 |
روايه عريس الغفله الحلقه الخامسه بقلمي الاء فرج
ناهد بصدمه : ايببيييببيبببيي دبدوب انت جايبني هنا عشان تشتري دبدوب انت مش مفروض تقبض علي البوص يا حضره الظابط اي التهريج ده
كان أريان متابع الحوار من بعيد وبرق بصدمه اول لما اتكلمت
أريان بخوف :الله يخربيتك
بصلها حازم بغضب وبص على البوص وقال بتوتر : احم في اي يا ناهد يا حبيبتي هههههه ناهد بتحب تهزر كده دايماََ هههههه
ناهد بغباء : انا مش بهزر مش انت هتضحك على البوص عشان انت ظا
حط حازم ايده علي بوقها بسرعه وابتسم بتوتر
البوص بغضب :اي اللي بيحصل ده
حازم بتوتر :ما فيش ما فيش حاجه خالص اصل بعيد عنك ناهد مجنونه ايوه يا حرام مجنونه وبتقول اي كلام سيبك منها، هات الدبدوب وخد الفلوس اهي سلاام
سحب حازم ايد ناهد بسرعه و لسه هيمشي لقا البوليس في وشه فضي المكان من كل الناس وجاء عندهم ومعاهم أريان
البوص بزعيق :سيب ايدي انت اتجننت هتقبض عليا بتهمه اي
حازم :اتفضل يا سياده الرائد اهو الدبدوب
قعد حازم على الأرض وفتح في الدبدوب والبوص واقف مكانه بيبتسم بخبث
After 5 Mintes
فضل حازم يفضي في الدبدوب ما لقاش فيه اي حاجة
الظابط بعصبيه :اي يا سياده الرائد انت مش قولت ان البوص اكبر تاجر مخدرات وهتستلم منه البضاعة وجاءت من مصر مخصوص فين البضاعة دي بقا
حازم بغضب : كانت في الدبدوب انا متأكد شوفتها بعيني
البوص بتمثيل : اي التهريج ده انتوا عارفين انا مين انا هقدم فيك بلاغ بسبب اللي عملته دي
قرب البوص من ودن حازم وقال بخبث : تاني مره خلي بالك كويس يا سياده الرائد انا البوص
مشي البوص من قدامه هو ورجالته بعد ما لقوش معاهم اي حاجة وحازم كان في أقصى مراحل غضبه
حازم بغضب :انا متأكد ان كان في مخدرات في الدبدوب ادوني فرصه كمان وانا هقبض ليكم على البوص
الظابط بجديه : استاذ حازم انت دورك خلص خلاص هترجع مصر كمان يومين في أول طياراه نازله مصر وهتتشال من منصب الرائد لأنك غلطت غلطه كبيره اوي وهتتحاسب عليها كويس بس في مصر مش هنا
مشي الظابط واللي معاه وخرج حازم وراهم وركب عربيته وجرى وراه أريان اللي كان زعلان علي صحبه وركبت معاهم ناهد اللي مش فاهمه اي حاجه
After 1 hours
نزل حازم من العربيه وهبط باب العربيه وراه جامد وركب الاسانسير وطلع على اوضته
نزلت وراه ناهد بسرعه ووراها أريان
ناهد بخوف :هو اي اللي حصل انا مش فاهمه حاجة وازاي حازم ظابط
أريان بغضب :اسكتي خالص اسكتي يا بوما انت السبب اكيد البوص كان شاكك فيها بعد كلامك الأهبل يا غبيه وراح مبدل الدبدوب ده حازم مش هيرحمك
ناهد بخوف :يلهويييي هيتعمل مني بطاطس محمره صح
أريان بزعيق :اخلصي واركبي الاسانسير عشان نطلعله ونشوف هنعمل اي
بعد دقايق طلع المصعد قدام اوضه حازم وفتح أريان الباب ودخل لقى حازم قاعد علي الكرسي الهزاز وعينه حمراء ومكور ايده وعمال يهز في الكرسي اللي قاعد عليه
ناهد بخوف :بدايه غير مباشره خالص
أريان بحزن :معلش يا حازم انت علطول بتطلع مهمات وبتكسب ما جاتش على المره دي
ناهد بخوف من حالته :احم احم معلش إن شاء الله المره الجايه هتطلع الأول على الظباط
قام حازم من على الكرسي وهو مكور ايده وراح ناحيه ناهد
جريت ناهد ونطت على السرير ووقفت عليه ومسكت المخده كسلاح
ناهد بخوف :طبعاً لو حلفتلك اني ما كنتش قاصده افضحك مش هتصدقني
حازم بحده :أريان اطلع برا واقفل الباب وراك بالمفتاح يلاااااااا
ناهد ببكاء :يلهويييي يلهويييي
حازم بصريخ :اطلع برااااااااا
طلع أريان بسرعه وقفل الباب زي ما حازم قال
خلع حازم الحزام ورماه على الأرض وشمر كم القميص
ناهد ببكاء : يلهويييي هموت يا صغيره على الضرب يا ناهد يا بنت ام ناهد عاااااااااااااا
ضرب حازم الحزام في الهوا
حازم بحده :انزلي من على السرير وتعالي هنا
ناهد ببكاء :لا مش هاجي
حازم بزعيق : انزلييييييي
نزلت ناهد من علي السرير بسرعه ومشيت ناحيته براحه ووقفت قدام بخوف
مسك حازم ودنها جامد وراحت هي مصوته
حازم وهو بيمسك ودنها جامد :قوليلي اعمل فيكي اي ها انطقييييي اعذبك ولا اجيب سكينه واقتلك واريح العالم من غبائك ولا اجيب سيخ نار وامشيه على ايدك ولا اقص شعرك الطويل ده ولا اخنقك واموتك مخنوقه
ناهد بوجع :ااااااه ودني ودني اي ده هو انت اخو ابو لهب ما تحط طوب على ضهري احسن اي شغل قريش ده، سيب ودني بقولك
ساب حازم ودنها وبصلها بحده ونظره لا تبشر بالخير ابداً
ناهد بخوف :انت بتبصلي كده ليه عااااااااا
في المستشفى
عند ام ناهد
كانت أم ناهد في المستشفى وبتجهز للعمليه اللي كمان يومين
خال ناهد : انا كنت عايز اقولك حاجة مهمه بخصوص ناهد
ام ناهد بقلق :في اي يا سعيد
سعيد بخوف :اصل اصل انا عرفت امبارح ان حازم مريض نفسيا عنده حاله نفسيه وبقي بشخصتين الشخصيه الأولى اللي هو بيبقى طبيعي عادي زينا اللي هو بيفرح عادي وبيزعل عاديي اما الشخصيه التانيه بتظهر لما حد بيقوله انت مجنون او لما بيضايق وبيتعصب جامد بتظهر الشخصيه التانيه واللي هي عباره عن راجل مجنون حرفياً وممكن توصل انه يقتل اللي قدامه
ام ناهد بخوف :يلاهوي قصدك تقول اي يا سعيد
سعيد بتوتر : يعني لو اضايق من ناهد او اي حد تاني يقتله بالبطئ بعد ما يجرب في كل أنواع التعذيب بس هو مش بيبقى في حالته الطبيعيه وبيكبر الموضوع حتى لو صغير
ام ناهد بخوف : يعني لو ناهد ضايقته يعذبها وبعدين يقتلها
سعيد بتوتر :ايوه
بسسس في الحلقه دي عرفنا حاجة مهمه جدا أن حازم مجنون
طب يا ترى اي سبب مرضه بالجنان؟
اللي هيحصل مع ناهد الغلبانه 😂؟
يا ترى هيعرف يتعالج؟
تتوقعوا اي اللي هيحصل
اللي جاي دمار مع طنط ام عمار 😂♥️
تتوقعوا اي
وعد لو لقيت تفاعل كويس هنزل حلقه كمان النهارده
وما تنسوش تقولوا رايكم في الكومنتات
#الكاتبه #الصغيره
#ملكة #الغموض
#ملكة #التشويق
روايه عريس الغفله الحلقه السادسه
بقلمي الاء فرج
ام ناهد بخوف : يعني لو ناهد ضايقته يعذبها وبعدين يقتلها
سعيد بتوتر :ايوه
عند أريان
بعد ما خرج أريان من اوضه حازم وناهد نزل تحت يتمشى شويه على البحر
(يخربيت برودك 😂)
خرج أريان من الفندق وراح يتمشى على البحر وبعدين قعد على الرمله قصاد البحر
أريان بشرود : الواحد مخنوق مش قادر يعيش حاسس ان الناس كلها بتكرهني ما عنديش حد يحبني غير حازم بالرغم من انه بقا مجنون بسببي بس لسه بيحبني كأني اخوه، ده حتى امي وابويا اتخلوا عني ورموني في الشارع اااااه، دايما ببقى أريان الفرفوش اللي بيضحك دايما بس مش اي حد بيكون بيضحك بيبقى مبسوط!
* وسلاماً علي قلوب ذاقت العناء وما زالت تضحك وصدرها يمتلئ فوق البكاء بكاء *
نزلت دمعه من عين أريان مسحها بسرعه وابتسم بوجع وفجأه لقى بنت بتخبط علي كتفه
قام أريان من علي الرمله وبص للبنت اللي خبطت علي كتفه
كانت بنت لابسه فستان ازرق وسايبه شعرها القصير وقصه شعرها نازله علي عينها وحاطه مكياج بسيط
ولابسه كوتشي أبيض كانت شبه حوريه البحر
أريان بأعجاب :هوبااااا انا موتت وروحت الجنه ولا اي اي الجمال ده الله يخربيتك ايوه صح تركيا وبناتها بقا يا عسل انت
البنت : اي ده وانا كنت جايه اشوفك مالك زعلان ليه، طلعت حقير وزباله معفن اتفو عليك
أريان بصدمه :اي ده اي ده انت طلعت يا قمر انت مصري والله ما شوفنا بنات حلوه قبل كده ولا ما شوفنا
بصتله البنت بقرف ومشيت من قدامه
جري وراها أريان وغني بصوته وقال
: الجمال عدي الكلام تضحكيلي وتاخدي كام ادفع العمر اللي جاي بس وترد السلام مش بأفور صدقيني حسي بيا كلميني حتى لو موضوع بسيط اللي طالبه تفهميني انا والله ابن ناس مش بعاكس من الأساس🎶
ضحكت البنت ووقفت قدامه
أريان بغمزه : ضحكت يعني قلبها مال وخلاص الفرق ما بينا اتشال 🎶
اسمك اي يا عسل
البت بأبتسامة : اسمي ينا يامي *رنا رامي
بصلها أريان بصدمه وبعدين فضل يضحك جامد
رنا بتذمر : ما تتييقش عليا *ما تتريقش عليا
أريان بضحك :هههههه مش قادر اسمك ينا يامي ده اللي سماكي كان عايز ينتقم منك يا لدغه
ضربته رنا بالقلم علي وشه و قالت بغضب :انت قليل الادب ومش محترم ما تتييقش *ما تتريقش عليا يا متنمر
مشيت رنا من قدامه
و أريان حط ايده على خده بصدمه : اي ده انا حاسس اني اضربت بالقلم لأ لأ دي كانت بتهزر اكيد
بص أريان يمين وشمال وبعدين قال بشر : الايام اللي جايه كتير واكيد هشوفك تاني وساعتها مش هرحمك
عند حازم & ناهد
ساب حازم ودنها وبصلها بحده ونظره لا تبشر بالخير ابداً
ناهد بخوف :انت بتبصلي كده ليه عااااااااا
وقع حازم واغم عليه جربت عليه ناهد وفضلت تفوق فيه
(سبيه مغم عليا ما تقومهوش 😂)
جابت ناهد كوبايه مياه ودلقتها كلها على حازم اللي صحي مفروغ وفضل ينهج كأنه كان في حرب
ناهد بخوف :اهدي اهدي خد نفس، ايوه كده شهيق زفير مره تاني شهيق زفير اهدي
حازم بتعب : خلاص يا حبيبتي فوقت اهو
ناهد بصدمه :حبيبتك
مره واحده اتحول حازم وضربها بالقلم بعصبيه وقال : اوعك تكوني فاكره اني نسيت اللي عمليته ده انا هعذبك
بصتله ناهد بصدمه من حالته المفاجأة وراحت ضربته نفس القلم
قام حازم من على الأرض وبصلها بغضب، قامت ناهد من على الأرض ووقفت قصاده بكل شجاعه واتخلت عن كل ذره خوف جواها
(اللي قادره على التحدي وعلى المواجهه 😂😂)
ناهد بزعيق : انا لو هفضل اسكتلك عن ضربك ليا بالقلم او اهانتك ليا ابقى عديمة الكرامه وانا الصراحه مش كده خاااالص اسأل مجرب يا اخويا هتلاقي اللي يقولك ناهد لما بتتقلب وبتزعل من حد بتقلب قلبه وحشه اوي واظن مش هتعجبك، انا من ساعه ما اتجوزتك واتخليت عن حاجات كتييير اوي واتغيرت مليون في الميه ما بقتش حره واتجوزت في يوم وليله
متجوزه واحد مش عارفه عنه أي حاجة غير اسمه ومهنته لسه عرفاها النهارده بالصدفه
اتجوزت من غير فرح زي ما كنت بحلم وسافرت معاك تركيا غصب عني
اكملت ناهد كلامها بدموع
وفوق كل ده تضربني اي الجنان ده انت فعلآ مجنون ولازم تتعالج انت واحد مريض
اول لما ناهد قالت الكلمه دي وش حازم احمر اوي وناهد لاحظت ده وخافت اوي بس حاولت ما تبينش
ناهد بزعيق :انت يا مجنون رد عليا و
ومره واحده شدها حازم من شعرها وخبطها جامد في الحيطه، صرخت ناهد بكل صوتها وبعدين فقدت الوعي ودماغها فضلت تنزف
شالها حازم وعلمات الشر مزينه وشه واي حد يشوفه يفتكره شيطان بسبب منظره المرعب وهو مضايق
شالها حازم وفتح الاوضه وركب الاسانسير ونزل بيها على تحت وركب العربيه ومشي
حازم بشر : والله ووقعتي يا ناهد هههههه
مشي حازم بالعربيه من هنا
في نفس الوقت دخل أريان الفندق بس ما اخدش باله من عربيه حازم وهي ماشيه
ركب أريان الاسانسير وراح يدخل اوضته وبعدين افتكر ناهد وحازم وهما بيتحانقوا
(انت لسه فاكر 😂😂)
راح يفتح باب اوضه حازم سمع صوت كوبايه بتقع جواه في اوضته
فتح باب اوضته بسرعه ودخل بحظر ليكون في حرامي لقى البت اللي شافها على البحر اللي اسمها رنا ماسكة ملفات من درج بتاع أريان
أريان بزعيق :انت بتعملي اي هنا في اوضتي
صوتت رنا ووقعت الملفات من ايدها
جري عليها أريان وحط ايده على بوقها وقال بخبث : يا اهلا وسهلاً
بسسس ومحدش يتوقعني 😎😂 اللي جاي دمار مع طنط ام عمار 😂😂♥️
استنوني في الحلقات اللي جايه نزلت حلقتين النهارده اهو 😌 ما تنسوش تقولوا رايكم في الكومنتات هقراها كلها هسيب التليفون على الشاحن عايزه ارجع الاقي قنبله كومنتات
وطبعا ما تنسوش المميز تعملوه على الروايه بيفرحني جدا 😂
استنوني بكره الساعه ٦ المغرب إن شاء الله في حلقه جديده
#الكاتبه #الصغيره
#ملكة #الغموض
#ملكة #التشويق
روايه عريس الغفله
الحلقه السابعه
أريان بزعيق :انت بتعملي اي هنا في اوضتي
صوتت رنا ووقعت الملفات من ايدها
جري عليها أريان وحط ايده على بوقها وقال بخبث : يا اهلا وسهلاً رنا هانم هنا في اوضتي يا مراحب بالمصايب
رنا بخوف :اييان *اريان *
أريان بغضب :انت عرفتي اسمي منين انا ما قولتش اسمي ومين اللي باعتك ليا انطقييييي
رنا ببكاء :سيبني ايجوك *ارجوك ايدي بتوجعني
ساب أريان ايدها اللي كانت ضاغط عليها لدرجه انها كانت هتتكسر
أريان بهدوء : انا بتكلم براحه اهو اي بقا اللي حصل اقعدي واتكلمي بالذوق، يلا انا سامع يللااااااااا
رنا بخوف :اا انا بشتغل عند البوص و هو قالي اييوح *أروح الفندق واطلع اوضتك واخد الملفات اللي في الديج *الدرج قال إنها مهمه اوي عندك وهو عايزها عشان يضييك بيها *يضرك بيها انت وحازم
أريان بغضب :يعني أنت بتشتغلي عند البوص يعني مقابلتك ليا على البحر ما كانتش صدفه ااااه قولي بقا وانا اللي حسيتك غلبانه وطيبه بس وحياه حازم مش هسيبك في حالك وهعذبك
رنا ببكاء :اييان * اريان أنا أسفه صدقني ما كنتش عايزه اعمل كده بس البوص بيهددني دايما وانا غصب عني بوافق علي اي عمليه بيقولي عليها او اي سييقه *سرقه انا أسفه بس صدقني انا مش كده انا أسفه
أريان بهدوء : اقعدي علي الكرسي اللي وراكي واهدي خالص انا عايز اعرف حكايتك
قعدت رنا علي الكرسي بتعب وبدأت تحكي وعينها مليانه دموع
رنا بحزن :انا ينا يامي *رنا رامي عندي ٢٠ سنه مش متعلمه كنت عايشه في داي *دار أيتام خيجت *خرجت منه وانا عندي ١٨ سنه اول لما خرجت من الداي *الدار ما كنتش عايفه *عارفه اعمل اي دويت *دورت في كل الأماكن علي شغل ما لقيتش فضلت الف اليوم كله في الشارع وما كانش معايا حتى فلوس عشان اشتيي * اشتري شقه أو اخد شقه إيجاي *إيجار دا انا ما كانش معايا فلوس عشان أكل
قعدت علي يصيف *رصيف في الشارع وخلعت الشال اللي علي كتفي ونمت وكنت هموت من البيد *البرد والمطيه *المطره كانت بتمطي*بتمطر لقيت عيبيه كبييه سوداء *عربيه كبيره سوداء نزل منها رجاله واخدوني غصب عني وحبسوني في محزن وبعدها بكام يوم سفروني تركيا عرفت بعدين ان البوص ليه رجاله في مصر بياخد البنات او الولاد اللي بيبقوا في الشارع وياخدهم ويشغلهم عندوه، وانا للأسف كنت ضحيه وبقالي سنتين بشتغل معاه غصب عني ولما أرفض اطلع اي مهمه بيقتل قدامي أطفال صغيره بدم بارد وغصب عني بطلع العمليات عشان الأطفال ما يمتوش بسببي عيييييييي انا أسفه يا أريان انا كنت هسرق الورق اللي في الدرج ومش عارفه البوص كان هيعمل بيهم اي انا أسفه
(ملحوظه انا كتبت نص الكلام كأنها لدغه والنص التاني ترجمته كده على طول)
أريان بحزن : خلاص اهدي انا اللي اسف عشان زعقت فيك حقك علي قلبي خلاص يا رنا مش زعلان منك انت بتعملي ده غصب عنك بس من النهارده وعد مش هخليكي تشتغلي مع البوص تاني
رنا بخوف :لا ارجوك انا حكيتلك بس عشان تفهمني و انا كمان كنت محتاجة اتكلم انا هروح عند البوص وهقوله ما عرفتش اجيب حاجة، سلام
جري عليها أريان ومسك ايدها وقال :استنى هنا كش هتروحي للزفت ده تاني بصي انا ظابط وهعرف اجيب حقك استنى بس هروح ادخل الحمام بسرعه واجي خليكي هنا
دخل أريان الحمام واتصدمت رنا ما كانتش تعرف ان أريان ظابط هي علطول بتسرق ملفات من تجار مخدرات كانت بتحسب ده زيهم
خافت رنا جدا بعد ما حكيت كل حاجة لاريان
فتحت رنا الباب بسرعه وخرجت من الاوضه ونزلت جري
بعد دقايق خرج أريان من الحمام ما لقاش رنا ولقى الباب مفتوح راح جري علي تحت بسرعه
أريان بغضب :مش هسيبك يا رنا
عند حازم & ناهد
نزل حازم من العربيه بتاعته وفتح باب العربيه من ورا وشال ناهد اللي دماغها بتنزل دم مطرح الخبطه لان الخبطه كانت جامده جدا
دخل حازم كوخ صغير موجود في وسط صحراء
فتح حازم باب الكوخ وحطها على الأرض براحه وقعد جمبها يعيط جامد وبعدين حس بحركاتها وانها بدأت تفوق
مسح دموعه بعنف وابتسم بشر وهو مثبت عينه على ناهد اللي بتفتح عينها تدريجياً
ناهد بتعب :اي ده انا فين وانت مين انا مش فاكره حاجة خالص
حازم بصدمه : ثانيه واحده ليكون اللي في دماغي صح انت اسمك اي
ناهد ببكاء : انا مش فاكره حاجة انا مش فاكره حاجة خالص ااااااااه يا دماغي
بسسس دي حلقه النهارده مستنيه رايكم واحد واحد في الكومنتات
ايوه صح الروايه هتخلص قبل العيد كل سنه وانتم طيبين
الروايه ناقص ليها كام حلقه وتخلص الروايه اصلا صغيره بس في منها هدف كبير اوي هيوضح في آخر حلقه
استنوني بكره ان شاء الله الساعه ٦ المغرب في حلقه جديده
يتبع
#الكاتبه #الصغيره
#ملكة #الغموض
#ملكة #التشويق
روايه عريس الغفله الحلقه الثامنه بقلمي الاء فرج
ناهد ببكاء : انا مش فاكره حاجة انا مش فاكره حاجة خالص ااااااااه يا دماغي
حازم بصدمه : اهدي اهدي ده أكيد مطرح الخبطه شويه وهتفتكري كل حاجة
ناهد بصريخ :ابعد عنيييييي انت مين اصلا واي المكان ده انا عايزه ماما وبابا عاااااااااااااا
حازم بصدمه : وطي صوتك اهدي خالص انا هاخدك عند الدكتور ثانيه واحده هعمل مكالمه
خرج حازم من الكوخ بسرعه ووقف قدام العربيه واتصل علي أريان
عند أريان كان بيجري علي السلم عشان يلحق رنا ولقى مكالمه من حازم قفل التليفون وكمل جري
عند حازم
نفخ حازم بعصبيه بسبب ان أريان مش بيرد على الاتصال دخل الكوخ تاني مالقاش ناهد
حازم بصريخ :ناااااااااااااااهد
عند ناهد
اول لما خرج حازم من الكوخ خرجت بسرعه وفضلت تجري تجري
ناهد ببكاء: مش هسمحلك يا حازم ايوه انا ما فقدش الذاكره ولا حاجة بس لو ما كنتش قولت ان انا فقدت الذاكره ما كنتش عارفه هتعمل فيا اي اااااااه يارب ساعدني انا ماليش غيرك
فضلت تجري ناهد بس دماغها وجعتها جامد وحست بدوخه كبيره بسبب الخبطه
لقيت ناهد عربيه سوداء كبيره جايه من هناك ونزل منها شاب لابس شال على وشه ومش باين منه غير عينه الزرقاء
الشاب : يا انسه أنت كويسه محتاجه مساعده
ناهد بتعب : انا كويسه الحمد لله بس ممكن تخرجني من الصحراء دي
الشاب بخبث :من عيني اتفضلي اتفضلي
بصتله ناهد بعدم ارتياح ولكن ما كانش قدامها فرصه تانيه ركبت ناهد معاه العربيه واول لما ركبت
طلع الشاب مسدس من جيبه وخبطها في دماغها واغم عليها ناهد والشاب ابتسم بخبث
( دماغ ناهد دي ببلاش كل شويه حد يخبطها في دماغها 😂😂😂😂)
الشاب بخبث : ما تثقيش في شاب ماشي في الصحراء بعربيه كبيره ولابس شال على وشه هههههه
عند حازم
قعد حازم في الكوخ وجاتله الحاله وفضل يعيط جامد ويتصل على أريان واريان مش بيرد ومره واحده اغم عليه حازم
عند أريان
نزل من الفندق لقى رنا بتجري وفي آخر الشارع
فضل يجري وراها أريان وينادي عليها
أريان بزعيق :رنا رنا رنا استنى عندك بقولك
رنا ببكاء :سيبني في حالي عااااااااا
مسكها أريان وعمال ينهج من كتر الجري ورنا عماله تعيط
أريان بغضب : انت مشيتي ليه انت هبله
رنا ببكاء :مالكش دعوه بيا يا اييان *اريان سيبني في حالي
أريان بأبتسامة :شكلك حلو وانت بتعيطي
ضحكت رنا من بين دموعها وبعدين رجعت تعيط تاني
أريان بضيق :يخربيت النكد خلاص بقا امسحى دموعك، يلهويييي
رنا :في اي
أريان بصدمه :حازم رن عليا كتييير
رنا :طب ما تيد *ترد عليه ممكن في حاجة مهمه
أريان بقلق :طب تعالي معايا نركب العربيه هشوفه راح فين استنى هرن عليه
ركب أريان ورنا العربيه وفضلوا يرنوا علي حازم ومش بيرد
أريان بقلق :لأ كده في حاجة استنى كده هرن على البت ناهد
عند ناهد
فتحت ناهد عينها لقيت نفسها مرميه على الأرض ومش مربوطه في مخزن كبيرر وفي راجل مرمى جمبها وشه كله محروق وميت جمبها
بصت عليه ناهد برعب وفضلت تعيط من غير صوت ومره واحده لقيت تليفونها بيرن
جابت ناهد التليفون جري من جيبها وبصت في الشاشه لقيته أريان
ردت ناهد بسرعه وسمعت صوت أريان بيقول
أريان بخوف :اهي ردت اهو يا رنا الو الو يا ناهد انت فين انت وحازم انت كويسه
ناهد ببكاء : ا.. لو ا. ريان انا مخطوفه في مكان غريب وفيه جثه ااااه دماغي وجعاني اوي تعالي انقذني بسرعه يا أريان
اريان بخوف :اهدي اهدي فين حازم وان فين اي اللي حصل
صوتت ناهد جامد ووقع منها التليفون لما لقيت ثعبان كبييير اوي جاي ناحيتها وفتح الشاب اللي كان لابس شال على وشه باب المخزن وجاء ناحيتها
الشاب بشر : في كاميرات هنا يا حلوه وعقابك بقا الثعبان ده خليه يعمل معاكي الواجب ده البوص موصيني اوي عليكي هههههه
بسيس دي حلقه النهارده هنزل حلقه كمان بليل لو لقيت تفاعل كبير ناقص حلقتين بس والروايه تخلص استنوني
يتبع
#الكاتبه #الصغيره
#ملكة #الغموض
#ملكة #التشويق
روايه عريس الغفله الحلقه التاسعه وقبل الاخيره بقلمي الاء فرج ❤️
صوتت ناهد جامد ووقع منها التليفون لما لقيت ثعبان كبييير اوي جاي ناحيتها وفتح الشاب اللي كان لابس شال على وشه باب المخزن وجاء ناحيتها
الشاب بشر : في كاميرات هنا يا حلوه وعقابك بقا الثعبان ده خليه يعمل معاكي الواجب ده البوص موصيني اوي عليكي هههههه
ناهد بشجاعه :أنا مش خايفه منك ولا من الثعبان ده انا كده كده كنت هموت يأما على ايد حازم يأما على ايدكم هي مش فارقه خلاص عايز تقتلني اقتلني
قامت ناهد من مكانها وقربت اوي من الثعبان وهي ماسكه دموعها بالعافيه
ناهد مرعوبه وهتموت من الخوف بس انتصار العدو مش لما يفوز عليك لأ انتصار العدو لما يشوف دموعك، اوعي تخلي عدوك يشوف دموعك او لحظه انسكارك انت أقوى مما تتخيل ♥️
بصلها الشاب بصدمه وجرى بسرعه اخذ الثعبان من على الأرض وحاطه في صندوق
الشاب بصدمه :انت اي ده ازاي مش خايفه كده على فكره انا كنت بخوفك بس انا مش هقتلك أساساً البوص عايزك سليمه بس انت شكلك قويه وهتتعبينا
جري عليها الشاب ومسك ايدها جامد عشان يحط فيها الكلبشات وربطها في العمود اللي وراها
ناهد بصريخ : ابعد عني يا حيوان ابعددددد
الشاب بغضب :بسسس بطل تتحركي اقعدي ثابته مش هتقدرى تفكي نفسك ده حديد سلام يا قطه واه صح تليفونك ده
مسك الشاب تليفون ناهد وكسره اكتر من مره في الحيطه ومسك الخط اللي في التليفون وكسره
ناهد بصريخ :يا حيووووووان يا زبااااله مش هسيبك إن شاء الله حازم هيجي وهيموتك
نزل الشاب بجسمه وقعد علي ركبته قدام ناهد وابتسم بأستفزاز وقال : انت حلوه اوي خساره فيكي الموت او حتى الضرب بعد ما البوص يقتل حازم واريان هاخدك انا ونسافر بلد تانيه ونتجوز قولتي اي يا عروسه
تفت ناهد عليه وقالت : انت لو اخر رجل في العالم مش هتجوزك اتفووو عليك شاب زباله وحقير ولا انت ولا عشره زيك ولا البوص بتاعك ده يقدر يجي جمب حبيبي حازم سااااامع
( يا جماعه حازم دلوقتي بقا حبيبها 😂😂)
ضربها الشاب بالقلم علي وشها جامد ومسك شعرها جامد وقال بغضب : انا هدفعك تمن كلامك ده غالي اوييي بصي
شال الشاب الشال من على وشه
كانت عينه زرقاء بس وشه كله متعور بالمطوه واخد اكتر من غرزه في وشه كان شكله حرفياً مرعب وشبه البلطجيه
الشاب بخبث :احفظي وشي ده كويس عشان هتشوفيه كتير الايام الجايه
خرج الشاب من المخزن وفضلت ناهد تعيط وتدعي ربنا ان اي حد ينقذها
بقلمي الاء فرج
عند أريان & رنا
كان أريان سامع كل حاجة بتحصل هناك عند ناهد لان ناهد نسيت وسابت التليفون مفتوح والمكالمه كانت شغاله واريان ورنا بيسمعوا اللي بيحصل
أريان بغضب : اه يا ابن *** ده البوص كده اللي خطفها بس مين الشاب ده وليه عايز يتجوزها وفين حازم اااااه دماغي وجعتني من التفكير
رنا بخوف :اهدي يا اييان *أريان إن شاء الله خيي *خير دلوقتي لازم نعيف *نعرف
مكانهم فين ونيوح *نروح
بسرعه ننقذ ناهد هي كده في خطي *خطر
أريان بقلق : إن شاء الله خير
بقلمي الاء فرج
عند ناهد
كانت قاعده ناهد على الأرض وبتحاول تفك نفسها بس الحديد مش راضي يتفك بطلت ناهد محاوله بس ايدها كلها كانت متعوره وبتنزل دم بسبب الحديد اللي ماسك في ايدها جامد
قعدت ناهد تعيط من وجع جسمها اللي مربوط بالحديد ومن وجع دماغها اللي اتخبطت فيها اكتر من مره
ومره واحده الباب اتفتح ودخل منه الشاب وهو شايل حازم اللي مغم عليه
رمي الشاب حازم على الأرض جامد وبدأ حازم يفتح عينه راح الشاب ربطه بسرعه بالحديد زي ناهد وخرج
ناهد ببكاء :حازم حازم انت سامعني يلاهوي عملوا فيك اي دول اااااه حازم انت سامعني
حازم بتعب :اي ده احنا فين واي اللي جابك هنا
ناهد ببكاء : حازم فوق كده انت اي اللي جابك هنا ارجوك يا حازم احنا في خطر دلوقتي فوق معايا كده
حازم بتعب :هههههه مش قادر هههههه هههههه
ناهد ببكاء :يا حازم مالك رد عليا في اي
اغم عليه حازم وناهد فضلت تعيط وتصوت
فلاش باك
بعد ما ناهد هربت دخل حازم الكوخ ملقاش ناهد قعد على الأرض وجاتله الحاله وفضل يعيط ويضحك في نفس الوقت راح اغم عليه
بعد ساعه
صحي حازم علي صوت شاب بيصحيه
قام حازم وقف وبص لقى قدامه شاب لابس شال وعينه زرقاء
الشاب بخبث : أنا كنت ماشي بالعربيه بتاعتي لقيت باب الكوخ مفتوح وانت واقع على الأرض دخلت اشوفك انت كويس
حازم بتعب :اه كويس بس
الشاب بخبث : انت شكلك تعبان ودايخ خد اشرب العصير ده هيفوقك خد
اخد حازم العصير لانه كان عطشان جدا ودايخ واول لما شربه وقع واغم عليه
كان الشاب ده هو هو اللي خطف ناهد
ابتسم الشاب بشر وشال حازم وشاله على المخزن اللي فيه ناهد
عوده من الفلاش باك
الشاب حط حبوب هلوسه في العصير عشان كده حازم عمال يضحك واتجنن اكتر
عند أريان & رنا
ترن ترن ترن ترن (تليفون اريان بيرن)
أريان :الو
=الو لو عايز تنقذ ناهد وحازم تعالي على المكان ده ***** سلام
رنا بقلق :"في اي يا اييان *اريان
أريان بصدمه :في حد اتصل عليا دلوقتي وبيقولي العنوان اللي فيه ناهد وحازم
رنا بخوف :يلاهوي ده أكيد فخ ما تيوحش* ما تروحش
أريان بغضب : لا طبعاً لازم اروح الشاب شكله بيقول المكان صح حتى لو فخ انا معايا السلاح وانا كمان عايز انقذ حازم
رنا بخوف :ما تيوحش *ما تروحش صدقني اكيد فخ اهدي ونفكي *نفكر نعمل اي
أريان بزعيق :انت مالك انت، انت مالكيش اي لازمه انت مجرد واحده هساعدها عمل خير يعني ما تددخليش في اي حاجة بنت مقرفه مش عايز اسمع صوتك ده صاحبي وممكن اضحي بيكي عادي قصاد حياه صاحبي اكيد انت متفقه معاهم
بصتله رنا بحزن ازاي يفكر فيها كده هي هي كانت بدأت تحبه!
جاءت رنا تفتح باب العربيه وتنزل لقيت الباب مقفول
أريان بغضب :مش هتنزلي اقعدي مكانك خلينا نروح ننقذ حازم وناهد واول لما الاقيهم هرميكي في الشارع انت ولا حاجة اقعدي ساكته بقا
بصتله رنا بحزن وفضلت تعيط في صمت وبصت من الشباك
( تصدق بالله يا أريان انت ما عندكش دم انت عايز واحده زي ناهد يا حيوان انت 😂🙂)
بعد ساعه
نامت ناهد من كتر التعب بعد محاولات كتير من فتح الحديد وايدها كلها اتشوهت وبتنزل دم
وحازم مغم عليه ولا حاسس بحاجة في دنيا تانيه
دخل الشاب المخزن وهو بيبتسم بخبث وراح ناحيه ناهد
مسك شعرها الطويل وقصه بطريقه همجيه لدرجه ان شعرها نزل دم
فاقت ناهد بتعب وبصت لقيت الشاب جمبها وماسك شعرها كله في ايده والأيد التانيه ماسك فيها مقص
ناهد بصريخ :عاااااااااااااا حرام عليك حرام عليك منك لله ليه كده شعري ااااه
قصلها الشاب شعرها كله وما كانش فيه الا كام شعره بس
الشاب بخبث :دي حاجة بسيطه كده لسه اللي جاي عذاب هههههه ايوه صح زمان أريان في الطريق اهبل صدق الفخ واول لما يجي ساعتها البوص هيجي وهيخلص عليهم واخدك انا ونسافر سلام يا عروستي
ناهد ببكاء :منك لله بكرهك بكرهك اااااااه يارب انقذني يارب
ومره واحده سمعت ناهد صوت ضرب نار جامد ودخل البوص المخزن هو ورجالته والشاب ماسك في ايده أريان اللي حاول يفرك اكتر من مره
رمي الشاب أريان جمب حازم اللي لسه مغم علبه وناهد اللي عماله تصرخ
مسك البوص المسدس وابتسم بشر : لازم حازم يحضر اللحظه السعيده دي
راح البوص ناحيه حازم وصحاه
فتح حازم عينه لقى ناهد عماله تصرخ واريان بيبصله بحزن والبوص واقف قدامه ومعاه رجاله كتييير
حازم بصدمه :في اي اللي بيحصل انا مش فاكر اللي حصل دماغي وجعاني اوي
مسك البوص المسدس وضرب نار ناحيه..........
بصت ناهد على اللي اضرب بالنار بصدمه وفضلت تصوت جامد
بسسس دي حلقه النهارده والله بقالي ساعتين بكتب فيها 😂 اتمنى تعجبكم هستني رايكم في الكومنتات
واستنوني في الحلقه الاخيره بحبكم كتير ♥️♥️
#الكاتبه #الصغيره
#ملكة #الغموض
#ملكة #التشويق
روايه عريس الغفله الحلقه العاشره والاخيره 💃
مسك البوص المسدس وضرب نار ناحيه..........
بصت ناهد على اللي اضرب بالنار بصدمه وفضلت تصوت جامد
كان أريان مرمي في الأرض وسايح في دمه
(محدش يتوقعني صح 😂)
فاق حازم وبص علي أريان بصدمه وبص للبوص بشر
البوص بخبث :تؤتؤ ما تبصليش كده انا كده ازعل
ضرب البوص نار بالمسدس بتاعه في كتف حازم
ناهد بصريخ : يلهويييي يلهويييي عاااااااااااااا الحقونا سيبهم بالله انقذهم هما الاتنين وخدوني انا
(ملحوظه بس انا قولت هنا بالله مش ونبي عشان لا يجوز الحلفان بغير الله انا دايما كنت بقول كلمه ونبي بس عرفت انها حرام وحبيت اقولكم ♥️)
حازم بوجع :انت عايز اي ليه بتعمل كده
البوص بغل : مزاجي كده انا عايز اشوفك انت وصاحبك وانتوا بتتعذبوا بس عشان فكرتوا تلبعوا معايا واللعب مع الأسد بموته وانتوا بقا هتموتوا اما بقا العسل ناهد هتصرف فيها هههههه
مره واحده النور قطع ودخل ناس بس مش باينين وبيضربوا نار
البوص بزعيق :شوفوا اي اللي حصل يا بهاااااايم
حست ناهد ان فيه حد بيسحبها من ايدها والحديد اتفك من علي ايدها
في نفس الوقت حد شال أريان اللي اغم عليه وحازم اللي صاحي بس كتفه متصاب
بعد دقايق
خرجوا من الباب الخلفي لقوا عربيات بوليس كتييير وعربيه إسعاف ومعاهم رنا
رنا بأبتسامه : حاولت اعمل حاجة صح
فلاش باك
في عربيه أريان
وقف أريان قصاد المخزن ونزل من العربيه تحت اعتراض رنا
اول لما نزل أريان من العربيه ودخل المخزن راح الشاب اللي واقف على المخزن حط المسدس على دماغه ودخله بالغصب
شافت رنا اللي حصل ونزلت في العربيه من تحت واتصلت بسرعه بالبوليس وفضلت مستخبيه تحت في العربيه عشان ما حدش يشوفها
عوده من الفلاش باك
حازم بتعب :انت مين
رنا :مش مهم المهم دلوقتي يلا بسيعه *بسرعه نيوح*نروح المستشفى عشان كتفك وعشان أييان*اريان
ركبت رنا مع أريان في عربيه الإسعاف
وناهد وحازم في عربيه إسعاف تانيه
والبوص والشاب اللي معاه اللي هو ابنه وكل رجالته راحوا في البوكس بعد ما رنا سلمت ليهم كل المعلومات اللي توديهم الي حبل المشنقه
تسريع للأحداث
بعد ٥ أيام
قدروا ينقذوا أريان بس رنا اتبرعت ليه بدم كتير بدل اللي فقده، وبدأ أريان يحب في رنا
وناهد فضلت مع حازم الايام اللي كان فيها في المستشفى
ام ناهد عملت عمليه القلب ونجحت بس ما تعرفش اي حاجة عن بنتها ولا ناهد تعرف حاجة عن امها
خرج حازم واريان من المستشفى ومعاهم ناهد ورنا وركبوا الطياره عشان يرجعوا مصر
في الطياره
كانت قاعده ناهد جمب حازم
ووراهم رنا واريان
حازم بأحراج :احم ناهد انا قررت اتعالج
ناهد بسعاده :بجد حقيقي مبسوطه اوي على فكره مش عيب انك تتعالج العيب انك تتكسف من مرضك إن شاء الله هتخف وهترجع زي زمان اه صح هو اي سبب ان بقا عندك انفصام في الشخصيه
حازم :بصي هو الانفصام في الشخصيه مالهاش سبب معين او سبب محدد بس انا كنت سليم بس من سنه لما كان عندي ٣٤ سنه كان عليا ضغط كبير في الشغل وكمان السنه اللي بابا وماما اتوفوا فيها واريان كمان في السنه دي بعدنا عن بعض واتخانقنا خناقه كبيره
بسبب كل الصدمات دي عقلي خلق ليا شحصيه تانيه واللي هي عصبيه جدا وممكن توصل ان اقتل حد وبس يا بنتي هي دي الحكايه بس بعدين انا واريان اتصالحنا وعرف بعدها ان انا عندي انفصام في الشخصيه وفضل يقول انا السبب ولحد دلوقتي مقتنع انه السبب في مرضى
بس ده قدر ربنا وإن شاء الله خير وهتعالج وما حدش عرف من مركز الشرطه لان أنا كنت الفتره البي فاتت بسافر من بلد لبلد وبطلع مهمات بس هي دي الحكايه
مسكت ناهد ايده وابتسمت وقالت : أنا جمبك ومش هسيبك
حازم بسعاده : ولا انا هسيبك برودا هفضل معاكي العمر كله
ابتسمت ناهد وحطت رأسها علي كتفه ونامت
* كيف لي انا اكرهك وقلبي لايعرف الرجال الا انت ♥️*
عند أريان & رنا
أريان بأحراج :أنا آسف يا رنا انا ما كانش قصدي اجرحك بس انت ما تعرفيش مكانه حازم عندي قد اي
رنا بتمثيل :لأ انا زعلانه ما تكلمنيش تاني
أريان بضحك : طيب اوعي كده من جنبي اتفلقي
رنا بضحك :انت لما صدقت خلاص مسمحاك و
اريان بغمزه :تتجوزيني
بصتله رنا بصدمه هي بتحبه بس ما كانتش تعرف انه بيحبها
رجعت رنا على أريان من الصدمه
أريان بزعيق : يا معفننننه اي رده الفعل الغريبه دي بقولك عايز اتجوزك طب لو قولت بحبك هتعملي اي الله يقرفك يا بعيده
رنا بصدمه :انت بتحبني وعايز تتجوزني
أريان بغضب : مش عايز خلاص رجعت في قراراي
كل ركاب الطياره فضلوا يضحكوا عليهم وحازم وناهد ميتين من الضحك وقام أريان بغضب من على الكرسي ودخل الحمام
بعد ساعات وصلت الطياره معلنه وصولها الي ارض مصر
نزلوا من الطياره وركبوا العربيه وراحوا علطول على شقه ام ناهد
اول لما وصلوا هنام لقوا ام ناهد قاعده على السرير ومعاها اخوها
اول لما دخلت ناهد الشقه اترمت في حضن امها وفضلت تعيط وكان حازم فرحان علي فرحتها
وأم ناهد أصرت انهم يعيشوا معاها في الشقه لحد ما حازم يتعالج ويرجع شقته هو وناهد ولحد ما أريان ورنا يتجوزوا
عدت الايام وبدأ حازم يتعالج الأمر كان صعب في الأول بس بعدين بدأ يتحسن وبدأ يخف تدريجياً واريان ورنا اللي دايماً بيتخاتقوا ويتصالحوا في نفس الثانيه وخال ناهد لقى شريكه حياته واتجوز وما اهتمش لسنه بالرغم من انه ٤٠ سنه بس ما اهتمش لكلام الناس
*اصل اللي عايز يتجوز يتجوز واللي مش عايز ما يتجوزش ما فيش حاجة اسمها انت كبيره على الجواز ربنا كاتب لينا كل واحد نصيبه اصبروا اكتر تلاقوا الأحسن ♥️*
بعد ٦ شهور
اتعالج حازم تماماً وبقا طبيعي والبوص وابنه اتحكم عليهم بالإعدام ورنا واريان جهزوا لفرحهم ومرات خال ناهد بقيت حامل وناهد كمان بقيت حامل بس قالت هتعملها مفأجأه لحازم يوم خروجه من المستشفى هو هو يوم زواج رنا واريان
يوم فرح أريان ورنا
وقفت ناهد قدام المرايه وهي بتبتسم بسعاده مين كان يصدق ناهد اللي بترفض في العرسان اتجوزت وربنا شال الخوف من قلبها من ناحيه الجواز وبقيت حامل وهتكون عائله
لفت ناهد الطرحه اتحجبت ناهد بعد ما رجعوا من تركيا وقررت تنتظم في صلاتها وتقرب من ربنا اكتر
اقترب من ربنا يقترب منك كل شئ جميل *
خرجت ناهد وماسكه في ايدها رنا اللي كانت لابسه فستان ابيض وحاطه مكياج بسيط ولابسه الطرحه وعليه التاج كانت شبه الأميرات
خرجت ناهد وفي ايدها رنا وبعدين مسكها خال ناهد عشان يسلمها لعريسها كأنه ابوها
في الفرح
بنت الجيران شغلالي انا عنيا 🎶
وانا في المكان في خلق حواليا🎶
مش عايز حد ياخد باله من اللي انا فيه🎶
شوفت القمر سهرني لياليه🎶
وهموت عليكي رب العليم بيا🎶
سيبي شباكك مفتوح ليه ليه تقفلي🎶
بهوااااااايا انت قاعده معايا عنيكي ليا مرايه يا جمال مرايه العين🎶
كان الفرح مليان بهجه وسعاده والكل بيرقص وفرحان من قلبه والكل بيدعيلهم بالخير ورنا واريان كانوا في قمه الجنان وكانوا فرحانين اوي وناهد كانت بترقص بسيط لأنها حامل
وبعدين جاء رقصه سلو
انت يا اللي خدت قلبي من الزمان ومن اللي فيه🎶
اخذت قلبي لدنيا تانيه احلى من اللي حلمت بيه🎶
احلم عمر انا عيشته جمبك🎶
اتكلمت ناهد في ودن حازم وقالت :حازم انا حامل
بصلها حازم بصدمه وبعدين ابتسم بسعاده وشالها وفضل يلف بيها
حازم بصريخ :ناااااااهد حاااااامل هبقي اب هبقي اب هييييييييييصه هييييييصه
خلص الفرح وكان فرح بسيط بس كان مليان حب وسعاده
قفلت ناهد تفتر المذكرات بتاعتها وبصت لقيت بنتها بتنادي عليها
لارا :ماما انا رايحه الكليه عايزه حاجة
ناهد بأبتسامه :عايزه سلامتك في رعايه الله يا حبيبتي ربنا معاكي متتأخريش
لارا :سلاام يا ماما، سلام يا بابا
سلمت لارا عليهم ودخل حازم الاوضه ونص شعره ابيض
ناهد بأبتسامه :ياااااه يا حازم عارف كنت بقرأ المذكرات بتاعتي دلوقتي وافتكرت فرح أريان ورنا اللي من ٢١ سنه العمر بيجري اوي
حازم بحنان :المهم انك معايا انت ولارا وكارما ومصطفى وعلى ربنا يخليهم دول نعمه من ربنا وأنت جنه ليا على الأرض انا بحبك اوي يا ناهد انت مثال للست الاصيله اللي بتستحمل زوجها
ناهد بأبتسامه :ربنا يخليكوا ليا
اما عنه فكأنه نصفي ومنصفي وحظي في الحياه وليتي يكن خليلي في الجنه
اوعي تيأس من حياتك كلنا حلوين وقلوبنا جميله بس الحياه هي اللي بتغيرنا اوعي تسيب نفسك للدنيا ومشاكلها اتحمل شويه واصبر وعلى قد الصبر يأتي الجبر وخلف الصبر اشياء جميله تنتظر
استنى اللحظه اللي هتبص فيها للسماء وتقول معقول يارب انا فعلآ فرحان كده!
تمت
اتمنى الروايه تعجبكم الحلقه دي أطول حلقه في الروايه واقربهم لقلبي لأنها خلصت على نهايه سعيده اتمنى انها تكون عجبتكم واستفادوا منها
هستني بنت بنت رأيها في الكومنتات ياريت ما حدش يطنش الروايه خلصت اهي وعايزه رايكم
بحبكم كتيرر
واستنوني في روايه جديده ♥️
تعليقات
إرسال تعليق