 |
الانتقام
البارت التاسع والعاشر جزءين اهو مدلعكم ع الاخر 😂👌
دخل المستشار عماد مكتبه ومعاه ايام
عماد:قوليلى بقا انتى عايزة اى
ايام بثبات وجمود:تطلع تصريح بالقبض على معتز
عماد:هطلع تصريح بالقبض عليه وهحقق معاه كمان
ايام وهى تقف بابتسامة إنتصار:تمام وانا هرجع الفيلا عشان اشوفه بعينى وهو بيتقبض عليه عن اذن حضرتك
عماد:لا استنى عشان تشوفى وانا بأمر بالقبض عليه احسن تفتكرى انى باخدك على قد عقلك ولا حاجه
ايام ببرود:تمام
رفع عماد سماعه التلفون وطلب بحضور العميد محمود وبعد دقائق دخل العميد محمود
محمود:نعم يافندم
عماد:هطلعلك دلوقتى تصريح بالقبض على معتز الدمنهوري وتاخد قوه معاك وتجيبه الليله
محمود بدهشه:معتز الدمنهوري!! اسف يافندم بس بتهمة اى
عماد وهو ينظر لايام:الانسه بتتهمه انه اعتدى على ضحى عبدالله انور
محمود بصدمه:اختى!!!😳
عماد:نعم!! اختك
محمود:ايوا يافندم الاسم اللى قولته دا اسم اختى وانا اسمى محمود عبد الله انور طيب هى المجنى عليها منين يافندم
ردت ايام ببرود: بورسعيد
محمود بهمس: بورسعيد اى خلى اختى تروح هناك دا مفيش حد لينا هناك
ايام بصتله باستهزاء وسخريه
والمستشار كتب تصريح بالقبض على معتز
عماد:اتفضل دا التصريح
محمود اخد التصريح:تمام يافندم عن اذنكم
وغادر محمود ودخل مكتبه وطلب الرائد مهاب والعقيد يسرى و
محمود:جهزو قوه عسكرية عشان هنقبض على شخصية مهمه ومن أغنياء مصر
مهاب:مين يافندم
محمود:معتز الدمنهوري
يسرى بدهشه:بتهمة اى
محمود:اغتصاب ويلا مفيش وقت
يسرى ومهاب: تمام يافندم
وطلعو يجهزو نفسهم للقبض على معتز
وايام مشيت من المدريه كلها ورجعت الفيلا وكانت طالعه اوضتها بس شافت نجيه خارجه من المطبخ ومعاها العصير تبع رعد بس دخلت اوضتها وبعد دقائق خرجت وراحت اوضة رعد كل دا ولم تهتم لعيون ايام اللى بتراقبها زى الصقر
ايام:هى بتعمل اى بالعصير ف اوضتها الاول انا اخدت عينه من الكوبايه لما وقعت منها بس نسيت اخدها المخبر و احلالها
وطلعت اوضتها وغيرت هدومها واخدت شاور اليوم كان مرهق جامد ونامت شوى ونزلت عشان تشاهد مشهد القبض على معتز و
ايام: مساء الخير يامدام مروه
مروه: مساء العسل عليكى ها اطمنتى على باباك
ايام:ايوا يامدام
مروه:وهو عامل اى دلوقتى
ايام:كويس الحمدلله
مروه:طب تعالى نتكلم مع بعض عشان زهقانه اوى وانا لوحدى
ايام اتجهت إليها: معنديش مانع
وفى نفس الوقت خرجت قوه من المدريه فى اتجاهها الى شركة الدمنهوري وبعد وقت وصلت واقتحمت المكان والكل ف حالة رعب وخوف وطلع العميد محمود ومعاه مهاب ويسرى لمكتب معتز واقتحمو المكتب بدون سابق انذار ولكن لم يجدو معتز وفتشو المكتب كله بس ملوش اثر خرجو من المكتب و
محمود:فين معتز
ندى برعب:خ خ خرج حضرتك خل خلص شغل و و ومشى
محمود بحذم:معترفيش راح فين
ندى بخوف:لا لا يافندم
محمود مشى والكل مشى معاه واتجهو للفيلا
كان فالوقت دا وصل معتز وسليم للفيلا وقاعدين على السفره للعشا و
معتز:بابا عامل اى يا ايام
ايام:كويس حضرتك
معتز: يعني بخير دلوقتى
ايام:ايوا يافندم
حبيبه: هو باباكى شغال اى
ايام مكنتش متوقعه السؤال دا بس قالت:بابا متقاعد
حبيبه:اها
سيف:وانتى بقا متخرجه من كلية اى
ايام:تجاره
سيف:امممممم
رعد: ماخلاص بقا انتو هتتعرفو عليها تانى خلاص سبوها تاكل اكيد تعبانه من اليوم صح يا يومه
ايام:صح
ارسلان بصلهم بغيظ ولم بنتبه انه على وشك كسر الطبق وقال :يومه!!
شاهى لاحظته: ارسلان مالك الطبق هيتكسر
ارسلان بعصبيه: ملكيش دعوه
شاهى لسه هترد ولكن دخل محمود والعساكر و
معتز قام بغضب من مكانه وسليم وراه
سليم:فى اى وازاى تدخلو كدا انتو مش عارفين انتو داخلين فيلا مين
محمود: حضرتك عارفين كل حاجه بس دا قانون واحنا مأمورين بضبط وإحضار معتز الدمنهوري
معتز:نعم انت اتجننت ولا اى ومين دا اللى امر بضبطى وإحضارى
محمود: اللواء جمال ف مدرية امن الجيزه
وشاور لمهاب ويسرى يجبو معتز
معتز بغضب:ابعد ايدك انت وهو انتو اتجننتو
وبعدين فين التصريح بالقبض
محمود طلع التصريح:اتفضل وياريت تمشى معانا بدون شوشره
معتز طبق التصريح بين ايديه بغضب: بتهمة اى
محمود:تقدر تعرف هناك ويلا حضرتك مينفعش كدا
معتز:طيب تقدرو تمشو وانا هاجى وراكم بعربيتى
محمود بحذم وإصرار:اسف يافندم انت هتركب معانا البوكس
معتز اخد الجاكت ومشى قدامهم بدون ولا كلمه ولسه العسكرى هيمسكه معتز ضربخ بالبوكس
معتز بغضب اعمى:ابعد ايدك انت اتهبلت عشان تمسكنى كدا
محمود شاور للعساكر محدش يقرب منه وهو مشى عند البوكس وسليم وارسلان ورعد وراه
سليم: متقلقش اكيد فى حاجه غلط وانا هكلم المحامى وجاى وراك
لم يرد عليه معتز وركب فالبوكس والبوكس اتحرك وسليم وارسلان ورعد ركبو عربيتهم ومشيو وراهم وفى العربيه سليم اتصل على المحامى و
سليم:انت فين يا استاذ مسعد
مسعد:........
سليم:طيب معتز فى حاجه غلط واخدوه على المدريه ياريت حضرتك تكون ف انتظاره هناك
مسعد:........
سليم:تمام سلام
اما فالفيلا مروه قاعده مصدومه وشاهى بتبكى وايام واقفه الفرح هيطير من عنيها والانتصار وكذالك نجيه وبعدين ايام انتبهت على نفسها
قرب من شاهى واخدتها ف حضنها
ايام بكذب:اهدى ياشوشو ان شاء الله هيطلع مفيش حاجه وبابى هيجى تانى
شاهى وهى بتبعد عنها:ملكيش دعوه ومتدخليش فاللى ملكش فيه ابعدى عنى
وزهقتها وطلعت اوضتها وايام قامت ببرود وطلعت اوضتها ونامت بسعاده
واشرقت شمس القاهره بنورها الساطع ودخلت اوضة ايام لكى توقظها وبالفعل قامت ايام بنشاط وسعاده واخدت شاور وطلعت لبست لبس رياضى ونزلت وهى لسه على الدرج والصدمه شلت قدمها لم تقدر على النزول
ايام بصدمه: ازاى دا حصل
معتز:ماتنزلى يا ايام عشان تفطرى اى وقفتى مكانك ليه
كادت ان تقع من هول الصدمه ولكنها تماسكت ومسكت ف تربزين السلم لحد مانزلت عند السفره و
ايام ولسه الصدمه مأثره عليها:ص ص صباح الخير
الكل:صباح الفرح
وقامت شاهى من مكانها وقربت من ايام
شاهى بأسف:انا اسفه انى اتعصبت عليكى امبارح بجد كنت زعلانه وخلي
قطع كلامها صوت معتز الجهورى:معتز الدمنهوري ميتخفش عليه ابدا
نظرت له ايام نظره ملهاش معنى نظره انهزام او نظرة خذلان
كملت شاهى كلامها:انا اسفه بجد ممكن نكون صحاب
ايام:ممكن
شاهى مسكت ايدها طب تعالى نفطر سوى بقا
والصمت عم المكان وخلص الفطار وقامت ايام بحذم وقوه وغيرت لبسها لملابس رسميه واتجهت للمدريه وبغضب وبدون إستأذان فتحت مكتب المستشار و
ايام بغضب وصوت هز المكان:ازاى يافندم معتز قاعد ف فيلته بيفطر عااااااايزه افهم اى اللى حصل
عماد بهدوء:ممكن تهدى
ايام:متقوليش اهدى قولى ازاى حصل كدا
عماد بتوضيح وصبر:حاضر بصى ياسيادة العميد انتى زميله لينا فالشغل وفاهمه اكيد طبيعة الشغل كويس صح
ايام بنفاذ صبر:انا عارفه شغلى كويس مش محتاجه حد يعرفهونى
عماد:بس للاسف الانتقام عمى عنيكى ومركزتيش فالادله اللى انتى جيباها
ايام:بمعنى
عماد: يعني القميص والحاجات اللى جبتيها من بيت الصحرا والقلم دى حاجات معتز والبيت اللى جبتى منه القميص وباقى العينات دا بيت معتز يعني دا دليل طبيعى ومفهوش اى شك دا بيت معتز وطبيعى يكون فيه حاجات له والقلم برضوا تبع معتز يعني دا ميعتبرش دليل ودا اللى وضحه الدكتور مسعد المحامى
تانى حاجة التقرير اللى جبتيه التقرير مكتوب فيه ان المريضه متعرضه لاغتصاب بس مش مكتب على يد مين وبذالك خرج معتز حتى بدون كفاله فهمتى بقا ليه طلع تانى
ايام بانهزام: يعني اى مش هعرف اثبت الجريمه مستحيل
عماد:ممكن ميكونش معتز فعلاً ومامتك تقصد حد تانى
ايام بصدمه وهمس: يعني ممكن ميكونش هو ابويا
عماد لم يسمع ما قالته:بتقولى حاجه
ايام وقفت وبجمود:لا عن اذنك
وخرجت من المدريه وراحت شغلها ودخلت مكتبها وبدأت تشوف شغلها بجمود وبعد ساعات دخل عم عبده
عم عبده:العقيد ارسلان طالب يشوف حضرتك
ايام:دخله
وبعد وقت دخل ارسلان و
ارسلان ببرود وشماته:اظن ان معتز كدا مش ابوكى
ايام بصدمه ولم ترد عليه
ارسلان:اتمنى تلمى كل حاجاتك وتمشى من الفيلا بدل ماكشفك
ايام ببرود:هتأكد من حاجه وهمشى كلها يومين اتفضل بقا على مكتبك
ارسلان بصلها بغيظ ومشى
وايام قامت راحت الفيلا وفضلت ف اوضتها ومنزلتش للعشا وبعدين احتاجت ميه نزلت تجبها لقت نجيه شايله فنجان قهوه
ايام بتفكير:لمين دا ياداده
نجيه:لمعتز بيه
ايام وهى بتاخد منها القهوه:طب روحى انتى وانا هودهوله عشان محتاجه فالشغل
نجيه:ماشى
واخدت ايام القهوه ومشيت ونجيه دخلت اوضتها وايام سابت القهوه على السفره وطلعت اوضتها جابت منوم ونزلت حطته فالقهوه ودخلت المكتب
معتز:اى دا انتى اللى جايبه القهوه امال نجيه فين
ايام:كانت تعبانه وانا قولتلها ارتاحى وانا هجيبه ليك
معتز وهو يرتشف من القهوه:ماشى يا يومه تعبناكى معانا
ايام بابتسامة مزيفه: مفيش تعب ولا حاجه عن اذن حضرتك
وذهبت وقفلت باب المكتب ووقفت خلف الباب وبعد حوالى ربع ساعه من وقفها فتحت الباب بهدوء ودخلت رأسها لقت معتز نام على مكتب قفلت الباب تانى وراحت جابت حقنه من علبة الإسعافات الأولية ورجعت تانى واخدت عينة دم من دراع معتز وطلعت تانى بهدوء وراحت اوضتها
ايام:دى عينه منك يامعتز وبكره هعمل تحليل DNE ولو طلع سلبى اوعدك هسيب الفيلا واختفى من هنا
وشالت العينه فالتلاجه وذهبت للنوم
وطلع الصباح واستيقظت ايام بدرى جدا ولبسن واخدت عينة الدم وخرجت بره الفيلا وراحت معمل تحاليل وطلبت تعمل تحليل واخدو منها عينة دم واخدو عينة الدم تبع معتز
ايام:النتيجه هتطلع امتى
الدكتور:بعد يومين
ايام:تمام
وذهبت لشغلها وقضت اليوم عادى ولم تخطلت باى شخص من الفيلا
ومر يومين على هذه الأحداث
وفى مكتب ايام دخل عم عبده
عم عبده:يلا يابنتى الوقت اتأخر وانا لسه هجيب اكل للولاد وخايف ملقيش محلات فاتحه
ايام بانتباه:يااااه هو الوقت اتأخر كدا
عم عبده:ايوا يابنتى قومى الله يكرمك
ايام وهى تغلق الاوراق:حاضر ياعم عبده يلا بينا
وفعلا مشيوا وهى طلعت على معمل التحاليل
الدكتور:اتأخرتى ليه يا انسه منتظره من زمان
ايام:اسفه كان عندى شغل هاا التحاليل جاهزه
الدكتور:جاهزه
ومد ايده بالتحاليل:اتفضلى
اخدت ايام التحاليل: شكراً تصبح على خير وتانى مره اسفه على التاخير
الدكتور:ولا يهمك تصبحى على خير
وغادرت ايام وغادر الدكتور
ووصلت ايام الفيلا وفتحت التحاليل وقرأتها
ايام:تمام كدا
وقامت جابت شنطتها وبدأت تلم هدومها وبعد وقت طلعت من اوضتها ومعاها شنطة هدومها وخرجت بره الفيلا كلها
ايام وهى رافعه ايدها بجانب رأسها كأنها تحية تعظيم: سلام
ومشيت و.......
ونكمل بكره
ياترى اى اللى هحيصل وليه ايام سابت البيت
واتوقعو اللى جاى وانتظرونى
البارت_التاسع
رواية_الانتقام
_
عايزه تفاعل عالى بقا لان بجد تفاعلكم مزعلنى 🙂💔
وعايزه متابعه لصفحتى ممكن 💛💛
دمتم بخير وسعادهالانتقام من الاب
البارت العاشر
مشيت ايام وسابت الفيلا ورجعت شقتها اللى كانت قاعده فيها اول ماجات القاهره ودخلت اوضتها وسابت شنطتها ونامت على السرير بحزن ودموع محبوسه ف عيونها
ايام:انا اسفه يا امى لحد دلوقتي مش عارفه اجيبلك حقك ولا عارفه اركز والادله طلعت على الفاضى بس اكيد هجبلك حقك وعد هجبهولك بس لما ارتاح شوى واعرف افكر اكتر
وبدأت تعيط بحرقه حتى غفت فالنوم
واشرقت شمس القاهره بنورها الساطع لكى توقظ سكانها
استيقظ ارسلان بنشاط مبالغ واخد شاور وخرج لبس لبس رياضى وعلى وجه ابتسامه غريبه وكيف لا يبتسم وهو من شاهدها وهى تغادر الفيلا
نزل الجنينه وبعدها نزل حمام السباحة وبعد ساعتين نادت عليه والدتها لتناول الفطار و اجتمعت العائله لتناول الفطار
معتز:امال فين ايام لسه نايمه
سليم:مش عارف
معتز:نجيه يا نجيه
نجيه:ايوا
معتز:شوفى فين ايام منزلتش على الفطار ليه
نجيه:حاضر
وطلعت نجيه اوضة ايام وبدأت تنادى وتبحث عنها وفتحت الحمام ولكن لم تجدها نزلت تانى
نجيه:مش ف اوضتها
معتز:ازاى يعنى راحت فين
سليم: ممكن تكون سافرت لوالدها ماهى بتقول انه تعبان ومفيش حد معاه
معتز:ممكن
وتناولو الفطار بصمت رهيب
خلص معتز الفطار وطلع الجناح بتاعه وفتح اوضته واول مافتح قامت مايا بتعب من مكانها
مايا:ليه بتعمل معايا كدا انا تعبت كفايه كدا بقا
معتز:لا مش كفايه
مايا:حرام عليك انا مش متعوده على كدا
معتز:امال كنتى متعوده على اى
مايا:على الخروج والسفر والفسح كان كل اسبوع ف مكان مختلف وكل يوم شوبينج جديد انت قضيت على حياتى كلها عايز اى تانى
معتز:نسيتى حاجه مهمه كنتى متعوده عليها برضوا
مايا:اى هى
معتز بغضب مكتوم:العلاقات يامحترمه
مايا:يووووه بقا قولتلك كنت ف امريكا والحاجات دى عادى هناك جدا كأنك بتشرب قهوه مع حد انت ليه مش عايز تفهم كدا
معتز ببرود وهو يرتدى ملابس عمله:ياسلام وعشان انا مش عايز افهم فانتى هتفضلى هنا مفيش خروج
مايا وهى تقترب منه: عشان خاطر ولادنا يامعتز خرجنى وانا مش هتكلم تانى بس هفضل مع مروه ومش هخرج ولا هقول حاجه انا زهقت من هنا
معتز:ماشى
مايا ابتسمت بفرح وراحت الحمام ومعتز خلص لبسه ونزل ونادى على سليم ولسه هيخرجو من باب الفيلا وتدخل سيده ظاهر التعب والمرض الذى اكل ملامح وجهها وبجانبها شاب يبلغ من العمر 19 عام وهى تستند عليه
سليم:مين حضرتك
السيده بدموع وحسره نظرت له ولم ترد
معتز نظر للشاب بجانبها:مين انتو
الشاب:انا معاذ ودى امى
سليم:ايوا يعني برضوا مش فاهمين مين انتو
السيده بألم:انا شهد
نزلت الصدمه على معتز وسليم كالصاعقة ونظرو لها ولوجهها الذى اصبح شاحبا كالاموات ولجسدها الذى تمكن منه المرض
سليم وهو يقترب منها :بجد انتى شهد طب ازاى
معاذ: اى مش مصدق
سليم:مش حكايه مش مصدق لكن هى ازاى بقت كدا انتى مكنتيش كدا اى حصلك
شهد وهى تتذكر مامرت به لوحدها من ألالام ولم تجد مين يقف بجانبها ويدعمها ويواسيها
شهد بدموع:المرض والوح
ووقعت اغمى عليها والتقطتها يد معتز ومعاذ
معاذ:ماما ردى عليا ارجوكى فوقى ماما
شالها معتز وسليم طلب الدكتور ومعاذ ذهب ورا معتز الذى دخل غرفتها ووضعها ف سريرها
معتزه:نجيه انتى يازفت
نجيه بغضب مكتوب:اومرك
معتز:امشى بسرعه نادى على مايا ومروه هانم ييجو جنب شهد
نجيه نظرت لشهد بصدمه وخرجت وبعد دقائق دخلت مروه بحزن ودموع على صديقتها التى اصبحت مكان ضحى
كان دائما الحديث والتواصل بينهم وكانت تعرف كل اخبار شهد وابنها
جلست مروه بجانبها على الفراش واخدتها بين احضانها
مروه:سلامتك ياحبيبتى ان شاء الله هتقومى بالسلامه
معاذ بغضب وخوف على والدته:حد يجيب دكتور بسرعه انتو عايزين تسبوها كدا
سليم:انا طلبت الدكتور وهو على وصول دلوقتى
وبعد وقت وصل الدكتور
وخرج معاذ ومعتز وسليم وتبقت مروه ومايا مع شهد
وبعد حوالى ساعه
خرج الدكتور وقال:لازم تتنقل مستشفى بسرعه
معتز:هى مالها يادكتور
الدكتور بأسف:عندها كانسر والحاله متأخره جدا ولازم تروح مستشفى باسرع وقت
سليم:تمام اطلب عربيه إسعاف يادكتور
وبالفعل تم الاتصال بالاسعاف وبعد وقت وصلت وتم نقل شهد لاكبر مستشفى فالقاهره
وعند ايام استيقظت ورتبت هدومها ف دولابها وحضرت فطار خفيف ليها وبعد وقت خرجت لشغلها ووصلت وكان عندها تدريب راحته وبعد ساعه وصلت مكتبها وبدأت تشوف شغلها بتركيز ونشاط اعلى لحد ماقطع تركيزها دخول عم عبده
عم عبده:العقيد ارسلان عايز يدخل لحضرتك
ايام ببرود:خليه يدخل
وبعد دقائق دخل ارسلان
ارسلان:صباح الخير
ايام ولم تعطيه اى اهتمام:صباح الخير خير اى جايبك اظن مفيش قضايا ولا حاجه نتكلم فيها اى سبب حضورك بقا
ارسلان ببرود:جاى اقولك انك طلعتى قد كلامك وسبتى الفيلا ولا متكونيش خوفتى اكشفك قدام معتز
ايام وقفت وخبطت على المكتب بغضب:احترم نفسك وإلزم حدودك وشوف انت بتقول اى مش العميد ايام سراج الدين اللى تخاف شكلك متعرفنيش لسه
ارسلان ببرود:سراج الدين ولا معتز الدمنهوري اثبتى على واحد
ايام: حاجه متخصكش واتفضل على مكتبك وماحبش اشوف وشك غير ف حاجه تخص الشغل وبس حاجه تانيه ياريت متشرفنيش ف مكتبى اتفضل بره
ارسلان بصلها بغيظ وغضب مكتوم ومشى
وايام قعد مكانها وبعد مابقت هاديه بدأت تشوف شغلها تانى لحد ما وصلها اتصال من اللواء طالب يشوفها
ايام وهى تغادر مكتبها: ربنا يستر
وبعد وقت دخلت مكتب اللواء صبرى
ايام:خير يافندم حضرتك طلبتى
صبرى:اكيد خير اتفضلى لحد ماباقى الفريق تبعك يوصل
قعدت ايام وبعد دقائق دخل ارسلان وادهم ودنيا وقعدو وبدا اللواء يقولهم هو جمعهم ليه
صبرى: طبعاً انتو مستغربين انى خليتكم فريق واحد صح
دنيا:صح يافندم خير
صبرى:شوفو انا عايزكم تتعاونو مع بعض عشان انتو هتمسكو قضيه من اهم القضايا هنا
ايام:المعلومات اى
صبرى:شوفو فى شخصيه هنا ف مصر بتاجر فالبنات والأعضاء والاثار بمعنى تاخد البنات من اهلهم عن طريق الزواج وهو بيبقى زواجى شكلى بس وبيبعو البنات بره الدوله وكذالك الاعضاء وطبعا انتو عارفين الاثار ازاى بتتصدر بره مصر
ارسلان:مين هو يافندم
صبرى:دا واحد مش سهل مش فاكرين بالسهوله هتقدرو تجبوه لان حولنا كتير ولكن كانت بتفشل يعني هو عرف الأشخاص اللى هنا وبتهاجمه وبالتالى قادر انه يهرب ف كل مره وانا كلفتكم انتو بكدا لانكم لسه جداد يعني وجوه جديدة وهو لسه مش عارفكم فهمتونى
ادهم:تمام مين هو بقا
صبرى:بسام القناوى عايزكم تجمعو كل المعلومات وتعرفو وقت ومكان التسليم وتمسكوه دا اللى مطلوب
ايام:تمام يافندم
صبرى:وانتى يا ايام القائد تبع الفريق دا
وشاور بأيده على ارسلان وادهم ودنيا
صبرى:تقدرو تتفضلو وتاخدو وقتكم بدرى
وبالفعل خرجو وراحوا مكتب ايام وبدأو يخططو ويتناقشو فالقضيه وكل واحد مسؤل عن حاجه
أما فالمستشفى عند شهد
يدخل دكتور ظاهر عليه الوقار والزهد وبدأ يكشف على شهد بطريقه علميه محترفه وفالوقت دا فتحت شهد عيونها
شهد بصدمه:مش معقول انت
الدكتور:حضرتك تقصدى مين
شهد بحسره:انت مش فاكرنى
الدكتور:لا بصراحه اول مره اشوفك
شهد وبدأت تنفعل وتتحرك من مكانها
الدكتور:اهدى انتى بتعملى اى
شهد بعصبيه وصريخ:اطلع بره مش عايزه اشوف وشك طلعونى من هنا انا مش عايزه اشوفك
دخل معاذ بخوف وقلق:ماما اهدى ف اى
شهد حضنت ابنها:خليه يطلع بره انا مش عايزه اشوفه خرجنى من هنا يامعاذ خلينا نرجع المانيا احنا كنا مبسوطين هناك خرجنى من هنا
فالوقت دا الدكتور اداها حقنه مهدئه وشهد نامت وخرج الدكتور ومعاذ فضل جنب والدته
و......
ياترى مين الدكتور دا
واى اللى حصل لشهد
اتوقعوا اللى جاى وانتظرونى
البارت_العاشر
الانتقام_
اسماء_زيدان
عايز تفاعل عالى بقا بجد تفاعلكم مش عجبنى
دمتم بخير 💛🥀
تعليقات
إرسال تعليق