 |
-بص هتقرب منى لا ...بصلى بعيونه جامد
=امال انتى لابسة بدلة الرقص دى لامى
اتكسفت وبصيت للأرض
- كنت بقيسها والله وانت دخلت فجأة
قرب منى وانا ببعد
= لا ي مصطفى انا قولت لا
- اى ي هند فى اى مش عاوزانى المسك لى
=كداا وخلاص ابعد عنى
حط ايده على كتفى
- هو انا زعلت القمر فى حاجة
هزيت راسى بمعنى لا
= امال فى اى ي هند فى اى
- مفيش حاجة عن اذنك هغير
= اعمل اى يعنى
-اطلع برة ... بصلى بصه وخرج وقفل الباب جامد بصيت لكل حاجة حوليا بحزن هو لسة فاكر انى زعلانة اى مفتكرنيش الا اما احلويت فى عيونه هو فعلاً أما الإنسان بيتغير مبيعرفش نفسه صح اه اكيد صح طب هو لى بيقولى بحبك بس مبحسش بيها هو مش المفروض أن الكلمة دى مش مجرد كلمة بتتقال دى فعل على فكرة الحب مش مراهقة ولا حاجة هايفة ولا حاجة ليها وجود على فكرة الحب موجود بس المشكلة فينا احنا احنا اللى مش بنحب صح احنا اللى بنقول مجرد كلمة بس مبنعملش بيها غيرت هدومى وخرجت كان قاعد على الكنبة بصلى وانا كنت راحة ناحية المطبخ
- على فكرة انا مسافر .. سمعت كلامه وقفت بصتله
= اى مسافر تانى ي مصطفى
- اه ي هند وانا باجى لازمتى اى هو انتى بتخلينى اقربلك اسافر اشوف شغلى
صوتى على من وجعى
- حرام عليك بقاااا ي اخى اى من ساعة ما اتجوزنا سفر سفر كل حاجة شغل وانا فين من كل ده
= على اساس مين اللى كان عاوزك دلوقتى وانتى رفضتيه
- مش كدااا مش كداا ي مصطفى انت متبعدش عنى بالشهور ومبتسألش عنى ولا بتلفيون وتيجى ترجع عاوز كداا حس بيا احنا ولا كأنناا متجوزين عن حب مصطفى عاوز تسافر طلقنى
بصلى بأستغراب
- اى قولتى اى
دموعى نزلت وانا بتكلم
= طلقنى
- انتى بتهزرى صح
= لا انا تعبت تعبت من البعد تعبت من الخنقة تعبت من الوجع تعبت انى اتجوزت اللى بحبه بس للأسف مبحسش بوجوده للاسف بقاا انسان تانى خالص
- انا متغيرتش ي هند انا طول عمرى كداا
= احلف
بصلى كتير وساكت
- ما تحلف ي مصطفى سكت ليه لا اتغيرت ي مصطفى انت بعدت عنى بعدت عن هند وأما رجعت مبتشوفش انى زعلانة أما رجعت مبتشوفش انى موجوعة أما رجعت مبتشوفش قد اى انا كنت تعبانة فى بعدك محتاجة انك تحتوينى من اول وجديد لكن فين مصطفى فين من كل ده لى تعودينى على حاجة وترجع تغيرها لى ي مصطفى بترجع لى طالما بتتغير مصطفى انت مبتحبنيش
= بحبك والله
- كلام وبس عن اذنك ولسة عند قرارى طلقنى
دخلت ونمت وانا بعيط بس ياريته حتى يحس بس تعرفوا قلة الاهتمام بتطفى الواحد من جواه ده بتطفيه من كل حاجة عارفين تخليكوا عاوزين تتكلموا وتقولوا كلام كتير اوى اوى عاوزين تخرجوا اللى فى قلبكوا بس فكرة أن محدش بقاا مهتم بيك زى الاول فكرة أن خلاص مبقتش مرغوب بيك وان فى دماغك محدش عاوزك تخليك تسكت وتفضل تكتم تكتم جواك
صحيت الصبح على كلامه فى الفون مع حد خرجت اشوف بيكلم مين
اول ما خرجت
- لقيته بيقولى انا نقلت شغلى هناا وهشتغل هنا
بصتله ومردتش
هو كمان سكت لا مش كداا ي مصطفى ليه تسكت أما اسكت تعالى صالحنى تعالى اجبر خاطرى بكلمتين تعالى حسسنى انك فعلا لسة بتحبنى فضل اليوم كله سكوت
كنت فى المطبخ بعمل الاكل خرج من الحمام والفوطة على رقبته بصتله بصلى بطرف عينه كداا اللى هو بيقولى انا لمحتك بصيت للأكل وكملت تقليب
لقيت اللى بيحضنى من ضهرى
- وحشتينى
كنت وساكتة ومبردش
= بقولك وحشتينى
- مش قادرة
فك ايده ولفنى ليه
= مش قادة اى ي هند
- مش قادرة ارد عليك حاساها تقيلة على قلبى
= للدرجادى
- البعد بيعمل اكتر من كداا ي مصطفى
سكت ومشى من قدامى خدت نفس عميق عاوزة ارجع هند القديمة فكرت فى فكرة دخلت لقيته بيلبس هدومه
- تيجى نخرج
= عاوزة تخرجى
- اه يلا نتمشى
ابتسم
= البسى ومستنيكى
خلصت وخرجنا كان الجو جميل كنا بنتمشى قدام البحر شكل الأمواج وهى بتروح وتيجى بحس انها بتغسل روحى منظر الليل مع البحر القمر والنجوم اللى مزينه السما قد اى ربنا جميل خلق الجمال ده ضحكت وابتسمت من قلبى جه وقف جمبى وفضل باصصلى
- اى بتبصلى كداا لى
= مبسوط انك مبسوط وفرحان انك فرحانة
ابتسمت غمازاتى بانت
- بحبهم اوى
= هما اى
- غمازاتك
ضحكت اكتر
- ده انتى يتغرينى بقاا
= عندك مانع
- تؤ انتى براحتك عارفة لى
= لى
- اصل مصطفى بيحبك والله
ابتسمت وحسيت بفرحة
= وانا بحب مصطفى
" ومع غياب الاهتمام نشعر بانطفأنا ، مع وجود الحب تدخل الفرحة قلوبنا"
حكايات هند
#هند_الحجار
ممكن ريأكت لو عجبك وياريت كومنت لطيف 💛🦋
تعليقات
إرسال تعليق