 |
#الثالث .... #سجينة_القاسم
روفيدة بعزيمة وخوف : هحاول
هناء بشفقة : يارب يا بنتي تقدري ده انتي وقعتي في ايد الوحش
لتضحك روفيدة : وحش ايه يا داده بس
هناء بابتسامة: انتي لسة ما شوفتيش حاجة
روفيدة باطمئنان: انا ربنا معايا وان شاء الله هقدر وطالما حطني في طريقه يبقي لازم اتصرف
هناء بدعاء : يارب يا ضنايا يارب يلا بقي علشان تأكلي
روفيدة بابتسامة: ماليش نفس
وفي ذلك الوقت
يأتي قاسم بغضب: ايه اللي مالكيش نفس دي هو احنا بنطلب منك طلب ده أمر يا هانم
هناء بخوف : هي هتاكل اهي يا قاسم باشا
قاسم بغضب: اطلعي انتي برة يا دادة
دادة هناء بخوف : حاضر
لينظر قاسم الي روفيدة بغضب
رفيدة بخوف : هاكل والله حاضر
قاسم بغضب شديد و هو يجلس بجوارها ويمسك الطعام : كلي يلا
لتأكل من يدية روفيدة
بعد مرور بعض الوقت
روفيدة : والله شبعت مش قادرة خلاص
قاسم : خلاص بس ماتتعوديش علي الدلع ده كتير
روفيدة بابتسامة جميلة وهي تنظر لعينيه : حاضر
قاسم وقد بدأ قلبه يدق بشده : احم انا هطلع برة ولو عوزتي حاجة قولي للدادة
ليخرج وهو يؤنب نفسه علي ما فعله فقد رأي أكثر منها نساء جميلات لماذا يدق قلبه لهذه الصغيرة
قاسم بغضب وهو ينظر إلي المرآة : مش هقع في الفخ مرتين
ليتذكر ماحدث من قبل وهو ينظر بشرود أمامه
لتصعد الدادة هناء الي روفيدة لتطمأن عليها
هناء : يا روفيدة خلاص جبت السبع طرق لجلب الحبيب
روفيدة وهي تضحك بشدة عليها : قولي يا دادة بركاتك
لتهمس لها الدادة ببعض الكلمات في أذنيها
روفيدة بخجل : لا يمكن اعمل كده عنوا ما حبني
هناء : يا بنتي ما توجعيش قلبي معاكي اعملي اللي قولتك عليه ده
روفيدة بضيق : طب افرضي الخطة فشلت
هناء : مش هتفشل أن شاء الله هو النهاردة شكله رايح حفلة واكيد هياخدك معاه فأنا جيبتلك حته فستان هيبقي عليكي تحفة
روفيدة بضحك : حاضر
لتسرع هناء وتحضر الفستان: يلا روحي البسي
لترتدي روفيدة الفستان وهو فستان نيلي طويل بأكمام طويلة وما زادها جمالا فوق جمالها هو هذا الحجاب الابيض
هناء بالنهار: ما شاء الله يلا روحي الاوضة بتاعته
روفيدة بخجل : انا خايفة
هناء : ما تخافيش وبعدين ده جوزك
لتسمع روفيدة كلامها وتذهب الي غرفته
قاسم : ادخل
لتدخل روفيدة بهذا الفستان ليصدم قاسم بشدة من جمالها قاسم في نفسه " البت دي هتموتني "
روفيدة بابتسامة جميلة : انا جاهزة
قاسم باستغراب: جاهزة لايه
روفيدة بفرحة : للحفلة مش انت هتروح الحفلة انهاردة
قاسم : بس انتي تعبانة
روفيدة : لا ما خلاص خفيت
قاسم : وانتي هتروحي الحفلة بالفستان ده
روفيدة : أيوة حلو مش كده
قاسم بغضب : لا مش حلو وروحي غيريه
روفيدة : بس
قاسم وهو يقطع كلامها : ما بسش وروحي غيريه بدل ما هعمل تصرف هتندمي عليه
لتسمع روفيدة الكلام وتسرع بتغيير الفستان لشئ آخر
لتذهب إليه
لينظر إليها بانبهار مرة اخري
قاسم في نفسه" الله يخربيت الكفرة يا شيخة اعمل فيها ايه دي اخدها معايا الناس يعاكسوها "
قاسم بغضب : مفيش حفلة هتتراح
روفيدة بحزن : ما انا غيرت اهو اعمل ايه تاني
قاسم وهو يقترب منها ببطء: اعمل انا ايه فيكي
لتبتعد عنه ولكن يجذبها إليه وهو يضعها أمامه وينظر إليها بعينيه
روفيدة بتوهان وهي تنظر إليه انت حلو اوي
قاسم بثقة : ما أنا عارف
روفيدة بخجل مما قالته: انا همشي
لتسرع في الخروج
ليضحك قاسم عليها
روفيدة بخجل لدادة هناء : انا هجيب ورا يا دادة
هناء : ما هو ده اللي كان المفروض يحصل
روفيدة باستغراب: ايه ؟!
هناء بابتسامة: هو كده كده مكانش هيرضي ياخدك معاه لكن طالما هو اتضايق اما لقاكي لابسة الفساتين دي يبقي أعجب بيكي
روفيدة بخجل: هيعجب بيا انا ازاي يعني هو انتي ما شوفتيش شكله
هناء بابتسامة: وانتي ما شوفتيش شكلك ودلوقتي بقي جينا للخطة التانية
يتبع...........
#الرابع
روفيدة قامت من النوم لقيته حاضنها اتفاجأت في الاول لكن
حست بالامان قعدت تبص عليه بتركيز جامد
روفيدة في نفسها" ازاي الملاك ده يكون كده انا عمري ما
شوفتك شيطان يا قاسم بس دايما انت اللي مصمم تخليني
أشوفك كده يارب انا خلاص مش قادرة ما بقيتش قادرة
استحمل خالص يارب اهديني ووفقني" لتهم من علي السرير
وتتوضأ لتصلي صلاة الفجر وبعدما أنهت صلاتها جلست
وهي تقرأ صوت القرآن بصوت عذب كانت تتعمد اختيار
الآيات التي يوجد فيها رضا الله ورحمته
قاسم كان يحاول أن يمثل النوم ولكن عندما سمع القرآن
بصوتها شعر بالخشوع وبكي كثيرا لم يكن يوما هكذا ولكن
ظروف الحياة القاسية هي من بدلته وجعلته يغفل عن أكثر
أمر لا يجب أن نغفل عنه وهي عقيدتنا الدينية قام من علي
سريره ودخل الحمام ليخرج منه بعد فترة قصيرة ويجلس
بجانبها روفيدة وهي تطالعه بدهشة : انت ايه اللي صحاك دلوقتي ؟!
قاسم وهو ينظر إليها بامتنان : صحيت علشان أصلي
روفيدة باستغراب: تصلي
قاسم : آه فيها ايه يعني
روفيدة بابتسامة : ما فيهاش حاجة ربنا يهديك
لتتركه وتذهب إلي النوم
ليصلي قاسم بعد فترة كبيرة وهو يبكي كثيرا لم يكن يريد أبدا أن يحدث ذلك في حياته فكل منا لم يختار يوما حياته أخذ يدعوا الله أن يسامحه ويغفر له ذنوبه
"في صباح اليوم التالي "
روفيدة قامت من النوم قعدت تدور عليه ما لقيتهوش نزلت تحت لقت دادة هناء
روفيدة بابتسامة جميلة : صباخ الخير يا دادة
هناء بابتسامة : صباحك قمر زيك يا حبيبتي
روفيدة بتساؤل : اومال هو فين قاسم ؟!
هناء بفرحة: قام سلم عليا وقرأ قرآن وصلي ركعتين وفطر ومشي
روفيدة بابتسامة : الحمدلله ربنا هداه
هناء بفرحة: الحمدلله
لتغادر روفيدة وتجلس في الحديقة
لتتفاجأ به قد عاد بسرعة من عمله
روفيدة باستغراب : نسيت حاجة ولا ايه
قاسم بحزن : انا مش عارف اقولك ايه يا روفيدة بس انا
آسف على اللي عملته فيكي ما كنتش أقصد خالص ابقي كده معاكي لكن انا قررت خلاص اني أسيبك تعيشي حياتك وما اتحكمش فيكي انا قررت أن احنا ننفصل
يتبع .......
#سجينة_القاسم
#مروةجلال
اتفاعلو بعشر تعليقات ولايك ومشاركه وتفاعل كتير ومتابعه
البارت الاخير هينزل بعد التفاعل
#سجينة_القاسم
#الاخير
روفيدة بصدمة : ننفصل
قاسم بحزن : انا عارف انك كنتي مغصوبه علي الجوازة دي علشان كده انا بقولك كده
روفيدة بضيق: بس انا مش اشتكيتلك يا قاسم
قاسم : انا مقدر خوفك من اخوكي بس اوعدك أنه عمره ما هيأذيكي طول ما أنا موجود كفاية انك انتي السبب في اني اتغيرت وهفضل ما دينلك طول عمري
روفيدة بابتسامة حزينة : أنا متشكرة ليك جدا
لتصعد الي غرفتها وهي تبكي بشدة لم يكن يوما يحبها مثلما أحببته لكن كيف أحببته ومتي ولماذا لا تعرف لكن فقط تشعر بتعب في قلبها عندما قال لها أنه يفضل الانفصال هل أحبته بالفعل أم هذا مجرد إحساس بالخوف من مصيرها التي ستقابله أن تركها
قاسم ذهب إلي غرفة مكتبه
لتدخل هناء الغرفة بابتسامة : اتفضل فنجان القهوه يا قاسم يا ابني
قاسم بابتسامة: اتفضلي يا دادة عاوز اتكلم معاكي في موضوع
لتجلس هناء بقلق : خير يا إبني
قاسم: انا عاوز أقولك علي حاجة
هناء: اتفضل
قاسم: انا قررت أطلق روفيدة
هناء بصدمة : ده بجد
قاسم بحزن : أيوة هي تستاهل حد احسن مني بكتير
هناء : بس هي بتحبك
قاسم باستغراب: بتحبني
هناء: ايوة يا بني والله زي ما بقولك كده نظراتها ليك وخوفها عليك وفرحتها لما ربنا هداك كانت بتأكدلي كل حاجة
قاسم : بتحبني ازاي بس يا دادة ده انا كنت قاسي اوي عليها
هناء : ما تدوا لنفسكم فرصة يا ابني يمكن
قاسم بحسم : مفيش فرصة تانية انا هسيبها تمشي علشان انا انا
هناء : انت ايه
قاسم وهو يقتضب الحديث: مفيش
هناء بحزن : طب انا هستأذن بقي
قاسم وهو ينظر إلي الورق الموضوع أمامه : اتفضلي
لتصعد هناء الي غرفة روفيدة
هناء: بتعملي ايه يا بنتي
روفيدة : بلم هدومي خلاص ما عدش ليا مكان هنا
هناء بحزن وهي تحتضنها : هتوحشيني اوي
روفيدة : اوعدك اني هفضل طول عمري فاكراكي يا أمي
هنا ببكاء: حلوة اوي منك يا ضنايا
روفيدة وهي تمسح دموعها : خلاص بقي احنا هنقلبها نكد
هناء بضحك : لا مش هنقلبها نكد
روفيدة : طب يلا
لتنزل روفيدة الي مكتب قاسم
روفيدة بحزن وهي تنظر إليه : انا جهزت خلاص
قاسم : جهزتي ليه انتي هتعيش هنا
روفيدة : وانت هتعيش فين
قاسم : هعيش معاكي
روفيدة : ازاي
قاسم : تقبلي تتجوزيني يا روفيدة
روفيدة باستغراب: أتجوزك ما انت جوزي
قاسم : أنا قررت اتجوزك تاني ونعمل عمره نبدأ بيها حياتنا الجاية
روفيدة بفرحة : بجد يا قاسم
قاسم : أيوة بجد انا عمري ما هفرط فيكي انا عاوز اعترفلك باعتراف انا من اول ما شوفتك وانا قلبي دقلك بس كنت بكذب نفسي علشان مش عاوز اغلط تاني بس انتي جذبتيني ليكي يوم ورا التاني علشان كده كنت بزعقلك بس علشان ارضي عقلي لكن قلبي كان بيقول عكس كده تماما علشان كده انا عاوز أقولك اني بحبك لا بعشقك تقبلي صدقيني لو رفضتي مش هزعل
روفيدة بابتسامة جميلة: وانا موافقة يا قاسم موافقة أبدأ حياة جديدة معاك
ليحتضنها قاسم بشدة
ومن هنا عزيزي القارئ تحول سجن روفيدة الي ملجأها الدافئ
بعد مرور خمس سنوات
مالك : مامي يلا هتاخر ع الحضانه
روفيدة وهي تأتي له مسرعة : يلا يا حبيب ماما الساندوتشات جاهزة اهي خد بالك من نفسك واوعي تدي لحد ساندوتشاتك
قاسم بنعاس : فين الحضن بتاع بابي
مالك وهو يحتضنه: احلي حضن يا بابي
روفيدة بتمثيل الحزن : وانا ماليش حضن انا كمان
قاسم : اهو بدأنا غيره
ليتجه إليها مالك ويحضنها
لتودعه روفيدة وقاسم
ويقفان لينظرا إليه من النافذة
قاسم وهو ينظر إلي روفيدة : انتي نوري اللي نور دنيتي يا روفيدة
روفيدة : وانت ابويا واخويا وسندي يا قاسم واخلي حاجة حصلت لي في حياتي ♥️
كنت قاسي إلي أن وجدت دربي بين أحضانك
تمت .....
تعليقات
إرسال تعليق