 |
_ اطلعي يا بنتي عيب كده العريس قاعد برا
=مش عايزه اتجوز انا مش عايزه اتجوز
أمي روحي قوليله ما عندناش بنات للجواز
_انت اتجننتي انت بقا عندك ٣٠سنه بطلي ترفدي عرسان كده هتعنسي
= ما فيش حاجه اسمها هتعنسي انا اتجوز وقت ما احب وربنا شايلي نصيبي وخلاص بقا انا مش عايزه اتجوز سهله اي
_يا بنتي حرام عليكي ده عاشر عريس ترفديه في نفس الشهر حرام عليكي وكلهم بيمشوا من البيت من غير سبب انت بتهببي اي
ابتسمت بخبث :انا ده أنا غلبانه خالص هما اللي بيمشوا من غير سبب
=طب يا بنتي اطلعي اقعدي معاه ومش هغصبك علي الجواز اطلعي بس وقابلي العريس الجديد ده غيرهم كلهم انا مش هعيش ليكي العمر كله، يلا يا بنتي ربنا يهديكي
_بعيد الشر عنك يا ماما انا ماليش غيرك انت وخالي بعد وفاه بابا، خلاص يا ماما هطلع اهو
= ربنا يجعله من نصيبك يارب يا بنتي
طلعت من اوضتي ودخلت الصالون لقيته قاعد مع خالي
أول لما دخلت قام وقف وابتسم وكان ماسك ورد
خالي : اقعدي يا حبيبتي وانا هدخل المطبخ مع مامتك
خرج خالي من الصالون وكل ده والعريس مادد ايده
روحت قعدت بكل كبرياء وحطيت رجل على رجل
لقيته بصلي بصدمه وراح نزل ايده بأحراج وقعد على الكرسي اللي قدامي
العريس :احم انا حازم عندي ٣٥سنه بشتغل في
=انا سألتك
_اي
=انا ما سألتش انت مين عشان تجاوب
_انت بتتكلمي كده ليه ما تلمي نفسك
=لأ صوتك يبقى واطي انت في بيتي وانا ممكن اطردك عادي
_لأ والله اي قله الادب والذوق دي
= قولت صوتك يبقى واطي
_لا بقا انت بتستعبطي انت متكبره على اي يا بت ده انت معفنه
قومت من على الكرسي بكل عصبيه واتكلمت بصوت عالي : معفنه في عينك يا حيوان انت عشان عينك خضراء هتتريق عليا ولا اي دي شكلها لينسز يا معفن
اتكلم بكل برود وقال _اعتذري
= نعمممم لأ ده انت اتجننت فعلاً
قام وقف من مكانه واتكلم بكل ثقه وبرود :لو فاكره انك بالصوت العالى والزعيق والشتيمه وحبه المقالب اللي بتعمليهم في اي عريس يجي، انا لأ وفري مقالبك وخططك عشان انا كده كده هتجوزك برضاكي او غصب عنك
_انت عرفت المقالب دي منين
= ايوه اقعدي بكل هدوء واتكلمي بأحترام
_ مش هقعد ومش هتكلم ويلا خدك بعضك وامشي ما عندناش بنات للجواز يلا
قعد علي الكرسي بكل برود وقال :كنت عارف انك عاقله وهتسمعي الكلام
اتكملت بعصبيه :انت مش بتفهم ولا اي بقولك مش عايزه اتجوزك
= هشش بصي يا بنت الناس انا هسافر تركيا بعد بكره وبكره انا وانت هنكتب كتب الكتاب ونسافر تركيا ونعيش هناك لأن شغلي كله هناك
=الطموح حلو
_اي
=هو كل شويه تقول اي انت وقعت على ودنك وانت صغير
_ اتكلمي بأدب صدقيني هزعلك انا بس حبيت اعرفك ان كتب الكتاب بكره
=لا بجد كتر الف خيرك يا ترى في طموح عندك تاني عايز تقولها
= بطلي هزار انا بتكلم جد
_انت مجون واحد مش عارفه هو مين وجاي يتقدم ليا وفي اول قعده بيقول عايز اتجوزك بكره وبعد بكره نسافر والمفروض ان انا أوافق صح مش انت بتقول كده
_ايوه بقول كده
قومت من مكاني بعصبيه:امشي اطلع برا مش هتجوزك انا اي التخلف ده
خالي وماما جم على صوتي العالى
خالي :في اي اللي حصل
قام العريس وقف وبصلي بتحدي :ما فيش ده حتى العروسه موافقه وهنكتب كتب الكتاب بكره
=لولولولولوي مبروك يا حبيبتي مبروك يا حازم يا ابني انا فرحتلك اوي
=الف مبروك يا بنت اختي الف مبروك يا بشمهندس حازم
بصيت على ماما وخالي بصدمه وكانوا هيطيروا من الفرحه وماما عماله تزغرط بصيت على حازم اللي هو العريس لقيته بيبتسم بخبث
#روايه #عريس #الغفله
يتبع
يا ترى اي اللي هيحصل؟
ليه العريس مصمم كده على الجواز بسرعه دي؟
روايه #عريس #الغفله
الحلقه التانيه
بصيت على ماما وخالي بصدمه وكانوا هيطيروا من الفرحه وماما عماله تزغرط بصيت على حازم اللي هو العريس لقيته بيبتسم بخبث
اتكلمت بعصبيه :انت فاكر كده بتلوي دراعي ولا اي انا مش هتجوزك هو بالغصب
الأم بدموع :حرام عليكي يا بنتي ده متحرم وابن ناس وهيسفرك تركيا البلد اللي نفسك تروحيها، مش موافقه ليه بقا
اتكلمت بغضب :يا ماما انا مش بحبه ولا حتى اعرفه ده واحد جاي يتقدم ويتجوز بكره وهنسافر بعد بكره اي السرعه دي انا قولت مش هتجوز يعني مش هتجوز
معتصم ( خالي) : هو اي الجنان ده انت هبله ده بيحبك وعايز يتجوزك فين المشكله والمره ديه مش هترفدي زي كل مره مش لعب عيال هو انت بقا عندك ٣٠ سنه
=هو اي اللي ٣٠ سنه ٣٠ سنه ده فيها أي يعنى انا مش عايزه اتجوز سهله اي
دخلت اوضتي وقفلت الباب بعصبيه وقعدت على السرير وفضلت اعيط
فيها أي يعني لو عيشت من غير جواز بسمع طول الوقت كلام زباله اني بقيت معنسه واني هعيش لوحدي طول حياتي فيها أي يعني لو ما اتجوزتش الدنيا هتخرب!
فضلت اعيط وروحت نمت في مكاني من كتر العياط
صحيت تاني يوم على صوت خبط على باب اوضتي وزغاريط كتيرر وصوت اغاني وتسقيف
قومت من على السرير بملل وصداع من صوت الاغاني العالي فتحت باب اوضتي ودخلت الصالون وانا بفرك في عيني وبحاول افوق
لقيت كل جيرانا في البيت ومشغالين اغاني وبيهيصوا وفي اللي بيرقص واللي بيزغزط
لقيت ست كبيره بتسحبني من ايدي وفضلت تبوس فيا وتقولي مبروك يا حبيبتي
وانا واقفه مصدومه اصلا
تخليوا معايا كده واحده لسه صاحيه من النوم على صوت اغاني وهييصه وصداع والناس عماله تبوس فيها وتبارك ليها هيكون منظرها بالشكل ده 🙂
روحت بعصبيه قفلت الاغاني واتكلم بصوت عالي : انا مش عايزه اتجوز ومش هتجوز النهارده ويلا كل واحده على بيتها
لقيت كل الناس بتبصلي بصدمه وماما بتصبلي بغضب ومره واحده لقيت حازم داخل بالمأذون ومعاه الرجاله
جري حازم عليا لما لقاني لابسه البيجامه وشعري منعكش 😂
مسك ايدي ودخلني المطبخ
حازم بعصبيه : انت مجنونه اللي طلعك من اوضتك بالمنظر ده
اتكلمت بعصبيه : والله انا برودا اللي مجنونه انت مش معقول انت اللي مجنون وحيوان في حد يصحى على صوت زغاريط وأغاني والمعازيم كلها برا في شقتك والمفروض بقا ان انا اصحى من النوم اتجوز الله اي السهوله دي
حازم ببرود : حسابك معايا بعدين على كلمه حيوان ومجنون دي ويلا ادخلي البسي فستان واطلعي عشان نكتب كتب الكتاب ونروح على شقتي لحد معاد الطياره بكره
=هههههه يا راجل قول كلام عدل يا جددددع انت فعلا مجون انت لو هتقولي تعالي نخرج هتقولي قبلها بكام ساعه جاي تقولي يلا نتجوز هههههه ده في أحلامك غور من وشي اي الجنان ده على الصبح
حازم بغضب :اقفي مكانك انا بكلمك
=يا عم اي القرف ده الواحد يصحى من النوم يلاقي نفسي بيتجوز هههههه اما نكته بصحيح
حازم بشرود : على فكره انا ليا أسبابي ان انا هتجوز واحده مجنونه زيك ادخلي البسي الفستان واتنيلي اخرجي المعازيم برا
بصتله بغضب وبعدين جاتلي فكره وابتسمت بخبث وقولت :حاضر يا حازم هدخل البس الفستان يا حبيبي
حازم بصدمه :حبيبك ربنا يستر والليله تعدي على خير
بعد ساعتين
كان البيت متزين بالورد والانوار وفي ناس كتير في شقه العروسه والمأذون قاعد مستني العروسه تخلص لبس
حازم بضيق :استغفرالله العظيم يارب عدي الليله دي على خير، طنط طنط من فضلك استعجلي العروسه
الأم :حاضر يا ابني ثواني
ناااااهد ناااااهد يلا يا بنتي بقااا المعازيم قربت تمشي والمأذون زهق
في غرفه ناهد
ناهد بخبث :خلصت يا ماما اهو دقيقه بس
بصت ناهد على نفسها في المرايه وضحكت بخبث
كانت لابسه فستان اسود كبيييير جدا ومنفوش بشكل مستفز وحاطه روج اسود و حاطه مكياج في خدودها وفوق عينها مستفز جدا
ولابسه كعب طوله متر
كان شكلها مقرف حرفياً كانت شبه العفريت بفستانها
ناهد بخبث :هههههه أحسن انا هوريك يا حازم يا معفن
فتحت باب اوضتي وخرجت وروحت على الصالون
في الصالون
كان حازم موطي رأسه وعمال يهز في رجله بغضب عشان ناهد اتأخرت ومره واحده سمع صوت شهقات الموجودين والأطفال كلها بتصوت 😂😂
رفع عينه بص لقى ناهد بأبشع شكل وهي بتبسم بخبث
المأذون بصدمه :لا اله الا الله في أي يا بنتي اي اللي عملاه في نفسك ده
ناهد ببراءه مصتنعه : شكلي وحش ليه انا بقالي ساعتين بجهز عاااااااا
حازم بغضب : منك لله يا ناهد يا بنت ام ناهد ده منظر وبقالك ساعتين بتجهزي بس عارفه
ابتسم حازم بخبث :بس عارفه شكلك زي القمر
ناهد بصدمه : اي شكلي حلو لا لا حساه شكلي وحش انا هروح اغير ساعين تلاته وبعدين اجي
جريت ناهد على اوضتها راح جري ناحيتها حازم بسرعه ومسكها من ايدها وجرها ناحيه المأذون
ناهد بعصبيه :سبني اوعي ايدك يا مامااااااا انا مش عايزه اتجوز سبوني في حالي
برقلها حازم وخافت ناهد وسكتت
المأذون :انت مواقفه يا بنتي ولا مغصوبه ولا اي حكايتك
ناهد بخبث :لا مش. ااااااااه رجلي يا متخلف
داس حازم بالجذمه بتاعته على رجليها وبصلها بصه رعبتها حرفياً وراحت سكتت وقالت :موافقه
المأذون : وانت يا استاذ حازم موافق
ابتسم حازم وقال :موافق
بارك الله لكما وبارك عليكما وجمع بينكما في خير
لولولولولولوي مبروك يا حبايبي ربنا يسعدكم
فضلت المعازيم تبارك وتزغرط وبعدين مشيوا كلهم وحازم اخذني من ايدي بعد ما ودعت ماما وخالي وانا عماله اعيط
في عربيه حازم
حازم بضيق :مش هتبطلي عياط
ناهد بغضب :انت تسكت خالص يا مفتري يا حيوان يا نصاب بتتجوزني غصب ليه ها عملتلك اي واللي مستغرباه اكتر ان ماما وخالي غصبوني على الجوازه انا مش فاهمه حاجة
بصلها حازم كتير بصات مش قادره ناهد تفسر معناها
ومره واحده طلع مسدس من جيبه وخبطها في دماغها ودخل المسدس تاني في جيبه ولا كأن حاجة حصلت
حازم ببرود :كده أحسنلك يا ناهد الصفتي هههههه (ضحكة شريره 😂)
بسسس دي تاني حلقه عايزه رايكم الحلقات اللي جايه دمااار في حاجات كتير مستغبيه 🙃
عايزه اعرف رايكم في الحلقه ما تنسوش لايك وكومنت وعايزه تفاعل كبير عشان يدعمني اني اكمل الروايه، وياريت اي حد يعرف يعمل غلاف الروايه يبعتلي لان الروايه لحد دلوقتي من غير غلاف اللي يعرف يعمل غلاف يبعتلي
تتوقعوا اي
روايه عريس الغفله الحلقه الثالثه
بقلمي الاء فرج
ومره واحده طلع مسدس من جيبه وخبطها في دماغها ودخل المسدس تاني في جيبه ولا كأن حاجة حصلت
حازم ببرود :كده أحسنلك يا ناهد الصفتي هههههه (ضحكة شريره 😂)
ساق حازم العربيه واغم عليها ناهد وكمل حازم سواقه ببرود ولا كأن حاجة حصلت
في صباح اليوم التالي
فتحت ناهد عينها بتعب وبصت حواليها بكسل لقيت نفسها قاعده علي السرير وحازم قاعد علي الكرسي ومثبت عينه عليها وعينه حمراء اوي
صرخت ناهد وقامت من علي السرير جري وجريت عشان تفتح باب الاوضه لقيته مقفول بالمفتاح بصيت ناهد حواليها بخوف وبصت ناحيه حازم لقيته قاعد علي الكرسي ومثبت عينه في الفراغ
ناهد بخوف :ااا اي... اللي حصل.. إمبارح.. انا مش فاكره حاجة واي المكان اللي احنا فيه ده
قام حازم من علي الكرسي ببرود وقال : البسي وانا جهزتلك شنطتك يلا عشان الطياره ناقص عليها ساعتين
ناهد بزعيق :انا من حقي اعرف اي اللي بيحصل هنااااا
كان خارج حازم من الاوضه وبعدين لف ليها بسرعه وبصلها بحده وقال :هشش صوتك يبقى واطي لأحسن وحياه أغلى حاجة عندي هندمك فاااااااهمه قولي حاااضر
ناهد بخوف:حاضر
حازم ببرود :٥ دقايق وتلبسي بسرعه ٥ دقايق يا ناهد
خرج حازم ووزع باب الاوضه وراه
ناهد بضيق :نينينيني ٥ دقايق قال
لبست ناهد بسرعه وخلصت لبس وبصت حواليها في الأوضة لقيت الاوضه كلها لونها اسود كل حاجة فيها باللون الأسود وفي شباك صغير بس عليه خشب كتير اوي ومسدود
وفي صندوق كبيير هناك لونه احمر شكله ملفت لانه اللون المختلف عن الاوضه كلها
راحت ناهد ناحيه الصندوق بفضول ولسه هتفتحه لقيت باب الاوضه بيتفتح
جري حازم عليها بسرعه ومسك ايدها بغضب
حازم بزعيق: اوعك اوعك تيجي جمب الصندوق ده تاني صدقيني يا ناهد كله الا الصندوق ده لو عرفت في يوم انك جيتي جمبه تاني هندمك
ناهد بخوف :انا ما كنتش اعرف هو انت هتاخذه معانا الطياره؟
حازم ببرود :ايوه
ناهد بصدمه :ازاي ده شكله تقيل اوي وفي حاجات كتير من جوا ده غير انه كبير جدا ما ينفعش حد يشيله
شال حازم الصندوق وبصت عليه ناهد بصدمه
حازم :ورايا
مشيت وراه ناهد وخرجوا من البيت ونزل حازم الصندوق في الأرض وقفل الباب ومسك ايد ناهد وفتح باب العربيه ودخلها
وراح جاب الصندوق ودخله في العربيه
ناهد : هو في اي الصندوق ده طيب ده شكله مهم عندك
ركب حازم العربيه وساق العربيه بهدوء
ناهد بغضب :لأ لأ لأ لايمكن اسكت كده انت بتشتغل اي انطق شكلك تاجر أعضاء يلهويييي انت متجوزني عشان تاخد اعضائي لا لا اكيد لا انا اعضائي بايظه اصلآ ولا يكمن تكون تاجر سلاح ايوه صح افتكرت انت امبارح ضربتني بالمسدس على دماغي وفقدت الوعي اه يا حقير يا مجرم عااااااااا نزلني هنا وقف العربيه الحقوووووووني
بصلها حازم ولسه هيتكلم لقى عربيه سوداء كبيره بتضرب نار على عربيتهم
ناهد بصريخ :يلهويييي انا قولت انت شكلك مجرم أساساً يلهويييي الحقوووووووني
حازم بزعيق : خليكي تحت كده ما تطلعيش اوعك تتطلعي
ناهد ببكاء : عملت في حياتي عشان اتجوز مجرم ايوه صح المقالب اللي كنت بعملها في العرسان اكيد حد حسبن عليا
ايوه انا كنت شريره كنت بضرب العيال واخد منهم المناديل وانا في الحضانه عااااااااا هتوب خلاص عااااااااا
وقف حازم العربيه مره واحده واتخبطت ناهد في دماغها في العربيه واغم عليها
نزل حازم من العربيه وفضل ماشي مسافه قصيره وهو شايل ناهد ودماغها مجروحه آثار الخبطه
After 30 Mintes
وصل حازم أخيراً وهو شايل ناهد ولقى طيارته الخاصه
اريان بقلق :اي ده في اي اللي حصل
طلع حازم الطياره وهو شايل ناهد وحطها على الكرسي و بص وراه لقى أريان واقف
أريان بقلق :احكيلي اللي حصل
حازم بتعب : خرجت انا وناهد من البيت وركبنا العربيه ومره واحده طلع علينا عربيه سوداء وفيها واجل عمال يضرب نار على العربيه بتاعتي قدرت اختفى منهم وتوهتهم وبص وبعدين العربيه البنزين اللي فيها خلص روحت شيلت ناهد وجبت تليفوني ومفتاح العربيه وجيت على هنا كل ده جري، بص دلوقتي انا هسافر بطيارتي تركيا وانت روح هات الصندوق بتاعي في العربيه مع شنطه السلاح والمتفجرات وحصلني على تركيا، سلام
قعد حازم على الكرسي اللي جمب ناهد ونزل أريان من العربيه بعد ما اخد مفتاح العربيه عشان يروح يجيب الصندوق وشنطه السلاح
طلعت الطياره بيهم معلنه توجهم الي تركيا
Afer 3 hours
وصلت الطياره ونزل منها حازم وهو شايل ناهد
ركب حازم تاكسي ووصله الي الفندق اللي حاجز في غرفه
After 30 Mintes
وقف التاكسي قدام الفندق ونزل منها حازم وهو شايل ناهد ودخل الفندق وطلع اوضته
في اوضه حازم وناهد
حط حازم ناهد على السرير ومسك تليفونه وعمل كام مكالمه
وبعدين راح جاب كوبايه مياه وكبها على ناهد وقعد على الكرسي اللي جمب السرير بتعب
صحبت ناهد وهي حاسه بصداع كبير في دماغها قامت من على السرير وبصت لقيت حازم قاعد علي الكرسي بتعب وحاطط ايده على وشه
ناهد بوجع :اااااه دماغي احنا فين هو انا كل ما اصحى الاقي نفسي في مكان مختلف انا عايزه افهم كل حاجة دلوقتي
حازم بجديه :هشش اقعدي كده انا ورايا كام مهمه هعملها في تركيا وبعدين نسافر مصر تاني
ناهد بغضب :وانا مالي يا عم واخدني معاك في كل حته لييييه واتجوزتني ليه اصلا أي القرف ده
حازم بصوت عالي :بسسسس اسكتي اسكتي خالص خالص اسكتي
ناهد بصدمه :انت مجنون
بصلها حازم بغضب وضربها بالقلم بعصبيه وقال
انا مش مجنووووون انا مش مجنووووون افهموا بقا انا كوووويس.
بصتله ناهد بخوف من حالته المفاجأة وبصت حواليه وجاتلها فكره و
بسسس الناس اللي بتقول انها شبهه روايه احببت رئيس العصابه لا طبعاً هي مش شبها خالص احنا لسه في أول الحلقات لسه اللي جاي دمار مع طنط ام عمار 😂♥️، الروايه دي هتبقى اكشن مع ضحك وهزار مع حزن مع رشه رعب مع غموض وتشويق حاجة كده هتعجبكم اوي
انا ما كننش هنزل النهارده والله ما كنتش قادره اكتب بس كتبت اهو ونزلت حلقه النهارده فرحوني بقا وقولوا رايكم في الكومنتات هقرأ الكومنتات كلها وتفاعل كبيير بقا وانزل الحلقه الرابعه
الناس اللي بتسأل على المواعيد انا ماليش معاد محدد وقت ما هكتب هنزل حلقه بس هنزل كل يوم
دمتم سالمين
#الكاتبه #الصغيره
#ملكة #الغموض
#روايه #عريس #الغفله
الحلقه الرابعه
بصلها حازم بغضب وضربها بالقلم بعصبيه وقال
انا مش مجنووووون انا مش مجنووووون افهموا بقا انا كوووويس.
بصتله ناهد بخوف من حالته المفاجأة وبصت حواليه وجاتلها فكره و قالت
اهدي يا حازم انا أسفه ما كنتش اقصد انت مش مجون خلاص اهدي
سكت حازم وقعد علي الكرسي بهدوء وناهد واقفه قصاده مراقبه حركاته وبعد صمت طويل اتكلم حازم
حازم بهدوء :بصي يا ناهد انا ما كنتش اعرفك
بابا الله يرحمه كان صاحب خالك جدا، بعد ما بابا اتوفى بقا خالك زي ابويا بالظبط بالرغم من أن خالك عنده ٤٠ سنه والفرق بينه وبيني ٥ سنين، بس كنت بحسه زي ابويا بسبب حنيته الكبيره عليا، اول مره شوفتك فيها كان في فرح بنت خالتك وانا كنت معزوم وشوفت حركاتك المجنونه وجنانك وعفويتك مش هقولك حبيتك من اول مره لا الصراحه أعجبت بيكي وقررت اخطبك وقولت لخالك اول واحد
ولكن خالك رفض بشده لانه عارف انك مش عايزه تتجوزي بس انا ما سكتش وفضلت ٦ شهور بحاول مع خالك بس عشان اتقدملك وبعدين خالك وافق ومامتك كانت فرحانه بيا جدا لأنها عارفه اصلي كويس
المهم سمعت عنك من خالك انك بترقضي العرسان وبتعملي فيهم مقالب
انا قررت أن انا اتجوزك علطول لأني كان عندي مهمه في تركيا كمان كام يوم ده غير أن مامتك تعبانه و
ناهد بخوف :ماما تعبانه مالها ماما انطق
حازم بهدوء :اهدي ما تخافيش مامتك كويسه بس هتعمل عمليه قلب بسيطه خالص وهي وخالك هيسافروا إنجلترا عشان عمليه مامتك، انا قررت أن اتجوزك ونسافر برا لاني محتاجك اوي في المهمه اللي طالعها
ناهد بغضب :انت إناني وحقير وما عندكش دم انت اتحوزتني عشان اساعدك في المهمه، طب وماما مش مفروض اكون معاها في الوقت ده
حازم ببرود :اعتذري
ناهد بزعيق : مش هتزفت اعتذر انا هسافر إنجلترا وهروح لماما وطلقتي يا حازم
حازم بغضب :اعتذري بقولك اعتذري انت بنت قليله الادب كل شويه تشتمي وتزعقي مش عامله احترام ليا خالص والواحد ساكت
ناهد بزعيق :بجدددد انت ساكت طب والقلم البي لسه نازل على وشي ده اي
ترن ترن ترن ترن (تليفون حازم بيرن)
حازم :الو الو يا اريان اي انت فين، طب تمام تمام انا نازل اهو سلام
ناهد بضيق :مين اريان ده كمان رئيس العصابه ولا اسم كلب ده
شدها حازم من ايدها وفتح باب الاوضه وركب الاسانسير ونزل لق أريان في العربيه
فتح حازم باب العربيه من ورا وحدف ناهد وقفل عليها الباب وركب هو جمب أريان
ناهد بزعيق :انت واخدني على فين يا مجرم يا حرامي
أريان بصدمه :مجرم وحرامي؟
حازم بغضب : مش عايز اسمع صوت يا حيوانه اقعدي زيك زي الجزمه
ناهد بصدمه :انا جزمه يا حيوان يا عديم الإنسانيه يا مجرم يا حرامي يا نصاب
حازم بضيق :يارب الصبر من عندك اطلع بينا على الملاهي يا أريان
ناهد بسعاده :ملاهي الله هيييييه هروح ملاهي هيييه
أريان :في اي مش فاهم حاجة يا سياده الرائد
ناهد بصدمه :اي يا أبا مين ده اللي رائد ايتا ايتا هو انت ظابط
حازم بغضب :انت متخلف يا أريان انا ما كنتش عايز اقولها حاجة
أريان بأحراج :انا ما كنتش عارف انك مخبي عليها ومش قايل ليها حاجة
حازم بغضب :سوق وانت ساكت
ناهد بزعيق :ااااااه يا حقير ما قولتش ليه انك ظابط ها ها هحسدك يعني
حازم بزعيق : مش عايز اسمع صوت مش عايز اخرصيييي
سكتت ناهد وبصت من الشباك ونامت
After 2 hours
نزل حازم من العربيه هو واريان وفتح حازم باب العربيه اللي ورا وصحي ناهد
ناهد بكسل :سيبني انام شويه ٥ دقايق بس
حازم بصوت عالي :قووومي كده وفوقي
نزلت ناهد من العربيه بغضب :نعم عايز اي اي ده ملاهي احنا وصلنا اوعي كده
جريت ناهد من قدام حازم واريان ودخلت جوا الملاهي
حازم بغضب :يلاهوي يا متخلفه احنا مش جايين نلعب احنا جاين عشان المهمه استغفر الله العظيم
أريان بضحك :هههههه دي بلوه دي زي الأطفال شكلها بتحب الملاهي اوي
حازم بضيق: هشش بطل برود انت كمان انا هتصرف المهم دلوقتي احنا جايين هنا عشان نعمل المهمه
هتبقى عباره عن انا دلوقتي الناس كلها عارفه اني تاجر مخدرات ما حدش عارف اني ظابط وانا جاي بصفتي تاجر المخدرات وهتسلم البضاعه من البوص دلوقتي وانا اتصلت بالبوليس وهيقبضوا عليهم بتهمه بيع المخدرات من غير ما يعرفوا اني ظابط واني بلغت عليهم
هما هيسلموا ليا البضاعه في دبدوب كبيير هيكونوا حاطين فيه البضاعه من جوا، يلا نبدأ
دخل حازم وأريان الملاهي لقوا ناهد واقفه قدام محل دباديب كبير
جري عليها حازم ومسك ايدها وزعق فيها : انت كنتي فين عمال ادور عليكي بصي روحي اقعدي مع أريان هناك اهو وانا هاخد البضاعه واجيلك يلا بسرعه البوص جاي علينا
ناهد بفضول :مين البوص ده مش أنت شغال ظاب
حط حازم ايده على بوقها وشتمها في سره وجاء عليهم البوص
البوص بأبتسامه :اهلآ مستر فهد
حازم ببرود :اهلا بالبوص
البوص باستغراب :مين هذه الفتاه ولماذا تضع يدك على فمها
شال حازم ايده وبص لناهد بخوف خايف تفضحه بغبائها
حازم : دي مراتي المدام ناهد وانا كنت حاطط ايدي على بوقها عشان بتتاوب صح يا روحي
ناهد بغباء :ها ايوه ايوه صح كل كلامك صح يا اسطا
حازم بجديه :احم فين الدبدوب
اداله البوص الدبدوب وهو يبتسم بخبث واداله حازم شنطه فيها فلوس
ناهد بصدمه : ايببيييببيبببيي دبدوب انت جايبني هنا عشان تشتري دبدوب انت مش مفروض تقبض علي البوص يا حضره الظابط اي التهريج ده
كان أريان متابع الحوار من بعيد وبرق بصدمه اول لما اتكلمت
أريان بخوف :الله يخربيتك
بصلها حازم بغضب وبص على البوص و
بسسس دي حلقه النهارده واللي جاي دمار مع طنط ام عمار
وعد لو لقيت تفاعل وكومنتات كتير هنزل حلقه كمان النهارده 😉
تتوقعوا اي اللي هيحصل 😂♥️
البارت 5_6_7_8_9_10 الأخيرة من هنا
تعليقات
إرسال تعليق