1 =_اا ا انت مين وعايز مني اي
=متخافيش انا مش هأذيكِ، هو بس حوار خفيف لطيف عايزك فيه
_حوار اي انا معرفكش
=لا كل خير، تتجوزيني؟
_اا انت بتخرف بتقول اييي
=لو موافقتيش على طلبي هتندمي
_شوف اخرك اي واعمله، بلوك
انا فريده عندي 20 سنه كليه تجاره مختمره من اسكندرية، مليش صحاب ولا مرتبطه أو مخطوبه ماشيه في حالي دايما، وصلت بيا الدرجه أن لما الناس بيكلموني مبقتش حتى ابصلهم أو ارد عليهم، عايزه ابعد عن عالم البشر العالم ده مؤذي وانا مش قد اذيته"
كنت قاعده ف يوم بقلب في الفيس بزهق ومش لاقيه اي حاجه اعملها لقيت الفون هنج من كتر المسدجات المبعوته على الماسنجر، استغربت مين اللي بعتلي وعايز مني اي وانا اصلا مبكلمش حد ولا حد بيكلمني، فتحت لقيت اكونت بأسم"المجهول"، استغربت تاني ودخلت على الشات لقيته باعت كل صوري وصوره البيت من برا ومن جوا ومعلومات عني ورقم فوني وفون بابا وكل حاجه كل حاجه"
مش هقول انا مخوفتش وحد بيهزر والجو ده لا انا اترعبت وركبي كانت بتخبط في بعضها ومش عارفه اتصرف ازاي، حمدت ربنا ان بابا مكانش هنا عشان ميشكش فيا بحالتي دي، بالمناسبه انا والدتي ماتت وانا صغيره ومعنديش اخوات"
خدت نفس ودخلت الشات وبدأت اكلمه..."
_انت مين، مين بعتلك الصور ده
=على أساس أن عندك صحاب معاهم صورك يبعتولي الصور دي؟
_بخوف: اا نت مين وعايز مني اي
=متخافيش انا مش هأذيكي، هو بس حوار خفيف لطيف عايزك فيه
_حوار اي انا معرفكش اصلا
=كل خير، تتجوزيني؟
_اا نت بتخرف بتقول اييي
=لو موافقتيش على طلبي هتندمي
_شوف اخرك اي واعمله، بلوك
قفلت الفون وفضلت رايحه جاي في الاوضه ومش عارفه اتصرف أو اعمل اي، لقيت الباب بيتفتح اكيد بابا جه لا دي كملت بقا، دخل عليا وكان باين الخوف عليا ومعرفتش اداريه... "
_مالك فيكي اي و واقفه كده لي
=بأرتباك: اا ا ل ا لاا يا بابا مفيش حاجة
=طب خدي انزلي هاتي الدوا ده عشان نسيت اجيبه وحاسس اني تعبان
=مالك يابابا في اي
_انتي هترغي كتير خدي الزفت الفلوس وانزلي
=بأرتباك: ح حاضر حاضر يبابا
بابا كان حنين جدا بس بعد موت ماما بقا قاسي وبعيد عني وكل حاجه بعملها غلط بيعاقبني عليها أشد عقاب، عشان كده بعدت عن عالم البشر يعني بابا اهو اللي المفروض يكون مصدر احتوائي والحضن اللي أجرى عليه في حزني قاسي بالشكل ده الناس برا هيكونوا عاملين ازاي؟"
حمدت ربنا ان في حجه انزل بيها عشان لو فضلت كده هتقفش، لبست الدريس الأسود والخمار النبيتي ونزلت، ماشيه سرحانه وبدون أي مقدمات لقيت واحد طول بعرض بجمال بحلاوه وعضلات واقف قدامي ومبتسم وانا معرفش مين ده وعايز اي، اي اليوم المليان بلاوي ده..."
_نعم حضرتك واقف قدامي كده لي وعايز ايه
=بأبتسامه: شكلك حلو اووي النهارده
_انت عبيط وسع خليني امشي
بتحرك من جمبه عشان امشي لقيته وقف قدامي تاني شكله عايز يتهزء"
_افندم، اي تاني
=مش ناويه توافقي
_أوافق على اي
=على طلبي اللي بعتهولك على الماسنجر
_اا ه ا ه هو انت
=بأبتسامه: حلو صح
_بغضب: اسمع يا اسمك اي انت الصور دي تتمسح وابعد عني احسنلك انت مش عارف انا ممكن اعمل فيك اي
قرب عليا شويه وضربات قلبي زادت"
=عمار
_بسرحان: اي
=بأبتسامه: اسمي عمار
_بزعيق: فريدااااة
اتنفضت وبصيت لمصدر الصوت وانا انا انا مش عارفه اعمل اي وووو
يتبع...
اسكريبت جديد اتمنى يعجبكوا💜
ضياع_بلا_جدوي
بقلمي_Rahma_Essam
روح_قلم
2 =ابن خالتي واخويا في الرضاعة، شافني واقفه مع ال اسمه اي ده ونادي عليا بأعلى صوته، كان وشه احمر اووي وباين الغضب في عنيه وتقريبا كده والله اعلم النهارده مش هيعدي على خير.. "
قرب مني ومع كل خطوه بيقربها جسمي كان بيتنفض من الرعب وقلبي هيطلع من مكانه، مسكني من دراعي وشدني جامد لدرجه اني حسيت ان دراعي اتخلع خلاص وحركه كمان وهعيط والله.."
_بزعيق: اي يهانم مين اللي انتي واقفه معاه ده
=بدموع: والله يا حسام اا انا معرفوش ده هو كا
ضربني بالقلم والشارع كله اتلم علينا، خلصانا فضيحه"
_انت عبيط انت ازاي تمد ايدك عليها كده اوعي ايدك دي
=وانت مين يلا وواقف معاها لي حسابك معايا بعدين، وانتي يلا قدامي
ولسه بيشدني عشان نتحرك هوب الطخ عمار اداله بوكس وقعه على الأرض"
_مش قولتلك ابعد عنها
=انت بتمد ايدك عليا والله لهتبقي دم النهارده
الاتنين مسكوا في بعض والناس مش عارفين يحوشوا من عنفهم، فضلت اعيط واحاول احوشهم عن بعض وكل ماقرب عشان احوش بينهم الناس يمسكوني ويبعدوني عشان متأذيش..."
وسط الخناقه سمعت اتنين ستات لطاف بيتكلموا منغير ما يعرفوا حاجه ولا حتى يسألوني ايه اللي حصل أو مين الاتنين اللي بيتخانقوا دول..."
_شوفتي ياختي الاتنين هيموتوا بعض عليها وهما شباب زي الورد
=مش دي فريده بنت عم محمد المنشاوي
_اه ياختي هي، لابسه خمار على اي دي فضيحتها بقت بجلاجل
=اه ياختي ياما تحت السواهي دواهي
لفيت عشان اشوف مين دول ولسه هتكلم لقيت البوليس جه وخدو عمار وحسام وانا معاهم..
_عاااش، بتتخانقوا في الشارع وتبهدلوا نفسكوا وكنتوا هتقتلوا بعض عشان واحده
=يباشا دي بنت خالتي واختي في الرضاع وانا رايحلهم لقيتها واقفه معاه و
_بزعيق: انت هتحكيلي قصه حياتك يلا، ياتعملوا محضر صلح ياتترموا انتو الاتنين في السجن
=تمام يباشا
عملوا محضر الصلح ونسيت خالص أن بابا تعبان ومحتاج الدوا"
_نهاااارسود
=اي يازفته في اي مش كفا
_بمقاطعه: بابا تعبان وقالي انزل اجيب الدوا وحصل المشكله واتأخرنا أجرى بسرعه
طلعنا نجري ركبنا تاكسي وجبت الدوا، طلعت جرى على السلم فضلت اخبط مفيش رد، حد من الجيران فتح الباب وقالولي أن بابا عرف ب حكايه الخناقه ونزل يروحلنا القسم، اتصلت بيه وعرفناه اننا وصلنا وقالنا نخش نستناه وانا عارفه ان اليوم هيختم بموتي،دخل ووشه احمر خالص واستقبلني بقلم على وشي وبكل قوته شدني من شعري وجرجرني على الاوضه منغير حتى مايسمعني.. "
_بعياط:بابا بلاش الاوضه دي والنبي يا بابا انا اسفه والله ماعملت حاجه
=حطيتي راسي في الطين وبتتأسفي، انا قولتلك أن موتك هيكون على ايدي
_ياعمي ابعد هتموت في ايدك
=غور من وشي ملكش دعوه انت سيبني اربيها
خد الكورباج ونزل ضرب عليا منغير رحمه وكانت المرادي أصعب من كل مره، اه كل مره متستغربوش، من بعد ما ماما ماتت بابا عمل الاوضه دي عشان كل ماغلط يعاقبني فيها، والاوضه دي مخصوص عشان ماما ماتت فيها ولما بيخشها قلبه بيوجعه وبيطلع وجع فيا منغير احساس... "
_يخراابي، مالك يابني مين اللي عمل فيك كده
=مفيش
_مفيش اي انت جسمك كله مليان دم مين اللي عمل فيك كده ياعمار.
=قولت مفيش ياماما سبيني بقا محتاج ارتاح
_خش ارتاح بس اعمل حسابك هتحكيلي كل حاجه
سبتها ودخلت، مش حمل اي نقاشات أو حكاوي كفايه اللي حصلها بسببي وسبب تهوري، رجع تفكيري فيها وفي ملامحها الطفوليه ولا ارتباكها لما قربت منها ابتسمت تلقائي، اختفت ابتسامتي وظهر القلق على وشي، ابوها قاسي وخايف يعملها حاجه دي ممكن تموت في ايده انا مش هسمح بأي حد يأذيها، خدت فوني واتصلت بصاحب عمري..."
_الو ياهشام هاتلي المحامي وقابلوني في الكافيه اللي على أول شارعنا حالا
قفلت الفون منغير ماسمع رده ودخلت خدت شاور ولبست َجهزت كل الأوراق ونزلت عشان اقابله، مستحيل اسيبها تعيش في الأذى ده تاني"
_بعياط: يبابا اسمعني والله ماعملت حاجه
=كل البلاوي ده ومعملتيش حاجه، اعملي حسابك بكره هنسافر البلد وهنكتب كتابك على ابن عمك
_بصدمه: لا يبابا بالله عليك لا اعمل فيا اي حاجه الا ان اروح هناك ارجوك يبابا
=بس مش عايز اسمع صوتك قومي قدامي جهزي الشنط يلا
بابا حكم عليا بأصعب حاجه ممكن اعيشها، "اتجوز ابن عمي" جمله تبان بسيطه بس هي فيها تعاسه الدنيا كلها، امي ماتت بسبب عيله بابا عشان بيكروها وبما اني بنتها فعايزين يجوزوني ابنهم عشان يكسروا عيني ويعذبوني براحتهم، دخلت اتوضي واصلي وفضلت ادعي ربنا انه ينجيني منهم ومن شرهم ويهدي بابا ويرجع في قراره، صحيت تاني يوم على زعيق بابا اني لسه نايمه واني مش شاطره غير في النوم وان اجيبله الفضيحه وبس، تجاهلت كلامه ودخلت خدت شاور وجهزت نفسي ولبست ونزلت معاه... "
_مش عايزة تجيبي سيره اللي حصل امبارح، خلينا نعدي الجوازه على خير
=حاضر
مشينا شويه لقيت العربيه وقفت برفع راسي لقيت عمار واقف وحواليه الشرطه وبيوقفوا عربيتنا
_نعم يا حضره الظابط حضرتك وقفتنا ليه
=الأستاذ عمار بينتهمك انك خطفت مراته
_اي م م اا انت بتقول اييي
ووو
يتبع..
ضياع_بلا_جدوي
بقلمي_Rahma_Essam
روح_قلم
3 =_اا انت بتقول اي مرات مين
=قسيمه الجواز اهي ياعمي احنا متجوزين عرفي والعقد مثبت عند المحامي
_بدموع: بابا والله معرفش حاجه عن الموضوع ده
=اي يا فريده ياحبيبتي متخافيش انا هحميكي محدش يقدر يأذيكي
_بعياط: ابعد عني بقا أنت اي يا أخي شيطان مش كفايه اللي حصل بسببك امبارح
_اتفضل ياحضره الظابط انا مكنتش اعرف انهم متجوزين ومخطفتهاش اهي عندك اهي
بصلي والدموع كانت ظاهره في عنيه بوضوح وده اكتر شئ وجع قلبي، من ساعه وفاه ماما بابا اتغير وبقا قاسي وفكره أن اشوف دموعه دي بقت صعبه عليا مش قادره استحملها.... "
_روحي يابنتي الله لا يسامحك
=بعياط: اا ب با بابا متسبيش والله معملتش حاجه، يابااابااا والله ماعرف متسبنيش معاه انا معرفوش
مشي... سابني ومشى زي كل مره كنت بلجأله فيها... كنت المرادي فكراه هيفضل جمبي ويقول مستحيل بنتي متعملش كده انا واثق فيها ويصدقني بس الظاهر ان قلبه مات مع ماما ومبقاش باقي على حد حتى لو بنته..."
_تعالى معايا
=اجي معاك فين انا معرفكش ابعد عني
_قولتلك تعالى معايا ومتخلنيش اتغابي عليكي
=بدموع: انا بكرهك
ركبت العربيه وانا بدعي عليه دعاوى الدنيا كلها، ازاي جاله قلب انه يدمر عيله عشان يرضى نفسه؟... ازاي دمر اب وبنته وخلاهم يبعدوا عن بعض؟...مهما الشخص احتاج شئ يلجأ لأي وسيله الا انه يبعد الناس عن بعضها المفروض يصلح اللي بينهم ويقربهم مش يخربوا بينهم"
_وصلنا هتفضلي تعيطي كتير؟
نزلت من سكات، مش حابه اتكلم ده واحد مبيحسش ومش حاسس بغلطه، مسك ايدي عشان نطلع العماره شديتها وانا مصدومه ازاي يعمل كده.."
_انا جوزك علفكره
مسكني تاني وطلعنا، الشقه كانت لطيفه وألوانه هاديه ورقيقه... كانت معموله بالنظام اللي نفسي اعمله في شقتي بس مستغربتش اكيد عارف عني كل حاجه بس اللي مستغرباه عرف ازاي، قرب مني وفضل واقف مبيتكلمش وكأن لا سمح الله محرج من اللي عمله أو بقا عنده دم وحس بغلطه مثلا..."
_انا اسف على اللي حصل بس لو كنتي وافقتِ من الاول مكنش حصل كل ده
=اديني سبب يخليني أوافق عليك
_ااا
=مش عارف ترد صح؟ عايزني أوافق على واحد معرفوش ولا حتي اعرف اسمه وبعتتلي صوري ومعلومات عني لا وكمان بيهددني؟ أوافق على واحد اناني مفكرش غير في نفسه ومعملش حساب لأي حاجه؟ أوافق لواحد عمل عقد جواز مضروب منغير ماعرف عشان ياخدني غصب عني؟ رد عليا أوافق عليك لي
_سؤال واحد واسمع إجابته بصراحه، لو كنت اتقدمتلك كنت هتوافقي؟
=….
_ردي عليا عايزه اسمعك
=…
_يبقى الغلط عليكي مش عليا وتعرفي اني عملت كل ده عشان اوصلك، اوضتك اهيه سلام
=توصلي لي
_الايام هتعرفك
خرج... حسيت ان عنده حق... انا فعلا مبسمحش لحد يقربلي وبابا اصلا انا مش فارقاله اتجوز اتعب اموت اي حاجه مش حاططنني في دماغه اصلا ولا حتى عمره قالي عايز اطمن عليكي قبل ما اموت زي باقي الأهالي، كان يجي يقولي جايلك عريس اقوله مرفوض يقولي ماشي يمشي لكن اي حاجه من كلام الأهالي ده؟ لالا اطلااقا"
دخلت ألف في الشقه واخش الاوض وانبهر بجمالها وجمال ذوقه اللي عجبني ودخل دماغي جدا، وصلت عند اوضه بفتحها مكنتش بتفتح ومقفوله بالمفتاح، عرفت انها اوضته ومش حابب اني اخشها، طنشت ودخلت اتوضي واصلي واغير هدومي مانا خلاص لازم أرضى بالأمر الواقع هروح فين؟ مبقاش ليا حد غيره حتى بابا سابني"
لبست بيجامه عليها ميكي ماوس وعملت شعري قطتين.... انا اه معقده بس جوايا طفله بريئه كانت محتاجه حد يسمعها ويسمع وجعها زي باقي الناس بس محصلش وعشت كاتمه كل حاجه"
ساعه.... اتنين...تلاته...لسه مجاش، طيب اي انا بخاف انام لوحدي في الشقه هو هيبات بره ولسه بفكر هتصرف ازاي لقيته دخل وفي ايده كياس كتيره كده.."
_بأبتسامه: ازيك
=الحمدلله
_اي القمر ده
=…
_خلاص متحمريش كده، جبتلك اكل عارف انك مفطرتيش ومكنش ليكي نفس
(اول مره حد يهتم بيا أو يركز كلت ولا لا)
=شكرا
_انا داخل الاوضه أو احتاجتي اي حاجه خبطي عليا
مشي خطوتين تلاته كده
=بتردد: اا عمار
_معاكي
=بدموع: ممكن اتكلم معاك شويه
قرب شويه ورفع راسي
_لي الدموع دي
=عشان لما كنت بقول كده لبابا كان بيضربني
_طيب اهدي انا معاكي ومش هسمح لحد يأذيكي
=بدموع: انت مين
_مش فاهم
=انت مين وجبت كل المعلومات دي منين وتعرف عني كل حاجه ازاي
_ارتاحي وبعدين نتكلم
=عايزه اعرف دلوقتي
_مش هعيد كلامي يلا
متستغربوش السلام النفسي وطيبه القلب اللي كنت بكلمه بيها دي لا انا اصلا هندمه على كل اللي عمله، بس حبيت فعلا اني اهدي وارتاح بعيدا عن الكلام الللي زي السم والضرب والاهانه واعرف افكر كويس... "
دخل وسابني فتحت الاكل عشان اكل افتكرت بابا ومعاد علاجه اتصلت بيه عشان افكره بس طلع عمل بلوك لرقمي، فضلت اعيط وصوت شهقاتي بيعلي ومش قادره اخد نفسي لقيته بيجري وطلع على صوتي...."
_بخوف: ااي في اي مالك بتعيطي كده ليه اهدي احكيلي
فضلت اعيط اكتر ومقدرتش اتكلم، خدني في حضنه وفضل يهديني ودي كانت أول مره اعيط وحد يطبطب عليا
تعبت من كتر العياط وفضل جمبي مزهقش ولا مل مني لحد مانمت في حضنه، شالني بكل هدوء دخلني اوضتي وفضل جمبي يقرء قرءان وانا حاسه بكل ده، طيب لي شخص كويس وفي حنيته يأذيني بالشكل ده، رجع تفكيري السؤال اللي سألهولي وبدأت احس ان عنده حق بس برضوا روح الانتقام اللي جوايا مسيطره عليا......
يتبع..
ضياع_بلا_جدوي
بقلمي_Rahma_Essam
روح_قلم
4= _اللي انت عملته ده مينفعش بنتك كانت محتجاك المفروض تقف جمبها
=هي مش راحت اتجوزت من ورايا؟
_انت تصدق انها تعمل حاجه زي كده؟
_لي لا قادره وتعملها
=حتى لو عملتها انت السبب، متبصليش كده، بنتك كنت دايما بتعذبها... لما كانت بتتعب كنت بترميلها فلوس تروح للدكتور منغير ما تقولها مالك....اي غلط كنت بتعذبها منغير ما تسمعها، بعد اللي انت عملته ده كله وعايزها تفضل معاك؟ البنت من دول بتكون محتاجه حد حنين عليها ويكون صاحبها عشان متبصش ل برا وتلجأ لحد غريب يحتويها لكن انت عملت غير كده وعلى رأي المثل انت تقسى وغيرك يحن والقلب ياسيدي ميال وانت قسيت يبقى متزعلش من رد فعلها
_.....
=شكلك مش هتقتنع دماغك ناشفه ومبتسمعش لحد انا ماشي سلام
_فريده... قومي يلا
=اي، بتصحيني لي عايز اي
_يلا عشان تفطري انا حضرتلك الفطار
=مش عايزه
_مفيش مش عايزه قومي يلا
=بعصبيه: أوووف قولتلك مش عايزه سبني في حالي بقا ولسه هنام.. "
_انتي اللي جنيتي على نفسك
=اا نت انت بتقرب كده لي ابعد عني، عااااا نزلتي نزلني هقع
_انت اصلا مبتجيش غير بالعين الحمرا
=طيب نزلني وانا هغسل وشي
_لا
=عشان خاطري
بصلي وسكت
=يلا بقا
_اهو، يلا بقا مستنيكي برا
=حاضر
خرج... فضلت واقفه مكاني ابصله لحد ماطلع... ابتسمت وضحكتي خرجت من قلبي...يمكن عشان اول مره الاقي حد مهتم بيا بعد ماما الله يرحمه... أو يمكن عشان مدوقتش طعم الحنيه من حد قبل كده،فوقت من سرحاني على صوته وهو واقف قدامي... "
_بغضب: قولتيلي نزلني وهتغسلي وشك، بتضحكي عليا يا فريده؟
=بأرتباك: اا وا والله انا بس سرحت شويه
قرب مني شويه... لا هو مش شويه ده كتير..."
_كنتي سرحانه في اي
=بسرحان: فيك
_نعم
=اا انت م ا مالك انت امشي بقا
_هيلا هوبااا
=يعمار والنبي نزلني والله جايه
_تعالى بس يابت هغسلك وشك قوليلي بقا انتي اوزعه كده لمين
ابتسمت واستسلمت لأمره هو اصلا اصلا حتت سكره، نزلني وروحت على السُفره عشان ناكل الاكل كان محطوط بطريقه جميله ولطيفه حبيتها اووي، كان كل شويه يقولي افتحي بوقك يلا هم ياجمل وانا فعلا مبسوطه زي الطفله اللي لسه مولوده بالظبط، خلصت اكل ولسه هقوم مسك ايدي وقعدني مكاني... "
_رايحه فين ياحبيبي
=بأرتباك: اا ا انا شبعت
_لا انتي مكالتيش حاجه تعالى كلي
=شبعت والله
_طيب قومي اغسلي ايدك وصلى لحد ما ألم السُفره
=لا روح انت وانا هلمها
_يلا اسمعي الكلام
=بص انت حضرت الفطار وانا اللي هلمه
_بأبتسامه: اي رأيك نلمه سوا
=بفرحه: هيييه موافقه يلا
لمينا الفطار سوا مابين هزاره ومشاكسته ليا، قد اي شخص جميل ولطيف وممكن بنحيته يخلي العالم كله مش يحبه بس لا يعشقه كمان، بدأت اصرف نظر عن اللي حصل منه واقول اكيد ربنا عمل كده عشان عايزني ارتاح من ظلم بابا، بس برضوا بابا زعلان مني هتصرف ازاي، انا هسيبها على ربنا... "
باسني من راسي ومسك ايدي وعيونه كلها فرحه... "
_القمر سرحان في اي
=بأرتباك: ا ااا ا اي اللي انت عملته ده
_اي مش مراتي؟
=انا وانت عارفين كويس اننا متجوزناش
_بسيطه نروح لمأذون ونتجوز رسمي بدل العرفي
=بعصبيه:عمار متهزرش بطل البرود ده بقا
_صوتك ميعلاش
قومت وغضب الدنيا كله نزل عليا ووو
يتبع...
ضياع_بلا_جدوي
بقلمي_Rahma_Essam
روح_قلم
5 = _بعصبيه: انت جايب البرود ده كله منين ها، دمرت حياتي ودمرت العلاقه اللي بيني وبين بابا اللي انا اصلا مليش غيره في الدنيا عايز تعمل اي تاني، ابعد عني بقاا
=ببرود: مش هنبه عليكي تاني، صوتك ميعلاش عشان معملش تصرف ميعجبكيش
_بدموع: لا وعلى اي خلاص الله يسهلك، تصبح على خير
سيبته ودخلت اوضتي وفضلت اعيط، افتكرت كل حاجه وحشه حصلتلي في حياتي وقساوه الدنيا عليا، انا مأذيتش حد عشان كل اللي يقابلني يأذيني، حطيت راسي على المخده حسيت انه داخل الاوضه عملت نفسي نايمه حابه اشوف رد فعله، قعد جمبي وحط ايده على شعري وفضل يطبطب عليا..."
_لو تعرفي انا بحبك قد اي وانقذتك من العذاب اللي انتي فيه ده ازاي هتشكريني، انا عارف اني اتصرفت بغباء بس اعمل اي كنتي هتضيعي مني وانا مليش غيرك والله، كنت كل شويه اتقدملك وباباكي يقولي رافضه معرفتش اعمل حاجه غير اللي عملته اتمنى تسامحيني"
باسني من راسي وخرج... طيب انا مش عارفه اعمل اي اسامحه ولا لا، معقوله يكون بيحبني وهو ميعرفنيش اصلا؟... حبني على اي طيب دانا مبتكلمش ولا بهزر ولا ببص لحد، يارب لو ليا خير فيه حنن قلبي عليه يارب"
في مكان تاني...
_هتعمل ايه مع فريده ياعمي
=ولا حاجه اهيه اتجوزت وراحت لحالها
_مانت عارف يعمي اني بحبها وقولتلك جوزهالي ولا هو كلام عيال
=بعصبيه: احترم نفسك انت ازااي تكلمني كده
_فريده ليا ياتطلقها من جوزها يانتوا اللي جنيتوا على نفسكوا، سلام ياعمي
صحيت من النوم جسمي متكسر وحاسه اني سخنه شويه ومش قادره أقف على رجلي.."
_عماار... ياعماار
دخل الاوضه وباين على وشه علامات الاستغراب"
=بتناديني انا
_انا تعبانه
جرى عليا بلهفه وباين عليه القلق"
=مالك ياحبيبتي فيكي اي
_بتعب: جسمي واجعني مش قادره اتحرك وحاسه اني سخنه
=فين، ينهااار انتي ولعه انا هنزل اجيبلك دوا بسرعه متتحركيش من مكانك
_حاضر
لقيته طلع يجري ونزل بسرعه وانا حاسه ان روحي هتطلع خلاص... افتكرت لما تعبت وناديت على بابا وزعقلي وضربني عشان صحيته... فرت دمعه من عيني وحمدت ربنا ان ده كله حصل، يمكن ربنا خلاني اتعب عشان اشوف حنيته عليا، الباب اتفتح ودخل جرى عليا كان بيهنج وباين الخوف عليه، سندني وقومني وجابلي اكل وعصير وفضل يأكلني زي ماكون بنته مش واحده لسه عارفها"
_يلا ياحبيبي كلي وخلصي عشان تاخدي الدوا
=ياعمار كفايه كده مش قادره اكمل
_مستحييل خلصي الاكل كله
=كمان شويه والله هاكل
_وعد؟
=بأبتسامه: وعد
_بتردد: أمم فريده
=نعم
_بحزن: لسه زعلانه مني؟
حطيت ايدي على خده وابتسمتله"
=مقدرش ازعل منك
_بصدمه: فريده انتي كويسه؟!
=انا زي الفل
_زي الفل اي انتي سخنه مولعه خدي الدوا بسرعه
=اسمع مني يابني انا تمام
_بطلي عناد وخدي بقا
خدت الدوا ونمت ومحستش بأي حاجه بعد كده.."
لما كانت بنادي عليا الفرحه مكنتش سيعاني بس حبيت اتأكد برضوا، لما لقيتها تعبانه قلبي وجعني وحسيت انها هتروح مني اتصلت بأمي بسرعه اسألها هعمل اي وقالتلي على الأدوية اللي اجيبها، روحت جرى وانا نفسي مقطوع بس مش قادر اشوفها تعبانه روحي فيها اصلا، روحت وانا قلبي بيدق من الخوف فضلت ااكلها زي بنتي بالظبط وحاسسها حته مني، لما لقيتها بتكلمني حلو حسيت انها فيها حاجه حطيت ايدي على رأسها لقيتها مولعه اكتر من الاول اديتها الدوا ونامت وفضلت اعملها جمدات وانا بدعي ربنا يخليها ليا ومشوفش فيها حاجه وحشه ابدا... "
في مكان تاني
_ها ياعمي قولت اي
=موافق أطلقها من جوزها واجوزهالك وووو
يتبع.
تعليقات
إرسال تعليق