 |
#هروب بلا عوده2
#الحلقه الأولي
في مكتب شركه ياسر كانت قاعده ايمان ودخلت عليها مرينا
مرينا :مالك مكشره ليه في عروسه تكون عامله كده يوم فرحها
ايمان :اسكتي الله يخليكي محمود ده غريب جدا
مرينا :قولتك يا حبيبتي محمود بيحب شغله اوي
ايمان :اكتر مني يا مرينا
مرينا :انا مقولتش كده بس هو بيحب شغله اوي
ايمان :المهم انتي جايه معايا الوتيل ولا اي
مرينا :هو انا ورايا غيرك
ايمان :مرينا هو جورج مزعلش انك اجلتي فرحك علشاني
مرينا :لا طبعا جورج عارف اني بحبك اوي وبعدين هنسيب الشركه لمين اه صحيح هو انتي جبتي عربيه جديده لمينا
ايمان :اه فيها حاجه
مرينا :اه شوفي ماما هتعمل فيكي اي
ايمان :مرينا انتو اكتر ناس وقفت جمبي ومينا كان هيودي نفسه في داهيه علشاني مينفعش يكون نفسه في حاجه وانا اقوله لا
مرينا :ينهار اسود هو اللي طلب منك تجبي عربيه ليه
ايمان :لا طبعا بس انا زي أخته وعارفه هو نفسه في اي
مرينا:انتي اجدع حد أما عرفته
ايمان :والله وانتي يا مرينا انا لو كان ليا اخت مكنتش عملت معايا كده
مرينا :حبيبتي طيب يلا بقي امشي انتي هنا ليه
ايمان :كنت جايه اخد ورق وامشي
مرينا:طيب يلا وانا هاجي وراكي عالطول
ايمان :بلاش تتاخري
مرينا :اكيد مش هتاخر يلا بقي
ايمان :اه عدي هاتي ماما معاكي
مرينا :سيبي ماما برحتها هتيجي بليل مع بابا
ايمان :وده ينفع
مرينا:بوصي انتي عروسه بلاش تفكري في اي حاجه يلا بقي روحي وخليكي معايا علي تلفون
ايمان: حاضر سلام
مرينا :سلام وقعدت عالمكتب تفكر وتلفونها رن جورج
جورج :, فينك يا مرينا
مرينا :في الشركه
جورج :مرينا انا بدات اتخنق من ايمان وشكرتها
مرينا :ايمان اللي مش عجبك دي هي اللي خلصت لينا شقتنا وهتخلينا نقعد بعيد عن بيت بابا ايمان دي اللي باخد منها مرتب اضعاف مرتبي
جورج :ايمان دي اللي لوطلبت عمرها مش هتقولي لا خالص يا مرينا حفظت بس ايمان دي اللي انا أجلت فرحي علشان هي تتجوز قلبنا
مرينا :في اي يا جورج الاول كنت عايز تأجل سنه دلوقتي مش هاين عليك تأجل كام شهر بس
جورج. مش انتي عايزه كده خالص برحتك
مرينا :انت عايز تتخانق صح
جورج :لا يا مرينا طيب اي هعدي عليكي امتي علشان اخدك
مرينا : احمممم انا لازم اكون مع ايمان في الاوتيل
جورج :بمعني
مرينا :يعني هنتقابل في القاعه
جورج :ده بجد ماشي برحتك يا مرينا
مرينا :جورج اصبر بس هقولك جورج انت بتقفل السكه في وشي برحتك ماشي
وفي الاوتيل
كانت ايمان خلصت ومرينا جابت ليها الطرحه غصب عنها شبكت الطرحه وانقطعت
ايمان :انتي عبيطه اي اللي عملتي ده
مرينا :انا اسفه والله هنزل اجبلك وحده دلوقتي
ايمان:هو انتي تعرفي تجيبي زيها
مرينا :في اي يا ايمان
ايمان :هو اي اللي فيها اي انتي مش شايفه عملتي اي
مرينا قولتك هنزل اجيب وحده غيرها
ايمان 'مش عايزه منك حاجه خد يا مدحت هتعرف تعمل فيها حاجه وبعد ما خلصت هي مرينا فين
مدحت :مش عارف من بدري وهي مش ظاهره
اتصلت ايمان علي مرينا
جورج :عايزه اي مرينا في المستشفي بسببك
ايمان :اي انا جايه حلا
يتبع
ياتري ايمان هتروح ولا محمود هيقولها الفرح والناس
هروب بلا عوده 2
#الحلقه الثانيه
ايمان :اي اللي حصل
جورج :والله المفروض انا اللي اسالك اي اللي حصل هي جت من عندك مش بتتكلم خالص ووقعت من طولها
ايمان : لا معقول وجت تخرج
محمود :اتاخرتي ليه يا حبيبتي
ايمان :مرينا في المستشفي
محمود :وبعدين
ايمان :انا لازم اروح لها
محمود : هههههههههههه بطلي هزار بقي
ايمان:انت بتضحك علي اي
محمود :اصلك قولتي نكته
ايمان :بقولك مرينا تعبانه ولازم اروح
محمود :انتي عارفه انا عازم مين في الفرح علشان تقولي همشي واسيب الفرح
ايمان :بس دي مرينا دي اكتر من اختي وانا بصراحه كنت قليله الذوق معاها اوي
محمود :تقدري تصلحيها بليل انما دلوقتي صعب انك تمشي يلا علشان ننزل
ايمان :بس اصل
محمود :ايمان يلا يا حبيبتي ارجوكي بقي ونزلت ايمان حضرت الفرح وكل كلمها ازاي اعمل كده في مرينا كانت تغور الطرحه بس ازاي ازعلها مني
محمود :مالك يا ايمان
ايمان :ابدا مافيش حاجه
محمود :الناس وخدا بالها انك مش معانا اصلا كل ده علشان مرينا هو اي اللي حصل
ايمان :الطرحه بتاعت الفرح بتاعتي انقطعت وانا عملتها بأسلوب وحش
محمود.:وهي لو بتحبك مكنتش سبتك في يوم زي ده
ايمان : بقولك انا بهدلتها
محمود :لو بتحبك مكنتش زعلت منك اشمعنا انتي تعتبريها اخت وهي لا
ايمان :بس هي تعبت
محمود :اكيد دي لعبه علشان تعرف انتي هتعملي اي لما تعرفي بطلي هبل بقي يا ايمان شويه ناويه تتعملي امتي
ايمان :تفتكر
محمود:كل اللي بفكر فيه دلوقتي اني برقص مع احلي بنت في الدنيا وخلاص بقينا متجوزين
ايمان :قد كده انت بتحبني يا محمود
محمود :بحبك بس انا بعشقك
ايمان :ربنا يخليك ياحبيبي
محمود :انتي اللي حبيبتي والله ربنا يخليكي ليا يا عمري
ايمان : حبيبي المهم احنا مسافرين بكره زي ما قولت
محمود :نخليها بعد بكره معلش
ايمان :ده ليه بقي
محمود :عندي قضيه مهمه جدا لازم لديها لحد قبل ما اسافر
ايمان :طيب معملتش كده انهارده ليه
محمود :مفرقتش يوم يا ايمان
ايمان :عندك حق يا حبيبي
وفي بيت مرينا
الام :الف سلامه عليكي يا حبيبتي
مرينا :ايمان انتي ازاي تسبيها يا ماما
الام :نعم انتي عايزه اعرف انك في المستشفي وافضل هناك
مرينا:يا ماما دي ملهاش حد غيرنا
جورج :فوقي لنفسك بقي وخليكي في نفسك هي بقت ليها حياتها مع جوزها خلاص
مينا. :متنساش أن ايمان دي اللي امنت لينا مستقبلنا
مرينا:مستقبل اي انت فاكر اني بعمل كده علشان شغلي معاها
الاب :معلش ممكن تخرجوا برا دقيقه واحده
جورج :عمي بس اصل
الاب :معلش عايز مرينا دقيقه واحده
الام:انا مش فاهمه حاجه
مينا :يلا يا ماما بس دلوقتي والكل خرج وجاب الاب كرسي وقعد جمب مرينا
مرينا :مالك يا بابا
الاب :انتي اللي مالك فيكي اي
مرينا :مانت عارف الضغط لما بيوطي بتعب
الاب :مرينا احلي حاجه فيكي انك مش بتعرفي تكدبي هما صدقوكي بس انا لا اي اللي حصل انا من النظره في عينك اعرف ان فيكي حاجه اي اللي حصل
مرينا : ابدا ايمان كانت متوتره علشان الفرح بس وزتقت معايا فأنا زعلت ومشيت بس انت عارف ماما لو عرفت هتعمل اي
الاب :بوصي يا مرينا احنا وقفنا جمب البنت دي لحد ما خدت حقها ووفقت علي رجليها مش بس كده لما المحامي فكر أنه يتقدم ليها انا عارف أنه طمعان فيها وقولت ليها بس هي قالت لا قولت خليها برحتها احنا عملنا معاها كتير اوي ومتنسيش اني قولت ليكي مش موافق علي شغلك انتي واخوكي معاها وقولت برضه طلما حابين كده خليهم بس عايز اقولك أن ايمان هترجع من الفرح وحده تانيه غير اللي انتي عرفتيها مش علشان هي وحشه لا علشان اللي مغةها هيغيرها
مرينا :بابا انا مليش اخوات بنات وبصراحه حبيت ايمان اوي اكتر من اخت ليا
الاب:بس هي عندها نفس الاحساس ده ولا لا
مرينا :هي بتحبني
الاب :هيبان بس كرامه مرينا فوق كل شي صح
مرينا :,اكيد طبعا
الاب :كنت متاكد من الاجابه دي
مرينا :طيب انا عايزه روح
الاب :المحلول يخلص ونروح عالطول
وروحت مرينا وفتحت الواتس وشافت ايمان اون لاين
مرينا :في عروسه تكون قاعده علي النت برضه 😂😊
وبعدها لقت اتعمل ليها بلوك
مرينا :معقول كلام بابا يطلع صح لا مش مصدقه ساعه والبلوك اتشال
مرينا :انا مش بمزاجك يا ايمان وراحت عملت بلوك لايمان
وفي الاوتيل
ايمان:هو انت يا ماسك موبيلك يا موبيلي
محمود :كنت بتفرج علي الصور
ايمان :تمام يا حبيبي
محمود :مش هتطمني علي مرينا
ايمان :اه صحيح بس هتصل بيها دلوقتي
محمود :علشان متقوليش أني بمنعك عنها
ايمان :حبيبي
محمود :بس بلاش فون دلوقتي كلميها واتس احسن
ايمان :تمام ومسكت الفون اي ده هي شالت الصوره ليه اي ده هي عملت ليا بلوك
محمود :اي ده وريني كده دي انسانه معندهاش دم وبجد يا ايمان لو فكرتي تكلميها تاني هيكون فيها مشكله كبيره بينا
ايمان :بس عايزه اكلمها مره بس
محمود :قولت لا ازاي تعملك انتي بلوك نسيت نفسها والباب خبط
ايمان :انت طالب اكل
محمود :لا دي مفاجاه محضرها ليكي ثواني
يتبع
#هروب بلا عوده2
#الحلقه الثالثة
ايمان :مفاجاه اي
محمود :اصبري بس هتشوفي وفتح الباب تعالي يا نفين
نفين :مساء الخير
محمود :مساء الخير اتفضلي
ايمان :, ايوه مين دي
نفين :انا سكرتيره حضرتك ومديره اعمالك
ايمان نعم
محمود :اي رايك
ايمان :مانت عارف ان مرينا مديره أعمالي
محمود :تاني مرينا مانتي شيفاه عملت اي فيكي
ايمان :محمود لو سمحت مينفعش انا لازم افهم ليه مرينا عملت كده
محمود:في شهر العسل تعملي كده
ايمان :مانت في شهر العسل جايب ليا حد يقولي انا السكرتيره بتاعتك
نفين :حضرتك انا مسؤوله عن كل حاجه في حياتك سفرك شغلك حياتك في بيتك
ايمان :ماتيجي معايا وانا باخد شاور كمان
محمود :طيب نفين انا حجزت ليكي اوضه روحي أرتاحي دلوقتي
ايمان :انا مش مصدقه والله اللي بيحصل ده
محمود :حياتو تعالي اقولك بس بوصي انتي لازم. يكون فاهم في شغلك علشان يكون معاكي تقدري تقولي ليا مرينا دي تفهم اي في شغلك
ايمان :أمة مقولتش كده بس عالاقل تاخد راي
محمود :انا كنت فاكر المفاجاه هتفرحك علشان مهتم بشغلك
ايمان :،محمود مرينا لا يمكن تكون زعلانه مني بسبب موضوع الطرحه اكيد في حاجه تانيه
محمود: يوووو مرينا مرينا مرينا في اي دي لو اختك مش هتعملي كده انا حاسس ان مرينا دي كل حاجه في حياتك
ايمان :محمود لولا مرينا انا كان زماني ميته دلوقتي
محمود :وخدت حساب اللي عملته معاكي خلاص بقي
ايمان :طيب هدي نفسك معلش علشان خاطري
محمود :احنا مسافرين بكره ومش عايز اي حاجه تزعلنا ولازم نفين تكون عينك هنا
ايمان :اللي تشوفوا يا حبيبي
محمود :بحبك وانتي بتسمعي الكلام تعالي اقولك كلمه بقي هههههههههههه
وفي بيت مرينا
الام :رايحه فين
مرينا :,نازله الشغل
الام :شغل اي انتي بتهزري
مرينا :ماما أنا هسيب الشغل بس بعد ما ايمان ترجع
الام :واحنا مالنا خلاص بقي كفايه اللي عملته معاكي
مرينا :مينفعش اسيب الشركه كده يا ماما عالاقل لما صحبتها ترجع
الام :والله يابنتي انتي مافيش اطيب منك
مرينا :كل واحد بيعمل بأصله ياماما
الام : حبيبتي يا بنتي خدي بالك من نفسك
مرينا : حاضر يا ماما وقدام الشركه جه تلفون لمرينا عميل في الشركه
مرينا :, استاذ احمد والله كنت لسه هكلمك
احمد :والله مديره الشركه الجديده كلمتني وبلغتي وانتو شركه مش محترمه اصلا من ساعت استاذ ياسر ما مات وانتو بقيتوا مش ملتزمين
مرينا :هو في اي بالظبط
احمد :انا متصل اقولك أن هرفع قضيه وهطلب بالشرط الجزائي
مرينا :لسه الطلبيه جاهزه وخلاص جايه لحضرتك
احمد :انتي عبيطه ولا بتستعطبتي
مرينا :حضرتك الزم حدودك
احمد :انا غلطان اصلا انا بتكلم معاكي ليه وقفل السكه
مرينا :هو فيه اي انا مش فاهمه حاجه وطلعت الشركه اسماء هو في اي مين اللي عطل طلبيه استاذ احمد
نفين :انا ازاي ياخدها بالمبلغ ده
مرينا :انتي مين مش فاهمه
نفين. انا مديره مكتب استاذه ايمان
مرينا :نعم ده من أمتي
نفين :هو مين حضرتك
مرينا :ثواني بس هي ايمان اللي عينت حضرتك
نفين :ايوه
مرينا :كده جابت آخرها خلاص ونزلت واتصلت ب ايمان
ايمان:مرينا عامله اي
مرينا :بوصي انا قولت اصبر لما انتي ترجعي علشان مينفعش نسيب الشركه كده بس خلاص انتي جبتي آخرها وبسبب الحركه اللي انتي عملتيها دي استاذ احمد هيرفع عليكي قضيه
ايمان: ليه كده
مرينا :انتي فاكره أن هو الشحنه بتاعته هتتغلي وهيسكت ليكي
ايمان :فهمني فيه اي براحه انا مش فاهمه
مرينا :والله اتصلي ب مديره مكتبك وهي تقولك
ايمان :نفين هي عملت اي
مرينا :يعني الكلام صح وجبتي حد مكاني
ايمان :اصبري بس هفهمك الو الو مرينا
محمود :حبيبتي يلا مافيش وقت علي الطياره
ايمان :هي نفين دي عملت اي
محمود : مش فاهم يعني اي
ايمان :انا اللي مش فاهمه عملت اي مع شركه العدوي جروب
محمود :اهدي بس وفهمني
ايمان :مرينا بتقول أن استاذ احمد هيرفع عليا قضيه
محمود:حبيبتي معاكي اكبر محامي في مصر وخايفه اهدي بس وانا هتصل بي نفين افهم واتصل بنفين الو ايوه يا نفين اي موضوع شركه العدوي جروب دي
نفين :مافيش انا عندي شركه تانيه هتاخد مننا الشحنه بسعر اغلي اتنين مليون جنيه ندفع نص مليون شرط جزائي ومليون ونص هيدخلوا في ارباح مدام ايمان
محمود :انتي متاكده من الكلام ده
نفين :طبعا متاكده من الكلام ده
محمود :ماشي يا نفين لو في اي جديد كلمني
نفين :اكيد
محمود: سمعتي يا ستي
ايمان :بس المفروض كانت ترجع ليا قبل ما تاخد اي قرار
محمود :حبيبتي احنا عرسان واكيد مش حبت تنكد علينا
ايمان :طيب انا كده مش هخسر اسم الشركه علشان رجعت في الطلبيه
محمود :طول ما معاكي نفين انتي كسبانه
ايمان :مليون ونص زياده في الأرباح
محمود :مليون بس نص ليا مش أنا اللي جبت ليكي نفين هههههههههههه
ايمان :حبيبي كل حاجه تحت امرك والله
محمود :انا بهزر والله يلا بينا
ايمان :يلا يا حبيبي وفي شهر العسل
محمود :مبسوطه يا روحي
ايمان :عمري ما كنت مبسوطه كده يا حبيبي
محمود :ربنا يقدرني واقدر اسعدك
ايمان :حبيبي وتلفون محمود رن
محمود :بعد اذنك دقيقه واحده
ايمان : مش قولت هتقفل موبيلك
محمود :بعد التلفون ده وخد الموبيل بعيد ورد عليه
نفين :وحشتني
محمود :نفين انا قولت ليكي عايز عقل مينفعش كده
نفين :مش قادره كل ما افتكر ان انت لي حضنها اتعب اوي
محمود :,نفين اهدي بقي وخلينا في الشغل
نفين :دي طلعت هبله اوي ومش فاهمه اي حاجه في الشغل
محمود :يعني فعلا في زياده مليون ونص
نفين :, لا طبعا ٣مليون
محمود :,يابنت ال
نفين :عيب عليك مراتك برضه مش سهله
محمود 'ايمان دي هبله
نفين :انت هتستعبط انت نسيت اني مراتك ولا اي
محمود :انت اقدر يا روحي ده انت الحب
ايمان :بتكلم مين يا محمود ومين دي اللي بتقول ليها انتي روحي
يتبع
#هروب بلا عوده
#الحلقه الرابعه
محمود :طيب سلام يا ميار
ايمان :اي ده كنت اديني اكلم ميار دي وحشاني اوي
محمود :وأخوها مش وحشك تعالي بس ندخل جوا
ايمان :هو احنا هنرجع مصر امتي
محمود:هو انتي عايزه ترجعي مصر
ايمان :لا بس انت اكيد وراك شغل وانا كمان
محمود :وانتي اي تعالي بس نتكلم في الموضوع ده جوا
وفي بيت مرينا
جورج :خلاص الفرح هيكون الاحد الجاي
مرينا :ها تمام
جورج :مالك يا مرينا
مرينا :طيب ما ناجل اسبوع
جورج :لا يا مرينا
مينا :المفروض نصبر لما تيجي ايمان
جورج :ايمان ايمان ايمان هي ايمان دي عامله ليكم سحر فيه اي ايمان خالص راحت وراحت لحالها
مينا :انا بتتكلم عنها كده ليه عالفكره مينفعش أن احنا نسبها لوحدها
جورج :مرينا انا الوضع ده مش عجبني وانا يا مرينا بقولك اهو يا انا يا ايمان سلام
مرينا :جورج يا جورج اصبر طيب نتكلم يووو
مينا:مرينا البنت دي وقفت جمبنا كتير
مرينا :والبنت دي هاتنتني وبهدلتني وانا مقولتش لحد ولما كلمتها عملت ليا بلوك البنت دي جابت مديره اعمال غيري ولما كلمتها نفض لكلامي
مينا :انتي مش ملاحظه ان كل ده حصل لما محمود دخل في حياتها
مرينا :اشمعنا أنا وفقت قدام الكل علشانها
مينا :انا مش هسيب ايمان
مرينا :انت بدور علي مصلحتك علشان تقدر تبني مستقبلك
مينا :انا كده اخس عليكي
مرينا :يا مينا انسي ايمان بقي هي اصلا مش عايزه تعرفنا
مينا :ده كلام خطيبك
مرينا :لا ده الكلام الصح
مينا :برحتك اتكلموا زي ما نتو عايزين انما انا مش هسيب ايمان
وفي الاوتيل
محمود:اي هتفضلي نايمه
ايمان :مش عارفه مالي عالطول عايزه انام
محمود :لا قومي بقي عايزين نخرج
ايمان :اقولك علي حاجه انا اول مره احس اني مبسوطه اوي كده
محمود :يااااه اخيرا سمعت كلمه حلوه مش كل حاجه ياسر ياسر
ايمان :لا بجد انا مبسوطه معاك اكتر من ياسر كمان
محمود :طيب يلا علشان احنا مسافرين بكره
ايمان :اي ده بعد ما حبيت القاعده هنا عايزنا نمشي
محمود :معلش عندي قضيه مهمه اوي ولازم نسافر
ايمان:كده طيب
محمود:اوعدك هجيبك هنا تاني
ايمان :ماشي يا حبيبي وتاني يوم رجعوا مصر
محمود :يااااه الفيلا كبيره اوي
ايمان:انت اول مره تاخد بالك منها
محمود :مكنتش بحب ابص فيها اوي لما كنت بجيلك
ايمان :طيب يلا نطلع نرتاح
محمود :لا نرتاح اي انا لازم اروح المكتب
ايمان :بتهزر دلوقتي
محمود :معلش مش هتاخر عليكي
ايمان :طيب اروح الشركه بقي عقبال ما تيجي
محمود :لا شركه اي اطلعي أرتاحي شويه
ايمان :لا لا انا كويسه هروح
محمود :طيب هتيجي في عربيتي ولا هتروحي لوحدك
ايمان :لا روح انت وانا هروح بعد ما اخد شاور
محمود :طيب خدي بالك من نفسك وابقي طمنيني عليكي
ايمان :حاضر يا حبيبي ومشي محمود
وراحت ايمان الشركه
اسماء :حمد لله على سلامتك يا استاذه ايمان
ايمان :ازيك يا اسماء امال فين نفين
اسماء : في مكتب حضرتك
ايمان :لا والله ودخلت
نفين :حمد لله علي سلامتك يا ايمان
ايمان :ايمان هههههههههههه بعد اذنك كده وبعدين مش موجوده في مكتبك ليه
نفين :علشان اكتر العملاء بيحبوا المظاهر وطبعا لازم نقعد هنا وكل الحسابات اللي انا عملتها موجوده في الورق ده
ايمان :شكرا علي مجهودك يا نفين بس انا بحب اللي يسمع كلامي
نفين : وانتي حضرتك قولتي حاجه وانا مش سمعتها
ايمان :لا انا بعرفك بس
نفين :وانا تحت امرك :العملاء الجدد برضه في الورق اللي قدام حضرتك
ايمان :تمام هيبقي اراجع
نفين :لازم نقعد معاه بعض علشان نرتب مع بعض كل حاجه
ايمان :باذن الله
نفين :بعد اذنك وعدا شهر وفعلا نفين كانت ملتزمه جدا وقدرت في الشهر ده أنها تفيد الشركه
ايمان :شكلي كنت ظالمه نفين دي
اسماء :يعني هي فادت الشركه كتير
ايمان :مالك فيكي اي
اسماء : ابدا مافيش حاجه بس بحس أن الشركه شركتها
ايمان :فعلا الطبع ده فيها
اسماء :ربنا يهديها
ايمان :المهم انا عايزكي بليل تيجي ليا الفيلا
اسماء :انا اسفه بس انهارده صعب
ايمان :لسه كده
اسماء :انهارده فرح مرينا وانا هكون معاها من اول الكنيسه لحد القاعه
ايمان :انتي بتتكلمي بجد انهارده فرحها
اسماء :ايوه هو حضرتك مش جايه
ايمان :مش عارفه بس هي مش قالت ليا
اسماء :بس واثقه أنها هتكون فرحانه لو جيتي
ايمان :طيب بلاش تقولي ليها علشان لو معرفتش اجي
اسماء : حاضر بس باذن الله هتيجي
ايمان :انشالله
وروحت البيت وقررت انها مش هتروح واتصلت ب محمود
ايمان :انت فين يا حوده
محمود:معلش ورايا شغل كتير مش هقدر اجي
ايمان :طيب انا مستنياك
محمود :معلش يا ايمان نامي بقي وقفل السكه
نفين :بجد مراتك دي رخمه اوي
محمود:بس فلوسها كتير
نفين :انت بتعمل اي
محمود :بلبس هدومي
نفين :مش قولت مش هتروح
محمود:ورايا كذه مشوار لازم اعملهم
نفين :من غيري
محمود:نفين مش كل مشوار لازم اقولك عليه سلام وراحت ايمان فرح مرينا
اسماء :كنت متاكده انك جايه
ايمان:مبروك يا مرينا
مرينا :لا بجد انتي هنا مش مصدقه عيني
ايمان :وحشتني اوي والله العظيم
جورج :قام واتصل بمحمود
محمود:خير يا عريس انا جاي اهو
جورج :مراتك هنا ده اللي اتفقنا عليه انا قولتك عايز تبعد مرينا عنها
محمود :والله ما اعرف انها جايه
جورج :مش عارف تحكم علي مراتك
محمود:انا جاي حلا وراح لقاه ايمان عامله ترقص مع مرينا
ايمان :محمود انت عرفت منين اني هنا
محمود :اتفضلي قدامي وخدها من أيدها قدام الناس
ايمان :اوعي ايدي انت ازاي تمسك ايدي كده قدام الناس
محمود :لما تكوني مش متربيه
ايمان :الزم حدودك يا محمود
محمود :ضربها بالقلم انتي ليكي عين تعلي صوتك
يتبع
#هروب بلا عوده
#الحلقه الخامسه
ايمان :انت بتمد ايدك عليا يا محمود
محمود:لما صوتك يعلي علي جوزك يبقي لازم تتربي
ايمان :امشي من قدامي يا محمود
محمود:وحضرتك رايحه فين
ايمان :لو انت لو فاكر ان انا هرجع رضا تاني في حياتي تبقي بتحلم
محمود:انا يا ايمي زي رضا
ايمان :امشي يا محمود دلوقتي علشان موضوعنا ميوصلش لطلاق
محمود :طيب تعالي اوصلك الفيلا
ايمان محمووووود قولتك امشي
محمود:ماشي يا ايمي
وبعدها مينا كان واقف بعيد راح جنبها
ايمان ،:مينا
مينا :انا كنت هاجي وهضربه بس قولت لا
ايمان :هو انا ليه بيحصل فيا كده
مينا :ايمان انتي كان لازم تختاري صح وبصراحه انا مش برتاح ل محمود ده وقولتك كده
ايمان :والله هو طيب بس مش عارفه اي اللي حصله
مينا :المهم انتي مروحه دلوقتي
ايمان :لا انا مش عايزه اروح الفيلا
مينا :طيب تعالي ادخلي
ايمان :مش عايزه ادخل القاعه وانا معيطه
مينا :انا هضحكك
ايمان :طيب هروح اصلح ميكاج
مينا :،انتي قمر والله كده
ايمان :بجد والله انا بحسك اخويا
مينا؛منا اخوكي فعلا ودخلت ايمان القاعه
مرينا :والله انا كنت قلقانه عليكي
ايمان :بعدين نتكلم
مرينا :ايه اللي في وشك ده
ايمان :بعدين يا مرينا
مرينا :هو ضربك
ايمان :تعالي نرقص وراحت ترقص هي ومرينا وكانو فرحانين اوي وبعدها روحت بيت مرينا
الام :تعرفي يا ايمان كنت مخنوقه اوي أن نرجع البيت من غير مرينا بس فرحانه انك جيتي هنا
ايمان :البيت ده فيه حاجه غريبه اوي برتاح فيه جدا
الاب :شكلك مكسوره ليه يا ايمان
ايمان :مليش حظ
الاب :ادعي ربنا يابنتي يقف جمبك وانا هصلي وادعي ليكي
ايمان :ربنا يخليكم ليا يارب
وفي شقه مرينا
مرينا :مالك يا جورج
جورج :مخنوق انا مش برتاح لايمان دي
مرينا :وده وقته نتكلم فيه في مشاكل
جورج.:هي اي اللي جباها انتي اللي قولتي ليها
مرينا 'لا والله هي اللي جت
جورج :البنت دي مش كويسه
مرينا :والله دي قلبها كبير وطيبه جدا ده كفايه أن ناويه تفتح قضيه رؤوف تاني
جورج :هو انتي عرفتي منين
مرينا :عرفت من أسماء انها مؤكله محاميه
جورج :يعني جوزها محامي وهي هتجيب محاميه
مرينا :اصل المحاميه بتقول لازم ننزل مياده من برا ولازم تكون في لعبه كبيره
جورج :لعبه اي بقي
مرينا :يعني ٥سنين خطوبه وجاي عامل تتكلم معايا دلوقتي في قضيه رؤوف
جورج :عادي يعني الكلام اللي فتح بعضه
مرينا :طيب انا داخله اغير هدومي
جورج :استني انا جاي وراكي
وفي شركه ايمان
نفين :ها استاذ احمد هيجي امتي
ايمان :لما اكون فاضيه هقولك
نفين :عالفكره انا مديره مكتبك المفروض اعرف كل حاجه وانا اللي احدد ليكي مواعيدك
ايمان :فتره مؤقته لحد ما مرينا ترجع من شهر العسل
نفين :والله ده من أمتي
ايمان:مش فاهمه سؤالك
نفين :يعني انا اخري هنا لما مرينا ترجع
ايمان:عمري ما رفد حد هتخدلي الحسابات
نفين :اسفه جدا مش هقدر مش وظفتي
ايمان:بحضرتك عايز هتمشي يعني
نفين :في عقد مابينا
ايمان:عقد اي انا مش مضيت علي حاجه
نفين :استاذ محمود مضاه
ايمان :حسابك بقي مع استاذ محمود بعد اذنك وخرجت اتصلت بيه
محمود:بنت حلال كنت لسه هتصل بيكي
نفين :مراتك هتمشيني من الشغل
محمود :اي الكلام ده
نفين :زي ما بقولك كده
محمود :سيبك منها أما هتصرف
نفين :ناويه ترجع مرينا تاني
محمود :لااااا اضمني أن مرينا مش راجعه
نفين :بقولك هي اللي قالت ليا
محمود :طيب اقفلي
واتصل محمود ب جورج
جورج :ممكن تعملي ليا.شاي يا مرينا
مرينا : حاضر بس مين اللي بيتصل
جورج :محمود
مرينا :متتكلمش معاه عن ايمان
جورج :اكيد يا مرينا حاضر ومشيت مرينا ورد جورج
محمود :كده يا جورج مراتك راجعه الشغل تاني
جورج :اي الهبل ده لا طبعا
محمود :ايمان اللي قالت
جورج :انت غبي يا محمود انا بحاول أبعدها عن مرينا علشان عارف ان مرينا دماغها شغاله تقوم انت ضربها وتخليها تسيب الفيلا
محمود :مش عارف انا عملت كده ازاي
جورج :طيب ناوي تعمل اي دلوقتي
محمود:مش عارف هي فين
جورج :كانت عند ام مرينا بس عرفت انها مشيت
محمود :طيب ما تخلي مرينا تكلمها
جورج :بلاش مرينا انا عارفها دي ممكن تقولها اطلقي
محمود :طيب والحل
جورج :ده في كارثه تانيه
محمود: قول خير اي تاني
جورج :دي ناويه تفتح قضيه رؤوف تاني
محمود :عادي مانا المحامي اللي ماسك القضيه
جورج:لا محاميه غيرك اللي هتمسك القضيه
محمود:واي اللي فتح الحوار تاني
جورج:مرات روؤف كلمتها وبعدين .....
جورج بص ورا لقاه مرينا
مرينا :كمل كمل ده اللي قولتك عليه يا جورج مش قولت مش عايزه محمود يعرف حاجه
جورج :انتي وافقه من أمتي
مرينا :لسه سؤالك ده
جورج :اصل ده من أمتي وانتي بتقفي كده
مرينا :مش مرتاحه ليك انت ومحمود
جورج :ليه بس بتقولي كده واحد عايز يرجع مراته
مرينا :جورج انت متفق مع محمود تبعدني عن ايمان
جورج :انتي هبله صح
مرينا : انا انصدمت فيك ومشيت
جورج :اقفي هنا استني انا بكلمك
مرينا :سيب ايدي وانا رايحه بيت بابا دلوقتي
جورج :انتي عبيطه صح ازاي يعني
مرينا :لما ترجع جورج حبيبي ابقي ارجع بيتي
جورج :مرينا اقعدي نتفاهم
مرينا :مافيش تفاهم بيني وبينك بعد اللي سمعته
جورج :طيب اهدي نتكلم.
مرينا :انت خسيس وواطي
جورج :وانتي قليله الادب
مرينا :ينهارك اسود انت بتشتمني
جورج :ومش بس كده لازم اربيكي وضرب مرينا لحد ما وقعت علي دماغها اتعورت
ينهار اسود مرينا مرينا ردي عليا وجرس الباب رن
يتبع
ياتري مين ومرينا ناويه تعمل اي
تعليقات
إرسال تعليق