6 = صحيت تاني يوم لقيت قماشه على دماغي فعرفت اني تعبت وربنا يستر ومكنش خرفت، حسيت اني أحسن قولت هقوم امشي شويه مش هفضل نايمه كده، طلعت لقيت عمار نايم على الكنبه وباين عليه انه تعبان، قربت منه شويه وفضلت امشي ايدي على شعره وبتأمل ملامحه الجميله احم استغفر الله..."
_عمار، عمار قوم يلا
=بخضه:اي مالك في اي انتي كويسه فيكي حاجه عا
_بمقاطعه: باااس انا زي الفل بس لقيتك نايم فقولت اشوفك نايم كده ليه يمكن تعبان
=خوفت انام في اوضتي تنادي عليا مسمعكيش، عامله ايه دلوقتي طمنيني عليكي
_انا بخير متقلقش، بس يعني
=بأستغراب: اي مالك
_بكسوف:انا جعانه
=بأبتسامه: طيب مكسوفه ليه تعالى اقعدي وانا هعملك كل اللي نفسك في يا حبيبي
قلبي دق بسرعه وحاسه بحراره طالعه مني ولسه هيقوم مسكت ايده"
_انت حنين كده لي
حط ايده على خدي وطبطب عليا بحنيه"
=بأبتسامه :عشان انتي مينفعش حد يتعامل معاكي غير بحنيه
مشي وانا فضلت سرحانه يعني هو بيحبني، بعد ما كل شويه اهينه وازعق واتعصب يرجع حنين معايا كده؟، خايفه احبك يجي يوم ونبعد"
_مش هسيبك تروحي مني
=بصدمه: انت عرفت منين
_بتفكري بصوت عالي
وبعدين غمز: بس برضوا حبيني ومتخافيش
ابتسمت على جنانه وفرحته بأقل حاجه اقولها، بقيت احس انه ابني مش جوزي أو زي ماكنت معتقده انه خاطفني، لا ده طلع حد حنين لو احتويته هكسب الدنيا كلها، قررت اني انسى كل حاجه عملها واحبه واتعود عليه، احبه اي إذا كنت محبتهوش اصلا، حنينه على الشخص تجبر اي حد يحبه مهما حصل، جهز الاكل ومرضاش يخليني اساعده وقعدني حتى مخلنيش اكل فضل يأكلني وكان باين في عنيه لمعه وفرحه جميله كده، كنت فرحانه.... فرحانه اي انا طايره من الفرحه، يارب تحميه انا مبقاش ليا غيره دلوقتي يارب، بعد ما جهزنا الاكل وخلصنا كنت حاسه بملل فضلت بصاله كده وبفكر اعمل ايه... "
_مالك يافريده بصالي كده لي
=تعالى نلعب
_بأندهاش: بتتكلمي بجد ولا انتي سخنتي تاني ولا اي
=ايوه بجد تعالى نلعب
_اخيراا يلا هنلعب اي
بصيتله لقيت الحماس باين علي وشه والفرحه ومكنش مصدق اللي قولته فأبتسمت تلقائي على فرحته"
_بتضحكي لي
=بأبتسامه: بتحبني اوي كده؟
_اووف اخيرا حسيتي بيا
=بضحكه: يراجل
_قلبه والله
=بكسوف: خلاص بقا اقفل الموضوع احنا هنهيص ولا اي تعالى نلعب اي لعبه
_انتي بتتحولي امتي
=يلا بقااا
_حاضر
لعبنا (X-O) وفضلنا نهزر ونضحك والجواز حاجه قمر يجماعه والله، واحنا بنهزر لقيت فجأه فوني بيرن استغربت، ببص لقيت بابا...."
_بفرحه:عمااار، عمااار بابا بيتصل
=بتتكلمي بجدد ردي بسرعه وافتحي الاسبيكر
_بدموع: ايوه يا بابا عامل اي
=الحمدلله يابنتي انتي عامله ايه
_انا الحمد لله يابابا انت عامل اي بتاخد دواك ولا لا
=باخده ياحبيبتي الحمدلله، المهم انا عايز اشوفك
_بفرحه: بجد يا بابا طيب انزل اقابلك فين
=لا انا هجيبلك يا حبيبتي ابعتيلي العنوان
_حاضر يابابا اكتب عندك.......
=ماشي ياحبيبتي انا هقفل دلوقتي وهكلمك بعدين سلام
_سلام ياحبيبي
=بتريقه: نينينيني سلام ياحبيبي
_بأستغراب: اي يا عمار في ايه انا بكلم بابا
=ماشي ياختي انا نازل هتعوزي حاجه
_بارتباك: احم لا شكرا بس يعني انت يعني، احم... انت رايح فين
قعد قدامي ومسك ايدي
=هروح عند ماما ياحبيبي بقالي كتير مروحتش وهي متعرفش خبر جوازنا، فهروح افهمها على كل حاجه واجي بسرعه متقلقيش
_ببراءه: طيب متأخرش عشان بخاف اقعد لوحدي
=بأبتسامه: حاضر خدي بالك من نفسك سلام
_سلام
مشي..... قومت اخش اوضتي انام شويه بس بصيت على اوضته لقيتها مفتوحه، انتهزت الفرصه ودخلتها، اتفاجئت بيها....اي ده... كل دي صوري.... ياربي على القمر ده، كنت مصدومه وفرحانه بطريقه كبيره، الاوضه مفيهاش حته غير لما يكون فيها صوره ليا، فضلت اتمشى في الاوضه وافتح دولابه واشوف هدومه وصوره وكل حاجه بعد فتره لقيت الباب بيتفتح طلعت بسرعه من الاوضه، روحت الصاله لقيت قاعد حاطط ايده على راسه وباين أن حصل حاجه ضايقته، قربت عليه وقعدت على الأرض ورفعت راسه كانت عينه فيها دموع وباين الحزن على وشه"
_مالك ياعمار في اي مالك انت بتعيط لي
=احم لا مبعيطش مفيش حاجة
_لا في... احكي يلا، عشان خاطري احكيلي
=..
_ياعمار بقاا
=...
_بالله عليك
=امي اتخانقت معايا وطلبت اني اطلقك ولو محصلش هتتبري مني، كمل بدموع: بس بس انا.... بس انا مش هقدر اسيبك انا عايزك انتي، عايز اكمل حياتي معاكي مش مع حد هي تختارهولي، عايز حد شبهي اوعي تفكري تسبيني ابدا عشان خاطري يافريده، انا عملت كل ده عشانك اوعي تستغني عني في يوم...
_بأرتباك: اهدي اهدي انا احم انا هروح اجيبلك مايه
دخلت اجيبله مايه بس حسيت ان روحي بتطلع عايزه اعيط بس مش هقدر، انا اتعودت عليه وعلى وجوده لي بعد ما اتعلق بيه نبعد؟ فرت دمعه من عيني مسحتها وجبت المايه وروحتله مسحت دموعه وشربته ...."
_يلا قوم غير هدومك وارتاح شويه وربنا يحلها من عنده
=أن...
لسه هيتكلم لقينا الباب خبط، قام فتح الباب لقيناه بابا، حضنته جامد وفضلت اعيط شويه لا مش شويه عيطت كتير عمار فضل يطبطب عليا لحد ماهديت وابتسمت لبابا وخدته عشان نقعد...."
_بفرحه: وحشتني اوووي يا بابا
=وانتي كمان يابنتي
_ازيك ياعمي
=عايز اكلمك يا فريده على انفراد
_بأحراج: احم انا داخل جوا خدوا راحتكوا
=ماشي ياعمار
بعد ما دخل بابا كان ساكت مبيتكلمش ولا نطق حرف"
_بقلق: مالك يابابا كنت عايز تكلمني في اي
=بصي يابنتي....اسمعي الكلمتين دول وفكري كويس....انا لسه مسامحتكيش ولسه قلبي مرضيش عنك، لو عايزاني اسامحك اتطلقي من اللي انتي اتجوزتيه ده ووافقي على جوازك من ابن عمك، انا همشي وعايزك تفكري كويس وردي عليا بكره، سلام يابنتي
مشي وانا مش مصدقه حاجه لقيت عمار طلع والدموع مغرقه عينه"
_بأرتباك: ا ا انت انتي هتسبيني؟
=بقلق: عمار مالك اهدي في اي
_بزعيق: اهدي ايه ها، فهميني اهدي اي....جاي عشان ياخدك مني عايزاني اعمل ايه فهمييني
وفضل يصرخ ويكسر في كل حاجه حوالينا وانا مش عارفه اهدي نفسي اصلا عشان اهديه، قربت منه وحطيت ايدي على كتفه واتكلمت بكل هدوء.... "
_اهدي.... اهدي يا عمار هتتحل
زقني ومسح دموعه"
=روحي معاهم.... انتي اصلا مش عايزاني.... وبعدين أنا أن ا ا انا اصلا مب مب مبحبكيش امشي يلا يلاااا
كان بيتهته في الكلام والدموع محبوسه في عينه وقفت وقربت منه وزعقتله.... "
_كداب انت بتحبني
=ابعدي سبيني
_لا مش همشي انت بتحبني قول انك بتكرهني وانت باصص في عيني قول يلا
=بعياط: ايوه ياستي كداب ومخنوق وفيا وجع الدنيا كله وابعدي عني
حضنته تلقائي وهو اتصدم من رد فعلى بس لو سيبته كده هيحصله حاجه"
_اهدي انا جمبك متقلقش
حضني جامد ودفن راسه في حضني وفضل يعيط زي الطفل الصغير، فضلت اطبطب عليه واهديه لحد ماهدي خالص، خدته وقعدنا وبصتله وقولتله...."
_اهدي، مالك في اي عيطت كده ليا
=نفس المشهد بيتعاد تاني
_بأستغراب: مشهد ايه
=... وووو
يتبع.....
نكدت عليكوا النهارده اني اسف، شكرا يجماعه على الكومنتات القمر دي😂💜وبعتذر اني اتأخرت النهارده💜
ضياع_بلا_جدوي
بقلمي_Rahma_Essam
روح_قلم
7 = _عملت اي ياعمي في الموضوع اللي قولتلك عليه
=قولتلها لو عايزاني اسامحها تتطلق واجوزهالك، وانا متأكد انها مش هترفضلي طلب
_على الله
_بأستغراب: مشهد ايه
=بدموع: وانا صغير...حصلت مشكله بين بابا و ماما و طلبت منه الطلاق عشان مكنتش مرتاحه، كنت ساعتها متعلق بيها جدا ومكنتش عايزها تسيبني، فضلت اتحيل عليها متسبنيش بس سابتني....وراحت اتجوزت وبابا جابلي واحده تقعد معايا عشان كان بيسافر كتير، بعدها لما كبرت شويه بابا مات وهي قررت أن ارجع واعيش معاها، كنت رافض في الأول بس ضغطت عليا، بقيت عندها حبه وهنا حبه واتعودت اني اكون لوحدي من صغري، بعد كل ده بتقولي يا انا يا هي، اكيد فريده يا أمي اكيد هي مش هتسيبني في يوم من الايام زي مانتي عملتي
بعديها بصلي ومسح دموعه وقالي... "
_هتسبيني؟
حضنته جامد وفضلت اهديه"
=بدموع: اهدي انا معاك ومش هسيبك ابدا، انا اصلا ماليش غيرك
_بفرحه: بجد؟
=بأبتسامه: بجد💜، يلا ارتاح شويه وانا كمان بس هلم الدنيا الاول
_مسح دموعه: لا هساعدك وكمان في ازاز ممكن تتعوري
فضلنا نروق وخرجته من المود شويه عشان مبقتش احب اشوفه زعلان كده، بعد ماخلصنا طلبنا دليفري وجبت بطانيه واتفرجنا على فيلم واحنا بناكل وكنت فرحانه اوووي ونسيت المصيبه اللي احنا فيها اصلا. بعد شويه لقيت راسه على كتفي بصيت عليه لقيته نايم، سرحت في شكله وتفاصيل البريئه، ممكن الإنسان يكون جبروت وقاسي بس في جواه طفل محتاج لحضن يحتويه وانا الحضن اللي احتويته"
_عمار.... عمار حبيبي اصحى يلا
=اممممم
_قوم معايا يلا خش نام
=حاضر
قام معايا ونيمته وغطيته وانا ماشيه مسك ايدي .... "
_فريده
=نعم محتاج حاجه
_بتردد: ممكن يعني تنامي جمبي النهارده
=بأرتباك: ا ا انا انا يعني انا هنام في اوضتي
_عشان خاطري يافريده
=ياعمار مينفعش
_مينفعش اي انتي مراتي
=ماهو يعني
_بمقاطعه: مش هعمل حاجه والله عشان خاطري
=بأستسلام: حاضر
_بفرحه: يلاااا تعالي
=يلا ننام بقا
خدني في حضنه ونمنا واحنا خايفين من بكره "
تاني يوم صحيت ببص جمبي لقيت صاحي وبيلعب في شعري ومبتسم كده بفرحه "
_صباح الخير
=بأبتسامه: صباح القمر
_بتبصلي كده لي
=شكلك قمر اووي
_بكسوف: احم طيب انا هقوم
=خدي شاور وانا هحضرلك الفطار، "باسني من راسي"..... يلا ياحبيبي
قومت وخدت شاور وطلعنا فطرنا وقعدنا في البلكونه واحنا بنشوب قهوه وكان باين انه احسن من امبارح الحمدلله"
_عمار
=اي ياحبيبي
_احكيلي عرفتني ازاي وجبت الصور منين
=بصي ياستي....انا عمار أحمد الريان عندي 25 سنه مهندس برمجه، شوفتك في الكليه بتاعتك غامضه ومبتتكلميش مع حد ولفتي نظري وكنت حابب اعرفك، فضلت اسأل عليكي وادور وجبت رقم فونك وايميلك وعنوانك وكل حاجه، فـ يوم رنيت عليكي وانتي فتحتي بس مرديتش وهكرت فونك، متبصليش كده انا كنت عايز اقربلك بأي طريقه ومكنتش عارف اعمل اي ومحدش عارف عنك حاجه واتقدمتلك كتير وابوكي قالي انك رافضه فملقيتش طريقه غير كده و
ولسه هيكمل الفون رن وكان رقم بابا، بصلي وكان باين الخوف في عنيه ومكدبش عليكوا انا قلبي وجعني ومكنتش عارفه اتصرف ازاي، اختار بابا اللي كان قاسي ومشوفتش منه يوم حلو عشان اكسب رضاه، ولا اختار عمار اللي محسيتش بالأمان غير وانا معاه.... "
_فريده، ردي وافتح الاسبيكر
=حاضر، الو يـ بابا ازيك عامل اي
=انا بخير يابنتي، عملتي اي في الموضوع اللي قولتلك عليه
بصيت لـ عمار كان في عنيه لمعه بسيطه وحبه خوف"
_انا هفضل مع عمار يـ بابا، سامحني بس مقدرش ارجع لقساوتك تاني
=بزعيق: وحياه امي يافريده ماهسيبك ولا هسيبه ولو وصلت اني اقتلكوا فأنا هقتلكوا ومش فارق معايا انتي بتاعتي وبس فاهمه
انصدمت.... ابن عمي واللي رد وكان سامع المكالمه! قال إنه هيقتلنا صح، ا ا أن انا اا
_بصريخ: فريداااااه
وووو
يتبع.....
بعتذر عن التأخير حصل ظروف طارئه ومعرفتش افتح💜
في كتير سألوني عن موضوع عمار وفريده ولي الاسم ثابت، انا حابه الاسمين دول عشان كده كل رواياتي بأسمهم بس اوعدك ا اني هغيرهم والروايه الجديده هغير الاسماء💜
ضياع_بلا_جدوي
بقلمي_Rahma_Essam
روح_قلم
8 = _اااه دماغي انا فين اااه، عماار اي اللي حصل
=..
_ساكت ليه طاايب، اااه
=..
_بعصبيه: ماترد ولا انت اتخرست
=اغمى عليكي والدكتور قالي بسبب الضغط، خدي الدوا يلا
اداني الدوا وخرج وانا مش عارفه اي سبب تغيره المفاجئ أو أي اللي حصل، طلعت لقيته قاعد بيتفرج على التلفزيون ووشه خالي من اي تعبير اقدر احدد حالته منها..."
_بقلق: عمار مالك في ايه
=لا مفيش
_قول بقا حصل ايه
=قلقت عليكي شويه
_وانت لما بتقلق بيكون شكلك كده؟
=مبعرفش أبين قلقي فبيظهر على شكل برود، هقوم احضرلك الاكل
مشي وانا برضوا حاسه انـ في حاجه، اكيد مبقاش كده من فراغ، يعني ايه لما بيقلق بيكون بارد!، ممكن برضوا انا كنت زيه كده، اووف الله اعلم... خرج وفي ايده الاكل وقعد قدامي وبدء يأكلني ونفس علامات البرود ظاهره عليه..."
_خليك هاكل انا
=لا ياحبيبي انا اللي هقلق
_طيب انت قالب وشك كده
=مفيش حاجة
لقيت عينه بتتهرب مني وبيحاول انه ميبصليش، حطيت ايدي على دقنه ورفعت وشه لقيت علامات القلق بدأت تظهر عليه..."
_عشان خاطري قولي
=ابوكي خطف امي، وبيقولي لو عايزها طلق فريده
_بأرتباك: ا ن انت انت بقولل ايييه
الباب خبط بس الخبطه كانت جامده وترعب، لقيت جسمي بيترعش تلقائي وانا حاسه ان في مصيبه هتحصل،عمار فتح الباب لقينا رجاله كده بعضلات وباين كده ان هموت النهارده، كانوا 4 دخلوا عمار كان بيضربهم وبحاول على قد مايقدر أن محدش يقربلي وبيقول كلمه واحده بس "اهررربي"، انا مش عارفه اهرب ولا اعمل اي....طيب لو هربت ممكن يقتلوه، انا ههرب وهو اكيد هيكون بخير، لسه هتحرك لقيته وقع قدامي على الأرض وراسه بتنزف وانا مش مصدقه اي اللي حصل، لقيت ابن عمي دخل وعليه ابتسامه شرانيه وتف على عمار رضربني بالقلم ورش عليا مخدر وسحبني وراه..."
اااه....عماار..اي ده انا فين"، بفتح عيني لقيت نفسي في مكان ضلمه ومربوطه... افتكرت اللي حصل، فضلت أصرخ واعيط لقيت بابا وابن عمي جايين..."
_بعياط: بابا والنبي يابابا خليه يسيبني عايزه ألحق عمار والنبي
=اي يابنت عمي، بترفضيني عشان كلب زي ده!
_بعصبيه: أخرس ده برقابتكوا كلكوا
=اخرسي، فرحي عليكي بعد بكره، اجهزي ياعروسه
_بأرتباك: ا از ازاي و و عم عمار فين
=خليت رجالتي يخلصوا عليه
_بغضب: ا أن انت بتقوول اييه وفرح ايه اللي بعد بكره انا واحده متجوزه وحتى لو ل لو لو مات هيكون في شهور عده
=هو كده ده مزاجي، يلا ياعمي
_بعياط:باابااا متسيبهووس يعمل كده يابااابااا
خرج وساابني... ازاي ازاااي وهو المفروض اللي يقف جمبي، ياارب أنقذ عمار ياارب"
في مكان تاني...
_يعيني يابني زينه الشباب يتصفوا في دمه كده
=ادعيلو ياعم محمد
يتبع....
مش بفصلكوا من المود أو أي حاجه من دي، انا بس بقف عند حته عشان اعمل تشويق مش اكتر💜
تفاعل عشان انزل واحد كمان النهارده😂💜+توقعوا اللي هيحصل البارت الجاي😂💜
ضياع_بلا_جدوي
بقلمي_Rahma_Essam
روح_قلم
9 = _فُكوها وهاتوها عشان تجهزوها لكتب الكتاب
=بأرتباك: اا ا استنى ا انا عايزه اتكلم معاك
_بغضب: عايزه اي يابنت عمي
=خليهم يخرجوا عشان اعرف اكلمك
_اخرجي برا يابت انتي وهي، ها عايزه اي
=انت بتحبني صح؟
_ده سؤال؟اكيد اه.... انا عملت ده كله عشانك
=بدموع: واللي يحب حد يضربه زي ماضربتني؟
_مانتِ اللي نرفزتيني لما كنتِ بتدافعِ على الواد بتاعك ده
=عمار؟ ده ميجيش حاجه جمبك اصلا، بس زعلت منك لما ضربتني فحبيت اغيظك، انت عارف انا كنت بحبك ازاي وانا صغيره بس الله يسامحهم أهلنا بقا
_بصدمه: بجد يافريده؟
=طبعاا يابني
_بحيث كده بقا نكتب الكتاب بسرعه
=لالا استني
_بغضب: اي في اي
=استنى لما اعدي شهور العده، مينفعش نكتب الكتاب قبلها وبعدين اكون جهزت نفسي وجبت جهازي مانا هكون العروسه مش اي حد
_ماشي يافريده هوافق على كلامك ومن بكره تنزلِ تجيبِ جهازك وكل الـ تحتاجيه
=طيب فكني، هفضل مربوطه كده؟
_يلا ياقمر فكيتك اهو، حقك عليا متزعليش انا بس كنت غيران عليكِ
=هسامحك ماشي، انا هطلع اخد شاور سلامات
يارب....انا ماليش غيرك، انت العالم بحالي يارب"
_تعالى يامحمد قولي انتوا عملتوا اي في عمار
=بغضب: وانتِ بتسألِ عنه لي
_بتزعقلي لي، انا بطمن عليك بس عشان انت قولت انك موتوا وانا خايفه البوليس يكون عرف ان انت وتروح مني
=متخافيش عليا ياقمر، انا بعت الرجاله الشقه اللي كنت قاعده فيها عشان ياخدوه يدفنوه
_بأرتباك: اا ا ا الحم د لله اتطمنت عليك هخش انام بقا تصبح على خير
=وانتي من اهلي ياقمر
_زي مانتي مبتعرفيش تكدبي
=بدموع: سبيني في حالي ياهدي
_بتحبيه؟
=بعياط: ابعدي عني بقا انتي متعرفيش انا فيا اي
سبتها ومشيت... مش حمل نقاشات حاسه ان الدنيا سوده في وشي ومش هقدر اقتنع ان عمار مات، بس لازم امشي اموري واعرف افكر اهرب ازاي، دي هدى بنت عمي وطبعها غيرهم واحسن منهم كلهم، تعرف عني كل حاجه وتعرف احساسي كويس ووجعي وبتحاول تهون عليا، بس للأسف، مفيش حد هيقدر يهون عليا زي عمار، هو الوحيد اللي قدر يطلعني من اللي انا فيه وضحى بنفسه عشان يحميني، يارب انا مليش غيرك مش مصدقه انه مات يارب"
_بتعيطِ لي
=لا مفيش حاجة انت جاي اوضتي لي
_بخبث: مفيش حبيت اطمن عليكِ بس
=بقلق: انت بتقرب كده لي
_خايفه لي تعاليِ اقولك
=بأرتباك: اطلع بره عشان مصوتش وأعملك فضيحه
_بضحكه: وانتِ فاكره انك لما تصوتي حد هيمنعني، ابوكِ نفسه مش هيقدر يمنعني، انتِ فاكره أن هصدق حكايه انك نسيتي عمار وبتحبيني؟ مبتعرفيش تكدبِ وحزنك باين في عنيكِ، بس انا هكسرك واخليكِ تترجيني اني اتجوزك وساعتها هرميكِ، تعالىِ هنا
=بعياط: حد يلحقني عااا سبني ابعد عني يااعماار
وقع على الأرض وبينزل من راسه دم، ببص لقيت هدى خبطته بحديده على دماغه وبنبره قلق..."
_ انتِ لسه واقفه اهربِ وانا هتصرف
منغير تفكير خدت طرحه من على الكرسي وطلعت أجرى زي المجنونه في الشارع، مش عارفه رايحه فين ولا هعمل اي ومعرفش طريق البيت اللي كنت عايشه فيه، فضلت أجرى يمكن ألاقي عربيه توصلني بس ازاي... انا لو روحت هناك هيعرفوا يجبوني بسهوله انا لازم اتصرف، لقيت عربيه ماشيه وفيها شاب شاورتله و وقفلي ركبت معاه ومشى منغير مانتكلم حتى ولا نعرف بعض..."
بعد فتره
_هديتِ؟
=اه شكرا ليك تقدر تنزلني او اي مكان وانا هتصرف
_مش هسيبك بالحاله دي، انتِ مين واي حكايتك
=بعد اذنك نزلني هنا
كمل مشي وموقفش وانا مش فيا حيل اصرخ كفايه اللي حصل، يعني هو مات دلوقتى؟، طيب هيعملوا اي في هدى وهيتصرفوا معاها ازاي...يارب انت الـ عالم بحالي يارب، وقفنا قدام عماره بصتله بأستغراب وانا مش عارفه اعمل اي...."
_انت جايبني هنا لي؟
=والدتي فوق اقعدِ معاها لحد ماجيلك واعرف حكايتك
_بغضب: انت عبيط اطلع مع مين
=بزعيق: صوتك ميعلاش واسمعِ الكلام
في مكان تاني
_بصدمه: يلاااهوي ابني، مين اللي عمل كده ياهدي
=بعياط: فريده ياماما ضربته وهربت
ووووو
يتبع...
محبتش ازعلكوا ونزلت بارت كمان اهو😂💜توقعاتكوا💜+والله يشباب انا بكتب البارت وبحاول اخليه كبير بس الأحداث اللي بتمنعني
ضياع_بلا_جدوي
بقلمي_Rahma_Essam
روح_قلم
10 = اتفضلِ خشِ
=بأرتباك: فين والده حضرتك
_مااامااا يا مااامااا
=اي يامنيل عايز اي، هااااا انت بتجيب ستات البيت يلاا مستنتش لما اموت ياحيوان
_ اااه اي ياماما بتضربي لي اسمعيني
=مين دي يولا انطق
_مش عارفه لسه هسمع منها
=يعني جايبلي بنت البيت وتقولي مش عارف خد هنا
قلعه الشبشب وفضلت تجري وراه في الشقه وانا هموت من الضحك ايه العيله القمر دي، افتكرت عمار لما كنا بنلعب سوا ونزلت دموعي تلقائي..."
_ياحبيبتي يابنتي، تعاليِ في حضني، مالِك بس
حضنتها وسكت....حُضنها دافي ومليان حنان محستهوش مع اهلي، فضلت السكوت وفضلت في حضنتها لحد مانمت وماحستش بنفسي"
_ياحبيبتي يابنتي....شكلها تعبانه انت لقيتها فين
=وانا رايح الشغل لمحتها بتجري وبتعيط وأول ماشافتني شاورتلي جبتها هنا ولسه معرفش حكايتها
_طيب غور هات بطانيه عشان اغطيها ولما تصحى نشوف هنعمل ايه
=براحه طيب.......خدي
_يلا ياحبيبي روح انت شغلك وخد بالك من نفسك
=حاضر يا أمي ادعيلي، لا اله الا الله
_محمد رسول الله، مع السلامه
=عليه افضل الصلاة والسلام، سلام
في مكان تاني.....
_متعرفش يادكتور هيفوق امتي
=الخبطه كانت جامده ياحجه، هيقعد فتره لحد مايفوق...ادعيوله
_بدموع: ربنا يقومه بالسلامه، اه لو أطولها هندمها على كل اللي عملته
=بأرتباك: ادعيله ياماما ومتفكريش في حاجه دلوقتى غير فيه هو محتاج لدُعائِك
_اه يابنتي ربنا يقومه بال..، انت اي اللي جابك هنا مش كفايه اللي بنتك عملته
=جاي اشوف ايه اللي حصل وبنتي فين
_بنتك كانت هتموت ابني وهربت اللي مشافتش تربيه ولا امها عرفت تربيها
=بغضب: اخرسي بنتي وامها متربين غصب عنك
_حوووش حوووش....بدل ماتعلي صوتك عليا روح دور على بنتك وشوفها مع أنهى واحد دلوقتى
=بغضب: انتي ست قليله الأدب وانا مش هنزل مستوايا لواحده زيك، وبكره هندمك على كل كلمه قولتيها وفعل عملتيه
_غوررر داهيه تاخدك انت وبنتك زي ماخدت مراتك
_ااه انا فين، عمار ياعمار
=انتِ صحيتِ ياحبيبتي عامله ايه دلوقتي
_بأرتباك: اا ا أن انا نمت ه هنا انا اسفه والله اسفه
=اهديِ يا حبيبتي متخافيش انتي هنا في امان، بس قومِ خُدِ شاور يفوقك كده وخُدِ الهدوم دي بتاعت بنتي هي في سكن الجامعه وهتيجي بكره وانا هحضرلك لقمه
=حاضر ربنا يرجعها بالسلامه
سمعت كلامها وقومت...انا فعلا محتاجه افوق مينفعش أفضل كده....مينفعش أفضل ضعيفه الكل بينهش فيا.....لازم اندمهم على كل أذى اتأذيته بسببهم وعلى حبيبي اللي مات على أيديهم، خلصت وطلعت لقيتها محضرالي اكل كتير وابتسامه جميله على وشها وفرحه في عنيها انا مش عارفه افسر سببها بس كل الـ حساه أن فيها حنان امي وضحكتها الطيبه اللي بتهون زعل الواحد وبتجبر بخاطره"
_ماشاء الله شعرك جميل اووي
=شكرا ياطنط ربنا يخليكِ
_تعالىِ يلا ياحبيبتي كُلي شكلك تعبانه
=لي ياطنط تعبتِ نفسِك وعملتِ كل ده انا مش جعانه
_يلا بس ياحبيبتي بالهنا والشفا
= حاضر
قعدت وكلت والاكل بتاعها حاجه قمر خالص، كلت كتير لحد ماشبعت وحسيت أن هموت من كتر الاكل بس يلا الحمد لله، سابتني ودخلت اوضتها ترتاح شويه وكنت واقفه بغسل ايدي سمعت صوت خضني وقلبي كان هيقف كدهوو...."
_بأبتسامه: الحمدلله بقيتِ احسن
=بأرتباك: ا ا أن انت مي مين
_اهدي بس انتِ قلقانه لي انا اللي جبتك هنا
=اه اه سوري ت تمام ا ا انا هخش انا
وانا ماشيه مسك ايدي وبأبتسامه جذابه كده"
_لا استنى بس
=اوعي ايدي عايز اي
_حكايتك
=نعم
_عايز اعرف حكايتك
=ا ن اا انا
_اي ده ياحبيبي انت جيت
=لا ياماما لسه في الشغل
_وكمان بتستظرف
وهوب الطخ الشبشب اترفع، مسك ايديها وحضنها وفضلوا يضحكوا وانا فرحانه بيهم اووي، اسره بسيطه بيحاولوا يسعدوا بعض ويهونوا على بعض رغم المشاكل اليوميه اللي الواحد بيمر بيها، طنط دخلت المطبخ واحنا كنا في الصاله لقيته قرب مني وبنفس الابتسامه الجذابه"
_انا هخش اتغدي واغير هدومي مش هسيبك تنامِ غير لما تحكيلي، اه وبالمناسبة
بغمزه: شعرك حلو اووي
حطيت ايدي على راسي واكتشفت أن ده كله واقفه معاه بشعري وحاجه في منتهى الاحراج، دخلت المطبخ لـ طنط وكان باين علي وشي الكسوف وان في حاجه حصلت
_مالك يابت في اي الواد اللي بره ده عملك حاجه
=بأرتباك: ا ا ل ا ا انا انا بس وقفت ونسيت اني بشعري
_بأبتسامه: خلاص ياحبيبتي ولا يهمك، تعالى اوريكي الاوضه بتاعه بنتي
=معلش ياطنط هقرفك النهارده بس النهار يطلع وانا هتصرف
_بس يابت متقوليش كده انا فرحانه بيكي اصلا، يلا الاوضه اعيه خشي داري شعرك
=حاضر
بعد فتره....
_فريده....يافريده
=ايوه ياطنط محتاجه حاجه
_ لا ده مالك عايزك بس
=بأرتباك: اا ا ايوه
_تعالى اقعدِ هتفضلِ واقفه
=حا ا ا حاضر، نعم
_سامعك
=بدموع: تمام الحكايه بدأت لما كنت......... وبس ياسيدي هي دي الحكايه وانا مش عارفه اعمل ايه ولا عارفه عمار مات ولا لا، ولا مامته اللي قالي انهم خطفوها قبل مايحصل اللي حصل
_اهدي فيه حل متقلقيش
=بدموع: قتلو جوزي قدامي وبتقولي متقلقيش، لو عرفوا مكاني مش هيرحموني
_متخافيش هنا أمان، هاتي بس عنوان جوزك ده وعنوان ابن عمك وانا هعرف الاخبار
=انا مش عارفه عنوان عمار أو الشقه اللي كنا قاعدين فيها عنوانها فين، ابن عمي عنوانه.....
_بضحكه: في حد ميعرفش عنوان بيته
=بأحراج: احم م م مكنتش بنزل
_بأبتسامه: ولا يهمك انا هروح واشوفلك عنوانهم واقولك الاخبار
=طيب انت بتشتغل اي
_بأبتسامه: نسيت اعرفك بنفسي، اسمي مالك على محمد مهندس مدني عندي 25 سنه
=بأرتباك: ت ت تم تمام تشرفنا
_الشرف ليا، يلا خشِ نامِ، تصبحي على خير
=وانت من اهل الخير
تاني يوم...
كنت قاعده في البلكونه وسمعت صوت الباب بيتفتح وبنت جميله داخله بتغني وأول ماشفتني صوتت...."
_عااااا يـ مااامااا انتي ميين عاا
=اهدي ا أن انا
_يمااالك يمااامااا
=اي يابت في اي بتصوتي كده ليي
_داخله الشقه لقيت دي قدامي
=لا ياروح امك مسمهاش دي اسمها فريده
_وكمان بتدافع عنها تلاقيك جايبها من ورا ماما، عاااا يماما
_بهمس وبراءه: مالك، انت سمعتك سبقاك كده ليه، انت بتجيب بنات كتير الشقه وهما اتعودوا على كده؟
لقيته مره واحده ضحك ضحكه كبيره كده، واخته اللي لسه معرفش اسمها كانت هتعيط عشان افتكرت انه اتريق عليها، طنط خرجت على صوتها وعرفتنا على بعض وطلعت لطيفه خالص، اسمها منه شكلها جميله وملامحها طفوليه حتى تصرُفتها وبالرغم من اللي عملته لما دخلت إلا انها طيبه وجميله، دخلت الاوضه، لقيتها دخلت ورايا وفضلت تعتذر ولعبنا وهزرنا وحسيت أن حياتي رجعت تاني وانا وسطهم بس ده مش هيكمل للأسف...."
بعد كام يوم كده....
_فريده يافريده
=ايوه يـ مالك محتاج حاجه
_بأرتباك: ا ا ت تعالى عا عايزك
=مالك في ايه
_احم انا عرفت عنوان عمار، وكمان عر
=بمقاطعه: عمار عايش صح قابلته؟ قولتله اني هنا؟ هي
_باااس اهدي سبيني اكمل
=بدموع: طيب قول
_بحُزن: انا سألت على عمار ولقيتهم قالوا في ناس ضربوه وخدوه ومن ساعه اللي حصل مرجعش، و و ا و احتمال أمم ي يكون ماات
=بعياط: اا ا أن انت بتتقول اييييي عمااار مماتش وهييجي ياااخدني، اننت بتقووول ايييي
_اهدي اهدي بس وحدي الله
=ع ع عم عما..
_فريدااااه، فررريده فوووقي
يتبع.....
تفتكروا ايه اللي هيحصل لفريده بعد كده لما عرفت ان عمار مات؟ وهل هيبتدي قصه جديده بينها وبين مالك ولا هتتصرف ازاي؟ توقعاتكوا💜
ضياع_بلا_جدوي
بقلمي_Rahma_Essam
روح_قلم
تعليقات
إرسال تعليق