ج. 3.....عشق_محرم
وخرج الدكتور وقال أمينه ماتت.
.. ماتت ازاى يا دكتور لأ أمينه عايشه عايشه 😭
.. شدى حيلك يا انسه
أدهم.. لا حول ولا قوة الا بالله والله انا اتفجأت انها أمينه من كتر الدم اللى على وشها معرفتهاش
= وقعدت على الأرض وقالت اقول ايه لطنط اقولها بنتك ماتت فى بيتنا وكمان وقعت من البلكونه وقالت بصوت ضعيف بس هى وقعت ازاى؟!
الام قربت منها ومسكتها من دراعها وقالت اسكتى انتى هتجبلنا مصيبه وقعت زى اى حد بيقع تلاقيها كانت بتبص ووقعت ما هى مش حكايه يعنى والله يرحمها بس المهم لازم نبلغ أهلها
أدهم.. انا كنت قاعد مع اخواتى وفجأه لقيت حد وقع على الأرض واتخضيت وبحسب الهام
الام.. خلاص يا جماعه الله يرحمها
الاب.. هاتى رقم حد من اهلها يا بنتى
الهام.. خود يا بابا ده رقم طنط 😭 يا حبيبتى يا امينه
محمد.. المهم يا بابا ميكونش فى شبهه جنائيه
الاب.. لأ يا محمد هى وقعت من البلكونه وكمان احنا اللى جبناها هنا
محمد.. بس وقعت عندنا
الاب.. انا هتصرف بس مش عاوز حد فيكم يتكلم فاهمه يا الهام
الهام قالت فى سرها مش كفايه المصيبه اللى انا فيها وكمان صاحبت عمرى تموت واتحرم منها دى هى اللى عارفه سرى
=الاب مسك الفون وبلغ مامت امينه والخبر نزل عليها كالصاعقه وانهارت وجت تجرى على المستشفى علشان تودع بنتها الوداع الأخير ودخلت عليها هى والهام وشافوها جثه هامده والام ودعت بنتها والهام ودعت صاحبت عمرها وبعد ما الام خرجت من الاوضه الهام طلبت من الممرضه انها تفضل قاعده جمبها دقايق تقرأ ليها قرأن على روحها وفعلاً قعدت على الكرسى وامينه على السرير جثه هامده وهتدفن الصبح علشان الإجراءات تكون خلصت وطبعا بعد ما أبو الهام ظبط كل حاجه مع الدكتور وان مفيش شبهه جنائيه فى الموضوع
.. وهى قاعده جمبها تقرأ قرأن على الكرسى فضلت تعيط وراحت فى النوم من كتر التعب النفسي وبعد دقايق قامت مفزوعه وقالت أمينه بس لما بصت على السرير شافتها جثه😭 خرجت جرى من ا لاوضه والغريب ان مكانش حد موجود غير أدهم
.. هما فين؟
.. كلهم خرجوا بره وهيمشوا وهيرجعوا الصبح المستشفى علشان الدفن
.. وفين طنط ؟
.. قصدك مامت أمينه دى تعبت واغمى عليها والممرضه معلقه ليها محاليل فى اوضه الطوارئ وكمان عرفت ان باباها مسافر وملهاش حد غير بنتها أمينه وتقريباً بلغت اعمامها وهيكونوا كلهم هنا الصبح علشان الدفن
.. اعمامها دول ملهمش لازمه حتى باباها سيباهم سنين علشان الفلوس وفى الاخر بنته ماتت وهو مش موجود يا حبيبتى يا امينه 😭
أدهم.. يلا يا الهام انا مستنيكى مش انتى قرأتى القرأن على روح صاحبتك يلا علشان نروح وان شاء الله الصبح كلنا هنحضر الدفن
الهام.. انا حاسه انى هموت وتفكيرى هيتشل بعد ما..؟
أدهم.. بعد ما ايه؟
والهام وطت صوتها وقالت عارف انا شوفت حلم لأ ده كابوس
أدهم.. خير قولى؟
الهام.. بعد ما قرأت القرأن نمت على نفسى وحلمت ان حد بيصحينى من النوم وببص لقيتها أمينه وفرحت اوى جيت امسكها بس كانت زى الهوا اقصد خيال يعنى كل لما امسكها بمسك هوا وفجأه قالت بصوت غريب هو اللى قتلنى وزقنى من البلكونه يا الهام قولتلها مين رددت وقالت اللى عمل فيكى!....
أدهم.. عمل ايه؟
الهام.. مفيش
أدهم.. فى حاجه ولا ايه؟
الهام.. انا اتخنقت وعاوزه أمشى مخنوقه
أدهم.. تعالى نتمشى شويه
الهام.. ياريت نتمشى لأنى فعلا مخنوقه مش عاوزه اروح الڤيلا دى
= وخدها وخرجوا وركبوا عرببتها بس هو اللى كان سايق وهى بتفكر وبتقول فى بالها معنى الحلم ان اللى بيعمل فيه كده ده من البيت بس هيكون مين بس وبعدين ولاد عمى كانوا فى الجنينه يبقى مين ومكانش حد عندنا غير ابن خالتى خطيب ساره معقول يكون هو؟!
أدهم.. مالك يا الهام
الهام.. اطلع على الڤيلا وخلاص انا عاوزه انام ويارب ما اقوم واحصلك يا امينه
أدهم.. حرام عليكى ده قضاها وده عمرها
.. وفعلاً خدها وراحوا على الڤيلا وكانت الساعه داخله على 2 بالليل ولما روحوا هى دخلت الڤيلا وهو دخل على اوضته عند اخواته
الام.. شدى حيلك يا الهام
الاب.. البقاء لله يا بنتى
الهام.. انا طالعه انام الكام ساعه دول وياريت حد يصحينى علشان الدفن
الام.. متنميش فى اوضتك
الهام.. عارفه يا ماما علشان صاحبتى اتقتلت فيها
الام قربت منها وقالت مش عاوزه اسمع الكلمه دى تانى اطلعى نامى فى اى اوضه تانيه
الهام.. حاضر يا ماما حاضر يا ست الكل
= وطلعت تنام وهى مخنوفه وراحت اوضه فاضيه جمب اوضتها ولما دخلت الاوضه راحت على السرير ونامت من غير تفكير وراحت فالنوم وفجأه قلقت من النوم وهى مفزوعه وقامت وقالت ايه الصوت ده انا سمعته وهو بيقولى بحبك وبيلمس جسمى وبصت على نفسها لقت نفسها شبه عريانه وبصت فى الاوضه من الخضه لقت هدومها مرميه على الأرض وشافت الشباك وقالت ده كان مقفول علشان التكييف يبقى اللى فتحه هو اللى بيعمل فيه كده وجريت على الشباك وشافت....
يتبع
ج. 4و5....عشق_محرم
. وقامت تجرى على الشباك وتشوف مين اللى عمل فيها كده وبصت من الشباك وشافت واحد بيجرى وجسمه نحيف وقالت مستحيل انا شيفاه جسم عيل ودخلت الاوضه جرى ولابست الروب ونزلت علشان تلحقه وهى نازله من على السلم اتكعبلت ووقعت وقامت فى ثوانى بس رجليها اتجزعت وبرضه حاولت تكمل وخرجت بره الڤيلا بخطوات بطيئه وفضلت تبص وكان مالوش أثر وفضلت ماشيه فى الجنينه ووقفت تحت شباك اوضتها وبصت على الشباك وقالت بس هو طلع ازاى انا هتجنن وفضلت تدور فى الجنينه على اى حاجه يكون طلع عليها بس هى ملقتش اى حاجه وشافت نور اوضه أدهم مفتوح وراحت لحد أوضته ودخلت من غير ما تخبط وكانت مش قادره تتنفس ومخنوقه.
= قام مفزوع من النوم وقال!
.. الهام مالك فيكى؟
.. انا تعبانه اوى وخايفه
= وقام من على السرير وقال تعالى اقعدى الأول ومسك ايدها وكانت هى مخنوقه وتعبانه
.. انا خايفه اوى وحاسه ان جسمى كله تاعبنى
.. الأول انتى نازله الجنينه فى الوقت المتأخر ده ليه دى الساعه 4 وكمان اول مره فى حياتك تتدخلى اوضتى
.. غصب عنى يا أدهم 😭
.. انتى بتعيطى ما تقولى فيكى ايه؟
= وقرب منها وهى منهاره ومش حاسه بيه وخدها فى حضنه وهى مستسلمه وهمس فى ودانها وقال.
.. انتى حلوه اوى وعينك حلوه
.. انا انا!
.. انتى ايه ؟
= وحضنته وهى مش حاسه بنفسها.
.. من زمان وانا بحبك وبعشقك وعمرى ما حلمت بحد غيرك
الهام.. ادهم انت بتعمل ايه
أدهم.. بحبك والله بحبك وبحب كل حاجه فيكى
= وهى فى حضنه ومش حاسه غير بجسمها بيلمس جسمه ومستسلمه
أدهم.. أخيراً انتى فى حضنى وحاسه بيه
= الهام استوعبت انها فى حضن أدهم وقالت فى سرها هو مش قادر يقاوم انوثتى زيه زى اى راجل كلهم شبهه بعض وزى الحيوان اللى بيعمل فيه كده وطمعان فى جسمى
الهام.. اوعى يا أدهم
أدهم..والله بحبك
= قامت وقفت وجايه تمشى رجليها وجعتها وقعدت على السرير تانى
أدهم.. مال رجلك يا حبيبتى ومسك رجليها
الهام.. حبيبتك وقالت فى سرها يا ترى لو قولتلوا على اللى بيحصل معايا هيساعدنى
= ابتدى يقرب منها ويبوس ايدها ويبوس جسمها
.. لا لا يا أدهم اوعى
= وقامت وخرجت من الاوضه وهى بتعرج على رجليها وخرج وراها وحاول يتكلم معاها بس هى رفضت وطلعت اوضتها
= ودخل اوضته وابتدى يفكر فى الهام لما كانت فى حضنه وقال ياه انا كنت حاسس انها ملكى بجد وبتمنى تبقى مراتى انا بجد بحبها وبحب كل حاجه فيها بس يا خساره انا فقير محلتيش غير شغلى عند عمى انا فين وهى فين؟
=الباب بيخبط وقام فتح الباب وكان اخوه وليد
وليد.. فى حاجه ولا ايه يا أدهم
أدهم.. لأ مفيش بس كنت قلقان انت عارف ان كلها شويه وقت علشان اروح مع عمى وولاده جنازه أمينه
وليد.. متآكد ان مفيش حاجه؟!
أدهم.. هيكون فى ايه يعنى!
وليد.. فى انك بعد كده متنمش لوحدك انا هنام معاك
أدهم.. لا لا خليك مع جلال اهو بيستحمل شخيرك
وليد.. انت مش عاوزنى علشان الجو!
أدهم.. جو ايه؟!
وليد.. الهام مش لسه خارجه من عندك ماشيه معاك يا عم
أدهم.. انت مجنون انت شكلك شارب حاجه😁
وليد.. انا شوفتها وهى خارجه من اوضتك ولابسه لبس يعنى ميصحش يتلبس
= أدهم اتجنن من كلامه ومسك فيه وقاله أخرس انت عارف بتتكلم عن مين؟
.. هيكون عن مين يعنى ما هى واحده زى اى واحده
.. بقولك وطى صوتك واخرس
.. اه زى اى واحده جايه اوضه راجل بقميص النوم وجسمها كل عريان وفى انصاص الليالى هتكون بتعمل ايه بتصلى معاه مثلاً
.. والله انت مفيش منك فايده فعلاً دى بنت عمك يعنى عرضك يا جدع
.. بنت عمى ولا بنت الحرامى اللى خد فلوسنا
.. اسكت بقولك اسكت ومسكه وخرجه بره الاوضه وقاله انه لو جاب سيره الهام تانى مش هيحصل كويس
=. وفعلاً وليد راح اوضته وكان مضايق ومسك تليفونه وفتحه وفضل يبص فى التليفون وقال انا هوريك يا أدهم الكلب بقت عرضك دلوقتى علشان مطوعاك الفاجره بنت الفاجر
جلال.. فى ايه يا وليد مالك
وليد.. انا هنام مفيش.
فى الڤيلا..
=الهام دخلت اوضتها ومسكت جسمها وقالت كله طمعان فيه حتى أدهم اللى انا مستعناش ابصله مسك جسمى وحضنى وافتكر انى بحبه وانا فى مصيبه وقعدت على الأرض وفضلت تلطم على وشها وقالت صاحبتى وعشره عمرى ماتت وهتدفن خلاص وانا ضعت ومش عارفه مين اللى بيعمل فيه كده يارب اعمل ايه انا بتخنق يارب وحتى أدهم اللى مستعناش واحد زيه انا اللى منفعوش ده لو عرف انى فرطت فى شرفى ومش بنت هو نفسه اللى مش هيرضه بيه انا تعبت تعبت 😭
=وبعد مرور ساعات والكل صحى وابتدوا يجهزوا علشان يروحوا جنازه أمينه وفعلا الكل جهز واستعدوا وخرجوا بره الڤيلا وأدهم كان واقف واخواته بس المره دى الهام بصت لأدهم وهى مكسوفه ومسكت جسمها وافتكرت وهو بيحضنها وبيبوسها
وأدهم قال فى سره ياه وبص للسماء وقال يارب اجعلها من نصيبى انا مش قادره انسى دفىء حضنها
الاب.. يلا اركبى انتى مع ولاد عمك يا الهام
الهام.. ماما اخواتى فين؟
الام.. نايمين
الهام.. معقول مش هيحضروا جنازه أمينه 😭
الام.. كفايه اخواتك الرجاله
= وفعلا كلهم ركبوا عربيتهم ومشيوا والهام ركبت مع أدهم وجلال ولاد عمها
وليد.. انا هروح معاكم
أدهم..لا اتكل على الله علشان تخلى بالك من الڤيلا
الهام.. اخلص يا أدهم علشان نلحق
وليد.. ماشيه معاك يا عم
الهام.. هو بيقول ايه؟!
أدهم..شكله بيكلم نفسه
= واتحركوا بالعربيه ووصلوا المستشفى وكانت عيله أمينه كلها موجوده وخرجت أمينه كالعروس فى ليله زفافها مقتوله مظلومه وحقها ضايع والقاتل مجهول وخرجت على صرخات امها الموجوعه عليها وكانت صرخات عاليه على بنتها الوحيده ووصلت لمئواها الأخير وعند دفنها الهام انهارت واغم عليها وأدهم شالها وخدها العربيه وابتدى يفوقها وياخدها فى حضنه بكل حب
=والكل خرج من الترب بعد دفن أمينه 😭 وكأنها لم تكن..
.. تليفون عمران رن واول لما رد كان مصدوم لأنه عرف ان فى ارض من الاراضى بتاعته حد من اعدائه فى السوق استولى عليها بوضع يد؟!
. وقال بصوت عالى خد الهام عالبيت يا أدهم انا رايح اشوف ايه الموضوع ده وخد ولاده وجلال والام أصرت تروح معاهم
= أدهم فضل فى العربيه ومعاه الهام واتحرك بيها
وفى الطريق كانت الهام تعبانه ومنهاره على صاحبتها
الهام.. ايه ده انت وقفت ليه؟!
.. مسك ايدها وحضنها وقالها بحبك يا الهام رددت وقالت بتحبنى!
.. ايوه
= وفضل يبوس فى ايدها وجسمها وهى مستسلمه ومستغربه انه بيحبها بجد وحضنته اوى
أدهم.. انا عارف انى مش قد المقام بس نفسى تكونى مراتى
.. انا اكون مراتك يا أدهم
.. نفسى بجد ❤️
= قربت منه وقالت عاوز تتجوزنى بجد
ادهم.. ياريت بس انا عارف ان محدش هيوافق
الهام.. بس انا موافقه نتجوز
أدهم.. بجد يا حبيبتى
الهام.. ايوه بجد
.. تليفون أدهم رن وكان وليد وقاله يفتح الفيس فوراً فى حاجه عاوزه يشوفها ضرورى بس أدهم قفل فى وشه وكان مضايق منه
الهام.. انا موافقه نتجوز وقالت فى سرها انا مش هقول انى مش بنت وغصب عنه هيعيش معايا وتليفون الهام رن وكانت اختها ساره ورددت عليها وكانت منهاره وقالت الحقى يا الهام صورك مغرقه الفيس من كذا اكونت بقميص نوم وخلاص اتفضحنا...
رأيكم يهمنى
20 كومنت للاستمرار في النشر
تعليقات
إرسال تعليق