا هنا في البيت .. انا حاسة ان البيت ده بقي مسكون عفاريت !!
رضوي .. اصطبحي يا سلمي وبلاش السيرة دي ع الصبح .. ويلا بقي انا جعانة وعايزة افطر
سلمي .. ثواني والفطار يكون جاهز يا ست الكل
رضوي .. قومي ساعدي اختك يا انهار
انهار .. حاضر يا ماما
ويرن تليفون رضوي المحمول والمتصل فؤاد
رضوي .. تليفوني بيرن صح ؟!
سهام .. ايوا يا ماما
رضوي .. ودا مين الرزل اللي بيتصل ع الصبح بدري كدا؟!
وتدخل رضوي الي غرفة النوم حيث يوجد المحمول ثم تمسك به وتنظر الي الشاشة فتفاجأ بان المتصل فؤاد فتندهش بشدة
رضوي .. فؤاد !! ودا عايز ايه تاني ؟! الو
فؤاد .. صباح الخير
رضوي .. صباح النور
فؤاد .. صحيتك من النوم ولا حاجة ؟
رضوي .. لا ابدا .. انا صحيت من شوية
.. تحت امرك يا فؤاد بيه
فؤاد .. اخبارك ايه ؟ والبنات اخبارهم ايه ؟
رضوي .. احنا كويسين الحمد لله
فؤاد .. مش ناوية تغيري رأيك وتديني البنات
رضوي .. احنا قفلنا الموضوع دا خلاص !
فؤاد .. بس انا مش هاين عليا البنات يكونوا بعيد عني !!
رضوي .. غريبة !! دا لو ابوهم عايش مش هيتمسك بيهم كدا ؟!
فؤاد .. انتي متعرفيش معزتهم عندي اد ايه
رضوي .. والله دا شعور نبيل من حضرتك بس والله انا ما زلت عند رأيي ..
فؤاد .. طب انا هادفعلك ٣ مليون دولار ولا اقلك هادفع ٤ مليون دولار .. ايه رأيك ؟
رضوي .. ياااااه .. الضعف مره واحدة ؟!
فؤاد .. ايوا هاديكي ضعف المبلغ .. قلتي ايه ؟!
رضوي .. قلت اسفة بناتي لا يمكن يبعدوا عن حضني ثانية واحدة.. وبعدين الحاح حضرتك العجيب ده بيخليني اقلق واحس ان فيه لغز ورا ده ؟!
فؤاد .. ولا لغز ولا حاجة .. انا قلتلك قبل كدا اني بقدر كل شئ جميل وبحب اقتنيه واحافظ عليه
رضوي .. انا اسفة حضرتك .. دا مش مبرر انك تدفع الفلوس دي كلها .. واذا كان ع الجمال فيه زي بناتي واجمل كمان!!
فؤاد .. من فضلك يا مدام رضوي توافقي علي عرضي
رضوي .. اسفة حضرتك .. وياريت تقدر موقفي كأم فعلا قلقانه وحاسة ان فيه حاجة مش مظبوطة وبعدين فيه سؤال انا كنت عايزة اسأله لحضرتك بس خفت اسأله
فؤاد .. ايه هو ؟!
رضوي .. انا لما دخلت القصر عندك اول مرة لقيت صور بنات كتير متعلقة ع الحيط وعليهم كلهم شريطة سودا .. مين دول ؟! مع ان حضرتك قلتلي انك لا متجوز ولا عندك اولاد ؟!
وفجأة ينقطع الاتصال
رضوي .. الو !! .. هو قفل السكة ولا ايه ؟! احسن برضه
وفي المساء تذهب رضوي الي الطبيب ليكشف عليها وبعد الفحص يخبرها الطبيب بالاتي ..
الطبيب .. قليلي يا مدام رضوي هو الالم اللي في بطنك ده من امتي ؟
رضوي .. يعني بقاله اسبوع كده
الطبيب .. اها .. بصي هو الفحص طبيعي جداا .. والسونار مش مبين حاجة .. احنا هنمشي ع الدوا ده لمدة اسبوع ولو مفيش تحسن نعمل منظار
رضوي .. ماشي .. طب اعمل تحاليل ولا حاجة؟
الطبيب .. لا مش محتاجين تحاليل .. انتي زي الفل علي فكرة .. وشكله كده في الاخر هيطلع شوية قلق وتوتر عصبي
رضوي .. ومين معندوش دلوقتي قلق ولا توتر يا دكتور ؟!
الطبيب .. هههه .. عندك حق .. بس فيه اللي بيستحمل والحياه بتمشي عادي وفيه اللي بيؤثر علي جسمة واعضائة الداخلية ويبتدي يشكي زي حضرتك .. مش عاوزين نسبق الاحداث .. امشي ع العلاج بأنتظام واسبوع واشوفك
وتعود رضوي الي المنزل ومعها احد المشايخ كي يتلو القرآن في المنزل ويقوم بتحصينة
رضوي .. اتفضل يا عم الشيخ
الشيخ .. يارب يا ساتر .. هاتيلنا شوية ميه في حاجة تكون نضيفة يا ست ام سلمي نقري عليها قرآن ونرشها في اركان البيت
رضوي تلاحظ ان الشيخ بدأ يضيق نفسه
رضوي .. مالك يا عم الشيخ حسن ؟!
الشيخ .. نفسي ضاق يا بنتي اول ما دخلت هنا ؟!
سلمي .. مش قلتلك يا ماما .. البيت بقي مسكون !!
الشيخ .. متخافيش يا سلمي يا بنتي .. بعون الله كلام ربنا قادر يحرق جني مؤذي مهما كانت قوته
رضوي .. تشرب ايه يا شيخ حسن ؟
الشيخ .. شوية ينسون حلوين من ايدك يا سلمي يا بنتي
سلمي .. حاضر من عنيا
الشيخ .. تسلم عنيكي يا بنت الغاليين .. توكلنا علي الله .. هاتي الميه بقي يا ام سلمي خلينا تقرا ونبدأ بأسم الله
رضوي .. حاضر
وتحضر رضوي الماء النظيف ثم تجلس هي وبناتها في غرفتها يستمعون الي صوت الشيخ وهو يقرأ القرآن وفجأة يتوقف الشيخ عن القرآة مما يثير قلق رضوي وبناتها ويدفعها الي الخروج من الغرفة لمعرفة ما الذي حدث
رضوي .. هو الشيخ وقف ليه ؟!
سلمي .. مش عارفة ؟!
انهار .. جايز يكون بيريح شوية
رضوي .. هو ملحقش يقرا عشان يريح !! انا طالعة اشوف ايه الحكاية .. مفيش واحدة منكم تتحرك من هنا .. سامعين ؟
سلمي .. حاضر
وتخرج رضوي لتفاجأ بصدمة كبيرة ؟؟!!
ايه هي ؟! 😲😲
اللي هيعمل مشاركة للحلقة علي صفحته ابعتله الجزء التالي فورا
انتظروا الجديد بعد قليل
البارت الثالث عشر والرابع عشر من هنا
تعليقات
إرسال تعليق