 |
روايه حاله طوارئ ❤️
البارت الاول ❤️
أميره : يا صباح الرعب الساعه عشره وعلى المقيمين خارج مدينه الرعب المحافظه على فروق التوقيت درجه الحراره في الضل خمسه وعشرين وده كويس للزواحف واحتمال يبقي جو هايل للكسل في السرير أو النوم أو اقولك الاحسن عمل تمرينات للمخوفاتيه اصحي يا مراااااااااااااااااااااااااااااام
مرام صحيت مفزوعه : ايه في اي يحرق شكلك يا شيخه
اميره : اتصلوا عليكي من المستشفي بيقولو ليكي تعالي في حاله طوارىء هناك
مرام : طوارىء اي وخره اي النهارده يوم اجازتي
اميره : وايه يعني فيها اي في مريض محتاجك ولو مروحتيش احتمال يموت واهله يعيطوا وامه تتعب وابوه ينتحر وأخوه يتشرد ومراته تتجنن و.....
مرام قاطعتها : بااااااااااااااااااااااااااس كفايه هروح والله خلاص
اميره : جدعه يا قلب اختك
مرام : وسعي بقي من قدامي عشان البس
اميره قعدت على السرير : طب ما تقلعي وتلبسي
مرام : ده انتي عيله مشوفتيش بربع جنيه تربيه هقلع قدامك
اميره بدلع : ايه يا رورو ده انا اختك مكسوفه مني يعني الاه طب هاتي بوسه
مرام : بت انا خوفت على نفسي منك فوقي ياما انا مش الكراش
اميره : طب ما انا عارفه بس هاتي بوسه مشبك
مرام : نهار اسود هي وصلت للمشبك بت اطلعي بره والا هطلبلك بوليس الاداب يجي يشحطك من افاكي على البوكس اطلعي بره
اميره : بهزر والله بهزر 😂😂 بكره لما تتجوزي يختي هيقولك هاتي بوسه برده ابقى وريني بقى ساعتها هتجيبيله بوليس الاداب ازاي 😂
مرام : ده لو قالي كده يبقي واحد قليل الادب ومش محترم وانا جوزي لازم يبقي محترم جدا 😌❤️
اميره بضحكه : ده عند امك مفيش كده ياما فوقي واحد هياخد دكتوره جراحه بالحلاوه دي وهيبقي مؤدب 😂
مرام حدفتها بالكراسه : اطلعي بره يا بت 😒
اميره طلعت ومرام اخدت دوش ولبست وطلعت رايحه المستشفي
مرام واقفه مستنيه عربيه عشان تركب لان للاسف مش عندها عربيه ف كل يوم تقف نفس الوقفه دي تستني عربيه تركبها
مرام : ياربي انا اتسلخت من الشمس دي وبقيت شبه الفرخه المسلوقه ناقص يجيبوا حله ويعملو مني شوربه .... هروح المستشفي ازاي كده ومش عارفه انا ليه يوم الجمعه مش بيبقي فيه مواصلات انا بسييييييييح من الحر والشمس مش قادره
# في عربيه جايه من بعيد
مرام : اخيرا ..
. شاورت للعربيه ووقفتها عشان تركب وكان حظها تركب في الكنبه اللى ورا وكان فيه شاب قاعد بصتله بقرف عشان هتقعد جمبه ولكن مكنش فيه حل غير انها تركب بس هتقعد جمب الشباك ف ركبت وللاسف عشان الجو حر ف الكرسي كان سخن
مرام اول ما قعدت حست بالسخونيه
مرام بصوت عالي : احححححححح
الشاب وكل اللى في العربيه بصوا عليها ف اتكسفت ولكن الشاب ده فضل يضحك من تحت لتحت عشان متشفهوش بس هي شافته
مرام في سرها : بتضحك عليا يا ابن الورامه طبعا ما آنتي مش شغال تحتك بتوجاز ومضطر تقعد عليه ماشي
مرام حاولت تبعد عن الحته السخنه دي شويه وقعدت قريبه من الشب ده سيكه وهو بصلها بإستغراب الى هو انتي بتعملي اي بس سكت وبص الناحيه التانيه وفجأه العربيه وقفت عشان واحد يركب وللاسف برده كان هيركب في الكنبه اللى ورا وهتبقي هي كده قاعده جمب شابين ف اتوترت والشب الاولاني لاحظ ده ف قام وقعد جمبها وخلي التاني يقعد على الحرف بس هي برده فضلت مكسوفه بس الناحيه التانيه رجعت قعدت مكانها على الحته السخنه وطول الطريق عماله تتلوى من السخونيه وكمان الشمس كانت ضاربه في الشباك ومن الشباك على رجليها ف كان الوضع صعب
مرام في نفسها : انا كده هحتاج عبوه كامله من كيناكومب انا جالي تسلخات من كل حته والا النطع الى قاعد جنبي ده مش عارفه اي شغل التلزيق ده يا ربي الكرسي سخن اوي اوي
بعد ما قالت كده الشب الى كان على الحرف نزل من العربيه ولكن الاولاني فضل قاعد مكانه متحركش
مرام في سرها : يأخى تبا لبرود امك ما توسع يا جدع انا اتسخلت
مرام للشب : بقولك اي
الشب : بتكلميني انا
مرام : لا بكلم امي هو في حد قاعد جنبي غيرك
الشب : اسمي باسل على فكره
مرام : بقولك اي يا كابتن بسله انت
باسل : بسله 😒
مرام : يا جدع خلي عند اهلك دم واتعتع شويه انا بتسلخ كك حش وسطك
باسل : ده انتي بيئه اوي اي الى بتقوليه ده
مرام : انا بيئه ياض طب فسح هناك كده عشان معملش معاك الدنيئه
باسل : انتي شكلك حلو ومحترم لكن لسانك ده لسان شوارع اي الاشكال دي
مرام : مالها الاشكال دي يا عينيا احسن من اشكالك وانت شبه الصنم بس موز وعينيك ملونه
باسل تنح : بتقولي اي
مرام : على جمب يسطا
باسل : لا كمل يسطا
مرام : يا جدع هو انت الى نازل ولا انا هفرج عليك العربيه وسع بدل ما اديك في صف سنانك
باسل : انتي شغاله في مستشفي****
مرام بخوف : مباحث
باسل : فين دي
مرام : انت
باسل : ازاي
مرام : عرفت منين اني شغاله في المستشفي دي
باسل : من الكرنيه يا دكتوره
مرام : ما تقول كده من الاول اللهي تسيب مفاصلك
باسل : الصبر يارب
مرام : على فكره انا لو طلع عندي تسلخات هخليك تجبلي الكيناكومب عشان انت بني ادم معندكش دم
باسل : ايه هي وصلت للكيناكومب ده انتي فظيعه ( وبعد عنها )
مرام قعدت في حته مش سخنه واول ما قعدت : الله تصدق حاسه اني قاعده على تلج دلوقتي بدفي ال
باسل بضحك : بتدفي اي ها 😂😂😂
مرام : انت قليل الادب
باسل : بت هو انا اللى قولت ولا انتي اتلمي بقي عشان متعصبش عليكي
مرام بصوت عالى : حوش حوش كتروا اللى مبيخافوش تضرب مين ياض ده انا اشحورك في الارض
باسل : تشحوريني يعني اي بجد انتي بيئه اوي اوي
مرام : مهو انتوا بتوع الڤيلل والعربيات والنضارات انتوا ملكوش في الحاجات دي بس للاسف اشاكلكوا تستحق المعامله دي والله اشكال معفن.......
باسل مسكها من افاها : اشكال اي ها اي
مرام : سيب الشاكيت .. الشاكيت ... احترم نفسك
باسل : شاكيت اللهي يهرسك قطر يا بعيده ونخلص منك اتفووووووو عليكي يا بيئه
مرام : هعمل معاك الجلاشه احترمني بدل ما اشتكيك لمديرك وافصلك من شغلك اتلم احسلك
باسل : هو مين بيعمل مع مين الجلاشه معلش
مرام : اي حد يا سخيف وبعدين يعني هي الجلاشه بتتعمل ازاي في صينيه ولا في حله اصلي كل ما اقابل شب اهزر معاه يقولي هعمل معاكي الجلاشه ف انا عاوزه اعرف بيعملوها في صينيه ولا في حله
باسل بصلها بعصبيه : على جمب يسطا
مرام : كمل يسطا
باسل : انا اللى نازل وبقولك على جمب يسطا
مرام : وانا اللى قاعده وبقولك كمل يسطا
السواق : باااااااااااااس انتوا صدعتوا اللى جابت امي من ساعه ما ركبتوا انزلوا انتوا الاتنين يلاااااااااااا
مرام : نازلين يا خويا
السواق : هاتي الاجره
مرام : ليه يادلعدي انت كملت الطريق ده انت منزلني في نص الطريق وعاوز اجره ده عند ام ترتر
السواق : هتجيبي الاجره ولا انزلك
مرام : انزل من المخروبه دي وانا افرج عليك امه لا اله الا الله
باسل : يا ست سيبيه وبطلي تشلقي في الشارع بقى .. خد يسطا الفلوس اهيه
السواق: مشكرين ي بيه ( بص لمرام) ناس شلق ملهاش غير في الشرشحه
مرام بزعيق : مين دي الى ليها في الشرشحه ياض يا ابن ال ....... السواق جري
مرام : تعالي هنا لو ابوك راجل مفكر نفسك راكب مرسيدس وهي توكتوك طالع من بوق كلب يا ابو كرش ........ وانت ....
مرام لنفسها :. اي ده بسله راح فين اختفي ازاي ده انا قولت أنه جني جالي جني قالي انا اخوك يا فوااااااز 😂😂
مرام : طب هروح باقي الطريق مشي يا حول الله يا رب
مرام فضلت ماشيه لحد ما وصلت للمستشفي
في المستشفي
عند الاستقبال
الممرضه : دكتوره مرام ... يا دكتوره مرام
مرام : نعم يا رحمه عاوزه اي بصي انا عفاريت الدنيا بتتنطط قدامي ف انطقي بسررررررررررعه
الممرضه : يا ساتر يارب هو كله هيتعصب عليا ليه المدير الجديد في المكتب وهو اللى هيعمل العمليه للمريض مع حد حضرتك بس خلي بالك هو متعصب دلوقتييييييييييييي ف الله يخليكي متعصبيهوش اكتر
مرام : اي البشاير الي زي وشك دي ده تاني يوم ليا في الشغل يعني لسه متدربه ماشي وكمان جايبني يوم الاجازه ف محدش يتكلم معايا انا رايحه اغير عشان ادخل اوضه العمليات
الممرضه : ربنا يسترها هو يوم اخضر من أوله س سس سلام
مرام غيرت ولبست لبس الدكاتره ودخلت اوضه العمليات
في العمليات
الدكتور : حضرتك دكتوره مرام
مرام : ايوه انا
الدكتور :تعالي
مرام : ليه
الدكتور : بقولك تعالي يا دكتوره
مرام : ايوه ماشي اعرف السبب هتكشف عليا ولا على البطاقه اقولك اعملي صونار حاسه ان الاكل بيمشي في بطني شوفه في الشهر الكام
الدكتور بزعيق : هنهزر يا دكتوره انتي جايه هنا تهرجي
صوت جيه من ورا مرام : سيبها يا دكتور ادهم هي كده بني ادم سخيف وبيئه وبشرشح علاطول مش كده يا دكتوره
مرام : لحظه الصوت ده انا أعرفه كويس (لفت ) احيه هو انت اي الى جابك هنا يا ايحه يا تلقيحه يا صابونه من غير ريحه يا مرايه من غير تسريحه يا ملوخيه من غير تقليه ياجحش على معديه يا صورصار في بلاعه مخفيه يا اهبل يا ابن سعديه ووشك للحيطه وافااااااااااااااااااااااااااااك لياااااااااااااااااااااا
باسل : خلصتي
مرام : لسه في تاني تحب اوريك
باسل : تعالي على مكتبي يا دكتوره
مرام : مكتب اي
دكتور ادهم : مكتب المدير يا دكتوره مرام حضرتك واقفه قدام مدير المستشفي
مرام: يا حزن الحزن 🙂
باسل : تعالي على المكتب
مرام : هترفدني ولا هتغتصبني ولا هتعمل فيا اي
باسل مال على ودنها وقال : لا هديكي الكيناكومب بتاعك
مرام : يا اعدل الناسِ ... يا أعدل الناس ِ وأن كنت ُ الاوائلُ ف أنت الخصم ُ والحكمُ ارحمني شالله يخليلك عيالك
باسل : قلبتي على استاذ رمضان ده انا هعمل فكي عمايل خمس دقائق والاقيكي في مكتبي
مرام : يا مستقبلك اللى ضاع يا مرام 🙂 يا حزن الحزن عليكي يا مرام ... يا لسانك اللى عاوز قطعه يا مرام ... هيرفضوكي يختااااااااااااااااااااااااي
في مكتب المدير
باسل : بصي يا دكتوره مرام اللى عملتيه د.......
مرام قاطعته : يا بسله مكنش قصدي اقصد يا دكتور مكنش قصدي انا لساني متبري مني والله
باسل : كنتي بتقولي عليا اي ايحت
مرام : ايحه يا فندم ايحه وصابونه من غير ريحه
باسل بعصبيه : وكمان بتكملي عليا
مرام بعياط : خلاص اسفه هكتم اهو
باسل : هتروحي على قسم الطوارىء تشتغلي معاهم وهتاخدي نبطشيه النهارده سمعتي
مرام : بس انا ........
باسل : مبسش يلا اتفضلي
مرام جت خارجه راحت بصت عليه وقالت : ده انت بني ادم براس كلب وبعدين باسل راح حادف عليها ال .........
مرام : عااااااااااااااااااااااااااااااااااااااا الحقوني شيلوه من عليا .... وفجأه مرام ... ...
كومنت لطيف عشان أكمل ❤️
#فاطم الشاعر
حاله طوارئ❤️
البارت الثاني ❤️
باسل قبل ما مرام تخرج رمى على كتفها بورص بلاستيك وهي فكرته حقيقي
مرام : عااااااااااااااااااااااااااااااااااااااا الحقوني ... ابعدوه عني .. ( زقته بإيديها على الأرض وفضلت ترضب فيه برجليها على اعتقاد انه كده مات ولكن بتبص عليه لاقيته زي ما هو
مرام : الحق يا بسله البورص زي ما هو
باسل : اه ما شكله تبع البني ادمين ام رأس كلب مش كده
مرام : انا اسفه 🙂💔
باسل بتحذير : غلطه تاني ومش هيبقي ليكي مكان عندي هنا في المستشفي سمعاني يا دكتوره
مرام بخوف : حاضر بعتذر لحضرتك !
باسل : إتفضلي على شغلك
مرام : بعد اذنك ( وخرجت وعينيها مليانه دموع )
مرام راحت واشتغلت وبدأت تقف مع الدكاتره وتعرف الآلات وبدأت تمارس مهنتها بنفسها خلاص كل حاجه وفهمت الدنيا
في يوم من الايام
باسل : مرام .... يا مرام
مرام : افندم
باسل : مالك ماشيه مكشره كده ليه في حاجه
مرام : لا مفيش وحتى لو فيه يخص حضرتك انت مجرد مدير وبس يعني ملكش انك تسئلني مالي بعد اذنك ( سابته ومشيت )
باسل : مالها دي مش طيقاني كده ليه ولا عشان بقت دكتوره معروفه هتتعجرف علينا ماشي يا مرام ماشي لينا حساب بعدين
في بيت مرام
أميره : مالك يا مرام سرحانه في اي ومالك بقالك يومين مش مركزه وتايها ليه ي حبيبي
مرام بعياط : معرفش
اميره : اي ده .. اي ده اهدي ليه العياط بس مالك ي حبيبي اتكلمي
مرام : شكلي حبيت يا أميره
اميره : وده يخليكي تعيطي
مرام : الحب حرام يا أميره حرام احب حد غير جوزي حرام ادي قلبي لحد غير جوزي اللى هيبقي في حياتي فيما بعد كده هبقي مش محترماه كده عيب في حقه
اميره : انتي دكتوره وتفكيرك كده ازاي
مرام : ماله تفكيري
اميره : الحب مش حرام ولا عيب مش ممكن تتجوزي اللى بتحبيه يا عبيطه
مرام : في حالتي دي مش هينفع
اميره : ليه
مرام : عشان طلع متجوز
اميره : بتحبي واحد متجوز
مرام : مكنتش اعرف لسه عارفه من قريب
اميره : وعرفتي ازاي
مرام : من فتره كنت ماشيه ولاقيته ............
Flash back
مرام لعامل النضافه : من فضلك هو المدير فين
العامل : بره يا فندم في الجنينه اللى ورا المستشفي طلع يتمشى شويه
مرام : ماشي متشكره ( وراحت الجنينه )
لما وصلت لاقيت باسل بيتكلم في الفون
مرام ل نفسها : ده وقته تليفونات يا بسله انجز هموت واقولك الكلمه بنت اللذينه المحشوره في زورى دي عشان هطق .... خليني واقفه لحد ما تخلص
باسل للشخص اللى بيكلمه : عامله اي ...... واي اخبارك .......... والولاد عاملين اي .... وحشتيني اوي والله ... اه اه هاجي اشوفكم قريب ... الولاد وحشوني اوي وانتي اكتر منهم ...... لا خلاص قربت اخلص وجاي على البيت ... ماشي ي حبيتي .... مش عاوزه حاجه .....
مرام كانت واقفه وراه وسمعت كل حاجه وفكرت انه بيكلم مراته فحبست دموعها وجريت وهو حس بيها ولف ولكن ملاقاش حد
End falsh back
مرام : بس كده يا ستي طلع متجوز وعنده ولاد كمان
اميره : خلاص يبقي ننساه ومنفكرش فيه واكيد في شخص تاني يستاهلك اكتر منه يا مرام
مرام : اميره هو بالسهل كده انسى طب ازاي بقولك بحبه... بحبه يا أميره انا بقيت بحلم بيه مش شايفه غيره قدامي طول الوقت حاولت أطلعه من قلبي لكن معرفتش وده اللى وجعني اوي انا تعبانه حاسه بكسره جوايا اول حب في حياتي يضيع مني كده واتوجع كده ...... انا عاوزه انام يا اميره عاوزه انام
اميره : هتفضلي تهربي من وجعك في النوم
مرام : على الاقل هكون نايمه مش قاعده بعيط وبفكر فيه طفي النور وأقفلي الباب عاوزه انام وصحيني بكره بدري عشان عندي شغل كتير
اميره بحسره على اختها : حاضر يا حبيتي ربنا يريح قلبك تصبحي علي خير
مرام بعياط : وانتي من اهله ( خرجت أميره )
مرام : هونها عليا يا رب وخليني انساه عشان بجد تعبانه ومش حمل وجع القلب ده عشان طلع وحش خالص ريح قلبي يارب ماليش غيرك دلوقتي اشكيله يارب خرج حبه من قلبي
تاني يوم الصبح في المستشفي
مرام : صباح الفل يا جماعه
الدكاتره : صباح النور يا دكتور
دكتور وليد : راحه فين يا دكتوره اتفضلي افطري معانا
مرام : لا سبقتكوا وفطرت في البيت
دكتور وليد : طيب تمم الف هنا عندك نبطشيه النهارده ولا هتروحي علاطول
مرام : لا هخلص شغل واروح هشوف عندي كام عمليه في الليسته هخلصهم واروح علاطول
دكتور وليد : تمم ربنا معاكي يا دكتور
مرام : في ريحه منتنه شماها من اول ما دخلت وكأنها ريحه كلب ميت بقاله اسبوع
صوت جيه من وراها خلى قلبها يدق جامد : ده ريحه الفسيخ يا دكتور تحبي تدوقي
مرام لفت لاقيته باسل
مرام : لا مش عاوزه حاجه وابعد عني ريحتك مش لطيفه في مدير مستشفي ياكل فسيخ في شغله اي مس عندك بيت وولاد وزوجه روح كل في بيتك بعد اذنك
دكتور وليد : هي بتقول اي
باسل : سيبك منها انا هعرف كملوا اكل وانا هروح اغير الهدوم دي عشان ريحتي بقيت مش حلوه فعلا يلا الف هنا
الدكاتره : الله يهنيك
باسل راح غير هدومه وغسل إيديه كويس وحط برفان كمان وراح يشوف مرام
باسل : يا هند
الممرضه هند : نعم يا دكتور تحت امرك
باسل : الأمر لله فين مرام
الممرضه : مرام مين
باسل : اقصد الدكتوره مرام مش انتي علاطول بتقفي معاه في العمليات
الممرضه : اه دكتوره مرام دي قاعده بره في جنينه المستشفي
باسل : ماشي روحي انتي
الممرضه : امرك يا دكتور
باسل ل نفسه : الست هانم سايبه شغلها وقاعده تتمرقع بره انا صبري نفد خلاص ( راح يشوفها )
في الجنينه
باسل لسه داخل وكان هيزعق لاقى مرام قاعد مخنوقه من العياط
باسل بخوف : مرام مالك ليه العياط ده كله في اي
مرام بصتله بعتاب : ليه كده ليه مقولتليش ليه .. ليه كل الوجع ده جوايا .. ليه مش عارفه اطلعك لا من قلبي ولا من عقلي ليه..... رد عليا قولي ليه..
باسل : انا مش فاهم حاجه
مرام : ولا عمرك هتفهم سبني لوحدي
باسل : في اي يا مرام طب فهميني
مرام : افهمك اي عاوزني اقولك اي اقولك اني بحبك وانت راجل متجوز اقولك اني عشقتك وانت راجل متجوز أقول اي ولا اي اطلع من دماغي اطلع من قلبي سبني ارجوك سبني انا تعبانه ... بعد اذنك
باسل مسك إيديها : رايحه فين
مرام : مش من حقك تمسك إيدي
باسل ساب إيديها : سبتها ها رايحه فين
مرام : هكون رايحه فين دي فتره البريك بتاعتي ودلوقتي عندي عمليه وحده فندقي وواحده تركيب شرايح ومسامير يعني شغلي كله في الطوارىء بعد اذنك همشي
باسل : بعد اذنك مش كل شويه تقولي همشي انا لسه مخلصتش كلامي
مرام لفت ليه وزعقت : عاوز مني اي الشغل ومش مأثره فيه عاوز اي تاني يأخي سبني في حالي بقي
باسل : مين قالك اني متجوز يا مرام
مرام :..............................
باسل : سئلت سؤال يبقي تردي عليا
مرام : سمعتك لما كنت واقف في الجنينه وبتكلمها وبتقولها وحشتيني ووحشني الولاد
باسل : ده اللى خلاكي تقكريني متجوز وده اللى مخليكي طول الفتره دي بتتهربي مني
مرام : عاوزني ابصلك ازاي ولا اكلمك ازاي افهم ياخي بقولك بحبك وانت متجوز يبقي ازاي هكلمك ولا ارفع عينيي في عينيك حتي
الممرضه جت : يا دكتوره مرام عندك حاله دلوقتي
مرام مسحت دموعها : حاضر يا منيره جايه حضري العمليات ( كانت هتمشي مسكها )
باسل : اسف على الى هعمله دلوقتي ده
مرام : هتعمل اي
باسل : سامحيني
وفجأه ............
يتبع ...
البارت الثالث والرابع الأخير من هنا
تعليقات
إرسال تعليق