 |
💥البارت السابع 💥
بقلم ✍️ سلطان زماني
دخلت الشقة وفتحت الباب مش شايف حد من الولاد
ولا سامع صوتهم استغربت دخلت ندهت علي زينب محدش بيرد
فتحت كل الغرف مفيش حد قلقت اوي وقولت معقول عمي تعبان ولا جراله حاجه
اتصلت بيها مرتين وتالت مره رد عليا عمي وقالي أما تفضه ابقي عدي عليا
قولتله انتو كويسين قالي كلنا بخير زينب والعيال وحشوني
وبعت جبتهم يقعدو عندي يومين قولتله أنا هنزل واجيلك
قالي مستنيك
الفار لعب في عبي دخلت لقيت الدولاب فاضي ودولاب
عيالي والشنط كلها مش قاعدة بعت لزينب ع الواتس انتي
ازاي ياكلبة تنزلي من غير اذني قالتلي الله يسمحك وعملتلي
بلوك نزلت زاي المجنون علي بيت عمي
وصلت البيت دخلت قبلت العيال سلمت عليهم واتلمو حواليا
هديت شوية وزينب مختفيه مش شايفها ومرات عمي قلبه
وشها ولا اكني قاتلها قاتيل عمي جيه قعد وقالي ل مرات
عمي تعملنا شاي
عمي ..هو أنا يابني ينفع اقوم امد ايدي عليك من غير سبب
_لا ياعمي اكيد هيكون في سبب طبعا
عمي .حلو ....اي السبب بقا الي هيخليك تتجوز علي بنتي
_ ياعمي دي حاجه بيني وبين مراتي وانا كلمتها وهي وفقت
يبقا فين المشكلة
عمي ..ما انت علشان حمار وبرياله صدقت انها وفقت هي
كانت بتوقعك في الكلام عايزه تجيب كل الي عندك
_ عيل صغير يعني انا معها ياعمي علشان تلعب بيا
عمي ..لا انت عيل ولا هي عيله صغيرة خلينا في المهم ايه
السبب يامحمود
_ مش مرتاح معها ياعمي
عمي ..يعني يابني بترد عليك ..بتعلي صوتها مثلا ..بتعصي
كلامك ومش بتسمعه مهملة في نفسها في بيتها معاك أو مع
عيالها فهمني مش مرتاح معها ازاي
_ أنا قولتلها امبارح وهي اقتنعت وقالتلي اني انا معايا حق
عمي ..سيبك من الي قالته هي امبارح
أنا بتكلم معاك راجل ل راجل
الباب خبط ولقيت ابويا واخويا الكبير دخلين وقعدو معانا
ابويا ..خير ياحج في ايه
عمي ..خير ياسيدي وبيضحك
محمود ابنك عايز يتجوز علي زينب يرضيك يا اخويا
ابويا ..وانت بتصدق لعب العيال ده ..مالك ياض انت اتهطلت ولا ايه
_ متهطلتش ولا حاجه هو حرام اني اتجوز واعيش حياتي
ابويا ..وانت مش عايشها مع زينب ..بنت عمك زينة البنات
وستهم سيبك منه ياحج ده كلام في ساعة شيطان
_ ياابويا أنا مش بغضب ربنا ولا بعمل حاجه عيب وحرام ده
جواز علي سنة الله ورسوله
عمي ..خير الكلام ما قل ودل يا ابني ..بنتي متجيش عليها
ضره وده مش كلامي ده كلامها هي
وبخصوص الجواز ده شرع ربنا مقولناش حاجه
اتجوز بدال الوحده اربعه بس طلق بنتي
والإهانة والتهزيق والتجريح الي قولته لبنته أنا مسامح
فيه بس علشان صلة الرحم الي بنا
وقسما بربي لو راجل غريب كنت خلتها تقلع شبشبها وتضربه
بيه علي وشه لما يجيب دم
ابويا ..استهدا بالله ياحج هو شيطان ودخل بنهم ادخل يابني
راضي مراتك وروحو بيتكم ولم دورك
عمي ..من امتي حريمنا بتتهان وتتشتم ابقي مجوز بنتي ل
ابن اخويا ول ابن عمها ويهنها ده الواحد بيشوف
العجب ..مبصتش أنها مراتك وأنها ام عيالك قدر انها بنت
عمك ..علشاني تكرم وعلشان ابوك ده زينب تكرم وعلشان
صيناك ومحافظة علي شرفك وعرضك وولادك تكرم ..
انت مفكش حاجه من ابوك يامحمود مش طلعله
اخويا ..جرا ايه ياض متلم نفسك ايه عايز توقعنا في بعض
وتعمل مشاكل وخلاص ما تعيش وتسكت وأحمد ربنا علي
النعمه الي معاك ومتتبترش عليها لنزول منك
_ يعني انتو هيرضيكم اني أغضب ربنا واعمل حاجه حرام
ابويا ..انت ياض مش عديت عليا من كام يوم واتكلمت معايا
في الكلام ده
عمي..يعني انت يا اخويا كنت عارف ومعقلتوش
ابويا ..لا ده جيه قالي ليه متجوزتش علي امي شكله كان
بيجس النبض الضائع
ابويا ..بص يابني اقعد يومين كده فكر بعقل واحسبها والي
شايف مصلحتك فيه اعمله بس لو اختارت تتجوز اعمل
حسابك انك هتطلقها واني الشقة بكل الي فيها لبنت عمك
وعيالك
ونص مرتبك هتاخده واي حاجه محتاجنها وناقصة لو انت
مجبتهاش.. أنا هجبها وابقي اخد فلوسها منك
_ ده ظلم يابا وربنا ميرضاش بالظلم
ابويا ..امال عيالك دول مين هيربيهم وهيقعدو فين وهياكلو
ويشربو ومصاريف ليهم والمدارس والدروس وخلافه
محدش هيشيل شيلتك يامحمود ..امال كنت هتفتح بيت
تاني ازاي
_ عن اذنكم أنا ماشي
يتبع ملحوظة كل الناس الي بتابع وبتقراء في صمت هياخدو بأن وحظر من الصفحة
جميلة وكثير اكو مثل محمود ومثل مريم
ردحذفمرورك الأروع والأجمل يسلموا على المرور الطيب شكرا
حذفقصة جميلة وللاسف بتحصل كتيير رجال مالها أمان
ردحذف