11 = _ماما ماما محمد فاق
=ياحبيبي يابني عامل ايه دلوقتي قلقتني عليك
_..
=مالك ياحبيبي رد عليا
_..
=هو باصصلك كده لي ياهدي
_بأرتباك: اا ا م م ا مع معرفش يا ماما انا رايحه اشرب
_مالك يابني رد عليا
=ببرود: مفيش ياما انا كويس بس عايز ارتاح شويه
_ماشي ياحبيبي ارتاح وانا هطلع بره مع اختك، تصبح على خير
=وانتي من اهله
_فريده....فريده فوقي
=بهلوسه: عماار عمااار
_فوقي يافريده فووقي
=بصريخ:عماار
اانا فين، وفين عمار
_بحزن:انا عارف ان الصدمه صعبه عليكي بس لازم تتحملي
=بعياط: بالله عليك متضحكش عليا قولي فين عمار
_البقاء لله يافريده
=بعياط هستيري: لا متقولش كده لاا، هو وعدني انه مش هيسبني
_وحدي الله يافريده هو راح عند اللي احسن مني منك
_اهدي يابنتي متعمليش في نفسك كده
_الله يرحمه يافريده ادعيله
=بعياط:سيبوني لوحدي
_مش هينفع اسيبك كده
=سيبها يابني هي محتاجه ترتاح شويه
_حاضر يا أمي يلا
=يلا انتي كمان يامنه
خرجوا وقفلوا الباب، وسابوني لوحدي وانا هتجنن ومش قادره أصدق، ازاي يسيبني بالسهوله دي ويبعد عني، انا ا انا حبيته، الوحيد اللي قلبي اتفتحله لي يسيبني لييييي، دانا دانا حتى ممعيش صورته اشوفه، يارب انا راضيه بقضائك يارب صبرني ياارب مش هقدر اعيش منغيره يارب"
صوتي بقا عالي وشهقاتي زادت دخلوا مفزوعين ومالك نزل يجيبلي حقنه مهدئه عشان لو فضلت كده هيجيلي جلطه حقيقي، جابلي الحقنه وطنط ادتهالي ونمت، مش عايزه اكون في العالم ده مش هقدر اواجهه اكتر من كده... "
_ياحبيبتي يابنتي شكلها كانت بتحبه اووي
=بضيق: خلاص ياماما الله يرحمه، احنا لازم نفكر في المصيبه التانيه
_في ايه قلقتني
=معمول بلاغ فيها أنها اللي ضربت محمد والبوليس بيدور عليها
_يلهووي، هي البت ناقصه، مين اللي عمل كده
=فريده بتقولي بنت عمها اللي ضربته بس بتتكلم عليها انها انسانه كويسه، فأكيد مش هي ممكن ابن عمها الكلب
_البت اتعذبت اووي يامالك صعبانه عليا
=بحُزن : هيجيلها حقها يا أمي أن شاء الله
في مكان تاني...
_نورت بيتك ياحبيبي
=فين هدى ياما
_في اوضتها اناديهالك؟
=لا انا طالع اشوفها
_استنى بس، يابني خد هنا، ربنا يهديك يبني هروح اعملك حاجه تاكلها
_دق دق دق
=..
_دق دق دق
=..
_ الله الله، بتسمعِ اغاني وانا في المستشفي
=بخوف: اا ا م م محمد ا انت طلعت امتي
_مش عايزاني اطلع ولا اي
=بخوف: ها لا لا اكيد عايزاك حمدلله على السلامه
_امممم يتري مين اللي عمل فيا كده ياهدي
=م معرفش ر ربنا ي يسامحه
_اه قولتيلي
فجأه ضربها بالقلم ومسكها من شعرها"
_بغضب: اي يااابت، شيفاني عيل قدامك، بتضربيني ياهدي، فضلتي بنت عمك على اخوووكِ اللي ربااكِ؟
=بعياط: والله ابدا، انا خوفت من اللي انت هتعمله فيها مكنش ينفع اسيبك تعمل فيها كده
ضربها بالقلم"
_وانتِ مااالك، يخصصك في اييه هاا رددِ
=ا ا أن انا بنت زيها ولو كنت عملت فيها حاجه ربنا هيعاقبك بيا وانا انا مش مستعده ادفع تمن غلطتك
_اقسم بالله ياهدي هندمك على اللي عملتيه ده، غوووري
=اي ده في اي، بتعيطِ لي يابت عملتِ اي فأخوكِ
_الباب يتقفل عليها وممنوع عنها الاكل والشرب، يلاا
=بعياط:متسبنيش ياماما
_استنى بس يامحمد فهمني
=قولت يلا يااما
_ماشي يابني يلا
=بعياط: ياارب متسبنيش ياارب
عدي كام يوم عليا وانا حساهم سنين.... العالم وحش منغيره ومش قادره اواجهه هو اللي كان بيقويني ويشد ايدي ويمسح دموعي و..."
قطع تفكيري دخول طنط مرفت ام مالك وباين عليها علامات الحُزن"
_مش ناويه تخرجِ من الاوضه بقا يفريده
=انا كده مرتاحه ياطنط
_صلى على النبي يابنتي وقومِ اقعدِ معانا، مينفعش تفضلِ كده
=عليه افضل الصلاة والسلام حاضر ياطنط
_قوليلي ماما انتِ بقيتِ بنتي خلاص
=بأبتسامه باهته: حاضر يا ماما
خدت طرحتي وطلعت لقيت الصاله متزينه وفي تورته وبيبسي واكل زي مايكون في حفله كده، ومالك واقف مبتسم والفرحه باينه في عنيه ومعرفش سببها بس ضحكت، فكره انك تشوف الفرحه في عين حد دي تخليك تنسى هم الدنيا وتفرح لفرحته''
_اخيرا الملكه فريده ظهرت وخرجت، ايه الجمال ده ليكي وحشه والله
=..
_طب ردي عليا طيب، يعني اعملك الليله دي كلها ومتعبرنيش كده
=..
_هتفضلي ساكته يعني؟
=..
_جبتيه لنفسك
جاب تلج الأفراح وفضل يجري ورايا ويرش عليا هو ومنه ويهزروا معايا، كانت لحظات لطيفه وعيله جميله وبسيطه، مش يمكن بابا لو كان حبني مكنش كل ده حصل ولا كنت اعرف عمار اصلا؟ كل ده مكتوب وربنا هيعوضني خير انا واثقه"
خلصنا جرى واتهدينا من الهزار واللعب وكانت بالنسبالهم فرحه أن اطلع من المود اللي انا فيه، دخلت البلكونه اشوف شكل الشارع بقالي كتير مبخرجش من اوضتي ومحتاجه اشم هو، لقيت مالك جاي ومعاه البيبسي والتورته وقعد قدامي ومبتسم بطريقه مبهجه خلتني اضحك تلقائي..."
_بتضحكِ كده لي
=بأبتسامه: عليك
_بأستغراب: اشمعنا يعني
=مش عارفه بس انت مبتسم اووي كده وباين عليك انك فرحان، بغمزه: اي سبب فرحتك ها ها
_انتِ
=بأرتباك: ا ا اا أن انا ازاي يعني
_عشان خرجتِ من الاوضه وهتبدئي تفوقِ لنفسك بقا
=انت فاكر عشان خرجت يبقى كده هنسي؟
_عارف انك مش هتنسيِ ولسه الحُزن في قلبك، بس لازم تبقى قويه اكيد لو كان عايش مكنش هيحب يشوفك كده
=بدموع: مكنش بيخلي دموعي تنزل اصلا
_خلاص يافريده الله يرحمه
مسحت دموعي وابتسمت وبصيت للشارع لقينا منه جايه وعليها ابتسامه خبيثه"
_بتعملوا اي
=قاعدين عادي
_بغمزه: يولاا
=مالك يابت ماتظبطِ في اي
_بضحكه خبيثه: يعني قاعدين كده عادي
=عندك اجابه تانيه؟
_بغمزه: يعني مفيش حاجة كده ولا كده ولا قطعت عليكوا اللحظه
=بغضب: مننه
_اي يافريده مالك انا بهزر
قومت بهدوء دخلت اوضتي منغير ما رد عليها، انا عارفه انها بتهزر بس الموضوع اصلا يضايق، الكل بيفتكر أن الهزار ده بيضحك بس هو في الحقيقه بايخ جدا ومستفز...، يعني بالعقل كده واحده جوزها لسه ميت هتفكر في واحد تاني!، بعد شويه طلعت من الاوضه لقيت مالك قاعد سرحان روحت قعدت معاه اسلي نفسي شويه"
_مالك
=..
_يا مااالك
=..
_انت يابني
=ها في اي
_بقالك كتير بكلمك سرحان في اي
=بأرتباك: ل لا ول ولا حاجه، انتي محتاجه حاجه
_بأستغراب: لا بس حبيت اخرج من الاوضه، وجودي مضايقك ؟
=بتلقائبه: يضايقني اي انا فرحان بيكِ اصلا واتمنى تفضلِ معايا دايما
_!!
=بأرتباك: اا ا اقصد يعني وجودك معانا عملنا بهجه فهماني؟
_بأبتسامه: اه شكرا جدا ليك، بأرتباك: احم ممكن طلب
=اكيد انتِ تؤمرِ
_الأمر لله، ممكن نخرج بكره نغير جو؟
=اكيد، هاا لالا مينفعش
_بأستغراب: لي في اي
=بأرتباك واضح: ل ا لا لا مفيش حاجة بس خليها الفتره دي منخرجش
_حصل اي
=بقلق: فـ اي؟
_انت عارف قول
=مش مهم دلوقتي
_أنجز بقااا
=مكنتش حابب اقولك دلوقتى بس كده كده هتعرفي، عرفت ان انتي متقدم فيكي بلاغ انك خبطتي محمد علي دماغه وكنتي بتحاولِ تقتليه والحكومه بتدور عليكِ
_ببرود: طيب انا هنام
مسكني من ايدي
=استنىِ انتِ كويسه؟
_بأبتسامه: اه تصبح على خير
قومت ودخلت انام وأول ماحطيت راسي على المخده نمت علطول، مش قادره افكر اكتر من كده حاسه بتنميل في دماغي وأنها هتتفرتك.... هدى اللي ضربته ازاي تقول ان انا اللي عملت كده؟، حتى انتِ غدرتِ بيا!، هه عادي اصلا كلكوا زي بعض"
عدي كام شهر وانا عايشه معاهم ومش سايبني امشي، اتحسنت نوعا ما او متحسنتش انا بظهر كده عشان مش حمل كلام، علاقتي اتحسنت بمالك ومنه جدا ومالك جابلي نقاب عشان اعرف اخرج والحكومه متعرفنيش وكل يوم أو يومين يفسحني و يجيبلي شوكلاتات وحاجات بحبها كتير... مش مخليني محتاجه حاجه اصلا، فـ يوم كنت رايحه اكلم ماما سمعته وهو بيقولها...."
_ايوه يا ماما انا خدت القرار
=يابني فكر فريده مش هتوافق بالسهوله دي
_لي يـ ماما، أن شاء الله هتوافق، وبعدين انا حاسس ان في قبول من ناحيتي
=يـ مالك انت عارف انها لسه بتحب جوزها ومخبيه علينا
_يـ ماما عارف بس انا هقدر انسيها
=هتعمل اي دلوقتى
_هروح اقولها اني بحبها وعايز اتجوزها
=هت...، اي صوت التكسير ده؟؟
_مش عارف تعالىِ نشوف
_اي ده فريده مالك في اي
=بعياط: مستحيل أوافق انت فاهم؟ مستحييل
_فريده استنىِ يافريده
=أجرى وراها يابني ألحقها
سمعت الجمله من هنا قلبي كان هيقف من هنا....من خضتي خبطت في الفازه اتكسرت، جسمي كله كان بيترعش..... مواقفي مع عمار كلها مرت قدامي وانتهت لحد ماوقع قدامي ميت، فوقت على صوت مالك واللهفه باينه في عينه بس لا مستحييل، مهما كان حبه ليا مش هقدر، فضلت اعيط وطلعت أجرى زي المجنونه لازم امشي حرام اعذبه معايا حراام، أهله محتاجينه مينفعش يسبهم، فضلت أجرى بس اتكعبلت ووقعت على الأرض جامد، وكان ساعتها مالك وصلى وقومني والغضب باين عليه"
_بغضب: ايه اللي انتِ عملتيه ده انتِ مجنونه
=بعياط: ابعد عني انا بكرهك ومُستحيل احبك انت فاهم؟
قرب مني والحزن باين في عنيه"
_فريده انا بحبك وعايز اتجوزك
بصتله بدهشه وجسمي اتنفض، انا عارفه انه بيحبني بس اول مره يقولهالي صريحه كده، ضربته بالقلم ولسه هجري لقيت عربيات كتير وقفت قدامنا ونزل منها ابن عمي وفـ ايده مسدس وووو"
يتبع...
ياترى فريده هيحصلها اي؟ وهل مالك مسيره زي مسير عمار؟ توقعاتكوا💜
ظلمتوا هدى يجماعه طلعت كويسه اهيه😂💜
ضياع_بلا_جدوي
بقلمي_Rahma_Essam
روح_قلم
12 = _محمد بخبث: اهلا يابنت عمي فكراني مش هعرف اوصلك؟
=فريده بخوف: اا م مح محمد، ا اا أن انت ع عرفت مكاني ا ازاي
_محمد بضحكه: لا سهله دي
قرب عليا شويه وعيني جت في عينه وبعدها مسكني من شعري جامد وبيشدني، مالك كان بيتخاتق وبيحاول ياخدني بس رجالته منعوه، وقفنا عند باب العربيه.... "
_محمد بغضب: هو بيتخاتق وعايزك كده لي ها؟ اوعيِ يكون حبيبك
بصتله بصدمه ومش قادره استوعب ممكن يعمل ايه دلوقتى"
=فريده بخوف: اا ا م محمد ا انت بتقول اي
_محمد بضحكه شر: يبقى كلامي صح، الظاهر موت حبيبك الأول مكفكيش
ولسه بيرفع المسدس مسكت ايده جامد وقعدت اعيط"
=فريده بعياط: بالله عليك يامحمد سيبوا وانا هاجي معاك واعملك اللي انت عايزه، كفايه وجع القلب اللي انت السبب فيه، سيبو وانا هاجي معاك والله مش هعمل حاجه تاني، هو بس كان بيحمني من الشارع وقساوته مش ذنبه اني لجئتله، بالله عليك يامحمد لو بتحبني زي مابتقول سيبه
بصلي باصه غريبه اول مره اشوفها في عنيه وكأن عياطي اثر عليه، فضل باصصلي وساكت ووشه اتغير خالص وبقا بارد ومش عارفه افسر اي اللي جواه، على عكس اول ماجه ونظره الانتصار في عنيه، دور وشه ناحيه مالك بعدين بصلي"
_محمد ببرود: عشان خاطرك بس، لكن مفيش مانع اديله قرصه ودن
ضرب مالك بالنار في كتفه وانا انا قلبي كان هيتخلع من مكانه، فضلت اصرخ واضرب فيه بس كان أقوى مني ومش عارفه أفلت من ايده، خدني على العربيه وربطني جامد عشان معرفش اهرب ورايحه لمستقبل عارفه قساوته وعذابه كويس انا المرادي مفيش حد هيحميني ولا معايا غير ربنا"
بعد فتره وصلنا وفتح باب المخزن وخدني من شعري و زقني جامد، الغريب أن لقيت هدى هناك ومربوطه هي كمان وباين عليها علامات إرهاق شديد"
_محمد بغضب: اترمي جمب صاحبتك اللي اتفقتوا مع بعض وكنتوا هتموتوني، جتكم القرف بنات مبيجيش من وراها غير المصايب
خرج ورزع الباب وفضلت باصه لهدي بأستغراب انا مش فاهمه حاجه"
_هدى ببرود: متستغربيش، محمد بعد ماضربته راح المستشفى فتره ولما فاق عرف اني ضربته وحبسني زي مانتي شايفه
=فريده بغضب: يعني انتي اللي قولتي أن انا اللي ضربته؟
_هدى بأنفعال ودموع: عايزاني اعمل اي ها، بسببك كنت هموت اخويا وانتي عارفه ان هو اللي مربيني واُعتبر بنته اصلا، بعد ماهربتِ بصيت عليه وكان جسمي بيترعش من الخوف ومكنتش مصدقه اللي عملته، ماما جت على الصوت سألتني مين اللي عمل كده قولتلها انتي وانتي عارفه قساوه امي عليا وكان ممكن تقتلني فيها لو كنت قولت ان انا اللي عملت كده ، قولت انتي كده كده هربتي ولحد مانودي اخويا المستشفى ونطمن عليه وامي تبلغ هتكوني روحتي لجوزك وعرف يخبيكي كويس وساعتها احنا الاتنين مش هيحصلنا حاجه وحشه
=فريده بعياط: مات
_هدى بأستغراب: مين
=فريده بعياط: جوزي، اخوكي قتله ودفنه ياهدي
_هدى بدموع: البقاء لله ياحبيبتي والله ماعرف
=فريده بعياط: واحنا جايين ضرب مالك بالنار
_هدى بأستغراب: مين مالك ده
=فريده بعياط: اللي لما هربت وداني عند امه وكان بيحمني من شر اخوكي و كان بيحـ...
وبعدين بصتلها وكانت نبره صوتي فيها غضب: انا بحكيلك لي اصلا، ما ممكن يكون اخوكِ جابك هنا عشان تعرفِ اخباري
_هدى بصدمه: انا يافريده؟
=فريده بغضب: ايوه ما اللي يغدر مره يقدر يغدر التانيه والتالته وألف كمان
_هدى ببرود: شكرا يابنت عمي، بكره الايام تثبتلك اني صح
حاولت انام بس معرفتش، مالك احتل تفكيرِ كله، طيب هو عامل اي دلوقتي؟، انا شوفته وهو بيضربه في كتفه بس القلق سيطر عليا، يارب احفظه وبلاش اللي حصل لعمار ميتكررش تاني يارب"
_محمد ببرود: جاي ليه انت كمان
=مدحت(ابو فريده)بغضب: فين بنتي يامحمد
_محمد ببرود: دلوقتى افتكرت أن ليك بنت؟
=مدحت بغضب: متفتحش مواضيع دلوقتي، هو سؤال واحد.... فيين بنتي يامحمد
_محمد ببرود: معايا
=مدحت بعصبيه: بتعمل معاك ايه مش كفايه اللي انت عملته فيها؟؟؟
محمد قرب منه وعلامات البرود اللي كانت باينه على وشه اتحولت لغضب
_محمد بغضب: دلوقتى افتكرت أن ليك بنت؟ كنت فين لما قتلت جوزها وكنت هودي نفسي في داهيه؟ كنت فين لما خطفتها وكنا بنعذبها؟ قلبك محنش غير دلوقتى؟ انسى ان عندك بنت انا عملت ده كله عشانها ومتجبيش انت في الاخر تقول بنتي
=مدحت بغضب: ملكش دعوه بنتي وانا حره فيها ومستحيل اسيبها معاك انا عايزها
_محمد ببرود: تبقى بتحلم
=مدحت بغضب: هبلغ عنك وهوديك في داهيه
_محمد بضحكه بصوت عالي: وانت فاكر ان حد هيروح يقتل حد وهو مش مأمن نفسه؟تبقى تجيبلي دليل واحد يقول اني عملت كده او قتلت حد
=مدحت بغضب: ماشي يامحمد براحتك، وانا برضوا براحتي وبنتي انا عارف هجيبها ازاي، منغير سلام
_محمد بأستفزاز: خد الباب في ايدك ياعمي
في مكان تاني
_مرفت بعياط(ام مالك): ياحبيبي يابني ياريتك سيبتها
=منه بعياط: خلاص ياماما الدكتور طمنا عليه وهو كويس وشويه وهيفوق، المهم فريده حصلها اي دلوقتى
_مرفت بعياط: نطمن على اخوكِ الأول وبعدين نشوفها
=الدكتور: استاذ مالك فاق تقدروا تخشوا
_مرفت بعياط: ياحبيبي يابني عامل ايه دلوقتي
=مالك بحزن: انا بخير يا أمي بس فريده مش عارف عملوا فيها أي دلوقتي
_مرفت بحزن: معاها ربنا ياحبيبي أن شاء الله هتكون كويسه
دق دق دق
_مرفت بأستغراب: مين اللي بيخبط ده شوفي يا منه
=منه: حاضر يا ماما، بأرتباك: ا ا اتفضل حضرتك
_مرفت بأستغراب: مين يابنتي ومالك عامله كده لي
=منه بأرتباك: د د ده عمو الظابط يا ماما
_مرفت بلوم: ماتدخليه يابنتِ سيباه على الباب ليه
=منه بأرتباك: حااضر اتفضل
_الظابط بأبتسامه: السلام عليكم، حمدلله على السلامه يا استاذ مالك، معاك المقدم ياسين، وكنت محتاج حضرتك على انفراد عشان اخد اقوالك في الحادثه
_مرفت بتفهم: تعالى يامنه بره معايا شويه
=منه بسرحان: ماتسبينا شويه كمان يماما
_مرفت بعصبيه: يالله يابت قدامي
=منه بتذمر طفولي: اوووف خلاص حاضر يلا
_ياسين بأستماع: انا معاك اهو
=مالك: تمام الحكايه بدأت من....... وبس كل ده اللي حصل وخايف يقتلوا فريده
_ياسين: تمام يا استاذ مالك هستأذن دلوقتى وهجيلك في أسرع وقت، السلام عليكم
=تمام حضرتك في انتظارك، وعليكم السلام
الصبح....
محمد ببرود: اصحى ياختي انتي وهي وراكوا شغل كتير
=فريده بأستغراب: شغل اي ده
_محمد ببرود: هتنضفوا وتطبخوا من النهارده، مش لازم الخدم انتوا موجودين اهو
=فريده بعصبيه: نعااااام
_محمد بغضب: صوتك ميعلاش وانتي عارفه عقابي يلا قدامي انتي وهي
فضلنا ننضف ونكنس ونطبخ واتهدينا، لقيت محمد بيقرب مني وشدني من أيدي جامد"
_فريده بوجع: ا ا انت ب بتشدني كده لي
=مخمد بغضب: البوليس بره ولو نطقتي بحاجه هخلص على حبيب القلب، تعالى معايا
_ياسين: السلام عليكم انا المقدم ياسين، اتفضل معانا
=محمد بتصنع الاستغراب: اهلا بحضرتك، اتفضل مع حضرتك ليه؟
_ياسين ببرود: متقدم فيك بلاغ شروع في قتل وخطف
=محمد: هغير هدومي وهاجي مع حضرتك
_محمد بشر: فريده....انا هروح معاهم دلوقتى اقسم بالله لو عملتي حاجه كده ولا كده لهكون مخلص على حبيب القلب
فريده بخوف: اا ا ا ح حا ا حاضر
ولسه بيتحركوا
_فريده بخوف: حضره الظابط، استني
يتبع...
تفتكروا فريده هتعمل اي؟ وهل هتضحي بـ مالك وتقول للظابط على اللي حصل؟ وهل هتفضل في العذاب ده؟البارتين اللي جايين نار لو حصل تفاعل حلو هنزلهم💜توقعاتكوا💜
ضياع_بلا_جدوي
بقلمي_Rahma_Essam
روح_قلم
13 =_فريده بخوف: ياحضره الظابط، استني
=ياسين بأستغراب: افندم
_فريده بأرتباك: اا ا هو هو محمد هيتأخر
=ياسين بأستغراب: حضرتك يخصك في ايه
_فريده بخبث: اصل محمد مظلوم، هو مش خطفني انا اللي جيت معاه بمزاجي، وهو محاولش يقتل مالك فاهمني؟
=ياسين بأستغراب: ايوه حضرتك مين
_فريده بقلق: انا فريده بنت عمه
=ياسين بأستيعاب: اااه طيب تمام هجبهولك بسرعه
_فريده بأبتسامه: شكرًا لحضرتك
=محمد بأبتسامه: متقلقيش يافريده انا هاجي بسرعه
_فريده بأبتسامه: مستنياك
مشيوا وانا قلقت، اتمنى ان الظابط يفهمني صح ويعرف يتصرف، الحمدلله ان محمد مخدش باله وإلا كان فعلا مالك هيحصله حاجه، بس يارب يعدي الموضوع على خير ويكــ..."
_هدي بأستغراب: فريده انتي بتكلمي نفسك؟
=فريده بقلق: خايفه اصل ممكن محمد يعمــ..،بغضب: انتِ مالك انتِ متكلمنيش
_هدى بحُزن: تمام يافريده براحتك ربنا يسامحك
=فريده بحُزن: ياربيي انا زودتها وشكلها زعلت اووف، بس
برضوا بعد اللي حصل مش عارفه أثق في حد
_هبه(ام مالك)بزعيق: انتِ يابت انتِ وهي واقفين بتعملوا اييه
=هدى وفريده في نفس الوقت: بننضف
_هبه بغضب: بتنضفوا ولا بتسرقوا؟ انجروا قدامي على المخزن انتوا مش أمان واخاف على نفسي
=هدى بعياط: يماما انتِ بتقولِ ايييه انا بنتك
_هبه بغضب: اخرسي متقوليش كده انتِ واحده خاينه وكنتِ هتقتلي اخوكِ ومش بعيد تقتليني، يلا انجروا عالمخزن
خدتنا على المخزن وربطتنا اوحش من محمد وهدى كانت بتعيط بحرقه، يمكن عشان طول عمرها أهلها بيفضلوا محمد عليها، ربنا يهديهم ويخرجنا من هنا، اكيد الظابط مكنش هييجي غير لما مالك يقوله اني هنا، ما طبعا الناس اللي كانوا اقفين في الشارع شافوا اللي بيحصل بس ميعرفوش عنوانه عشان يبلغوا عنه، أن شاء الله هطلع منها على خير...."
في القسم....
_محمد ببرود: خير يـ باشا خطف ايه وشروع في قتل ايه؟
=ياسين بنفس البرود: خطف مدام فريده، وشروع في قتل مالك ولا انت بتنسي بسرعه؟
_محمد بأنفعال: انا معملتش حاجه وفريده قالتلك اني مخطفتهاش
=ياسين ببرود: امال فريده عرفت ازاي انها الحاله اللي متبلغ عن خطفها؟
_محمد بأرتباك: مش فاهم
=ياسين بعصبيه: يعني لما جيت لسيادتك البيت وقولتلك اتفضل معايا قولتلي لييه قولتلك شروع في قتل وخطف، ساعتها مسألتش عن شروع في قتل مين ولا خطف مين وطلعت غيرت هدومك، واحنا ماشيين فريده قالتلي ياحضره الظابط هو مخطفنيش ولا حاول يقتل مالك، ازاي قالت كل ده ولا عرفت ان احنا جايين للسبب ده إلا لو كان حصل؟!!
_محمد بخوف: اا ا أن انا م مش فاهم ح حا حاجه وعايز المحامي بتاعي
=ياسين بأبتسامه مستفزه: ومالوا، ياعسكرري خدوا على الحبس لحد مايتعرض بكره على النيابه
_محمد في نفسه: ماشي يافريده، انتِ اللي جنيتِ على نفسك
ياسين استعد عشان يجهز نفسه ويروح لـ مالك وكل تفكيره في منه اللي احتلت عقله وقلبه بطفولتها ومن ساعه ماشافها"
وصل هناك ومنه كانت بتغني بطريقه طفوليه وسرحانه في الموبايل وياسين كان واقف وراها بيتابعها والإبتسامة على وشه، قفلت الاغنيه وفضلت تفكر في ياسين ويتكلم نفسها بس بصوت عالي.."
_منه بسرحان: يارب امتى الظابط الحليوه اللي جيه امبارح ده يجي تاني
=ياسين بضحكه: اهو جالك وربنا حققلك دعائك
منه ضربات قلبها زادت ووشها احمر ولفت لقيته واقف قدامها بهيبته والابتسامه على وشه...."
_منه بأحراج وارتباك: اا ا اقصد عشان تيجي تتطمنا على فريده ونعرف هتيجي امتى وكده
=ياسين بأبتسامه: يعني مش عشان عايزه تشوفيني؟
_منه: تؤتؤ عشان نطمن على فريده
_ياسين بضحكه: طيب خلاص دخليني لـ مالك
=منه بسرحان: يخربيت ضحكتك متخليك كده شويه
_ياسين بجديه: افندم
=منه بأرتباك: ينهار اي اللي انا قولته ده اتفضل معايا
اول ما لفت وشها ابتسم وقلبه كان بيتنطط من الفرحه، قابل مالك وحكاله كل حاجه من اول ما راحله لحد مادخل الحبس وبلغه بمعاد النيابه وخد رقم تليفونه عشان يبلغه بقرار النيابه"
تاني يوم محمد أتعرض على النيابه وخد 15 يوم حبس لحد مايتأكده انه برئ من التهمه، و ياسين بلغ مالك بالخبر ومالك فرح عشان في وقت ينقذ فريده"
بعد اسبوع:
_مرفت بقلق: رايح فين يابني انت لسه تعبان
=مالك وهو بيقفل الجاكيت: لازم ألحق فريده عشان نتجوز واخدكوا ونسافر لحد مانشوف حل، ممكن ابن عمها يطلع منها وميعرفوش يثبتوا حاجه عليه والدنيا تخرب اكتر
_مرفت بعياط: خد بالك من نفسك ياحبيبي
=مالك بأبتسامه: متقلقيش يا أمي
مالك خد رجاله كتير معاه بعد ماعرف المكان اللي فريده محبوسه فيه"
_فريده بتعب: امك دي مفتريه، بقالنا كتير مبناكلش وانا هموت
=هدي بنفس التعب: حاسه اني هموت فعلا مش قادره استحـ، بفزع: اي ضرب النار ده
_فريده بخوف: مش عارفه انا خايفه اووي
=مالك بأبتسامه: متخافيش يافريده انا هنا
بصينا لمصدر الصوت لقيناه مالك وهدومه كلها تراب باين انه نط من الشباك، جرى عليا وفكني ولسه هنمشي..."
_هدي بعياط: فريده متسبنيش
=فريده: مالك فكها هدى كانت في نفس العذاب معايا ومستحيل اسيبها هنا
جرينا وركبنا عربيه مالك والرجاله اللي معاه كانوا بيأمنونا والحمدلله روحنا بخير وكل حاجه، بس بعد كده؟ هيحصل ايه؟ ربنا يستر"
_مرفت بسعاده: ياحبيبتي يابنتي حمدالله على السلامه
=فريده بدموع: وحشتيني اوي يـ ماما
_مرفت بمواساه: اهديِ ياحبيبتي احنا معاكِ اهو، مين القمر دي
=فريده بأبتسامه: دي بنت عمي هدي
_مرفت بهدوء: طيب هي اي اللي مبهدلها كده
=فريده بحزن: امها واخوها كانوا بيعذبوها معايا
_هدى بعياط هستيري: ف ف فر فريده أن انا انا خايفه
ماما حضنتها جامد وفضلت تهديها، انا اه اتعرضت لأكتر من كده بس من ناس عرفاهم انهم بيكرهوني، لكن دول أهلها ازاي يعملوا كده، هه هستغرب لي مـ بابا اصلا اللي وصلني لكده، ربنا يسامحهم"
ارتحنا انا وهدى وكلنا كتير عشان كنا مكلناش بقالنا كتير ونمنا شويه في اوضه منه اللي معرفناش ننام بسببها وبسبب رغيها وفرحتها بـ هدى، قومنا وطلعنا لقينا مالك قاعد وباين على وشه علامات غريبه مش عارفه افسرها..."
_مالك بقلق: فريده في موضوع حابب اتكلم معاكي فيه، احنا لازم نتجوز لحد ما الأمور تهدي وبعدها تتطلقي
=فريده بدموع: يـ مالك افهمني انا مش هعرف
_مالك بحزن: يافريده انا عايز احميكي و و وبحبك يافريده افهميني
=فريده بغضب: وانا مبحبكش ولا هفكر اني احبك، انا قلبي اتقفل على عمار وبس ومستحيل اعمل كده، تصبح على خير وبالمناسبة همشي بكره الصبح جهزي نفسك ياهدي
_هدى بحزن: متزعلش منها انت عارف اللي حصلها مش سهل
=مالك بحزن: انا بحبها والله وعايز احميها
_هدى بأبتسامه: لو ليك نصيب فيها ربنا مش هيقربها منك، بمرح: فك كده مينفعش القمر ده يفضل زعلان
=مالك بضحكه: اعتبر دي معاكسه؟
هدى بأبتسامه: اكدب يعني؟
وفضلوا طول الليل يهزروا ويضحكوا ولما بيخشوا بكتم عياطي وبعمل نفسي نايمه عشان محدش يكشفني، بعد شويه لقيت ماما دخلت وفتحت النور وقعدت جمبي..."
_مرفت بهدوء: فريده، قومي انا عارفه انك صاحيه
قومت ومسحت دموعي وقعدت منغير ماتكلم"
_مرفت بهدوء: انا عارفه اللي انتي فيه ومقدره زعلك ومريت بنفس الموقف أن اتجوز واحد تاني، انا كان ممكن اقول لـ مالك ابعد عنها هي جابتلك الأذى وكان ممكن تموت بسببها، لكن انا مقولتش كده وسبته ينقذك رغم اني عارفه ان كان ممكن يروح وميرجعش، تفتكري لي؟ عشان شوفتك بنتي ومقدرش اشوف حد بيأذيكي واسكت، زي مـ مالك ابني انتي بنتي وانا بنصحك وبقولك وافقي يافريده خليه يحميكي لحد مالموضوع يهدي ويبعدوا عنك بعدين يطلقك، وافقي وانتي مش هتندمي
=..
_بمرفت بتفهم: هسيبك تفكري في الكلام اللي قولتهولك كويس وبلغيني ردك
خرجت وسابتني تايهه وسط أفكاري، كلامها كله صح ومنطقي جدا بس انا لو وافقت هكون بظلمه هو، يارب هعمل ايه بس هاتلي الحل من عندك"
تاني يوم
_فريده بهدوء: مالك، ماما انا موافقه
=منه بفرحه: هيييه مبروك يمالك
=هدى بحزن بتحاول تداريه: مبروك يمالك
=مرفت بأبتسامه: مبروك يا حبايبي
=مالك بفرحه: نبتدي بقا في الإجراءات وكمان يومين كتب الكتاب
_فريده بهدوء: تمام
عدي اليومين مابين فرحه وحزن ولامبالاه وجه يوم وقت كتب كتابي، قلبي واجعني مش قادره اتخيل ان اتجوز غيره بس اعمل ايه حكم القوى، نص ساعة والمأذون جاي، مش مطمنه حاسه ان في حاجه وحشه هتحصل، يارب الستر من عندك يارب، استرها وعدي الليله على خير يارب "
في مكان تاني
_ياسين بأنفعال: انت بتقووول ايييه
=العسكري: زي مابقولك والله ياباشا اللي اسمه محمد دفع كفاله وخرج دلوقتي، معرفوش يثبتوا حاجه عليه
_ياسين بقلق: انا لازم اكلم مالك يلحق نفسه، اوووف الفون مغلق، جهزلي العربيه يابني اما نشوف ايه اللي هيحصل
_مالك بفرحه: يلا يا مولانا اكتب الكتاب
=شكلك مبتحرمش وعايز تموت
كلنا بصينا لمصدر الصوت لقيناه محمد، انا وهدى اترعبنا بصينا لبعض وقلبنا كان هيقف من الخضه، كان معاه رجاله كتير وباين أن اليوم مش هيعدي، الرجاله جم وكل واحد حط سكينا على رقبه كل حد فينا بما فيهم المأذون"
_محمد بشر: اكتب كتابي على فريده يا مولانا
=مالك بعصبيه: مستحييل لاااا
_محمد بضحكه: انت لسه بتعاند؟ اي حركه كده ولا كده هقتلكوا كلكوا، اكتب يامولانا
=بتتخانقوا على مراتي؟؟
كلنا بصينا لمصدر الصوت"
فريده بعدم استيعاب: ع ع عماااااار!!!!
يتبع
بخ😂💜ياترى هيحصل ايه لعمار ومالك بعد ما محمد راحلهم بكميه الرجاله دي؟ وهل ياسين هيلحقهم؟ وازاي اصلا عمار طلع عايش؟ البارت اللي جاي الأخير توقعاتكوا💜💜
ضياع_بلا_جدوي
بقلمي_Rahma_Essam
روح_قلم
14 = و الاخيــــــــــــــــــــــــــــر
_محمد بصدمه: انت لسه عايش
=عمار ببرود: فاكرني هموت وهسيبهالكوا ولا اي؟
_محمد لفريده: طيب كويس، حبايبك كلهم هنا اهو واحد دفنته وطلع عايش والتاني خد قرصه ودن ومبيحرمش يبقى ندبحهم بقا
اتفزعت لما شوفت عمار وحاسه أن ده كله حلم بس مش عارفه اصحى منه ولا عارفه أصدق، انا اه اكيد فرحانه انه عايش بس انا انا مصدومه، مش قادره اتحمل، لقيت محمد قرب عليا خدني من الراجل اللي كان رافع السكينه عليا وحط المسدس على دماغي وبيكلمني بتهديد..."
_محمد بتهديد: انا اديتك فرص كتير بس انتِ متستحقيش، انا مبقتش عايزك انتِ لازم تموتِ معاهم
=مش هتلحق يامحمد
بصينا كلنا لمصدر الصوت لقيناه ياسين ومعاه عساكر كتير"
_محمد بضحكه مستفزه: ياسين باشا، الحبايب كلهم اتجمعوا
=ياسين ببرود: نزل سلاحك يامحمد، انت مقبوض عليك مُتلبسش، ايه نفسك في تهمه تانيه؟
_محمد بعصبيه: لا انا هموتها، عملت كل ده عشانها وهروح السجن عشانها وممكن اتعدم برضوا عشانها، يبقى اسيبها تعيش لي؟ مش هسيبهم يتهنوا ببعض
=عمار بعصبيه: انت مجنون نزل سلاحك
_محمد بأستفزاز: هقتلها وهقتل نفسي عشان تموت في حضني
كنت ساكته وهاديه في عالم تاني....مش سامعه حاجه لا صريخهم ولا زعقهم ولا اي حاجه، سرحانه في عمار، يمكن عشان هموت وعايزه اشبع منه، مش هلحق اخده في حضني حتى، هتوحشني ياعمار"
_عمار بقلق: محمد، ابعد السلاح عنها وهنعملك كل اللي انت عايزه
=محمد بدموع: عايزها، هتسيبهالي؟ مش هتقدر صح؟ يبقى نموت سوا
_هدى بخوف: محمد عشان خاطري انا ابعد عنها
=محمد ببرود: متدخليش انتِ ابعدِ عني
_فريده: انا بحبك يامحمد
كلهم انصدموا من ردِ وعمار ومالك كان باين عليهم انهم عايزين يخنقوني والله أعلى واعلم"
=محمد بصدمه: بتقولِ ايه؟
_فريده بهدوء: قولت بحبك يامحمد، محسيتش اني بحبك غير لما حسيت انك هتروح مني
كانت ايده فكت من عليا شويه وبدء ينزل سلاحه، لفيت وبصتله وكان باين انه سرحان وعلامات الدهشه ظاهره عليه، قريت منه جامد ووانا بكلمه خدت السلاح ورميته بعيد والبوليس مسكه وهو ماشي..."
_محمد بحُزن: فريده...انا اسف بس كان لازم اعمل كده
طلع المسدس كان مخبيه وضرب طلقه وانا مش متخيله أن ممكن اموت، ببص لقيت مفيش حاجة دخلت فيا بس وقعت جامد على الأرض، ايوه عمار حبيبي خدني ووقعنا والطلقه جت في الحيطه"
البوليس خده وانا حاسه ان الكابوس اللي كان عليا راح بس لسه قلبي واجعني، عمار قومني وحضني جامد ومسح دموعي وعينه كانت مليانه حنين ولهفه وشوق وانا سرحت فيهم بعدين عيطت اكتر وزقيته...."
_عمار بأستغراب: فريده في ايه
=فريده بعياط: ابعد عني، كنت فين ده كله؟، طلعت عايش وسايبني، انت عارف انا شوفت اييه؟، طيب عارف حزني عليك كان عامل ازاي؟ ،ازاي قدرت تسيبني ده كله، ابعد عني مبقتش عايزاك وهتطلقني حالا
ملامح عمار اتحولت لغضب، كان أول مره اشوفه كده وأول مره اعيط ومياخدنيش في حضنه ولا يطبطب عليا"
=عمار بغضب: انا سيبتك؟ بعد ده كله بتقوليلي كده؟ انا كنت بين الحيا والموت وبعافر عشان أخف وارجعلك، كنت حاطط في كل هدومك اجهزه تتبع عشان عارف ان هييجي يوم وياخدوكِ مني، كنت عارف كل خطوه بتمشيها وكل نفس بتاخديه والظابط ياسين يشهد بكده، انتي بقيتِ انانيه اووي يافريده ومبقتش شايفه غير نفسك ووجعك ومشوفتيش وجع غيرك
_ياسين بحُزن: كل اللي قالك عليه عمار صح يافريده، عمار عمره ماسابك وكان معاكي دايما وعيونه ورجالته عليكِ
=عمار بغضب: اسمعي مني يافريده، تلمي هدومك حالا وتتفضلِ قدامِ عشان اليوم يعدي على خير
_جرب بس تفكر تأذيها
بصينا لقينا مالك واقف ووشه احمر وعلامات الغضب عليه، عمار شدني ورا ضهره ومالك قرب منه ووشهم في وش بعض وباين كده والله اعلم ان هيحصل دم النهارده"
_مالك بغضب: فكر بس ياعمار تأذيها وانا هدبحك مكانك، انت اي يا أخي، كل اللي حصل ده بسببك وبرضوا مش عايز تسيبها في حالها، ابعد عنها وارحمها وارحمنا بقا
عمار قرب اكتر منه وباين عليه غضب"
_عمار بغضب: لما تيجي تكلمني متجيبش سريتها على لسانك لأقطعهولك
ولسه عمار بيرفع ايده عشان يضربه صرخت وعيطت عياط هستيري، المفروض افرح انه رجع بس مش عارفه اتقبل فكره انه سابني ده كله، هو اه كان بيراقبني وعارف اخباري بس انا كنت محتاجه اطمن عليه وأعرف انه عايش كنت محتاجه لحضنه"
_فريده بعياط: بس بقا انت وهو ارحموني، انا بكرهكوا انتوا الاتنين سبوني في حالي وابعدوا عني بقا
=عمار بصريخ: فريداااااه
كنت بعيط وانا مش شايفه غير سواد وبدون أي مقدمات وقعت ومش حسيت بأي حاجه"
بعد فتره فتحت عيني لقيتني لوحدي في الاوضه وعمار جمبي وباين عليه القلق وعنيه فيها لامعه بسيطه كده..."
_عمار بقلق: انا اسف ياحبيبتي والله، انا مقصدش ازعلك حقك عليا
بصتله باصه طويله وانا تايهه، اسامحه ولا اتخانق معاه ولا اسيبه؟ افتكرت لما كنت بعامله وحش، و بعدها افتكرت انه مات وراح مني وكنت بلوم نفسي كل لحظه على أني كلمته وحش، لي يفضل قلبي شايل منه وهو ملهوش ذنب؟ لي مصفاش من ناحيته؟ لقيت نفسي تلقائي ابتسمت وفتحتله دراعي، حضني جامد لدرجه اني حسيت ان ضلوعي هتتكسر في ايده، بعد فتره صغيره لقينا مالك ومرفت ومنه وهدى وياسين دخلولي واتطمنوا عليا وسابوني مع عمار وخرجوا، وطبعا منكرش أن علامات الحُزن باينه على مالك، خرجوا وبصتله واستنيته يحكي بس لسانه واقف، بدأت انا... "
_فريده: طلعت عايش ازاي؟
=عمار: بصِ ياستي، لما ضربني ووقعت قدامك كنت ساعتها حاسس بيكي وبصريخك بس مش قادر اقوم، بعد ماخدوكي لقيت واحد من الرجاله اتبعتتله مسدج وكان مضمونها انهم يدفنوني وميخلوش حاجه في الشقه تدل على أن حصل جريمه قتل، خدوني ودفنوني في الصحرا ومشيوا بس ربنا بيحبني وبعتلي ناس طلعوني بعد ماهما مشيوا بدقايق، خدوني وكنت بموت بس كل ما بفتكر أن انتِ معاهم كنت بحارب تعبي عشان اجيلك، خفيت شويه وقررت ارجع، أهل الصحرا مكنوش حابين أن امشي بس كان لازم ارجع عشانك وعشان امي اللي خطفوها وسابوها اول ماخدوكِ وهددوها بقتلي لو اتكلمت، امي مكنتش تعرف انهم كانوا هيقتلوني اصلا، رجعت بس مش للبيت، للفيلا...كان لازم اكون هناك واتابعك من بعيد لحد ما اتأكد أن أكون كويس واقدر احميكِ، فضلت اتابع اجهزه التتبع اللي في هدومك وكان في واحد من رجالتي بيراقبك وبيقولي كل تحركاتك، عرفت كل اللي حصلك وبقيت اجمعلهم الحساب عشان الضربه تيجي مره واحده، لحد ماعرفت انك هتتجوزي مالك... كانت صدمه كبيره عليا وقعدت افكر ازاي نسيتني بسهوله، مقدرتش اقف وقررت اتحرك، واحنا جايين جاتلي أخبار أن محمد عندكوا فـ عرفت ان مش هيحصل طيب ولا خير سرعت ووصلت وحصل اللي حصل
=فريده بدموع: لي مبلغتش البوليس من الاول ورحمتنا من كل ده؟
_عمار وهو بيمسح دموعي: عشان محمد مكنش سايب وراه اثر للجريمه اللي عملها ومكنش حد هيقدر يحبسه، بس يعني في حد ساعدني
=فريده بأستغراب: مين الظابط ياسين؟
_عمار بأرتباك: هو اه الظابط ياسين طبعا و و وابوكي
=فريده بصدمه: انت بتقول ايه؟
_عمار: صدقيني والله هو اتغير خالص وندمان على اللي عمله وهو أول واحد اثبت التهمه عليه، كان ابوكي راحله وطلب انه ياخدك ومحمد رفض وكانوا بيتكلموا على حوار القتل وكل ده، ابوكي ساعتها كان بيسجلوا بس لو كان قدمه للشرطه كان هيتحبس مع محمد، و فـ يوم كنت رايح المستشفى اعمل اشاعه وقابلته هناك صدفه وعرفني كل حاجه وأنه سجلوا وأنه ندمان وبيعتذرلي وطالب منك السماح هو واُمي بس سافرت من يومين وملحقتش تقابلك
=سامحيني بقا يـ فريده
بصيت لقيت بابا ورا عمار وباين في عنيه الندم والحزن، مقدرتش أقسى عليه ابدا واصده، يمكن عشان انا فعلا محتاجاه جمبي الفتره دي، حضنته وعيطنا وقطع عياطنا البلوتين هدى ومنه وهما بيشدونا نطلع نقعد معاهم ونحتفل، لقيت مالك بيبصلي بحُزن، مش عارفه اعمل اي أو اقوله ايه، لحد مـ ماما طبطبت عليا وراحتله قالتلو كلمتين غيروا تفكيره"
_مرفت: تعالى يـ مالك عايزاك
=مالك بحُزن: نعم يا اُمي
_مرفت بهدوء: بص يا حبيبى انا عارفه انك بتحبها وان كتب كتابك عليها النهارده، بس كلنا عارفين انها وافقت عشان تحميها وجوزها جه وهو لسه جوزها ومبقتش ليك خلاص، ركز انت وبص لمستقبلك وبص للناس اللي بيحبوك فعلا
كانت بتبص على هدي وهي بتتكلم ومالك خد باله ولقيته ابتسم تلقائي وهدى ابتسمت و قرب منها ومسك ايديها وبضحكه بيقول... "
_ياسين بأبتسامه: طبعا انتي سمعتي كل الكلام ده
=هدى بكسوف: اممم يعني
_ياسين بأبتسامه: طيب انتي اي رأيك
=هدي بضحكه: اللي تشوفوا
_مالك بضحكه وبصوت عالي: اتصلي بالمأذون يجي تاني يأ.ُمي
ضحكنا كلنا وبقت الفرحه فرحتين وفضلنا نهزر وبدون أي مقدمات لقينا ياسين واقف ونظره على منه وعينه فيها لامعه جميله كده"
_ياسين بأبتسامه: بما ان كل واحد خد اللي بيحبها، مجتش على قرمط يعني، بعدين بص لـ ماما وبفرحه: ماتجوزيني بنتك يامو مالك
لقينا مالك وقف وبيزعق وباين عليه الغيره"
_مالك بغضب: لا طبعا اختي لا مش هتتجوز
=ياسين بصدمه: لي ياعم اشمعنا انت
_مالك بغضب: ملكش دعوه انا هاخدها تعيش معايا بس مش هسيبها لا
=ياسين بغضب: لي ياعم هتخللها جمبك، طب والله لأتجوزها بعد اذن اُم مالك طبعا
_مرفت بفرحه: خدها ياحبيبي ربنا يسعدكوا
=مالك بغيره: انتي بتقولي اي يماما انتي هتجوزيها لـ ده
_ياسين بصدمه: ومالوا ده ياخويا
كان شكلهم زي توم وجيري وانا بحاول أبعدهم عن بعض، لقيت عمار بيشدني جامد ودخلنا البلكونه"
_فريده بقلق: اي يا عمار جايبني لي، سيبني هيضربوا بعض
=عمار بضحكه: لا متقلقيش سبيهم لبعض وخليكي ليا، وحشتيني
_فريده بكسوف: يـ عمار بقا
=عمار بفرحه: قلبه والله
تمت💜
حابه رأيكوا، وانتظروا الروايه الجديده بكره💜
ضياع_بلا_جدوي
بقلمي_Rahma_Essam
روح_قلم
تمت
تعليقات
إرسال تعليق