 |
البارت الثالث والرابع
ضحى واقفه على الكبرى ومدت ايدها للبحر وهى شايله بنتها وراحت سابت ايديها
ولكن وفجأة بقا فى حاجز بين البنت وبين البحر والبنت بتصرخ
الشخص: انتى مجنونه حد يرمى طفله فالعمر دا فالبحر ياقسوة قلبك
ضحى لسه مغمضه عنيها فاكره ان الصوت دا صوت ضميرها وهى مطمنه ان البنت وقعت فالبحر عشان بتصرخ وفضلت مغمضه عنيها و
الشخص: انا بكلمك على فكره انتى ياهبابه
فتحت ضحى عنيها وبصتله وبصت لايده ولاقته شايل البنت ضحى بغضب وقسوه شدت البنت من ايده و
ضحى: هاتها مين قالك تشيلها مسبتهاش ليه تقع
واخدت البنت وهترميها تانى لكن الشخص مسك ايد ضحى بايد والايد التانيه مسك بيها البنت قبل ماتقع
الشخص: انتى اكيد مجنونه فى ام تعمل كدا ولا انتى مش امها ولا اى
ضحى بالم: امها بس مش عايزاها تعيش هات البنت خليها تموت هى ملهاش مكان فالدنيا دى
وبتهجم عليه عشان تاخد البنت والشخص بيبعد عنها ويرجع لورا وفجأه رجله فلتت ووقع فالبحر هو والبنت
ضحى بقسوه: خليك موت معاها عشان هى كانت هتموت لوحدها وانت اللى ادخلت فاللى ملكش فيه يبقا دا نصيبك مع السلامه
وسابتهم ومشيت رجعت للبوتيك ولاقت نوال بصتلها وراحت تشوف شغلها ونوال بصت لضحى وملقتش معاها بنتها و
نوال: امال فين البنت ياضحى
ضحى: بنت اى وبنت مين اصلا
نوال بعصبية: انتى اتجننتى فين بنتك ودتيها فين
ضحى ببرود: ماتت راحت للى خلقها
نوال بغضب ضربتها بالقلم عشان تفوق: انتى اكيد مش انسانه فى ام تعمل كدا ف طفلها الرضيع وكمان عمرها اسبوع ياشيخه هتروحى من ربنا فين
ضحى بصتلها باستهزاء: وهو هيروح من ربنا فين لما عمل فيا كدا ودمر حياتى ودى بنته هو يعني حته منه هو وانا مش عايزه منه غير الانتقام وبس
وسابتها ومشيت تشوف شغلها ونوال هتتجنن من قسوتها وهى طول فترة الحمل كانت بتعتنى بنفسها كويس وكانت عايزه الجنين وبتعد الايام والشهور عشان تشوفه تيجى لما تشوفه تعمل كدا و
نوال بصوت عالى: ضحى خدى هنا
جات ضحى: افندم
نوال بغضب: امشى بسرعه معايا وورينى حطيتى البنت فين ولا رمتيها فين
ضحى باللامبالاة: رميتها فالبحر يعني زمانها الله اعلم راحت فين
نوال بصدمه: حرام عليك دا غيرك بيتمنى الضفر وانتى تعملى كدا ف روح خلقها ربنا وادهالك هديه منك لله منك لله
ضحى ببرود: وهو كمان منه لله عشان هو السبب ف دا كله
عند مروه وسليم فالشقه
مروه مش بتهتم بالبيبى ولا بترضعه ولا اى حاجه خالص قاعده سرحانه ومش بتتكلم و
سليم: مروه مقولتيش هنسمى البيبى اى
بصتله ومردتش
سليم بحزن: اى رأيك نسميه مازن
هزت رأسها بمعنى لا
سليم بابتسامه انها بتتجاوب معاه: طب اى رأيك ف مالك
هزت راسها برضوا
سليم: طيب عمر
برضوا هزت رأسها
سليم مبسوط من كدا: طيب زياد
هزت راسها
سليم: طيب سيف او يوسف او فارس
هزت راسها برضوا (وبعدين معاك يامروه ماتوافقى على اسم بقا 😐😂)
سليم بتفكير: طب معاذ
برضوا هزت راسها
سليم: طب ارسلان اى رأيك جميل صح
مروه عنيها لمعت وافتكرت لما كانت مع ضحى وبيختاروا اسماء ولاد وهما الاتنين اتفقوا على اسم ارسلان وفضلوا يتخانقوا مين هتسمى الاول
مروه بأبتسامه هزت راسها بمعنى موافقه
سليم: جميل ذوقك على فكره
مروه بصلته وسكتت
سليم عايز يتكلم معاها هى هتهتم ب ارسلان ولا يجيب داده احسن بس مش عارف يبدأ الموضوع ازاى وفجأه صوت عياط ارسلان طلع و
سليم بصلها: شكله جعان
مروه بصت بحزن وسكتت
سليم: مروه عشان خاطر اغلى حاجه عندك دا طفل ملوش دعوه باللى حصل بينا ارجوكى قومى رضعيه واهتمى بيه انتى كدا هتتسألى عنه قدام ربنا
مروه بصلته بأستهزاء وسخريه زى اللى بتقوله كويس انك عارف ربنا
سليم مش عارف يعمل اى: طيب تحبى اجيب داده وهى تهتم بيه
هزت رأسها بعنف بمعنى لا
سليم بضيق: طيب مين هيهتم ب ارسلان
مروه بصتله وسكتت
سليم زهق من الكلام راح قايم وشال ارسلان وبيحاول يسكته
وفى شقة شهد ومراد
شهد قاعده وشحها شاحب ومرعوبه ومنتظره مراد ياجى
وبعد نص ساعه وصل مراد و
شهد: كنت فين يامراد دا كله انا قاعده هنا بقالى كتير
مراد: نعم بتسألى ليه اول مره تسألى السؤال دا
شهد بغضب: عشان انا مراتك لازم اسأل
مراد بضحك:ههههه اه مراتى صح مفيش ياستى خلصت محاضرات وخرجت مع صحابى فيها حاجه بقا
شهد بجمود: اه وهتيجى تتقدملى امتى
مراد بعصبيه: فى اى ياشهد من ساعة مادخلت وانتى فاتحه محضر كنت فين وهتتقدملى امتى مالك فيكى اى
شهد: مراد
مراد بملل وصوت عالى: نعم
شهد: انا حامل (😳😳)
مراد بارتباك: ايه حامل ازاى
شهد: هو اى اللى حامل ازاى بقولك حامل اشرحهالك ازاى دى
مراد بتوتر: اقصد حامل من امتى
شهد: الدكتوره قالتلى من شهرين يعني لازم تيجى تتقدملى ونتجوز
مراد بتهرب: اه ان شاء الله قريب
شهد: يعني امتى بكره بعده الاسبوع دا ولا الاسبوع اللى بعده امتى بالظبط
مراد: لما ربنا يسهل يا شهد بقا وامشى بقا يلا عشان الوقت اتأخر احسن حد من اخواتك يرجع الفيلا وانتى متبقاش موجوده ويفتحولك تحقيق وانا هفكر واظبط امورى واكلمك تاخديلى معاد من اخوكى
شهد: اوعى تغدر بيا يامراد
مراد: اغدر بيكى دا اى بس مانا لسه بقولك اللى هعمله اهو هفكر واظبط الدنيا واكلمك
شهد: ماشى
ومشيت شهد وفضل مراد فالشقه و
مراد: غبيه اوى محدش قالك احملى انا لاقى اصرف على نفسى لما اصرف عليكى وعلى ابنك كمان دانتى بتحلمى ياشوشو
(كما تدين تدان ليس فقط فالظلم بل ستدان حين تجبر خاطر وتزيل هم وتسعد نفس سيأتى اليوم الذي يرد لك عملك واذا نسيت الله لا ينسى)
على شاطئ البحر
يجلس معتز مكسور حاسس فى حاجه كسرته
قاعد بيتكلم مع البحر و
معتز: اطلقها ولا اسيبها طب لو طلقتها طيب الشغل والبيزنس اللى مع ابوها هيضيع كدا طب ولو سبتها
نفسه ردت عليه: تقبل واحده زى دى ف حياتك هتأمنها ازاى على بيتك وفلوسك واسرارك
معتز: طب هطلقها الشغل اللى مع ابوها هعمل فيه اى
نفسه:وانت محتاج فلوس
معتز: لا مش محتاج بس البحر بيحب الزياده
وبص للبحر: صح يابحر
وصوت الموج بقا عالى كأنه بيرد عليه: ايوا صح
معتز: خلاص مش هطلقها بس هوريها النجوم ساعة الظهر
ووصل لقراره دا وقام ركب عربيته ورجع للفندق
وعند الكبرى اللى ضحى رمت بنتها هناك قاعده ضحى على ركبتيها وبندم وحزن و
ضحى: ياترى روحتى فين موتى ولا حد انقذك انتى والراجل اللى معاكى
وبصريخ: يا....... بس افتكرت انها حتى مسمتهاش
وبحزن اكتر وعياط: سامحينى يابنتى بس الدنيا دى وحشه اوى وانا مش عايزه يحصلك زى ماحصلى ايوا انتى ابوكى من اغنياء مصر بس مش هيعترف بيكى ولا هيديكى حقوقك يبقا الموت ليكى دلوقتى راحه ولما نتقابل عند ربنا هتشكرينى
وفجأه سمعت صوت بيقولها: وتفتكرى ربنا هيسامحك على اللى عملتيه دا
بصت للصوت لاقته الشخص اللى وقف قصاده واخد البنت منها الصبح ووقع معاها فالبحر قامت جريت عليه و
ضحى:انت طلعت ازاى من البحر دا انت شايف البحر عامل زى محدش بينزل فيه ويطلع
الشخص: ولما انتى عارفه كدا جايه ترمى فيه طفله عمرها ايام ليه
ضحى: عشان انا مش عايزاها
الشخص: كنتى ودتيها دار ايتام احسن من كدا
ضحى بندم: معاك حق بس انا مكنتش عايزه اشوفها خالص هى جات الدنيا دى بالغصب وهى بنت اللى دمرلى حياتى
الشخص: وبنتك انتى كمان حته منك
ضحى: ايوا بنتى انا كمان بس انا كنت عايزه ولد عشان ياخد حقى وحقه اما هى بنت ضعيفه ومش هتعمل حاجه بالعكس كانت ممكن تحنن قلبى وتنسينى انتقامى من ابوها اللى اغتصبنى واخد شرفى وكل ما املك وخلانى اجى على مكان معرفش فيه حد ولا ليا حد فيه وخلانى محبوسه ف بوتيك اشتغل واكل واشرب وانام فيه مليش مكان غيره خلانى خسرت حياتى كلها وهو والله برافووو عليه سبلى ذكرى حلوه اوى سبلى حته منه وانا بكره كله فلازم اكره البنت دى
وفجأة سمعت صوت طفل بيعيط ويصرخ قلبها حن وحزنت ونادت بصوت عالى: انتى فين يابنتى
الشخص: بنتك اهى
ومد ايده بالبنت ليها وهى اخدتها منه وفضلت تبصلها وتعيط واخدتها ف حضنها
الشخص ابتسم: هى اسمها اى
ضحى بحزن: مسمتهاش لسه
الشخص: اى رأيك ف اسم ايام او ليالى
ضحى: اشمعنى الاسمين دول
الشخص: عشان الايام وليالى بتنسى ومع الوقت هتنسى اللى حصلك
ضحى بقسوه: انا مش عايزه انسى انا عايزه انتقم
الشخص بابتسامه: المهم دلوقتى هتمسيها اى ايام ولا ليالى
ضحى: ليالى اسم معروف هسميها ايام
الشخص: جميل وهى هتكون اسم على مسمى بإذن الله والايام بترد الحق وهى هترد حقك
ضحى بصتله ومن جواها بتقول يارب
الشخص: يلا اوصلك على البوتيك
ضحى: وانت تعرف مكان البوتيك
الشخص:ايوا مش البوتيك بتاع مدام نوال
ضحى: ايوا هو بس الاول قولى انتو طلعتو ازاى من البحر
الشخص بضحك: ههههههه اصل انا سباح ماهر وبحب السباحه عشان كدا انا واقف قدامك دلوقتى ويلا بقا اوصلك عشان هتأخر على الشغل
ضحى: يلا
ومشيوا
سليم حجز لمروه عند دكتوره نفسيه لان حكى لشخص مقرب منه عن اللى حصل وعن حالة مروه ونصحه ان يحجزلها عن دكتوره نفسيه قبل ما حالتها تسوء اكتر وفعلا حجز وهو اللى حب يتكلم مع الدكتورة الاول قبل مايجيب مروه وحكى للدكتوره كل حاجه حصلت من اول الاغتصاب والجواز والحمل وهكذا...
وعدى اسبوع على شهد وهى منتظره مكالمة مراد بس هو مش بيكلمها من يوم ماقلتله على الحمل
قامت لبست فستان طويل وبكم ولمت شعرها هى حالها اتغير اصلا تحت عنيها بقا اسود ومش بتاكل والخوف والرعب من اخواتها هيموتها ومن يومها وهى حابسه نفسها فالاوضه
خلصت لبس ونزلت وهى خارجه قبلتها نجيه و
نجيه: رايحه فين ياشهد كدا
شهد: خارجه اشم شوية هوا ياداده اتخنقت من حابسة الاوضه
نجيه بشك وهى تفحصها كويس: واى اللى مخليكى حابسه نفسك ف الاوضه ياشوشو
شهد بتوتر: هااا مفيش بس مكنش ليا مزاج للخروج وكدا عن اذنك بقا ياداده
نجيه: ماشى
مشيت شهد ونجيه طلعت تلفونها واتصلت على رقم وانتظرت الرد و....
نجيه: قولى اى اللى حصل خلاها حابسه نفسها وحالها وشكلها اتبهدل واتغير كدا
الشخص اللى بتكلمه:
نجيه بابتسامة نصر: اه عشان كدا برافوووو عليك يا مراد هى تقريباً شكلها كدا جايه عندك خلى بالك بقا
مراد: ماشى جات لقضاها
نجيه:سلام
وقفلت وعلى وشها ابتسامة نصر وانطلقت تشوف شغلها (طبعاً انتو مصدومين 😳😳)
عند معتز ومايا
راح معتز الفندق اللى كان عامل فيه الفرح وطلع السويت اللى حاجزه ودخل لاقى مايا نايمه و..
معتز بصوت عالى: انتى يازباله اصحى ليكى عين تنامى بعد عملتك دى انتى ياحيوانه فوقى
مايا صحيت على الصوت وهى لسه النوم مأثر عليها: اى فى اى
معتز بصدمه منها:فى اى انتى مش عارفه انتى عملتى اى
مايا بتحاول تفتكر هى عملت: لا مش عارفه عملت اى انا على الصبح وبعدين انت كنت فين من اسبوع وسايبنى هنا فالفندق لوحدى
معتز اتعصب من برودها وكلامها ضربها بالقلم: بقا دا اللى همك سبتك فالفندق لوحدك وانتى مش عارفه ان اللى حصل دا المفروض اقتلك عليه
مايا وهى نايمه على السرير: ليه يعني انا كنت عملت اى عشان تقتلنى
معتز: عملتى علاقه من غير جواز المفروض العلاقه دى يامحترمه تكون مع جوزك وبس يازباله ياعديمة التربيه
مايا بملل: يووووه بقا انت مكبر الموضوع ليه على أساس يعني انت اللى مكنتش عامل علاقه زى كدا قبل الجواز يازوزى.
(😂😂)
معتز: انا راجل واعمل اللى عايزه
مايا: وانا كمان حره واعمل اللى عايزاه
معتز بيحاول يسيطر على نفسه عشان ميقتلهاش: اسمه اى الواد اللى عملتى معاه كدا انطقى اسمه اى
مايا: اسمه توماس
معتز بصدمه: وكمان مش مصرى واحتمال يكون مش مسلم كمان وكنتو فين لما حصل كدا
مايا وهى نايمه: امريكا
معتز: كنتى هناك لوحدك
مايا بزهق: ايوا كنت بدرس هناك وسبنى انام بقا منمتش طول الليل سبنى انام
معتز: ومنمتيش ليه طول الليل ياهانم
مايا باللامبالاة: اصل توماس كان هنا واصلا طول الاسبوع كان هنا معايا وسافر النهارده الفجر
معتز مش شايف قدامه من الغضب شدها من شعرها قومها من على السرير وضربها بالقلم : اه يافاجره يازباله يعني مكفكيش قبل الجواز كمان وانتى على زمة راجل بتخونينى يازباله
مايا بعدت ايده عن شعرها وزقته بعيد وراحت نامت
( اى البت التلاجه دى يخربيتك 😒👊)
وهو مشى وهو مش شايف قدامه من الغضب
(تستاهل يازوزى 👊)
وفى بور سعيد فى البوتيك بتاع نوال قامت ضحى على صوت عياط ايام فضلت تسكت فيها ورضعتها لحد مانامت وقامت تشوف شغلها وبعد ساعه تقريباً جات نوال ودخلت و
نوال: ضحى ياحبيبتى خدى عايزاكى
ضحى: نعم يامدام نوال
نوال: فى واحد متقدملك هو محترم وشغله كويس وموافق على كل شروطك
ضحى: هههههه ومين العبيط اللى عايز يتجوزنى دا هو مش عارف انا حصلى اى وكمان مش عارف انى معايا بنت
نوال: لا عارف كل حاجه وعايز يتجوزك
ضحى: لا انا مش موافقه انا عايشه كدا كويس بشتغل واكل واشرب و عندى مكان انام فيه والحمدلله مش عايزه اكتر من كدا وربنا يقدرنى واربى بنتى
نوال: هو هيساعدك ويربى بنتك
وعشان توافق نوال قالتلها: وكمان تنتقمى وتيجبى حقك
ضحى: بجد هو مين دا طيب
نوال بصوت عالى: ادخل يا سراج
دخل سراج
و اول ما ضحى شافته: هو انت
سراج: ايوا انا
نوال: انتو تعرفوا بعض
سراج:الهانم كانت هترمى بنتها ولولا ان ربنا خلانى امشى من الطريق بتاع الكبرى كان زمان البنت بعد الشر من الاموات طبعاً
ضحى: وانت ان شاء الله هتتجوزنى شفقه مش كدا
وبصت لنوال: اسفه يامدام نوال مش موافقه عن اذنكم
سراج بص لنوال: ممكن تسبينا لوحدنا شوى يامدام نوال
نوال قامت من مكانها: ممكن
وخرجت وقفلت الباب
سراج: اسمعينى الاول قبل ماتتكلمى
ضحى بملل: طيب
سراج: انتى عارفه انى معجب بيكى من قبل ماعرف حكايتك صح وعشان كدا انتى سبتى بيت مدام نوال ورجعتى للبوتيك دا اول حاجه عشان بس متقوليش متجوزك شفقه تانى وبصراحة انا براقبك علطول عشان كدا كنت انا موجود وقت ماكنتى عايزه ترمى بنتك واخدتها وبالمناسبة انا عندى ولد عنده سنه مامته اتوفت وهى بتولده يعني انا محتاج ام لابنى وانتى محتاجه اب لبنتك يعني احنا الاتنين المفروض محتاجين لبعض انا هشتغل واصرف عليكم وانتى تاخدى بالك وتهتمى بيهم قولتى اى
ضحى بتفكير: سبنى افكر وهبعتلك الرد مع مدام نوال بالمناسبة انت بتشغل اى عند مدام نوال
سراج: السواق ولما مدام نوال بتسافر تجيب لبس للبوتيك انا بروح اسكندريه بشتغل هناك زى ماقولتلك انا سباح ماهر عشان كدا وقت المصيف بكون موجود على الشاطئ دايما يعنى منقذ هااا اى سؤال تانى
ضحى: لا
سراج قام وقف: تمام هستنى ردك من مدام نوال اتمنى توافقى عن اذنك
سراج مشى وهى خرجت تشوف شغلها ونوال رجعت مكانها فالمكتب ومعاها ايام بتلعب معاها
عند شهد ومراد
راحت شهد الشقه وفتحت ودخلت ونادت على مراد و
شهد: مراد فينك
مراد: تعالى ياحبى انا ف اوضتنا
راحت شهد للاوضه وقعدت على السرير وهو كان نايم و
شهد: يعني مجتش زى ماتفقنا يامراد
مراد: الاول بس قوليلى اى اللى عامل ف شكلك كدا اى انتى مش بتاكلى
شهد بعصبيه وصوت عالى: مراااااااد متغيرش الموضوع هتيجى امتى تتقدملى ونتجوز
وفجأة مراد ضربها بالقلم: صوتك ميعلاش قدامى تانى انتى فاهمه
شهد حطت ايدها مكان القلم: انت بتضربنى
مراد:واقتلك كمان محدش يعلى صوته عليا حتى لو كان مين انتى سامعه
شهد بعياط: انا اسفه بس لازم تيجى تتجوزنى احسن اخواتى يعرفوا وساعتها مش هيحصل كويس
مراد باستهزاء: اى يعنى هيحصل اى
شهد بتحاول تخوف مراد: هيقتلونى و
قطع كلامها: لا مش هيقتلوك متوصلش لكدا
شهد: طب هتيجى امتى بقا
مراد: بصى ياشوشو ياحبيبتى انا مش لاقى اكل اصلا هتجوزك ازاى بقا وبعدين ياروح قلبى محدش قالك احملى ولا تتجوزى عرفى من ورا اهلك هههههههههه اهلك مين اقصد اخواتك ف موضوع الجواز دا شيليه من دماغك خالص ولو خايفه اخواتك يعرفوا روحى نزلى الجنين كلام غير كدا معنديش
شهد بصدمه: يعني كنت بتلعب بيا طب فين حبك ليا مش انت اللى قايل بتحبنى فين حبك دا
مراد بضحك:حب اى بس وكلام فارغ اى مفيش حاجه ياقلبى اسمها حب اصلا وشيلى برضوا حكاية الحب دى من دماغك اشطا والمره الجايه تيجى وتكونى نزلتى البيبى ولا اقولك متجيش ابعتى مسج انك نزلتى البيبى وبس على كدا خلص الكلام ما بينا فاهمه يلا براااااا
شهد مصدومه فضلت تبصله وبعدها طلعت تجرى
ف شقة سليم
دخلت مروه عند ابنها ارسلان وفضلت تبصله و
مروه بحنان: حبيبى انت عامل اى
ارسلان بصلها
مروه: انا اسفه ياقلبى انى مش بهتم بيك ساعة ما ابوك يبقا موجود حقك عليا ياعيونى تعالى بقا اما ارضعك قبل مايجى
وشالته ورضعته وبتلعب معاه طول ماهى بترضعه
برا الاوضه كان واقف سليم مبتسم بحزن و
سليم: الحمدلله انها بتهتم بيه وانا مش موجود يعني هى بتحب ارسلان وبترضعه وتلعب معاه وانا مش موجود طب ليه مش بتعمل كدا علطول اى السبب انها تهتم بيه وانا مش موجود
مروه حست ان فى حد فالشقه شالت ارسلان نيمته ف سريره و
مروه: نام هنا ياحبيبى هشوف لو فى حد فالشقه ولا لا عشان حاسه ان ف حد موجود هنا
سليم اول ماسمعها جرى يتخبى فالبلكونه
سليم بفرحه: انا لازم اخليها تتكلم معايا لازم اخليها تحبنى ونعيش اسره متكامله بقا
مسك تلفونه واتصل بالدكتورة النفسيه ولغى الحجز
مروه دورت فالشقه كلها ملقتش حد رجعت تانى عند ارسلان
وسليم خرج من الشقه
و فالفندق
دخل معتز وشد مايا وقفها من على السرير وهى نايمه و
معتز: انتى يازباله لمى هدومك اللى هنا ويلا هنمشى ولا عجبك المكان
مايا بنوم: ماشى
جهزت شنطة هدومها وهو لم هدومه وسابو الفندق وراحوا على الفيلا
شهد رجعت الفيلا وهى بتعيط وطلعت تجرى على اوضتها ونجيه شافتها وطلعت تلفونه واتصلت على مراد و.
نجيه: حصل اى
مراد حكالها كل اللى حصل
نجيه:برافوووو عليك هبعتلك الفلوس اللى اتفقنا عليه سلام
وقفلت والفرحه على وشها ودخلت على المطبخ
رجع معتز ومايا و.
معتز بصوت يهز الفيلا: ناااااااااااااااااااجيه انتو يابهاااااايم
نجيه جات تجرى: نعم نعم يامعتز باشا
معتز: طلعو الشنط فوق ف الجناح بتاعى وجهزوا الغدا بسررررررعه
نجيه:حاضر
ونادت على الخدم جماعه يطلعوا الشنط وجماعه يجهزوا الغدا
ومعتز دخل المكتب ومايا بتتمشى فالفيلا تشوفها
شهد دخلت اوضتها واترمت على السرير و
شهد بعياط وصريخ وهى بتدفن وشها فالمخده عشان محدش يسمعها: اعمل اى فالمصيبه دى اعمل اى بس ياربى انا غلطت سامحنى وقولى اعمل اى
وفضلت تعيط وتصرخ لحد ماتعبت ونامت
تحت على السفره معتز قاعد ومايا قاعده والاكل جه واترس على السفره و
معتز: انتى قاعده ليه
مايا ببرود: هو اى اللى قاعده ليه زى مانت قاعد
معتز: لا ياشاطره انتى تقومى تقفى لحد ماخلص اكل وبعدين انتى تبقى تاكلى ساااااامعه
مايا بخوف من صوته: حاضر
وقامت
فى بورسعيد
ضحى فكرت ولاقت ان كلام سراج صح وقالت لنوال انها موافقه ونوال كلمت سراج فالفون وقالتله وهو قال انه هيجيب المأذون وجاى و.
ضحى: انا كدا عملت الصح يامدام نوال صح
نوال: دا احسن قرار انتى اخدتيه ف حياتك اصلا
ضحى بحزن: طيب هو مستجعل ليه كان استنى اسبوع حتى ولا حاجه مش اول مانقوله يقول انا جايب المأذون وجاى
نوال بضحك: هههههههههه الف مبروك ياحبيبتى وسراج كويس جدا ومش هتندمى ان شاء الله
ضحى بصتلها بابتسامه: الله يبارك فيك هقوم بقا اجهز ايام وانا اجهز عشان اكيد هنمشى من هنا وانا بشكرك على وقفتك معايا بجد مش عارفه من غيرك كنت هعمل اى
نوال بحنان اموى: متقوليش كدا انتى زى بنتى ربنا يسعدك يارب
ضحى: يارب عن اذنك
وبالفعل ضحى جهزت وجهزت ايام وبعدها جه سراج ومعاه المأذون واتنين شهود وتم عقد القران وسراج خدها واخد ايام ومشيوا ونوال قفلت البوتيك ومشيت هى كمان
عند شهد اتصلت على صحبتها وحكتلها كل حاجه
شهد: لازم تساعدينى يا يارا
يارا: حد يعمل اللى عملتيه دا ياشهد
شهد: انا مش ناقصه كلامك هتساعدينى ولا لا
يارا: هساعدك انا اعرف دكتور بيعمل عمليات الإجهاض البسى وعدى عليا ونروح
شهد: ربع ساعة واكون عندك
ولبست واخدت فلوس معاها ومشيت عدت على يارا وراحو للدكتور وادو للممرضه فلوس عشان تعمل العمليه ف نفس اليوم
والممرضه جهزت شهد ودخلت الاوضه عند الدكتور و
شهد بخوف من شكل المكان: يارا تعالى معايا
يارا: ماش
قطع كلامها الممرضه: لا انتى تدخلى لوحدك وبصت ليارا وانتى تستنى هنا ورجعت بصت لشهد ويلا ادخلى بقا عشان الدكتور عنده عمليات كتير النهارده
شهد دخلت وبصت للاوضه السرير كله دم والحيطان عليها دم وبصت للدكتور شكله مرعب ورجعت بصت على الباب المقفول واغمى عليها يارا سمعت صوت حد وقع راحت فتحت الباب و
يارا برعب وخوف: شهد شهد ردى عليا وبصت للدكتور انت عملتلها اى شهد ردى عليا
الدكتور: انا لسه عملت هى اللى وقعت لوحدها انتو هتجبولى مصيبه خدى صحبتك وامشى يلا برا
ونادى على الممرضه: سناااااااء
سناء: نعم يادكتور
الدكتور:طلعيهم برا واديهم نص الفلوس بس
يارا: طيب فوقها ولا اعملوا ليها حاجه واحنا هنمشى احسن والله ابلغ عنكم انتو ساااامعين
الدكتور خاف من يارا وبص للممرضه: شيلى معاها حطوها على السرير واعمليلها محاليل
وبص ليارا: اول ماتفوق مشوفش وشكم هنا
وفعلا نقلو شهد من الارض للسرير وعملولها محاليل ولما المحاليل خلصت مشيت هى ويارا
سليم عرف ان معتز رجع الفيلا هو ومراته وقرر ان هو كمان ياخد مروه وارسلان ويرجع الفيلا و
سليم: مروه
مروه بصتله ومردتش
سليم: عايزاك تجهزى عشان هنخرج
مروه هزت راسها بمعنى لا
سليم بص لارسلان: عشان خاطر ارسلان هو من يوم الولاده وهو فالشقه يلا البسى وانا هلبس ارسلان
مروه مشيت للاوضه تلبس وهو لبس ارسلان وحطه ف شنطته ومروه خرجت كانت لابسه دريس طويل وبكم ومحتشم بس من غير حجاب سليم وقف قدامها و
سليم: مش انتى مسلمه
مروه بصتله بقرف (على اساس بتقوله انت اللى الاسلام متوفر عندك)
سليم: انتى مسلمه ومفروض عليكى الحجاب
ودخل الاوضه جاب طرحه كبيره ومدها لمروه و
سليم: وكمان انا راجل غيور ومحبش حد يشوف شعر مراتى لازم بقا تلبسى الطرحه
مروه من غير كلام مدت ايدها اخدت الطرحه وهى ماشيه ابتسمت ودخلت لبست الطرحه وخرجت و
سليم: ايوا كدا القمر اكتمل
مروه حاولت تخفى ابتسامتها
وسليم شال ارسلان ومشيوا
شهد رجعت الفيلا ودخلت اوضتها تحت مراقبة نجيه
وبعدها دخل سليم ومروه الفيلا
سليم: داداه نجيه يا داده
نجيه جات: اهلا بسليم باشا وبصت لمروه وبصت لسليم بمعنى مين دى سليم شاور على صباعه ف ايده الشمال نجيه فهمت انها مراته ابتمست لمروه وسلمت عليها وسليم اداها ارسلان تطلعوا الجناح بتاع سليم وهو مسك ايد مروه وطلعوا وكل دا تحت مراقبة معتز
تانى يوم صحيت شهد ودخلت الحمام لكن هى تعبانه اغمى عليها فالحمام ونجيه دخلت عشان تصحيها وملقتهاش فتحت الحمام لاقتها مغمى عليها سابتها وقفلت الباب بهدوء ونزلت تحت
اجتمع معتز ومايا وسليم ومروه على السفره وبين الاخين نظرات بمعنى كل واحد عمل اللى ف دماغه وقطع نظراتهم صوت نجيه و
نجيه: انا طلعت اوضتها يامعتز باشا ملقتهاش
معتز قام بغضب: يعني اى ملقتهاش راحت فين انا بقالى اسبوع مشوفتهاش
وطلع على فوق وسليم وراه ودخلوا الاوضه وخبطوا على الحمام ومفيش رد معتز بص لسليم و
معتز: نادى على مراتك
سليم: ليه
معتز: عشان هكسر الباب وهى تدخل تشوفها افرض مغيره هدومها ولا حاجه
سليم بتفهم: ماشى
وراح نادى مروه ومروه قامت طلعت فوق ومعتز كسر الباب ومروه دخلت لاقت شهد مرميه على الارض طلعت شدت ايد سليم ودخل شافها وشالها وحطها على السرير ومعتز اتصل بالدكتور ووصل الدكتور ودخلت مروه معاه وبعد مده خرج الدكتور و
الدكتور بابتسامة: مبروك مدام شهد حامل
معتز بصدمه ويهمس: حامل
سليم بالم بص فالارض بحزن
الدكتور ملقيش رد من حد اداهم ورقه بالعلاج ومشى ومعتز دخل كسر الباب وهو داخل وبصوت هز الفيلا: شهد
شهد بصتله برعب ومسكت ف مروه
معتز: مين ابوه وازاى حصل احكى كل حاجه واياك تكذبى ولا تخبى انتى فاهمه
هزت راسها بخوف وبدأت تحكى
سليم: اسمه مراد اى ابوه اسمه اى
شهد بصت فالارض: مش عارفه
وقلم نزل على وشها من معتز صرخت بالم ومروه حضنتها
معتز: يعني اى مش عارفه مفيش غيره اسمه مراد فالبلد عشان نجيبه بسهوله انطقى اسمه مراد اى
شهد:انا معايا صورته
معتز: هاتى تلفونك
معتز خد تلفونها و سليم خد معتز وخرج وقال لمروه تفضل معاها وتهتم بيها ومروه هزت راسها
سليم خرج ومعاه معتز وراحو على المكتب و
سليم: مش قولتلك افرض حصل لاختك زى ماحنا عملنا كدا مع ضحى ومروه قولتلى مين يستجرى يقرب من اخت معتز الدمنهوري واهو السنه لسه مخلصتش وشوف حصل اى
معتز: اخرس انت كمان مش ناقص كلامك
ومسك تلفونه وعمل اتصال: تقلبوا مصر كلها وتجبولى واحد اسمه مراد هبعتلك صورته دلوقتى مصر تتقلب من فوق لتحت وتجبهولى فاهم
الشخص: .....
معتز: سلام
وقفل وبعت صورة مراد للرجاله
وسليم بصله وخرج من المكتب
نجيه سمعت كلام معتز فالمكتب وطلعت تلفونها واتصلت على مراد وقالت كلمه واحده: اختفى
وقفلت التلفون وراحت اوضتها وطلعت صورتين صورة ولد وصورة بنت ف عمر الشباب و
نجيه:جبتلك حقك ياقلبى اتمنى تكونى مرتاحه ف تربتك
واخدت الصوره ف حضنه وبصت لصورة الولد و
نجيه:باقى اجيب حقك ياعمرى وكدا اكون ارتحت
وضمت الصوره لصدرها
وبعد يومين جه اتصال لمعتز وهو فالشركة
الشخص المتصل: معتز باشا احنا قلبنا مصر كلها ملوش اثر ياباشا انا بعتذر
معتز رمى الفون فالحيطه وبعدها طلع تلفون تانى واتصل على شركة الطيران وحجز تذكره لالمانيا واخد جاكت بدلته وخرج
رجع الفيلا وطلع عند شهد و
معتز: قومى حضرى شنطة هدومك هتسافرى دلوقتى
شهد بعياط: انا مش عايزه اسافر خلونى هنا احبسونى اقتلونى بس متخلونيش اسافر
معتز ضربها بالقلم: ولسه ليكى عين تقولى عايزه ومش عايزه سمعتى انا قولت اى هنزل تحت خمس دقايق تكونى جهزتى شنطتك وواقفه قدامى تحت يلا بسرعه
شهد بخوف وعياط وهى حطه ايدها مكان القلم: حاضر
وجهزت شنطتها وغيرت هدومها ونزلت ومعتز خدها وفضل معاها لحد ماركبت الطياره وسافرت
وبعد مرور 20 سنه
فى مستشفى ف بورسعيد على فراش الموت توجد ضحى و
ضحى وهى بتاخد نفسها بالعافيه: ايام عايزاكى تاخدى بالك من نفسك انتى مش صغيره انتى عندك 20 سنه واهو فضلك شهرين وتتخرجى من كليتك لما اموت فى دفتر ف دولابى هتلاقيه عايزاكى تقرأيه كويس عايزاكى تجيبى حقى وحقك من ابوكى
ايام بصتلها بصدمه: ابويا قصدك بابا سراج
ضحى هزت راسها وخدت نفسها الاخير فى الدنيا وروحها فارقت جسدها و......
ونكمل بكره
ياترى اى اللى هيحصل اتوقعوا اللى جاى +اى رأيكم ف اسم بنت ضحى (ايام)
دمتم ف رعايه الله
البارت_الرابع
رواية_الانتقام
ضحى اخدت نفسها الاخير في الدنيا وروحها فارقت جسدها و
ايام بتهز فيها: ماما مااااااما ردى عليا ماما متسبنيش ماما طب قولى بابا سراج عملك اى عشان انتقم منه ماما ردى عليا ارجوكى متسبنيش لوحدى طب خدينى معاكى
وبصريخ عالى: مامااااااااا
الدكاتره والممرضات جات على صوت ايام والدكتور امر الممرضه انها تاخد أيام بعيد و
الدكتور: خدوها من هنا عايز اشوف المريضه
الممرضات مسكوا ايام وبيحاولوا يخرجوها وهى بتصرخ: سبونى معاها خدونى معاها مااااماااا متسبنيش ارجوكى دكتور ابوس ايدك متخلهاش تموت وحياة اغلى حاجه عندك رجعلى ماما
الممرضات طلعوها برا وسراج كان واقف حزين وجاى يقرب من ايام ويخدها ف حضنه ايام بصتله بغضب بعدت عنه وقاعدت على الأرض تعيط سراج راح جنبها ولسه هياخدها ف حضنه و
ايام مسكت ايده بقوه: ابعد عنى اياك تقربى منى غير لما اخد حق امى منك
سراج بصلها بذهول: حق منى انا
ايام بصتله بغضب ومردتش عليه والدكتور خرج و
الدكتور: البقاء لله شدو حيلكم
والمستشفى كلها اتهزت من صريخ ايام والممرضات ادوها مهدئ ومنوم وسراج خلص الإجراءات الخاصة بالدفن وتم دفن ضحى ف بورسعيد
وبعد يومين ايام رجعت البيت ودخلت اوضتها ومسكت صورة والدتها و
ايام: سبتينى ليه لوحدى انتى وعدتينى هتفضلى معايا العمر كله ليه منفذتيش وعدك
وبصريخ وصوت عالى: ليه سبتينى ليه
سراج دخل على صوتها وحاول يهديها بس ايام
ايام: قولتلك ملكش دعوه بيا ابدا لحد ماشوف انت عملت اى ف ماما واخد حقها
سراج بصلها بضيق وسابها وخرج وايام اترمت على السرير تعيط
وفى فيلا الدمنهوري ( الفيلا تبع معتز وسليم)
فى حمام السباحه نلاقى ارسلان بيغطس ويطلع لحد ما جاله تلفون طلع من البيسين و
ارسلان: اهلا بالواطى تبع مصلحته وبس
محمد بضحك: اخص عليك انااااااا
ارسلان: لا واحد شبهك ياخفيف الظل
محمد: طب الحمدلله انه مطلعش انا ياظالم انت
ارسلان بدأ يتعصب: اخلص ياض انت عايز اي مش فضيلك
محمد: ليه يابو الاشغال المهمه عندك اى
ارسلان: عندى تدريب فالكليه انت عارف انه اخر سنه يافاشل انت خليك لازق ف سنه تالته
محمد: اممممم وبعد التدريب
ارسلان: وانت مالك انت هتحقق معايا
محمد بيضحك:الله امال لما مش هحقق معاك انت هحقق مع مين ياسوسو
ارسلان قفل ف وشه وبصدمه: سوسو بقا العقيد المستقبلى ارسلان سليم الدمنهوري يتقاله سوسو طب لما اشوفك يامحمد مش هخلى حته فيك سليمه
ومحمد لاقى المكالمه فصلت قعد يضحك على نفسه (😂😂)
ولسه ارسلان هيطلع اوضته لاقى اخواته رجعوا من المدرسه و
ارسلان: اهلا بالابطال
سيف وحبيبه تؤام بصوت واحد: اهلا يا ابيه
ارسلان: عملتو اى النهارده فالمدرسه
سيف بصله بقرف: هنكون عملنا اى زى كل يوم اى السؤال الغبى دا
ارسلان بصله بغضب وسيف طلع يجرى ورجع بص لحبيبه و
حبيبه: انا مالى هو اللى قال غبى عن اذنك ياباشا
وطلعت تجرى وهى بتكتم ضحكتها
ارسلان: ماشى ياكلاب انا هربيكم من جديد
وطلع اوضته
ف شركة الدمنهوري للحديد والصلب
معتز قاعد بيمارس اشغاله وفجأة صوت تلفونه بيرن و
معتز: نعم فى اى
مايا: مش عارفه انت امتى هتغير اسلوبك دا
معتز بخنقه: ملكش فيه واخلصى بترنى ليه
مايا: عايزه فلوس
معتز:ليه
مايا:شاهى عايزه تشترى فون جديد
معتز بملل:والفون بتاعها راح فين
مايا:اووووف هو تحقيق ماتبعت الفلوس ولا اتصل على البنك يحط فالفيزا فلوس
معتز اتعصب: اتكلمى باحترام ولا اجى اعلمك الاحترام ومفيش فلوس ومن غير سلام
وقفل ف وشها
معتز: واحده تخنق و ولادها يخنقوا زيها
والسكرتيرة دخلت و
معتز:خير ياندى انتى كمان
ندى: الاجتماع جاهز ياباشا
معتز:طب ابعتى لسليم باشا واقوليله وانا جاى
ندى:سليم باشا عارف وهو دلوقتى رايح الاجتماع
معتز: طب خلاص روحى وانا جاى
مشيت ندى وهو اخد ملفات الصفقه الجديده وطلع على اوضة الاجتماعات
وبعد مرور يوم
دخلت ايام اوضة ولدتها وفتحت الدولاب وبدأت تدور على الدفتر اللى ضحى قالت عليه فضلت تدور لمدة ربع ساعة لحد ما لقت دفتر اسود وفتحته وبدأت تقرأ كتابات ولدتها وكل ماحدث لها
وبعد ساعتين قفلت الدفتر والغضب والشرار هيطير من عنيها واخدت الدفتر وخرجت راحت اوضتها وفتحت اللاب وبدأت تعمل سيرش عن معتز الدمنهوري
وبعد ساعه سمعت صوت سراج خرجت و
ايام بأسف وحزن على المعامله اللى كانت بتعامل بيها سراج: انا اسفه يابابا حقك عليا انا بعتذر مكنتش اعرف ان ماما متقصدكش انت سامحنى
سراج ابتسم: ولا يهمك ياحبيبتى انتى بنتى ومفيش اب بيزعل من بنته صح
ايام بحسره:صح
ودخل احمد ابن سراج و
احمد:سمو عليكم يا اهل الدار
سراج:اسمها السلام عليكم اتكلم عدل بقا
احمد:يابابا دى لغة العصر يابابا
ايام بتتريقا:العصر ولا المغرب
احمد:ياخفة دمك
ايام بتكبر: عارفه ياخويا من غير ماتقول انى شربااااات
احمد:ش اى ياختى
ايام: شربااااات
سراج بيضحك:صح يا قلبى انتى شربااااات وعسل اوى
احمد:انا هدخل اوضتى احسن هتشل منكم
هو مشى وايام وسراج فضلوا يضحكوا و
ايام:بجد يابابا مش زعلان منى
سراج اخدها ف حضنه:لا مش زعلان وتعالى بقا نشوف هناكل اكل محروق اى النهارده
ايام بضحك: ههههههههههههههههه تعالى
وراحو على المطبخ
وفى فيلا الدمنهوري
دخل معتز وسليم و
معتز:نجيه
نجيه:نعم ياباشا
معتز:حضروا العشا
نجيه:امرك ياباشا
ولسه هتمشى
سليم:امال فين مروه والولاد ياداده
نجيه:مروه هانم ف اوضتها والولاد فالجنينه بيذاكروا مع ارسلان
سليم ابتسم:ماشى
معتز بصله: يامحنى
سليم بصله باستفزاز وطلع اوضته
معتز: انا هتشل قريب من البيت دا والناس اللى فيه اما اروح اغير هدومى
وطلع هو كمان
ف اوضة سليم ومروه
دخل سليم: مساء العسل على قلبى
مروه بابتسامة حب: مساء الاناناس على احلى الناس
سليم بحب:انتى بتثبتينى بقا
مروه ببراءه: ولما مثبتكش انت ياباشا هثبت مين
سليم: ياسلام على البراءه اللى ظهرت
مروه: هههههههههه امال اى احنا مش قليلين برضوا ويلا ياحبيبى ادخل خد شاور لحد ما اجهزلك هدومك
سليم: ماشى ياعمرى
ودخل الحمام وهى جهزت الهدوم ونزلت تحت فالجنينه و
مروه بصوت عالى: ارسلان سيف حبيبه
ارسلان بصوت عالى: نعم ياماما
مروه:هات ياحبيبى اخواتك ويلا العشا
سيف قام يجرى:انا جيت اهو
ارسلان اتعصب: ماشى ياحيلة امك اما وريتك
حبيبه بتكتم ضحكتها وارسلان بصلها
ارسلان:اضحكى ياختى اضحكى مانتو عجينه واحده
حبيبه:سورى يا ابيه اسمحلى اضحك
وانفجرت حبيبه فى الضحك
وارسلان شد ايدها واخدها ودخلوا للعشا
ونزلت مايا وشاهى ومعتز واجتمعو على السفره
شاهى:هاى ارسلان عامل اى
ارسلان:كويس
شاهى:وانتى يابيبه عامله اى
حبيبه:زى مانتى شايفه باكل وبعدين متقوليش بيبه تانى انا اسمى حبيبه
شاهى:اصل حبيبه اسم قديم اوى
حبيبه:عجبنى هو اسمك ولا اسمى يابت انتى
شاهى بذهول:بت انا يتقالى بت
ارسلان وسيف بيكتمو الضحك بالعافيه
حبيبه بصتلها بقرف: معلش نسيت انك ولد سورى
شاهى بصتلها بصدمه وزهول وسكتت
ارسلان وهو بيكتم الضحك:عن اذنكم ياجماعه هعمل مكالمه وراجع
وقام يجرى على برا
سيف: وانا كمان هقوم اشوف هو بيكلم مين
وطلع يجرى على برا وانفجر هو وارسلان فالضحك
سيف:اختك دى مصيبه
ارسلان بفخر:تربيتى يابنى
على السفره
مروه وسليم ومعتز انفجرو فالضحك
مايا بقرف:انتو بتضحكوا على اى
معتز بصلها: على سيف
مايا:ليه هو عمل اى
معتز:اصله طالع يراقب اخوه
وسكتو كلهم وسيف وارسلان رجعوا تانى
وفى المطبخ فى بورسعيد
ايام: كان لازم يابابا حضرتك تزيد النار اديها اتحرقت خالص ومش هنعرف ناكل
سراج بص بذهول: اممممم معلش مش مهم اكل الليله
احمد جه على ريحة الحريق: اى انتو هتحرقوا البيت قريب
سراج:ياخى اتنيل الاكل اتحرق
احمد: واى الجديد ماهو من يوم وفاة ماما ضحى واحنا بناكل اكل محروق
ايام بصتله بحزن وسكتت
وسراج بصله بتحذير: طب اى رأيك بقا ان العشا الليله على حسابك
احمد بص لايام وبص لباباه: ماشى موافق يلا اجهزو
ايام: لا روحو انتو انا مليش نفس
سراج بيحاول يلطف الجو: طب اى رأيك لو مجتيش معانا انا هعلق الواد دا على باب البيت
احمد بصدمه:نعم هضيعو بريستيجى
ايام بضحك: وانا ميرضنيش ان بريستيجك يضيع ومتعرفش تشترى غيره
احمد بيجرى وراها: اشترى غيره ليه ياختى هو البريستيج بيتشرى يابت
ايام وهى بتجرى على اوضتها: بت ف عينك ياض
احمد: انا يتقالى ياض طب لما بس تتعشى اصبرى عليا
ايام طلعت راسها من الباب وطلعت لسانها: ولا تقدر تعمل حاجه للعميد المستقبلى ايام سراج الدين يافاشل انت يابتاع البنااااات
سراج بصدمه: بتاع بنات
احمد وهو بيجرى على اوضته: منك لله الهى اشوفك متعلقه ف زنزانه ياعميدة الكلاب انتى
ايام بثقه: لا اللى هتشوفه متعلق فالزنزانه هو معتز الدمنهوري
سراج: هو انتى عرفتى
ايام: ايوا يابابا عن اذنك هروح اجهز احسن الواد دا يرجع ف كلامه
سراج:عندك حق وانا كمان هروح اجهز
وجهزو كلهم وخرجو يتعشوا برا
وبعد مرور شهرين على هذه الأحداث
فى اوضة ايام دخل سراج وعلى وشه الحزن و
سراج: خلاص هتمشى وتسبينا يا ايام
ايام: وبعدين بقا يابابا إحنا مش اتكلمنا فالموضوع دا وبعدين ماحضرتك شايف ان كل سنه بيعملوا حفلة التخرج تبع كلية الجيش والشرطة فالقاهره
وبصت لنفسها بفخر: وبنتك بقا مش اى حد دى طالعه المركز التانى على الجمهورية كلها وهتتعين عميد ف المخابرات العامة المصرية من تانى يوم ف لازم ابقا فالقاهره وكمان عشان اجيب حق ماما
سراج: طب وهتعيشى ازاى هتنامى وتاكلى وتشربى فين
ايام بابتسامه: زى ما ماما قدرت تعيش هنا وهى متعرفش حد ف بورسعيد انا هقدر اعيش فالقاهره وانا ليا اهلى هناك ويلا بقا جهز معايا شنطتى وشنطتك عشان هتيجى تحضر الاحتفال معايا ومش عايزه اعتراض يلا بقا عشان نلحق القطر
سراج بقلة حيلة: حاضر يابنتى
وهو خارج
ايام: و قول للواد احمد هو كمان يجهز لازم انتو الاتنين تكونوا جنبى فاليوم دا
سراج ابتسم لها: ماشى ياسيادة العميد
وجهزو كلهم شنطهم وانطلقو على محطة القطر
فى فيلا الدمنهوري
فى الجناح بتاع سليم على السفره
سليم: خلصتى عشا ياحبيبتى
مروه: ليه فى حاجه
ارسلان بص لسيف: ماتبطل محن ياض ياسيف
سيف بصله:هو انا عملت حاجه
سليم من تحت السفره مد رجله وخبط ارسلان: ماشى اصبر عليا
ارسلان وهو بيضحك: وانا مالى
حبيبه قاعده تبص عليهم كأنها بتتفرج على مسرحيه: ماتسكتو بقا مش عارفه اكل
مروه: ليه ياحبيبتى مش عارفه تاكلى
حبيبه بضيق: يامامى لما هما يتكلمو انا مش باكل بفضل اتفرج عليهم وكأنى بشوف مسرح مصر قدامى ودلوقتي الاكل برد
حبيبه خلصت كلامها وكلهم انفجر ف الضحك
حبيبه بصتلهم بقرف وبدأت تاكل و
مروه: الحمدلله حد هيشرب حاجه
سليم: لا سبيهم هما يعملو بقا اللى هيشربوه وتعالى معايا انا
مروه: على فين ياحبيبى
سليم شد ايدها:تعالى بس
ارسلان باستفزاز: براحه شوى ياباشا ماما مش قدك
سليم بصله و
سيف: عقبالنا يارب لما نتجوز بقا
ارسلان خبطه على قفاه: مش لما اتجوز انا ياض
سيف بص لسليم: روح يا بوب انت ليلتك بنفسجى الليله متشغلش بالك بينا
ارسلان: ههههههههههههههههه لا جامد ياض ياسيف
سيف: طبعاً يابنى
حبيبه: ههههههههههههههههه ههههههههههههههههه ماتمشى يابابى انت واقف ليه
سليم قرب منهم: محدش فيكم هينام فالفيلا الليله انتو سامعين
أرسلان بصدمه: نعم
سيف: يامصبتى
حبيبه: وانا مالى يالمبى
سليم: سمعتو انا قولت اى عشان تحترمو نفسكم بعد كدا
أرسلان: يرضى سيادتك انام برا وانا عندى حفلة تخرج الصبح اروح للناس وانا ماسك ضهرى يرضيك يا ابو ارسلان
سليم بيكتم الضحك: اه يرضينى يلا بره عشان هقفل الجناح
سيف: طب يرضيك ياباشا انا سيف سليم ينام فالجنينه مع الجناينى والبواب الناس تقول اى
سليم: ايو يرضينى عشان تحترم نفسك ياشبر ونص انت
حبيبه: طب وانا مالى يابابى انا عملت اى
سليم بيقلدها: هههههههههه ما تمشى يابابى انت واقف ليه
وبعدين غير صوته: يلا ياض انت وهو بعد ماتخلصو عشا تاخدو البت دى وتطلعوا برا مفيش نوم هنا
وراح لمروه اللى ميته على نفسها من الضحك ومسك ايدها
سليم: يلا ياحبيبتى
ولسه هيمشوا و
ارسلان بيغمز لسليم: اصحى بدرى ياباشا عشان ابنك عنده حفلة تخرج بكره وعيب ف حقك تنام وابنك يروح لوحده دانا المركز الخامس على الجمهورية
سليم خلع الجزمه ورامها على ارسلان وهو بيضحك وسيف وحبيبه هيموتو من الضحك وسليم خد مروه وطلع فوق سطح الفيلا
وارسلان وسيف وحبيبه خلصوا العشا واخدو بطانيه وخرجوا ينامو فالجنينه و
ارسلان: امتحاناتكم امتى
سيف: يادى السيره اللى تعكر المزاج يابنى انت معندكش حاجه غير مذكرتكم و امتحاناتكم مفيش حاجه عندك غير كدا
أرسلان رفع حاجبه: انت عايز نتكلم فيه طيب واحنا نتكلم
سيف باللامبالاة: نتكلم عن البنات قولى يابو الصحاب انت متعرفش بنات
ارسلان باستنكار: بناااااات و ابو الصحاب !؟
سيف: ياعم خنقتنى دانا اخوك وعادى اتكلم براحتى
ارسلان: ياعم!؟
سيف بخنقه: يادى النيله خلاص يازفت مش عايز اتكلم معاك
ارسلان: زفت كمان ماتيجى تضربنى قلمين احسن
سيف: بص يا ابيه مكنوش خمس سنين اللى بينا عشان تمسك عليا كل كلمه كدا يا ارسلان الزفت انت
ارسلان وهو بيقوم من مكانه: لا والله
سيف طلع يجرى: اه والله
حبيبه بتضحك: هههههههههه معلش يا ابيه هو معاه حق مكنوش خمس سنين اللى بينا عشان تعمل كدا فينا يا ارسلان الزفت
وطلعت تجرى و
أرسلان وهو بيجرى: انا لازم اربيكم من جديد
و نسيبهم بقا هما اخوات مع بعض ملناش دعوه 😂😂
وفى محطة القطر ركبت ايام وسراج واحمد والقطر اتحرك وايام بتحاول تنام شوى وسراج خدها ف حضنه عشان تنام
وفوق سطح الفيلا طلع سليم ومروه وقاعدو و
سليم: مسامحنى يامروتى
مروه: انا بحبك وبعشقك ياسيمو مش مسامحك بس
سليم: يعني مش ندمانه انك وفقتى تكملى حياتك معايا
مروه: لا طبعاً ولو رجع بيا الزمن كنت هختارك برضوا
سليم بندم: بجد يامروه الكلام من قلبك
مروه بضحك: من نغاشيش قلبى ياسيمو
انا بحبك اوى وبحب ولادنا وحياتنا والحمدلله على عطاء ربنا وعوض ربنا ربنا ميحرمنيش منك
سليم: ولا منك يانبض قلبى انا من غيرك هموت
واخدها ف حضنه وفضلوا يبصو للقمر والنجوم ويستعيدو ذكرياتهم
فلاش باك
بعد ما شهد سافرت وسليم عرف بسفرها خلص شغله فالشركه ورجع الفيلا و
سليم: داده نجيه فينك ياداده
نجيه: ايوا ياسليم بيه
سليم: امال مروه و ارسلان فين مش شايفهم
نجيه: مروه هانم قالتلى اجهز العشا واطلعوا فوق واخدت ارسلان وطلعت وجهزت العشا وطلعتو وهى قالتلى انها هتنام
سليم بفرحه انها اتكلمت مع حد: ماشى يا داده شكراً
نجيه: احضرلك العشا
سليم: لا انا شبعت
وطلع على الجناح بتاعه ونجيه بصتله باستغراب وراحت اوضتها
سليم بعد ماطلع دخل اوضة النوم لاقى مروه نايمه وواخده ارسلان ف حضنها
مروه حست بدخول سليم وعملت نفسها نايمه وسليم حس انها صحيت ولاقى ان دى الفرصه المناسبه انه يتكلم معاها وكفايه إنها هتسمعوه وجاب كرسى وقرب من السرير وقعد و
سليم: انا عارف انى غلطت وارتكبت جريمه بشعه ف حقك بس صدقينى انا مكنتش عايز اعمل كدا مروان صحبى كنت بحكيله عنك وقد اى انا معجب بيكى وعايز اقرب منك واعرفك ولما جيت اتكلم معاكى انتى بقيتى تبعدى وتزعقيلى فانا قولت لمروان وهو اللى اقترح عليا اعمل كدا وبكدا هقدر اتجوزك انا فضلت افكر ف اقتراحه وشيطانى ورغبتى فيكى صورولى ان كدا هقدر اقرب منك واتجوزك وللاسف انا عملت كدا بس صدقينى انا ندمت وقطعت علاقتى بمروان نهائى وفضلت متمسك بيكى وخوفت عليكى من اخويا لما قولتله انى هتجوزك وهو كان هيقتلك عشان كدا اخدتك من بيت الصحرا ووديتك شقتى ولما عرفت انك حامل انا فرحت جدا ان فى حاجه هتربطنى بيكى اكتر بس للاسف انتى فضلتى ساكته وسرحانه ومبتتكلميش خالص ولابتهتمى بارسلان وانا حجزت ليكى بعد ولادة ارسلان عند دكتوره نفسيه وحكتلها كل حاجه بس لما رجعت الشقه وشوفتك بتلعبى وتكلمى ارسلان وانتى بترضيعه انا فرحت جدا ولاقيت ان فى فرصه ف علاقتنا وكلمت الدكتوره ولغيت الحجز ولما عرفت ان معتز اخد مراته وراح الفيلا انا قررت اخدك انتى وارسلان ونروح نعيش هناك عشان هتلاقى حد تتكلمى معاه ومتبقيش لوحدك وصدقينى انا حبيتك اوى ومش متخيل الحياه من غيرك وانا جاى الليله وعايز افتح صفحه جديده معاكى بس ادى لعلاقتنا فرصه واحده ومتفضليش ساكته كدا ارجوكى اتكلمى معايا وادينى فرصه اخيره
خلص كلامه وقام غير هدومه ونام على الكنبه
ومروه فتحت عنيها وفضلت تفكر ف كلام سليم لحد مانامت تانى
وفى جناح معتز دخل معتز ولاقى مايا صاحيه و
معتز بقرف: منمتيش ليه
مايا: قاعده بفكر
معتز: وبتفكرى ف اى
مايا: ف حياتى معاك بدام مش متقبلنى ولا طايق تشوفنى طلقنى وسبنى اعيش حياتى
معتز بضحك: اممممم اطلقك دا نجوم السما اقربلك بصى عشان نبقا على اتفاق انا سيبك معايا عشان شغلى مع ابوكى مش مستعد اخسره بسببك لانك متسويش انى اخسر ملايين بسبب واحده زيك ف احنا يامايا هنعيش زوج وزوجه عاديين يعني ولا فى حب ولا مشاعر ولا الكلام الفاضى دا
مايا: انت شايف ان الحب كلام فاضى
معتز: وملوش وجود اصلا هنعيش زوج وزوجه تقلديين واظن انك عارفه الزواج التقليدي صح واللى عايزاه هيوصلك وانتى مش هتخرجى من الفيلا دى غير على تربتك ان شاء الله لان بصراحه مش واثق فيكى عشان اسيبك تخرجى تمام
مايا بتفكير: تمام
وقامت نامت ومعتز دخل ياخد شاور وغير هدومه ونام
وطلع الصباح واستيقظت مروه ولاقت سليم بياخد شاور و اول ماطلع هى عملت نفسها نايمه لحد ما لبس هدومه وصحيت تانى و
مروه: انا موافقه
سليم باستغراب وفرحه انها بتكلمه: موافقه على اى
مروه: موافقه ادى علاقتنا فرصه جديده
سليم بفرح: بجد يامروه
مروه بكسوف: اه بجد
سليم بصدق: اوعدك مش هخليكى تندمى ابدا
وفعلا سليم كان قد وعده انه مش هيخلى مروه تندم ابدا
ومعتز كان قد كلامه انه مش هيحب مايا
ومر سنتين
وفى جناح معتز استيقظت مايا بعد منتصف الليل و
مايا بالم: معتز معتز اصحى معتز
معتز بعصبيه: اى فى اى
مايا بعياط: انا شكلى هولد
معتز بنوم: هتولدى طب نامى والصبح نروح المستشفى (😂😂)
مايا بصتله بحزن والم وحاولت تنام لكن الالم بدأ يزيد وهى بتكتم صوت عياطها لكن مقدرتش تتحمل اكتر من كدا و
مايا بصوت عالى وصريخ: ااااه الحقونى هموت من الالم
معتز قام بعصبيه: يخربيت معرفتك ياشيخه لازم تفضحينى وتسمعى الناس قومى غيرى هدومك
مايا بتحاول تقوم وتغير هدومها وفعلا نجحت ومعتز غير هدومه وشدها من ايدها ونزل وركبو العربيه وراح المستشفى ودخلت اوضة العمليات وبعد تلات ساعات خرجت الممرضه وهى شايله البيبى ولاقت معتز نايم على نفسه و
الممرضه: معتز بيه
مفيش رد قربت هزته و
الممرضه:معتز بيه قوم المدام ولدت
معتز صحى: بتقولى اى
الممرضه وهى بتمد ايدها بالبيبى: المدام ولدت وجابت ولد زى القمر الف مبروك
معتز اخد البيبى وبصله بفرحه: الله يبارك فيكى
وطلع فلوس وهى اخدتها ومشيت وبعد يومين خرجت مايا من المستشفى
ومر كمان تلات سنين
فى جناح سليم قامت مروه من نومها وحاسه بالم فظيع بس مرضيتش تقوم سليم لان كل لليله تقومه ويروحو المستشفى ويطلع مش موعد الولاده دلوقتى ويرجعو تانى
مروه قامت تتمشى فالاوضه والبلكونه لكن مقدرتش تتحمل الالم راحت تقوم سليم
مروه بالم وعياط: سليم سليم
سليم صحى بقلق: اى مالك ياحبيبتى
مروه بدأت تعيط جامد: تعبانه اوى من الصبح
سليم بضيق: طب ليه مصحتنيش ورحنا المستشفى
مروه قاعدت وبدأ تعيط وسليم قام غير هدومه ولبس مروه الاسدال وشالها وركب عربيته وانطلق بسرعة البرق على المستشفى ودخلت العمليات وسليم واقف بقلق رايح جاى فالمستشفى وبعد خمس ساعات خرجت الممرضه وشايله على كل ايد بيبى و
الممرضه بابتسامه: مبروك ياسليم بيه تؤام ولد وبنت
سليم لسه هيسأل عن مروه
الممرضه قطعت كلامه: مدام مروه كويسه جدا ونقلناها اوضه عاديه وبس تصحى وتقدر تشوفها
سليم بفرح اخد منها التؤام وبصلهم بحب وطلع فلوس كتير اداها للممرضه و
سليم: خدى دول وزعيهم عليكى وعلى صحابك
الممرضه بفرح: ربنا يخليك ياسليم بيه وتانى مره الف مبروك وحمدلله على سلامة المدام
سليم:الله يبارك فيكى
وفضل باصص لولاده بحب ومروه فاقت من البنج وقرروا يسمو سيف وحبيبه
باااااك
سليم بص بحب لمروه اللى نامت على كتفه و
سليم: انتى اعظم هديه من ربنا ليا انا مش عارف انا عملت اى عشان ربنا يرزقنى بيكى انتى غيرتينى للاحسن يامروتى خلتينى اصلى واقرب من ربنا واعرف ربنا اكتر ربنا ميحرمنيش منك ابدا ياروح قلبى
وشالها ونزل
حطها على السرير وبص فالجنينه لاقى ارسلان لسه بيجرى ويضرب ف سيف وحبيبه بصلهم بحنان و
سليم: ربنا ميحرمنيش منكم بس برضو مش هتنامو هنا خليكم فالجنينه عشان تحترمو نفسكم
ودخل ينام
وطلع الصباح ووصلت ايام وسراج واحمد القاهره وحجزو ف فندق ودخلوا ينامو قبل حفلة التخرج
وفالجنينه استيقظ سيف وصحى ارسلان وشال حبيبه طلعو الجناح بتاعهم لاقى سليم ومروه قاعدين يفطروا ارسلان بصلهم وهو شايل حبيبه و
ارسلان غمز لابوه وبيهمس لسليم: اقول صباحيه مباركه يابوب ولا اى (😂😂)
سليم قام وارسلان بيضحك و طلع يجرى وهو شايل حبيبه حطها ف سريرها ونزل تانى الجنينه وسيف خد شاور ونزل تانى و
سيف:هو انت قولت اى لبابا خلاه قام كان هيضربك يا ابيه
ارسلان رفع حاجبه:ابيه!!! وبعدين انت مالك لما تكبر هعرفك وبعدين امتى الاحترام دا ما امبارح كان اسمى زفت
سيف: اولا على فكره انا بحترمك وبقولك ابيه علطول بس ساعات انت بتضيقنى فانا بشيل كلمة ابيه دى ثانياً بقا ودى الاهم انا كبير وعندى 15 سنه ف قولى بقا انت قولت لبابا اى
ارسلان ضربه على قفاه: امشى ياض قدامى خلينا نطلع ننام شوى قبل حفلة التخرج قال قولت لبابا اى
وطلعو ينامو وسليم ومعتز راحو الشركه ومروه بتجهز هدوم كل واحد من ولادها للحفله وجهزت هدومها وهدوم سليم
وجاء المساء وجهزت ايام وجهز سراج واحمد كمان ومشيوا على قاعة الاحتفال
وفى جناح سليم كلهم جهزوا ونزلو و
سليم: يلا يامعتز جهزت ولا لسه
معتز من فوق: انا جهزت بس لسه شاهى ومايا قدامهم شوى روحو انتو واحنا هنيجى وراكم
سليم:تمام ماشى متتأخرش
ومشيوا
ايام وسراج واحمد وصلوا وقعدو وطلبو عصير و
ايام اخدت العصير بتاعها ف ايدها: عن اذنك يابابا هروح التواليت
سراج: ماشى متتأخريش
وف نفس الوقت وصل سليم ومروه وولادهم و
ارسلان: ادخلوا انتو وانا هركن العربيه وجاى علطول
سليم: ماشى
ودخلوا
وارسلان ركن العربيه ودخل
وايام خرجت من التواليت وماشيه بتبص وراها وفجأه خبطت ف واحد
ارسلان: انتى غبيه مبتشوفيش
ايام بغضب:احترم نفسك مين دى اللى غبيه
ارسلان بعصبيه: واحده شبهك شوفى العصير بتاعك عمل اى فالبدله
ايام بصتله من تحت لفوق:عادى روح ياعم الحج نضفها فالتواليت مش بعيد يعني
ارسلان:عم الحج !! انتى مش عارفه بتكلمى مين
ايام قربت منه وبقوه: ولا يهمنى اعرف اصلا
وسابته ومشيت وسط زهوله
والقاعه امتلئت بالناس وايام شافت معتز وبصتله بكره وغضب وفى نفس الوقت بثقه انها هتجيب حقها وحق مامتها
وتم تكريم الاوائل وكان طبعا ايام وارسلان منهم وبصو لبعض نظرات صدمه وبعدين استهزاء وانتهى الحفل ومن تانى يوم ايام استلمت شغلها وارسلان كذالك وسراج واحمد رجعو بورسعيد وايام اجرت شقه صغيره ليها
وبعد مرور شهر
تدخل فتاه شركة الدمنهوري وتمشى بقوه وثقه والكل ينظر لها بأستغراب ويهمسوا: مين دى
طلعت الفتاه على مكتب معتز وطلبت من السكرتيره تقابل معتز و
الفتاه: معتز بيه موجود
ندى: اه يافندم موجود فى معاد سابق
الفتاه بصت لندى بغضب وتحذير: لا مفيش
ندى خافت منها: طب ثوانى هبلغه اسم حضرتك اى
الفتاه: قوليله ضحى
ندى:تمام
ودخلت و
معتز: فى حاجه ياندى
ندى: ايوا يافندم فى واحده برا اسمها ضحى عايزه تقابل حضرتك
معتز بتذكر وصدمه: ضحى
وقام يجرى فتح باب المكتب وبص للبنت و......
يتبع
تعليقات
إرسال تعليق