 |
ج. 6...
متعه_مزيفه
وقالت وهى منهاره مسكه وخنقه ورماه فى البحر
وانا لما شوفته معرفتش اعمل حاجة انا ست كبيره يا بنتى
. قعدت على البحر وانا مش حاسه بنفسى وبقول اكيد علاء قتل سعيد وانا روحت فى داهيه بس هعمل ايه دلوقتى انا لازم اروح بيت ماما حالاً
.. مالك يا بنتى فيكى ايه ومين الناس دى احكيلى ويمكن انا اساعدك
.. مفيش انا لازم أمشى من المكان ده دلوقتى وقومت من جمبها وانا مش قادره امسك اعصابى
ومسكت ايدى وقالت احكيلى بس واقعدى.
وقعدت وانا ميته من العياط وابتديت اهدى واتمالك اعصابى وعينى على البحر وقولتلها
انا لازم أمشى ومش هقدر احكى حاجه دلوقتى بس كل اللى اقدر اققولوا انى انا فى مصيبه
ومسكت الفون وحاولت اتصل بأختى بس مفيش شبكه خالص
وابتدى النهار يطلع وانا قاعده معاها على البحر وكانت ست نظراتها غريبه وكنت خايفه منها اوى
وقولت لنفسى انا لازم أمشى واطلع من المكان ده على الاققل هيكون فى شبكه واقدر اتصرف وافهم ايه اللى بيحصل؟!
.. انتى بتكلمى نفسك يا بنتى وبعدين انت اسمك ايه؟
.. انا بكلم نفسى من الغلب والمصيبه اللى وقعت على دماغى
.. كله هيتحل بس سبيها على الله يا اسمك ايه
.. انا أسمى نواره وحضرتك اسمك ايه وعندك اولاد ولا لأ وايه اللى جابك هنا
.. انا أسمى عزيزه وعيالى رمونى بعد ما اخدوا بيتى منى وده حالى بنام فى الشارع
.. معقول ولادك يعملوا فيكى كده؟!
.. واكتر من كده بس مش بدعى عليهم مش بقول غير ربنا يهديهم
وقولت لنفسى لازم الست دى اخدها معايا لأنها الشاهده الوحيده على اللى حصل وان علاء قتل سعيد
وقولتلها انا لازم امشى دلوقتى وطلبت منها تيجى معايا الشاليه
وفعلاً قامت معايا وروحنا الشاليه وكانت لسه الكهرباء قاطعه بس النهار ابتدى يطلع وخليتها تقعد فى الشاليه
.. انا جعانه يا نواره
.. حاضر انا هخرج دلوقتى وهشوف اى مكان اشترى منه اى أكل وهرجعلك وخدت شنطتى
وفعلاً خرجت وسبتها ووقفت مكان ما التاكسى نزلنى بس مكانش فى اى مواصلات مفيش غير ملاكى
وكنت خايفه انى أوقف اى عربيه واقول لحد ساعدنى
ومسكت الفون وابتدت الشبكه تجمع بس مش عارفه اتصل
وانا واقفه على الطريق شوفت عربيه وقفت فيها بنتين ومعاهم كلب والغريبه ان الكلب كان بينبح وكأنه بيصرخ وقولت يارب استرها
وقربت منهم وكل لما أقرب صوت الكلب بسمعه اكتر ووطيت وخبط على الشباك وفضلت اخبط بس الغريبه مش واخدين بالهم منى
وقولت أمشى وهحاول اشوف اى حد يساعدنى
وسمعت صوت بنت بتقول يا انسه يا انسه كنتى عاوزه حاجه!
انا فرحت ورجعت وقربت منها وقولتلها.
.. ايوه عاوزه اققرب مكان يكون فى سوبر ماركت ياريت واطلع على الطريق
.. تعالى اركبى
. وركبت معاهم بس اول لما ركبت كانت ريحه العربيه كلها سجاير وانا بتخنق من ريحتها بس قولت هعمل ايه المهم اطلع على الطريق
والبنت التانيه ماسكه الفون وقاعده على النت والكلب قاعد جمبها
وانا قاعده وكنت محروجه اوى بس قولت لنفسى كويس انهم بنات زيى والمهم عندى اشترى
اى حاجه تاكلها الست الغلبانه دى وكمان علشان لما اشوف علاء اواجهه بجريمته وانه قتل سعيد
ولو انكر أظهر الست عزيزه وبكده اسجنه ويغور بقى من حياتى واخلص من قرفه الفاجر ده
3 سنين سايبنى زى البيت الوقف ويقول انه مريض
وانا مستحمله لحد ما ضيعت حقوقى وغلط مع راجل تانى سعيد 🥺 اللى حبنى من قلبه ومات بسببى
واتخضيت من رنه الفون وبصيت فيه وكانت جهاد ورديت عليها.
.. ايوه يا جهاد انا فى مصيبه الحقينى والشبكه فصلت ياه الشبكه فصلت تانى
فى بيت نواره
جهاد جريت على اوضه مامتها وصحتها من النوم وقالت لها أن نواره كلمتها وانها فى مصيبه
.. مصيبه ايه اللى اختك فيها؟
.. معرفش يا ماما هى قالت كده والفون فصل واتصلت بيها وغير متاح
.. طيب اتصلى ب علاء تلاقيها متخانقه معاه
.. حاضر بتصل اهو بس تليفونه مغلق باين كده يا ماما هما فى مكان مفهوش شبكه
.. بس مصيبه ايه اللى اختك فيها لازم نتصرف انتى تعرفى هما فين بالظبط
.. لأ معرفش هى قالت مسافره مصيف وخلاص وبعدين هى مع جوزها مش، مع حد غريب وكل
اللى اعرفه لما وصلت كلمتنى واتس وقالت انهم فى شقه واحد صاحب علاء بس مقالتش اسمه او اى حاجه عنه
.. يارب استرها وهنعمل ايه دلوقتى يا جهاد
.. مش هعمل حاجه دلوقتى لأن الظاهر ان مفيش شبكه لما تجمع عندها اكيد هتكلمنى وهعرف منها كل حاجه علشان متصرفش غلط
.. اتصلى وخليكى وراهم يا بنتى انا هقوم اصلى ركعتين الصبح والله المستعان
فى طريق الشاليه
وانا قاعده بكلم نفسى فى العربيه والبنات كل واحده فيهم فى وادى غير التانيه وكل اللى بفكر
فيه ان لازم اتصرف واشوف علاء وغير الست عزيزة اللى فى الشاليه يااه انا حاسه انى تعبانه ومتلغبطه
وفجأه بنت منهم قالت.
.. مالك وشك اصفر ومن وقت ما ركبتى العربيه وبتكلمى نفسك فى حاجة ممكن اساعدك فيها! او عندك مشكله
.. لا مفيش المهم ربنا يخليكى انا عاوزه اققرب سوبر ماركت
.. حاضر نطلع بس من الطريق ده وهتلاقى الدنيا كلها عمار هو انتى متجوزه
.. اه متجوزه بس معنديش اولاد
.. بس شكلك مش من هنا
.. ايوه مش من هنا احنا بس جايين مصيف يومين
. وفجأه البنت اللى بتسوق سرعت فى السواقه وانا خوفت لدرجه انى صرخت وغيرت اتجاه الطريق والعربيه وقفت بينا مره واحده؟
فى الشقه.
تليفون علاء بيرن ولما رد كانت جهاد ومتوتره وسألته على نواره وخصوصاً انها كلمتها وقالت
إنها فى مصيبه والفون غير متاح ولما حاولت تكلمه كان الفون غير متاح
بس قالها انها من امبارح مش موجوده ومحبش يتصل بيهم علشان ميحصلش قلق ومستنى لما
يعدى 24 ساعه لو مرجعتش يبلغ وقفل معاها بعد ما طلبت منه العنوان وقالت إنها هتكون عنده هى
ومامتها علشان قلقانه على اختها.
.. يا ترى مراتك راحت فين يا علاء؟!
.. معرفش يا هناء والمصيبه انها غريبه عن هنا ومش عارف راحت فين؟! دى كانت تعبانه وقالت إنها مش هتخرج انا هتجنن؟
وخرج سعيد من اوضته جرى وقال بلهفه فى رساله من نواره..
يتبع..
الجزء_السادس
متعه_مزيفه
بقلمى_كوكى_سامح
و علقوا ب 20 ملصق علشان يوصلكم اشعار الجزء السابع وياريت الكل يعلق علشان البوست يوصل لكل أعضاء الصفحه 👍🏼
.
ج. 7...
متعه_مزيفه
وخرج سعيد من اوضته وقال بلهفه فى رساله من نواره
وقام علاء وهو متجنن وقال:
.. رساله من نواره معقول وجاتلك انت يا سعيد طيب فيها ايه الرساله دى!
.. انا صحيت من النوم ولقيت نوت فويس ده على الواتس اسمعه كويس
وقرب منه وخد الفون وشغل الفويس وابتدى يسمع وكان صوت نواره وقالت.
علاء مدورش عليه انا خلاص مش راجعه تانى انا استحملت 3 سنين غلب ومرار وانا زى ما انا..
انا عمرى ما حسيت انى ست طلقنى وابعد عنى انا مش راجعه تانى وبكرر كلامى انا مش راجعه تانى طلقنى وياريت بلاش تبلغ انا اللى هربت وخلصنا على كده.
الكاتبه كوكى سامح
وسمع الفويس وابتدى يشغله كذا مره ويسمعه من الاول وفضل على كده اكتر من نص ساعه
وقال وهو بيضرب دماغه فى الحيطه لحد ما جابت دم.
نواره يا فاجره يا بنت الكلب انتى تهربى منى
وانا كنت بقول لناس كلها انى عايش مع ملاك ويا ترى هربت مع مين!
ومين غاواها ؟
وقرب منه سعيد ومسكه وابتدى يهديه وبص ل هناء وقالها بسرعه هاتى بن
ودخلت تجرى على المطبخ وجابت بن وخده منها وابتدى يكبس الدم ل علاء وقال :
اعملى ليمون بسرررعه. ده الراجل منهار انا حاسس انه هيقع مننا.
وهناء دخلت المطبخ تعمل الليمون..
وابتدى سعيد يتكلم ويقول بصوت ونظرات كلها خباثه.
.. معلش الستات كلها كده انا مكنتش مرتاح لها مش عارف ليه
من يوم ما انت قولتلى انك حتى لسه ملمستهاش
قولت هو فى ست تستحمل كل ده معقول
.. نواره غير كل الستات دى كانت حتى مبتخرجش من البيت ازاى تهرب منى وتقولى كلام زى ده
.. علاء دى ست واسمع منى كلهم الخيانه فى طبعهم
.. الا نواره يا سعيد انا مش مصدق نفسى انا حاسس انى هموت
لأ انا لازم اقتلها واشرب من دمها بنت الكلب الفاجره انا مش هسكت
.. الحل يا صاحبى انك تطلقها وتنساها دى واحده هربت منك يعنى لامؤاخذه يعنى مش طيقاك
وبتقولك مش هترجع تانى يعنى خلاص نواره
الكاتبه كوكى سامح
شكلها كده تعرف حد غيرك وعرف ياخد مكانك علشان كده هربت منك
.. انا لازم اقتلها وابتدى يتوجع من الجرح اللى فى دماغه
.. تعالى ننزل اى صيدلية نشوف الجرح ده يا علاء قوم يلا
.. الجرح فى قلبى يا سعيد مش فى دماغى ومش هسكت غير لما ادفنها
.. عاوز تقتل واحده هربت منك ما تفوق يا جدع ما فى ستين داهيه دى متستهلش حتى تاخد فيها يوم حبس
وخرجت هناء من المطبخ ومعاها الليمون وقالت.
.. يا مصيبتى الجرح ده لازم يتخيط مش هينفع البن بس ده ياخد غرزتين لا حول ولا قوة الا بالله
انا مش عارفه ايه اللى جرا ل نواره دى كانت ملاك بس عارف.
.. هناء اسكتى دلوقتى.
.. سيبها تتكلم يا سعيد قولى فى ايه؟
وقربت منه وقعدت جمبه وكأنها شيطان بيتكلم وقالت:
انا شوفت حاجه كده يارب انا مش عارفه اقول ولا ايه؟. بس انا حكيت ل سعيد حتى اسأله
.. قولى يا هناء شوفتى ايه ارجوكى بدل ما ارتكب جنايه.
.. من اول يوم هنا وانا شوفتها فاتحه فيديو
وكانت. كانت. كانت
وقال بعصبيه
.. كانت ايه ما تنطقى
.. بالراحه يا علاء على نفسك صدقنى دى متستهلش
.. قولى كانت ايه؟
.. شوفتها بتكلم حد وفاتحه فيديو وكانت عريانه بس انا حاولت اتكلم معاها وهى قالت بتتسلى
وطلبت انى ادارى عليها وهتبقى اخر مرة ومش هتعمل كده تانى وباست رجلى كمان وانا صدقتها
بس اهى جابت اخرتها وهربت طلعت واطيه بنت ال...
الكاتبه كوكى سامح
انا اسفه متزعلش منى يا علاء اصل النوع ده انا اعرفه كويس ميملاش عينه غير التراب
.. دى فاجره انا مش هسبها انا هقتلها واخلص من العار اللى حطته على دماغى
وتليفون علاء رن وكانت جهاد وقالت إنها فى الطريق بس مش عارفه المكان كويس وطلبت اللوكيشن
ورد عليها بعصبيه وبعت اللوكيشن وقفل معاها وكان منهار وعلى آخره
وقال :
هات الرقم اللى نواره بعتت عليه الفويس.
.. الرقم وتنح وقام ومسك الفون وابتدى يتصل وكان مقفول وقال انت فاكر ان الرقم هيتفتح دى اكيد اشترته وبعتت من الفويس وخلاص.
وعلاء خد سيجارة وخرج البلكونه وقعد يفكر وبيكلم نفسه ويقول
يا ترى مين اللى غاواها من هنا ولا لأ ويا ترى عرفته منين انا حاسس ان دماغى هتنفجر من كتر التفكير
ودخلت عليه هناء وقربت منه ومسكته من وسطه
.. متزعلش نفسك دى متستهلش انت عارف من اول يوم شوفتك فيه وانا بقول انك احسن منها
انت فرفوش وبتحب الضحك وهى كانت اتمه وبصراحه من يوم ما شوفتها وهى عريانه
وفاتحه فيديو نزلت من نظرى وكنت بشوفك وبتصعب عليه اوى اوى
وقرب منها وقال بس انا مش هسبها
بس هناء مش ساكته وقالت
.. هى مين اللى كانت بتكلمك فى الفون اختها صح
الكاتبه كوكى سامح
.. ايوه اختها جهاد حضرتها جايه هى وحماتى علشان يطمنوا على بنتهم الخاينه
.. بس ياريت تسمع منى اوعاااا تقولهم انها هربت
.. ليه لازم يعرفوا ان بنتهم خاينه ده انا هفضحهم
.. لأ تبقى عبيط لو عرفوا كده هيخافوا منك ولو هى كلمتهم مش هيقولوا على طريقها
.. عندك حق و انا لازم اعرف طريقها علشان اقتلها
ودخل عليهم سعيد وقال ان البواب بيشتكى ان الحمام بيرشح على الشقه اللى تحتهم ولازم تصليح
.. مش وقته يا سعيد دلوقتى قولوا اى حاجه انت
مش شايف حاله صاحبك عامله ازاى
.. انا اعمل ايه دلوقتى بيقول لازم تصليح ولا
نمشى من هنا احسن.
رد علاء وقال :
على فين؟
انا عندى شقه غير دى ممكن نروح نقضى فيه يومين
والله فكره ايه رأيك يا علاء
مش وقته يا هناء انا مراتى هربت
ولازم ادور عليها لحد ما الاقيها
وبعدين انا حماتى وبنتها
فى الطريق.
وقال هو انت عندك شقه غير الشقه دى
.. اه عندى انت ناسى ان دى شغلتى
بشترى الشقق وبعرضهم للإيجار فى الصيف
وبكسب منها كويس اوى
.. اسمع كلام صاحبك يا علاء احنا نروح الشقه التانيه
لحد ما البواب يخلص تصليح الحمام
ولما يكلمنا نرجع الشقه هنا.
وبعدين لسه شويه على البلاغ!
رد علاء وقال :
انا مش هبلغ انا هدور عليها وهقتلها
وبعد مناقشه بينهم علاء اقتنع ان يروح الشقه
التانيه معاهم بس بعد ما حماته واختها
يوصلوا.
خرجت هناء من الاوضه بعد ما غمزلها سعيد
وقالت إنها خارجه تشوف الولد
سعيد فتح الدولاب وطلع شنطه
وخد منها سلسله مفاتيح وطلع منهم مفتاح
وقال :
الكاتبه كوكى سامح
.. خد ده مفتاح الشقه وده العنوان
وخد هناء وباسم ابنى واسبقوا لحد هناك
وانا مش هتأخر هقف مع البواب هطمن
على الشقه وكمان هستنى حماتك واخت مراتك
وهاجبهم واجى مش هتأخر
.. تشكر يا سعيد بجد انت صاحب جدع وواقف معايا واقفه رجاله وكنت سرى فعلا
.. المهم انك تسيبك من حوار نواره ده
.. ازاى انا لازم اقتلها
.. انا قولتلك دى متستهلش يوم واحد
حبس.
.. بس مش هسبها
.. يلا خد هناء وروحوا الشقه
وخرجوا بره الاوضه..
وقال ل هناء انها هتسبق مع علاء
وفعلاً دخلت وجهزت نفسها وخدت باسم
ونزلت مع علاء.
وسعيد قال كده انا خلصت من علاء
مؤقتاً لحد ما اتصرف معاه المهم
ان نواره محدش يعرف عنها حاجه
وكان لازم يمشى قبل ما اخت
نواره توصل علشان هتقول انها كلمتها
فى الفون وقالت إنها فى مصيبه
وبكده هيعرف انها مهربتش وممكن يشك
ان الفويس ده قالته بالغصب
والباب خبط وكانت حماة علاء وبنتها
ولما فتح الباب دخلوا وكانوا فى حاله انهيار
والام قعدت وقالت بنتى نواره رجعت
رد وقال حمدالله على السلامه
انا سعيد صاحب علاء
اهلا يا ابنى هو فين علاء
وبنتى رجعت ولا لأ انا هموت عليها
يا حبيبتى يا بنتى
خلاص يا ماما اهدى لما نعرف من الاستاذ
ايه اللى حصل وفين علاء
رد وقال :
نواره خرجت للأسف ومنعرفش راحت فين
فى ناس قالوا مخطوفه
.. يا نهار اسود بنتى اتخطفت
.. انا قولت لحضرتك مش أكيد
فى ناس قالوا كده وللأسف
لحد دلوقتى مفيش
اى خبر عنها ولسه البلاغ زى ما حضرتك عارفه
القانون لى شروط
جهاد عماله تبص شمال ويمين
وابتدت تتحرك فى الشقه وقالت هو فين علاء.!
مش موجود هو سبق على شقه تانيه
وانا مستنى علشان اخدكم معايا ونروح ل علاء
علشان بس فى شويه تصليحات فى الشقه هنا
والام قالت :
يعنى بنتى ضاعت خلاص
.. لأ ان شاء الله هنلاقيها يا ماما
وبصت ل سعيد وقالت
بس نواره اتصلت بيه وقالت إنها فى مشكله
.. معقول نواره كلمتك
.. ايوه كلمتنى بس بعد كده للأسف
الفون مغلق على طول
والام قالت :
فين الحمام؟
شاور لها وقالها انه فى الطرقه على اليمين
وقامت ودخلت الحمام
وقال فى سره اختها متقلش عنها
فى حاجه.
وقرب منها وقال
بقولك يا انسه
انا جهاد.
عاشت الاسامى يا جهاد كنت حابب اتكلم معاكى
قبل ما الوالده تخرج من الحمام
اتفضل!
انا شايف ان الوالده كبيره ومش هتستحمل
كل ده.
وانا كنت نازل مشوار لواحد معرفه
هنا الأول بيقول ان شاف نواره وطبعاً
كنت رايح اتأكد انها هى ولا لأ
معقول شاف نواره
وطى صوتك انا مش متأكد وخايف على مامتك
عندك حق والمطلوب منى
وقرب منها وقال بصوت واطى وشوشه
انا هاخدك معايا ونسيب ماما هنا
ولو اتأكدنا انها نواره نفرح الكل
واكلم علاء وتبقى مفاجأة
انا موافقه طبعا بس هقول لماما ايه
والام خرجت وقالت معلش انا عندى السكر
و مبهدلنى 🥺
رد سعيد وقال الف سلامه
وكمل كلام وقال حضرتك انا هاخد جهاد معايا
وهروح لظابط صاحبى اعرفه
اهو يساعدنا ويمكن يدلنا على نواره
وطبعا انا عارف ان حضرتك تعبانه
خليكى استريحى وان شاء الله احنا مش هنتأخر
والام وافقت وقالت يخلى باله من جهاد
وبلاش تأخير ولما تتصل ترد عليها
فى اى وقت
الكاتبه كوكى سامح
وطبعا جهاد وافقت وفاهمه انه عارف طريق نواره
وسعيد استأذن منهم وقال انه نازل ثوانى وراجع
وفعلاً ركب الاسانسير ونزل وعمل مكالمه وكان فى الشارع
علشان جهاد متاخدش بالها واتصل وقال إن عزيزه
تمشى من الشاليه وهو معاه حد جديد وهيقضى معاها ليله جديده
وبعد ما قفل المكالمه اتصل ب هناء وقالها تعمل اللى قال عليه...؟؟
وخلص فون وطلع الشقه
فى الطريق
هناء قالت إنها نسيت هدوم والبامبرز واللبن بتوع
باسم
رد علاء وقالها يروح هو ياخدهم من الشقه
.. مش هينفع يا علاء انا اعرف اكتر منك
انا هروح ومش هتأخر بس أسبق انت على الشقه
وعلاء نزل من التاكسى وطلب منه يرجع ب هناء
وراح هو على الشقه
والتاكسى مشى ب هناء وبعد ما اتحرك بيها
قالت للسواق انها هتغير الطريق..
فى الشقه..
سعيد طلع وخد جهاد ونزلت معاه
وركبت معاه عربيته واتحرك بيها وراح الشاليه
والام قاعده مستنيه يرجعوا بخبر عن نواره
.. وفى مكان بعيد وهو شبهه صحراء
موجود فيه بيت كبير عباره عن دورين ونواره متربطه من ايدها ورجليها
ومعاها البنتين وسمعت بنت فيهم بتكلم
سعيد ولما حاولت تتكلم معاها وتقولها ان سعيد اتقتل
دخلت عزيزه ولابسه هدوم تانيه خالص وكان
شكلها متغير وكأنها اتبدلت لدرجه نواره معرفتهاش
وقالت كل ده لعبه من سعيد وخلاص انتى وقعتى
فى ايد الباشا الكبير
نواره قالت وهى مرعوبه باشا مين؟ سعيد بيحبنى؟ وانتى قولتى انه مات
رددت عزيزه وقالت كل ده لعبه
نواره قالت وهى منهاره انتوا عاوزين منى ايه
وعزيزة شاورت وقالت عاوزين منك...؟
وعلاء وصل العنوان وطلع زى ما سعيد قاله
وطلع المفتاح ولما حاول يفتح الباب مفتحش معاه
وباب الشقه اتفتح وست جميله خرجت وقالت ايه
ده وفضلت تصرخ وتقول حرامى
وعلاء وقف مذهول ومش عارف يرد
وفى طريق الشاليه
سعيد وجهاد وصلوا
وقالت :
الكاتبه كوكى سامح
ايه ده المكان محدوف اوى ومفيهوش حد خالص
وبعدين ده شاليه
رد سعيد وقال ايوة ما هو صاحبى اللى قولتلك عليه قاعد هنا؟
.. قالت وهى مستغربه.
بيصيف يعنى بس يعرف نواره منين!!؟
رد وقال تعالى بس ومسك ايدها وطلع المفتاح وهو بيفتح الباب قالت.
ايه ده انت معاك مفتاح يعنى الشاليه بتاعك
رد وهو متعصب وقالها انتى بتتكلمى كتير ليه
وشدها ودخلها جوه وقفل الباب
وهى بقت تصرخ...
يتبع..
الجزء_السابع
متعه_مزيفه
بقلمى_كوكى_سامح
علقوا ب 20 ملصق علشان يوصلكم اشعار الجزء السابع بسررررعه
وياريت الكل يعلق علشان البوست
يوصل لكل أعضاء الصفحه 👍🏼
ج. 8..
متعه_مزيفه
وشدها ودخلها جوه وقفل الباب
وهى بقت تصرخ..
وتقول الحقونى بس محدش سامع حاجه
المكان مقطوع ومفهوش صريخ ابن يومين
وشدها من ايدها وهى بتقاوم وعلى صرخه واحده
وبتقول انت عاوز منى ايه؟!
وفين اختى وفلتت من ايده وجريت على الباب
وحاولت تفتحه.
وهو واقف ببتفرج عليها بكل برود
وهى تصرخ وشافت السلم الخشب وجريت عليه
وطلعت جرى وهى بتصرخ وتقول..
نواره نواره نواره؟
ووقعت على السلم واتعورت وجرى عليها
وكان زى الكلب وشالها وهى بتصرخ ومفيش
على لسانها غير اسم نواره.
ونزل بيها ودخل الاوضه وهى تصرخ
وقفل الباب ورماها على السرير
مكان نواره. مكان اختها!.
فى الشقه الوهميه.
علاء مذهول ومش عارف يرد!
والست بتصوت وتقول حرامى حرامى
وجوزها خرج والبواب طلع وهو واقف مذهول
وقال :
انا مش حرامى انا صاحب سعيد
رد البواب وقال سعيد مين يا بيه
.. سعيد صاحبى وصاحب الشقه دى
.. بس محدش هنا اسمه سعيد يا بيه
رد صاحب الشقه وقال :
الظاهر كده فى سوء تفاهم
هو مين سعيد؟
رد البواب وقال :
انا قاعد بواب على العماره دى اكتر من 20 سنه
ومسمعتش اسم سعيد قبل كده
مرات صاحب الشقه قالت وهى بتصرخ :
هو انتم بتسألوه ده حرامى وكان بيتهجم علينا
وبيفتح باب الشقه انا سمعته ولما فتحت الباب
شوفته وهو بيفتح علينا الباب
وكمان معاه مفتاح
اطلب البوليس بسررعه يا زفت انت
الكاتبه كوكى سامح
رد البواب وقال :
حاضر يا ست هانم
علاء واقف مذهول ومش بيتكلم
صاحب الشقه زعق لمراته وطلب منها السكوت
وسأله.؟
الظاهر كده فى سوء تفاهم لأن باين من شكلك
انك ابن ناس!؟
وبعدين حضرتك معاك مفتاح صح
رد علاء وقال :
ايوه المفتاح اهو
وخده من ايده وابتدى يجربه على باب الشقه
ومفتحش ورجعه ل علاء تانى وقال للبواب :
انزل انت
.. ليه يا بيه انا هطلب البوليس زى ما الهانم قالت
.. انا بقولك ده مش حرامى ويلا انزل الاستاذ
ضيفنا النهاردة.
رددت مراته وقالت :
انت بتقول ايه!
انا بقولك فتح باب الشقه علينا
وبصت للبواب وقالت :
بقولك بلغ البوليس حالاً
.. وانا بقولك ادخلى ومش عاوز اسمع صوتك
وعلاء واقف متنح ومستغرب من الموقف اللى
اتحط فيه!! ؟
الكتابه كوكى سامح
و بيسأل نفسه الف سؤال؟
هو ايه اللى بيحصل ده ويقول لنفسه
انا بحلم اكيد انا عمرى ما اتحطيت فى
موقف زى ده انا حرامى؟!
انا مش فاهم حاجه خالص؟!
لو دى مش شقه سعيد!
قالى انها شقته ليه؟
انا دماغى لفت ومش فاهم حاجه!؟؟
والراجل ومراته ماسكين فى بعض!
والبواب نزل..
وصاحب الشقه ومراته دخلوا الشقه
وطلب من علاء يدخل علشان يفهم منه
مين وراه وفى ايه بالظبط. ؟
فى شقه سعيد.
الام قاعده مستنيه جهاد
ونفسها ترجع ومعاها نواره
ومسكت تليفونها وابتدت تتصل
ب جهاد بس كان غير متاح!؟
وقالت : يا جهاد انا قولت تردى عليه اول لما اتصل
والدموع نزلت من عينها ومن كتر التفكير والهم
السكر عالى عليها وكانت تعبانه وعطشانه اوى
وقامت ودخلت المطبخ وشربت مياه
وخرجت وهى بتعيط على نواره
وكل ده متعرفش ان جهاد وقعت فى فخ سعيد.
وابتدت تتفرج على الشقه اوضه اوضه
ولما دخلت اوضه هناء شافت فيها بامبرز
وقالت هو كان فى أطفال هنا
وابتدت تتفرج على الاوضه.
وخرجت منها ودخلت اوضه سعيد ولفت نظرها
ان الدولاب مفتوح وقربت منه وكان فيه شنطه
وخدتها بس اترددت فى فتحها
ورجعت الشنطه الدولاب وخرجت
من الاوضه ودخلت اوضه نواره
وشافت على السرير روب وقميص
بتوع نواره مسكتهم وفضلت تعيط..
فى الشقه الوهميه
علاء قاعد مع صاحب الشقه وابتدوا يتعرفوا
على بعض.
وعلاء قال:
هو فعلاً حصل سوء تفاهم بس مش بالغلط
انا حد قالى وكان اعز اصحابى ان الشقه دى
ملكه وانا كنت هقعد فيها يومين انا مراتى
اتخطفت ومش عارف عنها حاجه؟!
.. يعنى حضرتك مش من هنا يا استاذ؟
.. انا علاء ومش من هنا انا ومراتى بنصيف
يومين وخلاص بس مراتى مش لاقيها
اتخطفت ومعرفش عنها حاجه
.. انا ممكن اساعد حضرتك فى حاجه
يا استاذ علاء وخصوصاً انك غريب
انا من هنا واعرف شبر شبر
فى البلد دى
الكاتبه كوكى سامح
وممكن اساعدك وادور معاك بس قولى
انت جبت المفتاح ده منين؟
.. ما انا قولت لحضرتك من اعز اصحابى
انا نازل عنده يومين انا ومراتى ولما اتخطفت
قال ان فيه شويه تصليحات فى شقته
اللى نازلين فيها وطلب منى اننا نقعد هنا يومين
لحد ما التصليحات تخلص ونرجع هناك تانى
وكمان علشان ابلغ عن غياب نواره مراتى
.. انا مش فاهم حاجة يا استاذ علاء
انت مراتك اتخطفت؟ وازاى
.. الصراحه هى متخطفتش هى هربت
وده كلام سعيد صاحبى بعد ما سمعت فويس منها
مع انى مش مصدق انها تعمل كده نواره مراتى
ست بيت بسيطه اوى
و بتحبنى واخر حاجه افكر فيها انها تهرب منى
وابتدى علاء يعيط من كسره قلبه من نواره
وقال :
المصيبه الفويس كان بصوتها
.. استاذ علاء واضح من كلامك انك وقت فى فخ
بس السبب ايه؟ الله اعلم
واللى فهمته من كلامك ان السر كله مع صاحب
اللى بعتك هنا الظاهر كده كان ناوى يخلص
منك.
اكيد فى حاجه وانت ادرى وعموماً
لو احتجت اى حاجه كلمنى وده تليفونى
وعلاء خد الرقم منه وقال :
انا بحمد ربنا انى وقعت فى ناس محترمه
ذيكم كان زمانى دلوقتى فى السجن بتهمه
انا معملتهاش
ومسك الفون ورن فى ايده وهو بيسجل الرقم
وكانت حماته وافتكر وقال :
يادى المصيبه انا ازاى انسى ان حماتى وجهاد
كانوا فى الطريق وهيروحوا على الشقه
وكمان سعيد قال انه هو إللى هيقابلهم
انا ازاى انسى بس.
.. فى حاجه يا استاذ علاء
.. لسه معرفش
ورد على حماته وسألته هو فين؟
وعرف منها لما سألها على جهاد انها مشيت
مع سعيد.
الكاتبه كوكى سامح
وقفل معاها وهو متجنن وقالها انه ربع ساعه
وهيكون عندها يدوب الطريق بس
وقام علاء واستأذن صاحب الشقه
واعتذر على سوء التفاهم
ونزل من العماره وخد تاكسى لحد شقه سعيد
وسأل نفسه هناء راحت فين؟!
ومكانش عارف اجابه اى سؤال
. ونواره فى البيت متربطه وفى مصيبه
وقالت :
عاوزين منى ايه؟!
وفين سعيد؟
..سعيد ده بيشتغل عندى يا عنيا بس الباشا الكبير
هو اللى مشغلنا وبيعرف يصطاد البنات
.. سعيد عايش يعنى مماتش زى ما قولتى
.. كل ده لعبه من سعيد يا نواره
.. انا مش فاهمه انتم عاوزين منى ايه؟
وانا متربطه ليه كده!
قامت عزيزة وقالت لراجل يفك ايدها ورجليها
وبعد ما فك ايدها قالت :
.. تعالى معايا يا نواره
.. على فين ؟
.. مش عاوزة كلام كتير تعالى وهتعرفى وايدها
بتشاور على الدور اللى فوق.
ونواره طلعت معاها وكانت مرعوبه
وعزيزة طلعت وراها ومعاها البنتين
ولما طلعوا نواره دخلت على اوضه فاضيه
وكانت ضلمه
وعزيزة قربت منها وقالت اطلعى على السطوح
ونواره قالت بصوت عالى
.. انا مش طالعه غير لما تقولى عاوزين منى ايه
عزيزه قربت منها
ونواره بتبعد وقالت :
ست عزيزة انا مليش فى الحرام
انا هموت نفسى لو حد قرب منى؟!
.. هههههههه مموتيش نفسك ليه وانتى فى حضن
سعيد!
.. انا بحبه وبعدين انا ست شريفه ومحترمه ولو
حد قرب منى والله هموت نفسى
رددت عزيزة وقالت :
الكاتبه كوكى سامح
ما انتى هتموتى.
نواره بقت تصرخ وتقول انا مش فاهمه حاجه
عاوزه منى ايه
عزيزة قربت منها ومسكت موس
ومسكت ايد نواره بكل قساوة وشرطت ايدها
والدم نزل من نواره لدرجه كان بينقط على الارض
ونواره تصرخ وتتوجع.
وعلاء وصل العماره وطلع الشقه
وفتح الباب بنفس المفتاح وعرف انه مخدش باله
ان ده مفتاح الشقه وقال فى حاجه ان مش عارفها
ولازم اعرف فى ايه.
ونزل لبواب العماره وسأله على التصليحات
وعرف منه أن كله كذب والمصيبه الأكبر
الشقه مش، ملك سعيد
دى إيجار اسبوعين مصيف
وهو مخلص حقهم
واتصدم علاء من كلام البواب وعرف انه وقع فى
فخ بس مش عارف ليه كل ده؟!
وطلع الشقه لحماته وكان وشه اصفر
ومخنوق وقالها على كل حاجه من يوم ما نواره
اختفت لحد ما اتهم بالسرقة وبسبب سعيد
والام انهارت على ضياع بناتها الاتنين
وقالت :
انا شوفت شنطه جوه فى الاوضه دى
وشاورت على اوضه سعيد
علاء قام زى المجنون ودخل يشوف الشنطه
وحماته دخلت وراه وعرف منها انها فى الدولاب
ومسك الشنطه وفتحها ولقى فيها لاب
وشويه ورق
وفتح الاب وافتكر ان سعيد مكانش بيسبب الاب
خالص من ايده وقال اكيد هعرف حاجة منه
وفتح الملفات والفيديو وشاف نواره نايمه
فى حضن.
سعيد فى الشاليه والام تنحت وكأنها اخرست
وعلاء اتجنن
الفاجره والخاين انا لازم اقتلهم
والام ساكته ومش عارفه
تتصرف.
ودخل المطبخ وجاب السكينة وقال الاقيها بس
وانا هدبحها بالسكينه دى قدامك يا حماتى.
فى الشاليه
جهاد نايمه مكان نواره
وسعيد بيقرب منها ونام جمبها وهى بتبعد
وتصرخ من ألم رجليها
بس هو زى الكلب مش عاوز غير مصلحته وبس
وبقى يقرب منها ويحضنها وهى تقاوم
ومش قادره عليه وهو يقرب اكتر وبيحاول معاها
وفجأه تليفون سعيد رن
وقام يرد وكانت عزيزة وقال لجهاد انا هعمل
مكالمه برة والبسى القميص ده هيبقى حلو عليكى
وهى بتتوجع من رجليها ولما خرج مسكت
القميص وقالت ده القميص اللى اشتريته لنواره
يعنى اختى هنا؟!
ومعنا كده ان اغتصب نواره بس هى فين؟
نواره مش هنا انا فى الشاليه ده لوحدى اعمل ايه؟
انا لازم الاقى نوارة بس لازم اخلص من سعيد ده
اعمل ايه
وبدور على تليفونها افتكرت ان شنطتها فى
العربيه
والدم نازل من رجليها
وسعيد خلص المكالمه ودخل الاوضه عليها
وقال :
انتى لسه قاعده مكانك
.. ارجوك ابعد عنى ابوس ايدك انا مخطوبه
انا كده هضيع وبعدين انا بتعالج
بس هو مش سامع وقرب منها وابتدى يحضنها
بس هى زقته وبصت لرجليها والدم نازل منها
وقالت :
ابعد عنى خساره شبابك انا عندى ڤيروس نادر
بيتنقل عن طريق الدم
وقامت وقفت وقالت وهى بتعيط.
شايف الدم ده فى سم ڤيرس نادر بيتنقل
عن طريق العدوى لو قربت منى هتتعدى
وهتموت.
. ونواره بتتوجع من ألم ايدها وقالت.
.. انتى مجنونه انتى عملتى فيه ايه يا ست
انتى.
الكاتبه كوكى سامح
انتى بتقطعى ايدى بالموس وزقتها وقالت يلا
انتى باين عليكى مجنونه
بس الراجل مسك نواره وقال هى دى
عزيزة رددت وقالت ايوه هى
.. متأكده انها مش بنت وعدى عليها يومين بس
يعنى لسه عروسه.
.. لسه عروسه والتانيه فى السكه مع سعيد
على خيره الله نبدأ شغلنا وشاور للرجاله
ونواره مرعوبه
وقربوا منها وشالوها وهى بتصرخ ورموها
على الأرض...
يتبع..
الجزء_الثامن
متعه_مزيفه
بقلمى_كوكى_سامح
علقوا ب 20 ملصق علشان يوصلك اشعار الجزء
التاسع بسررعه
..ج. 9و10والاخيره...
اسفه ع التأخير
متعه_مزيفه
روايه متعه مزيفه
. ورموها على الأرض وهى بتصوت ومش عارفه
بيعملوا معاها كده ليه
وقالت :
.. هو فى ايه بالظبط!؟
.. قولتلك اسكتى خالص يا نواره دلوقتى
.. حرام عليكى يا ست عزيزه انا ايدى بتنزف عاوزه اى حاجه توقف النزيف ده
.. نزيف ايه يا بت دى نقط دم
وقالت : فين سيدى؟
رد واحد من رجاله عزيزه وقال لسه مجاش
وقالت بكل عصبيه الشغل كده هيبوظ انا اتعب واعمل كل ده وهو لسه مجاش مش هو اللى قال
لازم البنت تكون موجوده النهارده وتكون عروسه مكملتش يومين
رددت نواره وقالت:
.. انا متجوزه من 3 سنين مش لسه عروووسه!
.. بقولك اسكتى انتى دلوقتى هى الساعه كام؟
.. الساعه 10 ونص يا ست عزيزه لسه بدرى هو قال نص الليل
.. بدرى ايه يا زفت انت!
فى لسه طريق احنا لازم نتحرك دلوقتى دى
المسافه من هنا ل هناك ساعه ونص على الاققل يعنى يا دوب
اتصل بيه وقولوا انى كده هزعل وانا زعلى وحش
.. حاضر يا ست عزيزه
الكاتبه /كوكى سامح
فى الشاليه.
سعيد متنح من كلام جهاد وابتدى يبعد عنها وقال:
.. ڤيروس ايه يا بت انتى!؟
.. بقولك عندى ڤيروس ولو قربت منى هتتعدى ومع الوقت هتموت
.. انتى مجنونه ده جرج فى رجلك بسيط دم ايه ده اللى هيتنقل ليه وهموت!
..انت شايف رجلى كلها دم وصدقنى انا عندى ڤيروس نادر ومميت
.. ههههههه هههههههه كذابه
.. مش مصدق خلاص براحتك انا قدامك اهو وتحت امرك ومسكت قميص النوم وابتدت تقلع قدامه
وهو مذهول من بنت كانت بتستعطفه علشان يبعد عنها لبنت تانيه خالص بتقولوا تحت امرك وابتدى يبعد عنها ويصدق وقال :
.. يادى المصيبه والعمل ايه دلوقتى دى شكلها بتتكلم جد
. ومسك الفون وكلم عزيزه وقالها على اللى حصل
وكان ردها غير متوقع لما قالت هات البنت وتعالى
وهى هتتصرف بس لازم الشغل يتم ومصلحه
الشغل فوق كل شئ وقفل معاها وعينه كلها شر.
. وجهاد قالت لنفسها شكله خاف انا هستمر فى الكذبه دى لما اشوف اخرتها معاه ايه
بس يا ترى فين نواره الراجل ده شكله مش سهل
وباين كده ان الموضوع مش جنس وبس الموضوع فيه حاجه غريبه انا مش فهماها
ولما قفل الفون قال وهو متعصب.
يلا احنا لازم نمشى من هنا.
.. على فين؟
.. متسأليش يلا ورايا
وخرج من الاوضه وهى وراه وبتعرج وطلب منها تسكت وتمشى معاه من غير ولا كلمه ورفع عليها مسدس
.. ايه ده مسدس؟
.. لو سمعت صوتك هقتلك فاهمه
.. تقتلنى ما انا كده كده ميته
الكاتبه /كوكى سامح
.. بقولك يلا مفيش وقت انا مش بيصعب عليه حد خلى بالك الشغل ده مش معايا انا
وكمل كلامه وقال :
ولا على ايه الضرب فى الميت حرام انا مش عارف عزيزة هتتصرف معاكى ازاى
.. عاوزه اعرف انا هروح فين؟ ومين عزيزة دى.
وفين اختى نواره ابوس ايدك
.. يلا يا بت بسرعه مفيش وقت انتى هتندبى يا يا اختى وشدها وخرج وقفل باب الشاليه
.وقالت فى سرها الحمد لله انا فلت من ايده المجرم ده
بس يا ترى مين عزيزه دى اللى هياخدنى عندها انا مش فاهمه حاجه؟!
.وركبوا العربيه وفى الطريق لمنزل عزيزه .
فى شقه سعيد.
.
علاء ماسك السكينه ومنهار من منظر نواره وهى فى حضن صاحبه
.
والام منهاره وخايفه على بناتها الاتنين وقالت:
..مين سعيد ده يا علاء؟
.. ارجوكى مش عاوز كلام دلوقتى.
رددت بعصبيه وقالت لأ ده حقى اعرف مين سعيد ده وفين بناتى
هو قال انه صاحبك وانت متجوز بنتى 3 سنين وعمره ما شوفته عندك
انا بقولك فين بناتى يا علاء ولا بقى فى اتفاق بينكم
ساب السكينه من ايده وقام وقال
.. اتفاق ايه؟
الكاتبه /كوكى سامح
.. ايوه تاخد نواره بنتى المصيف وترجع تقول بنتى هربت علشان تجر رجلى انا وجهاد وتخطفوها ما انتوا عصابه بقى
.. يا حماتى ابوس ايدك انا مش ناقص لو معايا التليفون كنت سمعتك صوت بنتك وهى بتقول طلقنى وانا هربت بإردتى
وبعدين ومسك الاب وفتح الفيديو وقال ده ايه؟
بنتك المحترمه فى حضن راجل غيرى ولا ده كمان تمثيل
.. يعنى بناتى ضاعوا خلاص وجهاد راحت فين؟
وفين طريق سعيد ده؟
.. معرفش معرفش؟
.. مش هو صاحبك
.. انا اعرفه من المعرض من سنه وعمرى ما شوفت منه حاجه وحشه واعرف عنه شويه تفاصيل وده يمكن يساعدنى انى هلاقيه الخاين الفاجر
. وجرس الباب رن
وجرى علشان يفتح الباب، وكانت مفاجأة وقال وهو مذهول هناء.
فى منزل عزيزة.
. راجل من رجاله عزيزه كلم الدجال وكانوا بينادوا عليه يا سيدى وكانت شغلته فى الجن والسحر
وقاله انها زعلانه منه وطلب منه يسبقهم على المكان وبسرعه علشان الوقت وقاله ان المطلوب جاهز
وعزيزه مسكت الفون واستعجلت سعيد وقالها انه كلها ربع ساعه ويكون عندها
.. سعيد هو اللى هينقذنى منكم يا مجرمين
.. سعيد مين يا شابه هو انتى لسه مصدقه نفسك وقربت منها وقالت ده هو اللى رماكى لينا لما عرف لامؤاخذه يعنى انك لسه بنت وده طلبنا
.. انتوا عاوزين منى ايه؟ سبونى فى حالى وانا والله مش هفتح بوقى بكلمة واحده ولا كأنى اعرفكم اصلا
.. انا دماغى مش رايقه دلوقتى خالص ياريت تسكتى بدل ما اقتلك بإيدى الشيطان بيلعب فى دماغى دلوقتى
نواره اترعبت من طريقه كلامها وفضلت تعيط
فى الطريق.
سعيد راكب العربيه ومعاه جهاد
.. هو انت هتاخدنى فين؟ ممكن ترد عليه
.. ما تسكتى بقى هو انتى ايه رغى رغى رغى
.. عاوزه اعرف انت عاوز منى ايه
وبصلها بقرف وكمل سواقه.
لحد ما وصل بيت عزيزه.
فى شقه سعيد
لما علاء فتح الباب كانت هناء ومسك فيها وضربها بالقلم على وشها وقالت حاسب باسم الولد هيقع
الكاتبه /كوكى سامح
.. اسمع منى سعيد ده راجل انت متعرفوش كويس ده بيلعب بالتلت ورقات آثار ومخدرات وكل حاجة تتخيلها وصدقنى انا عرفت ده متأخر
.. يا ولاد الكلب فين نواره؟
.. نواره هتموت ياريت تلحقها
الام.. بنتى هتموت يا نهار اسود
ومسك هناء من شعرها وقال هى فين نواره وفين طريقها الخاينه دى انا هموتها بنفسى
.. هقولك على كل حاجة بس بشرط تاخد باسم وتربيه كويس الولد مالوش حد غيرى
.. انا مش عايز ولاد بقولك انطقى فين نواره
.. الأول اوعدنى هتاخد باسم
الام.. اوعدها ابوس ايدك انا عاوزه بناتى
.. اوعدك بس بشرط هتتكلمى قدام الشرطه وهتقولى كل حاجه
.. حاضر بس هتاخد باسم
.. هاخده يا هناء
وشدها من دراعها وسابت باسم مع مامت نواره ونزلت معاه على القسم
وخد تاكسى وطلع على قسم الشرطه ومعاه هناء وفى الطريق ابتدت تحكى على كل حاجه وقالت :
انا عرفت سعيد من النت وبالمناسبة انا مش اخت
مراته ولا حاجه دى لعبه بنصطاد بيها الزباين المغفلين اللى زيك متبصليش كده انت فعلا مغفل
وانا كمان ونواره اللى ضحك عليها ووهمها انى هاخده منها
.
. يا ولاد الكلب وققف التاكسى ونزل وشد هناء من ايدها وقعدوا فى كافيه علشان يفهم منها كويس وقال:
.. بس ايه اللى خلاكى تعترفى عل سعيد؟ ما انت ممكن تكونى كدابه؟
.. اسمع كلامى للأخر
انا معاك اهو وكمان هروح معاك قسم الشرطة
هكدب ليه اسمع منى وهتعرف كل حاجه وقالت
وهى مبتسمه بسخريه ودموعها نازله :
.
. انا عرفته من على النت واتقابلنا وحبيته اوى لدرجه الجنون مكنتش اعرف انه بيتاجر فى كل حاجه كنت ساذجه وعلى نياتى وفى يوم طلب
منى اروح معاه شقته وروحت معاه بإردتى وفقد أغلى حاجه عند اى بنت شرفها
اصل انت متعرفش سعيد لى سحر على الوحده بيحسسها انها ملكه وكنت لما اكون فى حضنه بحس انى ملكه فعلاً
وفى يوم سمعته بيتفق على نقله مخدرات وطلب
منى اساعده ووافقت من شده حبى لى
انت متعرفش يعنى ايه ست تحب بجد صدقنى
أصعب حاجه لما الست مننا تحب من قلبها ممكن تعمل اى حاجه
ومع الوقت عرفت سره وانه بيتاجر فى الآثار كمان وكان عاوز يضحى بيه بس قال انه حبنى
من قلبه علشان كده انا قدامك دلوقتى وطبعا ده اللى صدقته إنما مش دى الحقيقه.
الحقيقه انى اصطاد الزباين وبكده هيكسب من ورايا اكتر.
الكاتبه /كوكى سامح
وفى يوم واحده كلمته واحده اسمها عزيزة وبعد المكالمه وشه احمر واتعصب وفضل بيرطم بالكلام
وفهمت من كلامه انهم هيفتحوا مقبرة ولازم يفتحوها بدم بنت ومش موجوده ومطلوب منه بنت حالاً
.. يعنى ايه مش فاهم؟!
.. يعنى تكون بنت محدش لمسها ولما يحصل معاها علاقه ميعديش عليها يومين وبكده المقبره تتفتح
.. ايه الكلام الغريب ده؟
.. ده كلام سيدى صدقنى انا شوفت بنفسى ارجوك متقاطعنيش علشان اقدر اكمل
.. سيدك! سيدك مين.؟
..ده راجل بيفهم فى الجن وهو اللى بيقولهم طلب الجن الحارس على المقبره وكملت كلامها وعلاء فى ذهول.
المهم سعيد طلب منى بنت كنت اعرفها وقالى وقتها انهم مش هيعملوا فيها حاجه يدوب شكه دبوس ينزل منها نقطه دم والمقبره هتتفتح
والبنت مش هتتأذى وهناخد فلوس كتير اوى وانا صدقته ومكنتش اعرف موضوع انها لازم تكون مش بنت ويعدى عليها يومين بس
من خبيتى قولت للبنت دى وهى وافقت وانا استغليت فقرها وكنت واثقه انها هتوافق علشان
كانت مخطوبه ومش لاقيه تتجهز
واتفقنا على يوم وجت فيه الشقه ومعاها باسم حته لحمه حمرا الكلام ده كان من سنه وشهرين ولما سألتها مين الولد قالت ابن اختها
.. معقول وهى صدقتك!
.. مغفله زى وزيك بالظبط سبنى اكمل كلامى
اه وافقت وجت لحد الشقه
وقعدت معانا وفى الأول سعيد اتكلم معاها عادى وسألها هى هتجوز امتى وبعد كده اتهجم عليها قصاد عينى بس انا جبانه وسبته وهى كانت
بتستنجد بيه وانا حسيت انى رخيصه يمكن فى الاول مفهمتش وبعد كده فهمت كل حاجه
واليوم ده كان أسوأ ايام حياتى
هتك عرضى وعرضها وعرض بنات كتير وقتلوهم سعيد ده كلب فلوس وكلب عزيزه
.. وهى فين دلوقتى وازاى باسم معاكى
.. بعدها سعيد حبسها فى الشاليه وانا كنت معاه بس والله مكنتش اعرف انهم هيقتلوها وكنت اول مره اشوف فيها عزيزة
. مين عزيزة؟
.
. دى الكبيره بتاعتهم وعندها ناس بيحفروا آبار آثار والدجال ده هو اللى بيقهولهم ان المقبره عليها
حارس ولى طلبات بس هو مش دجال بالظبط اللى فهمته انه بيفهم فى الجن والاسحار بس مفيش اى عمليه بتم من غيره
ولما عزيزه جت الشاليه كانت نظراتها غريبه وسعيد كان بيخاف منها وخدت البنت وانا روحت
معاهم وخدت باسم حته لحمه حمرا على ايدى
وروحنا لحد المقبرة وكان سيدى موجود وخدوا
البنت وقدموها قربان ودبحوها قدام عينى وبدمها المقبره اتفتحت ومن يومها وانا عرفت سعيد على حقيقته
الجزء العاشر والاخير
الكاتبه / كوكى سامح
وعلاء قال بعصبيه.
.. انتى ازاى تسكتى وازاى متبلغيش عنه الكلب ده
و العصابه دى
.. بحبه بحبه انت متعرفش يعنى ايه ست تحب صدقنى صعب
وووووكمان مكنتش اقدر انا خلاص اتورط معاهم وبقيت زيهم انت عارف انا بشتغل ايه دلوقتى
.. بتشتغلى ايه ؟
.. بصطاد البنات من على النت وبقول انى خاطبه
وعندى عرسان وبقدم سعيد العريس والبنات بتصدق وبجر رجليهم وفى الاخر بيموتوا واهليهم
يا حرام بيتعذبوا بالبعد والحرمان
وانا السبب بس والله انا اتورط معاهم وكمان حبيت سعيد انا مقدرش استغنى عنه
.. وايه اللى جد يا هناء وخلاكى تتكلمى دلوقتى؟
الكاتبه /كوكى سامح
.. ان عرفت ان سعيد وعزيزه اتجوزوا وكمان
هيسافروا بره البلد خالص وانا هيرمينى وممكن
يموتونى ويموتوا باسم والولد مالوش ذنب وانا مش هسبهم يتهنوا
.. فين اهل باسم وليه مرجعش لأهله
.
. اهل باسم انا اعرف طريقهم بس كنت هرجعه ازاى واقول ايه! ولو كنت رجعته كانوا هيبلغوا
عنى ويعرفوا انى السبب فى موت بنتهم ارجوك خلى بالك من باسم وصدقنى نواره مظلومه زى البنات دى سعيد ضحك عليها وجر رجليها
. وضربها بالقلم وقال وانتى قولتى ان مراتى بتفتح نت وبتكلم الرجاله وهى عريانه ده حقيقه ولا كذب
.. والله كدب صدقنى انا اللى كنت بعمل كده ولما نواره شافتنى كذبت عليها وقولتلها ان ده واحد هيخطبنى ودموعها نازله بحرقه وقالت :
ما هو اللى يعمل الحرام بيعمل كل حاجه وانا ضميرى مات من يوم ما عرفت سعيد وشوفت البنات بتموت قدام عينى ومن غير سبب علشان الفقر وبس.
ومسكت ايده وقالت ابوس ايدك الحق نواره هيقتلوها وخلى بالك من باسم
. وبعد ما خلصوا كلامهم خدها على قسم الشرطة واعترفت بكل حاجة قالتها ل علاء
وفعلاً الشرطه اتحركت وبإذن من النيابه طلعت قوه من رجال الشرطة بالقبض على عزيزه وسعيد وأعوانهم واتجهوا لمنزل عزيزه
وتم القبض على هناء فى الحاال.
فى منزل عزيزه.
. نواره قاعده بتعيط ومستينه قدرها ومتعرفش عزيزه هتعمل فيها ايه؟
وعزيزة ورجلتها فى انتظار سعيد.
. وبعد وقت قصير سعيد وصل ومعاه جهاد ودخلوا بيت عزيزه
وجهاد لما دخلت شافت نواره مرميه على الأرض وجريت عليها وحضنتها
.. نواره اختى حبيبتى
نواره استغربت وقالت :
جهاد ايه اللى جابك هنا وعرفتى سعيد ازاى؟!
..مش مهم المهم انك لسه عايشه واطمنت عليكى يا نواره
وبصت ل سعيد وقالت :
انت يا مجرم لعبت بيه وضحكت عليه وانا مش هسيبك
سعيد متجاهل نواره وقال ل عزيزه.
.. فين الرجاله الساعه بقت 11 وشويه هنتأخر
كده والبت التانيه اهى بس انا مستغرب انتى
عاوزاها ليه دى بتقول انها عندها ڤيروس ودمها ملوث واللى يقرب منها هيموت
.. معقول يا سعيد حتت بت زى دى تضحك عليك دم ايه اللى ملوث ويموت ههههههه ده حته جرح فى رجليها البت اكلتك الاونطه يا باشا
.. يا بنت الكلب وحيات امك ما هسيبك
وقرب منها ومسكها وضربها بالقلم
عزيزه.. مش دلوقتى يا سعيد المهم نخلص شغلنا الأول نواره جاهزه يلا وشاورت لواحد من رجلتها على جهاد
وقرب راجل من رجالتها وشال جهاد ودخل بيها اوضه تانيه
وجهاد بتصرخ
ونواره بتصرخ على صرخات اختها
وسعيد شد نواره من ايدها وهى عينها فى عينه وقالت وهى بتصرخ بلاش اختى يا مجرمين.
والرجاله جهزت وحضروا شوال علشان نواره
وعزيزة قربت من نواره وطلعت حقنه ولسه هتضربها فى جسمها
والشرطه وصلت واقتحمت المكان كله
عزيزه.. ايه ده انتوا مين؟
ظابط الشرطه.. أخيراً وقعتى يا عزيزه وانت يا سعيد بيه.
علاء قرب من نواره وهى مبسوطه لما شافته
وقالت. علاء جوزى حبيبى
ولما قرب منها مسكها وابتدى يخنقها والكل اتفجأ باللى عمله
ورجال الشرطه انقذوا نواره من ايده
نواره قالت وهى مش قادره تتنفس. جهاد جوه يا علاء
وعلاء جرى على الاوضه اللى شاورت عليها ومعاه رجال الشرطه
وكانت جهاد بتقاوم فى محاوله اغتصابها من راجل من رجاله عزيزه
وتم إنقاذ جهاد ونواره من ايد المجرمين وتم القبض عليهم وكانت نواره السبب فى القبض على
اكبر عصابه بتاجر فى المخدرات والآثار واصطياد البنات عن طريق النت وقتلهم.
وبعد يومين من القبض على العصابه وبمواجهه المتهمين وبعد معاينه شاليه سعيد وشقته ومنزل عزيزه
وأمرت النيابه.
بتشمعهم بالشمع الأحمر وحبسهم 4 ايام على ذمه التحقيق ومع مراعاه التجديد.
وخرجت نواره من قسم الشرطه ومعاها جهاد وعلاء
والام فى انتظارهم على باب القسم ومعاها باسم
.. حماتى يااه انا نسيت الولد لازم اسلمه
.. سيبه انا اخدت عليه يا ابنى
.. مش من حقنا انا لازم اسلمه لقسم الشرطه وهما يتصرفوا
والام مدت ايدها وسلمت الولد ل علاء
وهى منهاره وصعبان عليها باسم
.. متقلقيش انا هطمن عليه يا حماتى
.وفعلاً سلمه لقسم الشرطه
والام حضنت بناتها وحمدت الله عز وجل على رعايته ليهم ورجعوهم ليها بخير
وعلاء اخد مراته وحماته واختها ورجعوا من المصيف على بيت حماته وهنا.
نواره قربت من علاء.
.. سامحنى ارجوك
.. انتى طالق يا نواره مبقاش ينفع
.. يا مصيبتى يا علاء تطلق بنتى وانت عارف انها مظلومه وكانت هتموت
.. بنتك اللى نامت فى حضن راجل غيرى وكمان متصوره فيديو بنتك دى فاجره وخاينه بس انا مش هقتلها مش هلوث ايدى بدمها النجس
.
. اختى مش نجسها يا علاء احنا ناس شريفه وولاد أصول وانت عارف كده كويس مش كفايه اللى عملته فيها 3 سنين وانت.!
نواره قربت منها ومسكتها وبكل عصبيه.
.. اسكتى انتى يا جهاد ملكيش دعوه خالص
.. انتى مش سامعه بيقول عليكى ايه وهو السبب من الأساس
.. خلصت يا نواره على كده وورقتك هتوصلك فى اققرب وقت
ونواره مش مستحمله كلامه وقالت
ماما جهاد سبونا لوحدنا
وفعلاً دخلوا وسابوهم.
وقربت منه وقالت.
.انا 3 سنين ومستحمله مرضك وانك عاجز جنسياً
وعرفت ان فيه علاج لحالتك وحاولت معاك بكل الطرق
كنت بلبس أجمل قمصان عندى واقرب منك وانت
تبعد عنى وعمرى ما اهملت فى نفسى بالعكس
كنت بحاول معاك بكل طريقه وانت ولا فى دماغك
لحد ما قولت انا مليش فى الجواز يا نواره وصدمتنى وبرضه
عيشت معاك واستحملت على أمل انك تتعالج
يا شيخ ده انا بقيت اتكسف منك بقيت اتكسف اللبس قدامك اى قميص
لحد ما فى يوم وانا بفتح الاب وشوفت انك بتعمل علاقات مع ستات وكمان مثيره ومتصوره
فيديو يعنى البيه لى فى الجواز مش زى ما وهمتنى
رد وقال :
مش مبرر يا هانم انك تروحى لغيرى وتنامى فى حضنه
وابتدى يزعق وصوته يعلى
كنتى اطلبى الطلاق اكرملك بدل ما انتى بتتنطتى قدامى كده ومش عارفه تقولى ايه.!
. هههههههه مصدق نفسك يا علاء بالعكس انا شايفه انك انت اللى مش على بعضك وبتتنطت قدامى
انتى طلعت سرنا بره اوضتنا وقولت للمجرم سعيد صاحبك وعشره عمرك اللى عمرى ما شوفته 😏😂
انى لسه بنت وانت مقربتش منى 🥺
وخليته طمع فيا وانت اللى قربتنى منه وبعدين انا كنت اعرف منين انهم مجرمين ولا بيلعبوا علينا
المفروض ده صاحبك وانت واثق فيه العيب مش منى يا علاء
.. انتى خاينه يا نواره.
.. وانت قصرت معايا!
.. يعنى كل واحده جوزها يأثر معاها تجرى على راجل تانى
.. انا مقولتش كده يا علاء بس انت اللى عملت فيه كده وزى ما بيقولوا حطيت النار جمب البنزين
.. نواره ورقتك هتوصلك قريب للأسف انا مش هقدر اكمل
.. علاء واحده بواحده انت خونتنى وانا كمان بس فيه فرق اانت بإردتك إنما أنا اضحك عليه وانت كده بتظلمنى 🥺
.. يا هانم انا شوفتك بعينى نايمه فى حضنه وكمان انا سمعت صوتك بودانى وانتى مش عاوزانى
.. كنت مجبره انا كنت فى ايد عصابه كان غصب عنى
..وسعيد كان غصب عنك برضه
.. انت اللى وصلتنى لكده مش هقولك غير انى مظلومه وانت اللى ظلمتنى ومش هسامحك يا علاء
وخرج علاء وقفل الباب وراه وساب نواره لحزنها.
ولما راح شقته كانت ضلمه
ودخل اوضه نومه وافتكر كل وقت كانت نوارة موجوده فيه
جرس الباب بيرن
ولما فتح كانت نهله جاره نواره وصاحبتها وسألت عليها
ورد علاء عليها معجبهاش ورجعت شقتها واتصلت ب نواره
تطمن عليها..
فى منزل نوراه
نواره قاعده فى اوضتها ورجعت زى ما كانت بس فى اختلاف حزينه وكل لما تبص لنفسها فى المرايه تفتكر سعيد وكل اللى حصل لها
والام بتصبرها على حالها
وفى يوم وصلت لها ورقه طلاقها وكانت اكبر صدمه ل نواره من علاء
فى شقه علاء.
بيحصل توضيبات فى الشقه ونهله لمحت بنت غير نواره وابتدت تسأل وعرفت انه هيتحوز
واتصلت ب نواره وعرفت منها انها اتطلقت من علاء
فى منزل نواره.
. جرس الباب بيرن وكانت جارتها نهله
والام فتحت الباب واستقبلتها
ونهله دخلت ل نواره اوضتها تتطمن عليها ولما دخلت
نواره قاعده على السرير وكانت خاسه اوى وحزينه وعنيها ورمه من العياط ومن حزنها على نفسها واللى حصل لها
.. وحشتينى يا حبيبتى اوى
.. انا كويسه يا نهله الحمد لله
.. ايه اللى حصل وانتى فى بيت امك ليه؟
.. مفيش نصيب بينى وبين علاء انا أطلقت يا نهله 😭
.. علشان كده البيه هيتحوز
.. هو هيتحوز!
.. ايوه
.. بس انتى ليه مخدتيش عفشك
.. انا مش عاوزه حاجه
.. بس ده حقك وبعدين انتى ازاى تسمحى لواحده غريبه تنام علي عفشك وحاجتك
.. ارجوكى يا نهله اقفلى الموضوع ده
.. ممكن اعرف ايه اللى حصل
.. دى خصوصيات بينى وما بينه مرتحتش معاه
وكل واحد فينا راح لحاله خلاص
.. ربنا يهدى سرك يا نواره انتى بنت حلال واصيله
. ربنا ما يحرمنى منك يا نهله
وقامت نهله ومش فاهمه فى ايه ولما خرجت من عندها
الكاتبه /كوكى سامح
سألت مامت نواره وقالت لها على علاقه علاء ب نواره وانها بنت من يوم ما اتجوزت من 3 سنين ومحدش كان عارف ومقالتش تفاصيل تانيه.
فى شقه علاء
جرس الباب بيرن وكانت نهله وجوزها وكانوا بيسعوا للصلح بين نواره وعلاء
وعلاء قابلهم بأبتسامه حزينه.
ودخلوا قعدوا فى الصالون.
.. استاذ علاء انا والمدام النهارد هنكون وسيط للصلح بينك وبين مدام نواره
.. ارجوك يا استاذ دى خصوصيات واحنا خلاص مفيش بينا نصيب وهى مش على ذمتى دلوقتى
.. فى ايه يا علاء نواره بتحبك دى بنت ناس واصيله
.. انا عارف انها بنت ناس واصيله للأسف يا نهله بس خلاص اتطلقنا 😏
.. هتخسرها نواره بتحبك دى مكانتش بتخرج من البيت والله
.. يا ستى انا عارف كل ده بس مبقاش ينفع
.. هقولك كلمتين من ست زى زيها مهما حصل ما بينكوا من خلافات مش هتتحل بالبعد
نوراه كانت نعم الجاره عمرى ما قصدها فى طلب وقالت لأ وقفت معايا فى ولادتى وشالتنى لأن
ماليش اخوات بنات وكانت نعم الأخت لما كنت بخرج كنت بسيب بنتى عندها وعمرى ما قالت لأ
عمرى ما رجعت من مشوار وبنتى عندها وقولت البنت جعانه لا والله كانت بتقوم بالواجب وغير
وغير وطبعا انت عارف ان مفيش امان فى الزمن ده وانا من طبعى مش بقرب من حد بس نواره
بمعاملتها الطيبه اجبرتنى احبها وقربت منه وقالت بوشوشه وانت لو كنت قربت منها كنت هتحبها
وربنا يصلح ذات بينكم
واستأذنت هى وجوزها
وعلاء زعلان على نواره ومضايق من خيانتها
بس قال لنفسه انه السبب فى كل حاجه حصلت وحس انه بيحب نواره ومش قادر يبعد عنها.
فى منزل نواره
نواره نايمه بدموعها نوم عميق وحلمت وقامت
مبسوطه وقالت انا ازاى مش بصلى وكانت الساعه
2 بالليل وقامت اتوضأت وخدت المصليه وقامت
الليل.. ودعت لله عز وجل بهدوء سرها واستغفرت
وندمت على ما فعلت وتابت اللى الله توبه نصوحه لا رجوع فيها.
وفى صباح يوم جديد
قامت نواره بتضحك وفرحانه برجعوها لله وثقتها فى الله عز وجل والتزمت بالصلوات والقيام والاستغفار . وعرفت ان اتحكم على عزيزه وسعيد والعصابه بأحاله أوراقهم للمفتى
وقررت تشتغل وتغير من نفسها
وفعلاً كلمت شركة واتفقت تنزل شغل من اول الشهر واتعلمت الدرس صح
وفى يوم جرس الباب رن وكان علاء
ولما نواره فتحت اتخضت من الفرحه وبرضه خافت ليكون فى حاجه جديده
.. ممكن ادخل يا نواره
.. اتفضل
ولما دخل الام خرجت وقعدت مع علاء.
.. يا حماتى انا غلط فى حق نواره وحق نفسى
.. حماتك انت خلاص طلقت بنتى يا علاء
.. ونفسى ارد نواره تانى انا فعلا حسيت انى محتاج ليها ومش قادر ابعد عنها
ونواره سمعت وكانت فرحانه برجوع علاء ليها
والام دخلت اوضه نواره وطلبت منها تخرج ل علاء
وخرجت نواره وعلى يقين بالله ان سامحها وقبل توبتها
وعلاء قرب منها وقال.
انا بحبك يا نواره
انا عرفت انك هتتجوز
غصب عنى اللى حصل مش سهل وغير أهلى يا نواره صدقينى غصب بس انا راجع ليكى بقلب المحب
.. انا عارفه انى غلطت يا علاء بس والله غصب عنى
انا كنت فى اختبار صعب صدقنى
.. الحق عليه انا والعيب على أهلى اللى جوزونى غصب عنى انا قولت لأبويا انا مش عاوز اتجوز
وغصب عليه وبالغصب ده حسيت انى مجبر ودخلت فى العند وانتى كنتى الضحيه يا نواره واهلى السبب فى كل اللى احنا فيه
.. انا اسفه يا علاء انا عارفه انى خونتك..
.. خلاص يا نواره بلاش الكلمه وياريت تسامحينى وانا مسامحك يا نواره قلبى
ونواره كانت زى الطفله البريئة وجريت على الشباك وعلاء مش عارف هى بتعمل ايه وجرى وراها
وفتحت الشباك وبصت للسماء زى الأطفال وقالت.
يارب علاء صالحنى زى ما طلبت منك انا دعيت وانت لبيت ♥️🙏 اشكرك يارب على نعمه الدعاء اشكرك يارب على نعمه الاستجابه وانك قبلت توبتى
علاء قرب منها وحضنها وهى حضنته وكان اول حضن بينهم بالصدق والمحبه 😍
والام واقفه والدموع فى عينيها بفرحتها ب نواره وعلاء
وجهاد فرحانه لفرحه اختها ورجعوها لبيتها وجوزها
وفى يوم جديد تم كتب كتاب نواره وعلاء ما بين
حضور أهلها وجارتها نهله وحبيبتها بقايمه جديده
وعفش جديد ودخلت نواره شقتها انسانه مختلفه
تماماً وكانت فرحانه بتغير علاء للأحسن وفضل ربنا عليهم
الكاتبه /كوكى سامح
وبعد اسابيع من زواجهم نواره كانت حامل وبعد
شهور الحمل خلفت بنت وعلاء اطلق عليها اسم نواره. وانتهت القصه فى سبوع نواره الصغيره 😍
وبحضور الاهل والاحباب ♥️
وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ (21)
ربنا مقالش حب قال موده ورحمه بينكم يعنى
سكن الحب بيجى بعد العشره
ياريت تخلوا بالكم من السكن بتاعكم مراتك راعى
شعورها هى انسان ليها مشاعر وأحاسيس
مراتك زى الورده كل لما تسقيها هتفتح وهتكون
جميله وهتتمنى تراضيك بإى طريقه
مهما كانت ظروف الحياة صعبه متخلهاش تأثر على حياتكم وامسكوا فى بعض مهما كانت
الظروف حاولوا ولو كان الخيط رفيع لو فى زره حب واحده اتمسكوا بيها
لكل ست اوعى تهجرى جوزك وتقولى انا زعلانه منه وتغضبى او تنامى فى اوضه تانيه صدقينى ده أكبر غلط 😁
الراجل بيتعود على البعد وبعد كده مش هتكونى فارقه معاه✋
ولكل اب وام إياكم والاجبار راعوا ولادكم خليهم يختاروا ويعيشوا حياتهم بطريقتهم هما
وصدقونى ولادكم زرعتكم من زرع حصد وطول ما الزرعه قويه وصح هما هيختاروا صح
هيختاروا اللى شبهم فى اخلاقهم
وأخيراً عسى أن تكرهوا شيئا وهو خير لكم
وعسى أن تحبوا شيئا وهو شراً لكم
استخيروا الله فى كل اموركم وهقولها تانى وتالت
وعاشر اللى ربنا يبعدك عنه اوعى ترجعله ✋
ربنا يسعدكم ويصلح حالكم ويبعد عنكم كل شر 🙏 😍
وإياكم ونسيان الجار الرسول وصى بسابع جار
وفى مثل قديم كده كنت بسمعه من جدتى الله يرحمها جوزك يحب عفيه وأهلك يحبوكى غنيه وجارك يحبك سخيه 👏
وتمت القصه على خير وعاوزه رأيكم فى كومنت ♥️
علقوا ب 20 ملصق علشان يوصلك اشعار القصه الجديده
تعليقات
إرسال تعليق