 |
ج. 1...
متعه_مزيفه
كنت بالصدفه قاعده على الاب وفجأه اكونت علاء
اتفتح قصادى وكان فيه بينه وبين ست!
معرفهاش شات ومش اى شات ده جنسى؟!
وفيديوهات حقيره كانت ليهم مع بعض؟!
انا اتجننت وبقيت اتنطط واقول
لنفسى ده انا من يوم جوزانا من 3 سنين وانا لسه بنت بختم ربها انا فاكره كويس كلامه ليه لما
قال انه مالوش فى الجواز؟
ورغم كده استحملت وعشت معاه على الحلوه قبل المره!
وغصب عنى افتكرت اول ليله بينا لما دخلت الشقه بفستان الفرح وكانت أجمل فرحه فى حياتى
ولما اختى دخلت معايا طلب منها انها تمشى وانه هيقوم بالواجب
وفعلا مشيت ودخل اوضه النوم قبل منى وانا من
كسوفى مكنتش عارفه هعمل ايه؟
دخلت وراه ولقيته قاعد على السرير انا استغربت وقربت منه بس نظرته ليه كانت غريبه وكلها كسوف وقولت طبيعى لأننا جوازنا كان صالونات
وقولت اننا لسه مخدناش على بعض لأننا اتجوزنا فى اققل من شهرين بعد خطوبتنا لانه كان جاهز
روحت قعدت على طرف السرير جمبه وفضلنا على كده اربع ساعات لحد ما الفجر أذن
وفجأه قام وخد كوڤرته من الدولاب ومخده
ومش قادره انسى نظرته ليه لما قالى انا مليش فى الجواز يا بنت الناس وخرج نام فى الانتريه
ويوم الصباحيه اهلى واهله كانوا بيصبحوا علينا
ولما ماما سألتنى على منديل الشرف قولت انى عندى ظروف
وكنت فاكره ان مع الوقت هو هيتغير وعدى اسبوع والتانى وحكيت لأختى وقولتلها انى عذراء ومدخلتش
وقالت ليه ادلعى عليه لازم يحس انه محتاجك
انا كنت بنت خام وساذجه فى الحاجات دى وفى الجنس عموماً وفى التعامل مع الرجاله من الأساس
ومسكت الفون وفتحت جوجل وابتديت اققرى ايه اللى بيقوى العلاقه بين الراجل ومراته وخصوصاً انه لسه مقربش منى ولا لمسنى
كان فى كلام كتير المضمون بتاعه انه ممكن يكون عنده عجز جنسى او خجل او رهبت اول ليله جواز
وشوفت مقال بيقول ان الراجل بيحب الدلع والحنيه
وقولت لنفسى دلع ايه بس ده حتى مكسوف منى وعينه مش بتيجى فى عنيه
وقريت كتير فى الموضوع ده وملقتش حل لأنى هتكسف اققوله اتعالج لو عندك عجز
وعدى على جوازنا شهر وانا لسه بنت ومدخلتش لقيت اختى جايه ومعاها شنطه ودخلت بيها على اوضه النوم وقالت:
.. نواره ده قميص نوم وبرفان عاوزاكى النهارده احلى عروسه علشان ربنا يسهلك يا حبيبتى
.. ما انا عندى كل الحاجات دى يا جهاد ولسه مستعملتهاش
.. يا نواره علشان خاطرى اعملى اللى بقولك عليه عارفه البرفان ده هيخلى جوزك هيموت عليكى انا
عرفت ان البرفان ليه تأثير كبير وبيحرك الغريزه عند الراجل امال ربنا حرمه ليه.
وبعدين عاوزاكى تتدلعى وتنكلمى معاه
.. ده بينام على كنبه الانتريه يا جهاد لدرجه انا بقيت اتكسف اللبس قميص نوم قدامه الجو حر وحاسه انى قاعده مع راجل غريب
.. معلش حبيبتى كله هيهون وهيعدى بس اعملى زى ما بقولك
ومشيت جهاد بعد ما قالت كل نصايحها ليه وكان علاء فى الشغل وقومت وعملت عشا واستنيته
ومش قادره انسى اليوم ده بالذات لان حصل فيه اللى خلانى لحد دلوقتى عذراء
علاء يومها رجع من الشغل متأخر وانا دخلت المطبخ وحضرت الأكل وكان عندى شمعدان كريستال
طلعته وحطيته على السفره والجو كان رومانسي على الأخر
ودخل اخد شاور وغير هدومه وقعد على السفره وانا دخلت اوضه النوم ولبست القميص ورشيت معطر فى الاوضه
وغرقت نفسى برفان وفردت شعرى على جسمى وخرجت من الاوضه وقعدت جمبه على السفره
وابتديت اققرب منه وفجأه...
يتبع
الجزء_الاول
متعه_مزيفه
بقلمى_كوكى_سامح
علقوا ب 20 ملصق علشان يوصلك اشعار الجزء الثالث وياريت الكل يعلق علشان البوست يوصل لكل أعضاء الصفحه 👍🏼
ج. 2...
متعه_مزيفه
وابتديت اققرب منه وفجأه هب فيه وقالى انا مليش فى الجواز وبلاش شغل الستات ده
انا مش هقررب منك مهما عملتى وكانت نظراته غريبه لدرجه قولت انه مجنون
وخوفت منه وبعدت عنه وخصوصاً لما اتعصب عليه بس بعدها بشويه ابتدى يهدى وقالى انه
بيحاول ووطى على رجلى وباسها وقالى بلاش فضايح لو مش، عاوزه تعيشى معايا اطلقى
وبصراحه صعب عليه وقولت يمكن مع الوقت
يبقى كويس
ولما جهاد كلمتنى قولتلها انه بيحاول يتعالج
وطبعاً كنت بكذب لحد ما عدى على جوازنا 3 سنين وكانت كلها حجج واعذار
وانا لسه بنت وعمرى ما فكرت اجرحه إنما اللى شوفته ده بيدل انه مش مريض او عاجز
ولازم اتصرف وقفلت الاب وكأنى معرفش حاجه
وفضلت اكلم نفسى زى المجنونه ومش عارفه اتصرف معاه ازاى
وقومت دخلت عند جارتى نهله دى الوحيده بعد جهاد اختى اللى كنت بتكلم معاها واتصاحبت عليها يمكن مش ملاك بس ست وكانت جميله
بس كان فيها عيب بسيط على طول كانت بتزعق وصوتها يعلى اكتر من جوزها وقعده على النت دايماً
و متعرفش انى لسه بنت وكل اللى تعرفه انى حياتى هاديه
لأن انا من طبعى مش بحب احكى عن حياتى الخاصه لحد بس هى لما شافتنى عرفت انى مضايقه وقالت :
.. مالك يا نواره فيكى ايه
.. انا كويسه بس كنت زهقانه وقولت اجى اققعد معاكى شويه لحد ما علاء يرجع من الشغل
.. تصدقى انى لسه معرفش علاء بيشتغل ايه ولا فكرت أسألك
.. بيشتغل مع حمايا فى المعرض بتاعهم أدوات منزليه اكيد
.. فين المعرض ده قريب من السوق
.. اه يا نهله فى السوق وبقالهم فتره بيجهزوا لأفتتاح معرض جديد بس هيكون فى محافظه تانيه
.. ربنا يوفقه يا حبيبتى ويرزقك الذريه الصالحه عارفه الوحده هى اللى بضايق الست مننا لو كان
عندك حتته عيل كان زمانك مش قاعده قدامى دلوقت
.. اكيد يا نهله
وانا قاعده سمعت باب شقتى بيتفتح وعرفت ان
علاء رجع من المعرض وقومت بسررعه واستأذنت نهله واول لما شافنى قالى وهو ملهوف
يا نواره حياتى انا اخدت اجازه اسبوعين وقررت نطلع مصيف وبصراحه انا استغربت
قولت فى سرى اكيد فى حاجه
بس قالى ان لازم نجهز قبل الفجر علشان هنمشى بدرى
بس انا مكنتش جاهزه خالص ولما قولتلوا قالى احنا هنقعد فى مفروش وهما اسبوعين وخلاص واهو نغير جو
وفعلا جهزت نفسى واليوم ده فضلنا سهرانين طول الليل وكلمت نهله وبيت ماما وقولتلهم اننا
هنطلع مصيف لأنهم اققرب ناس ليه
وبعد الفجر بساعه علاء قالى يلا الناس وصلت
سألته ناس مين؟ قالى اصحابى اللى هنقعد عندهم فى الشقه
وكان مستعجل بس قولتلوا انت مش قولت مفروش
رد وقالى ما هى مفروش بس مش هندفع فيها حاجه
دى بتاعه واحد صاحبى وكان بيأجرها وقالى انا طالع مصيف وهات المدام وتعالى
وفعلا وافقت وقولت فرصه نتفسح ونغير جو يا حبيبتى
وبصراحه انا كان جوايا نار وقولت لما نرجع من المصيف هتكلم معاه فى موضوع الفيديوهات الحقيره دى
وخدنا الشنط ونزلنا ولقيت عربيه واقفه قدام الباب
وفيها راجل انا اول مره اشوفوا وقاعده ورا ست وماسكه عيل وكان بيعيط
وعلاء فتح باب العربيه وركبنا معاهم وابتدى يعرفنى عليهم
وقربت من علاء وسألته بصوت واطى هى دى مراته
رد عليه صاحبه وقالى انا المهندس سعيد وارمل
ودى اختى هناء وبصراحه مسؤله عن ابنى وشايله عنى كتير
وهى بصت ليه وابتسمت وقالت انتى اسمك ايه
قولتلها نواره
.. اسمك جميل زيك يا نواره
.. اهلا بيكى يا هناء
وعلاء كان شكله مبسوط اوى وانا كان قلبى قايد نار
وسعيد طلع بالعربيه وفضلنا نرغى لحد ما وصلنا
واول لما وصلنا كان الجو حلو وكنا قريبين من البحر ودخلنا العمارة
وركبنا الاسانسير لأن الشقه كانت فى الدور ال 12
ولما دخلنا سعيد قرب من علاء وقاله دى الاوضه بتاعتك انت والمدام وقال :
يلا ادخلوا غيروا علشان ننزل نتغدى ونشوف منظر البحر على الطبيعه
بس الغريب هناء خدت الولد ودخلت اوضتها واحنا بنتكلم ورفضت انها تنزل معانا
واحنا نزلنا وروحنا نتغدى وسألت سعيد
.. هى هناء مش هتتغدى وبعدين مفيش أكل فى الشقه ياريت تعمل حساب اختك والولد
.. متقلقيش انا هعمل حسابها اكيد
.. بقولك يا نواره قومى ننزل البحر
.. بحر ايه يا علاء انا مش عامله حسابى دلوقتى
وفجأه علاء قام وقف وقلع التيشيرت والبنطلون وقال خلاص انا هنزل اخد غطس
وسعيد قام وقلع زيه بس انا لما شوفت سعيد غمضت عينى واتكسفت لما قلع على البحر
والاتنين نزلوا البحر وانا فضلت قاعده متفرجه والغريب نظرات سعيد ليه كانت عينه عليه اوى
ولما طلعوا من البحر لبسوا وطلعنا الشقه بس انا كنت حاسه بحاجه غريبه ناحيه سعيد
كان راجل وسيم وارمل مع ان سنه صغير
ولما فتح باب الشقه ودخلنا كانت هناء فى اوضتها
وحتى الولد مالوش صوت ودخلت نمت انا وعلاء من تعب السفر
وكل ده وانا قلبى قايد نار من علاء
وقلقت بالليل وقومت اشرب وسمعت صوت جاى
من اوضه هناء وقولت هى بتكلم نفسها وقربت من الباب
وسمعتها بتتكلم وبتقول مش هينفع دلوقتى
وبصيت من خرم الباب بس مشفتش حاجه
بس انا سامعه صوتها وهى بتقول مش دلوقتى مش هينفع انا مش لوحدى
وفجأه سكتت ودخلت المطبخ اشرب وخرجت وانا عندى فضول وعاوزه اعرف هى بتعمل ايه؟
وقولت لنفسى انا هفتح عليها الباب وكأنى بطمن عليها وفعلاً
من غير ما خبط فتحت الباب وشوفتها فى منظر غريب عريانه قدام كاميرا الفون..
خرجت بسرعه وانا مذهوله ودخلت البلكونه
وبعد دقايق خرجت ورايا وشافتنى وانا فى البلكونه وقربت منى وقالت
انا ست ووحيده وبعد موت اختى وامى فى
حادثه كنت عايشه فى فراغ والانسان ده انا
عرفته من على النت وحبيته من قلبى وطلب منى يشوف جسمى علشان كده كنت عريانه
انتى متعرفيش يعنى ايه الست مننا تحس بالوحده ومفيش فى حياتها راجل وهى بتتكلم
وانا بسمع وكنت حاسه بيها وسرحت فى حالى ما انا 3 سنين ومتجوزه ولسه بنت ومع انى معايا راجل
وسبتها ودخلت اوضتى ونمت جمب علاء وكنت بفكر فى كلامها وازاى تعمل كده فى نفسها
وفضلت افكر فيها لحد لما النهار شقشق وروحت فى النوم
وانا نايمه حسيت احساس غريب ان حد بيلمس
جسمى فتحت عينى وكان سعيد قومت بسرعه
وقعدت وابتديت إدارى جسمى بإيدى وهو عينه عليه وبيبص لجسمى اوى وبيقرب منى وبيقول
يلا علشان ننزل نفطر على البحر
سألته وانا خايفه من نظراته وقولتلوا
فين علاء؟
رد وقالى نزل يشترى شويه طلبات
.. انت ازاى تتدخل عليه وانا نايمه لو سمحت اتفضل اطلع وياريت متتكررهاش
قرب منى وبكل جراءه خدنى فى حضنه وقالى
بهمس انا عارف انك لسه بنت وانا حبيتك من كلام علاء عنك وابتدى يلمس جسمى ويحضنى
وانا حاسه انى ضعيفه وانا فى حضنه...
يتبع..
الجزء_الثانى
متعه_مزيفه
بقلمى_كوكى_سامح
علقوا ب 20 ملصق علشان يوصلك اشعار الجزء الثالث وياريت الكل يعلق علشان البوست يوصل لكل أعضاء الصفحه والحظر يتفك 👍🏼
ج. 3....
متعه_مزيفه
وقرب منى وحضنى وانا كنت ضعيفه فى حضنه
لأول مره احس بحضن راجل واحس انى ست ومرغوب فيها
وحسيت فى حضنه بالأمان وابتدى يلمس كل حته فى جسمى وانا ضعيفه
كنت ضعيفه فى حضنه وكل حته فى جسمى بتقولوا قرب انا كنت مستنياك
وابتدى يسمعنى أجمل كلام سمعته فى حياتى
ويتغزل فيه وفى جسمى وفجأه بعدت عنه وقومت من حضنه
وشاورت على الباب وهو عينه فى عينى وكأنه بيقولى انا عاوزك بس سابنى وخرج
نمت على السرير وفضلت اعيط المفروض اعمل ايه دلوقت انا تعبانه وحاسه انى محتاجه حضن راجل
زى اى ست منك لله يا علاء 3 سنين عذاب وانا كنت فاكره انى صابره ومستحمله
اتحرمت من الخلفه وان اكون زوجه وليه راجل نفسه فيها
والجريمه الأكبر اتحرمت من الحب والمشاعر انا مش عارفه اعمل ايه سعيد حرك جوايا المشاعر المكبوته من 3 سنين
ودخل عليه علاء وقال :
.. مالك يا نواره حياتى
.. هيكون مالى انت اللى فين؟
.. نزلت اشترى شويه حاجات للشقة
.. هو انت تعرف الناس دول من زمان مع انى اول مره اشوفهم
.. سعيد ده عشره عمر وراجل جدع بس يا خساره مراته ماتت صغيره وسابته لوحده
قولت فى سرى وانا كمان ما انت سايبنى لوحدى
.. علاء انا نفسى احس انى ست
.. امال انت ايه يا نواره انتى ست الستات
.. انا عاوزه احس ان ليه كيان ومشاعر عاوزه حضنك عاوزاك جمبى
وقربت منه وحضنته وقالى :
.. انا مريض جنسياً يا نواره ومفيش امل انى اعيش طبيعى زى اى راجل
.. متأكد يا علاء امال! ؟ ولقيت نفسى سكت وكأنى خرساء وخايفه اتكلم معاه فى موضوع الفيديوهات وانه ازاى يتكلم مع سعيد فى علاقتنا
.. عاوزه تقولى حاجه؟
وقولت لنفسى لينا بيت نتلم فيه بس، كفايه أنى عرفت انه مش مريض وكمان البيه لى علاقات ومثيره كمان ومتصوره صوت وصوره
والباب خبط وكانت هناء بتستعجلنا علشان ننزل نفطر على البحر
وجهزنا ونزلنا معاهم ونظرات سعيد هتموتنى وانا حاسه بيها انا فعلا محتاجه لحضنه
وروحنا على البحر واليوم ده كانت الشمس جميله
وقعدنا وما بين هزار علاء وسعيد
كانت هناء بتفكر وطول الوقت شايله الولد على ايدها
وسألتها :
.. اسمه ايه القمر ده
.. اسمه باسم يا نواره
.. عاشت الاسامى
.. عقبالك يا نواره
بصيت لعلاء وقولت لنفسى طول ما انا مع الراجل ده مش هشوف حب ولا خلفه وقولتلها :
.. عقبالك انتى يا هناء وقربت منها وكلمتها بصوت واطى ومش مسموع انجزى فى موضوع الشاب اللى بتعرفيه ده
رددت وقالت :
. انا بحبه اوى ونفسى اللى بينا يبقى حقيقى وهو كمان بيحبنى
.. بس خلى بالك يا هناء ياريت تتأكدى من مشاعره كويس
.. بيحبنى والله بيموت فيه ده لما بيشوف جسمى بيتجنن
.. الحب مش كده؟
.. الحب مشاعر واحتياج ومش هنضحك على نفسنا الرغبه الجسديه هى اللى بتقوى العلاقه يا نواره
.. ولقيت نفسى عينى على سعيد وبقولها يعنى الحب احتياج جنسى يبقى مش حب
رددت عليه وقالت :
انا قولت بيقوى العلاقه مقولتش احتياج جنسى!
لقيت نفسى بقولها انا عمرى ما حسيت بالحب ولا بالمشاعر دى غير مره واحده وكانت عينى على سعيد
رددت وقالت ليه انتوا متجوزين من امتى؟!
ولقيت نفسى بهرب منها حسيت انها ذكيه وبتفهم
وقولت ايه يا جماعه مش هنفطر ولا ايه؟!
رد سعيد وقال انا هنزل البحر الأول علشان اجوع
وفعلا قام وعينه عليه وانا كانت عينى عليه كنت حاسه ان نفسى انزل معاه ويشلينى زى ما بشوف اى اتنين بيحبوا بعض
وقولت لنفسى ده مش حقك يا نواره انتى على ذمه راجل وبرضه قولت لنفسى راجل ايه ده انا
لسه بنت ده حتى مش بيقرب منى ولا بيلمسنى ولا بيحاول
وسعيد راجل وسيم وكله حيويه رغم انه فقد مراته إنما عايش وعاوز يحب
علاء قام وقال انا نازل البحر يلا يا نواره
رديت وقولت انا نسيت المايوه ومش معايا حاجه انزل بيها
رددت هناء وقالت انا معايا مايوه وفتحت الشنطه وطلعت مايوه
بس لما شوفته قولتلها ده عريان اوى ايه المنظر ده
قالت ده مايو انتى فاكره المايوه ايه؟
قولتلها انا كنت هلبس بنطلون وتيشرت او مايوه اسلامى
بس قالت مع انك مش محجبه هتلبسى اسلامى ليه؟
قولتلها مش شرط اكون محجبه او لأ انا مش بلبس مايوه عموما
رددت وقالت اسفه يا نواره بس لما سمعتك بتقولى مايوه افتكرت عادى
رد علاء وقال انا نازل البحر سلام يلا يا سعيد
وسابنا ومشى!
بس سعيد قرب منى وقال المايوه ده هيبقى حلو عليكى وخصوصاً ان جسمك حلو نفسى اشوفك بيه؟
اتكسفت وقولتلوا وانا بضحك انا متجوزه يا سعيد
رد وقالى بس لسه زى ما انتى! وانا نفسى اكون اول راجل فى حياتك واخر راجل
باسم عيط وهناء خدته وراحت تتمشى على البحر
وانا وسعيد لوحدنا
قولتلوا انا بحب جوزى على فكره
.. كذابه يا نواره انا حسيت بحضنك انتى كنتى عاوزانى زى ما انا كنت عاوزك
.. ارجوك قولتلك انا متجوزه
.. وانا بحبك من اول يوم شوفتك فيه ولا اقولك من يوم ما علاء قالى انه سايبك كده ده حتى مش بيقرب منك
وهو بيتكلم قولتلوا عن اذنك
.. رايحه فين؟
.. رايحه الشقه اجيب حاجه انزل بيها البحر ولا مليش نفس يعنى
.. انتى بتهربى من الكلام ليه انا بحبك
.. لو علاء سألك قولوا مش هتأخر
وسابته ومشيت وروحت لحد العماره جرى ولما طلعت الشقه وفتحت الباب دخلت اوضه نوم
سعيد ومسكت سريره زى المجنونه وفضلت ابوس فيه وكأنه فى حضنى وفتحت دولابه وطلعت تيشرت وفضلت حضناه
ومحستش لما باب الشقه اتفتح وكأن اللى داخل كان بيتسحب
وانا ماسكه تيشرت سعيد فى حضنى
دخل عليه وقرب منى وانا مش حاسه وقالى انا عارف انك بتحبينى وانا كمان يا نواره بحبك
سبت التيشيرت وقولتلوا انت موهوم صح ابعد عنى
بس هو قرب منى وابتدى يلمس جسمى وانا كنت خايفه ووقعت على السرير ونام جمبى وابتدى يحضنى ويقرب منى اكتر...
يتبع..
الجزء_الثالث
متعه_مزيفه
بقلمى_كوكى_سامح
ياريت تعلقوا ب20 ملصق
ج. 4...
متعه_مزيفه
وابتدى يقرب منى ويحضنى اكتر وانا حاسه بيه لدرجه انى كنت مستسلمه وابتدى يهمس ويقولى احضنينى يا نواره نفسى احس بيكى
وانا فى حضنه حاسه انى طايره وانى ست
مرغوب فيها وكنت حاسه بكل نفس بيتنفسه
وطالع منه بيقول نواره
= والفون رن وقومت بسررعه من حضنه وكان
علاء بيسأل عليه ولما قفلت معاه استوعبت انى ضعفت
بس سعيد قرب منى وقال:
.. بحبك يا نواره
.. ابعد عنى انا ست متجوزه
.. فين الجواز ده انتى مصدقه نفسك
.. ابعد عنى وسبنى فى حالى
.. انا بحبك والنهارده اتأكدت من حبك ليه !
.. انا مرات صاحبك وعشره عمرك!
.. بس صاحبى مقصر معاكى ومش بيحبك صدقينى
انتى ظالمه نفسك 3 سنين عايشه معاه خادمه وبس تنكرى!؟
.. انا لازم أمشى اروح البحر عن اذنك
.. نواره نواره نواره
. ونزلت وانا حاسه انى بموت انا فعلاً ظالمه نفسى ومش عارفه اخرتها ايه انا بجد تعبانه وبحب سعيد هو ده الراجل اللى كنت بتمناه
وفضلت ماشيه وكل تفكيرى فى سعيد وحبه ليه
وكل كلمه قالها بترن فى ودانى بجد انا تعبت خلاص
ولما وصلت البحر كان علاء فى المياة والغريبه ان هناء مش موجوده وشديت كرسى وقعدت
وعدت ساعه واكتر وانا قاعده لوحدى بس كل تفكيرى فى سعيد وليه مجاش البحر لحد دلوقت.؟
.. نواره فين سعيد
.. معرفش يا هناء بس انتى كنتى فين
.. اسكتى عارفه الشاب اللى بكلمه من على النت أصله هنا وطلب يشوفنى
.. معقول يعنى انتى كنتى معاه
.. اه كنت معاه وكان بيحسب باسم ابنى لما شافه معايا
.. وعملتى ايه ؟
.. قولتلوا ده يتيم ابن المرحومه اختى وانا المسؤله عنه
.. كويس المهم اتفقى معاه يجى يتقدم وينجز
.. ان شاء الله بس عارفه قالى كلمه غريبه
.. قالك ايه يا هناء
.. قالى اللى ذيك يتجوز
.. طيب ما انتم هتتجوزوا
.. قصده انى اتجوز جوز اختى واربى الولد فى حضنى انا وهو.
.. بتقولى ايه انتى ممكن تتجوزى سعيد؟ وحسيت انى هتجنن اول لما قالت كده وكنت غيرانه ونار جوايا🔥
بس حاولت ابان انى مش مهتمه وكلمتها ببرود وسألتها
.. مش انتى بتحبى الشاب ده يا هناء
.. ده معرفه نت احب مين بس؟
.. قصدك ايه هتتجوزى سعيد؟
.. مالك يا نواره في حاجه؟!
.. ليه مالى ما انا كويسه اهو بس ردى عليه انتى هتتجوزى سعيد ولا الشاب ده
.. ما قولتلك ده معرفه نت ومعرفوش كويس بس مرتحاله وانا اهو بجرب يا صابت يا خابت
.. هناء ده شاف جسمك انتى عبيطه
.. ما انا بقولك يا صابت يا خابت عارفه يا نواره ممكن يكون بيلعب بيه وانا مش حاسه وممكن يكون متجوز وانا معرفش او خاطب مثلاً
.. ولما انتى مش متأكده منه بتكلميه ليه؟
.. الفراغ يا نواره انا زهقت وتعبت انتى عارفه انا عندى كام سنه
.. عندك كام يا هناء
.. عندى 35 ولسه متجوزتش كل اللى فى سنى هيجوزوا عيالهم قريب وانا قاعده زى البيت الوقف!
.. ده نصيب يا هناء
.. عارفه انه نصيب بس نفسى اتجوز واحس انى ست وليه بيت واحمل وأخلف انتى اكيد مش هتحسى علشان مش زيى
. وهناء بتتكلم وانا بسمع وحاسه بيها وكل خوفى انها تفكر فى سعيد
.. عارفه يا نواره انا مليش حد غير ابن اختى وسعيد من يوم ماتت وهو مخلى باله منى
.. هناء انجزى وخلى الشاب ده يتقدم
.. ان شاء الله هكلمه تانى واشوف اخرتها ايه!
وعلاء خرج من البحر.
.. فين سعيد ؟ انا مش شايفه من بدرى ولا وقع على واحده هنا وناوى يتجوز
.. جوز اختى وانا عرفاه ده لسه بيحبها
ولما سمعت هناء قالت كده الغيره زادت جوايا
ومش عارفه انا عاوزه ايه بالظبط وقولت لنفسى
هغير من واحده ميته المهم هناء هى دى اللى
اخاف منها وبعدين باين من كلامها انها بتفكر فى سعيد
. تليفون علاء رن وكان سعيد وقاله انه حاسس بشويه تعب وموجود فى الشقه ولما قفل معاه قال :
.. يلا علشان علشان هنمشى
.. فى ايه يا علاء؟
.. سعيد تعبان ومش جاى يا نواره!
انا سمعت كده اتخانقت لأنى عارفه ايه اللى تاعبه
وخدنا بعضنا ومشينا ولما روحنا كان فى لمه قدام
باب العماره وكان البواب بيتخانق مع مستأجر علشان مدفعش الإيجار.
ولما طلعنا ودخلنا الشقه انا كانت عينى على اوضه سعيد وبس وكنت عاوزه اشوفه كنت حاسه انه واحشنى اوى
. وخرج سعيد وكانت عينه عليه.
.. ايه يا ابنى البحر جميل وانت قاعد هنا
.. معلش اصلى حسيت انى تعبان شويه
.. الف سلامه عليك
ونظرات سعيد ليه بتقول انه بيحبنى وقولت لنفسى ياريت ما كنت فى حياتى يا علاء منك لله ضيعتنى معاك
وسعيد قرب من هناء ووشوشها فى ودانها ورقعت حته ضحكه عرفت انها مش سهله وعينها منه
وانا قلبى قايد نار 🔥 انا حبيت سعيد ومش هستغنى عنه مهما حصل
وحضرنا الأكل وبعد ما اكلنا والوقت اتأخر سعيد سابنا ودخل ينام وبعده استأذنت هناء
وانا وعلاء دخلنا اوضتنا
.. هو انتى مالك فى حاجه
.. هيكون فى ايه يا علاء
.. انا شايفك مضايقه متوتره
.. عادى انا كويسه انت بس اللى اول مره تركز معايا
.. امال هركز مع مين ونام على السرير وانا كنت بغير هدومى وبعد كده نمت جمبه وورابت وشى الناحيه التانيه وفى خلال دقايق كان نام
وعدت ساعه واكتر وانا النوم طاير من عينى وكل تفكيرى فى سعيد وقومت وفتحت باب الاوضه وخرجت اتسحب
بس المره دى روحت لحد اوضته ووقفت متسمره قدامها ومتردده ادخل ولا لأ
وخبط وفتحت ودخلت وهو كان نايم وفى ايده الفون بس حس بيه وقام وقلق
.. نواره فى حاجه
.. اه فى وجريت عليه وقولتلوا
انا بحبك اوى بس زقنى وقالى انت ست متجوزه
مش ده كلامك ليه!
قولتلوا غصب عنى بس خلاص مبقتش قادره اسيطر على نفسى ومشاعرى وقرب منى وقالى علاء طلب منى اتجوز هناء
.. تتجوز هناء ده انا كنت اموتها بإيدى انت فاهم!
.. انتى بتحبينى بجد يا نواره
قربت منه وحضنته بس قالى
انا عندى شاليه قريب من هنا وقام وجاب مفتاح وقالى خودى
.. ايه ده؟!
.. ده مفتاح الشاليه بتاعى يا نواره خوديه وعاوزك بكره نقضى اليوم كله مع بعض هناك ايه رأيك؟
.. يا حبيبى انا معاك فى اى مكان بس طول اليوم ازاى وعلاء
.. انا هتصرف يا حبيبتى بس عاوزك بكره تكونى اميره وانا الفارس اللى هياخدها على حصانه
.. بحبك يا سعيد وحضنته وانا كلى مشاعر حب واشتياق لبكره
وخدت المفتاح وقومت ورجعت نمت مكانى جمب علاء
وفى صباح اليوم التالى.
قومت من النوم ودخلت الحمام وكان سعيد قاعد واول لما شافنى قام وجرى عليه وخدنى فى حضنه وقال عاوزك تعملى تعبانه ومتروحيش
البحر النهارده وانا هسبقك على الشاليه وهقول انى مسافر وراجع بالليل وبكده محدش هيشك اننا مع بعض
وفجأه بعد عنى وقال فين علاء عرفت انه شافه وبعدت عنه
وقرب مننا وصبح علينا وسعيد قاله انه عنده شغل مفاجأ ومسافر وهيجى فى نفس اليوم بالليل وطلب مننا ناخد بالنا من هناء وابنه
وبعد ما فطرنا قام ومشى وسبق على الشاليه
وانا مسكت بطنى وقولت ان عندى مغض وتعبانه
.. مالك يا نواره
.. تعبانه يا حبيبى واسفه مش اقدر اروح البحر النهارده انا حاسه انى عاوزه انام
.. اققعد معاكى
.. لا لا انا هنام خد هناء وروح انت وانا لو حسيت بحاجه هكلمك وسبته ودخلت اوضة النوم
ودخل ورايا وابتدى يلبس ولما خلص خد هناء وراحوا البحر وانا قومت من مكانى
وكنت متلغبطه اوى وقومت لابست بسرررعه واتصلت بسعيد وعرفت عنوان الشاليه ونزلت من العماره وخدت تاكسى وروحت لحد هناك
والمكان كان غريب وكأنه فى حته مقطوعه وبعيده عن الناس بس انا كنت مبسوطه
وقربت من باب الشاليه وفتحت الباب بالمفتاح ودخلت وقفلت الباب
وسمعت صوت سعيد بينادى عليه من الاوضه وجريت ناحيه صوته والباب كان مفتوح ولما
دخلت شوفت السرير مليان ورد وعليه قميص نوم ابيض وكان قاعد على السرير وشاور ليه وجريت عليه ومحستش وغير وانا فى حضنه
وقالى اللبسى القميص ده انا عاوز دى تكون أجمل ليله فى حياتنا وانا حسيت بالكسوف وخدت القميص وسابنى وخرج
وانا قومت ولابست القميص وكنت جميله اوى فيه وكلى انوثه ودخل عليه وقرب منى وابتدى يهمس بأجمل كلمات الحب اللى عمرى ما سمعتها
ونام على السرير ونمت جمبه وفى حضنه وحصل بينا كل حاجه وتمت علاقه كامله بينا
ولأول مره من يوم ما اتولدت اعرف يعنى ايه حضن راجل وست متجوزه ومحروحه من حضن جوزها ونمت فى حضنه ومحستش بالدنيا
ولما صحيت من النوم قومت وكان السرير فاضى وسعيد مش جمبى والغريبه ان القميص كان
جمبى على السرير وانا فاكره لما حصلت بينا العلاقه سعيد رماه على الأرض
ومسكت القميص وقومت اشوف سعيد ولقيت السرير عليه بقعه دم وعرفت ان ده شرفى
وخرجت بره الاوضه بس الغريبه ان الشاليه كله ضلمه ومسكت الفون و شوفت الساعه وكانت 4 الفجر
ودورت على سعيد فى كل الشاليه ومش موجود وخرجت وفتحت الباب وانا متجننه سعيد مش موجود وانا لوحدى والوقت اتأخر وفجأه شوفت...
يتبع..
الجزء_الرابع
متعه_مزيفه
بقلمى_كوكى_سامح
علقوا ب 20 ملصق علشان يوصلك اشعار الجزء الخامس وياريت الكل يعلق علشان البوست يوصل لكل أعضاء الصفحه 👍🏼
#تعديل
انا كنت كاتبه الروايه من اول تانى جزء ان هناء اخته بس عملت تعديلات ان هناء اخت مراته لان ده الأنسب ولما عملت التعديلات نزلت الجزء الثانى ومن غير ما اعدله وكانت غلطه فحبيت أوضح المعلومه دى
ج.5..متعه_مزيفه
وفجأه شوفت ست عجوزه قاعده فى الضلمه
وبتعيط وانا دخلت الشاليه وقفلت الباب خوفت منها
بس كان صوتها غريب وبتنوح وانا لوحدى وحاسه انى بنهار الشاليه ضلمه وسعيد مش، موجود
وفتحت كشاف الفون وفضلت ادور على كبس الكهرباء
ولقيته بس للأسف مش بيفتح قولت باين الكهربا قاطعه انا بس اللى مخدتش بالى
بس صوت الست العجوزه غريب وبتنوح وكأن فى مصيبه وانا خايفه منها ومش عارفه اتصرف ازاى
ومسكت الفون ورنيت على سعيد وسمعت صوت رنه الفون فى الشاليه يعنى سعيد هنا؟
بس سألت نفسى امال راح فين الشاليه كله ضلمه وانا لوحدى
وفضلت ارن بس مش عارفه مكان الفون وخدت الفون وتابعت مكان الرنه وفضلت ادور فى الشاليه
وفجأه اتخبط فى سلم خشب بس استغربت انا لما جيت الشاليه مخدتش بالى ان الشاليه دورين
وقولت لنفسى انا كنت فى الاوضه اللى جمب الباب على طول لأنى لما وصلت انا جريت على صوت سعيد فمخدتش بالى ان في السلم الخشب ده
والفون بطل رن ورنيت تانى وطلعت السلم وانا مش شايفه حاجه بس سامعه صوت رنه الفون
ومسكت كشاف الفون وفضلت ادور بس كان فى
3 اوض وقربت من اوضه وكان بابها مقفول وحاولت افتحها معرفتش وحتى الاوضه التانيه
برضه مقفوله ومش عارفه افتحها إنما الاوضه التالته مفتوحه ودخلت وكانت زى القبر ضلمه أعوذ بالله من ظلمه القبر
وفضلت اشوف بالكشاف مكانش فيها حاجه غير باب خشب عادى مالوش لازمه وكان فى شباك
فتحته وبصيت منه ولقيت الست العجوزه قاعده وعماله تنوح
وقولت لنفسى انا هعمل ايه دلوقتى لو كلمت علاء هقولوا ايه؟ وكنت فين؟ ده حتى متصلش بيه ولا سأل انا فين! مع انه عارف انى كنت تعبانه
وقفلت الشباك من صوت الست دى انا مش عارفه هى مين وايه اللى جابها الحته المقطوعة دى وخدت بالى ان المكان كله مفيش غير بحر وشاليه
وانا لوحدى وخرجت من الاوضه وفجأه حسيت بحاجه تحت رجلى ووطيت على الأرض ولقيته فون سعيد وفرحت وحاولت افتحه معرفتش قفله باسورد
ونزلت وكنت حاسه انى ميته من الجوع وفضلت قاعده لوحدى فى الضلمه وعلى نواح الست العجوزه لحد ما سمعتها بتقول جعانه
وبصراحه انا خايفه منها ومستحيل اكلمها وقولت لنفسى خلاص هانت كلها ساعه ولا اتنين والشمس تطلع وانا همشى بس هروح على بيت ماما هسافر
لأنى هقول ل علاء ايه!
وهقولوا كنت فين ؟ انا خلاص مبقتش انفعه مش كفايه أنى خاينه بس لما اشوفوا هقولوا نطلق
واتجوز سعيد لأنه اول راجل فى حياتى بس يا ترى هو فين؟ وسابنى لوحدى ليه؟ والفون بتاعه هنا يعنى المفروض هو موجود هنا!
كل دى اسئله واجابتها مع سعيد بس النهار يطلع ويحلها ربنا
بس انا جعانه اوى هحاول اقوم اشوف حاجه فى التلاجه
ومسكت كشاف الفون ودورت على المطبخ ودخلت وفتحت التلاجه ومكانش فيها غير مياه وتونه وبيض وكيس عيش وشكلهم من فتره كبيره
لأن التلاجه كانت ريحتها وحشه وكيس العيش بايظ وقولت الحل الوحيد النهار يطلع وهمشى من هنا
وخرجت وفضلت قاعده ومسكت الفون وقولت اتصل ب اختى جهاد واقولها ان هرجع من
المصيف عليهم ولما اتصلت من حظى السيئ الشبكه مش مجمعه خالص رزعت الفون وكنت هكسره وقولت ده كمان البطاريه على وشك
الحل الوحيد ان النهار يطلع وهانت الساعه دلوقتى 4 ونص كلها ساعتين
وسألت نفسى بس سعيد فين؟!
والغريبه ان جوزى علاء مسألش ولا حتى اتصل بيه
بس ممكن يكون كلمنى والشبكه مجمعتش معاه وده الأكيد
والست العجوزه قاعده مكانها وعماله تنوح وتقول جعانه بس قولت لنفسى ما انا هموت من الجوع انا كمان يعنى هعمل لها ايه
وقولت لنفسى يا ترى هى مين الست؟
ممكن تكون تايهه او غريبه عن المكان؟
بس اللى جابها هنا؟
انا لازم اعرف هى مين الست دى؟
ومسكت الفون وقومت من مكانى وقفلت الكشاف وفتحت الباب وفضلت ابص عليها من غير ما تحس بيه بس صوتها مزعج بتنوح وبس!
وسمعتها بتقول جعانه عاوزه أكل انتم فين ياللى فالبيت؟
وانا خايفه منها بس حست بيه وقالت تعالى متخافيش منى 🥺
وانا قربت منها وابتديت ادقق فى ملامحها بس كان وشها فى حرق كبير وشاورت ليه وقالت تعالى اقعدى
وانا كنت خايفه انا فعلاً معرفهاش ومعرفش ظروفها او ايه اللى جابها هنا؟
بس كانت بتشاور ليه علشان اقعد جمبها وكان شكلها ست على قدها باين من هدومها والغريبه انها لابسه هدوم شتوى مع اننا فى عز الحر!
وقربت منها وقولتلها حضرتك مين وايه اللى جابك المكان المقطوع ده!؟
.. انتى بتسألينى ايه اللى جابنى هنا؟
.. ايوه يا ست المكان مقطوع وشكلك غريبه عنه
وبعدين عماله تعيطى وتنوحى وانا مش عارفه مالك وفيكى ايه؟!
.. بعيط على الشاب اللى راح قدام عينى
.. شاب مين ده؟ وراح فين؟
.. غرق فى البحر 😭
وقربت منها وانا مش مستوعبه كلامها وسألتها
مين اللى غرق وشكله ايه ابوس ايدك قولى
.. انا كنت قاعده على البحر قبل الفجر وشوفت اتنين رجاله بيضربوا بعض ولقيتها قامت ومسكت ايدى وشاورت على الشاليه وقالت.
كان فى شاب صغير فى السن خرج من هنا وانا قاعده على البحر لقيته ولع سيجاره وكان معاه راجل تانى وضربوا بعض هنا وشاورت على الأرض
ومسكت ايدى ومشيت معاها لحد البحر وقالت وهى منهاره ومسكه وخنقه ورماه فى البحر..
يتبع..
الجزء_الخامس
متعه_مزيفه
بقلمى_كوكى_سامح
علقوا ب 20 ملصق علشان يوصلك اشعار الجزء السادس وياريت الكل يعلق علشان البوست يوصل لكل أعضاء الصفحه 👍🏼
تعليقات
إرسال تعليق