 |
ست تعشق الرجال
بقلم مي علي
الجزء الاول
أحب أعرفكم بنفسي
انا سماح عندي ٤٠سنه ... ست ولا كل الستات عندي إمكانيات مش عند بت ف العشرين ، من صغري وانا حلوه ومدوره وألف راجل يتمناني
كنت موقفه شارعنا علي رجل واحده
الكبير بالصغير
محدش بيديني سني ده ابدا اللي يشوفني يقول بت ف العشرينات ... اصل بحب اهتم بنفسي وأتدلع واظبط نفسي وأعيشلي يومين زي الناس ولا هما أحسن مني يعني
هوايتي المفضله
بحب الرجاله
وفيها اي لما أكون بحب الرجاله .. ماهو زي ما في راجل نسونجي وبيحب الستات
في بردو ستات بتحب الرجاله
اهو انا بقي واحده منهم بس مش اي راجل يدخل مزاجي
ليا كده مواصفات ف الراجل اللي احبو يكون معايا
بس بقي عندي مشكله بعيد عن السامعين يعني
انا هوائيه ...مبحبش اتعلق بحاجه مده طويله
أصلي بزهق أومال اي
الواحد بردو لازم يجدد كده عشان ميزهقش
وانا ألف واحد يتمناني ...انا طول بعرض ودلوعه كده ف نفسي وبيضه وجسمي مظبوط مش مرهرطه زي ستات اليومين دول
وملامحي مرسومه رسم
وعنيا بقي عمله زي الصناره تصطاد اي راجل
اعملهم اي بقي مهما اللي زي الهم ع القلب ومفيش اكتر منهم
حكايتي ابتدت من وانا ف المدرسه
ف الابتدائيه
طبعا بتقولو البت مبدره أوي
مهو طبعي ولا هشتريه
أمي اتطلقت من أبويا وانا عندي ٨ سنين
كنت يدوبك ف تالته ابتدائي
مرضيتش تاخدني معاها وسابتني لأبويا قال ايه عشان تربيه وتعلمو الأدب
افتكرت انها هتبعت تاخدني معاها
لكن يدوبك خلصت عدتها وأتجوزت
وأبويا كمان شافله واحده يتجوزها
اسمها لوزه .. كانت مطلقه بس كانت موزه يعني غير أمي خالص
فضلت عايشه معاها هي وابويا وساعات كنت بروح لأمي
بس بعد ما امي حملت وخلفت مبقتش فضيالي ولا بتهتم تشوفني
انا ولوزه بقي كنا علي طول ناقر ونقير .. مش هقعد اقول كانت بتحرقني بقي وبتقوي ابويا عليا والكلام ده
لا كان ليها سكك تانيه تخلي ابويا يموتني بيها
كانت تقعد تستدرجني وتقولي أحكيلي عينيكي مبتروحش كده علي واحد زميلك ف المدرسه
كنت بقعد احكيلها وانا متطمنه
لما امشي علي هواها متفتحش بوقها بحرف
ولو عوجت تروح تقول ابويا بنتك دايره مع الصبيان ف الشوارع
مكنتش بتقولي غير يا فاجره يا ام لحم رخيص
كنت باخد كل علقه وعلقه بتطلع فيها روحي
بس انا من وانا صغيره وانا بحب الصبيان ... كنت اروح ألعب معاهم
ولما دخلت الأعداديه كانت مدرستي جمب مدرسة البنين
واتلميت علي شوية بنات بقي شبهي كده
كنا نقف ع السور أو ف الفسحه ونقعد نتمايص ونضحك واحنا عارفين انهم واقفين بيبصو علينا
وكنا ف الدروس كل واحده فينا ماشيه مع واحد
الموضوع زاد أوي بقي لما دخلت ثانوي
كنت ف تجاري
بس مدرستنا كانت مشتركه
أبويا كان متبري مني ف الفتره دي
سمعتو بقت علي كل لسان بسببي وكل الناس اللي تعرفو يروحو يقولو ف الدكان
شفنا بنتك ماشيه مع فلان
كان يطلع يكسر عضمي
وأخر ما زهق مني قرر يبعتني لأمي ...
كنت بقيت كبيره وفايره وزي القمر
دخلتني بتها ومسافة أسبوع وطردتني طردة الكلاب
بس مكنش بسببي كان بسبب عمايل جوزها المبصبصاتي
رجعت تاني لأبويا
ومرات أبويا بقت مش طيقاني ف البيت
وكانت تستغرب مني وتقولي انتي يابت بتجيبي المياصه والدلع ده منين
ده أجدعها ست متعرفش تعمل اللي انت بتعمليه
هههه عبيطه وايش جاب لجاب
ده انا خرطني خراط البنات علي أصولو
وصلت لتانيه ثانوي
وكانت أخرتها هنا ... عملت مصيبه أبويا قرر بعد يجوزني ويخلص مني لأول كلب هيتقدملي
كنت مصاحبه واحد اسمو كريم ... والواد ده كان عيل دماغه سو
انا اه كنت دايره علي حل شعري ومع كل واحد شويه بس كنت محافظه علي نفسي ومحدش قدر يلمس مني شعره
الواد ده فضل يزن علي دماغي .. وطلب انو يجي يطلع عندنا البيت
وبصراحه انا كنت بحبو... واد قمر وشعر بني وعنين عسلي بقي والبنات هتموت عليه
خفت يخلع مني فطاوعته يجي بس انا طبعا مكنتش ناويه اطولو حاجه
وفعلا ظبطت يوم وكانت مرات ابويا عند امها ودايما بتغيب وابويا ف المحل مبيرجعش قبل نص الليل
قولت للواد كريم يجي
وفعلا طلع ... ودخلنا وقعدنا وكدته
بس حظي لأسود مرات أبويا رجعت معرفش اي اللي رجعها
كنت انا قافله الباب بس مش متربساه
وطبعا انا وهو كنا قاعدين مع بعض بس مكنش في حاجه
وفجأه لقيت مرات ابويا ف وشي وراحت راقعه بالصوت
كريم زقها وطلع يجري وسابني انا وسط الهوجه دي
كسرت عفش البيت كلو علي جتتي
ده غير بعد ما ابويا جه
نزل فيا ضرب وكان هيجيب رقبتي بالسكينه
بس هيا حاشته وقالتلو جوزها واكفينا شرها
ابويا وقتها قال ...
هجوزها لأول كلب يجي يشيلها ولو برخص التراب
أخدتني مرات أبويا تكشف عليا
عشان تشوف إذا كان جرالي حاجه ولا لا
ولما اتأكدت اني تمام
أخدتني واتحبست ف البيت شهرين مبخرجش ولا بشوف الشارع
لحد ما فيوم دخلت عليا الاوضه وهي بتقولي
- قومي إلبسي عشان ننزل نجبلك الجهاز
فهمت ساعتها أنهم هيجوزوني
قولت أحسن بس علي الله يجيبولي حاجه حلوه تفتح النفس
عرفت منها أن العريس مصري بس عايش ف السعوديه
ومكلم أمه تخطبلو
وكانت زبونه عند ابويا
والكلام جاب بعضو ومن هنا لهنا قالها انو عندو بت اللي هيا انا وموافق يجوزها
وفعلا ظبطتو كل حاجه
انا مكنش يفرق معايا اي حاجه غير العريس ..شكلو اي
حلو ولا لا
هيدخل مذاجي ولا يقرفني
وف خلال أسبوع كان كل حاجه جاهزه
وكان عندو شقه ف بيت امه جاهزه وخلصانه
ونقلو حاجتي فيها
وهو نزل قبل الفرح بيومين بس مشوفتوش
ويوم الفرح روحت الكوافير وجهزوني
وهو جه عشان ياخدني
قولت أخيرا بقي هتجوز وفضلت ادعي انو يعجبني
خرجت من باب الكوافير
ومرات ابويا جمبي وشويه حريم ورايا عمالين يظغرطو
كنا هنلبس الشبكه وكتب الكتاب والدخله ف يوم واحد
يدوبك ابويا قرا معاهم فاتحه
خرجت ابص بلهفه عليه
ميلت علي مرات ابويا وقولتلها
هو فين يالوزه شاوريلي عليه
قربت عليا وهمست ف ودني وقالت ...
تفتكري مين يابت
بصيت عليهم كلهم ولفت انتباهي واحد حلو اوي
الواد دخل قلبي من اول ما شوفته
ميلت عليها وقولت
اللي واقف جمب كرسي السواق الواد الحليوه ده ابو بدله سوده
ردت وقالت ...
تك وكسه ده أخوه .. العريس ياختي أبو بدله بيضه العسل اللي واقف هناك ده ... بيضالك ف القفص يا بنت الفقريه
بصيت عليه وانا بقول يارب ميطلع هو اللي عني جت عليه
بس ملقتش حد غيرو ببدله بيضه
فضلنا نقرب علي العربيه وفجأه لقيتو بيقرب علينا وجه وقف قدامي ومد أيدو
بحركة أنجچيه
تنحت
مرات ابويا قالتلي ...
يلا يا سماح امسكي ف ايد عريسك عشان تركبو العربيه
فضلت بصاله كتير اوي وبصراحه كنت قرفانه
فضلت مرات ابويا تعيد الجمله كذا مره
لقتني مره واحده صارخه ف وشها
ووسط كل الناس دي رحت قايله.....
يتبع : لو عاوزين تكمله القصه ردو بعشرين ملصق عشان انزل بالجزء الجديد
ملحوظه الي مش هيعلق ميتبعش ولايقرئ قصصي
ست تعشق الرجال
الجزء الثاني🤔😱
فاجؤني بالعريس اللي جابهولي
وقفت قدامهم ومرات ابويا عماله تقولي يلا ف ايد عريسك عشان تركبي معاه العربيه
كنت قرفانه منه ولقيت نفسي صرخت ف وشهم وكل الناس دي واقفه وروحت قايله
- اي اللي انتو جايبنهولي ده
مرات ابويا زغرتلي بعنيها عشان اسكت
إنما أنا بقي رحت فاتحه ف وشها وقلت
- ياختي متبصليش كده وتزغوريلي اي اللي انتو جايبنهولي اتجوزو ده
هو اتحرج بيني وبينكو ومعرفش يتكلم ولا نص كلمه
مرات ابويا وشها بقي شبه الطمطمايه ومش عارفه ترد تقول اي
رحت سيباهم وواخده ديل فستاني ف ايدي ورحت راجعه الكوافير تاني
دخلت جري ورايا وهيا علي أخرها وشدتني من دراعي وهي بتقول ..
- اي يا بت اللي عملتيه ده
- اي يا لوزه عملت اي انتي مش شايفه شكلو
جايبنلي قرد اتجوزو ... اناااااا اتجوز القرد ده
وده ادلعو ولا أديلو موزه
- قرد اي يا بت انتي عبيطه ... اسمعي أما أقولك يا فاجره انتي ... هتقومي معايا بالذوق ولا هنزل الشبشب علي دماغك وبردو هتتجوزيه
هو شغل عيال ولا اي
روحت زقه ايديها من عليا وانا بقول
- لا مش هتجوزو اتجوزيه انتي . انا مش هتجوز قرد واعملو اللي تعملوه . ده شكلو وووووحش اوووووي بذمتك دي خلقه ترضي ربنا
- هو اكمنه اسمر شويه ... يابت ده من السفر السعوديه حر والشمس غيرت لونه
- وكرشه اللي مدلدل من البدله هيفرقع الزورار
يعني بكرش وممكن اعديها عادي
إنما بكرش وقصير وأسمر وبنضاره
هو في كده يا جدعان ...وبعدين ده كبير ده انا ابويا شباب عنه
- ياستي خلقة ربنا والمخده مبتشلش اتنين حلوين وبعدين ده حنين يابت ومعاه فلوس وهيعيشك عيشه حلوه
- ااااه قولي بقي كده معاه فلوس يعني عاوزين تبيعوني
- بت انتي اتهدي بدل مامرمط بيكي البلاط خلينا نغورك ونرتاح من قرفك
رحت بصه للكوافيره اللي كانت حاضره الحوار وقولتلها ..
طب اشهدينا انتي بقي ... اخرجي بره بصي عليه ..ده منظر الواحد يصطبح بيه كل يوم ويجيب منو عيال ..ده اي الغلب ده بس ياربي
وبصيت لمرات ابويا وقولت ...
ما اخوه جمبو علي طول ...مخدتهوش ليه
- اصلو بمذاجنا ياختي .. وبعدين ده اخوه من الاب بس ... وكمان هو ده اللي جاهز يتجوز
- اخوه من الاب بس ... اااااه عرفت يبقي العريس ده شبه امه
- يا بنتي الله يرضي عليكي اخلصي ... وبعدين احمدي ربنا ده هياخدك وميعرفش تاريخك القذر اخلصي فضحتينا
بصتلها بقرف وسكتت طب هقول اي
اشهدو انتو طاه هتجوز قرد وانا اللي اقول للقمر انزل واقعد مطرحك
بس هعمل اي قولت ومالو ابقي أعصر علي نفسي لمونه بعد كده ولا اخليه يعمل عملية تجميل
بصتلها وقولت ...
- شوفي عاوزه تعملي اي خلصيني
- افردي وشك كده واضحكي خلي الليله تعدي ..وانا هطلع اشوفو ..الله يخربيتك فرجتي علينا الناس
وخرجتلو مرات ابويا وفضلت انا قاعده مستنيه عريس الغبره ده
وشويه ولقيتها سحباه من ايدو وداخله وهي بتقول ...
تعالي يا عريس خد عروستك اصلها خايفه وكده بقي انت عارف
وقفتو قدامي
رفعت عيني بالعافيه وبصيت ف وشو وانا قرفانه
وف سري قولت..
يا ساتر
لقيتو بيبصلي وشكلو زعلان بس بيحاول يبتسم
مسك ايدي وانا أنجچتو وروحنا خارجين
وركبنا العربيه وهو فضل باصص الناحيه التانيه وكان باين عليه زعلان اوي
روحنا القاعه وقعد المأذون وكتب الكتاب وروحنا الكوشه ولبسني الشبكه واشتغل الفرح
ورقصت وهيصت
هو اه قرد بس الليله ليلتي وكده بقي لازم افرح واتبسط وأكيد العوازل
وطبعا المنطقه كلها كانت معزومه ...وانا كنت بكيدهم بالعند
اصل في محترمين كتير ف شارعنا متجوزوش وانا اللي كانو بيقولو صايعه ومش هتتجوز
اتجوزت قبلهم كلهم وعريس متريش يعني
وخلص الفرح وركبنا العربيه وهو بردو كان زعلان اوووي
بس بيحاول يداري
بيني وبينكو صعب عليا اوي وحسيت بالذنب
وصلنا وطلعوني الشقه وسابونا ونزلو
هو فضل قاعد ع السرير وهو مدايق
وانا فضلت واقفه جمب التسريحه ساكته ومستنيه منه اي ردة فعل
فضل كتير اوي زي ما هو وبعدين فجأه راح قايم وقايلي بصوت حنين اوي ..
- انا عارف اني ممكن يكون شكلي مش ولابد بس ده مش بأيدي
وحقك تعملي اكتر من كده وانا مش زعلان علي فكره
انا ياما اترفضت عشان شكلي
ولما حاولت اوصل بفلوسي عشان مترفضش بسبب شكلي كنت عارف ان ده غلط
بس كل اللي اقدر اقولهولك يابنت الناس اني عمري مهزعلك ابدا ولا هتلاقي مني غير الرضا والمعامله الكويسه ...
ليلتك سعيده يا سماح
وسابني وخرج من الاوضه خالص وقفل الباب وراه
انا زعلت من نفسي اوي وحسيت انو طيب
استنيت شويه وبعدين خرجت وراه
لقيته قاعد ف الصاله وساكت
روحت قعدت جمبو وقربت منو وقلت ...
حقك عليا انا مكنش قصدي معلش انا جموسه شويه ف تصرفاتي يا
شوفت بقي انا حتي معرفش اسمك اي
بصلي شويه وبعدين قال ..
عادل يا سماح اسمي عادل
بصتلو وضحكت وقولتلو ...
معلش متزعلش مني بقي قلبك ابيض
بصلي وقال..
مش زعلان يا سماح
قولتلو ..
لا قولي يا سوسو انا مبحبش اسم سماح ده
ضحك وقالي ..
طيب يا سوسو
معرفش ليه قلبي ماله
يمكن عشان طيب وحنين
ودخلنا وكده وتاني يوم الصباحيه كان بيعاملني زي الملكات وقام وعملي الفطار ولما جم اهلنا يطمنو علينا
كان شايلني من ع الأرض وطاير بيا
بصراحه انا محبتوش بس هو كان طيب وحنين معايا اوي
وانا كمان كنت مدلعاه اخر دلع وكان بيعشقني عشق
بس امه مكنتش بتحبني وكانت بتقول اني بعمل عليه شوية حركات عشان فلوسه
مع أن والله ما كنت بطلب منو حاجه ابدا
وكان بيحوش معايا وجابلي دهب اد كده
وبقي يخرجني واحلي أكل واحلي لبس ونغنغني أخر نغنغه
والله كنت بتقي الله فيه
بس نقول اي بقي علي الناس الوحشه
أخوه اللي كان عجبني ف الفرح بقي بعد مادخلت بيتهم وعاشرتهم عرفت انو مش بتاع شغل وكان خاطب ولازق واحده جمبو بقالها سبع سنين
وف الاخر اتجوزت عشان ابوها مشفش منو اي رد فعل خالص ولا مسؤليه
أمه بقي كانت عاوزه تزيحني من سكتها وكانت تقسيه عليه بس هو كان عارف دماغهم
ودبرولي حكايه يخرجوني بيها من البيت عشان يجوزه بنت خالتو اللي اتطلقت
وكانت طالعه من الجوازه من غير عيال
ومنهم وعليهم بقي
انا لما عرفت كده روحت قولتلو علي اللي بيدبرولو
هو ساعتها قالي انو بيحبني وعمرو متملي عينه واحده غيري
بس انا فضلت خايفه
وعشان يطمني ومن حبه فيا كتبلي كل حاجه يمتلكها ووصل لأمه وأخواته حقهم
بس انا بقي كتبلي كل حاجه ده غير الدهب اللي عندي
امه لما عرفت كده بقي ولعت نار
ازاي اخد منها ابنها ويكتبلي كل حاجه كده
وهي وضرتها كانو حبايب عكس الضراير كلهم
كنت عارفه انهم هيدبرولي حاجه يزيحوني بيها
لكن مجاش ف بالي ابدا اي اللي ممكن يعملوه
لحد مافيوم
جت ضرت حماتي ندهت عليا وهي بتصوت وبتقولي حماتك سخنه نار
انا طبعا زي الهبله نزلتلها جري
وانا مش باصه لابسه اي ولا مهببه اي
وانا كنت متعوده اقعد ف بيتي براحتي
نزلت جري بقميص كنت لابساه شفاف شويه بس عليه روب من فوق من نفس الخامه
وكان جوزي قرب يجي
وقفتني ع السلم وقالتلي ادخلي اقعدي جمبها
عبال مروح اشوفلها دكتور جنبنا أو انادي علي ام صابر بنتها ممرضه تيجي تشوفها
وسابتني وطلعت تجري
وانا دخلت جري علي اوضة حماتي اللي مكنش فيها حد ابدا
دخلت الاوضه
وفجأه لقيت اللي راح زاقنني وقفل الباب
ببص لقيته محمود اخو جوزي
وقالع هدومه ولابس بس الفانله والشورت
قمت اجري منه بعد مافهمت طبعا هما عاوزين يعملو اي
لكن هو كان عفي وزقني ع السرير وكتفني معرفتش اتحرك منو
بس معملش حاجه وده اللي مفهمتوش
ولقيت الباب اترزع ودخل جوزي ف اللحظه دي
وطبعا تحت وعندهم وأمه ومرات ابوه مش هنا
وانا بقميص النوم وهو بالشورت
ولوحدنا
يعني لبساني لبساني
دخل جابني من شعري
ولقيتهم الاتنين واقفين يتفرجو عليا وقال متفاجئين فضل يشد فيا عاوز يخرجني بالمنظر ده
فضلت ماسكه ف دراعه. وانا بصوط وبحاول أفهمه اللي حصل
لدرجه بوست أيده يسمعني
وف وسط الهوجه دي رحت قيلاله ...
والله ما عملت حاجه ابوس ايدك اسمعني
مرات ابوك قالتلي أن امك عيانه ف نزلتلها جري
وهي قالتلي هروح اجيب حكيم واجي
پالأماره كنت ف اوضة امك مش ف اوضته واقسملك بالله هو اللي كتفني
ساب ايدي وهو بيبصلهم وبيحاول يستوعب الكلام
امه طبعا مسكتتش ونزلت فيا ضرب وشتيمه وفضلت تقولي يا قذره يا زباله
وتتبلي عليا بكلام محصلش
وهو واقف مش قادر يتحرك وفاجأه طب واقع ع الأرض
امه جريت عليه زي الطير الملهوف وصرخت
وانا طلعت جري لبست عبايه ولفيت طرحه وأخدناه ع المستشفي
دخل ف حاله جلطه مقدرش يستحمل
أمه بقت واقفه تصوط وتقول حقك عليا يابني
حقك عليا
وتعيط بحرقه
وفضلت ابص عليه من ورا الإزاز وقلبي هيتقطع عليه
معداش ساعتين وخرج الدكتور وقالي انو مات
مقدرش يتحمل الصدمه
انا صوت بعلو صوتي
وامه وقعت قاطعه النفس ودخلت ف غيبوبه
يا حبت عيني عليه وبقيت ادعي يكون مات وهو عارف اني مخنتوش
كان عندو ٣٩سنه
انا الحزن اللي ف قلبي عليه كان كبير اوي
لأني مش هلاقي ف حنيته
ورجعت علي بيته
ومات وهو سايبلي كل حاجه
حتي البيت اللي هما فيه كان بتاعو وكتبهولي
انا بقي معرفتش انسي اللي عملوه فيا
وطردتهم طردت الكلاب وعشان ارضي زمتي رمتلهم قرشين يشوفولهم بيه شقه
حتي الوليه مسألتش عليها
قولت كفايه عليها تعيش وشايله ذنب موت ابنها
طبعا هما مسكتوش بس قولتلهم يروحو ياخدو حقهم بالمحكمه
بس ياعيني هيجيبو منين دول عالم جعانه
انا بقي بعت البيت ده بسعر حلو اوي
وروحت اشتريت بيت تاني حلو تلت تدوار ووضبته ف حته حلوه
مرات ابويا مكنتش تعرف اللي حصل ده كله لا هيا ولا ابويا
ولما عرفو بقيت حبيبتهم
ونن عينهم
ومبقتش الصايعه بتاعت الصبيان
لكن أنا بقي وقفت علي رجلي وحطيت صباعي ف عينهم
وقتها كان عندي ٢٠سنه
وعندي فلوس وأملاك عاوزه اديرها
وأخدت ابويا يشتغل معايا
وفتحت محل وكبر وبقم اتنين وتلاته
لحد ما اشتغل عندي واحد
اسمو عبدالله وبيقولو يا بيبو
كان عيل جدع وحاجه زي القمر
وانا كنت لسه صغيره مش معقول هعيش كده والحي ابقي من الميت
انا المرحوم عاش معايا سنتين بس ومات
وانا محتاجه راجل يسندني
كان عبدالله عندو بتاع ٢٨سنه
وقرب مني واحده واحده وبقيت بثق فيه لدرجة اني سبتلو إدارة المحلات
وبقيت بروح بس اراجع الحساب وبس
وبدأت الانثي اللي جوايه تطلع
وهو عرف يوقعني ف حبه بصراحه
وعرض عليا الجواز
الكل قالولي لا ده طمعان ف فلوسك
بس انا مسمعتش لحد
وفعلا وافقت وقبلت بيه وهو معدوم وقلت بكره. يبقي حاجه كبيره
وروحت اتعرفت علي أهله
بس كانو عالم لبط ومقرفين اوي
انا مكنتش مصدقه انو ابنهم
وجهزنا الفرح وكل حاجه
وروحت الكوافير
القاعه كان الفرح الساعه تسعه
الساعه بقت تسعه ونص والبيه تليفونه مقفول ولسه موصلش
انا قولت جراله حاجه
الساعه بقت عشره وانا لسه ف الكوافير ومرات ابويا طبعا معايا
جت عشره وعشره وانا هتجنن ومش عارفه هو فين
يعني طب خلع
بس قولت ف نفسي لا واي اللي يخليه يخلع ده انا معايا الفلوس وهو معدم
وبعدين قولت يمكن دهستو عربيه ولا جرالو حاجه
وانا قاعده بفكر
تليفوني رن ...
كان مع مرات ابويا وجاتلي بتجري بيه
رقم غريب
رحت رديت بسرعه
لقيت واحد بيكلمني وبيقولي .....
يتبع... حطو عشرين ملصق لمتابعه الجزء الجديد
ورأيكم طبعا
ملحوظه الي مش هيعلق ميتبعش ولايقرئ قصصي
تعليقات
إرسال تعليق