 |
الانتقام
البارت السابع
ايام بصت فالبصمات بذهول و
اللواء: لسه مصممه على اللى ف دماغك
ايام: طبعاً واكتر من الاول على الاقل البصمات مطابقه بنسبة 85% يعني دا دليل ايوا مش كافى بس كدا لسه فى امل وحضرتك بطلب منك تطلع تصريح بالقبض عليه وتعملو تحقيق معاه كمان
اللواء: ايوا هيطلع تصريح بالقبض عليه بتهمة اى ياسيادة العميد
ايام بتحاول تسيطر على غضبها: يافندم بقولك اغتصب ضحى عبدالله أنور وانا مش هسيب حق امى
اللواء:امك!!!
ايام:ايوا يافندم امى
اللواء:ازاى يعنى امك وانتى من بورسعيد ازاى هيكون اغتصبها وهى من بورسعيد
ايام: حضرتك الاسئله دى مش ليا تبقا له هو ارجوك طلع تصريح بالقبض
اللواء:اسف ياسيادة العميد انتى عارفه مين معتز الدمنهوري الاول وحاجه زى كدا برضوا مش دليل انه يتقبض وخصوصاً الحاجات اللى انتى طلبتى بصماتها جبتيها من بيته والقلم من مكتبه عايزه يكون فى اى يعنى ما اكيد دى حاجاته ولازم بصماته موجوده عليها
ايام بتسيطر على نفسها وقامت وقفت:تمام يعني حضرتك شايف ان دا مش دليل صح
اللواء اخد نتيجة البصمات ورماها ف سلة المهملات :ايوا مش دليل وانتى مش قد معتز وركزى ف شغلك احسن وحاولى تثبتنى نفسك
ايام بصتله بتحدى ومشيت خرجت من المكتب وطلعت توقف تاكسى فالوقت دا كان ارسلان ف عربيته ومعاه ادهم ومحمد وعدى من قدام المدريه واول ما شاف ايام وقف العربيه ونزل راح عندها و
ارسلان:بتعملى اى هنا
ايام بغضب:وانت مالك اتفضل شوف انت رايح فين
ارسلان:لا مانا لازم افهم اى حكايتك وكمان بتعملى اى عندنا فالفيلا وإلا قسما بربى اروح ابلغ عنك اللواء فالمخابرات واقوله كل حاجه شوفتها
ايام بغضب:انت بتهددنى
ارسلان:انتى شايفه انه تهديد اعتبرى تهديد ولازم اعرف كل حاجه
ايام بتحدى:وانت مش من حقك تعرف حاجه واعلى مافى خيلك اركبه
وسبت وميشت وقفت تاكسى وطلعت على مكان شغلها وهو مذهول منها ورجع عربيته و
ادهم:فى اى وكانت العميد ايام بتعمل اى هنا
ارسلان مفيش رد
محمد:انت يابنى بنكلمك فى اى
ارسلان بغضب:تعرف تخرس انت وهو
ادهم:طب ماتقول فى اى عايزين نفهم مالك
ارسلان بعصبيه:مش لما افهم انا الاول مش عايزه اسمع صوت بقا لاما تنزلو
ادهم ومحمد سكتو و مستغربين من عصبيته وهو وصل الفيلا وبدأ يدور عليها و
ارسلان:داده ياداده
نجيه:ايوا يابيه
ارسلان:فين السكرتيره الجديده تبع عمى اللى جات امبارح
نجيه:خرجت ولسه مجتش
ارسلان مردش وسابها ومشى قعد ينتظرها فالجنينه
وهى راحت المخابرات وبدات تشوف شغلها بس مش عارفه تشتغل كويس بتفكر هتعمل اى فاللى جاى وازاى هتثبت حادثة الاغتصاب ونسيت شغلها وقعدت تفكر لحد ما
الظابط: سيادة العميد الوقت خلص حضرتك مش ماشيه
ايام:لا همشى ياعم عبدو اتفضل انت
وبعدها قامت ومشيت
أما عند سليم وحبيبه فالاوضه
سليم:هااا ياحبيبه مش هتقولى حاجه
حبيبه بصه فالارض ومبتردش
سليم:اتكلمى ياحبيبه انا سامعك
حبيبه:بص يابابى والله انا معملتش حاجه غلط دى اللى فاتحه شات معاها واحده صحبتى و
سليم بمقاطعه: امال اخوك لما شاف الشات قال واحد من بره مصر ليه
حبيبه:اسمعنى طيب
سليم:سامعك كملى
حبيبه:دى واحده صحبتى سافرت السنه اللى فاتت مع اخوها ف انجلتر والايميل دا بأسم اخوها بس هى بتفتحه عشان نتكلم سوى لاننا صحاب اوى وهى بتعتبرنى اختها لانها وحيده وكدا صدقنى يابابى مش بكذب عليك
سليم ابتسم براحه: امممم طيب ليه مقولتيش كدا لسيف وخلصتو الموضوع بدون خناق وصوت عالى كدا
حبيبه: عشان يابابى هو بيستفزنى كتير وكنت لسه هتكلم راح ماسك شعرى
سليم:ماشى ياستى بس دا تؤامك يعني بتحسو ببعض صح
حبيبه:صح يابابى انا اسفه
سليم وهو ماسك ايدها وخارج:لا اسفه دى تقوليها لسيف ويلا ناكل الكيك بتاع ماما
حبيبه ابتسمت بمرح:يلا يابابى ياعسل انت
مروه بغيظ:مين دا ياختى اللى عسل
حبيبه غمزت لسليم:بابى هو اللى عسل وسكر كمان ياخرااااشى عليك ياسيمو
مروه بغضب:بت احترمى نفسك وامشى يلا من هنا
حبيبه:لا لما ناكل الكيك سوى انا وحبيبي العسل دا
مروه بغيظ بصت لسليم لاقته كاتم الضحك: والله واقف تضحك ياخويا انت كمان
سليم:اعمل اى يعنى بنتك اللى بتعكسنى
مروه:بقا كدا ماشى ياسليم
وسبتهم ومشيت على المطبخ وسليم ضحك بعلو صوته:يخربيتك ياحبيبه اصلحها ازاى دلوقتى
حبيبه:انا مالى يالمبى شوف انت اللى سايب الكل يعاكس فيك
وبصوت عالى قالت:الله اعلم بقا فالشركه بيحصل اى
سليم بصلها بصدمه وهى جريت على اوضته وبتضحك ومروه طلعت من المطبخ بغضب وماسكه سكينه وبتقرب من سليم وسليم بيرجع لورا لحد ماخلاص مفيش غير الحيطه و
مروه وهى بتقرب السكينه:قولى بقا بيحصل اى فالشركه
سليم بيمثل الخوف:طب بس ابعدى شوى السلاح يطول
مروه بتقرب اكتر:رد ياسليم متغيرش الموضوع
سليم وهو محاوطها: والله مفيش حاجه بتحصل دانا جايب سكرتير راجل الصقر يقف على شنبه اعمل اى تانى
مروه وهى رافعه السكينه:امال اى اللى بنتك بتقوله دا
سليم بهمس:وانا مالى روحى اسأليها
مروه بتحاول تبعد:طب اوعى كدا اروح اسألها
سليم:بعد دا كله والرعب دا والسكينه دى وبتقولى اوعى لا يا ماما لازم اخد حقى
مروه بصدمه وتوتر:حقك حقك من اى ابعد كدا
وزقته وجريت عند حبيبه وهو فضل يضحك (😂😂)
وايام جات وهى داخله الفيلا وقفها صوت ارسلان و
ارسلان: انا لازم اتكلم معاكى
ايام:بصفتك اى ان شاء الله
ارسلان:بصفتى عارف حقيقتك وبصفتى قاعده ف بيتى ولازم اعرف انتى هنا بتعملى اى
ايام بصتله وسكتت
ارسلان:ردى بكلمك
ايام:طيب ممكن بعد العشا ونعقد ف مكان هادى عشان احكيلك
ارسلان رفع حاجبه:ممكن
وسابها ومشى وهى طالعه اوضته سمعت صوت حد بيأن من الالم وقفت تشوف الصوت جاى منين لحد ماعرفت انه من اوضة اخوها رعد ايام فتحت الباب لاقته ماسك رأسه بألم ومش شايف قدام قربت منه و
ايام:انت كويس فيك حاجه
رعد بعصبية:ملكيش دعوه اطلعى بره
ايام بغيظ ولسه هتمشى و
رعد بألم:ممكن تنادى داده نجيه
ايام:ليه
رعد بألم وعصبيه:اخليها تجبلى عصير او حاجه عشان الصداع دا
ايام: خلاص انا هنزل اجبلك عصير
رعد:بالبرتقان
ايام بابتسامه:ماشى
(خنقننى ياعم بالبرتقان بتاعك دا مع ان المانجا والجوافه احلى بكتير 😂😂)
نزلت ايام وبدأت تعمل العصير واخدته وطلعت و
ايام:اتفضل
رعد: بالسرعه دى
ايام: امال اى دا مجرد عصير اشرب بقا عشان تهدى
رعد شرب العصير بس الصداع لسه مستمر
ايام:طب مفيش مسكن هنا
رعد بألم:مش عارف هموت من الصداع شوفيلى حل
ايام:طب اهدى هنزل اسأل داده نجيه اكيد هى عندها
نزلت فعلاً وقالت لنجيه و
نجيه:وانتى عايزه مسكن لاى
ايام:اصل رعد عنده صداع جامد وشرب عصير ومفيش فايده برضوا حضرتك عندك ولا لا
نجيه بابتسامة خبث لاحظتها ايام:طب اطلعى انتى ارتاحى وانا هجبله عصير ومسكن
ايام رفعت حاجبها:ماهو شرب العصير هاتى بس المسكن وارتاحى انتى
نجيه بتوتر:طب اصبرى مش عارفه هو فيه ولا لا هدور
ايام:طب بسرعه
نجيه دخلت اوضه وبعدها خرجت و
نجيه: للاسف مفيش عندى روحى هاتى من الصيدلية هى قريبه من هنا
ايام:طيب ماشى
ومشيت ونجيه دخلت المطبخ حضرت عصير ودخلت اوضتها حطت المخدر وطلعت تانى عند رعد و
نجيه:سلامتك ياحبيبى خد اشرب العصير وانت هتهدى
رعد بألم:شربت ياداده ومفيش فايده هى ايام راحت فين دا كله بتجيب مسكن
نجيه قربت منه وادتله العصير
نجيه:بس اشرب العصير بتاعى وانت هترتاح على الاخر وهتشوف
رعد بقلة حيلة بدأ يشرب العصير وفعلا الصداع بدأ يختفى
ايام جابت مسكن وطلعت لاقته شرب العصير ونجيه واقفه تبصله بانتصار و
ايام:جبتلك مسكن يارعد
رعد: خلاص يا ايام شكراً ليكى العصير بتاع داده عمل الازم ههههه
ايام بصت لنجيه:وعصير اى بقا دا اللى خلاه الصداع يروح
نجيه:عصير برتقان
ايام:مانا برضو عملت عصير برتقان ومعملش حاجه للصداع اشمعنى العصير بتاعك بقا
نجيه بتوتر:هاااا مش عارفه بقا هسيبكم وانزل انا
ونزلت نجيه و
ايام:وانا كمان همشى وانت ارتاح
رعد بابتسامة:ماشى
وايام نزلت ورا نجيه على المطبخ ولاقتها بتغسل الكوبايه كويس جدا وبعدها طلعت من المطبخ على أوضتها وايام دخلت المطبخ ومسكت الكوبايه وبدأت تشم فيها بس مفهاش حاجه سابتها وراحت اوضتها وغيرت هدومها وبعد وقت نزلت لاقت الكل قاعد على السفره و
ايام: مساء الخير
معتز: مساء الخير اقعدى كلى
ايام ابتسم وراحت قعدت جنب حبيبه وبصت ل رعد و
ايام:عامل اى دلوقتى يارعد
رعد: كويس الحمدلله
مايا:ليه كان مالك
رعد: مفيش كان شوية صداع بس
مايا :الف سلامه عليك ياحبيبى
رعد: الله يسلمك ياماما
معتز: سلامتك
ارسلان:الف سلامه عليك
حبيبه وسيف:سلامتك الف سلامه
مروه:الف سلامه عليك ياحبيبى
سليم :سلامتك يابنى
رعد:الله يسلمكم كلكم
(كل دا عشان شوية صداع 😂😂)
شاهى: ارسلان عامل اى
ارسلان:كويس
شاهى بغيظ:هو مفيش غير الكلمه دى ترد بيها
ارسلان:امال عايزه ارد ازاى
شاهى:فى حاجه اسمها تمام بخير اى حاجه مش كل حاجه كويس كويس
ارسلان رفع حاجبه ومردش عليها
شاهى:على فكره بكلمك
ارسلان:وانا خلصت كلامى ممكن اكل بقا
حبيبه:ماتسكتى ياشاى انتى خليه ياكل دا عنده شغل صعب
شاهى بعصبية:شاى شاى احترمى نفسك
حبيبه بعصبيه:انا محترمه غصب عنك وبعدين بهزر اى مينفعش اهزر مع بنت عمى
شاهى:لا ياست متهزريش معايا بعد كدا
حبيبه وهى بتاكل:ماشى ياشاى سورى
شاهى قامت بعصبية وسابت الأكل
مروه:ميصحش كدا ياحبيبه قومى اعتذرى منها يلا
حبيبه:يامامى انا بهزر
مروه:وهى مقبلتش الهزار يبقا تعتذرى يلا قومى وهتيها معاكى للاكل اقفى يلا
قامت حبيبه بغيظ وطلعت اوضتها
وهما خلصو اكل و
رعد: داداه هتيلى العصير بتاعى لو سمحتى
نجيه:حاضر
ايام بصتلهم وقامت وأرسلان قام وراها و
ارسلان:منتظرك فوق عشان افهم كل حاجه زى ماتفقنا
ايام هزت رأسها ومشيت
ومعتز وسليم دخلو المكتب
ومايا ومروه قعدو يشاهدو التلفاز
وسيف وحبيبه بيذاكروا
ورعد فالجنينه وشاهى ف اوضتها
نجيه حضرت العصير و
نجيه:العصير يارعد بيه
رعد:مابلاش بيه دى وقوليلى رعد كدا عادى
نجيه:ماشى يارعد اشرب العصير بقا عشان اروح نام
رعد ابتسم وبدأ يشرب العصير وبعد وقت اخدت نجيه الكوبايه وهى داخله ايام خبطت فيها والكوبايه وقعت فالارض و
نجيه بصدمه:ينفع كدا
ايام:سورى مقصدش ياداده
نجيه مشيت تجيب حاجه تلم فيها الازاز وايام اخدت عينه من الازاز وحطتها ف كيس ومشيت على أوضتها واخدت دفتر والدتها وطلعت فوق سطح الفيلا عند ارسلان
ارسلان:كل دا تأخير
ايام ببرود:سورى
ارسلان:اسفك مش مقبول احكيلى يلا بتعملى اى هنا
ايام مدت ايدها بالدفتر:تقدر تقرأ الدفتر دا وهتفهم كل حاجه
وبعد وقت نزل ارسلان الدفتر من ايده بصدمه و
ارسلان:مستحيل ماما
ايام:.....
اتوقعو اللى جاى ياترى اى هيحصل
الانتقام
البارت الثامن
نزل ارسلان بصدمه الدفتر من ايده و
ارسلان: مستحيل ماما ازاى يعنى
ايام:و مستحيل ليه تقدر تسأل والدتك او تسأل سليم بيه
ارسلان:انتى مجنونه ماما وبابا بيحبو بعض من سنين مستحيل يكون حاجه زى كدا حصلت بينهم اكيد انتى غلطانه فالعنوان وحقك مش هنا
ايام:اولا مسمحلكش تتهمنى بالجنون ثانيا انا حقى هنا ومن ابويا معتز الدمنهوري
ارسلان:ابوكى!!
ايام بضحك:انت مقرأتش بتركيز ولا اى ياسيادة العقيد
ارسلان:نهايته انتى عايزة اى
ايام:مش عايزه حاجه غير حق امى وهعرف اجيبه انا بس قولتلك عشان اتفقت انى اقولك لكن مش محتاجه حاجه منك عن اذنك ياسيادة العقيد
واخدت منه الدفتر ونزلت اوضتها وهو وقف مصدوم وتايه ودماغه هيقف من التفكير وبعدين نزل اوضته
وطلع الصباح وايام استيقظت ونزلت لاقت الكل قاعد على السفره و
ايام:صباح الخير
الكل: صباح النور
ايام:بعد اذنك يامستر معتز انا هسافر بورسعيد النهارده عشان بابا تعبان
ارسلان بصلها باستغراب وهى كملت كلامها
ايام:بابا تعبان ومفيش حد معاه وانا هروح و اجى النهارده
معتز:ماشى تحبى تاخدى السواق معاكى
ايام:لالا انا هاخد القطر بيبقا سريع عن اذنكم
وتركتهم ومشيت و
مروه:هى دى من بورسعيد
سليم:ايوا ياحبيبتى
مايا سمعت كلمة حبيبتى وعيونها اتملت بالدموع قد اى مشتاقه تسمع كلمه زى دى بس للاسف هى وافقت من البدايه على كدا
مايا قامت من مكانها:عن اذنكم ياجماعه
معتز ببرود:على فين
مايا بحزن وقد طفح بها الكيل وبصوت عالي:على اوضتى هروح فين يعني انت شايفنى بخرج مانت حبسنى هنا ومنعنى من الخروج ومن انى اعيش حياتى طبيعى حتى
معتز بغضب من صوتها العالى قام وقف ومسكها من دراعها وشدها وراه وطلعو على جناحهم واول مادخلو معتز رماها كأنها حاجه قذره ميصحش يلمسها
معتز:انتى ازاى تتكلمى كدا تحت انتى اتجننتى
مايا بدموع وصريخ:ايوا اتجننت بسببك وبسبب معملتك اما مش عايزنى ولا متقبلى ليه سبتنى معاك ليه خلفت منى ولاد ليه مسبتنيش اعيش حياتى على مزاجى ليه مش مدينى اى اهتمام ولا اى حب ولا اى حاجه ليه
معتز:اظن اننا متفقين من البدايه وانتى وافقتى وبعدين قولتلك انتى اقل من انى اخسر بسببك فلوس وصفقات
مايا بألم من كلامه: لا والله والصفقات والفلوس دى لسه مستمره لحد دلوقتي طلقنى وسبنى اشوف حد يحبنى ويهتم بيا بدالك انت واحد معندكش ولا مشاعر ولا حب ولا عندك قلب اصلا
معتز اتعصب من كلامها ضربها بالقلم وشدها من شعرها:انتى بقا محتاجه تتعملى الادب من الاول وبدام بتقولى على الفيلا دى كلها حبسه انا هوريكى الحبسه اللى بجد كان ممنوع انك تخرجى من الفيلا دلوقتى ممنوع تخرجى من الاوضه دى
وشدها ورماها ف اوضتهم وقفل عليها و
مايا بصريخ وهى بتخبط على الباب:افتح يامعتز والله ماهسيبك افتح بقولك ولادفعك تمن القلم دا غالى اوى افتح
معتز سابها وخرج بره الفيلا كلها وهى فضلت تخبط على الباب وتصرخ لحد ماتعبت
على السفره
مروه بحزن:ليه بيعاملها كدا ياسليم دى مراته
سليم بألم:مش عارف ياحبيبتى ربنا يهديهم انا همشى عشان اتأخرت
ومشى سليم وقبله كان ارسلان مشى على شغله وبعدها مشى سيف وحبيبه على مدرستهم وتبقت على السفره مروه وشاهى
مروه:امال فين رعد ياشاهى منزلش ليه
شاهى بغضب مكتوم:نايم ياطنط
مروه:طيب ياحبيبتى خلصى اكلك بقا عشان متتأخريش على مدرسته
شاهى:هو حضرتك عايزه الكل يمشى من هنا وتفضلى هنا لوحدك فالفيلا الطويله العريضه دى حتى ماما بقت محبوسه وانتى هتاخدى راحتك وتعملى ست البيت علينا
مروه بصدمه وحزن:انا ياشاهى مانا بطلع اوضتى لاما بدخل المطبخ انا هعمل ست البيت عليكم ليه بتقولى كدا
شاهى: عشان ماما دايما محبوسه ف اوضتها عمرى ماجيت من المدرسه ولاقيتها ف انتظارى ومقبلانى زى مانتى بتعملى مع ولادك
مروه:طب وانا ذنبى اى ف دا كله
شاهى وهى تقوم من مكانها: معرفش
وسبتها ومشيت وفضلت مروه مكانها حزينه ومصدومه من كلام شاهى
وصلت ايام بورسعيد بعد حوالى ساعتين وطلعت من محطة القطر ودخلت البوتيك بتاع نوال لاقت البوتيك متغير جدآ عن الاول وبقى فى عاملات كتير والبوتيك كبير جدا فضلت ماشيه لحد مكتب نوال وخبطت على الباب
نوال من الداخل: ادخل
دخلت ايام
ايام:ازيك يامدام نوال
نوال شافتها وقامت من مكانها وحضنتها:ايام حبيبتى عامله اى وحشتينى اوى
ايام:وانتى وحشتينى اوى ياطنط طمنينى عليكى وعلى اونكل عزت
نوال: والله لسه فاكره تيجى تشوفينى وتشوفى انكل عزت
ايام:مانتى عارفه ياطنط انى اتخرجت وشغلى فالقاهره دلوقتى وبجد يعني من غيرك ومن غير انكل عزت مكنتش وصلت لحلمى دا وفالسن الصغير دا انا مش عارفه اشكرك ازاى على اللى عملتيه معايا ومع مامتى
نوال: متقوليش كدا انا اعتبرت ضحى بنتى وانتى بنت بنتى
ايام: ربنا يخليكي يارب كنت عايزاكى ف خدمه
نوال:اه يابتاعت مصلحتك يعني جايه عشان الخدمه وبس
ايام بسرعه:لا لا خالص ياطنط بس بجد محتاجه مساعدتك او شهادتك عشان حق ماما ماحضرتك عارفه
نوال بحزن:ايوا عارفه اقدر اساعدك فى اى
ايام:اوصفيلى حالة ماما اول مانتى شوفتيها مش هى اول مكان دخلته ف بورسعيد كان هنا
نوال:ايوا ياحبيبتى
وبدأت نوال تحكى كل حاجه عن ضحى لحد ماتجوزت سراج
ايام:طيب حلو اوى انتى دلوقتى قولتى انك ودتيها المستشفى صح
نوال:صح
ايام:والدكتوره قالتلك انها اتعرضت لاغتصاب صح
نوال:صح
ايام:عظيم اوى انا عايزه من حضرتك توصلينى للدكتوره دى
نوال:من عنيا قومى يلا
واخدتها شنطتها وطلعو على المستشفى
أما ف شركة الدمنهوري
دخل معتز والغضب يتطاير من عينيه واول ما السكرتيره شافته
ندى بسرعه:اجبلك القهوه مستر معتز
معتز بغضب:مش عايز زفت والغى كل مواعيد النهارده ومش عايز دبانه تدخل مكتبى سامعه
ندى بخوف:سامعه حضرتك
دخل مكتبه وبعد وقت وصل سليم وطلب يشوف معتز
ندى:ياسليم بيه دا رافض حد يدخله ارجوك متجبليش مشاكل
سليم بهدوء وإصرار: متقلقيش انا هتكلم معاه
وسابها ودخل وهى وراه بتنادى عليه
ندى: ياسليم بيه مينفعش كدا
معتز: خلاص مش دخل غورى بره
ندى بخوف وحزن خرجت وقفلت باب المكتب
معتز:ينفع اللى عملته دا ياسليم
سليم:معملتش حاجه غلط انا طلبت اشوف اخويا
معتز:واما انا رافض انى اشوف حد تحترمى قرارى ولا هى عافيه
سليم:اعتبرها زى ماتعتبرها انا جاى اتكلم معاك كلمتين وبس
معتز:خير اتفضل قول
سليم:ليه بتعامل مايا كدا دى مراتك وهتتسأل عنها
معتز بضحك:هاهاها مراتى ايوا سليم انت متعرفش حاجه يبقا تسكت ماشى
سليم:لا مش ماشى لازم اعرف انت بتعاملها كدا ليه
معتز:انا حر اعمل اللى عايزه
سليم: لا مش حر حر لو انتو ف بيت لوحدكم مش وسط ناس عايشه معاكم فوق يامعتز وعيب اللى بتعمله دا ولادك بقو ف طولك عيب يشوفوك بتعامل امهم كدا مهما كان اللى حصل أدى فرصه تانيه عشان الحياه تمشى عن اذنك
وسابه ومشى وهو كسر اى حاجه تاجى قدامه
وفالقطر قاعده ايام وبتفتكر ازاى وصلت للى هى فيه دا
فلاش باك
دخلت ايام البيت وبتنطط وتصرخ:نجحت ياماما نجحت وجبت مجموع عالى يابشريه
و واقفه ترقص
جات على صوتها ضحى من المطبخ
ضحى:فى اى يا ايام صوتك عالى ليه
ايام وهى ماسكه ايد ضحى وبتلف:نجحت ياماما وجبت مجموع عالى اخير خلصت من تالته اعدادى
ضحى بضحك:هههههه تالته اعدادى ياااااه امال لما تشوفى ثانويه وكليه هتقولى اى
ايام: بمناسبة الثانويه بقا انا مش عايزه ادخل ثانوى عام عايزه ادخل ثانويه حربيه تبع الشرطه يعنى ياماما
ضحى: وانتى مالك ومال الشرطه انتى بنت ياحبيبتى
ايام:ماهو فى بنات بتشتغل فالشرطه ياماما عادى
ضحى:لا يا ايام لا ادخلى ثانوى واطلعى دكتوره دا حلو ليكى
ايام:ارجوكى ياماما دا حلمى ونبى لازم ادخل مدرسه حربيه ياماما اتصرفى
ضحى: قولت لا يعني لا
سابتها ايام ودخلت اوضتها وفضلت تعيط ومنعت الاكل والشرب لمده يومين
وبعد يومين دخلت ضحى اوضتها
ضحى: وبعدين معاكى هتفضلى كدا
ايام:ايوا ياماما هفضل كدا لحد ماموت بدام مش عايزانى احقق حلمي
ضحى:يابنتى الشرطه دى للشباب مش ليكى
ايام:للكل ياماما هما مكتبوش عليها للشباب فقط
ضحى:طيب افرض مجموع عالى وهتدخلى محتاجه حد يدخل محتاجه واسطه يعنى
ايام:انا مجموعى عالى جدا ويدخلنى حربيه وانا مبسوطه كمان والواسطه ارجوكى ياماما اتصرفى عشان خاطرى
ضحى:اتصرف ازاى هو انا اعرف حد هنا
ايام بدموع: عشان خاطرى ياماما
ضحى باستسلام:طيب هفكر واشوف لو اعرف حد يدخلك يلا بقا كلى
ايام بفرحه:حاضر يا احلى ماما فالدنيا
وفى اوضة ضحى وسراج قاعده ضحى مهمومه وحزينه ودخل سراج لاقها على حالتها كدا
سراج: مالك ياحبيبتى زعلانه ليه
ضحى:هعمل اى لازم احكيلك
وحكت ضحى عن رغبة ايام ف دخولها مدرسه حربيه وانها عايزه واسطه
سراج:بس كدا دا اللى مزعلك بسيطه اوى
ضحى بفرحه:بجد ياسراج ازاى
سراج:عزت جوز الست نوال صاحبة البوتيك له معارف كتير ويقدر يدخلها وانا هخدها بكره ونروح عنده واكيد هتدخل متزعليش نفسك انتى ويلا بقا نامى
قامت ضحى:انا مش عارفه اقولك اى ياسراج بجد من غيرك مكنتش عارفه ازاى هربى ايام وتبقا كدا ربنا يخليك لينا ياحبيبى
سراج وهو يضمها اليه:ويخليكى ليا ياست قلبى
وذهبو للنوم
وتانى يوم ذهب سراج وايام عند عزت وفعلا عدت الاجازه وقدمت ايام فالمدرسة الحربيه وقضت سنتين وبعدين دخلت الكليه
باك.
(دا للبنت اللى كانت بتسأل ازاى ايام عندها 20 سنه وعميد)
فاقت ايام من شرودها على وصول القطر فالقاهره ونزلت ركبت تاكسى وطلعت على المدريه ودخلت وطلبت تشوف اللواء وفعلا دخلت للواء
اللواء باستهزاء:خير ياسيادة العميد فى حاجه تانى
ايام ببرود:احنا كنا خلصنا الاولانى
اللواء بنرفزه: برضوا
ايام مدت ايدها بتقرير
ايام:حضرتك اقرأ دا
اللواء اخد التقرير:اى التقرير دا
ايام:دا تقرير من مستشفى بورسعيد اللى المجنى عليها ضحى عبدالله انور اول ماوصلت بورسعيد نقلوها للمستشفى والدكتوره اللى كانت مسئوله عن حالتها اكدت انها اتعرضت لاغتصاب ودا تقرير بكدا
اللواء بنفاذ صبر:تمام
ورفع سماعة التلفون وطلب حضور المستشار عماد وبعد وقت دخل المستشار
المستشار عماد:افندم حضرتك طلبتى
اللواء:اتفضل ياسيادة المستشار دى العميد ايام فالمخابرات وجايه تقدم عن حادثة اغتصاب من 20 سنه و.......
وحكى كل حاجه للمستشار
اللواء:مطلوب منك دلوقتى يأما تثبتى براءة معتز لل
قطع كلامه وقوف ايام بغضب وصوت عالى:براءة اى حضرتك بقولك وقولتلك مليون مره دا مغتصب وانت تقول براءة امال ازاى فى قانون
المستشار عماد:اهدى يا انسه ميصحش كدا
ايام بغضب خبطت على المكتب:اهدى اى وزفت اى اقوله دا مجرم ومغتصب ويقولى براءة
اللواء ببرود ولا كأنه سمع كلامها:لاما ياحضرت المستشار تثبت للانسه براءة معتز ياما تثبت تهمت معتز وانا واثق ف قدراتك
المستشار:تمام يافندم ممكن نتيجة البصمات والتقرير دا وانتى يا انسه تعالى معايا مكتبى
وفعلا اخد البصمات واخد التقرير ومشى هو وايام ودخلو المكتب و
عماد:تقدرى تقوليلى اى اللى انتى عايزاه
ايام:تطلع تصريح بالقبض على معتز
عماد:تمام هطلع تصريح بالقبض عليه وهحقق معاه كمان
ايام بابتسامة إنتصار:...........
اتوقعو اللى جاى وانتظرونى
وعايزه متابعه لصفحتى ممكن 😍❤️
دمتم بخير
تعليقات
إرسال تعليق