 |
#هروب بلا عوده
#الحلقه السادسه
جورج :ينهار اسود مرينا فوقي ارجوكي والجرس عامل يرن وإيمان ومينا عاملين يخبطوا عالباب
مينا :افتح يا عريس يا عريس يا عريس
ايمان:عيب يا مينا مرينا افتحي افتحي افتحي 💃
الام :بس بس عيب الناس فتحت الشقق وبتتفرج علينا
ايمان:واي يعني مش بنبارك للعروسه وفتح مينا
الام :الف مبروك يا حبي..اي ده مالك
جورج :ابدا مافيش اتفضلوا ادخلوا
ايمان :جورج مالك فيك اي
جورج :مافيش حاجه بس كنت نايم ادخلي كلمي مرينا تعالي يا ماما وطلعت اخت جورج وأخوها ودخلت ايمان الاوضه
ايمان:اي ده ينهار اسود مرينا فوقي مين اللي عمل فيها كده
جورج :والإنجيل ما اقصد انا غصب عني
ايمان :ده انا هوديك في داهيه
جورج :انا عرفت غلطتي ارجوكي يا ايمان ساعدني
ايمان :اسعدك في اي دي دماغها انفتحت
جورج :انا مكنش قصدي انا كنت بتكلم معاها وقعت علي سن السرير اتعورت
ايمان:مرينا يا حبيبتي فوقي
جورج :حاولي تفوقيها وانا هشوف الناس اللي برا
ايمان:منك لله يا بعيد وخرج جورج وفوقت ايمان مرينا
مرينا :اااه يا دماغي انا فين
ايمان :مالك يا حبيبتي اي اللي حصل بس
مرينا :جورج ضربني محمود كان بيكلم جورج وكانو بيتفقوا عليكي
ايمان :انتي بتقولي اي
مرينا :انا لازم امشي من هنا ااااه دماغي
ايمان :ريحي نفسك بس وكل حاجه هتتحل والله اصبري عايزه تمشي تروحي فين
مرينا :جورج لا انا مكنتش متوقعه منه كده
ايمان :اهدي يا مرينا انا مش فاهمه حاجه بس وريني الجرح ده الاول لا الحمد لله سطحي مش محتاج خياطه
مرينا :انا لازم امشي
ايمان :وبعدين
مرينا :مش فاهمه قصدك يعني اي وبعدين
ايمان :انتو معندكوش طلاق لما ترجعي بيت بابكي من الصباحيه ده هيبقي عادي
مرينا :امال عايزني اعمل اي
ايمان :تسمعي كلامي وتخرجي دلوقتي تسلمي علي الناس
مرينا :انتي بتهزري صح
ايمان :لا والله بتكلم بجد بعدها هقولك تعملي اي
مرينا :دماغي وجعاني اوي وده ضربني
ايمان :حقك هيجي بس قومي البسي وانا هخرج للناس برا
مرينا:ماشي حاضر هسمع كلامك لما اشوف آخرتها
ايمان:اخرتها كويسه باذن الله وخرجت ايمان
الام :امال فين مرينا
ايمان :بتلبس بقالها ساعه مس عارفه تلبس اي
الام :طيب هي خلصت
ايمان : ايوه وخرجت
مرينا مساء الخير
الاب :مساء الخير اي اللي انتي عامله ده
مرينا :اصل دماغي مصدعه من امبارح
الاب:طيب فيه عروسه تخرج كده فكي الاسكرف ده
ايمان:هي لسه وخده برشامه وهتبقي كويسه
جورج :تعالي يا حبيبتي نجيب حاجه ساقعه
ايمان:اه ادخلي يلا
الام :ايمان
ايمان :نعم يا حبيبتي
الام :انا مش مرتاحه
ايمان :ليا
الام:ليكي ومرينا حاسه ان في حاجه غلط
ايمان :ابوس ايدك اركني احساسك علي جمب مش وقته
الام :هعرف يا ايمان
ايمان :هقوم اجيب بيتي فور
وفي المطبخ
جورج :انا اسف يا مرينا حقك عليا
مرينا :لحد ما اعرف انا هعمل اي ملكش كلام معايا
جورج :انا اسف الشيطان غاوني وخلاني اكون طماع
مرينا:انت يا جورج ده انت مكنتش بتقبل تاخد جنيه من ايمان
جورج :غلط وانا اسف بجد واوعدك عمري ما هعمل حاجه تزعلك انا كان حلم عمري أن اتجوزك وفعلا اتجوزنا ارجوكي سامحيني
ودخلت ايمان
ايمان :الناس عامله تسال عليكم
جورج :احنا خارجين اهو
ايمان :اخرج واحنا هنجيب الحاجه وجاين
جورج :تمام ماشي وخرج جورج
ايمان :دماغك وجعاكي
مرينا:لا خالص
ايمان :طيب لو مافيش دم حاولي تفكي الاسكرف ده
مرينا :انتي ناويه علي اي
ايمان:مش وقته بس جورج انسان كويس والله
مرينا :ازاي بعد اللي عمله
ايمان :انتي مشوفتيش وشه كان عامل ازاي لما جينا
مرينا :خايفه يا ايمان
ايمان :مش عايزكي تخافي بس امشي ورايا وانا مش هخليكي تخسري
مرينا :شوفي مين بتتكلم وحده خرجت من حياه رضا وقعت في محمود
ايمان:بتقولي حاجه يا مرينا
مرينا :ابدا يا حبي
ايمان :حبي انتي خليتي فيها حبي ومسكت مرينا من دماغها
مرينا :اه اه حاسبي
ايمان :المهم انا عايزه اقولك علي حاجه مهمه
مرينا :قولي يا حبيبتي
وفي بيت محمود
نفين :هو انت هتسكت
محمود :نفين ابعدي عني دلوقتي
نفين :هو انت اديتها كام برشامه
محمود :هي برشامه وحده بس
نفين :يعني حبكت تمد ايدك عليها
محمود :بقولك اي انا مش ناقص عرفتي توصلي لمياده
نفين :لا خالص الرقم الدولي اللي كلمتك منه غيرته
محمود : حاولي توصلي لحد في المانيا يوصلنا ليها
نفين :هو انت عايزها ليه
محمود :نفين نفذي اللي بطلبه منك وبس
نفين :لا والله ده اسمه اي يعني
محمود :انا مش بحب وجع الدماغ
نفين :انت اي يا محمود انت مش قادر تحس بيا ليه جيت ليا بعد جوزنا بشهر وقولت ليا هتتجوز وسكت شغلتني عند مراتك وقولت ومالو انما كده كتير
محمود :وهو كل ده ببلاش ولا اي مانتي عملتي مصالح قد كده من ورا شغلك معاها
نفين :بمجهودي مش ذنبي أنها فاشله ومش عارفه تمشي شركتها
محمود : ولولا انا مكنتش عرفتي تعملي الفلوس دي
نفين : بقولك اي بطل الكلام ده انا مش هسمح ليك تكلمني كده تاني
محمود :شكلك نسيتي نفسك ده انتي كنتي شغاله يابت في شركه تحت السلم وبعد التعب معاهم قالو ليكي برا وجيتي تبوسي رجلي علشان اجبلك حقك
نفين اخرتها يا محمود
محمود :انتي اللي وصلتني لكده يا نفين انا بحبك ومش بحب ازعلك بس انتي غبيه اوي
نفين :,عندك حق
محمود :يا ستي متزعليش حقك عليا انا اسف
نفين :ماشي يا محمود
محمود :يا نفين انا من غيرك ولا حاجه يابت ده انتي دراعي اليمين والحته الشمال عندي معقول انا ازعلك مني تعالي اقولك
وفي شقه مرينا
جورج :انا عملت سندوتشات برجر لينا
مرينا :مش عايزه
جورج. مرينا حقك علي انا غلطان والله
مرينا :انت يا جورج تعمل فيا كده
جورج :بجد انا غلطان وحقك عليا وعلشان خاطرك انا ممكن اعمل اي حاجه
مرينا :الكلام ده حقيقي
جورج :,ايوه طبعا المهم انك تسامحني
مرينا :هنشوف يا جورج
جورج :بجد انتي سامحتني
مرينا :,لو سعدتني انا وإيمان
جورج :اي رايك بجد نخرج ايمان دي من حياتنا بقي
مرينا :,تاني
جورج :انا متغيرتش الا لما ايمان دخلت دي في حياتنا
مرينا :ايمان عايزه تكتب كل حاجه باسمي
جورج :انتي بتقولي اي
مرينا :قولتك هي مش مامنه محمود وقالت هنروح الشهر العقاري علشان تكتب كل حاجه ليا بيع وشراء
جورج :انتي بتتكلمي بجد
يتبع
#هروب بلا عوده
#الحلقه السابعه
مرينا :ايوه بتكلم بجد
جورج :وانا مش موافق طبعا
مرينا :وانت مالك يا جورج اصلا
جورج :مرينا الفلوس دي هتخسرنا بعض
مرينا :هو انت فاكر ان كل حاجه هتكون ملكي لا هو بس لحد ما تشوف هتعمل اي مع محمود
جورج :علشان خاطري بلاش
مرينا :هي لو مش هتعمل كده معايا هتعمل كده مع مينا
جورج :تعمل كده ملناش دعوه مينا حر في حياته
مرينا :يعني بجد الموضوع ده مش فارق معاك
جورج :انا كنت انهارده هخسرك بسبب الفلوس وبصراحه فقوت لنفسي ومش عايز اي حاجه تخسرنا بعض تاني
مرينا :كان ليه يا جورج كنت هتستفاد اي
جورج :ما خلاص بقي يا مرينا
مرينا :والله مش بفتح في مشاكل بس عايزه اعرف كان اي اللي هيحصل
جورج :محمود متجوز
مرينا :نهار اسود وانت عارف
جورج :خلاص بقي أنا قولت هبدا بقي صفحه جديده
مرينا : لا انت لازم تفهمني الموضوع كله وكمان تساعد ايمان
جورج :نفين اللي اشتغلت معاه ايمان تبقي مرات محمود
مرينا :طيب وليه مهو كان اتجوزها وكانت كل حاجه هتكون بتاعته
جورج :الطمع يعمل اكتر من كده
مرينا :يعني كان عندها حق لما مشت نفين
جورج :مرينا خلي حياتنا في بيتنا وابعدي بقي عن الوش ده
مرينا :مش قبل ما اخلص ايمان من محمود
جورج :ماشي يا مرينا
مرينا :وانت اكيد هتسعدني
جورج : عايزني اعمل اي
مرينا :هتفضل قريب لمحمود علشان تعرف كل أخباره
جورج :لو ده هي خليكي تسامحني انا موافق
مرينا :اكيد طبعا هسامحك
جورج :ماشي يا مرينا
مرينا :طيب اقول اي لايمان
جورج :مش فاهم قصدك
مرينا :المفروض أن احنا هنروح الشهر العقاري بكره
جورج :,انا هساعدك في كل حاجه الا الموضوع ده سامحني
مرينا :وانا هحترم طلبك
جورج :حبيبتي والله وريني دماغك كده
مرينا :خلاص مفيهاش حاجه
جورج : تقصدي انا كنت متخيل أن لما احنا نتجوز هنعلب مصارعه حره بقي مع بعض بس طلعتي ورق خالص
مرينا :هي مين دي اللي ورق تحب اوريك
جورج :روحي بقي اتنيلي كده
مرينا : طيب تعالي هنا
جورج :اه دماغي يا غبيه انتي بتخنقني
مرينا :علشان تعرف بس
جورج :بحبك والله
مرينا :وللاسف برضه انا كمان بموت فيك
وفي مكتب ايمان المكتب خبط
ايمان :,ادخل محمود داخل ب ورد
محمود : انا اسف
ايمان :علي اي
محمود :بجد انا غلطان حقك عليا
ايمان :مافيش حاجه خلاص
محمود :بجد انا مش عارف عملت كده ازاي
ايمان:حصل خير. يا محمود بقي
محمود :طيب هترجعي الفيلا انهارده
ايمان:بجد انا نفسيتي زفت ومش هقدر ارجع الفيلا
محمود : يبقي لسه زعلانه مني
ايمان :قولتك لا يا محمود بس انا مش عايزه ارجع الفيلا
محمود : طيب تعالي نغير جو في اي مكان
ايمان:عندي شغل كتير اكيد مش دلوقتي
محمود :ماشي اللي يريحك يا ايمان
ايمان :مش عايزك تكون زعلان
محمود :المهم انك مش زعلانه مني
ايمان :طيب رايح فين
محمود :رايح المكتب بتاعي
ايمان ؛الورد ده ليا
محمود :اه طبعا ليكي
ايمان :حبيبي تسلم ربنا يخليك
محمود :,خدي بالك من نفسك يا حبيبيتي
محمود :اه صحيح وانا خارج ملقتش نفين
ايمان :زعلت ومشيت
محمود :بجد لو البنت دي مشيت هتخسري كتير اوي
ايمان :,انا مقولتش ليها تمشي انا هرجع مرينا وقولت ليها اتنقلي في اي مكان تاني قالت لا
محمود:مرينا ليه مرينا
ايمان :محمود بعد اذنك لما بتدخل في شغلي بنزعل مع بعض ياريت متدخلش في شغلي
محمود اللي تشوفي هتوحشني
ايمان :وانت كمان وخرج محمود بوشين بس صبرك عليا يا محمود ودخلت اسماء
ايمان :في حاجه يا اسماء
اسماء :اه لا اقصد
ايمان :,في اي يا اسماء ما تتكلمي
اسماء :انا بحبك جدا والله وعايزه اقولك حاجه بس خايفه تحصل مشكله
ايمان :,ايمان احنا اخوات اتكلمي عالطول
اسماء :استاذ محمود بقالو فتره بيكلمني ودلوقتي طلب مني احط ده في مكتبك واسمع كل حاجه واروح اقوله
ايمان :هو اي ده
اسماء :جاهز بيسجل
ايمان :طيب هاتي يا حبيتي
اسماء :,انا عمري ما اعمل كده والله فيكي وانتي عارفه انا عمري ما اخرج اسرار الشغل هسجل لحضرتك
ايمان :عارفه يا اسماء وعلشان كده عمري ما اجيب حد مكانك
اسماء :شكرا لحضرتك
مرينا :ينفع ادخل
اسماء :مرينا الف الف مبروك عامله اي
ايمان :انتي يا مجنونه في عروسه تنزل في شهر العسل
مرينا :انا هههههههههههه
ايمان :هبله اقسم بالله
مرينا منا عارفه اصل انا مسافره قولت اجي اسلم عليكي
ايمان :مسافره فين انا مديكي اجازه اسبوع بس
مرينا :اسماء عايزه عصير وقهوه المدام لانها لسه مفقتش أن مرينا أكلتك اي يا بنتي
ايمان :محشي
مرينا :الله اما رايحه ليها
ايمان :خدي هنا يا هبله اقعدي عايزكي
اسماء :هروح اطلب ليكي ليمون
مرينا :,اه ياريت يا حبيبتي
وخرجت اسماء
مرينا :انا شوفت محمود وهو نازل
ايمان :اه كان هنا بوصي
مرينا :اي ده
ايمان :كان عايز اسماء تسجلي
مرينا :,الواطي انا عايزه اقولك حاجه بس خايفه
ايمان :خايفه من اي اتكلمي
مرينا :خايفه علي زعلك والله
ايمان : هههههههههههه يابنتي انا شوفت من الدنيا دي اللي يخليني مزعلش تاني
مرينا :نفين
ايمان :مالها زفته
مرينا :مرات محمود
ايمان :,انتي بتقولي اي معقول
مرينا :اه والله مينا قالي
ايمان :الوطي الجبان
مرينا :بجد مش عارفه انتي حظك عامل ليه كده
ايمان :معلش بس هتكون اخر مره أطلق من محمود ومافيش جواز تاني
مرينا مش قولت لجورج علي موضوع املالك
ايمان :وقالك اي
مرينا :قالي لا تكتبها باسم اخوكي باسم اي حد ماشي انتي لا
ايمان :مش قولتك جورج كويس بس الشيطان ضحك عليه
مرينا :خايفه والله
ايمان :والله يابنتي جوزك بيحبك واتصلت اسماء ب مكتب ايمان
اسماء :نفين هنا وعايزه تقابل حضرتك
ايمان :ودي عايزه اي دي دخليها
نفين :مساء الخير ازيك يا مرينا الف مبروك
مرينا :بخير
ايمان :خير في حاجه
نفين :انا جايه اقولك كل حاجه واسعدك تتخلصي من محمود وكمان عرفت انك عايزه مياده اقدر اخليها تنزل مصر
يتبع
#هروب بلا عوده 2
#الحلقه الثامنه
ايمان : مين مياده
مرينا :مياده يا ايمان اللي كانت مرات رضا
ايمان:اه صحيح كان اسمها مياده بس انا هدور عليها ليه يا حبيبتي
نفين :عارفه انك مش هتامني ليا بس وربنا انا جايه اسعدك انا مرات محمود الأولي عالفكره
ايمان :مرات محمود ازاي وليه مقلش ليا
نفين : يقول لك ايه ان هو اللي هرب مياده ولا اقول لك ان انا امراته و متجوزك عشان ياخذ منك فلوسك بعد ما يخلص منك
ايمان : انت بتقولي ايه ايه علاقه محمود مياده
نفين :هو اصلا اللي هرب مياده برا مقابل انها ترجع ليكي الورث وياخد مليون جنيه
ايمان:طيب انا هعمل نفسي مصدقاكي انتي جايه تبيعي ليا جوزك
نفين :علشان كلب والله وملوش اي عزيز اه انا وافقت أنه يتجوزك مقابل الفلوس وقالي أنه مش بيحبك
ووقت بس لحد ما ياخد الفلوس وهيطلقك
مرينا :طيب اي اللي خلاكي تغيري رايك وتيجي تقولي الكلام ده
نفين :قولتك علشان واطي ومش بيفكر الا في نفسه
ايمان :طيب انتي هتقدري تجيبي مياده ازاي
نفين :انا علي تواصل معاها لحد ما رؤوف ينعدم
ايمان :يعني هي كده كده نازله
نفين :ايوه لأنها مش عارفه تعيش برا
مرينا :,والإنجيل انا حاسه أن في فليم عربي
نفين :انا معاكي يا ايمان لحد ما تخدي حقك من محمود
ايمان :والمقابل
نفين :الشغل مش عايزه اكتر من كده وانا كسبت من وراكي ٣مليون هرجعهم ليكي لاني عايزه اشتغل بالحلال
ايمان:ماشي يا نفين الفلوس حلال عليكي وانزلي شغلك مع ان حاسه انك مش محتاجه خلاص
نفين :قولتك انا عايزه اعيش بالحلال والله
ايمان :تقدري تنزلي شغلك
نفين :لا خلي محمود اللي يعرض عليكي لحد ما نشوف هتعملي اي
ايمان :ماشي يا نفين هكلمك في التلفون
نفين :تمام ماشي سلام اه صحيح لو محمود قعد معاكي وعمل ليكي عصير اوعي تشربي
ايمان ليه
نفين :اسمعي الكلام بس مش اكتر خدي بالك من نفسك وخرجت نفين
مرينا :انتي مصدقها ما يمكن يكون حوار
ايمان :هيبان
مرينا :ناويه علي اي
ايمان :قومي روحي شهر العسل بتاعك انتي ليه هتتكلمي معايا وتخدي وتدي
مرينا :هو انتي فاكره أن ممكن اسيبك في الوقت ده
ايمان :متخافيش بس جورج ليه حق عليكي ولازم تروحي معاه
مرينا :انا خايفه عليكي
ايمان :متخافيش يا قلبي ربنا انجدي من الموت كام مره وعلشان انا مش باذي حد هيقف جمبي
مرينا :خليكي معايا علي تلفون
ايمان :اكيد يا قلبي اجازه سعيده
مرينا :حبيبتي خدي بالك من نفسك
ايمان :وانتي كمان
وفي بيت ام مرينا
مينا :ماما أنا نازل عايزه حاجه
الام :لا خدي بالك من نفسك
مينا :طيب يا حبيبتي كلمتي مرينا
الام :اه وسافرت خلاص
مينا :تتنهي يارب مع جوزها
والباب خبط
الام :مين اللي جاي لينا دلوقتي
مينا :خليكي انا هشوف مين وفتح محمود تعالي خير
محمود :كنت عايز اتكلم معاك شويه
مينا :تحت امرك اتفضل شاي يا ماما
محمود ،:انا كنت عايزك تتكلم معاه ايمان ترجع بيتها
مينا :وانا مالي انا ملوش حكم عليها
محمود :بس هي عندكم
مينا:اه يعني عايز أن نقولها امشي روحي
محمود :مش بالظبط كده بس هي لازم تعقل
مينا :البيت ده هيفضل مفتوح ليها في اي وقت
محمود :طيب ترجع الفيلا وانا هسيبها
مينا:برضه حاجه مش بتاعتي علشان اقدر اتكلم فيها اتكلم انت معاها
محمود :حاولت بس هي مش عايزه
مينا : خلاص يبقي الموضوع انتهي لازم هي اللي تعوز
محمود :بس لو قولتم ليها امشي هتمشي
مينا :واحنا منقدرش نقولها كده وبعدين هي ايمان محتاجه دي لو عايزه تجيب فيلا بكره هتجيب
محمود :هي متعرفش تعيش لوحدها واكيد مش هتلاقي قدامها غيري
مينا :انا هتكلم معاها انها تحاول تهدي الدنيا بس مقدرش في أكتر من كده
محمود :ماشي يا مينا ونزل من عندهم واتصل ب جورج
جورج :خير يا محمود
محمود:ايمان لازم ترجع البيت
جورج :واحنا مالنا يا محمود
محمود :اه مانت اللي كسبان مراتك هترجع تشتغل هناك تاني
جورج :انا قولت ليها بلاش ترجعي بس هي حباه تكون مع ايمان
محمود :جورج انت واخد فلوس ولازم تقف جنبي
جورج :حركه كويسه انها ترجع مرينا علشان اقدر اعرف منها هي بتفكر في اي بعد ما مشت نفين
محمود :الغبيه دي كمان معرفش راحت فين
جورج :هي مشيت
محمود:اه اتخنقنا سوا وسابت البيت
جورج :حاول ترجعها وتكون عينك هناك
محمود :متخافش برضه ليا عين هناك
جورج :مين حد جديد
محمود :اسماء السكرتيره
جورج :اه طيب اقفل بقي مرينا جايه
محمود:طيب لو في اي جديد كلمني
جورج :, اكيد هعمل كده سلام
مرينا :خير عايز اي
جورج :خدي بالك من اسماء لأنها خلاص بقت مع محمود
مرينا :معقول ازاي
جورج :مش عارف بس هو قالي أنها بقت عينه هناك
مرينا :متخافش ايمان مش غبيه
وفي مكتب ايمان كانت مريم مرات رؤوف عندها
ايمان :والله انا وكلت محاميه تانيه للقضيه
مريم :طيب طلما في يد تانيه للقضيه جوزي محبوس ليه
ايمان :علشان اعترف علي نفسه
مريم :مهو المحامي الزفت هو السبب هو اللي قاله لازم تتعرف وانا هكون جمبك
ايمان :متخافيش والله انا معاكي
مريم :والله العظيم هو مكنش بيفكر في موته بس هو اللي خلاه يعمل كده
ايمان :متخافيش انا واثقه في شيماء المحاميه دي
مريم :يارب ودخلت اسماء نفين بره عايزه حضرتك
ايمان :خليها تدخل
نفين :مساء الخير طيب انا ممكن اقعد برا لحد ما تخلصي
ايمان:لا تعالي ادخلي خلاص يا مريم هكلمك
مريم:انا عشمي في الله ثم انتي
ايمان :سبيها علي الله سلام
مريم :مع السلامه ونزلت مريم
نفين :مياده جايه الاسبوع الجاي
ايمان :,بتهزري معقول
نفين :انا قولت ليكي يا حبيتي اني جمبك متخافيش
برا كان محمود جه
اسماء :استاذ محمود
محمود :ها عملتي ايه
اسماء :معرفتش احطه في مكتبها
محمود :,انتي هتهزري يابت
اسماء :والله بقت تقفل المكتب وهي ماشيه
محمود :قدامك بكره ماشي
اسماء :ماشي بس ممكن تستنها هنا لما تخلص
محمود :اجري اعملي ليا قهوه وخرجت نفين
نفين :محمود
محمود : انتي هنا ليه
نفين :كنت جايه اتكلم معاها علشان ترجعني
محمود :ها ووفقت
نفين : يعني برضه عايزاني بالحسابات بس قلت اي مكان بس اكون قريبه ليها
محمود : جدعه يا بنت يا نفين بس دي عملت كده
نفين : بحاول اصالحك
محمود: احلى حاجه عملتيها طيب تعالي عايزك عايزين نتكلم شويه مع بعض
ونزلوا مشيوا بالعربيه
نفين : هو احنا رايحين فين
محمود :بتبعيني يا بنت الكلب وضربها بالقلم
نفين :اااه انت بتقول اي
محمود :انا سمعت كل حاجه قولتيها ل ايمان آخر يوم في عمرك هيكون انهارده
يتبع
#هروب بلا عوده 2
#الحلقه التاسعه
نفين :اعمل كده وريحني
محمود :اتفقتي مع ايمان عليا يا نفين
نفين :انت اي شيطان انا عارفه كل بلاويك وكنت ساكته وعامله اقول بكره يا بت يتغير انما مافيش فايده فيك
محمود :شكلك انتي اللي نسيتي نفسك يا نفين وشكل اني دلعتك
نفين :دلع اي انا من يوم ما عرفتك وانا بقي كل تفكيري في الفلوس زيك بالظبط انت انسان طماع وانا بقيت زيك
محمود :فين مياده
نفين :معرفش بس لازم ترجع وتاخد جزئها ذنبه اي رؤوف يعني يشيل حاجه هو معملهاش
محمود:وانتي مالك حاجه تخصك في اي بقيتي المحاميه بتاعته
نفين :لا بقي عندي قلب بس وبقيت احس حرام ارجع علي اللي انت بتعمله وارجع إنسان كويس تاني يا محمود
محمود :اكيد هعمل كده وعارفه اي كمان هطلق ايمان بس مياده فين
نفين :معرفش وانا مش عيله صغيره ممكن تضحك عليها
محمود :والله لاوريكي يا نفين وساق العربيه روح علي البيت
نفين :سيب دراعي يا محمود وكتف محمود نفين
محمود :مش هتخرجي من هنا قبل ما اعرف فين مياده
نفين :برحتك بس عايزه اقولك حاجه انا مكنتش بكلم مياده من التلفون ده فريح نفسك مش هتعرف توصل ليها انت ليه مهتم اوي بمياده علشان الفلوس لا اكيد في موضوع تاني اكبر من ده
محمود. :حاجه متخصكيش ملكيش دعوه
نفين :ماشي يا محمود برحتك بس كده كده ايمان هتوصل لمياده وهتبلغ عنها
محمود :ماشي يا نفين سعاد يا سعاد
سعاد :نعم يا ليه بيه
محمود :لو نفين خرجت من الأوضه دي اعتبري أنه اخر يوم في عمرك
سعاد :حاضر يا بيه
محمود :هخلص مع ايمان ورجعلك يا نفين
نفين :مبقتش اخاف منك خلاص اعمل اللي انت عايزه يا محمود
محمود :والله لاخليكي تتمني الموت
نفين :تفوووو عليك انا غلطانه اني كنت بحب واحد زيك
محمود :ماشي حسابك معايا كبير اقفلي الاوضه يا زفته
سعاد :حاضر يا بيه ونزل محمود وفضلت نفين متكتفه في الاوضه
سعاد :ليه بس كده يا ستي
نفين :فكني يا سعاد ارجوكي
سعاد :والله غصب عني بس ليه وصلتي للدرجه دي
نفين :مش وقته ارجوكي فكني وانا هديكي مبلغ كبير تعيشي بيه انتي وعيالك
سعاد :والله العظيم لو الموضوع فلوس بس كنت فكيتك بس انتي عارفه استاذ محمود ممكن يعمل فيا اي
نفين :حسبي الله ونعم الوكيل
وفي مكتب ايمان
ايمان :انا ماشيه يا اسماء عايزه حاجه
اسماء :هو استاذ محمود دخل ليكي
ايمان:محمود هو جه امتي ده
اسماء :لما كانت نفين عندك وأما منعته يدخل بس دخلت اعمل ليه قهوه بعدها خرجت مش لقيته
ايمان: ينهار اسود وانتي ازاي تسيبي المكتب افرضي كان سمع الكلام بيني وبين نفين
اسماء :والله الأوفيس بوي كان نزل وانا قومت اعمل ليه قهوه واتصلت ايمان علي نفين
ايمان :تلفونها مقفول ربنا يستر
اسماء :هو ممكن يعمل فيها حاجه
ايمان::اكيد لو سمع الكلام اللي كان بينا
اسماء :طيب حضرتك هنتصرفي ازاي
ايمان :هو انتي متعرفيش بيتها
اسماء :لا طبعا
ايمان :هي محبتش ورق ليها
اسماء :,للاسف لا مجبتش
ايمان :طيب انا هتصرف ازاي أما خايفه ياذيها
اسماء :طيب كلمي كده
ايمان :لا طبعا كلمي انتي وقولي ليه ان شيماء المحاميه جت وانتي سمعتي اني بقولها عندي معلومات مهمه اوي بس تعالي نكمل كلمنا برا وحاسهةان انا شكه فيكي
اسماء : حاضر واتصلت اسماء علي محمود
محمود :خير فيه اي
اسماء مالك هو حضرتك بتكلمني كده ليه
محمود:اسماء انا مش نقصك فيه اي
اسماء :المحاميه اللي اسمها شيماء كانت هنا وسمعت ايمان وهي بتقول ليها أن هي عندها معلومات مهمه اوي بس حصل حاجه غريبه
محمود :اي فيه اي
اسماء :,مدام ايمان قالت ليها تعالي نكمل كلامنا برا وخدتها ومشيت وأما خايفه تكون شكه فيا
محمود:بقولك اي هو مين اللي كان عند ايمان وانا عندك
ايمان بصوت واطي :قولي ليه أن كانت نفين
اسماء:دي نفين اللي كانت شغاله هنا
محمود :ومقولتيش ليا ليه
اسماء :معرفش انك كنت عايز تعرف
محمود :حسابها معايا كبير
اسماء :هي مين
محمود :ملكيش دعوه المهم عرفتي هما رايحين فين
اسماء :لا طبعا معرفتش
محمود :طيب هي قافله المكتب ولا لا
اسماء :اه قفلته
محمود :ماشي انا هتصرف سلام
اسماء :سلام وقفلت السكه
ايمان :,كده اكيد سمع انا لازم اوصل لنفين
اسماء:انا خايفه عليكي
ايمان :اتعود خلاص علي التعب بس حرام انا كده اتاكد أن نفين كانت خايفه عليا وكلامها صح
وفي الاوتيل اللي كانت فيه مرينا
جورج :مالك يا مرينا
مرينا :خايفه اقولك تزعل
جورج :لا قولي
مرينا ده اكتر وقت لازم كنت اكون فيه جمب ايمان
جورج :مرينا هو انا مليش حق عليكي
مرينا :مش قولتك مش عايزه اتكلم
جورج :لا بس لازم تفصلي شويه مينفعش كده لازم تعيشي حياتك
مرينا :خلاص يا جورج
جورج :عايزه نرجع القاهره
مرينا :لا طبعا خلاص انا اسفه
جورج :مش هكون مبسوط انك قاعده معايا وعقلك مش معايا
مرينا :والله قلبي متعلق بيها اوي
جورج :,هتنزل بكره القاهره وبعدين نبقي نرجع في اي وقت بعد ما المشاكل دي تتحل
مرينا :لا قولتك خالص
جورج :والله مش زعلان جهزي نفسك
مرينا انا بحبك اوي يا جورج
جورج :وانا كمان
وفي بيت مريم مرات رؤوف الباب خبط فتحت مريم
محمود : مساء الخير
مريم:مساء الخير ايوه تحت امرك
محمود :انا محمود اللي كنت ماسك قضيه رؤوف
مريم :فاكره حضرتك خير
محمود :انا كنت جاي علشان .....
يتبع
#هروب بلا عوده 2
#الحلقه الاخيره
مريم :كمل كلامك جاي علشان
محمود :انا عارف اني أهملت قضيه رؤوف بس ناوي باذن الله ارجع اكمل فيها
مريم :شكرا انا هتشوف محامي تاني
محمود :بس القضيه دي كانت معايا الاول وانا عارف هقدر اساعد رؤوف ازاي
مريم :مش عايزه حضرتك
محمود:ده اخر كلام عندك
مريم :ايوه حاجه تاني
محمود :شكرا بس لو فاكره ايمان هتقدر تساعدك يبقي بتوهمك
مريم :ماشي بعد اذنك وقفلت باب الشقه
محمود :ماشي يا ايمان حسابك معايا هيكون كبير اوي
ونزل محمود وفضل يرن علي ايمان مش بترد
وفي الاخر ردت
ايمان:ايوه يا محمود
محمود :هو انتي فين
ايمان :خرجت انا ووحده صحبتي خير فيه حاجه
محمود:هو انتي مش مسؤله من راجل المفروض يكون عارف رايحه فين وجايه منين
ايمان :ايوه وبعدين
محمود:هو اي اللي وبعدين انا رايح الفيلا انهارده القيكي هناك
ايمان :فيلا اي انا مقولتش ليك
محمود : قولتي اي مش فاهم
ايمان :انا بعت الفيلا
محمود :نعم بعتي الفيلا لمين وازاي متقوليش ليا
ايمان :واقولك بصفتك اي هي فيلاتك أو تخصك حاجه بتاعتي وبعتها
محمود :من غير ما تعرفني
ايمان :تاني واعرفك ليه هي حاجه ملكي وبعد اذنك انا ورايا شغل
محمود :ايمان يا ايمان ماشي واتصل بجورج
جورج :خير يا محمود
محمود :ايمان باعت الفيلا يا جورج
جورج :هي برضه عملت اللي في دماغها
محمود:تقصد اي بكلامك ده
جورج :يعني كتبت كل حاجه باسم مينا
محمود: هههههههههههه بتهزر اقول انك بتهزر علشان انا مزعلش
جورج :لا انا بتكلم بجد والله
محمود:وانت عرفت منين اه مانت اتجوزت اخت الحرامي ضحكتوا عليها لحد ما كتبت ليكم كل حاجه
جورج :,احفظ ادبك هي كانت عايزه تكتب الحاجه باسم مرينا وانا قولت لا لاني مش عايز حاجه
محمود :هو احنا هنضحك علي بعض انت ناسي انك واخد مني فلوس علشان تبعد مرينا عن ايمان علشان اعرف أخد منها كل حاجه ولا اي
جورج :بس فوقت لنفسي
محمود :بعد اي لما ضمنت كل حاجه
جورج :انا لو طماع زي مانت بتقول كنت قولت ل مرينا ماشي اكتبي الحاجه باسمك علشان يكون سهل اني اخدها
محمود :لا انت عايز الحاجه تكون بعيد عنك لما مرينا تشوف الثروه دي كلها تقول ومالو لما تكون بتعتنا وتاخد منها هي كمان
جورج :مش كل الناس طماعه زيك يا محمود
محمود :حسابك معايا بعدين بس لما اخد حقي الاول من مينا
جورج اعمل اللي انت عايزه
وقفل السكه
جورج :بس انا خايف علي مينا
مرينا : متخافش ايمان مظبطه كل حاجه
جورج :بس ليه انتو قولتوا ليه كده
مرينا :علشان يروح ل مينا وحد يمشي ورا علشان يعرف مكان بيت التاني
جورج :بجد انا مش فاهم حاجه
مرينا :كلها ساعه ونكون في القاهره ونفهم
ووصلت مرينا بيت امها
الام :مرينا حبيبتي تعالي
ايمان :وحشاني اوي يا مرينا
مرينا : وانتو كمان
جورج :ده هي ليله واحده اللي بعدنها عنكم
ايمان :انا اسفه والله يا جورج
جورج :متتاسفيش طلما مرينا عايزه كده انا تحت امرها
ايمان :طيب فيه اي اللي حصل
مرينا :كلم جورج وقولنا زي مانتي قولتي بالظبط
ايمان :كويس يعني هو المفروض يجي هنا
مينا :هو رن عليا كذه مره وانا مش برد
ايمان :انا مش عايزك ترد عليه عايزه يجي
مرينا :هو اي اللي حصل جديد
ايمان :مش عارفه بس اللي عارفه أنه عمل حاجه في نفين
مرينا :ازاي دي مراته
ايمان :وانا اي وبيعمل فيا اي
مرينا :لا مقصدتش بس هي كانت معاه في اللعبه الاول
ايمان :ده كلب والباب خبط بطريقه همجيه
جورج :,وصل
ايمان :مرينا يلا بينا ندخل جوا
جورج:احسن برضه بس انا هفضل هنا مع مينا
ايمان:,لا تعالي مينا متنساش اللي اتفقنا عليه
مينا : حاضر وفتح الباب
محمود :كده عملتوها يا مينا
مينا :خد هنا انت بتقول اي
محمود :ايمان باعت الفيلا ليك ليه
مينا :روح اسالها
محمود :مش قولت ليك هديك فلوس بس شكلك كده طمعت في كل حاجه
مينا :انا مش زيك انت انسان وسخ وفاكر الناس كلها زيك
محمود :,والله اعملهم عليا بس هي هترجع ليا
مينا :اه وتفتكر بقي لو عرفت ان انت اللي هربت مياده بعد ما عرفت انها هي اللي قتلت رضا وانت لبستها ل رؤوف هتعمل اي
محمود :ده جورج معرفك كل حاجه
مينا :لو اتكلمت مع ايمان في حاجه هعرفها كل حاجه عنك ابعد عن طريقي احسن
محمود:اذبت أن كلامك ده صح مافيش دليل الا لو جت مياده واكيد هي مش هتحب تودي نفسها لحبل المشنقه
مينا :عندك حق بس ايمان بتصدقنا
محمود :ماشي يا مينا اعمل اللي انت عايزه ومتنساش اني محامي وسهل اللبسك مصيبه
مينا :مانت متعود علي كده
ومشي محمود
ايمان اتصلت بالتليفون
ايمان :الو ايوه هو لسه نازل خليكم ورا
مينا :خدي يا ايمان بس كان لازم إذن من النيابه بالتسجيل
ايمان :عارفه ومعايا الاذن ده
مرينا :ايمان مش بتلعب بس ياريت نفين تقدر وفقك جنبها
ايمان :نفين اللي هطلع كل اسرار محمود وفعلا راح محمود شقته وفتح الباب ولقاه نفين نامت من كتر التعب عالارض
محمود :أصحي هنا ده انا هطلع عينك
نفين :اي ده
محمود :فضل يضرب فيها بتتفقي معاه ايمان عليا
نفين : فضلت تعيط وتصوت ومحدش سامعها والباب خبط بوليس النجده
محمود :خير فيه اي
ايمان :,هتعرف كل حاجه
محمود :ايمان انتي جيتي هنا ازاي
الظابط :ادخلوا فتشوا الشقه وفكوا نفين ولقوه في الدولاب دولارات ومخدرات
محمود :الحاجه دي مش بتاعتي
الظابط :ابقي قول الكلام ده في القسم
محمود :انا معملتش حاجه
ونزلوا وراحت نفين المستشفي واعترفت علي كل قضايه محمود المشبوهة ونزلت مياده مصر وتم القبض عليها من المطار واعترفت علي كل حاجه أن هي اللي خلصت علي رضا وخرج رؤوف
رؤوف :بجد انا مش عارف اشكرك ازاي
ايمان :مافيش اي شكر كان لازم اعمل كده
مريم :ازاي انتي كنتي هضيعي نفسك علشان جوزي
ايمان :ربنا وقف معايا وكان لازم اقف جمبكم
نفين :بجد انتي انسانه كويسه جدا
ايمان :والله وانتو لولا أن ضميرك صحي مكنش عارفه كان ممكن يحصل ليا اي
مرينا :اختاري بقي المره الجايه صح
ايمان :,تاني لا خالص انا بقي مليش الا شغلي
جورج :وانا عايز اقضي شهر العسل
ايمان :حقه بصراحه
مرينا :اي رايك نسافر كلنا
جورج :مين كلنا بعد اذنكم وشال مرينا وجري بيها
ايمان : هههههههههههه مجنون ربنا يسعدكم يارب
تمت
تعليقات
إرسال تعليق