مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

البارت الاول من "الخدامه والبيه" 

فى ڤيلا رامى السيوفي.. 

_ رامى بنرفزه: إنتِ مين؟؟ 

_البنت: أنى هانم الشغاله الجديده يابيه 

_رامى ببصه غريبه: إيه ده؟ بس باين عليكي بنت ناس يعني مش باين عليكي المرمطه خالص!! 

الشغاله: لا يابيه أنى هانم من الفلاحين

رامى: وإنتى مين اللى جابك هنا إن شاء الله؟ أنا مقولتش إنى عايز خدامين الڤيلا مليانه.. انطقي مين اللى قالك على المكان ده؟ 

=وفجأة تتكلم يسريه هانم

يسريه: أنا يا رامى اللى جبتها

رامى: وحضرتك مقولتيش ليه ياماما؟ وبعدين مالها دى هنشغلها إيه بقا؟  مَ مرات سامح شغاله زي الفل 

وفجأة تتكلم هانم الشغاله 

= يابيه يسريه هانم طلبت منى إنى أجي اشتغل مكنتش جيت من نفسي يعني 

رامى بتريقه: طيب يختى إبقي إلبسي حاجه عدله بقا.. انا ماشي ياماما سلام 

يسريه بحنية: ماشي ياحبيبي خد بالك من نفسك 

  

                      _فى شركة السيوفي  للتكنولوجيا_

رامي بعصبيه: نعم ياخويا!!!!؟ انت مجنون ولا ايه؟ انت عايز رامى السيوفي يشارك احمد ابو النجا.!! يبني ده شحات وبعدين رأس المال اللى معاه كام ألف.. ده بيحلم ده ولا ايه؟ 

احمد صاحب رامى: رامى متنساش انك برضو بدأت بكام ألف ولولا ان ربنا كتبلك تتغني مكنتش هتبقي قاعد ع المكتب ده.. متنساش.. 

رامى بعصبيه: احمد  !!  إطلع بره مش عاوز أشوفك دلوقتي ماشي؟؟ امشي.

_خرج أحمد وهو بيقول: مش عارف يارامى ايه اللى حصلك بس.. ربنا يهديك ياصاحبي

ـــــــــــــــــــــــــــــــــــــــــــــــــــــــــــــــ

_فى الڤيلا.. 

هانم فى المطبخ: يختاااي دلوجتى أنى مش فاهمه حاجه.. هعمل إيه دلوقتي بجاااا؟ 

الحج سامح: تحبي أساعدك فى حاجه يابنتي؟ 

هانم بخضة: يالهوي.؟ سلاماً قولاً من ربٍ رحيم.. انت مين؟ 

وهنا كان رجع رامى وسمع صوتهم فى المطبخ.. 

الحاج سامح: انا عمك سامح يبنتي شغال هنا مع يسريه هانم بقالى 12 سنه من أيام ماكان رامى بيه عنده 15سنه كان لسه فى تالته اعدادي وانا جيت واشتغلت ومن يومها وانا شغال ومن حوالى سنه مراتي جات واشتغلت معايا والحمدلله ان رامى بيه سمح لنا نشتغل مع بعض هنا 

هانم: اهلا بيك ياعم سامح ولكن إيه رامى بيه رامى بيه ده عيل بالنسبالك م تجول رامى علطول وخلاص.. 

وهنا دخل رامى بعصبيه ومسك هانم من ايدها جامد وقال: هو مين اللي عيل يا بت انتى؟ لا بقولك إيه اوعي تنسي نفسك.. انتى مجرد واحده جربوعه شغاله هنا تمام؟ 

هانم بدموع: ح حاضر بس اوعى ايدك.. إيدى وجعتني 

رامى ببصه قرف: غوري من وشي جاتك القرف.. 

مشي رامى دخل اوضته وبعدين راحت هانم لأوضة يسريه هانم

خبطت هانم على باب الاوضه

يسريه: اتفضل 

هانم: جبت لحضرتك الشاي ياهانم 

يسريه: تمام ياحبيبتي سبيه هنا وروحي 

هانم: حاضر.. ممكن اسألك سؤال؟ 

يسريه وهى بتبص لهانم بإبتسامة: إسألى ياحبيبتي 

هانم وعيونها اتملت دموع: هو حضرتك طيبه جوى كده ليه؟ 

يسريه بضحك: هههههههههه طيبه ازاي؟ 

هانم: حنينه وعندك جلب لكن ابنك ده استغفر الله عصبي كده ومفكر ان مفيش غيره فى الدنيا 

وهنا لقت حد بيقولها: ايوا مفيش فى الدنيا غيري ياهانم.. اطلعي بره بدل م يكون  اول وأخر يوم ليكي النهارده  

هانم بهدوء: حاضر يا بيه

دخلت هانم أوضتها وبدأت تقول: هو إيه الراجل الغريب ده؟! هو أنا كل ماهقول حاجه هلاقيه ورايا؟؟ 

وبعدين إيه الاوضه الغريبة اللى مدخلني فيها دى؟ 

وإيه الكراكيب دى؟ هو حد قالهم إنى معزه؟ 

بدأت هانم ترتب أوضتها إللى كانت مكركبه على الأخر ومش متوضبه

بدأت تنضفها وهى بتقرأ قرآن وهنا نعرف إن هانم صوتها جميل فى القرآن: وَلَقَدْ خَلَقْنَا الإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ

إِذْ يَتَلَقَّى الْمُتَلَقِّيَانِ عَنِ الْيَمِينِ وَعَنِ الشِّمَالِ قَعِيدٌ

مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيدٌ

وَجَاءَتْ سَكْرَةُ الْمَوْتِ بِالْحَقِّ ذَلِكَ مَا كُنتَ مِنْهُ تَحِيدُ

وَنُفِخَ فِي الصُّورِ ذَلِكَ يَوْمُ الْوَعِيدِ

وَجَاءَتْ كُلُّ نَفْسٍ مَّعَهَا سَائِقٌ وَشَهِيدٌ

لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءَكَ فَبَصَرُكَ الْيَوْمَ حَدِيدٌ

وَقَالَ قَرِينُهُ هَذَا مَا لَدَيَّ عَتِيدٌ

أَلْقِيَا فِي جَهَنَّمَ كُلَّ كَفَّارٍ عَنِيدٍ

مَّنَّاعٍ لِّلْخَيْرِ مُعْتَدٍ مُّرِيبٍ

الَّذِي جَعَلَ مَعَ اللَّهِ إِلَهًا آخَرَ فَأَلْقِيَاهُ فِي الْعَذَابِ الشَّدِيدِ

قَالَ قَرِينُهُ رَبَّنَا مَا أَطْغَيْتُهُ وَلَكِن كَانَ فِي ضَلالٍ بَعِيدٍ

قَالَ لا تَخْتَصِمُوا لَدَيَّ وَقَدْ قَدَّمْتُ إِلَيْكُم بِالْوَعِيدِ

مَا يُبَدَّلُ الْقَوْلُ لَدَيَّ وَمَا أَنَا بِظَلاَّمٍ لِّلْعَبِيدِ

يَوْمَ نَقُولُ لِجَهَنَّمَ هَلِ امْتَلَأْتِ وَتَقُولُ هَلْ مِن مَّزِيدٍ

وَأُزْلِفَتِ الْجَنَّةُ لِلْمُتَّقِينَ غَيْرَ بَعِيدٍ

هَذَا مَا تُوعَدُونَ لِكُلِّ أَوَّابٍ حَفِيظٍ

مَنْ خَشِيَ الرَّحْمَن بِالْغَيْبِ وَجَاءَ بِقَلْبٍ مُّنِيبٍ

ادْخُلُوهَا بِسَلامٍ ذَلِكَ يَوْمُ الْخُلُودِ

وفجأة يقاطعها صوت قالها: الله اكبر عليكِ ياهانم والله صوتك حلو اوى وفيه خشوع كده 

إتخضت هانم وبصت لقت مرات سامح 

هانم: بسم الله الرحمن الرحيم انتِ مين؟ 

مرات سامح بضحك: ههههههههههههه إيه ياهانم انا يستى إسمى سميه أبقي مرات عمك سامح اللى شغال مع يسريه هانم وكنت جايه اقولك إنى عاوزاكِ معايا في المطبخ علشان جايين ضيوف لرامي بيه على العشا وعاوزاكِ تساعديني علشان يسريه هانم مش عاوزه حد من الناس اللى شغاله في المطبخ هى اللى تعمل الأكل ووصتني إن إنتى اللى تساعدينى فى عمايله

بصت لها هانم بعدم فِهم وحيره إن ليه يسريه هانم مهتميه بيها كده.! 

ولكن ردت على سمية وقالت: طيب ماشي معنديش مانع.. يلا بينا نعمل الأكل  

بدأت هانم وسميه فى عمل الأكل

الساعه 8بليل

_رامي بإبتسامة: اتفضلو اتفضلو.. 

دخلوا الضيوف وقعدو مع رامي عقبال ما دخلت هانم على استحياء وقالت: رامي بيه.. العشا جاهز يافندم.. 

قام رامي وهو متضرر إن هانم هى اللى عملت الأكل

وكان مقتنع إن أكيد الأكل هيكون وحش

بدأو الضيوف فى الأكل وهما بيتكلمو عن الصفقه اللى المفروض هيشاركو بعض فيها

وبدأ عميل فيهم فى الأكل وقال: والله يا رامي باشا انا عن نفسي موافق على الصفقه ولكن اعتراضي الواحيد على المبلغ... واو بجد الأكل تحفه.. 

رامي بإبتسامة: بالهنا والشفا يا إسماعيل بيه ولكن أنا شايف إن المبلغ معقول على صفقة موبايلات زى دى

وبدأ خالد بيه فى الكلام: ولكن متنساش يا رامي انها موبايلات مستورده ولو نزلت السوق أنا واثق إنها هتحقق أكبر نسبة مبيعات

_وتمت الصفقه على خير ومضوا العقود وكانو مبسوطين جدا من الضيافه وجمال الأكل.. 

نام رامي وهو مبسوط لأن دى تعتبر أكبر صفقه عملها لحد دلوقتي 

_تاني يوم

صحي رامي من النوم

لبس ونزل يفطر مع والدته

ولكن اتفاجئ ان السفره جاهزه ووالدته قاعدة بتاكل وهانم واقفه جامبها

وقف رامي يشوف بيقولو إيه؟ 

 يسريه هانم: عارفه ياهانم الأكل بتاعك طعمه حلو جدا بجد.

إبتسمت هانم وقالت: بالهنا والشفا على قلبك ياست هانم

_وفجأة لقوا رامي بيقول: صباح الخير ياماما

_يسريه هانم بإبتسامة: حبيبي صباح الورد.. يلا تعالي إفطر علشان شغلك

رامي بأرياحيه: الحمدلله ياماما الصفقه تمت على خير إمبارح

ولقي هانم لسه واقفه جامبهم.. راح قايل وهو بيبصلها بقرف: إيه ده؟؟ إنتِ بتعملي ايه هنا!! يلا روحي شوفي بتعملي ايه بدل م أنتِ واقفه بتتصنتِ!! 

بصت هانم له وقالت: انا مستنيه اشوف يسريه هانم محتاجه حاجه ولا لا.. 

يسريه بهدوء: روحي ياحبيبتي شوفي شغلك دلوقتي ولما أعوزك هنادى عليكِ

هانم بإبتسامة: حاضر ياست هانم.. وبصت لرامى لاقيته بيبص عليها بقرف.. 

دخلت هانم المطبخ لقت إن كل حاجه معموله.. 

ولكن لقت سمية قاعده بتفطر فقعدت معاها 

سمية: تعالي ياهانم اقعدى انتِ واقفه ليه ومالك زعلانه ليه؟ 

هانم: مش عارفه والله ياسميه رامي بيه كل شويه يبصلى بقرف معرفش ليه.! ومش طايقلى كلمة وانا والله معملتش حاجه.. 

سمية: كبري دماغك وتعالى إفطرى

قعدوا الإتنين يتكلمو ويضحكو

_عند رامي ويسريه

يسريه: رامي... بلاش تتعامل مع هانم كده علشان مزعلش منك

رامي وهو بياكل: معرفش ليه انا مش مرتحلها.. حاسسها جاهله بكل حاجه واول م بشوفها بتخنق منها

يسريه بنبرة حاده: رامي..!! وانت بتحكم عليها ليه؟ متنساش انى انا اللى جيباها.. متزعلنيش منك

رامي ببصة غريبه: ماما..! هو إنتِ مهتميه بيها كده ليه؟.. دى حيا الله حتة خدامه ممكن تنطرد فى أي لحظه.! 

وفجأة وقفت يسريه أكل وقالت: امممم طيب بص أولاً هانم مش خدامه! ثانياً متنساش إنى من الريف وهانم دى كنت أعرف أهلها وعلشان كده جبتها هنا تعيش معايا علشان انا بحبها وثالثاً بقا هانم مش هتنطرد من هنا يا رامي علشان بجد انت عارف زعلى وحش.. 

بص لها رامي وقام وقال: انا ماشي.. مع السلامه 

ضحكت يسريه وقالت: أومال لو يعرف اللى فى دماغي هيعمل إيه!!  وبصوت عالى: ياهاااااااانم.. بت ياهاااااااانم 

هانم بسرعه: نعم نعم ياست هانم محتاجه حاجه؟ 

يسريه: تعالي ياحبيبتي الحمدلله شبعت شيلى الأكل 

هانم بهدوء: حاضر بالهنا والشفا يا حبيبتي 

يسريه وهى قايمه من على السفرة.: حبيبتي الله يهنيكِ.. يلا بقا عاوزه قهوه مظبوطه وهاتيهالى على الجنينه انا قاعده هناك 

هانم: حاضر 

_فى الطريق

رامي بعصبيه: سرع ياشويه يا محمد انت ماشي براحه ليه؟! 

محمد بإبتسامة: والله يارامى بيه مسرع.. بس شكلك متعصب خير فى حاجه!! 

رامي: لا مفيش بس انت سرع أكتر

وفجأة جاله تليفون: 

رامي: ألوو 

المتصل: ايوا يارامى بيه حضرتك احنا نزلنا الإعلان فى الجريده وكله تمام.! 

رامي بإبتسامة ظهرت علي وشه: طيب كويس.. وكتبتو المواصفات! 

المتصل: ايوا يافندم 

رامي: تمام ماشي 

_وصل رامي الشركه ونده على أحمد 

أحمد (الHR): صباح الخير يا رامي 

رامي: صباح النور... أحمد جريدة ****** نزلت على الإعلان اللى طلبناه 

أحمد: أيوا أيوا عرفت وان شاء الله اول لما الاقي البنت اللى فيها المواصفات هيتم تعينها بإذن الله 

ـــــــــــــــــــــــــــــــــــــــــــــــــــــــــ 

_فى الڤيلا

_هانم: اتفضلي ياست هانم 

يسريه بإبتسامة: حبيبتي شكرا 

هانم: عن اذنك 

مشيت هانم ودخلت أوضتها.. 

بدأت انها تزوع الخدم على إدوار البيت علشان ينضفوا البيت

وبدأو يرتبو البيت ودخلت اوضة يسريه هانم وبدأت انها تنضفها  وندت على سامح وسميه وغيرت ديكور الاوضه خالص 

دخلت يسريه هانم الاوضه وهانم بترتبها

واتفاجئت انها غيرت شكل الاوضه ورتبتها أجمل من الاول وفرحت جدا من شكل الاوضه... 

هانم بفرحه: ها إيه رأيك فى الاوضه دلوقتي! 

يسريه بضحكه: ههههههههههههه طيب والله جميله واحسن من الاول.. تسلم إيدك يابت ياهانم.. يلا خدى الجرنان ده وانا هدخل آخد شاور

خرجت هانم من الأوضة وكان فى إيديها الجرنان.. 

وبعد م خرجت يسريه من أوضتها قعدت معاها هانم وقالتلها على حوار عاوزه تعمله وساعتها وافقت يسريه 

_عدى اليوم وجه رامي آكل ودخل اوضته يكمل شغل ونام متأخّر 

تاني يوم.... 

إستأذنت هانم من يسريه انها هتروح المشوار اللى إتفقوا عليه.. 

ولأن رامي نام متأخّر صحي متأخّر وساعتها رن أحمد عليه وقالوا انهم اخيرا لقوا حد يستلم وظيفة المحاسبه فى الشركه 

قام رامي لبس ونزل سلم ع مامته ومرضيش يفطر ومشي لأنه كان متأخّر 

ووصل الشركه ودخل مكتبة 

وساعتها دخل أحمد وراه.. ووراه الملف بتاع المحاسب الجديد  ولقي إسم البنت (زينب فريد إسماعيل.........) 

(خريجة كلية تجارة ).. السن: 25سنه

وكمل قراية الملف 

أحمد: وكمان لاقيت انها عندها لباقه فى الكلام والصراحه انا وافقت علي تعينها لأنى شايف انها مناسبه 

وبعد مَ رامي خلص شغل روحّ 

رامي: ازيك ياماما عامله ايه 

يسريه: تمام ياحبيبي.. يلا نتغدي الأكل جاهز 

.. قعد رامي مع والدته علشان ياكلو

ولكن اتفاجئ ان الأكل مختلف عن الأكل اللى هانم بتعمله!

رامي بفضول: إحم ماما الاكل ده مين اللى طبخه! 

يسريه: سميه مرات سامح يارامى 

رامي: وليه هانم مطبخطش! 

يسريه بإبتسامة حزن: لأن هانم سابت الشغل هنا.. 

رامي بصدمه: نعم!!! 

#الخدامه_والبيه

#علق_ب_10_ملصقات_ليصلك_كل_جديد

#البارت_التاني_قريب_إن_شاء_الله 

#منشن_لحبايبك

#فولو_للصفحه_الرئيسية 

#Sherry_Essam

اتفاعلو بعشر تعليقات ولايك وتفاعل كتير لو عاوزين البارت الثانى

#البارت التاني من رواية  #الخدامه_والبيه

وبعد مَ رامي خلص شغل روحّ 

رامي: ازيك ياماما عامله ايه 

يسريه: تمام ياحبيبي.. يلا نتغدي الأكل جاهز 

.. قعد رامي مع والدته علشان ياكلوا

ولكن اتفاجئ ان الأكل مختلف عن الأكل اللى هانم بتعمله!

رامي بفضول: إحم ماما الاكل ده مين اللى طبخه! 

يسريه: سميه مرات سامح يارامى 

رامي: وليه هانم مطبخطش! 

يسريه بإبتسامة حزن: لأن هانم سابت الشغل هنا.. 

رامي بصدمه: نعم!!! 

يسريه: زى مَ سمعت كده 

رامي: اوك اصلا كده كده مكنتش طايقها

يسريه: هانم سابت الشغل هنا علشان طريقة معملتك ليها.. 

رامي : انا كنت جيت جامبها!! 

يسريه: لا يا رامي مجيتش جامبها ولا هزقتها ولا عملتلها حاجه.. البنت قعدت يومين وسابت الشغل بسبب طريقتك معاها

رامي: كبري دماغك ياماما.. خلاص عادي يعني 

يسريه: كُلّ كُلّ وقولى عملت ايه في موضوع المحاسب اللى كنت محتاجه فى الشركه 

رامي: الحمدلله فى بنت جات واستلمت الشغل النهارده.. 

يسريه: طيب كويس ياحبيبي 

_قعدوا الإتنين يتكلموا ويضحكو ولكن يسريه كانت زعلانه لأن هانم مشيت.. 

عدى اليوم وجه اليوم اللى بعده

_فى الشركه 

أحمد: رحمه زينب جات ولالا!! 

رحمه (السكرتيره) جات يا فندم 

أحمد: طيب قوليلها انى محتاج الملفات وخاليها تيجي 

وبعد 5دقايق.. الباب خبط

أحمد: اتفضل!! 

زينب بإبتسامة: صباح الخير يافندم.. جيت بدري النهارده وجهزت لحضرتك الملفات المطلوبه.. اتفضل أهي

بصلها أحمد آخد منها الملفات علشان يشوفها جاهزه ولالا

أحمد بإبتسامة: لالا بجد براڤو عليكِ مكنتش متخيل انك هتخلصيهم فى الوقت القصير ده!! 

زينب بإبتسامة: شكرا لحضرتك 

احمد: الشكر لله.. اتفضلي على شغلك

وبعد حوالى ساعتين وصل رامي الشركه 

رامي: رحمه إبعتيلى أحمد ضروري 

رحمه: حاضر يا رامي بيه

دخل رامي وقعد على مكتبه ولقي أحمد وصل

أحمد: صباح الخير يا رامي 

رامي: صباح النور يا احمد.. الشغل جاهز!! 

أحمد: أيوا جاهز البنت الجديده دى شكلها كده هتعمل شغل حلو هنا لأنها من اول يوم وخلصت الشغل المطلوب منها وأكتر كمان 

رامي بإبتسامة: هايل.. هات الملفات واتفضل على شغلك

_وبعد حوالى أسبوع على نفس الحال

_أحمد وهو قاعد مع رامي 

أحمد: إتفضل ياسيدى أدى كل الملفات المطلوبه وأدى الصفقه اللى الحمدلله تمت وأدى كمان ملف الحسابات المطلوب

رامي بأرياحيه: اممممم لا بجد بجد يعني انا مبسوط ومرتاح بسبب إن الشغل اتظبط أكتر من الأول 

أحمد: عارف الصراحه انا معجب جدا بشغل زينب لأنها حرفيا بتعمل شغلها بإتقان جدا 

رامي: إمممم فعلاً شغلها متقن.. المهم كمان إسبوع هيجي مستر جون 

أحمد: مستر جون مين؟! 

رامي: مستر جون هو عميل امريكي هنعمل معاه صفقة هيوردلنا نوع تابلت جديد للمدارس الانترناشونال 

أحمد: ااه تمام وهو هيجي امتى؟ 

رامي: كمان 3ايام ومحتاجين إن الصفقه دى تتم علشان لو تمت هيبقي نجاح كبير للشركة 

وبعد 3ايام وصل مستر جون 

رامي قام بإستقبال مستر جون فى اوتيل فخم وطلب منه إنه يرتاح وبليل هيمضوا العقود

الساعه 9بليل

مستر جون:I am very happy because the deal has been made I hope we work with some second  (انا سعيد جدا لأن الصفقه تمت وبتمنى نشتغل مع بعض تاني)  

رامي بإبتسامه:I am also happy and, God willing, will work again  (أنا اكتر يافندم وإن شاء الله هنشتغل مع بعض تاني)

مستر جون: God willing, Mr. Rami (ان شاء الله مستر رامي) 

ساعتها إبتسم رامي وبص لأحمد بثقه وإن شغلهم أخيرا بدأ يكبر عن الأول 

_تاني يوم فى الشركه 

أحمد ل رحمه: رحمه عرفي الموظفين كلهم إن هيكون فى حفلة بسيطه كده فى بيت رامي بيه إحتفالاً بإتمام آخر صفقتين 

رحمه بإبتسامة: حاضر يافندم 

وبالفعل بدأت رحمه إنها تقول للكل على الحفلة 

فى الڤيلا: 

_يسريه: إيه ده! يا رامي ليه التجهيزات دى كلها!؟ 

رامي بضحك: هتجوز ايه رأيك؟ 

يسريه بضحكه: بتكلم بجد بتعمل ايه؟ 

رامي: انا جيت امبارح لاقيتك نايمه ونسيت اقولك ان 

الحمدلله الصفقه الاخيره تمت بخير  وحبيت أحتفل 

يسريه: ماشي ياعم ربنا معاك 

فى الحفلة... 

بدأ رامي يرحب بالموظفين ويتكلم مع صحابه وهو فرحان 

ولكن فجأه بياخد باله من بنت واقفه بعيد وكأنه حاسس إنه يعرفها

بيبدأ يروح لها وهى واقفه بضرها مع بنت تانيه 

ولكن بيتفاجئ بأحمد بينادي

أحمد: رااامي.. رامي تعالي 

ولكن هنا بتبص البنت وبياخد رامي باله منها!!! 

رامي:ايه دا!!!! 

البنت بصتله بعدم إهتمام

وهنا كان وصل أحمد.. 

روح رامي للبنت وبعصبيه قال: انتى بتعملى ايه هنا!! وازاي دخلتى أصلا! 

أحمد وقف وقاله: إيه ده انت تعرفها!!؟ 

رامي بغرور: ايوا دى هانم الشغاله 

أحمد بصدمه: نعم!! هانم مين دى زينب

وهنا اتدخلت البنت وقالت: أيوا يا رامي بيه اني زينب وبيقولولى ياهانم واني شغاله محاسبة فى شركة حضرتك وخريجة كلية تجارة... 

أحمد: طيب هستأذن أنا علشان فى حد بينادي

رامي بعدم فهم: ايه ده!! على فكره انتى مجرد خدامه 

زينب: حضرتك اللى عاملتني على إنى خدامه من رغم ان يسريه هانم معاملتنيش على إنى خدامه وحضرتك مكنش ينفع تاخد عني فكره غلط.. 

ولكن فجأه تدخل يسريه وتقول: هااااانم وحشتيني اوى عامله ايه ياحبيبتي وايه الشياكه والجمال ده!! زى القمر بجد 

رامي بص لوالدته وقال: ماما هي هانم إسمها زينب وخريجة كلية!! 

يسريه: ايوا يا رامي وعُمر زينب ما كانت خدامه.. هانم تبقي بنت ناس أعرفهم وبحبهم جدا ولما طلبت منى إنها تمشي بسبب إهانتك ليها انا وافقت لأنى مكنتش جيباها الڤيلا علشان تتهان.. 

رامي كان واقف مش فاهم حاجه ومش عارف ازاي والدته تعرف هانم!! 

flash back 

أخدت هانم الجرنال من يسريه 

قعدت فى أوضتها وشافت إعلان عن محاسبة فى شركة السيوفي 

ولما لقت انها ممكن تلاقي شغل بعيد عن رامي كلمت يسريه 

يسريه قاعده في الأوضة 

الباب خبط

يسريه: اتفضل 

هانم بهدوء: يسريه هانم! 

يسريه: تعالي ياهانم في ايه؟ 

هانم: إحم بصي كنت عاوزه حضرتك فى موضوع 

يسريه: اتفضلي 

هانم: حضرتك عارفه انى چيت مصر علشان الاجي شغلانه كويس وإنى بعرف اتكلم زيكم بس مش عاوزه أنسي اصلى ولكن ده ميديش الحج لرامي بيه انه كل شويه يتريج عليا ويهينى.. حضرتك اني هنا بجالى يومين ولكن هو تعامله معايا كله مش كويس وكل شويه يجولي إنى خدامه وإنه ممكن يطردنى فى لحظه.. ولكن أني بجد تعبت من الموضوع ده اتي قررت هشتغل بكليتى علشان ابعد عن الشغل هنا وأبعد عنه خالص 

يسريه بحزن: بس ياهانم انتى عارفه انى بحبك جدا وانك زى بنتي وانى جبتك هنا مش علشان تكوني خدامه.. انا جبتك علشان تكوني معايا علطول واقدر اطمن عليكي بعد وفاة والدتك ووالدك.. 

هانم بإبتسامة: انا عارفه والله انا النهارده لاقيت فى الجرنال إعلان عن محاسبة جديده فى شركة اسمها السيوفي للتكنولوجيا وقررت إنى هشتغل 

يسريه بصدمه: ايه! بس انتى كده هتكوني مع رامي برضو!! 

هانم بعدم فهم: ازاي مش فاهمه! 

يسريه: شركة السيوفي للتكنولوجيا تبقي شركة رامي ياهانم.. 

بدأت هانم انها تندب حظها وإنه هيفضل وراها وراها ولكن قالت: ماشي وايه يعني بس هكون موظفه وحتى لو فى شركته فأنا هقدر أثبتله إنى هشتغل لحد لما أوصل 

يسريه بثقه: وانا واثقه فيكي ياحبيبتي.. بس قوليلى هتقعدي فين!! 

هانم: انا سميه قالتلى على مكان شقتها القديمه اللى كانت عايشه فيها هى وجوزها وانهم من ساعت لما جُم وعاشو هنا مع حضرتك وهى مش بتروح الشقه وادتنى المفتاح وانا هروح اقعد فيها لحد لما يكون معايا فلوس وآجر شقه على قدى كدا.. 

يسريه: يعجبنى فيكي عقلك ياهانم ولكن انا عاوزاكِ دايما مرتاحه ومبسوطه.. بس بالله عليكي ابقي كلميني وطمنينى عنك.. 

هانم بإبتسامة جميله: حاضر ياحبيبتي 

حضنتها يسريه وقامت هانم تجهز شنطتها علشان تمشي.. 

_____flash back ____

رامي: ماشي يا زينب من رغم اني برضو حاسس اني مش طايقك بس للاسف انا محتاج شغلك.. 

يسريه بإبتسامة لهانم: شاطره يااهانم

هانم بإبتسامة: والله يا يسريه هانم انا بشكرك چدا على وجوفك چامبي

يسريه: انا زى مامتك ياهانم وانتى عارفه معزتك عندي قد ايه.! 

خلصت الحفله وكل واحد روحّ 

قعد رامي فى اوضته يفكر فى إللى هيعمله علشان يلاقي حجه يطرد بيها زينب من الشغل وتكون هى اللى غلطانه

_تاني يوم فى الشركه 

رامي: رحمه لو سمحتي ناديلى زينب 

رحمه: حاضر يافندم 

راحت رحمه لزينب وقالت: زينب.. تعالي مستر رامي عاوزك

بصت زينب لرحمه وقالت: ودا عاوز ايه كمان! 

رحمه: مش عارفه والله تعالي كلميه

راحت زينب لرمي

زينب: ايوا يا رامي بيه؟ 

رامي بعصبيه : فين يا انسه الشغل بتاعك!! 

فهمت زينب ان هيبدأ يعاند فيها

زينب ببرود: چاهز يا رامي بيه 

رامي بضحكه مستفزه: چاهز!!! كلامك غريب اوى اتكلمي زينا بدل م انتى كلامك اوڤر كده وخلى عندك اتكيت فى الكلام.. ولة اقولك ايه ما انتِ من الفلاحين!! 

وهنا اتعصبت زينب جدا وقالت: الشغل چاهز يا رامي بيه قولتلك عاوزه ولالا وبلاش كلام من ده فضلا

رامي بإستهزاء: ماشي.. وبصلها بتكبر وقال: هاتي الملفات بتاعت الشغل! 

زينب: حاضر هروح اجيبها واجي

راحت زينب تجيب الملفات وهى عيونها كلها دموع من تريقته عليها

وهى رايحه مكتبها أحمد نده عليها

أحمد: أنسه زينب عامله ايه 

زينب بإبتسامة وعيونها فيها دموع: الحمدلله.. حضرتك محتاج حاجه؟! 

أحمد لاحظ إن أكيد رامي قالها حاجه زعلتها.. ولكن قال: أه كنت محتاج ملفات الشغل 

زينب: مستر رامي قال انه هياخدها 

أحمد: أه تمام.. ماشي 

مشيت زينب وإيدت لرامي الملفات لرامى

وعدى تاني أسبوع على زينب (هانم) فى الشغل ورامي برضو مش سايبها فى حالها.. وكل شويه يتريق على لبسها وكلامها وده كله علشان يخاليها هى اللى تسيب الشغل 

وهنا قررت زينب انها هتروح تتكلم مع يسريه 

قررت زينب تروح ل يسريه هانم 

وصلت زينب للڤيلا ودخلت وكانت عارفه إن رامي مش موجود علشان راح يقابل عميل.. 

سلمت على سميه ودخلت ل يسريه 

يسريه لما شافتها: هانم!! عامله ايه تعالي تعالي 

إبتسمت زينب وقالت: إحم ازي حضرتك يا يسريه هانم 

يسريه: الحمدلله ياحبيبتي تعالي أقعدي

قعدت زينب وبدأت يسريه فى الكلام 

يسريه: مالك ياحبيبتي حصل حاجه؟ 

زينب عنيها دمعت وقالت: يسريه هانم هو أني وحشه؟ 

يسريه عرفت إن فى حاجه وقالت: لا ياهانم مين قالك كده؟! 

زينب بدموع أكتر: أومال ليه رامي بيه مش سايبنى فى حالى.. كل شويه يقولي يا فلاحه ولما اتأخرت 3ساعات عن تسليم شغلى قالى اصلك فلاحه مش بتفهمي 

يسريه بحزن: معلش ياحبيبتي معلش والله رامي طيب وإبن حلال وقلبه كبير بس للأسف أهى الموضوع جه فيكِ متزعليش نفسك.. 

زينب بدموع وبكاء: يا.. يا يسريه هانم ده مش سايبنى فى حالى انا والله مش بعمل حاجه وهو من ساعت مَ عِرف إنى شغاله معاه فى الشركه وهو مش عاوز يشوفني طيب أعمل ايه طيب؟! المشكله إنى محتاجه الشغل ده 

يسريه بدأ عنيها تدمع من حزنها على إبنها وعلى زينب وقالت: صدقيني والله رامي غصبن عنه متزعليش نفسك انتى زى القمر والله 

_طبطبت يسريه على هانم وطلبت منها تهدا ومتزعلش

هانم: حاضر يا يسريه هانم حاضر 

يسريه: وهقولك حاجه كمان يستى انا هخلى سميه تلبس وتروح معاكِ تشترو لبس وكمان انا عارفه انك بتتكلمي زينا وبتعرفي تتكلمي زى المدن وكآنك واحده منهم فهطلب منك لما تكوني مع رامي فى الشركه اتكلمى زينا علشان ميتريفش عليكي وياخدها حِجه كل شويه وكمان هديكى فلوس روحي انتي وسميه اشترو لبس واشتري برندات وحجات فخمه علشان ميتريقش ومحدش يحس انك من الريف

بدأت زينب تاخد بالها اكتر وأكتر من إهتمام يسريه المبالغ فيه وإنها هتديها فلوس!!!! علشان تشترى لبس وكمان برندات!! وقد إيه هى بتحبها وهنا أخدها الفضول تعرف السر ورا حب يسريه ليها!! 

زينب وهى بتحاول بتمسح دموعها: لا ياست هانم انى مش محتاجه فلوس وأنى كمان مش هشتغل معاه تاني خلاص وهروح البلد وأسكت علشان الحياة هنا صعبه

يسريه: ايه اللى مش محتاجه فلوس دى!! هو أنا بعطف عليكي! يبنتي دا انتى حته من قلبي!! 

وهنا أخدت يسريه بالها من اللى قالته وحاولت تغير الموضوع وقالت: احم اقصد يعني انى بحبك زى بنتي هديكى فلوس تشترى لبس جديد وياستي ان شاء الله لما تحققي اللى عاوزاه ابقي رجاعيهم وبعدين احنا هنروح من بعض فين! 

هانم: لأ برضو يا يسريه هانم 

يسريه بضحك: يابت بطلى مرازيه والله لا تخديهم وانا حلفت بالله 

هانم بهدوء: يسريه هانم هو أنا ممكن اسأل حضرتك سؤال! 

يسريه: اتفضلي ياحبيبتي إسألى

هانم: هو إنتِ بتحبينى جوى كده ليه؟ ومهتميه بيا ليه؟ وبتحاولى تساعدينى فى كل حاجه من رغم اني مجرد شغاله عندكم

يسريه سكتت شويه وبعدين قالت بإرتباك : علشان الصراحه إنتى ــــــــــــــــــــــــــــــــــــــ

الخدامه_والبيه

#البارت_التالت_قريب_إن_شاء_الله  

#علق_ب_10_ملصقات_ليصلك_كل_جديد

#منشن_لحبايبك

 

#sherry_Essam

البارت الثالث والرابع من هنا