 |
أسر : انتو اجننتوا أزلي تراهنوا على شرف بنت
ياسين : متكبرش الموضوع اوي كده ولو خايف اطلع براها انا داخل في الرهان
محمود : البت دي تلزمني
أسر : أكيد مش هخش في رهانكو انا أكبر من كده
محمود : أيه رأيكوا الرهان على 5000 جنيه
اسر وياسين يبصوا لبعض والشيطان يلعب في دماغهم
أسر ميتكلمش بس الموضوع بدأ يلعب في دماغه
ياسين : طب الرهان على أيه
محمود : اول واحد يخرج معاها ويمسك إيديها برضاها
ياسين : بسيطه كل الحاجات دي سهله
أسر : بس مش مع البنت دي البنت دي محترمه
ياسين : ملكش دعوه هتخش الرهان ولا خايف
أسر ميردش عليه مكسوف جوا نفسه أنه هيوافق بس في نفس الوقت الرهان ده حلو وهياكل عقله
محمود : يبقا انت معانا يازميل
بعد مرور شهر الشباب بيحاولو ولكن من غير فايده ومره قبل كده البنت حرجت محمود وهزقته
البنت دي أسمها دعاء ملكة جمال الكليه كلها هتموت عليها عينيها خضراء ومبتقبلش تكلم ولاد مره قبل كده ضربه واد بالقلم عشان حاول يلمس أيديها ومره واحد من الكليه كلمها وحاول يرتبط بيها ودته للعميد وكان هيترفد
في الكليه
أسر بيكلم نفسه : البنت دي عمرها ما عجبتني اصلا مش محجبه صحيح محترمه بس الدين اهم عمرها مالفتتني ليها بس كل الكليه بيكراشو عليها لأن المرفوض محبوب
تدخل دعاء الكليه لابسه بنطلون جينز وقميص رغم أن الكل بيبص عليها ومش مديه أي حد انتباه غير واحد بس وتروح تجري على صحبتها شمس
شمس : وحشتيني
دعاء : وانتي كمان. شمس : انا بس إلي وحشتك
دعاء تضحك : انتي بس يامعفنه
شمس : أمال مش راضيه تلاغي الواد ليه
دعاء بعصبيه : عيب كده أنا لو حبيت حد هعوزو يجي يتقدم لي وإلي مش عاجبه يغور
بعد المحاضرات تطلع دعاء بره الكليه وكان بيمشي وراها محمود لغاية أما وصلو شارع فاضي ومحمود وقفها
محمود : انتي ازاي تكلميني كده اخر مره
دعاء : انت ازاي توقفني انت فاكر أخر مره وقفتني فيها إيه إلي جرا
محمود يمسك أيديها بالعافيه وهيا تذوق أيديه وترااااخ بالقلم على وشه
محمود يقرب منها لغاية أما يبقا ظهرها الحيطه وشه وعينيها ميبينوش أنه ناوي خير ولسه رايح يضربها بالقلم
واحد يمسك أيد محمود
يتبع ..........
نرجع تاني لقصص الحب
القصه دي هتبقى خفيفه خالص وهتعجبكم
شيروها واعملوا لاف
#الرهان
#osama_ali
8$&
#الرهان part 2
محمود يقرب منها لغاية أما يبقا ظهرها الحيطه وشه وعينيها ميبينوش أنه ناوي خير ولسه رايح يضربها بالقلم
يمسك أيديه ياسين ( كلكو أفتكرتو أنه أسر 😂😂😂)
ياسين : مش هينفع تضرب بنت ياصحبي وانا واقف
محمود يفهم أنه بيعمل كده عشان يكسب الرهان
محمود يمسك طوق ياسين ويتخانقوا سوى
دعاء تسيبهم وتمشي ياسين يجري وراها ويقفها
ياسين : انا أسف على إلي حصل
دعاء : ولا يهمك ياسين : ممكن نروح كافيه تروقي فيه اعصابك. دعاء تبص له بقرف : لا طبعا
دعاء تروح بيتها ومتلاقيش غير انها تكلم شمس وتحكي ليها إلي حصل
شمس : جدعه يادعاء إلي يكلمك لازم يلبسك الدبله
دعاء : اه ده لو بس يتكلم شويه كان زماني خلصت من الموضوع ده
شمس : طب ماتكلمي انتي معاه مش بتكلمو واتس بقالكو شهر. دعاء : اه بس بنكلم في حدود الدراسه
شمس : هو صحيح محترم عكس صحابه بس اكيد معجب بيكي انتي مفيش في جمالك عارفه تسأليه عن ايه
دعاء : ايه. شمس: إيه الحاجه الوحشه فيكي
دعاء : متأكده. شمس : اه
دعاء : طب أقفلي أكلمه
دعاء تخش تكلمه واتس وتسأله في حاجات الدراسه لمدة نص ساعه
دعاء : عارف ياأسر انا بطمن وانا بكلم معاك اوي
أسر بضحك : اكيد دعاء: هو انت كلامك ليه على قد كلمه وخلاص. يفكر أسر في كلامها ويقول جوا منه : انا عارف إني مشدود ليكي وأني معجب بيكي بس في حاجات منعتني زي حجابك ولبسك والرهاااااان
ويمسك الموبيل ويرد : لا عادي دانا بكلم معاكي بقالي شهر كل يوم. دعاء : ايه اكتر حاجه مبتعجبكش فيه كشكل
أسر سمع السؤال ده ومصدق وبدأ يكلم في فويس واعوذ بالله من إلي قاله : إنتي جميله جدا اجمل بنت شوفتها في حياتي بس أخلاقك مش كويسه طريقه كلامك ورفضك للناس غلط في طرق اجمل وألطف ومش مصدقك أزاي مؤدبه كده وفي نفس الوقت لبسك ضيق
ومش لابسه حجاب وعنيكي فارغه وتبصي على كل الناس ومش مصدق أصحابي ومش فاهم على أيه بيحبوكي وانتي متعرفيش حاجه عن دينك
(وليضربن بخمرهن علي جيوبهن )
تسمع دعاء الفويس وكان وقع عليها صاروخ ومتردش وتقفل موبايلها
أسر : أنا أيه إلي قولته ده ويحاول يكلمها وهيا متردش
عدى شهر وهيا مش بتروح الكليه وقافله موبايلها
أسر الدنيا تضيق بيه ويروح الكافيه إلي هو بيحبه
أسر : أنتي فين يادعاء انا أشتريت الخاتم ولما هشوفك هديه ليكي وهطلب أيدك انا بحبك اوي
وفجأة الكرسي إلي قدامه يتسحب وتقعد قدامه دعاء وهيا لابسه دريس واسع ومحجبه
دعاء : انا كنت عتيبه الفتره إلي فاتت دي كلها عشان كنت بفكر في كلامك ولقيته صح
أسر : هشششش بحبك دعاء : انا مبحبش حد وإلي يحبني يكلم ابويا
أسر يطلع الخاتم ويقولها وانا عارف ربنا وبحبك وعايز أجوزك بس عايز اعرف رأيك
دعاء تفرح جدا وتبتسم : وانا كمان ب....
ويقاطع كلامهم ياسين ومحمود
محمود : مبروك عليك الرهان ياأسر
ياسين : مبروك عليك 5000 جنيه
يتبع .......
#الرهان
البارت ده مليان مفاجأت انا عارف 😂😂
#osama_ali
8$&
#الرهان البارت الأخير
دعاء تفرح جدا وتبتسم : وانا كمان ب....
ويقاطع كلامهم ياسين ومحمود
محمود : مبروك عليك الرهان ياأسر
ياسين : مبروك عليك 5000 جنيه
دعاء : رهان أيه. أسر بقلق: مفيش حاجه هما بس بيهزر
محمود : لا مبنهزرش البيه كان مراهن عليكي
ياسين : على ٥٠٠٠ ويطلع فلوس ويحطها على التربيزه وكسب الرهان اللعيب انتي لعبه هو بيلعب بيها
دعاء تبص لأسر وتعيط وتجري بره الكافيه وأسر يحاول يوقفها لكن ميعرفش ويبص لمحمود وياسين
: انا مكنتش براهن ومدخلتش اللعبه دي من الأول انتو دمرتو حياتها انتو اوسخ صحاب شفتهم في حياتي
كل يوم بيحاول أسر أنه يكلمها لكن مبيعرفش وحالته بتسوء ندم أنه دخل الرهان من الأول وندم عشان جرحها
رنيم (ام دعاء ) : هتفضلي زعلانه وقافله على نفسك لأمتى ياقلب أمك
دعاء : بكره هبقا كويسه بكره هنسى
رنيم : فيه عريس متقدم لك. دعاء : قولي له رافضه
رنيم : قولت بس المره دي أبوكي مصمم أنك تقابليه
دعاء : حاضر ياماما
بعد مرور عدة أيام ييجي العريس وابو دعاء يقعد معاه ودعاء تقدم العصير وهيا موطيه راسها لغاية أما سابوهم لوحدهم
الشخص : كنت عايز أقولك أنك شكلك حلو في الحجاب اوي اوي اوي
دعاء ترفع دماغها وليه رايحه تقول شكرا تلاقي أسر قصادها دعاء : أيه إلي جابك هنا جاي تكمل الرهان ؟
أسر : جاي اطلب أيد القمر
دعاء : انت كسرتني انا عمري قلبي مانفتح لحد فتحته لك
أسر : والله انا مظلوم والله بحبك وبموت فيكي
دعاء : كداب انا مجرد رهان بالنسبه لك
أسر : وفشلت فيه دعاء : يعني أيه
أسر : كنت مراهن نفسي أني مبحبكيش أنك مش كويسه من جوى وكنت ببعد نفسي عنك حتى لما كنا بنكلم كنت ببعد عارفه لما بعدتي عني شهر انا موت ولما رجعتي انا الدنيا ضحكت لي تاني انا بحبك
دعاء : مش مصدقاك بتقول الكلمه دي وبتكدب بسهوله
أسر : طب صدقي أفعالي انا جاي أخطبك وادفع شبكه وجاتوه رايح وجاتوه جاي وهديه رايحه وهديه جايه عشان 5000 جنيه ده حتى ميجبوش حق الموصلات
دعاء تضحك من كلامه
أسر: والنبي عسل ماتسامحي بقا
دعاء : مش مسامحاك و هنده بابا وأقوله أني رافضه جاي ليه اصلا ولسه رايحه تقوم مسك أيديها
(-انا جي اقولك وحياتك بزياده غياب
وان كان فاضل ليا محبه، لو فاضل حب ولو حبه!
اسمعي مني كلامي وحسيه!
"انا مش طالب الا وجودك، حنني والنبي قلب جنودك، عينك ومشاعرك وردودك، وافتحي بابك اللي قفلتيه)
دعاء : حاسه أنك هتزعلني.
أسر : وحيات القلب إلي نداكي مش هزعلك انا بحبك
دعاء : قلبي مجروح وزعلان
أسر : قلبي يجي يطيب بخاطره
دعاء تلاحظ أنه لسه ماسك أيديها : ممكن تسيب أيدي
أسر يبوس أيدها ويسيب أيدها
دعاء : مش هتندمني مره ثانيه أني حبيتك
أسر : وحياة الشوكلاته إلي انا جايبها عمري ماهزعلك
دعاء تضحك : المره الجايه وانت جاي تجيب لي الخاتم إلي كنت جايبه يوم الكافيه
أسر : يعني أيه وافقتي
دعاء تقف وتكلم وهيا ماشيه : هتعرف الرد من أبويا وتغمز له ؛. أسر : ليه الساسبينس طيب
بعد مايروح بيته ويستنى تلفون من أبو دعاء ( كامل )
موبايله يرن
أسر : ألو ياعمي
كامل : أزيك يابني
أسر : الحمد لله نخش في الموضوع على طول
كامل يضحك : بص يابني انا أحترمتك لأنك حكيت لي كل حاجه وحارب اقولك
أسر يقاطعه : انا كنت عارف انها مش هتسامح
كامل : يابني سيبني أكلم البنت وافقت وعايز أكلم والدك نتفق سوى على معاد الخطوبه وشوية حاجات كده
يسيب الموبيل لأبوه ويمسك موبيل تاني ويرن على دعاء
أسر : ألو حضرتك سرقتي قلبي ممكن ترجعيه
دعاء تضحك : على فكره انا مبكولش من الكلام ده
أسر : طب أنا بحبك
دعاء تسكت أسر : أيه مش هسمعها منك مره
دعاء : لأ طبعا. أسر : مره واحده
أسر : انا بحبك اوي دعاء : وانا كمان بموت فيك
أسر : على فكره انا حطيت الخاتم بين المخدات عندكم خشي إلبسيه إنتي من النهارده خطيبتي وحبيبتي
دعاء : ممكن توعدني انك عمرك ماهتجرحني
أسر : والله العظيم عمري ماهجرحك انا بحبك
دعاء : وانا كمان بحبك
النهايه .......
مُنذ عرفتك وأنت لا تتوقف عن كونك ..
أفضل ما حدث في حياتِي ..
محظوظه أنا لكُوني أفهم معنى ..
وجود شخصٍ لا يتوقف عن حُبي ..
"مهما حدث ومهما كان"
#الرهان
#osama_ali
8$&
تعليقات
إرسال تعليق