القائمة الرئيسية

الصفحات

translation
English French German Spain Italian Dutch Russian Portuguese Japanese Korean Arabic Chinese Simplified

قصة روح البارت الأول والتاني طنط ممكن شيكولاته من دي. =انتِ مين يا حبيبتي؟ وفين بابا وماما؟ كامله في موسوعة القصص والروايات


-طنط ممكن شيكولاته من دي.

=انتِ مين يا حبيبتي؟ وفين بابا وماما؟

أنا اسمي روح وبابا وماما قالولي خليكِ هنا وهنيجي ناخدك...

=متعرفيش راحو فين؟

مشيوا من هِنا "وشاوِرت علىٰ يميني".

=مقالوش ليكي هيرجعوا امتىٰ؟

قالوا مش هنتأخر وبس.

=طيب بقالهم أد اي سايبينك هنا؟

٣ أيام. 

= يا خبر! وانتِ هنا بقالك ٣ أيام! الحمدلله ان محدش خدك، تيجي معايا؟

-لا لا، أنا هفضل مستنياهم هما وعدوني هيرجعوا.

=طيب انتِ عندك كام سنة؟ 

-  ١٠ سنين. 

=طيب بصي ايه رأيك تيجي تعيشي معايا أنا عايشة لوحدي ومعنديش ولاد وتقوليلي يا ماما. 

-ماما! أنا عندي ماما واحدة بس. 

= وانتِ هيكون عندك ٢ ماما وهجيبلك حاجات حلوة كتير وشيكولاتات كتير وهنخرج ونتفسح علطول. 

هتضربيني زي ماما؟

= لا يا حبيبتي مش هضربك، يعني انتِ خايفة تمشي علشان ماما هتضربك لو مشيتي؟ 

-آه وهتخليني أنام من غير أكل. 

=طيب تعالي عيشي معايا وأوعدك مش هضربِك، قوليلي يا ماما خديجة. 

-حاضر يا ماما خديجة. 

=شايفة العربية الحلوة دي؟ 

الله دي حلوة أوي يا ماما. 

=دي بتاعتي وهنركبها حالًا علشان نروح البيت. 

-بجد! 

=بجد. 

..................... 

ياخديجة، يا خديجة، أنا جيت. 

=ماما حبيبتي الحمد لله على سلامتك، وصلتِ امتىٰ؟ 

-وصلت من حوالي ساعتين روحت الشُنط وجيت أسلِم عليكِ. 

=طيب مقولتيليش ليه كنت جيتلك أنا. 

محبتش اتعبِك كفاية اللي انتِ فيه. 

= طيب بمناسبة انك جيتي كنت عاوزة أقولك علىٰ حاجة مهمة. 

-خير في اي؟ 

~ ماما خديجة انتِ فين؟ أنا جعانة أوي. 

ماما! مين دي يا خديجة؟! 

=مهو ده الموضوع اللي كنت عاوزاكِ فيه، روح ممكن تدخلي اوضتك شوية. 

موضوع اي؟ ومين دي؟ وليه بتقولك يا ماما؟ فهميني...

= هفهم حضرتك كل حاجة بصي وأنا كنت خارجة من السوبر ماركت لقيت................ 


انتِ اتجننتي علشان تجيبيها لحد عندك؟! انتِ بتدوري ع المشاكل بخرم ابرة، كبرتي واتجوزتي ولسه بتفكري بقلبك وراكنة مُخِك علىٰ جنب. 

=يا ماما أنا هعمل كل اللي اقدر عليه علشان ارجعها لأهلها بس مش هسيبها لوحدها في الشارع، الله أعلم هيحصلها اي بسبب القرف والبلاوي المنتشرة الأيام دي، الحمدلله اني لقيتها بخير، ربنا كان هيسألني عليها لو كنت سيبتها ومشيت بعد اللي عرفته. 

-خلاص اعملي اللي انتِ عاوزاه، بس اللي بيشيل قربة مخرومة بتخر علىٰ دماغه. 

...................... 

-خلاص بقىٰ يا أدهم هتبقىٰ انت وماما عليا. 

=ومين قال اني عليكِ؟ أنا معاكِ بس بالعقل كده أهلها هيفضلو يدورا عليها ومش هيسكتوا، هيفتكروكي خطفتيها ومش هتخلصي. 

خطف! مهو طبيعي تتخطف بعد م سابوها ٣ أيام في الشارع لوحدها، الحمدلله انها متخطفتش ولقيتها، أنا ربنا بعتني ليها يا عالم كان حصلها ايه... 

=طيب أنا هجيلك بكره بإذن الله ونشوف الموضوع ده سوا. 

لأ خليك، ركز في مذاكرتَك انت ثانوية مش فاضل غير شهر  وامتحاناتك تبدأ، ركز علشان تدخل الكلية اللي انت عاوزها. 

=خلاص هجيلك اقعُد معاكِ شوية واشوفها بالمرة. 

-مش هخلص من زَنّك تعالَ واسكُت. 

............................. 

-الله يرحمَك يا خالد، ياريتك كنت معايا دلوقتِ، بس أنا حاسة انك معايا وحاسس بيا، روحك حواليًا مش بتفارقني، سامعة صوتك بيناديني، روحت وسيبتلي أجمل ذكرىٰ. 

=يا خديجة، خديجة. 

خالد! انت عايش؟ 

=أنا عايش في قلبك وعقلِك. 

-وحشتني أوي يا خالد. 

= لا أوحش الله لكِ قبرًا يا قلب خالد. 

متمشيش وتسيبني تاني. 

= انتِ قوية وصبرتي علىٰ فُراقي وربنا هيعوض صبرك خير. 

-أنا محتاجاك جمبي، أنا تايهة ووجودك دليلي. 

=قلبك هو دليلك، مش أنا في قلبك؟ 

انت كُل قلبي. 

=روح، خلي بالك منها، هيحاولوا ياخدوها، هيودوها الجحيم لو سبتيها. أمانة عليكِ تحميها. 

هتوحشني لحد ما اجيلك. خالد... خالد..... 


=ماما..ماما اصحي. 

-خالد.... روح! 

=مين خالد؟ 

-خالد يبقَ جوزي الله يرحمه. 

=زي بابا؟ 

لأ هو بابا. 

= الله يرحمه. 

-الجرس بيرن هفتح واجيلك. 

........... 

-أدهم، تعالَ ادخل. 

=هي فين؟ 

اصبر هنده عليها.  يا روح، تعالي، فيه حد عاوز يشوفك. 

= روح! 

هي دي روح، روح ده خالو أدهم. 

~خالو! 

=لأ أدهم وبس. 

روح ادخلي اوضتِك. 

= فيه ايه؟ خليها تقعد شوية. 

-ملكش دعوة بيها وكلمني أنا، عامل ايه في مذاكرتَك؟ 

=الحمدلله، مش ناوية تيجي تعيشي معايا أنا وماما؟ 

-لأ، مقدرش اسيب المكان اللي عيشت فيه أنا وخالد، وبعدين مش احنا اتكلمنا في الموضوع ده أكتر من مرة، وبعدين روح معايا مش محسساني اني قاعدة لوحدي. 

=تعالي عيشي معانا انتِ وهي. 

لأ، خليك في مذاكرتَك احسن، متشغلش بالك انت. 

=عسولة أوي روح. 

اه م أنا عارفة انها عسولة، أدهم دي طفلة مش واحدة من اللي بتتسلَ بيهم، فاهم؟ 

= مش قصدي والله، دي طفلة زي م قولتي، أنا آسف. 

بلاش تلعب ببنات الناس وركز في مُذاكرتك. 

=حاضر. أنا همشي. 

........... 

يا ترىٰ خالد كان يقصُد ايه لما قالي هياخدوها منك؟ يا رب. 

"عدىٰ حوالي ٣ شهور علىٰ ظهور روح في حياتي، هي روح فعلًا، محستش أبدًا إني وحيدة، رجعتلي روحي من جديد، فعلًا زي ما خالد قالي في الحلم هي عوض ربنا ليا، فجأة سمعت صوت موبايلي بيرن" 

= خديجة، أنا نجحت أخيرًا، وأخيرًا هدخُل هندسة. 

ألف مبروك يا حبيبي، عقبال التخرج. هجيلك كمان شوية وهجيب معايا الهدية اللي وعدتَك بيها. 

= هاتي روح معاكِ. 

-انت مش ملاحظ انك بقيت مُهتم أوي بروح. 

= أنا بقولك جبيها معاكِ وبس. 

لأ مش هجيبها معايا. 


~ماما مش هتاخديني فين؟ 

مفيش حاجة يا روح.. 

=طيب كنتِ بتكلمي مين؟ 

مفيش كنت بكلم أدهم ونجح. 

= هيدخُل هندسة صح؟ 

-عرفتي منين انه عاوز يدخل هندسة؟ 

=مهو قالي قبل كده انه هيدخل هندسة علشان يتجوزني لما اكبر، هو أنا هكبر امتىٰ؟ 

-ايه! قالك كده امتىٰ. 

=لما كنا عند تيتة هو قالي كده. 

متتكلميش معاه تاني فاهمة، اتفضلي ادخلي اوضتك. 

= هتضربيني؟ 

مش هضريك اتفضلي ادخلي اوضتك. 

............................... 

اللي عنده قولته خلاص، محدش هياخد روح مني يا ماما. 

= يا بنتي انا خايفة عليكِ. 

خالد كان عنده حق لما قالي هيودوها الجحيم، أنا دلوقتِ عرفت هو كان يقصُد مين. 

=خالد! وقالك! انت بجد اتهبلتي، أنا استحالة اسيبك لدماغِك دي. 

-اعملي اللي انتِ عاوزاه، أنا قررت خلاص. 

................................. 

"بعد مرور ١٠ سنين" 

-ماماااااااااااااا....أنا جيت. 

= روح، يلا ادخلي اغسلي ايدك وتعالي علشان نحط الغدا سوا. 

حاضر. 


= احكيلي بقَ عملتي اي؟ 

ولا حاجة، كالعادة جاوبت صح علىٰ أسئلة الدكتور والمدرج كله سقفلي. 

= سقفولك! هو انتِ ف حضانة؟ 

م أنا اللي قولتلهم يسقفولي. 

=وبعدين؟ 

سقفولي، وخدت رفد اسبوعين. 

= ليييه؟ 

علشان أول م سقفولي روحت مزغرطة. 

= انتِ ف كلية صيدلة مش في سوق. 

يلا اللي حصل بقَ. 

= يا خسارة تربيتي فيكِ.

كار التعليم ده مش كاري والله، جوزوني أحسن. 

= الجرس بيرن افتحي الباب.

........

مين يا روح؟ 

= ماما! 

-أيوه ياروح مين؟ 

= ماما! 

ايوه مين في اي؟ مين حضرتك. 

= أنا عايزة بنتي. 

بنت مين؟ ملكيش بنات هنا، اتفضلي اخرجي لو سمحتِ. 

= روح تبقَ بنتي. 

يُتبع 

حسناء_عطوان.

تابعوني علشان يوصلكم الجزء الثاني ❤️

علقى ب 10 ملصقات ليوصلك الجزء التانى


الجزء الثاني 


بنتك! روح بنتي أنا وبس، اتفضلي اخرجي من هنا.

= ماما خديجة! اتفضلي امشي لو سمحتِ، أنا معنديش غير ماما واحدة بس هي ماما خديجة.

~أنا ماما يا حبيبتي، غصب عني يا بنتي اني سيبتك لوحدِك ومشيت. 

=مبقاش له لازمة الكلام ده، لو سمحتِ امي مريضة ومش هتستحمل. 

~ همشي، بس هرجع آخدك تاني يا ضنايا. 

= ماما خديجة، هي مشيت خلاص. 

هياخدوكِ مني، هو ده الجحيم، أنا غلطت لما افتكرت ان أدهم وامي هما الجحيم بس اكتشفت انهم الفردوس وأهلك هما الجحيم. احنا لازم نرجع تاني، مينفعش نفضل هنا لحظة واحدة، أكيد مش هيسيبوكِ. 

=خديني معاكِ يا ماما متسيينيش. 

مش هسيبك، ده انتِ وصية الغالي. 

....................... 

احنا هنروح فين؟ 

= هنرجع بيتنا القديم. 

وكليتي؟ 

= الحمدلله انك اترفدتي اسبوعين لحد م نتصرف وبعدين يحلها ربنا. 

أنا خايقة أوي يا ماما. 

=متخافيش طول ما انا جمبك. 

ورد فعل تيتا لما تشوفني، أكيد أنا السبب. 

= أنا اللي مشيت بمزاجي، متلوميش نفسك. 

وبعدين هي تيتا تطول يكون عنده حفيدة قمر ودكتورة أد الدنيا. 

=كفاية اني بنتك. 

........................ 

افتح الباب يا أدهم. 

= خديجة! ياااااااه أخيرًا كنتي فين كل المدة دي؟ وعاملة ايه؟ وحشتيني والله. 

أدهم! يااااه كبرت أوي وبقيت جنتل، هي ماما فين؟ 

=ماما في المطبخ ادخلي شوفيها؛ هتفرح أوي لما تشوفك. 

روح تعالي ادخلي. 

= روح! 

~ أدهم، احم خالو أدهم. 

= وحشتيني أوي يا روح. 

~ وانت كمان يا خالو. 

=أنا مش خالو، أنا أدهم وبس. 

............... 

ماما...... 

= خديجة! بنتي! كنتي فين كل ده؟ هونت عليكِ تسيبيني السنين دي كلها؟ 

غصب عني يا ماما. 

= غيابك طال يا غالية. 

سامحيني يا ماما غصب عني. 

= وايه اللي رجعك فجأة كده؟ 

اللي حصل............... 

=مش قولتلك مش هتخلصي من المشاكل. 

ياماما بدل ما تساعديني بتلوميني. 

= يعني عايزاني اعمل ايه يعني؟ 

بصي هو حل مجنون شوية بس مفيش غيره. 

= ايه هو؟ 

هو قالب على روايات شوية بس مفيش غيره. 

= ايه هو؟ 

هو حل أصعب من المشكلة نفسها. 

= م تنطقي. 

نجوز روح لأدهم. 

= ايه؟! انتِ كبرتي وخرفتي صح؟ 

يا ماما اسمعيني بس. 

= استحالة اجوز ابني لواحدة زي دي. 

مالها دي؟!.... دي بنتي. 

= دلوقتي عايزة تجوزيها لأدهم، مش ده اللي عشان بنتك سبتيه ومشيتي؟!

ماما اسمعيني لو سمحتِ، اقفي جمبي ولو مرة واحدة. 

= حتى لو وافقت مش هينفع، لأنك مسجلاها باسم خالد الله يرحمه، وهو حاليًا في نظر القانون خالها. 

والعمل. 

= تدوري علىٰ أهلها وترجعيها ليهم. 

-مستحيل. 

= شكلي كنت غلطانة لما لجأتلك. 

............................. 

رايحة فين يا خديجة ملحقتيش تقعدي. 

= أنا همشي أنا وبنتي، ملناش مكان في البيت ده.

طيب حصل ايه طيب؟ 

= اسأل ماما وهي هتقولك، أنا هرجع بيتي. 

...... 

تعالَ يا أدهم ادخُل. 

= أنا بحب روح وعاوز اتجوزها من غير أي ضغوطات. 

بجد! يعني هتتجوزها بجد؟ 

= أيوة أنا مستعِد اتجوزها مش علشان احميها، علشان بحبها، وانتِ عارفة كده كويس. 

عارفة، بس فهمت بعدين، كنت فاكرة ان خالد حذرني منكم، لكن فهمت كده بعدين، حقكم عليا. 

= اللي حصل حصل. 

فيه مشكلة.... 

= ايه هي؟ 

روح أنا مسجلاها باسم خالد، وانت ف نظر القانون خالها و.... 

= عارف، أنا هتصرف وهدور على أهلها من بكره بإذن الله وهنشوف هنعمل ايه.......... 

........................ 

أنا مش موافقة يا ماما.... 

= ليه؟ 

غلط.... كل حاجة غلط.. أنا مش شايفة أدهم غير الشخص اللي اخته بتعتبرني بنتها، وكمان علشان هو مجبور يتجوزني علشان أهلي مش ياخدوني منك..... أنا ليه محدش بيفكر فيا؟ 

= أولًا - أدهم مفيش أي صلة دم تربطك بيه 

ثانيًا- أدهم بيحبك من زمان وأنا عارفة كده كويس، وخدتك ومشينا علشان السبب ده، لما تكونِ مراته  ( كتبته حسناء عطوان) محدش هيقدر ياخدك منه، أنا واثقة فيه، وواثقة انه هيحافظ عليكِ ويحميكِ. 

اديني وقتي بس وهفكر. 

= معاكِ وقت لحد م نلاقي اهلك. 

ليه؟ 

-علشان نسجلك باسم والدك الحقيقي علشان تقدري تتجوزي أدهم. 

= خلاص ملوش لازمة. 

لو ملقناش اهلك هيلاقونا هما وساعتها مش هسيبوكِ. 

=أنا خايفة أوي..

متخافيش. سيبيها على الله. 

=ونعم بالله. 

...................... 

أنا لقيت أهلها... 

= بجد؟ 

اه بجد، أهلها هيموتوا عليها بجد. 

= يعني ايه؟ 

ترجعيها لأهلها. 

=مستحيل! 

افهميني ممكن. 

= افهم اي؟! انت جيت تكحلها عميتها. 

أبوها بيموت وعاوز يشوفها، امها حكتلي السبب اللي خلاهم يسيبوها علشانه. 

= هاتلي سبب مقنع يخلي ام وأب يسيبوا طفلة لوحدها ٣ أيام في الشارع. 

لو كنتِ اتأخرتِ ساعة واحدة بس كان زمانها مع أهلها. 

= مش فاهمة حاجة 

الجهل والظلم هما أساس الشر والفساد. 

............... 

"قبل ١٠ سنين" 

يعني مفيش أمل اجيب الولد يا مولانا. 

= فيه أمل... بس الموضوع صعب شوية.. 

قول يا مولانا بسرعة.. 

= لازم تتنازلي عن حاجة غالية عندك علشان تاخدي حاجة أغلىٰ. 

مش فاهمة كلامك! 

= بنتِك.... ارميها علشان تجيبي الولد. 

ارمي بنتي! انت بتقول اي؟! 

= اللي فهمتيه، ولا تطلقي أحسن.. وكمان لما يجيلك الولد هياخد كل الميراث.. 

انت عرفت كل الكلام ده منين؟ 

= ملكيش دعوة عرفت منين، قولي موافقة(كتبته حسناء عطوان) ولا لا من غير تفكير... 

-موافقة. 

= قلبِك حجر.. 

بس مش اسود من قلبَك... 

....................... 

فاهمة هتعملي ايه؟ 

= حاضر يا ماما هقف هنا ومش همشي لحد ما تيجي انتِ وبابا تاخدوني... 

شطورة... خلي الفلوس دي معاكِ لما تجوعي تشتري أكل من السوبر ماركِت ده 

=حاضر يا ماما... 

.........................

" في الوقت الحالي" 

معقول! فيه ام كده؟ 

= لازم تسامِح أبوها قبل م يموت... 

استحالة تسامحه لو عرفت السبب، أنا عارفاها كويس. 

= طيب هنعمل ايه؟ 

هنفهمها أي حاجة تانية بس المهم متعرفش السبب ده.. 

........... 

روح لازم تروحي لأهلك.. 

=هتسيبيني يا ماما؟ 

-يا حبيبتي مش هسيبك والله بس والدك تعبان ونفسه يشوفك.. 

= دلوقتِ افتكر انه عنده بنت؟ كان فين من ١٠ سنين لما رموني في الشارع علشان امي تخلف الولد؟!

انتِ عرفتي كل ده منين؟! 

=سمعتك انتِ وأدهم.... 

اسمعيني ممكن... 

= لأ... مش هسمع كلام حد، أنا كده فهمت كل حاجة، حضرتك عاوزاني اروح علشان تجوزيني أخوكِ مش كده؟ 

-لأ خلاص مبقاش ليه لازمة، مفيش منهم خوف خلاص، وإن كان علىٰ جوازك من أدهم ف أنا مش موافقة... بس روحي شوفي أبوكِ قبل م يموت، احنا بشر ومش معصومين من الخطأ.. 

= أبويا قتلتني! .. وتقولي خطأ!....ابويا عايزني ارجعله علشان اسامحه وبس؛ مش علشاني.. 

اعملي اللي يريحِك....... 

........................ 

لازم البنت دي تيجي... 

= هتيجي وهتشوف...

هتيجي ازاي بس؟ 

=اللي دلني علىٰ مكانها هو اللي هيجيبها... 

صالح! 

= الشيخ صالح... 

يتبع

البارت الثالث والرابع الأخير من هنا 
 

تعليقات

التنقل السريع