 |
الثالثة عشروالرابع عشر 😲🔥
رضوي تجد الشيخ حسن توقف عن القرآة مسنداً ظهره الي مسند الكرسي الذي يجلس عليه ورأسه مائلة الي اسفل كأنه نام فجأة وهو يقرأ القرآن .. رضوي تقترب منه في دهشة وقلق وتقول ..
رضوي .. عم الشيخ حسن .. هو انت نمت ولا ايه ؟!
الشيخ حسن لا يتحرك ولا يجيب فيزداد قلق رضوي ..
رضوي .. يا عم الشيخ !!
رضوي تنظر الي الماء النقي الذي احضرته فتجدة قد تحول لونة الطبيعي من الشفاف الي الاسود القاتم ..
رضوي .. يا ساتر يارب .. ايه ده ؟! يا عم الشيخ حسن .. رد عليا ؟!
رضوي تهزه بحذر شديد لعله يكون بالفعل نائم
رضوي .. عم الشيخ حسن اصحي بقي !!
الشيخ حسن يسقط علي الأرض فجأة بعد ان هزته رضوي
رضوي مصدومة .. يا لهوي !!
الحقوني يا بنات بسرعة .. الشيخ باين عليه مات ؟!
ونذهب الي فؤاد الذي يجلس في غرفته امام المرآة يمشط شعره ويرش من زجاجة عطر علي ملابسة ثم ينظر ناحية السرير ويبتسم قائلا ..
فؤاد .. اديني جهزت يا ستي اهوه !!
ثم ينهض ويتوجه نحو السرير فنجد تمثالا من البلاستيك علي شكل انسان يشبه رضوي تماما يجلس علي السرير .. وعليه قميص نوم احمر .. فؤاد يجلس بجوار التمثال وينظر اليه قليلا ثم يقول ..
فؤاد .. مش هتبطلي دماغك الناشفة دي وتديني البنات ؟!
التمثال يهز رأسه بمعني لا
فؤاد .. لا .. لسه دماغك ناشفة يعني ؟!
التمثال يهز رأسه بمعني نعم
فؤاد .. بتقولي اه ؟!
بتقوليها في وشي كده بكل بجاحة ؟!
علي فكرة انا ممكن اكسرلك دماغك الناشفة لحد ما توافقي واخد البنات منك !!
التمثال يهز رأسه بمعني نعم
فؤاد .. يعني مفيش فايدة ؟!
عايزاني اكسر دماغك عشان توافقي وتديني البنات ؟!
التمثال يهز رأسه بمعني نعم
فؤاد .. تمام .. انتي اللي اخترتي بقي !!
التمثال يبتسم ثم بعد ذلك يمد يده ويطفئ نور الاباجورة فتُظلم الغرفة ..
ونذهب الي رضوي حيث تستيقظ من نومها مفزوعه .. حيث تنام وسط بناتها الثلاث .. سلمي تستيقظ علي صراخ امها
سلمي .. مالك يا ماما في ايه ؟!
رضوي مفزوعة وتتنفس بسرعة .. اعوذبالله من الشيطان الرجيم
سلمي .. كابوس تاني ؟!
طب اهدي يا ماما .. خدي اشربي
رضوي تشرب قليلا من الماء وتحاول ان تهدأ
سلمي .. اهدي عشان خاطري .. اكيد ده بسبب اللي حصل للشيخ حسن انهارده !!
الله يرحمه
رضوي .. انا مبقتش فاهمه اللي بيحصلي ده ايه سببه ؟!
انا مكنتش كده ؟!
سلمي .. ما تيجي نمشي من الشقة دي يا ماما .. شكلها كده اتسكنت بالعفاريت !!
رضوي .. نمشي نروح فين بس يا بنتي ؟!
هو احنا لاقين حق اللقمة لما هنلاقي ندفع ايجار ؟!
احمدي ربنا انها شقة ايجار قديم وايجارها يدوب ملاليم
سلمي .. طب ما توافقي نروح نقعد عند عمو فؤاد .. اهوه هنعيش هناك عيشة كويسة دا غير الفلوس اللي هناخدها منه اللي هتخلينا نعيش بقية حياتنا ملوك
رضوي .. متجيبيش سيرة الراجل ده تاني علي لسانك يا سلمي .. انا اللي بيحصلي ده محصليش غير لما الراجل ده ظهر في حياتي !!
رضوي .. متجيبيش سيرة الراجل ده تاني علي لسانك يا سلمي .. انا اللي بيحصلي ده محصليش غير لما الراجل ده ظهر في حياتي !!
سلمي .. بالعكس يا ماما .. عمو فؤاد راجل طيب اوي وحنين كمان .. ده بيعاملنا ولا كأننا بناته
رضوي .. والله الراجل ده انا مش مرتحاله وحاسة ان وراه سر كبير .. ومن فضلك فضينا من السيرة دي بقي !!
سلمي .. خلاص .. خلاص .. اهدي بقي
ثم تقبلها في رأسها فتبتسم رضوي وتضم ابنتها اليها بكل شوق وحب
رضوي .. انا ولا مال الدنيا كلها يعوضني عن لحظة تبعدوا فيها عني
سلمي .. يا حبيبتي يا ماما .. واحنا كمان منقدرش نستغني عنك ابدا
وفجأة تشعر رضوي بألم شديد في بطنها
رضوي تتألم .. اه
سلمي .. مالك يا ماما ؟!
رضوي .. شكل الالم رجعلي تاني !!
العلاج بتاع الدكتور ده مش عامل حاجة !!
سلمي تنظر الي بطن امها فتجدها منفوخة وكأن شئ ما يتحرك بداخلها !!
رضوي تلاحظ نظرات ابنتها .. في ايه يا سلمي .. متنحة ليه كده ؟!
سلمي .. مش عارفة ليه حاسة ان بطنك منفوخة وزي ما يكون حاجة بتتحرك جواها ؟!
رضوي .. ما هي فعلا منفوخة بطريقة مش طبيعية !!
بس الدكتور قالي دي غازات
سلمي .. روحيلة تاني يا ماما شوفي ايه الحكاية .. وقوليلة ان العلاج مش جايب نتيجة !!
رضوي .. هارحله بكره ان شاء الله .. ناوليني برشامة من العلبة اللي جمبك دي
سلمي .. حاضر
ونذهب الي فؤاد حيث اضاء نور الاباجورة ونراه ينظر الي الدمية مبتسما وهو متعب جدا وكأنه بذل مجهود غير عادي .. يلتقط انفاسه بسرعة ثم يقوم ويرتدي ملابسة التي خلعها والقي بها علي السرير .. ويسير وهو يترنح نحو باب الغرفة قدماه لا تحملاه وكأنه اوشك ان يسقط علي الارض .. يفتح باب الغرفة متهجا الي الخارج .. ثم يلتفت الي الدمية وينظر اليها ثم يضحك بصوت عال وبطريقة هيستيرية !!
ونذهب الي رضوي التي ذهبت الي الطبيب لتفاجأ بصدمة كبيرة ؟؟!!
دا اللي هنعرفه ف الحلقة الجاية
تحياتي
الرابع عشر 😲🔥
وتذهب رضوي مرة اخري الي الطبيب
الطبيب .. ازي الحال دلوقتي يا مدام رضوي ؟
اكيد افضل طبعا ؟
رضوي .. بالعكس انا حاسة ان التعب عليا زاد !!
الطبيب .. غريبة ؟!
دا انا حتي مديلك علاج قوي جدا والمفروض انه يريحك ؟!
رضوي .. هو انا فعلا ارتحت اول يومين بس بعد كده الالم رجع تاني واشد من الاول !!
انا من امبارح منمتش من الالم اللي في بطني وعماله اخد في مسكنات ومفيش فايدة !!
الطبيب .. طب اتفضلي ع السرير افحصك
وبعد ان يفحصها الطبيب ويقوم بعمل سونار علي البطن ..
الطبيب .. انا بصراحة مش شايف اي حاجة غريبة في بطنك !!
الامعاء حركتها عادية جداا والكبد زي الفل والكلي شرحه !! ومفيش اي شئ يقلق تماما .. انا زي ما قلتلك يا مدام رضوي ده توتر عصبي مش اكتر هو اللي سبب الاعراض دي اللي عندك
رضوي .. بس انا حاسة ان بطني منفوخة اوي بدرجة مش طبيعية !!
الطبيب .. عادي .. غازات
رضوي .. غازات ايه اللي تخلي بطني بالمنظر ده ؟!
ده انا ولا كأني حامل وعلي وش ولاده كمان !!
الطبيب .. والله يا مدام رضوي انا شايف ان الدنيا عندك تمام .. وبصراحة مفيش اي تفسير علمي للأعراض اللي انتي بتشكي منها دي غير انه توتر وضغط عصبي مش اكتر .. حاولي تبقي ريلاكس وخدي الامور ببساطه وانتي هتبقي احسن ان شاء الله .. ولو حسيتي انك ما زلتي تعبانه ومش قادرة تتخلصي من الاحساس ده .. ده عنوان الدكتور سعد الغرابلي استاذ الطب النفسي .. مفيش مشكلة لو تروحيله وهو هيساعدك ان شاء الله .. الف سلامة
رضوي .. بس انا مش تعبانه نفسيا يا دكتور ؟!
الطبيب .. بصي يا مدام رضوي في حاجة في الطب اسمها اعراض نفس جسدية دي بتبقي الام حقيقية بيحس بيها المريض لكن بالفحص بنلاقي ان مفيش سبب عضوي للآلام دي .. وبالتالي بنرجح ان السبب هو الحالة النفسية للمريض بتبقي مش متظبطة وعشان كده بتعمل الاعراض دي اللي بيحس بيها .. انا عارف انك تعبانه فعلا وشكوتك دي حقيقية .. بس صدقيني انا مش شايف اي سبب عضوي للشكوي دي
رد فعل علي وجه رضوي ..😲
وتعود رضوي الي المنزل وقد اشتد عليها الالم فتجد بناتها في انتظارها
سلمي .. خير يا ماما .. الدكتور قالك ايه ؟
رضوي .. قالي حالة نفسية وحولني لدكتور امراض نفسية وقالي لو مراحتش الاعراض دي ابقي روحيلة !!
سلمي .. نفسية ؟! طب مش جايز يكون ده فعلا سببه حالتك النفسية يا ماما ؟
رضوي .. والله يا سلمي انا مبقتش فاهمه حاجة خالص ؟! وفجأة كده اتكبيت ما اتلميت !! انا مكنتش كده ابدا !! انا عمري ما اشتكيت من حاجة خالص !!
سلمي .. ربنا يشفيكي يا ماما
رضوي .. يااارب .. لأني بجد تعبت .. تعبت والله .. انا عايزة ادخل الحمام
سلمي .. اساعدك طيب ؟
رضوي .. لا .. مش محتاجة مساعدة .. انا كويسة
رضوي تتحامل علي نفسها مع انها تتألم بشدة وبناتها يلاحظون ذلك ثم تذهب الي الحمام
انهار .. ماما تعبانه اوي يا بنات ؟!
سلمي .. ربنا يشفيها يارب
وبعد ان تدخل رضوي الي الحمام تعض علي كفها من شدة الالم .. ثم تلاحظ خروج ثعبان كبير مرة اخري ولكن هذه المرة مختلف تماما فله ثلاثة رؤوس وكل واحدة منهم تحمل شكل واحدة من بناتها ثم يلتف حولها ليعصر جسدها ورضوي ترتجف من الخوف ولا تستطيع الحركة ثم بعد ذلك تكون تلك الرؤوس الثلاثة في مواجهة رضوي ويتحدثون اليها فتقول الرأس التي تحمل صورة وجه سلمي
الرأس .. انتي مش عايزة تودينا عند عمو فؤاد ليه ؟!
الرأس الاخري التي علي صورة انهار .. انطقي ؟!
الراس التي علي صورة سهام .. عشان انانية وبتحبي نفسك ؟! سيبينا نروح
الراس التي علي صورة سلمي .. ايوه سيبينا نروح
ثم يقولون جميعهم في صوت واحد .. سيبينا نروح .. سيبينا نروح .. سيبينا نروح
رضوي تصرخ وتستغيث .. الحقوني .. الحقوني يا ناس
وفجأة ينفجر الثعبان مرة اخري ليتحول الي اشلاء صغيرة .. في نفس اللحظة يدخلون بناتها الثلاث عليها الحمام وهم يقولون في صوت واحد .. مالك يا ماما ؟!
رضوي تنظر اليهم ثم تسقط علي الارض مغشيا عليها ..
وفي اليوم التالي تذهب اليها ام نيفين لزيارتها
ام نيفين .. امك فين يا بت انتي وهي ؟
سلمي .. ماما نايمه في السرير تعبانه اوي يا طنط !!
ام نيفين .. انا عارفة ايه بس اللي جري لها ده ؟! انا داخلالها
سلمي .. اتفضلي يا طنط
وتدخل ام نيفين الي رضوي فتجدها في حالة اعياء تام ووجها اصفر وشاحب اللون
ام نيفين .. ازيك يا رضوي ؟ مالك يا حبيبتي بس .. ايه اللي جري لك ؟!
رضوي .. مش عارفة يا سهير .. فجأة كده اتلخبطت وبقيت زي ما انتي شايفة !!
ام نيفين .. ده عين وصابتك يا رضوي ولا يكنش يا بت معمولك عمل ؟!
رضوي .. مين بس اللي هيعملي عمل يا سهير ؟!
ام نيفين .. الناس المؤذية كتير ياختي .. ربنا يكفينا شرهم
رضوي .. طب وهيعملولي عمل ليه يعني ؟! انا طول عمري في حالي ومأذتش حد ابدا !!
ام نيفين .. بصراحة انا شاكة في البت نجلاء
رضوي .. نجلاء مين ؟!.
ام نيفين .. نجلاء مرات محمد شاكر اللي في البيت اللي قصادك .. مش جوزها كان بيلوف عليكي وعايز يتجوزك ؟!
رضوي .. ايوه بس ده موضوع قديم اوي وراح لحالة !!
ام نيفين .. راح لحالة ازاي وانتي بتقولي انه لسة مقابلك من يومين وفاتح معاكي الموضوع تاني ؟!
رضوي .. ما يفتح براحته .. هو شايفني معبراه اساسا .. يروح بس يربي كوم العيال اللي في رقبته بدال ما عايز يتجوز تاني بسلامته ؟!.
ام نيفين .. ايوه بس متنسيش انها لما عرفت جاتلك وعملت معاكي خناقة لرب السما وبعدين ان اسمع انها ولية بتاعة اسحار وليعوذبالله !!
رضوي مندهشة بشدة .. معقول تكون عملالي عمل فعلا بنت اللذينا دي ؟!
ام نيفين .. وليه لا .. كل شئ جايز
رضوي .. طب وايه الحل ؟!
ام نيفين .. مفيش غيرة الشيخ صلاح.. روحيلة ولو معمولك عمل فعلا هيفكهولك وهيقلك مين اللي عاقدهولك كمان .. ده ولي من اولياء الله وسرة باتع اوي !!
رضوي .. خلاص نرحله .. يمكن ربنا يجعل الشفا علي ايديه
ام نيفين .. ان شاء الله ياختي الشفا هيكون علي ايدية .. اطمني يا رضوي
وبالفعل تذهب رضوي ونيفين عند الشيخ صلاح ليخبرها بشئ صادم ؟؟!!😲
انتظروني والجزء التالي .. تفاعل عشان انزل اللي جايه بسرعه
تعليقات
إرسال تعليق