مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#الرابع

صحيت ع صوت ضجه برا قومت خرجت لقيت مرات عمي " ام اسلام " قاعده مع ماما ف الصالون سمعتها وهي بتقول.....

_ اسلام ي ام إسراء إلا يتجوز... مصمم انو يتجوز ف ااقرب وقت وقال اي شوفيلي عرووسه ع ذوقك 

= الواد كبر بقاا وعاوز يفرح وكويس انو جه وقالك بدل ما كان يروح يحب زيي شباب اليومين دول 

_ والله منا عارفه اجبله مين بقول البت سها بنت اختي بس دي لسه ف ثانويه وصغيره 

= طب ما تشوفي هند بنت اخوكي خالد زيي الورد وبتحبه م زمان وانتي عارفه. 

بصو انا مش هقدر اوصف حالتي كانت عامله ازاي اصلا  ..  انا تقريبا كنت ف صدمه يعني اي اسلام يخطب لا ثواني دول قالو يتجوز هاا فهموني يعني ايي 

دخلت من غير كلام رنيت عليه واستنيت رده مستنتش كتيير لانه جالي رده بعد ثواني وصوته كان غريب شويه 

_ الو 

= اسلام 

_ خير ف حاجه 

 

بتردد رديت وقولتله وانا لسه مش مستوعبه الل سمعته 

= اسلام الكلام الل انا سمعته حقيقي

حسيته ف صوته استغراب لما رد وقالي 

_ كلام اي 

= مامتك بتقول انك هتخطب 

سكت وسمعت صوت انفاسه بس... لحد ما رد وقال 

_ ودا يهمك 

= عادي بسأل 

_ اممم هخطب وقولت لماما تشوفلي عروسه كويسه بنت ناس ومحترمه 

عيوني دمعت هو انا ع طول كدا دمعتي قريبه اصلا

سكت مقدرتش ارد ولا اعمل حاجه هو م حقه وانا مالي اصلا هيتجوز ولا لا تقريبا صوت عياطي طلع بس صوت بسيط

لقيته سألني ببرود 

_ اي يبنت عمي انتي بتعيطي 

وكأن بروده استفزني رديت وانا برفع راسي لفوق وكأنه شايفني 

= وانا اعيط لي انا بس لما سمعت مصدقتش 

بسخريه رد وقالي

_ ومصدقتيش لي ان شاء الله فكرااني هفضل بقيت حياتي من غير بنت تبقي ع ذمتي واعمل عيله صغيره 

لي يبناات قلبي وجعني لما قال كدا لي لما اتخيلت هند بنت خاله معاه ف الكوشه قلبي وجعني لييي 

رديت بنفس سخريته وكأني بوريه انو مش فارق معايا مع انه العكس وقلبي بيتقطع م جوه مليون حته بسبب بعده 

= لا طبعا الف مبرووك انا استغربت لانك دايما بتقوول ان حياتك للشغل وبس ووقت ما تتجوز انت الل هتختار البنت الل يختارها قلبك 

سكت شويه ورد عليا بنبره حسيت فيها خذلان

_مش يمكن عشان البنت الل قلبي اختارها خذلتني 

مش عارفه لي حسييت انو يقصدني انا ف مشيت معاه ع الخط وقولتله بصووت حنين ورقيق

= بس هي ندمت واعتذرت 

خفت ميردش او يرد عليا رد مش كويس بس اتفاجأت من انه رد وقالي 

_ ويفيد ب ايه الندم بعد ما قلبي قفل خلاص 

= يعنيي خلاص ي اسلام 

_ خلاص ي اسراء 

= هتتجوز ي اسلام 

_ هتجوز ي اسراء 

= مش هتطفل عليا تاني ي اسلام 

_ الل هتجوزها هتغيير عليا اكيد ي اسراء ف مش هينفع

= بطلت تحبني ي اسلام 

سكت شويه وكأنه بيستوعب الل بيحصل بس رد وقالي كلام وجع قلبي 

_ ازاي ي إسراء ابطل احبك؟! تيجي ازاي دي انتي اختي وبنت عمي واكيد ليكي معزه ف قلبي 

رديت بتردد وقولتله 

= اختك 

_ بالظبط 

= الف مبرووك تاني وتتهني بهند ان شاء الله 

رد وقالي ببرود 

_ هند مين 

= عروستك ي اسلام.

قفلت قبل ما يحرق دمي بكلامه الل زيي السم فضلت اعيط مكاني لحد ما لقيت خبط ع الباب قومت مسحت دموعي وفتحت وانا مبتسمه لماما عشان متحسش بوجعي 

_صباح الخير يماما 

=صباح الخير يحبيبتي.. مش هتروحي كليتك انهارده 

_ لا يماما معنديش محاضرات  ..  انا رايحه بيت جدو 

= في حاجه ي اسراء 

بوست راسها وانا ببتسم. 

_ لا يحبيبتي انا هروح اقعد مع جدو شويه 

دخلت فعلا غيرت ونزلت اخدت تاكسي وروحت لبيت جدو اول مادخلت كان جدو واحشني اويي ضميته جامد وبدأت اني اعيط بطفوله مهو الل  مربيني مقدرش ابقي ف حضنه ومعيطش دا بابا قبل ما يكون جدي 

طلعني م حضنه براحه وقالي بحنيه

_مالك ينن عيني 

بدمووع وطفوله قولتله 

= انا عاوزه اسلام 

بإستغراب رد وقالي 

_ عايزه اسلام ازاي 

رفعت عيني وبكل ثقه قولتله 

= عايزه اتجوز اسلام  و ......

#جعلتني_متيماً

#بقلمي_مريم_أبوشامه

طيب دلوقتي يبناات هاخد م وقتكو دقيقه وهتكلم ف ٣ حاجات. 

اولا:  انا لا بغير احداث عشان شوفت كومناتكو وتوقعاتكو انا اصلا بكتب البارت وانزله ف وقتها والل بتتوقعوه بيحصل فعلا لما قولتو اسلام هيخطب وفعلا دا حصل مفيش بقاا بنت تدخلي وتقول انتي بتغيري الاحداث عشان تقولي ان دماغك اورجانيك وكلام م دا بلاش كلام يحرق الدم. 

ثانيا:  البنات الل بكون لسه منزلا البارت م دقيقه والاقيها تقولي فين الل بعده ااقولها لسه بكرا يقمري تتنرفز عليا  ..  والله انا مش ملزومه انزل كل يوم بارت انا بشوف كتااب بينزلو بمزاجهم مش بمعاد انا بنزل كل يوم بارت ومتأخرتش بس شكلي غلطت اما فعلا عملت كدا لازم احط يومين ف الاسبوع انزل فيهم وبس. 

ثالثا بقاا:  شكرااااا اويييي لكل بنوته بتقول ف حقي كلمه حلوه حتي لو بتكتب كومنت بتسيب فيه ورده دا حقيقي بيأثر فيا بحس بتشجيع ليا فبقدر اني اعمل بارت يعجبكو  ..  وعايزه ااقولكو حاجه كمان زيي ما قولتلكو رواياتي هتتطبع ودا بفضل الله ثم بفضلكو طبعا 

نفذت كل الشروط مفيش غير اخر شرط الل هو 5000 لايك ع البيدج فلو سمحتو ساعدوني ساعدوني فعلا لاني محتاجه مساعدتكم ودعمكم ل

بحبكم جدااا

الخامس

رفعت راسي وبكل ثقه اتكلمت وقولتله 

_ جدي انا عاوزه اتجوز اسلام

الجو كان هادي وسكووت مفيش كلام جدي مش بيتكلم حسيت اني غلطت لما قولت كدا 

فضلنا ع الحال دا شويه لحد ما لقيت اسلام بيتكلم م ورايا وبيقول 

= اي دا انتو عاملين اجتماع م غيري لا كدا ازعل. 

بلعت ريقي بسرعه وانا ف مخيلتي الف سيناريو ممكن يكون سمعني طيب اي موقفه حسيت اني مش عارفه اجمع افكاري ف بصيت لجدي بحيث اني اشوف ردة فعله 

جه اسلام وسلم علي جدي وبصلي وقال 

_ عامله اي يبنت عمي

بهدوء رديت عليه وانا لسه باصه لجدي 

= الحمد لله 

اتكلم اسلام كلام جرح قلبي لا دا قسمه نصين وقال...

_ جدي انا هخطب هند بنت خالي وجيت اعرفك عشان تيجي بقاا معانا بالليل 

انا بصيت بذهول ليه وسكت اصلا مش عارفه اتكلم ااقول اي.... ودلوقتي موقفي مع جدي بقاا محرج اويي اساسا امتي شوفتو البنت بتروح تتقدم للواد او تقول انا عاوزه اتجوزه " جوزهولي "

لقيتني غصب عني بتكلم واقول 

= وانا 

بصلي ساعتها اسلام بصه غريبه وقالي 

_ انتي ايي 

الدموع كانت خلاص هتنزل وانا مش قادره اتكلم صوتي بدأ يضعف وانا بقوله 

= انا مش بحب هند دي 

بسخريه رد وقالي 

_ انتي الل هتتجوزيها ولا انا 

لسه هتكلم لقيت جدي قال 

= الف مبرووك ي حبيبي ربنا يتمملك ع خير 

وقتها خلاص دموعي نزلت بقاا ينفع الل جدي عمله دا 

لقيت نفسي سيبتهم ومشيت وانا اصلا مش مستحمله ااقف تاني 

هو كل دا ليي يعني انا مغلطتش عشان كل دا يحصلي 

كل الل عملته اني وثقت ف واحد مايستاهلش زيي احمد غصب عني حبيته بس انا دلوقتي... دلوقتي حبيت اسلام ومش عايزه غيره 

كنت سرحانه وانا ماشيه ف الطريق مش عارفه اروح فين اصلا.

وقفت قدام البحر شويه وانا دموعي نازله ف صمت مش عارفه اصرخ ليقولو عليا مجنونه

لقيت اسلام وقف جمبي ومسك ايدي بصيتله وانا اصلا نفسي اضمه واقوله انت بتاعي انا بس.

_ بتعيطي لي 

شديت ايدي منه براحه ومسحت دموعي وبصيت تاني قدامي وقولتله بهدوء 

= يهمك 

اتنهد وقالي 

_ طبعا مش اختي 

= لا انا مش اختك انا ماليش اخوات ي اسلام 

_ لا انتي زيي نور عندي

= يعني اي 

_ يعني اختي 

= بس انا مش عيزاك اخويا ي اسلام 

_ احم بقولك البس البدله الرصاصي ولا السمرا بالليل 

ضحكت بوجع وقولتله 

= السمرا بتبقي احلي 

_ والجزمه ولا كوتش

= كوتش اي ي اسلام انت رايح تخطب البس الجزمه 

ضحك وسكت فضلنا واقفين شويه لحد ما قولتله 

_ اسلام 

= اممم 

_ متخطبهاش ونبي 

= ايون يعني هفضل عانس ولا اي 

بلعت ريقي م الكلمه الجايه الل هقولهالو 

_ طيب اتحوزني انا  .. اسلام انا مش بحب هند 

لقيته بصلي وسكت متكلمش

انا نوو كرامه والله اي الل بعمله دا  ... 

_ اسلام 

= نعم ي اسراء 

حسيت بصوته انو مل مني وزهق فالوقت دا كرامتي هبت وقولتله 

_ انت مغرور ع اي يعني انا كنت هتجوزك شفقه اصلا 

= انتي الل طلبتي تتجوزيني اصلا مفيش بنت بتعمل كدا ف من حقي اتغر 

بصدمه بصتله وقولتله 

_ انت بتعايرني ي اسلام  

بسخريه رد وقالي 

=مهو صرااحه مفيش بنت تبقي واقعه اوي كدا لدرجة انها تتطلب العريس 

حسيت بنغزه ف قلبي وهو بيكلمني بكل سخريه وبرود ف رديت وانا بمسح دموعي وبقوله.

_ احنا لسه فيها عادي 

= يعني ايي 

_ يعني زيي ما بتقول انا معنديش كرامه وانا الل طلبتك للجواز ف هرد الشويه الل باقيلني م كرامتي وافركش الجوازه الل مش منها منفعه دي اصلا 

رد ساعتها رد صدمني وقالي 

=ليي لسه بتحبيه وبتقابليه. 

رديت عشان الم الشويه الل بقاين م كرامتي وقولتله 

_ لسه بحبه اه لكن بقابله دي انت حرمتني منه لما حبسته 

بصلي وفضل ساكت وبعدها بشويه ابتسم وقالي 

= وانا مقدرش احرمك م حاجه انتي بتحبيها زيي ما انا اتحرمت م اكتر حاجه بحبها.

_ يعني ايي مش فاهمه 

= يعني احمد خرجته م الحبس وهو جاهز انو يجي يتقدملك والخطوبه تبقي مع خطوبتي انا وهند....

جعلتني_متيماً

بقلمي_مريم_أبوشامه💙

بصو يحلوين بقاا من قبل ما نبدأ البارت وانا بقوول اسلام ليا اشطاا اسلام ليااااا وقرة عيني.

السادس_والاخير.

_ يعني اي مش فاهمه 

= يعني انا خرجت احمد م الحبس وهو جاهز يتقدملك وتعملو خطوبتكم مع خطوبتي انا وهند 

بصتله وانا ف قمة ذهولي هو بيعمل اي  ... اي الل بيحاول يوصلهولي فهموني هو عايز يكسرني طب هو مش بيحبني معقول انا فعلا زيي نور بالنسبه له 

لما طال سكوتي خرجني م تفكيري وقالي 

= هااا اي ردك موافقه اكيد دا احمد 

_ انت بتهزر ي اسلام.

قولتها وانا مش مستوعبه البرود الل هو فيه

= وههزر لي دا احمد الل بتحبيه وهو عرف غلطه 

قاطعته وانا بقوله 

_ بين يوم وليله عرف غلطه 

= منتي متعرفيش احنا بنعمل فيهم ايي.... احنا بنسلخهم يماما 

تلقائي حطيت ايدي ع بؤقي وشهقت مهو بيقول بنسلخهم 

.

رد بسخريه وقال 

= متخافيش عليه اويي كدا هو كويس 

_ اسلام نتكلم جد بقاا 

= لي هو احنا بنهزر 

_ اسلام انت بجد عايزني اتجوز احمد 

سكت شويه ولقيته رفع وشه بعدها وبص ف عيوني وقال بحنيه 

= لو عليا انا امووت نفسي ولا دا يحصل بس انا سعادتي م سعادتك وطالما شايف انك بتحبيه وهتبقي مبسوطه معاه ف ميمنعش اني ادوس ع قلبي عشان خاطر ضحكه منك عشان خاطر عيونك الل بتلمع وقت ما تفرحي عشان خاطر نظرة الحب الل بتديها لاحمد اول ما تشوفيه لو حياتي مقابل ضحكه منك انا مش هتردد لحظه♥.

وقتها انا مكنتش عارفه ااقول اي عيوني بتدمع وبس طب ارد واقوله اي ااقوله ان احمد كان شئ عابر ف حياتي وانا مش عايزه غيرك انا عايزه اسلام مش عايزه احمد ولا غيره اني غلطت مره وندمت وقت ما كنت ببعدك عني. 

قولتله وانا ببص ف عيونه. 

_ يعني انت هتبقي مبسوط كدا 

= منا قولتلك سعادتي م سعادتك ي اسراء 

مسحت دموعي وابتسمتله طالما انت عايز كدا خلاص ماشي ي اسلام. 

_ تمام ي اسلام خليه يجيي لبابا 

ضحك بس حسيت بوجع ف ضحكته ضحكه ما وصلتش لعيونه ضحكه مش م القلب. 

وصلني بيتي وانا نزلته دخلت ع طول من غير ما ابصله دخلت اترميت ع سريري وفضلت اعيط لحد ما نمت مكاني.

لقيت ماما بتخبط وتقول اني البس لبس كويس وبابا طالبني براا 

تقريبا كنت عارفه بس استغربت انو جه بالسرعه دي 

اتوضيت وصليت العشا ولبست وخرجت براا 

لقيت احمد فعلا قاعد مع بابا بس اي دا اسلام كمان قاعد.

بابا قام وقعدني جمبه وهو بيبصلي يطمني بعيونه قعدت وهو همسلي انو هيقوم واسلام قاعد معايا ف الاول اترددت بس لقيت بابا بيقولي اني م اخافش اسلام معايا وهو برا 

انا اصلا استغربت هو بابا عارف ولا اي 

خلاص بابا خرج وناا فضلت قاعده بفرك ف ايدي بتوتر لقيت احمد بيتكلم 

_ اسراء 

قاطعه اسلام وهو بيقول بصوت خشن 

= اسمها انسه اسراء 

احمد اتنحنح وقال 

_ احم انسه اسراء انا بجد اسف جدا ع الل حصل انا بس اتلميت ع اصحاب سوء والشيطان وزني بس بجد اسف 

بعدها لقيت صوته بدا يلين وقال وهو بيقدم مني 

_ اسراء لو سمحتي اديني فرصه تانيه و.....

وقتها اسلام قام وقف ومسكه م قفاه وبصله بصه خلتني هعملها ع نفسي قرب منه وهمس بحيث اني ما اسمعش 

بعدها لقيت احمد بيبصلي وكأنه اخر مره هيشوفني وفجأة لقيت اسلام قاعد قدامي ع ركبه ف وضعيه رومانسيه جدا وبيقول 

_ بصي بقاا انا مش هفضل قاعد كتير ركبي هتوجعني ف بسرعه قولي موافقه عشان انا ماليش ف جو بحبك ي بت واحضني ي وااد هاا قولتي اي 

انا اصلا كنت ف عالم تاني يلللهوي بقاا اسلام بيتقدملي انا ومش هيتقدم لل ما تتسمي هند يااربي ع الجمال 

لقيته بينفخ تاني وبيقولي 

_ يبنتي بالله مش وقت صدمتك ركبي جالها خشونه والله ارجع ف كلامي 

لقيت بابا بيضحك م ورايا وبيقوله 

= انا بقول تشوف هند يبني 

وقتها صرخت وقولت 

_ لااااا والله موافقه بس ع ايي 

ضحك اسلام ولبسني خاتم وباس ايدي براحه وقالي 

= مش مهم تعرفي هاا نجيب المأذون 

_ وهند 

= منا عايز اسراء 

_ بس اسراء انت زعلتها 

= منا هصالحها بعد كتب الكتاب  .. ها نجيب المأذون بقاا 

ضحكت وقولتله 

_ نجيب الماذون وماله 

عدي يومين ع الكلام دا كنا الصبح لقيت الباب بيخبط جامد اويي لدرجه ان بابا وماما جريو ع براا بسرعه 

اتصدمت لما لقيت اسلام واقف ومعاه المأذون فعلا 

بابا قاله وهو مستغرب 

_ ف اي ي اسلام 

قال وهو بينهج 

= معلش يعمي بقالي يومين ف مهمه ولسه جااي حالا بالا يلا نكتب بقاا

لسه بابا هيتكلم لقيت اسلام زقنا واخد الماذون ف ايده وقعده ع الكنبه وقاله 

_ اكتب يعم الشيخ ابويا وامي والباقي جااين والله يلا بقاا احسن خلااااص

كان هاين عليا اضحك بس صعب عليا والله لسه جايي م مهمه ومنامش وعيونه اصلا محمره وباين عليه التعب والارهاق 

بعدها لقيت فعلا كله دخل وهما النوم ف عنيهم لسه 

ضحكت ع شكلهم وع اسلام شكله جابهم م السرير.

دقيقه وكنا فعلا كتبنا الكتاب 

لقيت اسلام بيصرخ وبيقول 

_ برااااااااا  .. برااااااا مش عاوز حد هنا

ضحكو كلهم وخرجو وانا خفت وجيت اخرج شدني م ايدي وهو بيقول 

_ ع فين يمرااتي يحلوه 

رديت بتوتر 

= مش انت قولت براا 

متكلمش لكن شدني وضمني لحضنه وهو بيدفن راسه ف رقبتي 

وقتها انا كمان ضميته وانا بشكر ربنا عليه.

فضلنا شويه ساكتين لحد ما اتكلم وهو لسه ضاممني جامد وقال 

_ بحبك ي اسراء ❤

ضحكت فرحه وقولتله بصدق وعيون بتطلع قلوب 

= واسراء بتحبك والله.

" سأبقي علي وعدي سأحبك دائماً "

تمت بحمد الله.

بحبكم جدااا❤