 |
ضحيه ذئب الفصول من 1الي 5
1
-الو ايوة ياماما انا وقفة ف الموقف بقالى نص ساعه ومحدش جه يخدنى .
-..........
-لأ ياماما لا بابا ولا عصام بيجمعوا يظهر انهم فى مكان مفهوش شبكه ونسيوا ميعاد العربية هتجبنى امته .
-............
-ولا حاجه هوقف تاكسى وهقوله ع العنوان قبل ما اركب عشان لو ميعرفوش ميتوهنيش.
-...........
-اه اه ياماما كتبته في الاجندة بتعتى لما عمتى كانت بتملهوالى عشان اديه ل بابا والحمد لله الأجندة معاية فى الشنطة. -.........
-لا ياماما مينفعش استنا اكتر من كدة انا بقالى وقفه اهه ساعه إلا ربع فى الشارع قدام كشك فى الموقف وبقا شكلى ملفت جدا .
-...........
-لا لا متقلقيش ياماما اول ما هركب التاكسي هرن عليكى وهتبعك بالتليفون لحد موصل بإذن الله.
-..........
-محمد رسول الله مع السلامة.
****************
-انا متشكرة لحضرتك جدا انك خلتنى أقف فى الكشك لحد ما بابا وخطيبى يجوا .
-العفو يا آنسة دا واجب عليه . بس انتى هتمشى ليه وهما لسه مجوش ؟
-ابدا شكلهم كدة نسيوا ميعاد العربية هتوصل أمته فبدل منا وقغه كدة هاخد تاكسي وقولة العنوان ويوصلنى.
-وانتى تعرفى السكك هنا ولا دى أول مرة تيجى القاهرة؟
-لا والله ما اعرف السكك أصل كنت باجى مع بابا وانا صغيرة الوقتى بقا بقالى خمس سنين مجتش القاهرة نهائي.
-طب طالما عايزة تمشى اركبى تاكسي من برة الموقف عشان ميخدش منك قد كدة ويقولك المشوار بعيد وانتى يعنى شكلك زي حالتنا ماشية ببركة ربنا .
-والله الكل الوقتى ماشي ببركة ربنا يالا ربنا ييسر حالنا جميعا .
- المهم أخد التاكسي منين.
-شوفى يا آنسه أمشي لآخر الشارع دة طوالى هتلقى هناك التكسيات كتير خدى واحد من هناك وشوفى أنتى راحة فين وقوليلة . ألا أنتى راحه فين صحيح يا آنسة؟
-انا راحة ...........
-يااااااه دا بعيد قوى مش بعيد السواق يقولك هركب زبون تانى معاك لو قالك كدة قوليلة ماشي وقعدى أنتى لوحدك ورا.
-انا متشكرة جداً لحضرتك ووقفتك معاية السلام عليكم.
- على اية العفو يا آنسه وعليكم السلام والرحمه.
****************
-ألو أيوة يا واد يانصة بقولك آية لقيتلك زبونة جديدة انما اية هتعجب المعلم وهتدخل مزاجه ع الآخر ومش بعيد كمان يحلى لنا بوقنا بمبلغ و قدره.
.............
-يالا افهم دى شكلها هبله كدة وتسألها على أى حاجه تجاوب من غير حتى متفكر اللى قدمها دة بيسأل ليه.
..........
-عارف ان الهبل كتير بس دى صاروخ صاروخ يالا يعنى مش بس جمال لأ وهتطيعنا فى كل اللى نقولها عليه ولو عصلجت كبرها علقة ولا اتنين وتمشي زي الخاتم فى صباعنا.
...........
-بطل رغى الساعة دى هى زمنها دخلة عليك ابعتلها الواد سعيد يشقطها.
..............
-هى لبسة جيبة سودا وبلوزة سكرى وطرحة كبيرة كدة قال آية مدرية بيها نفسها متعرفش انى نحتها المهم هى راحه العنوان ......... ابقا قولها بعيد وخليها تاخد الكرسي اللى وراء لوحدها عشان انا قولتلها كدة وانا هخلى مرزوق يركب معاك من عند البنزينة وقولها انه فى طريقك ماشي يابقف .
............
-مزاجى أغلط براحتى ياحمار يالا غور ياض جتك دهيه فيك وفى اللى خلفتك.
عيل حمار صحيح يعنى مكنتش أشقط انا المزة دى ليه . يالا اهه اللى نطوله من المعلم أحسن ما يشدنا لوعرف أن مزة أختفت ومتوردتش عندة .
*************
2
-واد ياسعيد بقولك فى وحدة جاية الوقتى بعتها سيد من الموقف عندة روح هاتها وفهمها أن العنوان بعيد وهى لبسة جيبه سودا وبلوزة سكرى وطرحه كبيرة.
-هوا أنتا تأمر ياسطى نصة.
**********
-أتفضلى يا آنسه الأسطى هيوصلك للعنوان بالمظبوط.
-أنتى راحة فين يا آنسه.
-انا راحه .........
-ياااااه دا بعيد قوى وكدة هيكلفك كتير ولا نشوف زبون فى طريقنا .
-خلاص شوف زبون بس انا هركب وراء لوحدى. -خلاص اتغقنا يا آنسة .
******************
-الو أيوة يامرزوق أركب مع الولا نصة من عند البنزينة .
-..........
-أضرب أى عنوان ومتخفش هى متعرفش أى حاجه هنا.
-...........
-سلام.
******************
-تاكس تاكس .
-على فين يابيه .
-على ...........
-دا فى طريقنا اتفضل يابيه...لا يابيه متركبش وراء وراء الانسة أخداه.
-خلاص ماشي .
( بعد ربع ساعة فى التاكس )
-الدنيا حار قوى النهاردة معاك مايه يا أسطى فى العربية .
-اه فى التبلوة جمبك اهه .
-دى سخنه يا أسطى اقف عند أى كشك نجيب مايه ولا حاجة ساقعه منه .
-اهه الكشك يا بية .
-أجيب لك حاجه معاية يا أسطى .
-اه يا ريت يابيه أزازة ماية .أخلى البية يجيب لك حاجة يا أنسة.
-لأ ً معاية المية بتاعتى .
-طب اتفضل انتا يابيه وهات لى معاك.
-حاضر يا أسطى.
( بعد نص ساعه فى التاكسي)
-احنا لسة قدمنا كتير يا أسطى؟
-اه يا أنسه منا قولتلك المشوار بعيد وفى منطقة ناقية.
-منطقة ناقية اية دا مكان كلة عماير وكافيهات ومحلات انتا شكلك مش عارف العنوان وهتوهنى من فضلك نزلنى هنا.
-أنزلك فين بس فى الصحراء.
-ملكش دعوة انا هتصرف بس لوسمحت نزلنى هنا .(وبدأ صوتها يعلى)
- وعلى أية بقا بدل ما تفضحينا وتلمى علينا الناس شوف شغلك يامرزوق .(وقبل ما تستوعب الكلام كان مرزوق راشش عليها أسبري مخدر )
-أف كانت هتلفت لنا الأنظار .
-يالا اهى نامت اهيه خدنا بقا ع المعلم.
-ماشي بس الأول أنزل أركب جمبها وسندها كأنها مراتك وتعبانه عشان لو عربية قبلتنا ولا حاجه محدش يلاحظ حاجة.
-ماشي بس بسرعة بقا بدل الفرن اللى الواحد حاسس انه قاعد فية دة.
-ماشي يا أخويا بس الأول خد تليفونها وطلع الخط وكسرة ورمى العدة من الشباك.
-ماشي كلامك يانصة.
**************
3
(بعد مرور ساعة إلا ربع يقف التاكسي فى مكان شبة مهدم ويخرج منه مرزوق وهو حامل الفتاة بين زراعه وينادى على أم سعد)
-يأم سعد يأم سعد أنتى ياوليه يأم سعد.
-مالك ياسي مرزوق فاتح زوارك علينا كدة ليه.
-خدى ياوليه استلمى الوارد الجديد حاجه إيه آخر آلاجه.
-ياما جاب الغراب لأمه يا أخويا تعالى ورايا لقحها فى الأوضه اللى فى الأخر دى مع باقى العيال الجديدة.
-طيب يا أختى .قوليالى ياأم سعد هو المعلم فين .
-وانت مالك يا أخويا المعلم فين تكنش الواصى علية.
- ياوليه افهمى امال هناخد الحلاوة من مين .
- اه قول كدة .والنبى يا أخويا منا عارفه دا بيجيله ايام يغطس ومحدش يعرف له طريق ويسيب الشغل كله على دماغ محروس ومحروس بيقول لصبيان اعملوا كذه والصبيان تعمل وهى ماشيه.
- طيب انا الوقتى اخد فلوس من مين .
-شوف محروس برة وهو يحسبك.
-خلاص ماشي سلام .
-سلام يا أخويا.
******************
-(فى عيادة لدكتور أخصائي أمراض ذكورة)
-زى مابقولك كدة يا استاذ حسن التحليل اللى قدامى بيقول ان العملية الحمد لله نجحت وتقدر حضرتك تخلف بس أهم حاجه خليك مواظب ع العلاج لان تحليل النهاردة ممتاز جدا هههه ولو تقدر ياعم تتجوز النهاردة اتجوز بس شوف بقا مين العروسة اللى ترضى تتجوز بين يوم وليله .
-أهم حاجه أن العملية جابت نتيجه وان كان ع العروسة تدبر .
-هههههه ياراجل فى حد يقدر يدبر عروسة فى ساعات .وعلى العموم بالتوفيق يارب.
-يارب يادكتور عن أذنك انا بقا.
-اتفضل مع السلامة يا استاذ حسن.
-الله يسلمك يادكتور.
ينزل حسن ويتوجه إلى سيارته ويتذكر ما حدث له من سبعة أعوام
(يقتحم عدد من البلطجية شقة حسن ويأخذوة معهم هو وكل عائلته إلى مكان مهجور ويوسعونهوا ضربا أمام زوجته ووالدته ثم يدخل عليهم رجل أعمال ويقول لحسن
-عايز تكشفنى للناس ياحسن طيب شوف انا هعمل فى عيلتك وفيك ايه .مش كنت سمعت كلامى ورضيت تاخد الفلوس اللى بعتهالك ووفرت على نفسك البهدلة دى .إنما أقول إيه وش فقر صحيح. خدوا مراته واستنوا أما تولد وبيعوا العيل اعضاء وبعدين بيعوا مراته برا مصر خالص وأمه بقا دى ست كبيرة مش هتنفع فى شغلانه الأعضاء ولا الدعارة دى تخلصوا عليها وتعملوالها ورق وتسافر تدفن فى تركيا وتتحط البضاعة فى جسمها كلة .
-(اما حسن كان يبكى بشدة عندما سمع ما ينتوا فعله مع عائلته)
-أرجوك ابوس ايدك متعملش فيهم كدة انا عندك اهه اعمل فيه اللى انتا عايزة .
-ههههههه منا هعمل فيك بردوا عشان أخليك عبرة لأى حد يفكر يتحدانى .
-أبوس ايدك ابوس رجلك هما لأ هما ﻷ.
-ههههههه هتبوس رجلى وبردوا هعمل اللى عايزة خدوهم نفذوا أوامرى .ودة بقا عايزة عايش بس فى نفس الوقت ميت عايزة عبرة لأى حد بيفكر يتحدانى أويفكر بس يأذينى عايزة يتمنى الموت وميطلوش .
-تحت أمرك ياباشا هنخليه عبرة لأى حد يفكر يتجرأ على جنابك هيحصلة ايه .
-لأ ابوس ايدك هما لأ هما لأ هما لاااااااا.)
-ويفقيق حسن على صوت تخبيط على شباك العربية .
-فل يابيه فل يابيه.
-امشي يابت من هنا أحسن لك .
4
-( فى شقة عواطف عمه سارة )
-السلام عليكم أزيك ياأمينة عاملة اية .
-............
-لا ياحبيبتى لسه مجتش .
-............
-لا متأخرتش ولا حاجة انتى عارفه مصر بتبقا زحمه ازاى .
-...........
- ياحبيبتى متقلقيش يمكن فصل شحن ولا مش لاقط شبكة.هى مش معاها العنوان؟
-..........
-طيب قلقانه من أية بقا شوية وهتلقيها جاية.
-.............
-لأ ياحبيبتى إبراهيم وعصام مش هنا راحوا مع مصطفى شقتة أصل العفش هيستلمة الوقتى وتلقيهم اتلبخوا ونسيوا يروحوا يجبوها من الموقف .
-............
-خلاص ماشى يا امينة أول ماتيجى هتصل اقولك على طول .
-..............
-لا مش هنسي ياحبيبتى .فى رعايه الله.
-( بعد مرور3 ساعات يدخل مصطفى وعصام وإبراهيم)
-السلام عليكم ازيك ياعواطف ياأختى .
-وعليكم السلام ورحمة الله وبركاته الحمدلله بس انا قلقانه اوى على سارة .
-سارة ليه يعنى ؟
-شكلك نسيت يا إبراهيم أن سارة هتيجى النهاردة وانتم المفروض كنتم تروحوا تجبوها من ع الموقف.
-ليه هو النهاردة أية.
-النهاردة الأربعاء ياإبراهيم.
-فعلا ياعمى احنا نسينا خالص ميعاد سارة .طب هي جت ياعمتى ولامركبتش لسه من البلد.
-ركبت ووصلت وكلمت أمينة وأنها كانت وقفة ومستنياكم وآخر مازهقت قالت هتركب تاكسي وتديلة العنوان وتيجى على هنا بس اتاخرت قوى وبكلمها تليفونها مقغول .وأمينة قاعدة فى البلد بردوا قلقانة.
- طب يمكن ياأمى السواق معرفش العنوان ورجعت تانى ع الموقف وتليفونها فصل بس.
-يارب يا ابنى .طب يالا بينا ياعصام نشوفها فى الموقف .
-طب خليك انتا ياخالى وانا وعصام نروح .وإن شاء الله تبقا هناك ونجبها ونيجى .
-لاياابنى مش هبقا مرتاح وانا هنا ومعرفش عنها حاجه.
-خلاص ياخالى اللى يريحك .
**************
-(قاد حسن سيارته واتجه بها إلى احد أحياء المهندسين وأوقف سيارتة وخرج منها واتجه الى مدخل عمارة وبعد مرور عدة دقائق يخرج من العمارة وقد أبدل ملابسه الى ملابس عادية لايوجد بها أي نوع من أنواع الفخامة واتجة إلى سيارة اخرى غير التى كان يقودها وقادها إلى منطقة معزولة عن المدينة حيث توجد عصابتة)
-يقف حسن بسيارته فيراه محروس ويتجة إلية ويفتح له باب السيارة .
-حمدالله عالسلامة يامعلم المكان كلة نور.
-م ياابنى انتا هتعملى فرح .قولى أخبار الشغل اية .
-المعلم سيد استلم السلاح بتاعه.وفى فى البيت القديم 4بنات يعنى يجلهم 15سنه كدة وفى كمان بنت يجلها 19سنه وفى عيل سنة ونص .
-طيب البنات دول شوف مدام أحلام هتاخد منهم ايه.والعيل محدش يقرب منه خالى صباح تاخد بالها منه لوفى حد طالب عيل يربيه شوف هيدفع فيه كام وبيعه.
-طب والبت الكبيرة يامعلم .
-البت الكبيرة دى هخ...(وسمع حسن ومحروس صوت عالى قادم من المكان الذي يوجد فية الفتيات )
5
-( عودة بالوقت ساعة)
-فاقت سارة من أثر المخدر وبدأت تستوعب ماذا حدث لها وبدأت تشاهد المكان التى هى فيه ورات مجموعة من الفتيات يجلسون فى ركن فى الحجرة الموجودة بها فتقدمت منهم بحذر وسألت أحداهم
-احنا فين هنا .وانتوا مين.
-إجابتها إحدى الفتيات احنا كلنا منعرفش احنا فين .واما بالنسبة لإحنا مين فأنا أمانى ودى مها ودى وداد واللى معاها العيل الصغير ده دى سحر .انتى بقا اسمك ايه.
-انا سارة وكنت ركبة تاكسي والسواق وواحد معاه بنجونى وجبونى هنا .
-عادى انا كنت هربانه من بيتنا أصل أهلى عايزين يجوزونى واحد غصب عنى فروحت هربت وقبلت وحدة فى المحطة وعرفت حكايتى قالت لى تعالى أقعدى معاية وأشتغلى معاية وانا سكنة لوحدى وصدقتها ولما جيت هنا بعتنى لواحد اسمه محروس وحطونى فى الاوضه
دى هنا
أما مها بقا حكايتها حكاية صدقت ان فى حد حبها من على الفيس وقاعد يقنعها أنها تيجى تقبلة فستنت لحد ما كان فى رحلة فى مدرستها وطلعت الرحلة وقبلتة وأقنعها تسيب زميلها ويتفسحوا سوا وقبل معاد الرجوع بتاعها هيكون موصلها لحد الاتوبيس وفى الاخر بردوا جابها هنا .
- أما وداد بقا فا دى جوز أمها هو اللى بعها بنفسة عشان يصرف على مزاجة مش بعيد بعد كدة يبيع عيالة هما كمان.
-طب واللى معاها الطفل دة دى أخته .
- ﻷ مش أخته هو كان هنا اول ماجيت وبعدين وداد جت وفى نفس اليوم اللى وداد جت فية مها جت ع المغرب كدة وبعدها بيومين سحر جت وأول مافاقت قعدت تصرخ وتعيط لحد ماجم خدوها وضربوها جامد وبعدين جبوها ورموها هنا كانت خلصانة من كتر الضرب لما بدأت تفوق شوية وتقدر تقعد وتتحرك كان أحمد فى اليوم دة قاعد يعيط ويصرخ جامد فهى خافت علية ليعملوا فيه شبة ماعملوا معاها فقعدت تسكته وتلعبة ومن ساعتها وهى مهتميه بية.
-طب الناس دول هيعملوا بينا ايه ؟
-سمعت ست كانت وقفة وراء الباب بتتكلم فى التليفون من شوية وبتقول ان فية وحدة اسمها أحلام هتيجى تنقى مننا اللى يعجبها عشان تشغلوا عندها فى الكبارية والشقق المفروشة بتاعتها.
( شهقت سارة عندما سمعت ما ينتويون فعلة معها ومع البنات الأخريات وبكت بشدة وأخذت تدعو الله أن ينجها مما هى فية وبعد دقائق قالت
-احنا لازم نعمل أى حاجة عشان نهرب من هنا احنا لازم نفكرسوا .
( وبعد تبادل الافكار اتفقوا على أن تصرخ أمانى بعلو صوتها وتقول ان الفتاة الجديدة ماتت )
-يالهوي ألحقونا يالى برا البت الجديدة ماتت يالهوى ياناس ياكفرة أفتحوا .
( وبالفعل سمعت صوتهم أم سعد ومعها صباح فتجهوا لباب الحجرة وفتحوة ودخلوا مسرعين ففاجأتهم البنات بضربهم لهم ورميهم بعيد عن الباب وخرجوا مسرعين من الغرفة وتفرقوا فى جميع الجهات لأنهم لا يعرفون مكان الخروج .فسمع هذا الصوت بعض مين من يحرسون المنزل وهرولوا لداخل فوجدوا أن البنات تريد الهرب فهموا بأمساكهم واستطاعوا ذلك .
-وبينما سارة تحاول الهروب وقعت عيناها على سكين فى طبق به خضروات فأخذته وهربت من الشباك فأذا بها فى الفناء الخلفى للمنزل وهو فناء محاط بسور من أسلاك مدببه صعب التسلق عليها أو لمسها فأخذت تنظر حولها فرأت مجموعة من الرجال يتقدمون منها فبكت بشدة وأخذت قرارها بقتل نفسها بدلا من أن تكون عاهرة )
-اللى هيقرب منى والله العظيم هموته وهموت نفسي .أبعدوا عنى أبعدوا عنى بقا .وتقرب سارة السكين من يدها لكى تقطع شريان يدها .
-( شاهد حسن مافعلت سارة وسمع ما نوت فعلة بنفسها فاقترب منها من الخلف وقم بأمساك يدها بقوة بعد أن بدأت بجرح نفسها فلما أحست به بدأت تقاومة بشدة فثبتها فية وقترب من أذنها وقال بصوت مرعب عايزة تموتى نفسك أنا هموتك بس بالبطيئ.
تكملة الروايه 6_7_8_9_10من هنا هنا
تعليقات
إرسال تعليق