البارت ال 13 و 14
جنى نزلت المطبخ تجيب مايه ف نفس الوقت خرج معتز من المكتب وكان ماشى طالع السلم لاقى حد خارج من المطبخ رجع تانى وركز فالوش كويس
معتز بصدمه:مش معقول ضحى
المايه وقعت من جنى ووقفت مكانها مش بتنطق
ومعتز بيقرب اكتر منها وبعد دقائق وصل مكانها واتصدم
معتز:مايا بتعملى اى
مايا وهى ماسكه ازازة ميه: كنت بجيب مايه وطالعه تانى
معتز: اه طب يلا اطلعى ولا هتباتى هنا
مايا:هطلع بس انت قولت ضحى مين هى
معتز بعصبية: ملكيش دعوه يلا امشى
ومشيو طلعو جناحهم ونامو
وجنى دخلت اوضتها بتتنفس بسرعه
ارسلان: مالك فى اى
جنى:شافنى
ارسلان بصدمه:وعملتى اى
جنى: لاقيت مايا كنت جايه فالمكان اللى انا فيه روحت انا وقفت ورا السور وهى كانت طالعه من المطبخ مش عارفه ازاى انا مشوفتهاش هناك
ارسلان بيقرب ياخدها ف حضنه:طب خلاص اهدى عدت على خير
جنى وهى ف حضنه:كنت هموت من الخو
واخدت بالها من وضعهم قامت زقته جامد
جنى:انت اتهبلت ازاى تعمل كدا
ارسلان برفع حاجب:عملت اى مش انتى مراتى
جنى:دانت بتحلم بقا فوق دا مش اتفقنا واحترم نفسك
ارسلان:ايوا دا مش اتفقنا عارف بس انا مغلطتش انتى مراتى صح ولا لا
جنى بتوتر:اي ايوا بس احترم نفسك وخلاص وممنوع تعمل كدا تانى احسن والله انام ف اوضه تانيه
ارسلان وهو بيكتم الضحك:ماشى تصبحى على خير
وسابها ونام وهى لما اتأكدت انه نام راحت نامت جنبه عالسرير وحطت مخدات بينهم
واشرقت شمس القاهره بنورها الساطع
ونزلت ايام من اوضتها ومكنش فيه حد لسه صاحى غير الخدم وطبعاً نجيه
ايام دخلت المطبخ ونجيه كانت موجودة راحت وقفت جنبها
ايام:ليه بتعملى كدا
نجيه باستغراب:بعمل اى
ايام:العصير بتاع رعد اظن كدا فهمتى
نجيه بتوتر وعدم فهم:ماله العصير
ايام:امممم شكلك بتحبى اللف والدوران تمام معنديش مانع بس مش هنا لا ف قسم البوليس اى رأيك
نجيه بصدمه:هاااا قصدك اى مش فاهمه
ايام:انا كشفتك بطلى تحطى مخدر فالعصير فااااااهمه وانا اللى هعالج رعد بنفسى واياك اشوفك جنبه ولا بتعملى له حاجه
نجيه: مخدر اى وبتاع اى اللى بتقوليه دا
ايام:انتى عارفه ومتأكده من كلامى انه صح وعشان كدا بحذرك بلاش الشغل دا معايا تمام
وسبتها وطلعت وسط ذهول نجيه وصدمتها
نجيه:ازاى عرفت انا كدا مش هعرف اخد حق ابنى
اجتمعت العائله على الفطار وجلست ايام جنب رعد ومعاذ جنبها وارسلان قصادها ومعتز يترأس السفره وعلى يمينه سليم ومروه وولادهم وعلى شماله مايا وولاده وجنبهم ايام ومعاذ وشهد
شهد:امال مراتك فين يا ارسلان محدش شافها
ارسلان:نايمه ياعمتو
مروه:هى علطول نايمه كدا انا مش عارفه اشوفها
ارسلان: معلش اصلها تعبانه جدا ومش بتنام طول الليل ف عشان كدا نايمه
شاهى:وتعبانه عندها اى
ارسلان ببرود:قولتلك للمره المليون ملكيش دعوه بينا
حبيبه:هدى اعضائك يا ابيه بس بجد عايزه اشوفها طيب هى اسمها اى
ارسلان:جنى
معاذ:الله اسم جميل اكيد صحبته جميله زيه
ارسلان:احترم نفسك دى مراتى
معاذ ضحك وسليم لاحظ ان سيف قاعد ساكت ومش بيرفع رأسه من على طبقه
سليم:سيف
سيف وهو منزل رأسه:نعم يابابا
سليم:مش بتتكلم معانا ليه
سيف: مليش مزاج عادى
سليم:طب انت باصص فالأرض ليه ارفع رأسك
سيف: عشان انا باكل هتأخر عالمدرسه كدا
سليم قام وقف وراح عنده و
سليم:قولت ورينى وشك
ورفع وش سليم ولاقيه مضروب جنب عينه
سليم:مين عمل كدا انطق
مروه قامت حضنه:قول ياحبيبى خنقت مع مين
سليم: ماترد حصل اى
حبيبه انا هقولك يابابى
ارسلان:ومقولتيش ليه من الصبح
حبيبه:شوفو كان فى واحد معانا فالمدرسه اسمه فارس ودا عايزينى ابقا صحبته ونرتبط وكدا يعني وانا قولتلك روح ذاكر واشرب اللبن احسنلك هو اتعصب ومسكنى من شعرى وجه سيف ضربه عشان يسيب شعرى وكان هيضربنى بس سيف مسك دراعه وجابه ورا ظهره وبعدها فارس دا قاله سيب ايدى واحنا نتكلم وسيف سابه وفارس بغدر ضرب سيف وقعه وبعدها الاتنين ضربو بعض وراحو للمدير بعدين بقا مش عارفه حصل اى بس فى حاجه يابابى الضربه اللى جنب عينه دى لما راح للمدير مكنتش موجوده ولما خرج كانت موجودة
سليم بغضب مكتوم:كمل ياسيف حصل اى عند المدير
سيف ساكت
ارسلان:ماتتكلم ياض حصل اى
سيف بصله بطرف عينه وسكت
مروه بدموع قربت منه:قول ياحبيبى حصل اى عند المدير
سيف بحزن:دخلنا ياماما عند المدير وحكيتله اللى حصل وانه كان هيضرب اختى وانا بس ضربته على خفيف عشان يسكت قام المدير زعقلى وقالى فاكر نفسك بلطجى هنا هو مفيش قوانين وخلى فارس دا يضربنى زى ماضربته بره وفارس ضربنى بوكس جنب عينى قدام المدير
سليم بغضب مسك ايد سيف وخرج و
سليم:حبيبه يلا بسرعه هاتى شنطتك وتعالى ورايا
حبيبه اخدت الشنطه وطلعت تجرى وراهم وركبت معاهم ومشيو راحو المدرسه
وعالسفره
ارسلان:ازاى مدير يعمل كدا هو مش فاهم شغله ولا اى
معتز:اهدى ابوك هيتصرف
ارسلان كمل اكله ومشى ومروه قاعده حزينه على ابنها اللى اتهان من طالب زيه وقدام المدير وقاعده ساكته
مايا: متقلقيش يامروه سليم هيتصرف ويعلم المدير دا الادب
مروه: ازاى يعمل كدا بين الطلاب
مايا: خلاص بقا ياحبيبتى كملى كلك يلا
مروه بصتلها بابتسامه
مايا:وانتى ياشاهى مش عندك مدرسه
شاهى:هااا اه عندى بس معلش ياماما تعبانه النهارده ومش هروح
مايا:تعبانه مالك الف سلامه عليك
شاهى:الله يسلمك ياماما هطلع اوضتى شوى
مايا:طيب
وهى طلعت اوضتها
ومعاذ قام وقف
معاذ:همشى انا بقا ياماما خلى بالك من نفسك
شهد:هتمشى من دلوقتى لسه بدرى
معاذ: معلش النهارده اول يوم وكمان مش فاهم حاجه فالجامعه دى يمكن الاقى حد يساعدنى
شهد:ماشى ياحبيبى ربنا معاك
مروه: ربنا يوفقك ياميزو
معاذ:يارب ياطنط عن اذنكم
معتز وقف:استنى اوصلك معايا
معاذ: شكراً
وسابهم ومشى
مايا:كمل اكلك احسن عشان لسه بدرى
معتز قعد ومردش عليها
ايام:فى شغل النهارده فالشركه مستر معتز
معتز: ياحبيبتى انتى من يوم ماجيتى هنا وانتى مش بتروحى الشركه إحنا بنشتغل فالمكتب هنا
مايا سمعت حبيبتى وخبطت معتز ف رجله من تحت السفره معتز بصلها بغضب
ايام:تمام ماشى
مايا:ابوكى عامل اى يا يومه
ايام:كويس يامدام الحمدلله
مايا: يارب دايما
ايام:تسلمى
وايام بصت لرعد لاقتها حاطة ايده على راسه بالم ومش قادر ياكل
ايام وقفت ومسكته من دراعه:تعالى نقعد مع بعض شوى يارعوده
رعد ابتسم:رعوده امممم طيب يلا
وهما ماشيين
ايام نادت بصوت عالى:داده نجيه هاتيلى اتنين عصير فالجنينه
رعد:بالبرتقان
ايام بابتسامة:بالبرتقان ياداده
وخرجو الاتنين
وبعدها خرج معتز للشركه
وتبقى مايا وشهد ومروه مع بعض
وصل سليم المدرسه واخد سيف وحبيه ودخلو مكتب المدير
سليم بغضب:انت ازاى تسمح لنفسك انك تخلى طالب هنا يمد ايده على ولاد سليم الدمنهوري ازاااااى
المدير بخوف وتوتر:اهدى بس ياباشا اكيد فى سوء تفاهم اهدى
سليم:سوء تفاهم دا عندك انت مش عندى انا
المدير:طب خلاص هسمع من سيف وحبيبه دلوقتى
وبص لسيف وحبيبه:قولولى حصل اى ياولاد فالملعب
حبيبه حكت كل حاجه
مدير:انا بعتذر ياسليم بيه انا اللى مسمعتش من الاتنين
سليم:اعتذارك لسيف بيه مش ليا فااااهم
المدير بص لسيف:انا بعتذر ياسيف
سليم:مش كدا الاعتذار ابعت هات الواد اللى ضرب ابنى وانت وهو تعتذرو يلااااا
المدير:حاضر
وطلب بحضور فارس وبعد وقت دخل فارس والخوف هياكله
المدير:اعتذر يافارس لسيف
فارس:انا معمتلش حاجه عشان اعتذر
المدير:لا عملت لما مديت ايدك على حبيبه اعتذر يلا من الاتنين
فارس بصلهم بخوف:انا اسف ياسيف اسف ياحبيبه
سليم:واياك تقرب من حبيبه تانى فاهم ياض
فارس:فاهم
سليم بص للمدير:اعتذر انت كمان
المدير باحراج:اسف ياسيف اسف ياحبيبه
سليم:ابقا خلى بالك من شغلك كويس وابقا اسمع من الطرفين ياسيادة المدير
وخرج ومعاه سيف وحبيبه
سيف: شكراً يابابا
سليم:متقولش كدا ولو عايزهم يعتذرولك قدام المدرسة كلها معنديش مانع
سيف:لا خلاص كفايه كدا
سليم:طب يلا روحو على الكلاس بتاعكم
سيف مسك ايد حبيبه:حاضر يابابا ربنا يخليك لينا
وباسو سليم ومشيو وسليم خرج من المدرسه وراح الشركه
اما فالجنينه قاعد رعد وايام
ايام:ماتحكيلى عنك يارعد
رعد وهو بيدلك راسه من الالم:طب ماتخليها بعد العصير عشان بجد مصدع جامد
ايام:ماشى
وفالمطبخ جهزت نجيه العصير ووقفت ف زاويه من زوايا المطبخ وحطت المخدر ف كوباية رعد من غير ماحد يحس
نجيه:نهى خدى طلعى العصير دا لايام ورعد بيه فالجنينه
نهى:حاضر
نجيه وهى بتشاور على كوباية معينه:الكوبايه دى تبع رعد بيه اوعى تتلخبطى
نهى وهى بتاخد العصير:حاضر
وخرجت راحت الجنيه و
نهى:العصير
ايام: ماشى روحى
نهى وهى بتشاور على الكوباية تبع رعد:الكوبايه دى ليك يا رعد بيه
رعد لسه هيمد ايده ياخد العصير و
ايا بغضب وصوت عالى:قولتلك روحى شوفى شغلك
نهى بخوف:حا حاضر
ومشيت وايام مش عارفه تاخد الكوبايه من رعد سابته يشرب شوى وبعدين قامت تقعد جنبه وخبطت ايده اللى فيها العصير وباقى العصير وقع فالارض
رعد بغضب مكتوم: ليه كدا بس يا ايام انتى متعرفيش العصير دا بيشيل الصداع من عندى ازاى
ايام:سورى والله مخدتش بالى
رعد:ولا يهمك بس الصداع بيختفى لما اشرب العصير دا مش عارفه فى اى
ايام: فعلاً يلا بقا احكيلى عنك وكدا قولتلى بعد ماتشرب العصير وانت شربت اهو
رعد بابتسامة:شوفى ياستى انا دلوقتي ف تالته ثانوى بس مش هنا ف مصر لا ف انجلتر ونزلت دلوقتى عشان فى اجازه هناك ومحبتش افضل لوحدى ونزلت
ايام:طيب وليه ماخدتش ثانوى من هنا وكنت سافرت هناك كملت جامعه
رعد: بصراحه محبتش كدا الثانويه هنا ف مصر عامله رعب للكل اما هناك الثانويه دى زيها زى اى مرحله عادى مش بيهتمو بالمجموع قد مابيهتمو بقدرات وذكاء الشخص فهمتى اما هنا المجموع هو اللى بيحدد كليتك حتى لو مش ف مستواك
ايام: فعلاً عندك حق بس مش سنك صغير انك تسافر فالوقت دا
رعد: عايزه الصراحه على قد ماكنت زعلان انى هفضل لوحدى وسط بلد معرفش فيها حد على قد ماكنت فرحان انى هسيب الفيلا دى
ايام:ليه بقا
رعد:هنا دايما ماما وبابا بيخانقو محدش مهتم بينا ولا اى حاجه من دى بابا كل اللى ف دماغك الفلوس وبس وانه يخلى امى محبوسه هنا وماما كل اللى ف دماغك ازاى تخرج من هنا وتغير بابا على مزاجه وعشان كدا دايما بيخانقو حتى شاهى اللى اصغر منى بسنه مكنوش بيهتمو بيها ولحد دلوقتى على عكس بقا انكل سليم وطنط مروه بس ياست وعشان كدا هقولتلهم هسافر اخد ثانوى وكليه ف انجلتر احسن وفعلا وافقو وسافرت من يومها مجتش غير من شهرين قدامك اهو
ايام:اممممم طيب و اللابتوب اللى دايما قاعد عليه دا ماله بقا هو كمان
وغمزتله
رعد بابتسامة: والله لما روحت انجلتر اتعرفت بنت ف سنى كدا اسمه جولى ويعنى صديقتى جامد ومع بعض ف كل حاجه عشان كدا دايما بكلمها على اللاب
ايام:اممممم مفيش حاجه تانى
رعد:لا مش دلوقتي احنا لسه صغيرين هههههههههه
ايام:عندك حق شد حيلك بقا
رعد: على الله وانتى احكيلى عنك بقا
ايام:شوف ياسيدى انا بقا ا
قطعت كلامها فجاه
ايام:بص ماما وبابا منفصلين ولما انفصلو ماما اكتشفت انها حامل فيا وكدا وطبعا كان فى حد متقدملها واتجوز اللى هو دلوقتى بابايا انا وهو كان عنده ولد مامته ماتت اسمه احمد هو اكبر منى بسنه وهو جوز ماما دا هو اللى ربانى وسمانى على اسمه وهو بصراحه السبب انى اوصل لكدا بس كدا
رعد:طب وابوك الحقيقى متعرفهوش
ايام:هااا لا اعرفه بس مبحبوش ولا ليا دعوه بيه
رعد:بس كدا دى حياتك
ايام بمرح: ايام ياعم مش زيك انت
وغمزتله وضحكو الاتنين
وعدى اليوم على كدا من غير اى احداث جديده
وسليم ومعتز رجعو والكل على السفره للعشا ماعدا شاهى اللى واقفه بترقبهم من فوق
شاهى:حلو كدا كلهم مشغولين فالعشا لما اروح اشوف ست الحسن والجمال اللى مش عايزه تطلع من اوضتها دى
وفعلا مشيت على اوضة ارسلان وفتحت الباب وفتحت النور واتصدمت و....
ونكمل بكره
اتوقعو اللى جاى وانتظرونى
واسفه عالتأخير بجد نفسيتى تعبانه جدا ومخنوقه ارجوكم ادعولى ارجع زى ماكنت رجاء 😓💔
االانتقام من الاب
البارت ال 14
شاهى سابت الكل على العشا وراحت اوضة ارسلان ودخلت وفتحت النور
شاهى بخفوت:اما نشوف ست الحسن والجمال دى
ودورت بعيونها فالاوضه بس ملقتش جنى بدات ترفع الغطا من عالسرير تشوفها بس ملقتهاش
شاهى:امال فين دى
فالوقت دا خرجت جنى من الحمام وهى عليها المنشفه واول ماشافت شاهى
جنى بصوت عالى:عاااااا ارسلاااااااان الحقنى ارسلاااااااان
شاهى بخوف:اهدى انا مش هعملك حاجه اهدى انا هخرج دلوقتى
جنى بصراخ: ارسلاااااااان الحقنى
سمع ارسلان صوتها قام يجرى وكل اللى عالسفره قامو وطلعوا فوق
ارسلان دخل لاقى جنى قدام الحمام وعليها المنشفه ولاحظ ان باب الاوضه مفتوح وشاهى واقفه عند السرير
ارسلان بعصبيه: اطلعى بره ياشاهى
شاهى اتحركت من مكانها
وارسلان لاحظ ان باقى العيله هتدخل الاوضه
ارسلان بصوت عالى: محدش يدخل لو سمحتو محدش يدخل واقفلو الباب مراتى من غير هدوم
(😂😂😂 معلش انا تافه شوى وضحكت هنا 😂😂)
الكل رجع وشاهى خرجت ومروه قفلت الباب
ارسلان راح عند الدولاب وطلع هدوم وادهلها
ارسلان:بعد كدا متخرجيش من الحمام من غير ماتكونى بكامل هدومك فاهمه
جنى:وانا اعرف منين ان هى هتدخل او فى حد فالاوضه
ارسلان:لا والله دا مش مبرر للى كان هيحصل لو حد دخل وشافك كدا وكلامى يتسمع
جنى:ماشى ومتخليش حد يجى اوضتى تانى بعد اذنك عشان اتخضيت منها وصرخت
ارسلان وهو خارج:ماشى والبسى هدومك والعشا هيطلعلك
وخرج نزل تحت و
ارسلان:شاهى مين سمحلك تدخلى اوضتى
شاهى بخوف:ا ان انت قولت انها ت تعبانه وانا ر رح رحت اطمن ع عليها واشوفها
ارسلان:انا مش قولتلك ملكيش دعوه بينا خالص
شاهى بدموع:انا اسفه
معتز: خلاص يا ارسلان هى كان قصدها خير مش حاجه تانيه
ارسلان بعصبيه:خير ازاى وهى دخلت من غير حتى ماتخبط على الباب وجنى كانت فالحمام بتاخد شاور المفروض كانت قالتلى انا
مايا بعصبيه على بنتها:وفيها اى انها فالحمام ماهم بنات زى بعض متعصب ليه وهى اعتذرت يبقا خلاص
ارسلان بصلهم كلهم بغضب وطلع اوضة
وشاهى طلعت تجرى وهى بتعيط ومايا راحت وراها ومعتز وسليم دخلو المكتب
ورعد كان طالع اوضته وقفه صوت ايام
ايام:رعد عايزاك ثوانى فالجنينه ممكن
رعد بابتسامة: ممكن يلا بينا
وخرجو الاتنين
وشهد ومروه وسيف وحبيبه ومعاذ قعدو يشاهدو التلفاز و
معاذ:بعد اذنك ياماما هطلع اوضتى عشان النهارده اليوم كان طويل وتعبان
شهد بحنان:الف سلامه عليك ياحبيبى اطلع خد شاور كدا وبعدين نام وانا هبعتلك عصير فريش مع نجيه
معاذ:حاضر عن اذنكم
وطلع وسابهم قدام التلفاز
وفالجنينه قعد رعد وايام
ايام:بص ياسيدى انا هروح بورسعيد بكره اى رأيك تيجى معايا تغير جو وكدا
رعد:وهتعملى اى هناك
ايام:فى اى يارعد مش قولتلك ان انا من هناك وبابا هناك وماما الله يرحمها عاشت هناك بقية عمرها
رعد:اها افتكرت بس مش يعتبر ابوكى
ايام:لا ابويا هو اللى ربانى وصرف عليا وقعدنى ف بيته ومخلنيش محتاجه حاجه وكان بيعاملنى احسن من ابنه كمان
رعد:بدام كدا ماشى بس هتروحى تعملى اى
ايام:عادى وحشونى والناس هناك وحشتنى هروح اسبوع كدا ولا حاجه وتعالى معايا انت من ساعة ماجيت من انجلترا وانت مش بتخرج صح
رعد بتفكير:صح بس هروح معاكى بصفتى اى
ايام:اخويا طبعاً
رعد:نعم ازاى
ايام لاحظت كلامها:اقصد يعني زى اخويا وصديقى مش إحنا بقينا اصدقاء
رعد:اه خلاص ماشى هجهز شنطتى وهنسافر امتى
ايام:بكره الصبح بعد الفطار كدا ونقول لمستر معتز
رعد وهو يقوم من مكانه:تمام ماشى يلا بقا تصبحى على خير
ايام:تصبح على سعاده
رعد طلع اوضته و
ايام:ان شاء الله هترجع شخص تانى من بورسعيد يارعد دا وعد وأما اشوف نجيه دى بتعمل معاك كدا ليه لان من كلامك انت مأذتهاش ف حاجه
وبعدها قامت دخلت الفيلا
ايام:تصبحو على خير يا جماعه
شهد ومروه وحبيبه وسيف مع بعض:وانتى من اهله
حبيبه:استنى خدينى معاكى الفيلم دا ممل زى صاحبه
سيف بغيظ ويرميها بالمخده: دانتى اللى بيئه اوى غورى
حبيبه رمت المخده عليه تانى و طلعتله لسانها وطلعت تجرى وايام مشيت وراها
وبعد وقت
مروه:ماكفايه كدا ياسيف وقوم عشان مدرستك
سيف:بس شوى ياماما هشوف بيقتل اخوه ازاى وهقوم
مروه:سيف قولتلك كفايه كدا ويلا قوم
سيف:ياماما عشان خاطرى اصبرى شوى
مروه: الفيلم دا اصلا مش حلو قوم بقا
سيف وكل تركيزه عالتلفاز:ثوانى بس
مروه بصتله بغيظ وشهد ضحكت
وبعد وقت خرج معتز وسليم من المكتب
معتز:كدا كله تمام مش باقى غير اجتماع بكره
سليم:ايوا تصبح على خير بقا
معتز:وانت من اهله
مروه شافت سليم:سليم تعالى عايزاك
سليم قرب منهم:خير ياحبيبتى فى حاجه
مروه:سيف بقاله ساعتين قدام الفيلم مش راضي يقوم والوقت اتأخر وانا تعبت منه
سيف:ياماما قولتلك اصبرى
سليم:سيف بدون كلام تانى قوم يلا على اوضتك
سيف قام بضيق:حاضر يابابا تصبحو على خير
وطلع اوضته
سليم وهو ماسك ايد مروه:يلا احنا كمان
مروه:اطلع انت ياحبيبى وانا هقعد مع شهد شوى وجايه وراك
سليم قبل جبينها:ماشى ياحبيبتى
وطلع وتبقى شهد ومروه
مروه بمرح:تشرب اى يامعلم
شهد بضحك:اى حاجه من عندك حلوه
مروه :تمام تعالى بقا نعمل عصير مانجا
شهد:مانجا دلوقتى
مروه وهى بتشدها:ايوا يلا
ودخلو المطبخ وشهد قعدت على كرسى ومروه بتعمل العصير
مروه:شوفى بقا انا بحب الرومانسيات وعايزاك تحكيلى قصة حبك مع مراد انا سبتك كتير
شهد:ماشى بس خلصى العصير الاول
بعد دقائق
مروه وهى بتديها العصير: وادى العصير خلص يلا بينا نقعد عالبسين فالهوا
شهد:يلا دانتى ليلتك حلوه
مروه:بينى وبينك بهرب من اخوك
شهد: ههههههههههههههههه يخربيتك ليه
مروه: خلاص بقا يلا احكى بقا وانا هسمعك
شهد اتنهدت:ماشى شوفى ياستى انا دخلت الجامعه واتعرفت على صحبتى يارا دى من اول يوم وكنا متوافقين اوى مع بعض وكملت سنه اولى عادى
مروه باستغراب:امال عرفتى مراد امتى
شهد:ماتصبرى بقا
مروه:حاضر سكت اهو
شهد:فى سنه تانيه بقا عدى اول شهر من الترم عادى وبعدها شوفت مراد دا وكان بيضرب شباب كانو بيعكسونى
مروه: بيعكسوكى انتى
شهد بغضب: والله اسيبك واقوم فى اى
مروه وهى بتحط ايدها على بؤقها: خلاص سكت اهو كملى
شهد:بعد ماضربهم راح هو والشباب دى مكتب العميد وانا كنت واقفه خايفه لحد ماخرجو ومراد جه قالى متخافيش مش هيضيقوكى تانى قولتله شكراً تعبتك معايا ميرسى جدا قالى طب مش تعزمينى على حاجه طيب انا وفقت وعزمته على قهوه وبعدها بقينا صحاب جامد اوى وهو كان ف تالته كلية تربية رياضية وانا ف تانيه اداب وجه الترم الاول خلص وفالاجازه كنا بنتكلم فون وساعات نتقابل فالنادى وف بداية الترم التانى اعترفلى انه بيحبنى وعايز يتجوزنى قولتله تعالى اتقدملى قالى ان شاء الله ماشى بس لما نخلص الكليه وكدا قولتله ماشى وعلاقتنا اتطورت اكتر وانا حبيته اوى ومكنتش بتخيل حياتى من غيره وجه ف امتحانات اخر السنه قالى انه مش هيقدر ميشوفنيش طول الاجازه دى وطلب نتجوز عرفى انا رفضت هو اصر عليا جامد وقالى هنتجوز بعد لما هو يتخرج وهنعيش سوى وكلام من دا وانا بحبه ووافقت بس ملمسنيش غير ف بداية سنه تالته انتى عارفه الشيطان شاطر بقا وعشنا مع بعض وكنت ببات عنده لما معتز وسليم مش بيباتو فالفيلا وبعدها بكام شهر اكتشفت انى حامل والباقى بقا انتى عارفه
مروه بحزن عليها:مش عارفه اقولك اى بس اكيد هو الخسران تأكدى من كدا بس برضو انتى غلطانه ازاى تأمنى كدا بسهولى وتوافقى
شهد:حبى له كان مبرر قوى ودافع كمان عشان كدا وافقت واديكى شايفه الحب عمل فيا اى بقيت مريضة كانسر بس اللى مش فاهماه ازاى بقا دكتور كدا وهو ف تربيه رياضيه
مروه:اكيد هيجى الوقت تعرفى يلا الوقت اتأخر
شهد وهى بتقوم:صح يلا
ومشيوا الاتنين كل واحده دخلت اوضتها
وانتشرت شمس القاهره معلنه عن يوم جديد لكل كائن حى
استيقظ ارسلان وحس ان فى حاجه على صدره فتح عنيه لاقى ايد جنى على صدره بصلها لاقى شعرها مغطى نص وشها و وجنتيها لونهم احمر من اثر النوم والغطا بعيد عنها وارسلان بيتأملها من راسها لاخمص قدميها اتنهد بحب وقبل احدى وجنتيها
ارسلان:بحبك اوى
وقبل وجنتها الاخرى:من اول مره شوفتك فيها
وقبل جبينها: ودلوقتي بقيت اعشقك اوى
وبعد شعرها عن وشها:ونفسى يجى اليوم اللى اقولك فيه كدا وانتى ف كامل وعيك
وقبلها بجانب شفيفها:امبارح كنتى ايه فالجمال لما شوفتك وانتى طالعه من الحمام انا بشكر شاهى أنها السبب ف كدا
وبعد عنها وبعد ايدها وقام دخل الحمام
(شوية رومانسيه اهو مش حرماكم من حاجه 😂😂😂😂🙊)
وبعد وقت اجتمعت العائله على السفره
ايام يهمس:جاهز
رعد:ايوا
ايام بصوت عالى:احم بعد عن اذنك يامستر معتز عايزه اسافر بورسعيد النهارده اشوف بابا وحشنى وازور قبر ماما وبعد اذنك يعني هاخد رعد معايا
معتز:وليه رعد
ايام: يعني انا ورعد بقينا اصدقاء وهاخده معايا يغير جو ويكون جنبى وكدا يعني
معتز: ماشى تقدرو تسافرو
ايام بصت لرعد بابتسامه:يلا افطر بسرعه بقا عشان نبدأ اليوم بدرى
رعد:اشطا
وكملو الاكل ف صمت مريب
وبعدها طلع ايام ورعد جابو شنطهم ونزلوا
ايام:عن اذنكم ياجماعه
وهى ماشيه شافت نجيه واقفه على باب المطبخ والغضب بيطير من عيونها
ايام ابتسمتلها بانتصار ومسكت ايد رعد وخرجو
رعد:هنسافر بالعربيه ولا الطياره
ايام:بالقطر
رعد:قطر!!
ايام:ايوا عمرك ركبته
رعد : بصراحه لا
ايام مسكت ايده: طب يلا بقا نلحق القطر
وخرجو بره الفيلا نهائى
وعالسفره بعد وقت قام معاذ
معاذ:همشى ياماما عشان معاد المحاضره
شهد:ماشى ياحبيبى خلى بالك من نفسك
معاذ وهو ماشى:حاضر
ارسلان:ستنى خدنى معاك
معاذ: يلا
وخرجو هما الاتنين ارسلان راح شغله ومعاذ راح جامعته
وبعد وقت دخل معاذ المدرج وقعد ف مكانه وبدون سابق انذار جائت فتاه واقعدت بجانبه
الفتاه:هو الدكتور دخل ولا لسه
معاذ:لا لسه
الفتاه براحه: الحمدلله
وسكتو الاتنين وبعد وقت تكلمت الفتاه
الفتاه:انا بسنت ممكن نكون اصحاب
معاذ بص للكارنيه بتاعها عالبنش وابتسم بذكاء و........
ونكمل بكره
اتوقعو اللى جاى وانتظرونى
بقلم_اسماء_زيدان
تعليقات
إرسال تعليق