 |
البارت ال 30 💥بقلم ✍️ سلطان زماني
طلعنا فوق خبطنا ام مريم فتحت
ومزهوله وقالتلي ايه الي لم الشامي علي
المغربي زقتها ودخلنا الواد اول ما شاف أبوه جري عليه
واتشعبط في هدومه وابوه فضل يبوس فيه ويبكي قالتلي
انت عايز ايه مني ومن بنتي ما تسبنا في حالنا ولا هو افتراء
قولتلها ده انا لسه بقول ياهادي يا ام 44
روحي ياولية انجري اندهيلي المعلمه الي مشغلاكي
قالتلي معلمه ومشغلاني
كبرتي وسمعك تقل اووووي بصوت اعلي روحي ياولية
انجري اندهيلي المعلمه الي مشغلاكي طلعت مريم لبسه
عباية سوده ولا اكنها امها ماتت
ب انكسار وضعف ايوا يا محمود عايز ايه وعماله تبص علي
طليقها ومببرقه وبصتها مش طبيعية
قولتلها بصراحه طلقيك كلمني وقالي أنه عايز شقته وعايز
ابنه وانا قولتله موافق مصدقنيش ..رفعت رجعلي علي
طربيزة الانتريه وبقت رجلي في وش امها ..مصدقنيش
قولتله تعالي شوف واسمع بودنك
مريم ..كله الا ابني يامحمود الشقة يخدها في داهية أنا كده
كده كنت هسبهاله ده انا كنت بربي فيها ابنه هو انا مقعده
فيها حد غريب ..ابني لا يامحمود ..وبغضب وعصبيه وصوات
ابني لا لا
بقلم ✍️ #سلطان_زماني
_ تعالي يابت اقولك كلمة في ودنك وزعقت في وشها اوي
وشخطت قولتلها تعالي جت زاي الكلبه قعدت علي ركبها
وقربت ودنها ليا ..بصوت واطي ..أنا يامومس لو بعتله فيديو
ولا اتنين هيثبت انك سيئة السمعة وهياخده مش كده ولا ايه
وبعدت عنها وقولتلها احنا عايزين نحل الموضوع من غير
فضايح ولا انتو عايزين فضايح
مريم ..بتبص لطلقها هتاكله يعنيها وبتعض في سفايفها
وبتستحلفله وطلقها قلق وكش منها
قولتله سيبك منها كل ده اونطة هي هترجع لعلقها دلوقتي
وتهدأ
قالتلي الواد بفضل بنا واشوفه وقت ما اعوز اشوفه
طلقها رد اه طبعا أنا لا يمكن احرمه من امه قولتلها بكره
تفضيله الشقة وتكتبي تنزال عن الواد لو عايزه تحلي فعلا
واسيبك في حالك غير كده هتبقا سواد عليكي وعلي امك
وعلي اي حد هيقف قصادي .
امها ..في ايه مالك هو انت طايح ومش شايف قدامك ياخي
اعمل حساب للعيش والملح الي كلتهم في بيتي
_ قصدك الي كان بيتك ياوليه ياقرشانه عيش وملح ايه الي
اعمل حسابه كنتو عملتو حساب ل ايه انتو ياعالم ياغجر
ياولاد الحرام ايه جيتو الدنيا دي علشان تشترو وتبيعو وتاذؤ
خلق الله نسيتي لما كنتي بتداري عليها وقولتي أنها رايحه
تجيب علاج وهي شكلها كانت مع زبون من زباينها
مريم ..ابوس ايدك ياماما اسكتي سبيه يقول ويعمل الي
عايزه وتلطم وتبكي وامها كمان تلطم وتصوت وبتقول
حسبي الله ونعم الوكيل فيك يافاجر ياظالم يامفتري ربنا
ينتقم منك يامحمود اشوف فيك يوم ربنا يهدك ليك يوم
ياظالم
اخويا قال بصو فكرو براحتكم وبكرا ردو علينا احنا قولنا
نيجي نحلها بالعقل والود الاول يلا بينا قبل ما نطلع من باب
الشقة قالت أنا موفقة والله موفقة اصبر خد ابنك معاك أنا
مش عايزاه اصبر اجبلك هدومه كلها دخلت عليها اتفرج وهي
بتعيط وعماله تبصلي ومتشحتفه من العياط وقالتلي ياريت
كمان بكره بالمره نخلص وتطلقني ويبقا كده اتنزلت عن
شقتي وعن ابني وعن قايمتي يارب ترتاح بس يامفتري
قولتلها نخلص حاجه حاجه ياريمو مش عايزك تستعجلي 😘
يتبع ..هااا كفاية كده علي مريم ولسه يا اشرار 😂😂😂
تعليقات
إرسال تعليق