 |
البارت ال 14 رواية سمراء احتلت كياني
غصون نزلت بسرعه من العربيه وجريت علي اوضة ابوها بعد م عرفت رقمها ، ووقف فجاة وخافت تدخل بس يوسف مسك ايديها ودخلو ابوها بصلها بلهفه
_ حسوا انهم محتاجين مساحتهم ف سبوهم وخرجوا ، غصون تبتت ف ايد يوسف بصلها بعيونه وطمنها وخرج
_ قربت منه سريرة بتردد : حضرتك بخير ؟
مرش عليها ف قالت
انا ...انا كان عندي شغل هنا وعرفت بالصدفه ان حضرتك تعبان ف جيت اتطمن عن اذنك
= قبل م تخرج وقفها صوته : بس انتي مبتعرفيش تكدبي !!
_ بصتله بدموع : انا همشي واعتبرني مجتش مش حابه اكون سبب ف تعبك
= اتصدمت لما شافته بيعيط جريت عليه بلهفه وعيطت معاه : انا اسفه والله خوفت عليك وجيت ، والله العظيم ي بابا م هخليك تشوف وشي تاني بس ارجوك كفايه ، لو عايز تتبرا مني ماشي بس متوطيش راسك عشان خاطر ربنا
_ عيط كتير ومردش برضو عليها سابته وخرجت مسحت دموعها وخدت يوسف ومشو روحو البيت
= لاول مرة تقلع طرحتها وترميها علي طول دراعها قعدت وحطت راسها بين ايديها
_ يوسف محبش يضغط عليها ف قالها : يينتي كل دا شعر وكمان زي الحرير
= ضحكت : بطل قر بقي هيقع كله دلوقتي
_ قعد جمبها : كتفي سند ليكي وقت حزنك ميلي عليه !!
= حطت راسها علي كتفه وقالها :
عيطي ....!!!
_ كأنها م صدقت قالها كده وفتحت ف العياط ، مسح علي شعرها بهدؤء
= اول م شافني عيط ي يوسف ، للدرجادي مش طايق وجودي ، انا ذنبي اي اني جيت بنت ذنبي اييييييه
_ حضنها : شششش اهدي
= ياريتني جيت ولد عشان اشوف حبه وحنيته عاملين ازاي ، انا لو خلفت بنت هحبها اوي هفضل كل شويه اقولها اني بحبها ، ولا لا انا مش هخلف اصلا مش عايزة ولادي يعيشو اللي عيشته
_رفع وشها ليه وغمزلها : بس انا عايز ولاد
= قامت من حضنه بسرعه ووشها احمر من الاحراج
علي فكره انت معندكش دم عشان مش بتحترم احزاني ومفيش اكل هاا بس كده
_ لوت بوزها زي الاطفال وراحت اوضتها ، يوسف ضحك عليها بصوت عالي وقام يغير هدومه
______________ بقلمي اميرة محمد محمود
غصون طلبت مهاب علي مكتبها ، قاعدين قصاد بعض بكل جمود
_ ليه عملت كدا ليه جرحتها وكسرتها بالشكل ده ، واوعي تقول انك بتحبها انت سامع ي مهاب
= مهاب بصلها بتوتر : ضعفت قدامها ، مقدرتش اسيطر علي مشاعري ورغبتي لما شوفتها بلبس تاني غير اللبس العملي ، وشعرها مفرود علي ضهرها وعنيها ، عارف ان كل دي مش مببررات للي عملته ، بس صدقيني انا طلبت منها اننا نتجوز وهيه موافقتش
_ وعايز تتجوزها ليه ؟
= مش هكدب عليكي انا عايز اتجوزها لشعوري بالذنب نحيتها ولسبب تاني ....!!
_ اي هوة ؟
= اني ممكن احبها لو اجتمعنا تحت سقف واحد ، عايز ابذل مجهود مين عارف يمكن اقدر اديها قلبي
_ بس لو عايز تعمل كدا غصب يبقي جميلة عمرها م تاخد قلبك ي مهاب
= ليه بتصعبيها عليا كفاية ضميري اللي متفق مع قلبي وهموت من الذنب
_ غصون قامت وقفت : انا هساعدك لاكن لو قلبها اتكسر تاني ساعتها انا اللي هعاقبك ي مهاب
= عمري م هكسر ثقتك فيا
_ ابتسمت : اتمني
بقلمي اميرة محمد محمود
_________________
اييييييييه ؟؟
معقول انتي اللي بتقولي كده ي غصون ؟
= ممكن تهدي عشان نعرف نتكلم
_ ي غصون انا مش ممكن اتجوزه ، انا كده بقدمله اللي باقي من كرامتي عشان يدوس عليه ؟
= لا ي جميله انتي كده بتحمي نفسك من كلام الناس ، انا مش عايزة حد يقول عليكي كلمه ، صدقيني مهاب عرف غلطته ، متنسيش ان انتي كمان استسلمتي من اول لمسه
_ جميله وططت راسها ف الارض غصون مدت ايديها ورفعتها : انا مش بقول كده عشان تحسي انك ضعيفه ، انتي اكتر حد بخاف علي مصلحته ي جميله ، انا يعتبر مليش حد غيرك ، عايزة افرحلك ، عايزاكي تكسبي قلب مهاب وتخليه يحبك
= جميله بصتلها بدموع : انا خايفه اوي احضنيني
_ من غير تردد غصون حضنتها : متخافيش انا جمبك ومش هسيبك ابدا وهيتعملك احلي كتب كتاب وفرح كمان
= جميله ابتسمتلها وبعدين قاموا شافوا شغلهم
بقلمي اميرة محمد محمود
• يوسف عدا علي غصون ف المستشفي راح مكتبها ودخل قعد
_ بتعمل اي هنا
= خلصت شغل بدري قولت اعدي عليكي نخرج
_ دخلت الممرضه : دكتورة غصون في كشف مستعجل
_ دخليه
_ حاضر
= طيب اخرج ولا اي ؟
_ لا خليك
• دخلت بنت عندها ييجي سبع سنين مع مامتها
_ خير ي مدام القمر دي بتشتكي من اي ؟
= بقالها كام يوم ي دكتورة مش قادرة تاخد نفسها وبتفضل تكح لحد م جسمها درجه حرارته بتبقي عاليه اوي ، النهارده اغمي عليها قلبي وقع ف رجليا خدتها وجيت علي هنا ، فاقت ف السكه بس زي م انتي شايفه ، حالتها مش مستقرة
_ غصون قامت من مكانها قعدت علي ركبيها قدام البنت : اسمك اي ي حلوة ؟
= اسمي ...اسمي فريده
_ غصون ضحكت : انتي نسيتي اسمك ولا اي ؟
= البنت عيطت بطفوله وبراءه اوي غصون حضنتها : بتعيطي لي طيب ؟
_ عشان مش بحب اجي هنا بخاف من الدكتورات
= مامتها وغصون ويوسف ضحكوا علي برائتها : اسمهم دكاترة مش دكتورات ؟
_ فريده ضحكت بخوف وغصون خدتها كشفت عليها
_ التحاليل دي لازم تتعمل فورا عشان عايزة اتأكد من حاجه
= بنتي مالها ي دكتورة
_ متخافيش هتبقي كويسه هكتبلك علي علاج تستمر عليه ، لحد م اشوف التحاليل ماشي ؟
= ماشي
_ غصون حضنت فريده : مش عايزاكي تخافي من حد خليكي شجاعه
= فريده باستها من خدها : انتي احلي دكتورة
_ بزهول : بجد ؟؟؟
= ايوة بوقك ومناخيرك صغننين اوي زيي
_ غصون عينيها دمعت : واي كمان
_ فريده ابتسمت ببراءة : مش عارفه بس انتي حلوة يلا باي
_ باي
= غصون مسحت دموعها بسرعه وقعدت علي المكتب
_ انتي فعلا حلوة ي غصون البنت قالت اكتر حاجه حقيقه
= بسخريه : فجاة كدا بقيت بتشوفني حلوة ، لعلمك بقي انا حلوة من يومي انت بس اللي معندكش نظر
_ عيونه لمعت : انا فعلا معنديش نظر !!!
= غصون ارتكبت وقامت وقفت لمت شنطتها وحاجتها : يلا نمشي !؟
_ ابتسم : نمشي بقلمي اميرة محمد محمود
_________________
_ خرجوا وقضو وقت مع بعض ، كانت مبسوطه ونست كل حاجه يوسف عملها وقررت تديله فرصه
_ جميله خايفه من قرارها ، مهاب بيحاول معاها بس دايما رفضاه
_ جلال خرج من المستشفى وقعد ف اوضته مبيخرجش لشعورة بالذنب
_ هناء وشريكها هينفذوا خططهم ف اقرب وقت ممكن عشان يدمرو غصون
______________
تاني يوم غصون عملت كروووت دعوة كتير اوي عشان كتب كتاب جميله ومهاب ، مسكتها كلها ووزعتها علي الدكاترة والممرضين ف المستشفي ، كلهم فرحوا جدا بالخبر ده وقرروا ان كتب الكتاب هيبقي ف النهار ف قاعه قريبه من المستشفي عشان كله يحضر .
• جميله كانت مبسوطه وهيه شايفه غصون بس اول م شافت مهاب كشرت
_ لا م انتي هتشوفيني الفترة اللي جايه كتير ولو فضلتي تكشري كده هيطلعلك تجاعيد
= .......
_ انا شريت شقة لينا وحدينا بس ف نفس العمارة عشان ماما
= جميله بلهفه وسرعه : طيب ليه خلينا نعيش معاها
ادركت بسرعة اللي قالته ف عضت لسانها وبصت الناحيه التانيه .
_ ابتسم : شقتنا قصاد شقة ماما علي طول ، وممكن تقعدي معاها طول م انا مش ف البيت ، وعلي فكرة انا عملت كدا عشان تعرفي تاخدي راحتك ف شقتك ، ماما معندهاش مشكله !!
_ ..........!!!
= طيب بما انك مش حابه تردي عليا ولا عايزة تشوفيني ف انا سبتلك فلوس مع غصون عشان تروحو تشتروا فستان لكتب كتابنا اتمني مترفضيش عن اذنك
_ مهاب مشي وهيه عيونها لمعت بالدموع وقالت
ياريتنا اتقابلنا ف ظروف احسن من كده كنت هحبك برضو
= عادي م انتي لسه بتحبيه برضو
_ بصت وراها : غصون ؟؟!
= ايوة تعالي عايزة اتكلم معاكي
بقلمي اميرة محمد محمود
_ غصون خدتها وراحوا كافيه
= هاا يستي عيزاني ف اي ؟
_ مفيش حاجه جبتك عشان تغيري جو
= بجد مش عارفه اشكرك ازاي علي وقفتك جمبي
_ يووووة انتي كل شوية تشكريني يبت
_ اثناء كلامها في حد اخد لغصون اكتر من صورة
_ يوسف قاعد علي الابتوب ف البيت بيشتغل اتبعتله ملف ، فتحه واتصدم و
يتبع ......
مأخرتش عليكم ونزلته بدري وكمان طويل اظن استاهل 2000 كومنت مش كده 🥺
#سمراء_احتلت_كياني
#حكيات_ميرا
#اميره_محمد_محمود
#Amiramohamedmahmoud ✍️👀🖤
تعليقات
إرسال تعليق