 |
البارت التالت من #الخدامه_والبيه
هانم: هو إنتِ بتحبينى جوى كده ليه؟ ومهتميه بيا ليه؟ وبتحاولى تساعدينى فى كل حاجه من رغم اني مجرد شغاله عندكم.!
يسريه سكتت شويه وبعدين قالت بإرتباك : علشان الصراحه إنتى مش خدامه يا هانم وانا مش عارفه افضل مخبيه عليكِ الحقيقه ولالا بس انا مش عارفه أقولك الحقيقه ازاي.!
هانم بعدم فهم وقلق ظهر على وشها: حقيقة إيه يا ست هانم بالله عليكي جولى انا مش فاهمه حاجه
يسريه بهدوء وتوتر: الصراحه ياهانم أنا أبقي عمتك...
هانم بصدمه: ع.. عمتى ازاي!!!
يسريه عنيها دمعت وقررت تقولها الحقيقه....، بصي هانم وأنا عندي 20سنه كنت مخطوبه لجوزى الله يرحمه وساعتها ابوكِ مكنش راضي على الخطوبه دى وده لأنى اتخطبت لحد من المدن.. وهو كان عاوز يجوزنى لواحد إسمه خيري الدسوقي وده كان اخو صاحب عُمره وجه طلب إيدى بس انا رفضت ومن يومها ابوكِ حلف عليا وقالى إن لو اتجوزت جمال ولا أنا أخته ولا يعرفني وطبعا لأنى كنت بحب جمال جدا صممت إنه يكون جوزي وهعمل أي حاجة علشان نكون مع بعض.. وأيامها ابوكِ مرضاش يدينى ورثي من ال3 فدادين اللى كان ميراث من ابونا
وطبعا لما جمال عرف كل ده كتب عليا واحنا فى البلد وأخدنى وسافر وابوكِ محضرش كتب الكتاب ولأنه كان زعلان مني وعمي اللى كان الوكيل بتاعي وهو اللى مضي على كتب الكتاب.. ومكنتيش انتِ لسه اتولدى فى كل ده..
وانا سافرت مع جمال وكان هو لسه مجرد مهندس فى شركه صغيره وطبعا عدت السنين وكان جمال بنا الشركه اللى انتِ شيفاها دى ونقلنا من الشقة اللى كنا فيها لشقه أكبر وكل ده وأنا متابعه أخباركم وعِرفت إن ابوكِ اتجوز وخلف وكل ده عن طريق جدتك اللى هى والدتى واللى كنتى عايشه معاها.
قاطعتها هانم وقالت: علشان كده انتي حاضرة العزا بتاعها وكنتي عماله تعيطي وانا اجول هى مين دى وبتعيط ليه؟!
يسريه كانت خلاص دموعها نزلت لما افتكرت الماضي وقالت: أيوا وكنت انا خلفت رامي وربنا مرزقنيش ببنات وممقولتش لرامى على إن ليا أخ من الريف وابوكِ برضو عمل كده لما ملاقكيش ان ليكِ عمه فى مصر ومتجوزه
وطبعا لما عرفت ان والدك ووالدتك توفوا فى حادثة كنت بعرف اخبارك أول بأول من جدتك ولما عرفت ان جالها السكر وانها ممكن تتعب فى أي لحظه قالتلى إنى لازم أخدك علشان متتبهدليش فى البلد وكنت أنا اللى ببعت فلوس لجدتك علشان الجامعه بتاعتك وكنت بتمنى تتربي معايا من صُغرك بس للأسف ده اللى حصل ولما عرفت ان جدتك توفت قولت ان لازم آخدك تعيشي معايا وحتى لو هيأت واحده شغاله عندي بس أهم حاجه تكوني قدام عيني واشوفك مبسوطه لأن مهما حصل بينى وبين والدك انا برضو هفضل أحبه ودايما بدعيله بالرحمه وبس يبنتي دى كل الحقيقه...
هنا هانم كانت فى دوامه ومش قادره تستوعب اللى بتسمعه ولكن كانت حاسه بصدق يسريه لأنها من ساعت ما شافتها وهى فعلاً بتعاملها كويس وبتخاف عليها..
هانم: طيب وإيه اللى يثبتلى الكلام ده..!
يسريه بإبتسامة: كل الاوراق اللى معايا بتثبت كده ولو عاوزه تشوفيهم تعالي وانا هوريهوملك
كانت هانم حاسه ان كل ده حقيقي وعلشان كده حضنتها وهى بتعيط إن اخيرا لقت حد من اهلها ولكن قالت انها لازم تعرف السر ورا معاملة رامي ليها مدام هو ميعرفش انها بنت خاله
هانم ببكاء: أنى مصدجاكي والله يا يسريه هانم..
يسريه أخدتها فى حضنها وقالتلها من النهارده هتقوليلى ياعمتو ومفيش يسريه هانم دى تانى خلاص..
إبتسمت هانم وقالتلها: حاضر ياعمتو..
طبطبت يسريه عليها وقالت: وكمان يازينب أنا كتبت نص الأرض بتاعت البلد بإسمك لأنها ورثك من ابوكِ
هانم بإبتسامة: مش عارفه اقولك ايه والله بس انى فرحانه باللى بتقولهولى ده لأنى كنت حاسه إن فى حاجه ورا معاملتك الطيبه ليا ولكن كنت بقول ممكن ميكونش فيه سبب وعادي ولكن أنا برضو فيه حاجه مش فهماها.. رامي بيه ليه بيعاملنى وحش كده!!
اتنهدت يسريه وقالت: لأنك بتفكريه بحبيبته القديمه لأنك نسخه طبق الأصل منها
هانم: ازاي مش فاهمه؟
يسريه: رامي كان بيحب بنت وهو فى الجامعه وكان متعلق بيها جدا جدا وهى كانت راسمه عليه دور الحب وانها متقدرش تعيش من غيره وفى نفس الوقت كان فى واحد إسمه شريف وهو كان بيكره رامي اوى لأنه كان احسن منه فى كل حاجه.. فى الأخلاق وفى المستوي الإجتماعي وبعد حوالى سنه من إرتباط رامي بِ نور عرف إنها بتلعب عليه علشان تاخد فلوسه وطلعت متفقه مع شريف على كل ده ومن يومها رامي بيكرها جدا ولو في يوم شافها هيموتها لأنا كسرته ووجعت قلبه على اللى عملته فيه لأنه أداها كل حاجه حب وفلوس وإهتمام وكل حاجه
قاطعتها هانم وقالت: يااه كل ده حصل.. طيب برضو أنى ذنبي إيه.!
يسريه كملت كلام وقالت: ذنبك إنك نسخه طبق الأصل منها انتى شبهها جدا وحتى نفس الملامح ولما شافك اول مره زعق فيكِ لأنه افتكرها بعد ما نساها ورجع جرحه تاني ينزف..
قعدت هانم مش مصدقه كمية الكلام اللى بيتقالها وقالت: وأنى أعمل ايه علشان أخاليه يعاملنى كويس قدام النااس واخاليه ينساها.!؟
يسريه إبتسمت وقالت: إثبتيله انك غيرها وانك انسانه كويسه وغيريله الفكره اللى هو واخدها عن البنات
هانم بهدوء وثقه فى الله: حاضر ياعمتو.....
واول لما قالت عمتو حضنتها يسريه وقالت: أخيرا قولتلك الحقيقه وإرتحت من هم كان على قلبي
وفجأة افتكرت هانم ان برضو رامي لسه ميعرفش انها بنت خاله وقالت: الا صحيح هنعمل ايه في رامي اللى ميعرفش إنى بنت خاله؟!
يسريه: الأول بس عاوزينه يعاملك كويس وتقربوا من بعض وبعدين انا هقوله
هانم: بس أنا مش هقدر اتكلم معاه من غير ضروره ومش هقدر أقرب منه علشان انا عارفه إنه حرام..
يسريه بإبتسامة: أنا عارفه ياحبيبتي والله بس عاوزاه يثق فيكِ الأول بس عن طريق الشغل والمعامله وادعيله إن ربنا يهديه ويخفف عنه.. والله يا زينب انا الوحيدة اللى حاسه بوجعه لأن أنا اللى شوفته وهو مكسور وشوفته وهو شبه ميت بسبب اللى عملته فيه نور دى ومش سهل لما الراجل يتكسر...
هانم إبتسمت وقالت: أوعدك هحاول أخاليه يثق فى شغلى وفيا مهما حصل باذن الله
إبتسمت يسريه وقالتلها: ان شاء الله ياحبيبتي.. يلا نادى على سميه علشان تروح معاكي تشتروا لبس
هانم بضحك: برضو مصممه.!
يسريه بنظره طفوليه:أيوا مصممه.. يلا يابت قومي
ضحكت هانم وقالت حاضر هروح اقولها وكمان أوعدك هتكلم زيكم عن إذنك بئاااا
يسريه ضحكت أكتر وقالت: أيوا ياعم
راحت هانم (زينب).. وطلبت من سميه انها تروح معاها المول علشان يتشروا لبس
وبالفعل آخدتها سميه وراحو المول وبدأت انها تساعدها فى إختيار اللبس وفعلا اشترت لبس شيك جدا وإشترت إستايلات شيك للمحجبات وخلصت وراحت توري يسريه اللى جابته
_عند يسريه
_زينب: عمتو انتى فين
يسريه وهى خارجه من ألاوضه: هنا ياحبيبتي تعالي
زينب بفرحة: تعالي شوفي اللى إحنا جبناه (وبالفعل بدأت تتكلم بلهجة المدن!)
يسريه بإبتسامه عريضه: يا ولا ياجامد.. تعالي وريني ياحبيبتي..
بدأت إنها تشوف الإستايلات وكان واضح على وشها الفرحة وهما قاعدين موبايل يسريه رن
يسريه بإبتسامة: ألووو.. أيوا أنا.. أه.. أنت بتقول إيه.! إيه اللى بتقول ده حصل امتي الكلام دا.! مستشفىإيه؟!(وبدأت نبرة صوتها تتغير وكان واضح عليها الرعب) طيب أنا جايه حالا.!!
زينب بخوف: في إيه ياعمتو مالك!.. ولكن فجأه يسريه قالت وهى بتعيط: رامي عمل حادثة وفي العمليات
جريت يسريه وزينب لاحقتها وركبو العربيه وراحو المستشفى..
فى المستشفى:
_داخلت زينب ومعاها يسريه..
يسريه بإنهيار: فين العمليات منين
حاولت زينب إنها تهديها وراحت تسأل على مكان العمليات..
وبرعب سألت على مكان العمليات وعرفو وأخدت يسريه هانم وطلعو علشان يطمنو على رامي
يسريه كانت خايفه على إبنها اللى مالهاش غيره وقد إيه هى بتحبه..
وكانت زينب خايفه وقلبها بيتنفض وده لأنه إبن عمتها...
يسريه بإنهيار: يارب أستر يارب.. يارب انا ماليش غيره وحاولت انها تكون متماسكه أكتر من كده ولكن معرفتش..
زينب وعنيها ماليانه دموع: ربنا يستر.. يارب خفف عنه يارب ورجعه لوالدته بالسلامه
وبعد ساعتين..
وفجأة خرج الدكتور من العمليات وكان وشه ميبشرش بالخير
يسريه بخوف: ها يادكتور طمنى إبني حالته إيه؟
وقفت زينب جامب يسريه وهى بطبطب عليها
الدكتور بحزن: الصراحه يافندم الحاله مش مستقره خالص وللأسف هيدخل العنايه المركزه.. ادعوله وان شاء الله خير
يسريه بإنهيار: يارب أستر يارب.. طيب والسواق اللى كان معاه حصله إيه؟
الدكتور: حالته مستقره الى حداً ما.. عن إذنكم
يسريه: اللهم أجرني فى مصيبتى وأخلفني خيراً منها يارب
زينب حاست بالخوف أكتر وحاست بشعور غريب وقالتلها: قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ..
يسريه اول ما سمعت الأيه قالت: ونعم بالله وانا واثقه إنه مش هيخذلنى
وفجأة أحمد جه وقال بخوف: في إيه ياطنط ماله رامي انا لما عرفت اللى حصل مكنتش مصدق!
يسريه: الحمدلله يابنى الحمدلله ان شاء الله خير
وقالت زينب: بس حضرتك عرفت منين يا أستاذ أحمد.!
أحمد: فى حد رن عليا وقالى..
طمنتهم زينب إن كل حاجه هتكون بخير إن شاءلله
وبعد مرور 6ساعات وهما قاعدين مستنين حد يطمنهم
وفجأة خرجت الممرضه وهى مرعوبه و بتنادى على الدكتور
الممرضه: دكتووووووور الحق المريض اللى فى العنايه.....
#البارت_الرابع_قريب_ان_شاء_الله
#الخدامه_والبيه
#علق_ب_10_ملصقات_ليصلك_كل_جديد
#منشن_لحبايبك
#Sherry_Essam
_أسفه إن البارت قصير
_وكل سنه وانتم طيبين وبخير وسعادة بمناسبة عيد الاضحى المُبارك❤.
اتفاعلو بعشر تعليقات ولايك وتفاعل كتير
#الرابع
#الخدامه_والبيه
وبعد مرور 6ساعات وهما قاعدين مستنين حد يطمنهم
وفجأة خرجت الممرضه وهى مرعوبه و بتنادى على الدكتور
الممرضه: دكتووووووور الحق المريض اللى فى العنايه..
وساعتها انتفضت يسريه وزينب من مكانهم ووشهم بدأ يظهر عليه الرعب
يسريه بزعر: إبني.. إبنيييي
زينب بحزن وخوف: اهدي ياحبيبتي إهدى بس
دخل الدكتور ومعاه الممرضين ودخلوا العنايه
_داخل العنايه
الدكتور بخوف: جهزولى جهاز انعاش القلب بسرررعه
وبالفعل فى اقل من دقايق بدأو فى انعاش القلب وساعتها رجعت نبضات القلب ولكن مش مستقره
وساعتها عمل الدكتور الإجراءات المطلوبه وركب أجهزة الأكسجين تاني وطلب من الممرضين انهم يراقبو المريض
خرج الدكتور وكان ظاهر على وشه القلق
_وفى ساعتها بدأت الصفاحه فى الكتابة عن" تعرض رامي السيوفي صاحب أكبر شركات التكنولوجيا للإستراد والتصدير فى مصر لحادث خطير ونقلة الى المستشفى ودخوله العنايه المركزه"
اول لما يسريه شافت الدكتور جريت عليه وقالت بخوف:إب...إبني يادكتور حصله إيه؟طمني انا انا مش هقدرأعيش من غيره حصل ايه.!!
الدكتور بأسف: للأسف يافندم المريض نبضات قلبه مش مستقره لأن حصل خلل فى تيارات القلب الصغيره للإنقباض وضخ الدم للشرايين وللأسف القلب توقف لثواني ولكن الحمدلله دلوقتي رجعت ولكن مش مستقره.. أدعوله ربنا يستر..
حاولت زينب تكتم بكائها ولكن مقدرتش ويسريه كتمت شهقاتها وإكتفت بدموعها اللى خارجه من أعماق قلبها ودعت ربنا إنه يشفي إبنها ويشفي كل مريض..
وبعد إنتشار الخبر عرفوا الموظفين إن رامي فى المستشفى وهنا راحو بعض المواظفين علشان يطمنو على حالته
وكانت يسريه مانعه الكلام خالص ومكنتش قادره تتكلم
ولكن حاولت زينب انها تمّشي الأمور عن طريق انها تطمنهم..
بعد 10ساعات من وجودهم فى المستشفى
نزل أحمد وجاب أكل خفيف ل يسريه وزينب من السوير ماركت علشان تاكل
أحمد ل زينب: أنسه زينب لو سمحتِ لازم تاكلو أي حاجة علشان مينفعش كده
زينب: شكرا لحضرتك لازم بس الاول يسريه هانم تاكل
وراحت زينب ل يسريه وقعدت جامبها بهدوء
زينب بدموع: ع.. عمتو لو سمحتي لازم تاكلى أي حاجة..
بصتلها يسريه بدموع ماليه وشها والحزن مالى قلبها وقالت: آكل إيه بس يازينب.. رامي لو حصله حاجه انا مش هقدر أعيش من غيره.. إدعيله بالله عليكي.. بالله عليكي إدعيله لعلك أقرب الى الله
حاولت زينب انها تهديها وساعتها أحمد كان قاعد وعيونه ماليانه دموع وبيفتكر كل لحظه عاشها مع رامي وهما فى الثانوي والجامعه وازاي وقفوا مع بعض بعد لما شركة والد رامي خسرت وهما بدأو يوقفوها من تاني..
وقعد يردد ويقول: إلهي أذهب البأس ربّ النّاس، اشف وأنت الشّافي، لا شفاء إلا شفاؤك، شفاءً لا يغادر سقمًا، أذهب البأس ربّ النّاس، بيدك الشّفاء، لا كاشف له إلّا أنت يا ربّ العالمين».
ساعتها كانت الساعه 2بليل
إستاذنت زينب وقالت ل يسريه: عمتو هروح أصلى(القيام) وأجي
وساعتها مكنش موجود حد خالص فى الممر
فضلت زينب ماشيه تدور على مكان للصلاه ولكن ملاقتش لحد لما قابلت ممرضة من الممرضات
زينب: لو سمحتِ لو سمحتِ..
الممرضه: افندم اتفضلي
زينب: السلام عليكم ياحبيبتي.. ممكن اعرف فى مكان هنا للصلاه ولالا
الممرضه بإبتسامة: ايوا يافندم التوليت وفى أوضه للصلاه تحت فى أخر الممر..
شكرتها زينب ونزلت
صلت القيام ودعت ربنا بالشفاء لرامى ولكل مريض..
بعد ربع ساعه
يسريه غلبها النوم ونامت على الكرسي..
وفضل أحمد جامبها لحد لما زينب رجعت
زينب بهدوء: إيه ده هى كويسه؟!
أحمد: ايوا بس نامت
قعدت زينب تقرأ قرآن وأحمد خرج موبايله وقعد يردد بعض الأيات
وخلص اليوم والفجر آذن
نزل أحمد علشان يصلى وصلت زينب ويسريه فى الأوضة وبعدين طلع النهار
وكان لازم يستأذن أحمد علشان الشغل مينفعش يقف
أحمد ل زينب: أنسه زينب لو سمحتِ خلى بالك من يسريه هانم وانا هضطر اروح الشغل لأن مش هينفع الشغل يقف
وافقت زينب وبالفعل خرج أحمد راح الشغل
يسريه ل زينب: ربنا هيشفيه صح؟
زينب بثقه فى ربنا: طبعا يا حبيبتي.. ده بس مجرد إختبار من ربنا.. ساعات ربنا بيختبرنا فى أعز الناس لينا علشان يشوف مدّى صبرنا وإحنا لازم نثق إن رب العالمين رحيم جدا لدرجة إنه رحيم بِ أضعف ما فينا.. ربنا جميل اوى ثقي فى الله واطمنى إنه طلاما معاكِ إنتى اقوى إنسانه فى الدنيا..(وقال ربكم. أدعوني أستجب لكم.. فهل هناك أصدق من الله.. ومن أوفى بعهده من الله.)
يسريه أخدت نفس طويل وقالت: يارب إنت العالم فأجبر خاطرى يا أرحم الراحمين
وساعتها إستغلت زينب الفرصه وطلبت منها إنها تاكل أي حاجة وبالفعل بدأت يسريه تاكل ولكن أكل بدون نفس وهى دموعها فى عنيها
(واذا كانت بطبيعتها تقاسى الالم لا يطاق حين تلد فرحا فكيف بها فى الحزن.)
دخل الدكتور وإطمن على رامي ولقي إن نبضات القلب بدأت تتظبط وإنه فى تحسن
خرج وشافته زينب وراحت عليه جري وسألته: ها يادكتور المريض أخباره إيه؟!
الدكتور بإبتسامة: الحمدلله يافندم أحسن من ألاول بكتير
إبتسمت زينب وقالت بفرحة: الحمدلله شكرا لحضرتك
يسريه ل زينب: ها يازينب الدكتور قال ايه؟
زينب بثقه: قال ان الحمدلله رامي بيه بيتحسن..
حمدت يسريه ربنا وبدأ يظهر على وشها الإبتسامة
يسريه: الحمدلله ياحبيبتي الحمدلله..
زينب بهدوء: إحم سريه هانم انا هروحّ بس نص ساعه وهجيلك علشان لازم أغير لبسي
يسريه بإبتسامة بسيطه: طبعا ياحبيبتي اتفضلي..
♡♡♡♡♡♡♡♡♡♡♡♡♡
وافتكرت يسريه إنها مشافتش السواق حصله إيه وراحت أوضته
دخلت يسريه الاوضه لقت السواق فاق ومراته وعياله جامبه
يسريه بدموع: السلام عليكم ازيك يامحمد عامل ايه؟
محمد بفرحة: يااه يسريه هانم بنفسها.. اتفضلي اتفضلي
بدات مرات محمد ترحب بيها بكل فرحه
قعدت يسريه جامب السرير وسألته عن حالته وقال إن الدكتور طمنهم إن مجرد جرح فى الرأس ورجله حصل فيها كسر ودراعه..
يسريه بإبتسامة حزينه: الف سلامه عليك يا محمد ان شاء الله تقوم بالسلامه
محمد بحزن: احم اللهم امين.. اومال رامي بيه أخباره ايه دلوقتي!!
يسريه دمعت أكتر وقالت: هو فى العنايه والدكتور قال إن فيه تحسن.. ألا قولى هى الحادثه دى حصلت ازاي
محمد بحزن: والله ياهانم رامي بيه كان معاه عميل وبيتفقو على صفقة جديده وخرج وركب العربيه وطلبت منه يربط الحزام ولكن قال ان مالهوش داعي واننا هنوصل بسرعه ف مفيش لازمه للحزام
ولكن أنا كان لازم البسه علشان الدواعي الأمنية والقانون
ولكن واحنا فى نص الطريق فجأه ظهر قدامنا عربيه تانيه وحاولت افرمل بأقصي سرعه وساعتها رامي بيه اتخبط فى القزاز بتاع الشباك جامد وانا لما بصتله مقدرتش اتحكم فى العربيه اقوى واتقلبت العربيه ولكن لانى كنت رابط الحزام منعني إن يحصل أي كسر او تضاعف عندي فى الدماغ ولكن للاسف رامي بيه هو اللى اتأذي جامد
يسريه بعياط وشهقات: يارب يارب
هداها محمد وشكرها انها جات بنفسها تطمن عليه..
وإستأذنت يسريه وخرجت من الاوضه وراحت تقعد قدام العنايه المركزه علشان كل شويه تطمن على إبنها
وبليل رجع أحمد من الشغل وسأل على على تطورات حالة رامي وجاوبته زينب إنه في تحسن
وبدأ صحاب ومعارف رامي يجو يطمنو ولكن كان أحمد وزينب بيطمنوهم ولكن جات الصحافة علشان تعرف أخباره ولكن رفضوا إنهم يقولوا حاجه..
وبعد 12ساعه من القلق والحزن
خرجت الممرضه علشان تبلغ الدكتور إن المريض فاق
وكان رامي بقاله كده حوالى يومين فى غيبوبه..
دخل الدكتور وإطمن عليه بنفسه وبدأ إنه يسأله شوية أسأله علشان يطمن على حالته وهل حصله أي فقدان للذاكره ولالا ولكن رامي ساعتها جاوب على كل الأسأله
وبعد حوالى ساعه إطمن الدكتور إنه خلاص بقا تمام ونبضات القلب مستقره تماماً وآمر إنه يتنقل لأوضه عاديه
وبالفعل تم نقل رامي من العنايه للأوضه العاديه ودخلتله يسريه وبدأت إنها تقرب منه وتبوس إيده ولكن هو كان شبه نايم
وبعدها دخلت زينب ووقفت بعيد وكانت مبتسمه انه بقا كويس..
وبعد ربع ساعه فتح رامي عينه لقي يسريه جامبه..
يسريه بإبتسامة كبيره: حبيبي الف مليون سلامه عليك ربنا يشفيك ويخفف عنك يارب
إبتسم رامي وبيبص قدامه لقي زينب قاعده قدامه مباشرةً
رامي فضل باصصلها...
زينب أخدت بالها وقالت فى نفسها: ايه؟ بيبصلى ليه؟
رامي فضل مبحلق..
زينب: يادى الليله اللى مش فايته.. يلا نبدأ خناق تاني بقا
زينب بهدوء: إحم ازي حضرتك يا رامي بيه الف سلامه
رامي قال بهدوء: الله يسلمك يازينب..
اتصدمت زينب انه بيرد عليها كويس وقالت: ايه ده في ايه؟! هو بيتكم كويس ولا انا بيتهيألى؟
يسريه بإبتسامة: رامي حبيبي طمني عليك انت كويس؟
رامي بإبتسامة: اه الحمدلله..
وبص لزينب تاني..
زينب حاولت تداري صدمتها فى انها تقول: الف سلامه عليك تاني
كتمت يسريه ضحكتها وفجأة أحمد دخل عليهم
أحمد بفرحة: حبيبي اللى صحي الف سلامه عليك ياصاحبي
إبتسم رامي وقاله بهدوء: الله يسلمك ياغالي
زينب بهدوء: طيب عن اذنكم أنا...
رامي: لا إستني..
#علق_ب_10_ملصقات_ليصلك_كل_جديد
#منشن_لحبايبك
sherry_Essam
اتفاعلو بعشر تعليقات ولايك وتفاعل كتير
تعليقات
إرسال تعليق