 |
قصه كامله جعلتني متيما
مريم ابو شامه
_ كنتي فين ي لا لما لما قولت ااااه ... كنت فين يعقلي لما لما مشيت وراااه
= بقاا بذمتك دي اغاني تغنيها ... لا وكمان انتي بنت يشيخه تباً لكِ
بصتله بنص عين وناا اصلا قرفانه منه .. مردتش عليه
" دا يبقا اسلام ابن عمي دا متطفل وغلس اصلا مش بحبه بيتحكم فيا بطريقه كخه اوي لا متلبسيش .. لا متعمليش .. لا متخرجيش م البيت متأخر "
انت مالك هااا انت مالك انسان غلس اوي يابوي.
كنا قاعدين كلنا ف بيت العيله عشان فرح بنت عمي الل هي تبقي اخت اسلام. تحضيرات الفرح بقاا وكدا
قومت ومشيت ومردتش عليه .. دخلت اشوف احمد حبيبااااي
_ بتعمل اي
بعد شويه رد وقالي
= مش بعمل .. قاعد
_ انت واحشني اوي ع فكره
= وانتي كمان
اي الردود البارده الل شبه اسلام دي
_ ما تنطق ي احمد
= ااقول اي يعني
_ احمد اما انت مش بتعمل بتتأخر عليا ف الرد لي
= الشبكه ي اسراء .. اي مخك ميروحش لبعيد
_ طيب ي احمد سلام
فضلت مستنيه انو يبعت يقولي اي اتقمصتي او يبعت اي ماسيدج بس مبعتش قومت وانا ف خذلان كبير دلوقتي هو اكيد عارف اني زعلت م معاملته بس بردو محاولش انو يصلح غلطته
خرجت ع صوت ماما وهي بتنادي
_ ايوا يماما ف حاجه
= يلا عشان تلبسي يبنتي ... انتي مش هتجهزي ولا اي
_ حاضر يماما نص ساعه وجايه
لفيت عشان ارجع اوضتي والبس م اكيد العروسه قربت تيجي م الكوافير يعني
لقيت اسلام ف وشي... اعوذ بالله حد يخض حد كدا
لقيته ميل عليا وهمسلي....
_ قسما بالله ي اسراء لو لمحت اي مكياج ع وشك لتكون ليلتك سودا
تلقائي قولتله
= طب زيبدة كاكاو حمرا
ضحك وقالي وهو ماشي
_ ولا شوية مايه حتي
اي الانسان المستفز دا
دخلت اخدت دوش سريع ولبست الفستان الل بردو اسلام مختارهولي مهو حلف اني مش هحضر غير بدا
بس صراحه ذوقه راقي مش ماشي معاه اصلا...
خرجت لما كلهم عمالين يستعجلوني عشان العروسه جت
صراحه انا كنت جميله جدا انا اكرشيت ع نفسي والله
سلمت ع نور الل هي العروسه وقعدت ع تربيزه بعيده عن الكل عشان اعرف اكلم احمد
_ ابو احمد
كل مره يهزقني وناا الل ارجعله انا مني لله والله... نو كرامه
= امممم
_ انت لسه مجتش الفرح لي
= وناا اجي لي
_ اي ي احمد ف اي احنا مش متفقين انك هتيجي ولا اي .. احمد ناا بقالي اسبوعين مشوفتكش
= مش قادر
عيوني اتملت دموع والله وبالله انا معدومة كرامه
لقيت الل بيقعد ع الكرسي جمبي ويقولي
_ مالك
لقيته اسلام فجأة انتبهت انو متشيك ولابس لبس قمررر زيه اي يولاا الحلاوه دي ... الله فوقي لنفسك ياسراء دا اسلام المتطفل الغلس ... متطفل وغلس اي بقاا بقاا بالذمه القمر دا غلس... غضي بصرك يبنتي
= احم مفيش
_ اومال مش واقفه مع البنات لي
= عايزه اقعد لوحدي
_ لي اي الل دايقك
هضربه والله دا رخم اوي اي كمية الاسئله دي. انت مالك يجدع الله
= م قولت مفيش .. انت مالك مهتم اوي كدا لي
ميل عليا وقالي
_ عشان تخصيني يرووحي
بتوتر وانا بفرك ف ايدي رديت وقولته
= ابعد لو سمحت
رد بإبتسامه وقالي
_ بس اي القمرر دا ... الفستان حلو اوي عليكي
= ميرسي... ممكن تبعد بقاا
بصوت ااقرب للهمس رد وقالي
_ حاضر هبعد دلوقتيي ... بس انا مش هستحمل
البعد كتيير.
مشي وناا قلبت فرولايه
اي دا لا فوقي كدا دا اسلام الغلس ... اسكتي انتي غلس اي انا مال قلبي بيدق كدا لي
كانو بدأو يرقصو سلو وناا بحب الحته.دي اوي
قومت وقفت وقربت م الناس عشان اقدر اتفرج
كان بيرقصو ع اغنية اوعديني.
كنت مندمجه جدا مع الاغنيه ونا بتخيل نفسي مكان نور بس احمد معايا فجأة غصب عني جه ف بالي اسلام ف ابتسمت تلقائي
لقيت حد بيتكلم ف ودني وهو بيقول
_ عقبالنا
لفيت بسرعه وناا مخضوضه لقيت اسلام واقف بس دا مركز مع العرسان اي دا ف اي
بصلي وقالي
_ ف حاجه ي اسراء
= هاا لا مفيش
بصلي بصه جابتني الارض م الكسوف والله.
خلص الفرحه وخلصت فرحتي ب الفستان 😂
وصلنا العرسان بيتهم.
وكل واحد روح ع بيته غير بيت العيله....
روحت وغيرت ورقدت ع سريري مسكت فوني فتحته ع امل اني اشوف احمد بعت بس للاسف بردو خذلني
دموعي نزلت ع خدي ف صمت وناا مقهوره منه
لقيت صوت ماسيدج جت مسكت الفون بسرعه وقولت اني مهونتش عليه وبعت
لقيت .....
اكمل ولا.....
#بقلمي_مريم_أبوشامه
#التاني.تفاعل وحش اوقف ولا اي يجدعان
لقيت صوت ماسيدج فتحت بسرعه وانا متأكده اني مهونتش عليه
لقيت رقم غريب فتحت واتصدمت م الصور الل مبعوته عليه
كانت صور ليا انا واحمد هي اه مش اباحيه بس لو اهلي عرفو ااقل حاجه ممكن ااقعد م التعليم
لقيت ماسيدج تاني اتبعت بصيت بسرعه وقرأت لقيته بيقول
_ اي رأيك ي قطه ف الصور
شوفت الرساله ومردتش....انا اصلا لسه ف صدمتي
_ لو الصور دي وصلت لاهلك تعرفي اي ردة فعلهم
بردو شوفت ومردتش
_ مترديش هيجي وقت وتتكلمي بس ساعتها هتكون الصور مع اهلك
رديت عليه وانا دموعي مغرقه وشي
= انت بتعمل كدا لي .. انت مين
_ كل الل طالبه منك ليله
= انت حيوان
_ الله وهو احمد احسن مني ف اي
= انت انسان مهزق ومشمحترم
_ فكري وردي عليا والا زي ما قولت الصور هتكون مع اهلك ... وبردو هاخدك برضاكي او غصب عنك
فضلت اعيط كتييير وفكرت اني ااقول لاحمد يشوف حل ف المشكله دي رغم اني متأكده وعندي احساس انو مش هيفرق معاه بس قلبي غبي
فضلت ابعتله ماسيدج كتيير مردش رنيت عليه كتير وبردو مردش
قعدت بدون حيله وناا بعيط ع نفسي الل ضيعتها وثقة اهلي الل ضيعتها لحد ما لقيت صوت ماسيدج
صرااحه خوفت اصلا اني امسك الفون ليكون م الرقم الل بيهددني
لقيت ماسيدج م اسلام تلقائي حسيت بروحي بترجعلي
فتحت كان باعت كدا بالظبط
_ اي الل مصحيكي لدلوقتي انتي مش عندك كلية الصبح قومي نامي عشان السهر غلط عليكي .. ♥
= مش جايلي نوم
_ السبب
= مفيش
_مالك تعبانه
= لا تمام الحمد لله
_ طب يلا قومي بقاا نامي
= حاضر
_تصبحي ع خير
= وانت بخير
فكرت شويه ااقوله ولا لا .. هو ممكن يتهمني وميصدقنيش... لا اسلام مش ممكن يشك فيا
قومت اتوضيت وصليت فضلت ساجده وانا دموعي نازله ع خدودي
اد اي انا ارتحت لما سجدت لربنا سبحانه وتعالي
قومت وناا حاسه ان في امل قررت اني ااقول لاسلام كل حاجه الصبح ...
قومت اتوضيت وصليت لبست وخرجت ع كليتي دخلت بدور بعيوني ع احمد لقيته واقف مع اصحابه الل بيقف دايما معاهم شاورتله بعيني بس تقريبا عمل انو مش شايفني ولف وشه الناحيه التانيه
زهقت منه هو لي بيعاملني بالشكل دا .. دخلت محاضراتي وخرجت ادور عليه ملقتهوش خصوصا انو محضرش المحاضرات
خرجت قدام الباب لقيت اسلام واقف وساند ع العربيه بصتله بإستغراب وروحت ناحيته كان جمييل اويي وهو واقف بشموخ..... نظرات البنات لي نرفزتني معرفش لي
_ اسلام
= اممم
_ هو اي الل امممم واقف كدا لي وجاي هنا لي
=عشانك
لوهله قلبي دق جامد من كلمته الل قالها بتلقائيه
بصتله وسكت
قالي
_ يلا اركبي عايزك
ركبت معاه وناا بقول والله انا الل عاوزاك بس مش عارفه ابدأ ازاي
لسه هنتحرك لقينا صوت ماسيدج مبعوت م نفس الرقم الل بيهددني
بصيت بتوتر لاسلام وهو بصلي واول ماشافاني متوتره شد الفون م ايدي و.......
#الثالث.
بصيت لاسلام بتوتر وهو بصلي واول ما شافني متوتره شد مني الفون
وقتها انا حسيت برعشة رعب وخفت اوي من ردة فعله بس هو ف الاول وف الاخر هيعرف
بصيت عشان اشوف ردة فعله وانا عيوني مليانه دموع وبتبصله برعب
اول ما رفع عينه كانت حمرا فيها صدمه وخيبة امل حاولت اوضحله واشرحله بس....
كات عكس ما اتوقعت كنت فكراه هيسمعني بس لقيته رفع ايده وضربني قلم ع وشي وقتها من شدة الخبطه انا محستش اي الل حصل عيوني تلقائي احمرت ومنخيري نزفت م الالم وحسيت بدوخه ف دماغي
معقول يضربني حاولت اطلعله مبرر واقول انو معاه حق ف الل عمله انا ف فعلا غلطانه بس انا ندمت وعرفت غلطي
وقتها اتكلم وهو بيشدني م الحجاب لدرجة اني اتخنقت وقالي
_ عارفه ي محترمه لو ابوكي عرف او شم خبر بالكلام دا اي الل هيحصل
اتكلمت وانا بحاول اشد نفسي منه منا هتخنق وهو ماسكني بالشكل دا
بصوت ضعيف قولتله
= سيبني افهمك بالله عليك
فك ايده من علي طرحتي وانا بعيط وصوتي بدأ يعلي هو معاه حق بابا لو عرف ممكم يرووح فيها دي ااقل حاجه .. ضيعت نفسي عشان شخص ما يستاهلش غضبت ربنا عشان شوية حب وقت طيش
بصيت لاسلام لقيته راجع بضهره ورا وهو مغمض عينه
صعب عاليا الحاله الل هو فيها بسببي...
مديت ايدي بالراحه ولسه هنادي عليه لقيته وكأن افعي لدغته بعد عني بسرعه وبصلي نظره اتمنيت لو فعلا كل دا محصلش
كنت ع طول بقول اسلام متطفل لانو بيحافظ عليا دلوقتي بس عرفت انو كان خوف عليا.... حتي كمان فين احمد الل قالي هقف معاكي ع طول مش بعيد يكون هو الل باعت الصور اصلا.
فوقت ع صوته وهو بيقول بكل هدوء وكأن مكنش لسه حرب قايمه ف عيونه م شويه
_ دلوقتي انا هاخد الرقم وبخصوص اني شغال ف المخابرات هقدر اجيب صاحب الرقم وبخصوص الواد الل معاكي ف الصور دا ياريت تبعدي عنه يبنت عمي ولو بتحبيه وبيحبك ...
سكت شويه واتكلم حسيت بنبره ف صوته حزينه لا مش حزينه دي نبرة انكسار
_ ولو بتحبيه وبيحبك خ ليه يتقدم ويدخل البيت م بابه بنات الناس مش لعبه يبنت عمي
وقتها انا الل حسيت بإنكسار لما قالي يبنت عمي ع طول كان بيقولي ي اسراء او ي ايسو اي الل حصل
م فوقتش م دوامة افكاري غير لما لقيت العربيه وقفت قدام بيتي ساعتها جيت انزل وانا ببص بصه اخيره ع اسلام لقيته مسك ايدي .. مش هقدر ااقولكو قلبي دق ازاي .. انا حسيت انو هيخرج من بين ضلوعي
قرب مني ومسك منديل ومسحلي الدم الل ع وشي بسبب الكف الل عطاهولي من شويه
كان قريب مني جدا بس نظراته ثابته.
بعدها قالي
_ انا اسف مش م حقي اني امد ايدي عليكي بس كان وقت صدمتي
جيت ارد قاطعني وقالي
_ دخلي شعرك الل باين دا وانزلي ومتحبيش سيرة لحد وناا زيي ما قولتلك هخلص الموضوع
وقتها قلبي وجعني من معاملته ليا .. هو اه اناا الل كنت عايزه كدا .. بس حقيقي معجبتنيش انا عايزه اسلام المتطفل الغلس تاني
نزلت وانا جايه ادخل م الباب البيت بصيت تاني عليه لقيته بيبصلي وسااكت دخلت البيت كانت ماما قاعده قدام التلفيزيون
سلمت عليها وسألت عن باباه لقيته نايم
دخلت اوضتي وقولت لماما محدش يقلقني عشان هذاكر
غيرت واتوضيت وصليت وبعدين قعدت ع سريري مستنيه مكالمه م اسلام زيي كل يوم بس مفيش
" اسلام كل يوم مكنش بيسبني غير لما يكلمني اكتر من عشر مرات بس دلوقتي مفيش "
الليل جه وانا مستنيه بس لو اشاره واحده نفسي اسمع صووته مش عارفه لي بس نفسي احس بخوفه عليا
لقيت الفون بيرن مسكته بسرعه وانا قلبي بيدق وفعلا صدق احساسي لما لقيته هو ابتسمت ابتسامه واسعه اوييي ورديت بلهفه وقولت
_ اسلام
حسيت بأنفاسه لثواني لكن متكلمش بعدها رد وقالي
= انا متصل عشان اطمنك... الشخص الل كان بيبعت الرسايل هو هو الشخص الل بتحبيه كان بيهددك عشان مل منك كان واخدك تسليه ومفكرك م البنات اياهم واما لاقكي مش بتتعدي حدودك معاه جرب يهددك عشان ياخدك ع شقه بس خلاص اتقبض عليه بمساعده واحد زميلي
كل كلمه كان بيقولها كانت دمعه بتنزل معاها بقاا دا احمد الل حبيته هو دا احمد الل وعدني يحميني كل دا كان كدب
فوقت ع صوته بيقولي
_ دلوقتي تقدري تروحيي كليتك وتفتحي فونك م غير خووف ... تصبحي ع خير.
بلهفه قولت اسمه قبل ما يقفل
_ اسلام
اتنهد ورد عليا وهو بيقول
= اتفضلي
_ انا اسفه
= ع اي
_ ع كل حاجه ... انا كنت غبيه صدقني
= معدش ينفع يبنت عمي... سلام عشان ورايا مهمه
_ اسلام
ولكن صووتي كان راح ع الفاضي وانا بكلم نفسي بعد ما نها المكالمه
تقريبا الغلط كله عندي م الاول اصلا انا الل ضيعت حنية اسلام وخوف اسلام
نمت وانا دموعي نازله ع خدي ف صمت.
صحيت ع صووت ضجه برا قومت خرجت وانا مستغربه اي الصووت دا
خرجت ولقيت مرات عمي قاعده مع ماما ف الصالون بس الل صدمني الل سمعته من مرات عمي
" ام اسلام" وهي بتقول لماما.......
تعليقات
إرسال تعليق