 |
💥البارت الخامس عشر 💥
بقلم ✍️سلطان زماني
الصبح وانا في الشغل اخويا كلمني سلم عليا
وقالي اني فرح ابن عمي يوم الخميس
قولتله أنا محدش كلمني ولا عزمني اصلا قالي هو انت
مستهون بالي عملته ده ابوك من سعتها وهو زعلان وكل يوم
بعد ما يقفل يروح يعدي علي عيالك هو وامك والعيال
نفسيتهم زاي الزفت وانت ولا علي بالك ولا اكنك مخلف
اصلا ازاي يامحمود مش بتسال علي عيالك وبتشوفهم
قولتله عندي ظروف أنا بطمن عليهم في التليفون قالي لا
لازم تشوفهم وتقعد معاهم ولا انت طلقتهم هما كمان
المهم متنساش تيجي وبالمره تحاول تراضي ابوك وامك
بكلمتين وتكسب رضاهم قولتله حاضر
يوم الاتنين مريم قالتلي انها هتروح عند أمها
وانا قولتلها لا انتي لسه كنت هناك يوم الجمعة
قعدنا نتخانق وتزعق وترد عليا وتعلي صوتها لدرجة اني
الجيران سمعو وبقيت اتكسف منهم وابص في الأرض قدمهم
حتي صاحب الشقة لما بيجي ياخد الاخر بيبصلي بصه معنها
اني مش راجل ومش عارف أحكم ولا الم مراتي المهم تاني
يوم رجعت من الشغل ورجعت ملقتش مريم في البيت
اتجننت وشكيت فيها واتصلت بيها عماله تكنسل وبعتالي
علي الواتس طلقني أنا مش هعيش مع راجل عنده عقد
وشكاك كده
مش مشكلتي انب كانت مراتك الأولي بتعلب من وراء ضهرك
أو ست مش كويسة صوبعك مش زاي بعضها
قولتلها انتي بتقولي كده علي ام عيالي دي اشرف منك ومن
بلدك ياوسخه قالتلي وحياة امك ل اعرفك ازاي تقولي
عليا انا وسخه وروح ياقلب امك ارجع للي اشرف من بلدي دي
محستش بنفسي وفضلت اشتم فيها زاي المجنون وبقول اي
كلام اتريها فتحه الاسبيكر بتاع الموبيل بتعها وبتسمع أمها
وخالها ومرات خالها
وبتقولهم علشان تصدقو أنه قليل الادب وسافل وأنه اتجنن
خلاص
خالها اخد منها التليفون قالي والله لو مكنتش سمعتك
بوداني مكنتش صدقت بقا انت يامحمود تشتم بنت اختي
بألفاظ دي
قولتله أنا جيلك ياحج وسمعها بتقول ع الله اشوف وشه ولو
جيه ههزقه وابهدله واخلي الي مايشتري يتفرج عليها
عايز اكلم اخواتي والمهم ونروح نطلع ميتين أهلها هما فكرني
ايه مقطوع من شجرة واقول لنفسي وتخليهم يشوفو مراتك
واهلها العره وعمك يعرف وزينب انك اتجوزت وحده صايعه
ويفرحو فيا نزلت وانا رايح وخايف ليعملو فيا حاجه وقلقان
ووصلت اول ما شفتني فضلت تشتم وتزعق وخالها ومرات
خالها زعقولها ودخلت جوه وقالولي مكنش ينفع تيجي
قولتلهم أنا عايز اقعد معها شوية ممكن ودخلت اوضتها
قولتلها انتي بتعملي فيا كده ليه
مريم ..أنا معملتش ولا حاجه لسه ومتستفزنيش علشان هعمل بجد
_ كل ده ولسه معملتيش راح فين حبك وكلامك الي قبل الجواز
مريم ..كنت هبله ومكنتش اعرف اني البيه مريض وعنده
نقص بيعوضه فيا
_ أنا مريض يامريم وعندي نقص كمان الله يسمحك أنا عمري
ما اتخانقت أنا وزينب ولا الناس سمعت صوتنا ولا حسستني
اني مش راجل ومليش كلمة ذيك
مريم ..ارجعلها أنا واطية وشمال وبنت ستين كلب مالك
ومالي ياعم الشيخ
_ يامريم أنا بحبك افهمي حرام عليكي الي بتعمليه فيا ده
مريم ..حب ايه الله يلعن الحب علي الساعة الي حبيتك فيها
روح اتعالج يامحمود
_ انتي بتحكي بجد يامريم انتي شيفاني مجنون
مريم قربت مني ونزلت علي ركبتها وانا قاعد ومسكت ايدي
وقالتلي ياحبيبي انت اكيد مش شايف تصرفاتك ولا حاسس
انت بتقول وبتعمل ايه فيا انا شكه اني زينب الكلبة دي
عملالك عمل انت مش طبيعي يامحمود
_ مسكت ايديها وبكيت وقولتلها حقك عليا انا اسف بالله
عليكي متبعديش عني أنا مليش غيرك أنا هروح لشيخ
واسأله بس خليكي جنبي متسبنيش
قالتلي حاضر بس سبني اسبوع اهدا علشان اعصابي تعبانه
شوية ولو رجعت وانا كده هنتخانق تاني
قولتلها لا اسبوع كتير ده انا مستحملتش انك تروحي ل امك
يوم هستحمل اسبوع قالتلي خلاص ياحبيبي روح خد دش
ونام وانا يوم الجمعه ابقي اجيلك أو تعالي خدني
يتبع
تعليقات
إرسال تعليق