 |
(16)
#الاسطى_حور
تامر:قاعده بعيد ليه يا حور .. اقعدى جنب كارما
حور : انا مرتاحه هنا
كارما: يا ستى تعالى اقعدى جنبى شويه .. انتى فعلا قاعده بعيد اوى
حور بصت. ل كارما بغيظ وقامت قعدت جمبها
قعدوا يتكلموا شويه ...
دخلت واحده وهى ماسكه ورد و حضنت تامر وقالت: الف سلامه عليك
تامر باحراج: احم.. الله يسلمك
قعدت على الكرسي جنبه وقالت: اول ما عرفت انك عملت حادثه نزلت مصر
تامر لاحظ نظرات الاستغراب على كارما وحور وعلي
تامر باحراج: احم.. اعرفكم .. بنت خالتى يارا وكانت عايشه برا
يارا دول طلاب معايا فى الجامعه
كارما وحور وعلى
كان بيقول كدا وهو بيشاور عليهم
على:احم..طيب .. نسيبك يا دكتور مع قرايبك ... يالا يا كارما يالا يا عطيه
يارا: فيه حد هنا اسمه عطيه ؟؟. فين!
حور بصتلها وقالت: انا اسمى عطيه فيه حاجه؟؟
يارا ل تامر: مش قولت ان اسمها حور
تامر: اه.. بس هى بتحب الاسم ده
يارا باستغراب: عطيه !!
وبعدين بهمس : غريب زى لبسها
تامر سمعها وخاف ل حور تكون سمعت ومتسكتش فقال بسرعه: نورتونا يا جماعه والله
يارا قعدت على السرير جنب تامر
حور كانت مركزه على تصرفات يارا الغريبه وهمست فى ودن كارما: هى خالته معرفتش تربى بنتها
كارما ضحكت وقالت: ملناش دعوه يا حور .. يالا
خرجوا وتامر كان مركز على حور وهى خارجه
يارا:اخبار صحتك ايه؟؟
تامر: الحمد لله .. مين قالك انى عملت حادثه !!
يارا: اتصلت ب عمو بسال عليك وقالى انك عملت حادثه .. ركبت اول طياره وجيت مصر
__________________
حور ل كارما وهما طالعين البيت:بت مفعوصه .. فيه بنات بالقرف ده .. ده انا اخويا حضنته مره واحده .. وهو ابن خالتها وكل شويه تحضنه
كارما بضحك: انا شامه ريحة غيره معرفش ليه !!
حور بارتباك: غيره .. وانا اغير ليه ان شاء الله .. وبعدين انا مخطوبه علفكره،.. قالت كدا وهى بترفع ايدها علشان تورى كارما الدبله
كارما: عارفه علفكره .. وعايزه اقولك ان الخطوبه ديه مش هتكمل
حور. فضلت واقفه بتفكر فى كلام كارما
كارما طلعت وهى لسه واقفه
فتحت الباب ودخلت وكلامها معلق فى دماغها .. ان الخطوبه ديه مش هتكمل ..
حور لنفسها: ايه اللى مش هيخليها تكمل .. انها صالونات او مش صالونات احنا اتخطبنا عالطول .. حتى مقعدناش مع بعض
مسكت الدبله اللى فى ايديها وهى بتحركها بشرود
________________
يارا:يعنى انت بتحبها ولا مش بتحبها
تامر: مش عارف .. بس بتضايق لما يحصلها حاجه .. لما اتخطبت من كثر التفكير عملت حادثه وانا راجع
يارا:يعنى عملت حادثه لما عرفت انها اتخطبت .. اومال لو. اتجوزت هتعمل ايه هتنتحر !!
تامر:انتى بتتريقى صح .. وبعدين وقت الزياره خلص من نص ساعه انتى قاعده ليه؟؟
يارا رفعت حاجبها وقالت: انت بتطردنى !!
تامر ضحك وقال: حاجه زى كدا .. المهم انتى هتسافرى تانى ولا هتقعدى فى مصر
يارا: لا طبعاً هسافر
احم ... بس ممكن اجى تانى يعنى.. هو كان فيه حاجه عايزه اقولهالك بما انك ابن خالتى وكدا
تامر: قولى !!
يارا: فيه واحد كان عايز يتقدملى هو مصرى بس عايش برا زى .. وعرف انى هناك لوحدى بعد ماما ما ماتت وكان عايز يعنى!!
تامر مسكها من قفاها بايده السليمه وقال: ده انتى يومك مش هيعدى .. وهو ميعرفش ينزل مصر يطلب ايدك من حد تعرفيه ... مصرى ايه ده!!
يارا: هو انا قولت حاجه .. بقولك عايز يتقدم ولما عرف انى نازله مصر كان هينزل علفكره .. بس قولتلو مره تانيه
تامر: مره تانيه فى عينك .. مفيش سفر غير لما ينزل .. انا مش اراجوز هنا يختى
يارا: خلاص يا تامر ده انت قفوش اوى .. ايه ده!!
تامر سابها وهو بيقول: اتنيلى انا خارج بكرا .. ومفيش سفر قبل الافندى ده ما يجى مصر .. مفهوم
يارا: مفهوم يا بتاع حور .. مفهوم
دخلت ممرضه وهى بتقول: الزياره خلصت من نص ساعه
يارا بضحك: انتى لسه فاكره .. سلام يا توتو .. هروح ل عمو اقعد معاه شويه باى
______________________
ام كارما: اخيراً جيتى .. كنت مستنايكى اومال فين حور؟؟
كارما وهى بتقعد بتعب على الكنبه: فى بيتها تحت .. عايزه منها حاجه؟؟
ام كارما: لا كنت عايزه اطمن عليها بس علشان مش عجبنى حالها اليومين دول .. وقت تانى تلاقيها تعبانه قومى كلى وارتاحى وانا هنزلها باكل
كارما: حاضر يا ماما
________________
حور دخلت وقعدت تذاكر علشان تهرب من التفكير فى تامر و خطوبتها وكلام كارما اللى هى شيفاه منطقى
الجرس رن فقامت علشان تفتح وكانت ام كارما
دخلت وهى معاها علبة الاكل وقالت: انتى يا بنتى مش بتاكلى ليه وشك هفتان وكل شويه تخسي .. هتروحى فين تانى
حور بضحك: معلش يا طنط .. الواحد بيتشغل عن الاكل اوقات كدا
ام كارما: من ساعة خطوبتك وانتى مش عجبانى ومضايقه .. لولا انى عارفه انى محدش يقدر يغصبك على حاجه .. كنت قولت غصبوكى على الخطوبه ديه
حور ضحكت: مش للدرجادى يا طنط ..
ام كارما بحنان:فكرى يا حور .. ده جواز مش لعبه يا بنتى .. عموما ربنا يكتبلك اللى فيه الخير هسيبك ترتاحى ومتنسيش تاكلى ... يالا سلام
_________________
حور مكنتش عايزه تروح الجامعه فى اليوم اللى بعده .. حتى لما كارما الحت عليها تروح معاها رفضت .. وراحت كارما لوحدها
حور نزلت اشتغلت فى الورشه. الساعه ١٢ الظهر ..
وهى بتشتغل تليفونها رن وكان ياسين
ردت : السلام عليكم
ياسين: وعليكم السلام ورحمة الله وبركاته.. ازيك يا عطيه
حور: بخير والحمد لله
ياسين: يارب دايما .. كنت عايز اقابلك فى كافيه ***** اللى على اول الشارع
حور باستغراب: حاجه مهمه يعنى !!
ياسين: مهمه جداً يا حور .. ارجوكى ومتقوليش ل بابا ارجوكى .. اتحججى باى حجه انا عارف انه قاعد معاكى
ان عم كمال بيبصلها فكملت وقالت: طيب يا كارما .. هاجى اقابلك كمان نص ساعه ان شاء الله مش هتاخر ... سلام
قفلت التليفون وبصت ل عم كمال وقالتله: معلش يا عم كمال .. خلى بالك انت من الورشه .. هطلع اغير علشان اقابل كارما لانها تعبت وهى جايه
عم كمال:ولا يهمك يا بنتى .. انا هخلى بالى من الورشه روحى شوفى صحبتك
حور طلعت وهى مضايقه بسبب كذبها عليه .. غيرت هدوم الشغل ونزلت راحت على الكافيه .. اول. ما دخلت كان ياسين قاعد راحتله ولما شافها قام وقف وقال: شكراً انك جيتى
حور سكتت وقعدت مكانها وقالت:خير يا ياسين
_________________
ابو تامر: نورت بيتك يا بنى
يارا: البيت منور بيا انا يا عمى .. تامر مين اللى ينور البيت ده!
تامر خبطها على راسها وقال: مش هتبطلى حركاتك ديه يا طفله يا سئيله
يارا:فيه طفله عندها٢٦سنه يا استاذ يا بارد .. حتى وانت مكسور بتمد ايدك يا رخم
تامر: فى بيتى وبتطولى لسانك عليا
يارا مسكته من ياقة قميصه وقالت: فوق يا بابا مش علشان ابن خالتى واخويا فى الرضاعه هسكتلك .. ده انا ازعلك يا شبح .. هو علشان عشت برا فتره هتفتكرنى بقيت كيوت
ابو تامر:، خلاص يا يارا. زى اخوكى الصغير بردو
تامر: صغير ايه هما ٦شهور بالظبط .. اتعدلى كدا ومسيها لاقوله
يارا: قد ايه انت اخ عظيم .. يا بنى انت فى قلبى كدهوا
ابو تامر رفع حاجبه باستغراب وقال: تقولى ايه يا تامر؟؟
تامر: احم.. بابا يارا كانت عايزه تقعد فى فندق
يارا: لا ما انا شيلت الفكره من دماغر يا عمى . قولت ازاى يكون ابن خالتى هنا وابات فى فندق .. ده حتى ميصحش
ابو تامر: شاطره يا يارا ..
ادخلى أوضتك ارتاحى شويه وانا. هدخل تامر أوضته علشان يرتاح
_______________
ياسين: حور انتى بنت بمية راجل ..واى واحد يتمناكى .. ويمكن لو كنت اتعرفت عليكى فى وقت تانى كنت كملت معاكى .. لكن انا بحب واحده وكنت متفق معاها انى اتقدملها قبل خطوبتنا بيومين .. واتفاجئت ب بابا وهو بيقولى انى اخطبك .. ولما رفضت اتدايق منى وحصلت مشاكل .. انا اسف لكل ده بس انا مش قادر اكمل ..
اتاخرت فى تنزيل البارت ولاسباب كتيره اولهم انى مكنتش خلصت البارت على الساعه٤ .. واسف انى اتاخرت جامد كدا انا بحاول بقدر الامكان متاخرش .. اسف تانى وشكرا لتفهمكم
دمتم سالمين💜🌸
(17)
#الاسطى_حور
ياسين: حور انتى بنت بمية راجل ..واى واحد يتمناكى .. ويمكن لو كنت اتعرفت عليكى فى وقت تانى كنت كملت معاكى .. لكن انا بحب واحده وكنت متفق معاها انى اتقدملها قبل خطوبتنا بيومين .. واتفاجئت ب بابا وهو بيقولى انى اخطبك .. ولما رفضت اتدايق منى وحصلت مشاكل .. انا اسف لكل ده بس انا مش قادر اكمل ..
حور ابتسمت وهى بتقوله: ولا يهمك .. انا عارفه ان كل حاجه جت بسرعه .. وانا لولا زعل عم كمال وانه فى مقام ابويا الله يرحمه مكنتش وافقت اتخطب او اتجوز اصلاً .. عايزك تطمن .. وانا هكلم عم كمال واقوله انى اللى عايزه افسخ الخطوبه علشان مش مرتاحه .. وانت يومين وروح اتقدملها فى السر وبعدها خد عم كمال معاك وربنا يكتبلك اللى فيه الخير
ياسين: يعنى مش مضايقه او زعلانه !!
حور بضحك: اتدايق من ايه يا بنى .. بالعكس .. كويس انك قولتلى فى الاول .. قلعت الدبله من ايدها وقالت: ابقى غيرها علشان العروسه .... انا هكلم كارما علشان كدبت وقولت انى رايحه اقابلها سلام
_______________
كارما كانت ماشيه ناحية بيتها بصت على الورشه ملقتش حور فكملت طريقها وقفها عم كمال وهو بيقول
عم كمال: فين الاسطى عطيه يا كارما!!
كارما باستغراب: معرفش يا عم كمال .. هى مش فى البيت؟!
عم كمال برفعة حاجب: قالتلى انها هتروح تاخدك من عند الجامعه علشان تعبتى هناك!!
كارما بتوتر: اه.. ما انا .. قولت اروح احسن .. ونسيت اتصل بيها
عم كمال بشك: طيب يا بنتى
كارما مشيت بسرعه ودخلت عمارة بيتها. ...
وقفت ومسكت تليفونها تتصل ب حور .. بس لقت ان التليفون عمال يرن وهى عملاه سايلنت
ردت وهى بتقول: ايوا يا حور
حور:، اتصلت بيكى ٢٠ مره مش بتردى ليه
كارما: اسفه كنت عامله التليفون سايلنت علسان كنت فى محاضرة دكتور **** وهو مش بيحب حد تليفونه يرن ولو بالغلط وانتى عارفه
حور: طب خليكى قدام الجامعه .. انا جايه ونمشي مع بعض .. وهفهمك لما اجى
كارما: احم... انا فى البيت .. وقابلت عم كمال
وحكتلها كل اللى حصل
حور ضربت راسها بايدها وقالت: هيقول عنى كدابه دلوقتى .. طيب يا كارما. . اقفلى وانا مروحه
قفلت كارما مع حور .. وطلعت بيتها
_______________
حور اخدت نفسها وراحت على الورشه
اول ما شافت عم كمال
عم كمال بصلها راحت قعدت جنبه وقالت: عايزاك فى موضوع يا عم كمال
عم كمال: حاصر يا بنتى .. بس كارما مجتش معاكى ليه
حور : انا كنت بقابل ياسين يا عم كمال .. مش كارما .. وتعالى نقعد على القهوه ونتكلم
عم كمال:حاضر يا بنتى ..
بص على ايدها وهى لاحظت كدا
قام معاها وقعدوا على القهوه بعيد عن الورشه
حور:صلى على النبى يا عم كمال
عم كمال: عليه افضل الصلاة والسلام .. خير يا بنتى
حور: انت كنت عارف ان ياسين بيحب بنت تانيه ؟؟!
عم كمال نزل راسه بخجل وقال: ايوا يا بنتى
حور: طيب يا عم كمال .. علشان خاطرى .. لو ليا خاطر عندك تروح تخطبهاله .. انا مدايقتش لما كلمنى النهارده .. بالعكس .. فرحت لانه وفى بوعده للبنت اللى عايز يخطبها وبتجوزها ..
عم كمال: بس يا بنتى
حور: يا عم كمال .. الجوازه لو كانت كملت مكنتش هتستمر .. سيبه يختار البنت اللى عايز يكمل معاها باقى حياته وهو كمان يومين وهيروح يتقدملها .. متزعلوش يا عم كمال ده انت اللى باقيله فى الدنيا
عم كمال: طيب يا بنتى .. بس اهم حاجه متكونيش مضايقه من اللى حصل
حور ضحكت: ده انا هحضر خطوبته بنفسي يا عم كمال ..
عم كمال:تسلمى يا بنتى .. انا مش عارف اقولك ايه
حور ضحكت وقامت راحت للورشه كملت شغل وهى مبتسمه .. قد ايه الخطوبه ديه كانت بالنسبالها هم على قلبها
عدى ساعتين وكانت فى عربيه نزلت قدام الورشه
حور باستغراب:عربية مين ديه؟؟
تامر من وراها بابتسامه: عربيتى انا
حور بصتله باستغراب وقالت: انت خرجت من المستشغى امتى؟؟
تامر:، خرجت امبارح
حور: امممم.. هى ديه اللى عملت بيها الحادثه
تامر وهى باصصلها: اه
حور: تمام .. هى متدمره اوى .. عايزه شغل كتير
تامر:البركه فيكى
جت يارا من وراه وحطت ايدها على كتف تامر وقالت:، تامر بيقول انك شاطره جداً فى تصليح العربيات
حور رفعت حاجبها وقالت: طبعا .. مش شغلتى ! عموماً اسبوع بالكتير وهاخلصها ان شاء الله
تامر: طيب يا حور ..
حور: نادينى هنا عطيه بس .. تمام
تامر ضحك وقال : طيب يا حور
خرج واحد من العمال وهو بيقول: العربيه ديه خلصت يا اسطى عطيه والزبون واقف ومش عايز ياخدها .. بيقول بوظناها
حور: بوظناها !!
_ ايوا انا مقولتش تركبولها **** وانتوا ركبتوا
حور: لانها كانت محتاجه **** وبعدين احنا بنعمل شغلنا كويس .. انت جربت العربيه الاول!!
_ لا
حور: يبقى تجرب العربيه وبعدين ترفع صوتك وتتكلم .. احنا مش هنبيع ضميرنا يا استاذ .. اتفضل .. اديله المفاتيح
اخد المفاتيح ودور العربيه واشتغلت
نزل منها وهو بيقول: تمام يا اسطى عطيه
حور: عم كمال هيحاسبك هناك .. .. احنا لو مكناش ركبناها العربيه مكنتش هتشتغل .. اتفضل
كل ده وتامر بيراقب الموقف ويبتسم
حور بصتله وقالت:انت لسه واقف
تامر وهو مبتسم: اه
حور بتلقائيه: انت اهبل!!
تامر كشر: نعم
حور بنفس التلقائيه: فيه حد يفصل يضحك كدا وهو مكسور !!
يارا ضحكت على تامر اللى نزل وشه على الارض باحراج ...
حور. خدت بالها هى قالت ايه وقالت: احم.. انا اسفه مكنش قصدى .. هو
يارا: متخديش فى بالك تامر مش بيدقق فى الحاجات ديه
تامر بص على ايد حور
وقالها: فين خاتم الخطوبه
حور: احم.. انا فسخت الخطوبه
تامر بفرحه: بجد ! فسختى الخطوبه
حور خبطت ايدها الاثنين فى بعض وقالت: يا دكتور انت بتفرح فى الاحزان
تامر بصوت واطى لكن مسموع:ده احلى خبر سمعته فى حياتى
حور: نعم!!
تامر: مضطر امشي دلوقتى. .. يالا يا يارا ..
يارا مشيت مع تامر وهى ميته على نفسها من الضحك
تامر : بطلى ضحك هنعمل حادثه .. ركزى فى الطريق
يارا فضلت تضحك وهى بتقول:يا اخى ده انت لو واقع مش هتعمل كدا .. ايه ده !! ده احلى خبر سمعته فى حياتى .. كملت ضحك وهى بتقول: يا واقع
تامر: بس وبطلى تتريقى انتى اتصلتى بالواد اللى عايز يتقدملك
يارا: احم .. لسه هو انا واقعه زيك
___________________
حور طلعت بيتها وهى بتفتكر اللى حصل و تلقائيه تامر .. لا إرادياً ابتسمت وهى بتقول: مجنون
دخلت نامت وهى مبتسمه واخيراً بعد اسبوع. نامت من غير ما تفكر كتير.
____________________
يارا: الحق يا عمو ابنك وقع
تامر بصلها بغيظ. لانها فاهم قصدها كويس
ضربها على دراعها وهو بيقول: بس بئا
ابو تامر بصلها باستغراب:، وقع .. فين!!
يارا ضحكت وهى بتقول: وقع فى حب الاسطى حور
البارت هنزله بعد كدا الساعه ٨ لان كل مره بلاقى مشكله حصلت الساعه ٤😂😂
رايكم فى البارت واحتمال يكون ده البارت قبل الاخير وصلوه ل 1kبئا مره من نفسي💜💜🌸👀
دمتم سالمين💚
(18)
#الاسطى_حور.
يارا: الحق يا عمو ابنك وقع
تامر بصلها بغيظ. لانها فاهم قصدها كويس
ضربها على دراعها وهو بيقول: بس بئا
ابو تامر بصلها باستغراب:، وقع .. فين!!
يارا ضحكت وهى بتقول: وقع فى حب الاسطى حور
ابو تامر ضحك: ده واقع بقاله شهرين يا بنتى
يارا بضحك: اخويا هيتجوز يا جدعان
تامر: انتى شيفانى روحت اتقدملها
يارا:هتروح يا صاحبى .. هتروح
تامر:اتهدى واقعدى .. وبعدين همس فى ودنها
و لا انتى عايزانى اقوله!!
يارا: عمى انا بقول نفصها سيره .. هو الاكل فين!!
ابو تامر ضحك: الاكل .. طيب .. فى الطريق انا طلبت اورود وزمانه جاي
يارا بضحك:تسلم يا ابو تامر يا قمر انت .. انا هدخل اغير هدومى
_____________________
حور صحيت الصبح ولبست وطلعت ل كارما
كارما فتحت وكانت نايمه
دخلت حور وهى بتقولها:ايه الكسل ده .. الامتحان فاضله اسبوعين
كارما بنعاس: عايزه انام يا حور ...
حور دخلت جابت كوبايه مايه ورشتها فى وش كارما وهى بتقول:عايزه انام يا حور .. قومى ياما خلينا نحضر اخر محاضرتين فى السنه المهببه ديه على خير .. مش ناقصه هي
كارما وهى بتستوعب الصدمه ... خرجت الميه اللى دخلت بوقها وهى بتقول: اعاا .. منك لله . حد يفوق حد كدا
حور بسخريه:من اعمالكم
كارما مسكت المخده وحدفتها على حور وهى بتقول: سُلط عليكم .. هاخد دش واجى .. صحوبيه تقصر العمر
حور قعدت على الكنبه وهى مستنيه كارما .. مسكت الملزمه وقعدت تقرء فيها وبعد نص ساعه
كارما شدت من ايدها الملزمه وهى بتقول:، انا جاهزه .. وبنادى عليكى بقالى نص ساعه
حور:معلش اندمجت فى القصه اللى فى الملزمه
كارما وهى بتفتح الباب علشان تخرج قالت باستغراب:قصة ايه!!
حور: دكتور تامر كاتب فى الملزمه عن بنت غريبة اطوار .. بتخوف الطلاب وجريئة وبتشتغل ومكافحه وعمال يمدح فيها مره ويتريق عليها مره بس بطريقه مضحكه وفى الاخر كاتب انها قصة حقيقه بس ليها تكمله هو لسه مكملهاش
كارما ضحكت وهى بتقول: بس!!
حور:لا القصه فيها تفاصيل اكتر ابقى اقرائيها
كارما:تمام .. يالا ..
حور نزلت مع كارما وتفكيرها فى القصه ... وصلت الجامعه ودخلت كعادتها مع كارما وهى بتبص حواليها على نظرات الطلاب اللى بيبصولها باستغراب ومنهم بخوف مشيت مع كارما وراحوا جابوا فطار واقعدوا فى الكافتيريا وكانوا بيتكلموا فى مواضيع مختلفه
كارما لمحت ايد حور من غير دبله
كارما بصدمه: حور .. الدبله وقعت
حور بهدوء: فسخت الخطوبه
كارما بصدمه وفرحه فى نفس الوقت:ايه !! ازاى
حور: الخطوبه ديه كانت لعبه اصلا هو بيحب بنت تانيه وهيروح يتقدملها وانا بصراحه قولت كويس انها جت منه هو
كارما:بالسرعه ديه !!
حور:اه .. انا اصلا مكنش فى دماغى الخطوبه
وقفت بنت ورا حور وهى بتقولها: احم.. عطيه
كارما شاورت براسها ل حور على البنت
حور بصتلها وبعد كدا ضيقت عينها ونفخت بضيق وهى بتقول:نعم .. حاجه تانى!!
مى قعدت بحرج على الكرسي اللى جمب حور وهى بتقول بحزن ودموع محبوسه فى عيونها:انا اسفه
حور بصتلها وقالت: على ايه!!.. انتى معترفه انك عملتى حاجه اصلا!
مى نزلت منها دمعه مسحتها بسرعه وهى بتكمل وتقول: اه .. انا معترفه انى غلطت وحطيتلك حبوب هلوسه فى العصير واديتهولك فى خطوبة كارما.. بس ده مش لانى بكرهك او مضايقه منك فى حاجه .. لا .. انا سمير هو اللى قالى
حور بصتلها وهى مبرقه عينها كملت مى وهى بتقول:ايوا هو اللى خلتيه يترفد شهر من الكليه لما ضايقك .. انا كنت معجبه بيه وهو اعترفلى بحبه وطلب منى انى احطلك الحبوب ديه علشان يضحك مع صحابه عليكى بس ده اللى فهمته بعدين انا اسفه يا عطيه.. صدقينى مكنتش اقصد
بدات تعيط جامد
حور وكارما حاولوا يهدوها .. الطلاب بصوا عليهم باستغراب وهى فضلت فتره تعيط وبعد كدا هديت
مى: سامحينى .. انا مضايقه من اللى عملته ده
حور:كب وانتى اعترفتى ليه دلوقتى
مى: انا عايزه اقولك من بدرى .. بس هو كان واهمنى انه بياخد حقه مش اكتر وان الموضوع خلص واللى كان كان .. وانه بيحبنى ومينفعش اقعد كل شويه اكلمه فى الموضوع ده .. لحد ما. لقيته فى مره بيتكلم مع صحابه انه كل سنه بيصاحب بنت وانى هكون مجرد صديقه ليه
كارما: ده انتى هبله اوى ربنا يكون فى عونك بالمهلبيه اللى فى دماغك ديه
حور : كارما .. خلاص
بصت. ل مى اللى بتعيط بشحتفه وهى بتقول:، خلاص يا مى اللى حصل حصل .. انا مسمحاكى ... وبلاش تعملى الحركات ديه تانى .. مفيش ولد هيصاحبك ويدق بابك فاهمه ..
مى:يعنى موافقه نبقى صحاب .. انا مليش صحاب فى الجامعه خالص
كارما:، بعد ده كله وعايزاها تصاحبك
حور: كارما خلاص سبيها ... ماشي يا مى .. الحقى محاضرتك يالا
مى قامت راحت لمحاضراتها وكارما وحو فضلوا قاعدين
اول ما قامت كارما وحور بصوا لبعض وفضلوا يضحكوا جامد
حور بضحك: بصراحه انا اقتنعت
كارما بضحك : تمثيل هايل والله
حور: نفسي اعرف نزلت كل الدموع ديه ازاى !! ده انا اقتنعت انها بتقول الحقيقه وان احنا مش من ربع ساعه سمعناها وهى بتكلم الواد التافه سمير
#flash_back
سمير: فهمتى هتعملى ايه !!
مى: ايوا .. هقولهم انك انت اللى قولتلى احط حبوب الهلوسه فى العصير و اصاحبهم .. بس انت هتستفاد ايه .. مش كسبت الرهان مع صحابك وخليت عطيه تعمل حركات غريبه فى الخطوبه ..
سمير: لا .. هى مشيت بسرعه .. احنا عايزين نخليها حتوتة الجامعه على مر السنين
مى بقلة حيلة:حاضر .. بس متغدرش بيا يا سمير ..
سمير بخبث: مقدرش اغدر بيكى
#back
كملوا ضحك وكارما مسكت شنطتها وهى بتقول: هنتاخر على المحاضره يالا ..
حور ضحكت وقامت مع كارما
كارما: ليه مثلتى انك قدامها متعرفيش حاجه ..و وافقتى على صحوبيتها الكدابه
حور : علشان اعرف هى ناويه على ايه .. ومتشكش فيا بردو
كارما: جدعه .. دماغ الماظ .. صاحبتى دماغها الماظ يا جماعه
حور ضحكت:يالا يا بنتى .. ده انا هطلع عينهم بس استنى عليا
كارما ضحكت على مى ودخلت المدرج مع حور .. المحاضره بدات وحضروا باقى المحاضرات وبعد كدا روحوا
عدت حور على الورشه وهى راجعه وشافت عامل هيبدا فى عربية تامر
وقفته وهى بتقول: سيب العربيه ديه يا فتحى .. انا هعملها واخلصها بنفسي ... شوف باقى العربيات انت .. هطلع اغير هدومى وانزل ابدا فيها
_ حاضر يا اسطى عطيه
طلعت غيرت هدومها ونزلت تانى
اشتغلت فى عربية تامر وعملت فيها حاجات كتير ...
عربيه وقفت قدام الورشه ونزل منها تامر ويارا
حور نفخت: لا اله الا الله .. مش قولتلك العربيه هتخلص فى اسبوع
تامر بابتسامه: انا بس جيت اشوف العربيه مش اكتر
يارا قربت منه وهمست فى ودنه قدام حور وقالت: ما تقول اشوفك وبطل رخامه
تامر :اسكتى انتى
حور: العربيه فيها حاجات كتير عايزه تتصلح .. انا بدات فيها بنفسي النهارده
تامر: طيب
حور لاحظت انه هيفضل واقف كتير راحت كملت شغلها بلامبالاه فى عربية تامر وهو ساند على العربيه متابعها
يارا همست فى ودنه وهى بتقول: باين انك واقع اوى علفكره
تامر:وانتى باين انك رخمه اوى علفكره .. بطلى يا عيله يا سئيله
يارا ضحكت بصوت عالى
وكان فى واحد خارج من الورشه بيقول: يا اسطى عطيه تليفونك بقاله كتير بيرن
خرجت من تحت عربية تامر وبصت على يارا اللى كانت بتضحك بقرف .. مسكت منديل مسحت وشها. وهى بتقول: معلش هاتلى التليفون لما اشوف مين
يارا بصتلها وكذلك تامر .. ومتابعين الموقف
حور مسكت منديل تانى ومسحت ايدها واخدت التليفون منه .. كان رقم دولى ردت عليه وهى بتقول: الو
جالها صوت اياد وهو بيقول:حور .. وحشتينى اوى
رأيكم فى البارت يا جماعه .... وتوقعاتكم فى البارت الجاى .. باذن الله هنزل البارت كل يوم الساعه ٨ بليل .. رايكم وشير ومتنسوش كومنت لطيف 💜🌸
دمتم سالمين 💚
(19)
#الاسطى_حور
يارا بصتلها وكذلك تامر .. ومتابعين الموقف
حور مسكت منديل تانى ومسحت ايدها واخدت التليفون منه .. كان رقم دولى ردت عليه وهى بتقول: الو
جالها صوت اياد وهو بيقول:حور .. وحشتينى اوى
حور بلامبالاه: ازيك يا اياد عامل ايه؟؟
اياد: الحمد لله .. عامله ايه يا حور
حور: الحمد لله بخير .. اخبار خالو ايه
اياد: الحمد لله بيسلم عليكى .. انتى فى البيت!
حور: لا
اياد: طب انتى اسمك على فيس بوك ايه .. هكلمك فيديو لما تطلعى
حور: اسمى حور جمال .. بس. انا بقالى فتره طويله مش بفتح و مسحه الابلكيشن
اياد: حمليه لما تطلعى وانا ساعه وهتصل بيكى .. حور متتاخريش. ارجوكى
حور: حاضر يا اياد ..
اياد: سلام يا حور
يارا وتامر كانوا متابعين الموقف و كان واضح ان حور بتتكلم بفتور مع اياد
يارا ل تامر بهمس: مين اياد ده!!
تامر بنفس الهمس:اخوها
يارا باستغراب:حد يعامل اخوه كدا
تامر: استنى
وجه كلامه ل حور اللى كملت شغل ومكنتش مركزه معاهم
تامر. ل حور: متضايقه منه ليه!!
حور مكنتش مركزه فى كلامه
فنادى بصوت اعلى شويه وقال: حور .. متضايقه من اياد ليه!!
حور اخيراً ركزت وقالت : نعم!!
تامر: متضايقه من اياد ليه ..
حور. وهى بتكمل شغلها: امور عائليه متخصكش يا دكتور تامر
سابت العده اللى فى ايديها وقامت بتعب وهى بتقول: اقفل الورشه يا فتحى .. انا تعبانه وهطلع
_ حاضر يا اسطى عطيه
حور بصت ل تامر. ويارا. باستفهام
تامر حس باحراج من تصرف حور. وجه كلامه ل يارا وهو بيقول: احم.. طيب نستأذن احنا يالا يا يارا
مشيت يارا جنب تامر وركبوا العربيه ومشيوا
يارا وهى بتسوق: هى مالها!!
تامر بحيره: مش عارف .. بس شكلها متضايقه من حاجه
يارا: اممممم.. طيب .. شكل اياد ده مزعلها
تامر: مش عارف .. هو بقاله اسبوعين تقريبا مسافر
_____________
طلعت المفتاح وهى بتفتح الباب بتعب دخلت الحمام غسلت وشها وايدها وقعدت على السرير بتعب وهى بتفتكر. مكر البنت بتاع النهارده وتامر ومكالمة اياد .. هو وحشها اوى بس مش قادره تنسي انه سابها وسافر
نزلت دمعه من عينها لما افتكرته وهو قاعد معاها لما كلنت تعبانه ولما كانت كل يوم تصحى من النوم تنادى عليه
سمعت صوت تليفونها بيرن وافتكرت ان اياد قالها انه هيتصل بيها فيديو قامت بتعب وفتحت المكالمه .. كان اياد وقاعد جنبه خاله
خاله بفرحه: حور يا بنتى كيف حالك!
فرحتهم بشوفتها فرحتها ابتسمت وهى بتقول: الحمد لله يا خالو .. انت عامل ايه واخبار صحتك ايه!!
خالها: الحمد لله يا بنتى
اياد: عامله ايه يا حور .. شكلك تعبانه
ابتسمت بحب وهى بتقول: الحمد لله .. بقيت كويسه لما شفتك
بقلم نورهان اسلام ______________ الصبح
كارما وحور راحوا الجامعه كالعاده مع بعض .. دخلوا وكانت مى مستنايهم
مى بلوم: اتاخرتوا ليه مستنياكم بقالى نص ساعه
كارما وحور بصوا لبعض
كارما ردت وقالت: احم.. مستنيانا ليه!!
مى نزلت راسها: مش انتوا قلتم هتكونوا صحابى
حور: بس انتى لغة واحنا لغة تانيه .. مش هنعرف نحضر معاكى المحاضرات
مى: تقعدوا معايا فى كافتيريا الجامعه
حور بصتلها بشك وقلق وراحت هى وكارما قعدوا معاها
مى بمرح: تطلبوا ايه !!
حور: عصير ليمون
مى: وانتى كارما
حور مسكت ايد كارما ك تنبيه علشان متتكلمش وقالت: عصير ليمون بردو ..
وانتى
مى : هطلب زيكم...
طلبوا العصير وقعدوا
وكانت مى عماله تتكلم وحور وكارما بيهزوا راسهم وهما بيقولوا اممم .. طبعا اوماااااال وديه كارما كانت بتعلق عليها فى اغلب كلام مى
حور بزهق: اتاخرنا .. المحاضره فضلها عشر دقايق .. نستأذن معلش
يالا يا كارما
مى ابتسمت وهما قاموا مشيوا لحد ما اختفوا من قدامها
قعد سمير قدام مى وهو بيقول بقرف: غبيه اوى ..
مى: نعم.. ما انا ماشيه معاك زى ما انت عايز
سمير: مخدتيش بالك انك عماله ترغى من ساعة ما قعدوا معاكى و تعليقاتهم. كلها بتدل على انهم بيستعبطوكى
مى: مين قالك كدا .. دول واثقين فيا كمان
سمير: طبعا ً.. اومااااااال
_____________________
حور: بنت الرغايه صدعتلى دماغى .. يخريبت مواضيعها التافه
كارما بضحك: والله هبله اوى .. بيضحك عليها من سمير.واحنا بردو علفكره
حور بصتلها: انا مش بضحك على حد .. هى اللى جت ورمت بلاها علينا .. انا مش عايزه اعرفها اصلا
كارما بصدمه: بصى كدا .. دكتور تامر
حور بصت باستغراب:، حتى وايده مكسوره هيتشغل
كارما: شابووه والله .. رمز الراجل المكافح
حور :اسكتى .. لما نشوف هيعرف يشرح وايده اليمين متجبسه
كارما:هيشرح ببوقه عادى
تامر. فضل يبص على الطلاب لدقايق اول ما لمح حور ابتسم ببلاهه لما لاقاها بصاله
تامر فى المايك: احم.. انا طبعا مرضتش اخد اجازه الا يومين علشان امتحانكم بعض شهر .. الامتحان هيكون شفوى وتحريرى الشفوى نص ساعه والتحريرى ساعه هتتكلم معايا او مع الدكاتره الباقيين .. وهتاخد درجتك .. هراجع دلوقتى.. معاكم نص المنهج والنص التانى هيكون بعد بكرا .. واى اساله انا موجود فى مكتبى
بدا يشرح وكل شويه يختلس نظره ل حور وهى مركزه معاه او مع الشرح تحديداً. وبتسجل جميع الملحظات وراه .. لو احتاج يكتب حاجه كان بيحاول بايده الشمال واغلب المحاضره كان بيتكلم بس
قعدوا ٣ساعات فى المحاضره وهو لاحظ انهم تعبوا جدا. انهى المحاضره وهو بيقول: نكمل بعد بكرا ان شاء الله.. لو حد عايز اى سؤال انا فى مكتبى
بص على حور نظره اخيره وخرج
________________بقلم نورهان اسلام
كارما برجا: ارجوكى يا حور تعالى معايا
حور بعناد: كارما انا قولتلك لا .. مش عايزه محايله
كارما: صدقينى حاولت احله معرفتش
حور: هفهمهولك انا
كارما باعتراض: ما انتى حاولتى ومعرفتيش .. هو هيشرحه احسن .. يالا.
. مش هنكمل ١٠ دقايق
حور بتعب: حاضر
خبطوا واذنلهم بالدخول
دخلت كارما. و وراها حور
حور فضلت واقفه على الباب وكارما قربت من المكتب وهى بتساله
حور قعدت على الكنبه. وتامر اندمج فى الشرح مع كارما
After 30 minutes
كارما: تمام يا دكتور .. شكرا لحضرتك
اخيراً بص. على حور. كانت فى وضعية الجلوس ونايمه على نص الكنبه
ابتسم بحب وهو شايفها نايمه وكارما راحتلها وهى بتصحيها وقالت: حور .. حور .. اصحى
حور بنعاس: مش عايزه اروح الجامعه يا كارما .. امشي
كارما بحرج بصت لتامر واخدت كوباية الميه اللى قصاده وهى بتستاذن منه وقالت: اسفه يا دكتور بس لازم
كارما: بسم الله
ودلقت على حور الميه
حور اتنفضت وهى بتقوم وبتقول بصوت عالى:منك لله يا كارما .. مش عايزه .. بصت حواليها باستغراب
كارما وهى بتحاول متضحكش قالت: الجامعه .. احنا فى الجامعه حضرتك
حور بصت ل تامر اللى بيدارى ابتسامته بالعافيه بحرج وصدمه وقالت:انا ايه اللى جابنى هنا
كارما: نطلع الاول وبعد كدا نتكلم
مسكتها من ايديها وخرجت بيها بره
حور بعصبيه: شكلى بئا عامل ازاى قدامه دلوقتى
كارما: حد قالك تنامى .. منمتيش كويس امبارح ليه!!
حور سكتت وكتمت انفعالها ومشيت جنب كارما لحد ما وصلوا البيت
كارما: اطلعى ارتاحى شويه .. وبعد كدا انزلى اشتغلى لو عايزه .. لان شكلك هتموتى وتنامى
حور وهى بتتاوب: انا فعلا هموت وانام .. هطلع انام شويه وانزل
_________________بقلم نورهان اسلام
تامر روح بيته وهو تعبان من شغل النهارده
خبط كذا مره لحد ما يارا فتحت
دخل بتعب وهو بيقول: اومال بابا فين
يارا: عمو لسه فى الشغل مجاش
يارا: عملت ايه!
ابتسم لما تخيل شكلها وهى نايمه
تامر: ملاك
يارا: ايه!
تامر: بتكون شبه الملاك وهى نايمه .. بس لما بتصحى بتكون اجارك الله. لو حد زعلها
يارا ضحكت
نامت ٤ ساعات ونزلت تانى شافت تامر واقف مع عم كمال وبيضحك
_____________ بقلم نورهان اسلام
يالا رايكم فى البارت وتوقعاتكم فى البارت الجاى ومتنسوش الكومنتات الطويله والشير💜💜🌸
دمتم سالمين 💚
 #الاسطى_حور تامر:قاعده بعيد ليه يا حور .. اقعدى جنب كارما حور : انا مرتاحه هنا كارما: يا ستى تعالى اقعدى جنبى شويه .. انتى فع…){kind=link}
تعليقات
إرسال تعليق