|
#البارت التاسع 9_10
فهد : تمام روحي انتي و اول ما ريتال خرجت بدأ فهد يفتح الصندوق و لكن اول
ما فتحه اتصدم و راح رماه في الأرض...
الصندوق كان مليان دم و موجود في غراب اسود ميت و في ورقه موجوده معاه
...
فتحت الورق و بص فيها بعدين كرمشها كدا و قام رماها في الأرض و نده بصوت
عالي جداً علي ريتال ..
ريتال : طلعت و كان جواها مليان خوف من صوت فهد اصل من العاده صوته مش
بيبقي كده غير لو متعصب جامد ...
اول ما دخلت الاوضه اتخضت من الغراب الي علي الأرض فصوتت..
فهد : بصله بنظره تحذير و قال من غير كدب مين الي اداكي الصندوق ده ..
ريتال : و الله انا كنت طالعه الجنينه زي العاده و لقيته محطوط علي الباب
و مكتوب عليه أسمك مردتش افتحه و جبتوا ليك زي ما هو ..
فهد : مين كان واقف علي الباب بتاع القصر في الوقت ده ..
ريتال : عم علي و في شاب كده كان واقف معاه و اول ما شافني مشي ..
فهد : طب روحي دلوقتي و ياريت مفيش حد يعرف حاجه بخصوص الصندوق ده انتي
سامعه ...
ريتال : بتوتر و خوف حاضر و مشيت بسرعه برا الاوضه ..
وقف علي أول درجات السلم تاخد نفسها لأن هي كانت حاسه انها هتموت من
التوتر و الخوف..
صفيه : نازله علي السلم و اتخضت لما شافت شكل ريتال كده كان لو وشها أصفر
و شغاله تعرق كتير..
بعدين سألتها مالك و وشك اصفر لي ..
ريتال : افتكرت كلام فهد و قال ها لا مفيش انا بس كنت عند فهد. لسه
نازله بعدين كملت نزول ..
صفيه : حست أن في حاجه راحت طلعت الاوضه بتاعت فهد عشان تسأل و هي ماشيه
كانت هتدوس علي الغراب الميت لكن فهد كان نبهها ..
فهد : حاسبي كده عشان في حاجه في الأرض ..
صفيه : لفت عشان تشوف و لكن اتصدمت بعدين قالت اي الي جاب البتاع ده هنا
..
فهد : اقفلي الباب و تعالي ..
صفيه : راحت قفلت الباب بعدين دخلت لفهد و قالت قول بقا لي حكايه البتاع
ده ..
فهد : قالها أن نفس الشخص الي خطف ماسه هو الي بعته ..
صفيه : طب هتعمل أي دولوقتي و هل هتقدر توصل لماسه ..
فهد : مفيش اي خيط يقدر يوصلني لأي حاجه انا مستني اشاره تاني منه و هعمل
اللزم ..
صفيه : طب انت الي مش عايز تعرف حد من البيت ..
فهد : كده احسن و يلا روحي عشان عايز اغير هدومي عشان هنزل ...
صفيه : طيب و خرجت و بعدين قفلت الباب ..
فهد : قام دخل الحمام ياخد شور..
طول الوقت تليفون فهد بيرن و كان رقم المتصل مجهول
التليفون رن اكتر من مره لكن فهد كان في الحمام و مش منتبه للتليفون كل
تفكيره عند ماسه ...
*عند الباشا الكبير*
سالي : طب هنعمل أي يا باشا في البت دي ..
الباشا : تفوق بس و احنا هنعمل حاجات مش حاجه واحده...
سالي : ميلت عليه و مسكت دقنه بأديها و قالت اي مش يلا ..
الباشا : لأ مش قادر انهارده انا بس عايزك تفضلي جمب البت دي لحد ما تفوق
...
سالي : ابتسمت و قالت عيون ..
الباشا : قام من على الكرسي و راح وقف قدام السرير الي عليه ماسه و بدأ
يمشي ايدو علي رجليه لدرجه ان هي حست بي لكن مكنتش عندها القدره تفوق ..
سالي : دي شكلها حست بيك انت مش شايف عملت ازاي لما انت لمستها ...
الباشا : مردش عليها و كان مستمتع بلمساته دي ..
*عند فهد*
طلع فهد من الحمام بعد ما لبس هدومه راح بص علي التليفون بتاعه لقي في رقم
مجهول كان بيرن عليه جرب يرن تاني علي الرقم لكن مكنش في أي رد راح مسح
الرقم فكر أن حد رن غلط او حد عايز يعاكس ..
قاسم : بيخبط علي باب الاوضه بتاعت فهد ..
فهد : ادخل ..
قاسم : وقف معاه بعدين قاله من أمتي و انت تعرف أن ماسه عايشه ...
فهد : بصله و قال أي التخاريف دي ..
قاسم : لا مش تخاريف يا فهد لما رحت المستشفى عشان أتأكد لأني الصراحه
مكنتش واثق أن هي ماتت قابلت الدكتور و حكالي كل حاجه و ازاي اخدو
ماسه ..
فهد : طالما انت عارف جاي بتسأل لي ..
قاسم : عشان فكرت ان انت ممكن تحكيلي انا مش يزن انا كنت اقدر اساعدك علي
فكره بس انت الي غبي دايماً فاكر أن انت لوحدك هتقدر لكن لأ يا فهد انت غلط
المره دي و غلط كبير كمان لما تخبي عننا كلنا ان هي عايشه ياخي شوف
حالة جدك كده عامله ازاي بعدين قال هقول اي طول عمرك مش هتتغير بعدين سابه
و مشي و قبل ما يخرج من الاوضه قال و لو علي ماسه انا اقدر ارجعها ...
فهد : واقف مكانه مصدوم من الي قاسم قاله لمجرد أن هو خبي عليهم أن هي
عايشه يحصل كل ده بعدين أخد تليفونه و نزل ..
ريتال : شافت قاسم واقف مدايق قربت منه و بدأت تحاول تفتح كلام معاه بعدين
ندهت عليه ...
قاسم : خير يا ريتال عايزه اي انتي كمان ..
ريتال : مفيش كنت عايزه اطمن عليك لما لقيتك نازل متعصب كده انت
كويس ...
قاسم : كان لسه هيزعق بس افتكر أن هي ملهاش زمب بعدين قال بصوت حاول يخليه
طبيعي شويه اه انا تمام عايزه حاجه و مشي ..
ريتال : واقفه بتبص عليه لحد ما خرج بعدين لحظة نزول فهد هو كمان و كان
شكله متعصب عرفت أن هو متخانق مع قاسم ...
فهد : بيكلم ريتال قاسم مين ..
ريتال : لسه خارج حالاً و كان متعصب ..
فهد : ماشي و سابها و مشي ...
*عند ماسه *
كانت لسه نايمه أو بمعني اصح لسه ما فقتش ..
سالي : اي يا دكتور هتفضل كده كتير هتقوم أمتي..
الدكتور : المفروض تكون قامت من بدري بس هي الي بتقاوم مش عايزه تقوم
..
سالي : طب اي الحل يا دكتور ..
الدكتور : النفسيه و يكون شخص قريب منها يقعد معاها و يحاول يتكلم معاها
..
سالي : تمام يا دكتور ...
مشي الدكتور و سالي كلمت الباشا و قالتله علي كل حاجه ..
*عند فهد *
مشي بالعربيه عشان يلحق قاسم و يتكلم معاه ..
فهد : فضل ماشي بالعربيه ورا قاسم عشان يلحقه لكن قاسم كان بيحاول يتجنبه
أو يتكلم معاه بعدين رن عليه علي التليفون عشان يقف ..
قاسم : رد عليه بعدين قال عايز اي
فهد : اوقف في مكان خلينا نتكلم ..
قاسم : هنتكلم في أي ..
فهد : يا عم اقف بس ..
قاسم : ركن علي جمب و نزل من العربيه ..
فهد : نزل و قرب منه و قال هتقدر تساعدني ازاي ..
قاسم : ملكش دعوه انت مش كلفت يزن بالمهمة دي ..
فهد : مش ناقص شغل عيال كل دقيقه بتعدي بنعرض حياه ماسه للخطر ..
قاسم : بدأ يتكلم معاها و يقوله علي الخطه الي هتتعمل و ازاي هيلاقوا ماسه
...
فهد : و ده كله هيحصل ازاي و احنا منعرفش طريقها كل الي نعرفه أن هي مع
واحد اسمه الباشا
قاسم : حلو اوي كده انا حالياً هكلم الرجاله بتوعي و نشوف هيحصل اي ..
فهد : و انا كلمت الرجاله و هما بيدورو عليه من امبارح و مفيش اي أثر ليه
..
قاسم : متقلقش هنلاقيها ...
فهد : تمام و فجاءه تليفونه رن بنفس الرقم بتاع الصبح ..
قاسم : رد عليه ممكن يكون في حاجه تبع ماسه ..
فهد : الو ..
قاسم : بصوت واطي افتح المكبر ..
فهد : مين ...
الباشا : فهد بيه ازيك ...
فهد : مين ..
الباشا : مش عيب عليك لما تنساني ..
فهد : انت مين أنجز ..
الباشا : نسيت شاهي ...
فهد : شاهي ..
الباشا : شاهيناز ضياء السكرتيره الشخصيه لحضرتك..
فهد : افتكر بعدين قال بصوت عالي انت مين و تعرف شاهي منين ..
الباشا : زي ما قتلتها و زعلاتني عليها أنا بقا هزعلك علي ست الحزن و
الجمال...
فهد : انت عارف لو حصلها حاجه هقتلك انت فاهم ..
الباشا : انت عارف انا مش هعمل زي ما انت عملت مع شاهي انا هخليها تتمني
الموت طول ما هي معايا ..
فهد : شاهي هي الي هربت منك عشان انت شخص مريض ..
الباشا : لا انت اغتصبتها و ده الي خلاها تهرب و تموت نفسها
..
فهد : انا مغتصبتهاش و هي ممتتش ...
الباشا : برضو هحرق قلبك عليها ...
فهد : مش هتعرف تعمل حاجه و لسه هيكمل الخط قفل ..
قاسم : انا دلوقتي كلمت الرجاله و هيىوحوا يشوفوا المكان الي كان بيرن منه
...
فهد : احنا لازم نروح معاهم ...
قاسم : بلاش تعمل حركه غباء دلوقتي و تضيع كل حاجه..
فهد : ماسه في خطر مع المجنون ده ...
قاسم : اهدي انت دلوقتي و كل حاجه هتتحل ..
عدي حوالي ساعه و كان الموقع الي الاتصال جه منه اتحدد ...
فهد : ها قالك اي ..
قاسم : هما دلوقتي قدام مكان بس مش متاكدين أن هما جوه و لا لا ..
فهد : احنا لازم نروح معاهم ..
قاسم : لا أفرد مكنتش هناك هنعرض نفسنا للخطر و خلاص هما هيدخلوا و يشوفوا
و لو جوه هنروح معاهم...
فهد : انا مش عارف اي البارد و طوله البال الي عندك دي ...
قاسم : ده مش برود ده خوف و قلق عليكم .
فهد : سابه و دخل يقعد في العربيه بعد كده دخل قاسم قعد جمبه..
*عند ماسه *
ماسه : بدأت تفوق
و كانت سالي قاعده قدامها بتلعب علي الفون بعدين سمعت صوت ماسه و هي
بتحاول تقوم ...
سالي : فضلت تنادي علي الباشا ...
الباشا : حلو اوي قالت حاجه اول ما قامت ...
سالي : لا و لا أي حاجه ..
الباشا : تمام اوي كده بصي هتعملي اي انتي بقا راح مطلع برشامه من جيبه و
قال شويه و أيديها تشرب دي مع كبايه عصير تمام و اول ما تنام نادي
عليا ..
بعد حوالي ساعه من الوقت الي ماسه فاقت في ..
فهد : انا نفسي افهم لي احنا منروحش معاهم ...
قاسم : انت غبي يا بني انا مش لسه مفهمك ..
فهد : زفر و قالت أنا غاير في داهيه..
قاسم : يابني استني اسمع ..
بعدين تليفونه رن و كان المتصل حد من رجالته ..
قاسم : ها لقيتوها...
هو : اه يا قاسم بيه و بعتلك دلوقتي الموقع بتاع المكان ..
قاسم : رن علي علي فهد و قاله ...
"عند ماسه *
دخل : الباشا عليها و كان حاطط من العطر بتاع فهد بدأ يفتح زراير القميص و
يقرب منها و هي كانت قاعده علي السرير و مش مركزه خالص بسبب البرشام ..
ماسه : انت مين ..
الباشا : مردش عليها و بدأ يقرب منها و يمشي ايدو علي رجليها و ضهرها
..
ماسه : بتحاول تقاوم و بتقول ابعد ...
الباشا : مهتمش لكلامها و حصل الي حصل
*عند فهد*
عدي نص ساعه علي ما وصلوا المكان الي موجود فيه ماسه ..
دخل فهد بسرعه من غير ما يستني الرجاله تأمن المكان الأول ..
قاسم : و الله العظيم غبي و تضيعنا و بعدين مشي وراه ..
بعد شويه من البحث عن ماسه في الفيلا دخل أخيراً اخر اوضه و اول ما فتحها
لقي الباشا بيحاول يقلع ماسه هدومها و كان في دم علي السرير ...
راح سحبه بعدين اداله بوكس في وشه و اتخانقوا هما الاتنين و في وسط
الخناقه طلع الباشا سلاح من جمبه و بدأ يتخانق هو فهد علي الي يمسك السلاح
و فجاءه من بين الخناقه طلقه تطلع من المسدس و الاتنين يقعوا علي الأرض و
الدم نازل حواليهم ..
قاسم : اول ما دخل اتصدم بعدين مسك دماغه و قعد علي الأرض ...
#البارت_العاشر
التفاعل بيقل وانا كده مضطره اوقف النشر
قاسم : اول ما دخل اتصدم بعدين مسك دماغه و قعد علي الأرض...
فهد : واقع علي الارض و فوقيه الباشا متصاب بطلقه في بطنه ..
بعدين قال أنت متخلف يابني تعالي شيل الزفت ده من عليا ..
قاسم : اخد حوالي دقيقتين علي ما استوعب الموقف بعدين قام و حاول يساعد
فهد ...
فهد : اي ده حمار وقع عليا و مش كفايه كان عايز يموتني لا جاي ينام عليا
بعدين راح يشوف ماسه ..
قاسم : احنا لازم نبلغ البوليس ..
فهد : اعمل فيه الي انت عايزه و بعدين راح يشوف ماسه..
قاسم : واقف و مدي ضهره لفهد و بيتكلم في التليفون مع الشرطي ...
فهد : اول ما قرب من ماسه شاف علامات مسكه ايد علي أيديها و في دم علي
السرير كان خايف ليكون ملحقهاش حاول يغطيها ب جاكت البدله بتاعته عشان كان
لبسها كله متقطع و مخلوع ...
قاسم : لف عشان يكلم فهد لكن اول ما شاف شكل ماسه لف تاني ..
شويه و خرج فهد و هو شايل ماسه و قاسم ماشي وراهم ..
فهد : افتح باب العربيه ده قصده الباب الخلفي ...
انا هاخد ماسه و اطلع بيها علي المستشفى و انت طمنهم ...
قاسم : أتفهم الموقف و قاله طيب محتاج اي مساعده ..
فهد : لأ لو حد سأل قوله اننا بخير و جايين وراك ..
قاسم : ماشي و ركب العربيه و مشي ...
الباشا : طلع من الفيلا و هو حاطط أيده مكان الجرح و ماسك
سلاح و مصوبه علي فهد بعدين قال رايح فين يابن الدمنهوري ده انا حتي لسه
مختش حقي راح ضرب طلقه جت في صدر فهد راح وقع علي الأرض و جمبه ماسه ..
قاسم : مكنش بعد اوي لدرجه ان هو سمع صوت الطلقه راح لف بسرعه و مشي
باتجاه المكان الي كانت ماسه محبوسه في ...
الباشا : مقدرش يستحمل اكتر من كده راح واقع علي الأرض هو كمان ..
قاسم : اول ما وصل لمح عربيه فهد لسه واقفه راح نزل بسرعه من العربيه لقي
فهد مرمي في الأرض و جمبه ماسه و الباشا واقع علي أول داخله الفيلا ...
جري بسرعه عشان يشوف فهد الي كان الدم معبي هدومه ..
فهد : بيتكلم بصوت مش مسموعه خلي بالك من ماسه هي ملهاش حد كان بيتكلم
اكنه حاسس ان ده اخر نفس ليه ..
قاسم : و في شويه دموع متجمعه في عينه قال هتقوم صدقني و هترجع انت و ماسه
كويسين متنامش انت ..
فهد : بص ناحيه ماسه و قال علي فكره هي لسه بنت الدم ده نازل من أثر
العمليه بتاعت الزايده و الجرح الي في رجليها خلي بالك منها اعتبرها امانه
يا قاسم ..
قاسم : بطل كلام بقا و يلا قوم معايا عشان نروح المستشفي ..
فهد : لأ انا خلاص روح شوف ماسه عشان فقدت دم كتير ..
قاسم : لاحظ أن عربيات البوليس و الاسعاف الي كان مبلغهم و هو جوه مع فهد
قبل ما يخرجوا وصلوا راح جري علي عربيه الاسعاف و قال متصاب ب طلقه جمب
القلب و لازم يتنقل المستشفى فوراً ...
بتوع الاسعاف راحوا و نقلوا فهد و طلبوا عربيه تاني عشان الباشا بعد ما
قاسم قال إن هو هيجيب معاها ماسه عشان عربيه الاسعاف ممكن تتأخر ...
نقلوا فهد و ماسه المستشفى و كان في عربيه إسعاف تاني ماشيه في عكس
اتجاه العربيه الي فيها فهد و دي كانت راحه تنقل الباشا ..
قاسم : و هو ماشي شافها بعدين بص في المرايه بتاعت العربيه بيشوف ماسه
...
بعد حوالي 10 دقايق كانت عربيه الاسعاف وصلت قدام مستشفي الحريري التخصصي
و الممرضين خارجين بسرعه من الاستقبال عشان ينقلوا فهد لان حالته كانت
خطيره ...
صوت صفاره الاسعاف ماليه المكان و الناس شغاله تبعد عشان الحاله الي نازله
..
الممرض : الشخص ده فقد دم كتير و قلبه وقف مرتين في الطريق *الباشا*
الممرضين جابوا النقاله و نقلوه لجوه ...
قاسم : وصل المستشفى بعدين نزل و فتح الباب و بدأ يشيل ماسه براحه لأن
الجرح بتاعها كان بينزف ...
اول ما دخل بيها الطوارئ وقف في نص الاوضه و فضل يزعق عشان يبعتوا دكتور
يروح يشوفها ..
الممرضه : تقدر تحطها علي السرير ده و الدكتور جاي حالاً ..
قاسم : لأ انا عايز دكتوره و ياريت تيجي بسرعه ..
يزن : كان ماشي في المستشفي و اول ما سمع صوت الزعيق قرب منهم عشان يشوف
في أي ..
الممرضه : حضرتك ممكن تهدي انت بتزعق لي كده في مرضه هنا ..
يزن : من ورا اعملي زي ما الاستاذ قال و يلا علي شغلك ..
قاسم : لف يشوف مين الي كان بيتكلم و ماسه لسه علي أيده ..
يزن : لسه كان هيتكلم معاه راح شاف ماسه و قال مش دي مرات فهد ..
قاسم : انت تعرفها منين ...
يزن : انا الشخص الي نقلتها المستشفى لما كانت في الشارع...
قاسم : انت يزن ..
يزن : ايوه ..
قاسم : طب تقدر توفر دكتوره حالاً عشان تشوف ماسه لأني عايز اروح اطمن علي
فهد عشان هو كمان متصاب ..
يزن : أكيد و راح عمل تليفون و كان في خلال دقايق كانت الدكتوره راحت و
استلمت الحاله ..
قاسم : بعد ما ساب ماسه مع الدكتوره و معاها يزن راح يشوف
فهد
يزن : واقف مع الدكتوره و هي بتشوف ماسه ..
الدكتور : ممكن تطلع برا حضرتك علي ما اكشف علي المريضه ..
يزن : كان قلقان لنفس المشكله تحصل تاني بعدين قال ثواني و رن علي
السكرتيره الشخصيه بتاعت أبوه تنزل..
السكرتيره : خير يا يزن بيه ..
يزن : عايزك تفضلي مع ماسه هنا لحد ما الدكتوره تخلص ..
السكرتيره : أكيد و دخلت جوه مع الدكتوره ..
الدكتوره : مكنش في لزوم تيجي ..
السكرتيره : دي أوامر يا دكتوره و لازم تتنفذ ..
و بدأت الدكتور تكشف علي ماسه و تختبر عذريتها ..
بعد ما خلصت ندهت علي يزن يدخل ..
يزن : هي كويسه دلوقتي ..
الدكتوره : محتاجه شويه راحه و هترجع احسن من الاول ..
*عند فهد*
فهد : كان نايم علي سرير العمليات و الدكاتره واقفه حواليه ..
واحد من الدكاتره الي كانت واقفه قال احنا لازم يكون معانا دكتور قلب هنا
تحسباً لأي أمر طارئ ..
و بالفعل تم طلب دكتور قلب عشان يبقي معاهم في العمليات ..
قاسم : قاعده بره قدام العمليات و شايف الدكتور داخل القلق سيطر عليه و
قام جري عليه ..
خير يا دكتور في أي ..
الدكتور : لسه منعرفش اي حاجه هما طلبوني تحسباً لأي أمر لان الطلقه داخله
في مكان خطير جداً *قريبه من القلب* و بعدين قال عن أذنك و دخل ..
قاسم : رجع قد علي الكرسي تاني و حط وشه بين كفين ايدو ..
شويه و جاله اتصال من البيت ..
الجد : اي يابني فينك انت و ابن عمك اصل برن عليه تليفونه مقفول و انا
قلبي واجعني و مش مطمن هو كويس .. ؟
قاسم : لأ يا جدي مش كويس خالص و بعدين احنا في المستشفي ...
الجد : مستشفي اي يابني و فهد ماله اتكلم و قول حاجه ..
قاسم : احنا في مستشفى الحريري يا جدي ..
الجد : انا جاي حالاً ..
قاسم : انت تعبان خلقه و المستشفى مليانه مرضي متجيش و انا هطمنك اول ب
اول ..
الجد : انا قولت كلمه و خلاص بعدين قفل التليفون ..
قاسم : بيرن تاني عشان يقوله يجيب هدوم لماسه معاه لكن مردش عليه ...
الجد : بت يا صفيه انتي يابت
صفيه : ايوه يا جدي في أي بتزعق لي ..
الجد : اطلعي نادي عمك من فوق و قوليه تعالي عشان هنروح المستشفى ..
صفيه : خير يا جدي في أي ..
الجد : فهد ابن عمك في المستشفي و لأزم نروح نشوفه ..
صفيه : طلعت بسرعه و فضلت تخبط علي باب الاوضه بتاعت عمها لحد ما مرات
عمها هي الي فتحت الباب و كانت لابسه قميص نوم لحد الركبه و عليه روب طويل
..
رانيا : اول ما فتحت الباب قالت خير في أي تاني ..
صفيه : كانت مكسوفه من الموقف و بعدين قال ممكن تقولي لعمي ينزل يكلم جدي
بسرعه ..
رانيا : قوليه تعبان و دخلت و قفلت الباب ..
صفيه نازله علي السلم خبتط في ريتال من غير قصدها ..
ريتال : ياريت تحاسبي بعد كده و سابتها و مشيت ..
صفيه : كملت نزول و راحت قالت لجدها مرات عمي قالت أنه عيان ..
الجد : خليه يمشي وراه هقول اي بس و طلع بره القصر ركب العربيه الي
كانت هتنقله هو و ابنه دخل العربيه و معاه واحد من الغفر ...
بعد شويه وصلوا و دخلوا المستشفى ..
الجد : بيكلم قاسم فهد فين يابني
قاسم : لسه في العمليات يا جدي ..
*عند ماسه *
فاقت ماسه و مكنتش فاكره اي حاجه حصلت اخر حاجه فكراها هي ريحته العطر و
صوت ضرب النار ..
حاولت تقوم لاكن اثار الخياطه بتاعت العمليه كانت بتوجعها ..
الممرضه : دخلت الاوضه الي فيها ماسه عشان تغير المحلول و تطمن عليها و ده
كان بناءً على كلام يزن ....
ماسه : انا هنا من أمتي و أي الي حصل ..
الممرضه : حصل حاجات كتير في واحد اسمه فهد بيقولوا انو جوزك بقاله اكتر
من 6 ساعات في العمليه و لسه مطلعش و الجو بره متوتر جدا..
ماسه : حاولت تقوم براحه لكن كانت هتقع طلبت من الممرضه تساعده ..
لكن هي مقبلتش خافت من العواقب ف مشيت ماسه لوحدها و كانت حاسه بدوخه
كبيره بس حاولت تتماسك لحد ما خرجت من الاوضه....
يزن : شافها و قال ممكن أفهم حضرتك رايحه فين ..
ماسه : ممكن تساعدني لحد ما اوصل لحد ما اوصل عند غرفه العمليات....
يزن : بس انتي مش كويسه خالص ..
ماسه : لأ انا كويسه و بعدين لأزم اكون جمب فهد و سابته و مشيت لكن هو
لحقها بسرعه و سندها علي ما تروح هناك ..
قاسم : اول ما شاف ماسه زعق و قال طلعتي لي من الاوضه و انتي في الحاله دي
..
ماسه : مهتمتش لكلامه بعدين قالت فهد فين ..
قاسم : لسة في العمليات و بعدين سندها تقعد علي الكرسي جمب جدها الي كانت
كل ملامح الصدمه علي وشه ...
الجد : انتي عايشه و بدأ يمشي ايدو علي ملامحه الباهته و بعدين قال انتي
عايشه بجد و قرب منها وحضنها براحه و قال حمد الله على سلامتك يا بنتي
..
اكتفت ماسه بهز دماغها لان صوتها مكنش طالع خالص ...
شويه و الدكتور خرج بعدين قال محتاجين دم ضروري زمره O+ عشان للأسف مش
موجود منها هنا في بنك الدم..
قاسم : ازاي مستشفي طويله عريضه مفهاش دم ..
الدكتور : حضرتك دي زمره نادره جداً *بصوا انا معرفش إذا كانت نادره و لا
تمام *.
يزن : تقدروا تسحبوا مننا كلنا دم و شوف مين اكتر واحد مناسب....
الدكتور : اتفضلوا مع الممرضه من هنا الكل عمل التحليل ما عدا ماسه الي
كانت تعبانه ..
ماسه : أنا عايزه اعمل التحليل ..
الدكتور : يا مدام مينفعش حضرتك لسه خارجه من عمليه من يومين
بالظبط و الجرح بتاعك كان مفتوح ..
ماسه : بس انا متوقعه أن زمره دمنا واحده ..
الدكتور : ده في خطر علي حياتك و سابها و مشي ..
الممرضه بدأت تسحب الدم منهم
الدكتور : ياريت التحاليل تطلع بسرعه احنا محتاجين الدم
حالاً ..
الممرضه : حاضر ..
*عند الباشا *
سالي : واقفه قدام الاوضه الي فيها الباشا هما صح قدرو ينقذوه لكن
ليه حالته خطر فكان لا م يتحط في العنايه المركزه .... جه واحد
وقف جمب سالي و قال عارفه مين الي عمل كده ..
سالي : اتكلمت و هي لسه بتبص من الشباك الي في الباب .. فهد
الدمنهوري و هو حالياً في المستشفى معانا لأن الباشا قبل ما يقع كان ضرب
عليه نار و الطلقه جت في صدرو.
شخص مجهول : حلو اوي كده يعني المهمه بتاعتي بقت سهله و هقدر اخد
روحه و هو هنا ...
سالي : أنا معاك في أي حاجه المهم أن احنا نخلص عليه و ناخد حق
الباشا ..
شخص مجهول : تعالي ورايا ...
سالي : طب و الباشا ..
شخص مجهول : أنا عامل حساب كل حاجه يلا ..
*عند فهد *
الدكتور : بيكلم الممرضه النتائج طلعت ..
الممرضه : ايوه حضرتك و مفيش حد اتطابق...
الدكتور : مفيش عندنا وقت كبير احنا لازم نلاقي دم باي طريقه
..
ماسه : راحت للممرضه و قالت ممكن تشوفي زمره دي أنا كمان
...
الممرضه : بس انتي حاله حضرتك متسمحش انك تتبرعي ..
ماسه : يا ستي أنا راضيه و سامحه بكده ممكن بقا تشوفي الدم
..
الممرضه : تعالي معايا من هنا ..
دخلت ماسه معاه و بدات الممرضه تسحب الدم و بعد حاولي عشر دقايق
النتيجه طلعت و لكن مش متطابقه ..
*عند سالي *
سالي : بتقول انت جايبني هنا لي ..
شاهين : انتي تسمعي كل كلمه هقوله تتنفذ عشان تقدر ناخد حق الباشا
..
سالي : في أي طيب و بدأ هو يقولها علي الخطه و اي الي
هيحصل ..
*عند فهد*
الدكتور : خرج و قال للأسف ملحقناش نلقح المريض و ...
شخص مش متوقع أنه يجي انا هتبرع بالدم ..
الكل كان واقف مصدوم مش عارف يقول اي أنعام اول ما شافت الشخص ده اغمي
عليها من الصدمه
اسفه على التاخير يا قمر انتوا و الله راحت عليا نومه و بكتب
... المهم شكرا للناس القمر الي بتدعمني و واقفه جمبي دي حاجه
تاني حاجه انا بجد مبسوطه اني اتعرفت علي ناس قمر زيكم ..
بارت كبير اهو عشان خاطر الناس القمر الي بتتفاعل
#يتبع
الكل جري علي انعام ما عدا الجد الي راح وقف قدام الشخص ده و ضربه بالقلم
و قال أنت اي الي جابك هنا ..
خالد : جاي اشوف ابن اخويا ...
عبد الحميد : لسه فاكر أن انت عندك عيله ...
الدكتور : لو سمحت احنا محتاجين كل دقيقه ..
خالد : أنا جاهز يا دكتور ..
الممرضه : حضرتك تعالي معايا من هنا ....
الجد : كلامنا لسه مخلصش ..
ماسه : مع انعام في الاوضه ممكن افهم مالك و اي الي حصل بره ده
انعام : كل الي بتعمله بتعيط بس و مفيش اي رد ..
قاسم : دخل الاوضه و قال ممكن افهم اي الي حصل بره و مين ده ..
انعام : قالت عمك خالد ..
قاسم : رزع الباب و قفلوا و خرج بره...
الجد : في أي ..
قاسم : اي الي رجعوا تاني مش كفايه الي حصل ..
الجد : نطمن بس علي فهد و حسابه معايا ...
الممرضه : نتائجه التحاليل طلعت و النتائج كانت متطابقة...
الدكتور : تمام جهزي الاستاذ كويس
ماسه واقفه قدام العمليات مستنيه اي كلمه من الدكاتره ..
الجد : بيكلم ماسه لسه مفيش خبر...
ماسه : قعدت علي الكرسي و حتط ايديها مكان العمليه و كانت بتتوجع ..
قاسم : انتي كويسه ..
ماسه : حاسه بوجع في جمبي هيموتني ..
قاسم : طب تعالي ارتاحي في الاوضه..
ماسه : لأ لما اطمن علي فهد الاول ...
بعد شويه الدكتور خرج و قال الحمد لله لحقنا المريض و هو كويس دلوقتي
..
ماسه : قامت براحه و قالت طب نقدر نشوفه دلوقتي ..
الدكتور : للأسف لأ احنا نقلناه دلوقتي العنايه المركزه لأن ال 24 ساعه
الجايين هما الي الي هيحددو ..
ماسه : هما 5 خمس دقائق بس مش هتأخر ...
قاسم : دي مراته يا دكتور خليها تشوفه شويه صغيرين بس ..
الدكتور : روحي مع الممرضه دلوقتي عشان تعقمي نفسك ..
ماسه : ماشي شكرا يا دكتور ..
خالد : خارج من الاوضه بعد ما اتبرع ب الدم ..
الجد : سحبه من أيدو و قال تقدر تفهمني الي جابك هنا و راجع لي بعد كل الي
عملته ..
خالد : راجع عشان اخد حقي الي حرمتني منه بسبب واحد متستاهلش ..
الجد : زعق و قال قطع لسانك الي بتتكلم عليها دي تبقي مرات أخوك ..
خالد : دي واحده كدابه انت لو تعرف الحقيقه مش هتقول كده ..
الجد : حقيقه اي مفيش غير حقيقه واحده و الكل عارفها ..
خالد : بس مش دي الحقيقه ...
قاسم : قرب منهم و سحبه من أيدو و قال كلامنا مش هنا عشان الصوت و طلعوا
بره ..
*عند ماسه *
ماسه : قاعده علي الكرسي قدام فهد و بتتكلم معاه ..
مش هتقوم بقا مسمي نفسك امبراطور الصعيد و انت اصلا كتكوت مبلول
كانت بتتكلم و الدموع في عينيها قوم بقا أنا لسه مخدتش حقي و بعدين أنا مش
عايزه ارجع وحيده تاني مع أن انت كنتي بتزعلني بس كنت حاسه معاك بالأمان
حاسه ان ليا سند لو حد كلمني اقدر اشكيه من ساعه ما بابا مات مكنتش بهتم
باي راجل و قولت أن خلاص مش هثق في حد تاني من بعد بابا لكن انت غيرت ده
كله و بعدين ده كله حصل بسببك لو كنت صدقت اني معملتش حاجه مكنش كل ده حصل
...
الممرضه : حضرتك الوقت خلص ممكن تخرجي عشان المريض محتاج راحه ...
ماسه : مسحت الدموع من علي عينيها و قالت حاضر جايه ...
*عند الباشا *
سالي : قاعده علي الكرسي قدام السرير بتاع الباشا و بتتكلم معاه من بعد ما
فاق ..
شاهين : قاعد علي الكنبه الي ورا بعدين قال استفدت اي بعد ما عملت كده أنت
لي مش ناوي تفهم أن أي غلطه ممكن تودينا في داهيه انت ناسي احنا شغالين في
أي ...
الباشا : بيتكلم مش ناسي يا شاهين بس هو غلط معايا و انا كان لازم اخد حقي
منه ..
شاهين : انت قولت بلسانك منه مش من مراته انت متصور الغلطه الي كنت
هتعملها ...
الباشا : يا عم اسكت هو أنا نجحت في دي كمان ..
شاهين : انت اي يابني اي الغباء الي انت في ده
الباشا : ده مش غباء ده انتقام هو اخد مني شاهي زمان و انا دلوقتي هاخد
حقي منه و اندمه علي مراته ..
شاهين : ابقي قبلين لو عرفت تخرج من هنا البوليس بره و ايدك الي في
الكلبشات دي هتعمل فيها أي ..
سالي : قامت و قعدت قدامه علي السرير و قالت ممكن تهدي كده و متزعلش نفسك
..
شاهين : لو السنيوره خلصت واصله الحب دي تنجز عشان اروحها معايا ..
سالي : هجيب شنطتي و جايه ..
*عند خالد *
قاسم : ممكن بقا افهم اي الي رجعك تاني ...
خالد : راجع عشان اوضح الحقيقه الي اختفت من سنين. .
قاسم : حقيقه اي حقيقه انك قتلت أخوك ...
خالد : بيزعق مقتلتهوش هو كان ميت لما دخلت ..
قاسم : و بعد الكلام ده المفروض نصدقك صح ..
خالد : لازم تصدقوني لاني معملتش حاجه و الله العظيم ما عملت حاجه ..
الجد : انعام شافتك و انت بتقتله....
خالد : والله العظيم كدابه أنا لما دخلت مكنش في حد غيرها في الاوضه و
كانت متوتره جامد اول ما شافتني بعدين خرجت و بعد شويه لقيتها قطعت الهدوم
بتاعتنا و فضلت تصوت ..
قاسم : عندك دليل ..
خالد : ايوه بس مش معايا دلوقتي اسبوع بس و كل حاجه هتوضح ...
الجد : طول الاسبوع ده مشفش وشك عندي في القصر انت سامع ....
*عند ماسه *
بعد ما خرجت ماسه من العنايه المركزه راحت قعدت علي الكرسي مستنيه قاسم
ييجي ..
يزن : ممكن اقعد ..
ماسه : أكيد اتفضل ..
يزن : أنا يزن صاحب فهد
ماسه : و انا ماسه ..
يزن : عامله اي دلوقتي و جمبك عامل أي ..
ماسه : بقيت احسن بعدين قالت انت تعرف منين اني جمبي تعبني ..
يزن : الصراحه أنا اعرفك من قبل ما اعرف انك مرات فهد ..
ماسه : بس انا اول مره اشوفك ...
يزن : حط ايدو علي رأسه من ورا و قال بتوتر ما هو أنا الشخص الي نقلتك علي
المستشفي بعد ما اغمي عليكي في الشارع ...
ماسه : الصراحه مش عارفه اقول لحضرتك اي بس شكرا ..
يزن : العفو علي اي ده واجبي بعدين تلبفونه رن راح قالها عن أذنك و راح
يرد علي الموبيل ...
قاسم : دخل هو و خالد و الجد ..
خالد : الف سلامه عليكي .
ماسه : الله يسلمك ...
قاسم : دخلتي شوفتيه ...
ماسه : ايوه بس كان باين عليه التعب اوي ...
قاسم : بكره يخف و يقوم بالسلامه بعدين حاله تليفون راح بعد شويه عنهم و
بدأ يتكلم ..
المتصل : أنا عملت زي ما حضرتك قولت و ب الفعل لقينا شويه وثائق و حاجات
ممكن تهمك في الفيلا .
...
الجد : ساب قاسم و راح قعد علي الكرسي و رن علي البيت عشان يطمنهم
.
.
صفيه : قاعده في الصاله و بتدعي أن فهد بقوم بالسلامه التليفون بتاعه رن
..
الجد : اي يا بنتي عاملين اي دلوقتي ...
صفيه : احنا كويسين يا جدي فهد عامل أي دلوقتي ..
الجد : كويس خرج من العمليات و حالياً مستنينه يصحي ..
صفيه : ربنا يقومه بالسلامه يا جدي و ماسه عامله اي دلوقتي....
الجد : أهو يا بنتي بتحاول تبقي كويسه خصوصاً أن هي لسه خارجه من العمليه
مكملتش يومين ..
صفيه : ربنا يشفيها يارب و يقوم فهد بالسلامه ...
الجد : دقولتي عمك علي هيجي قدام الباب جهزي شويه هدوم لفهد و ماسه و
ابعتيعم معاه ...
صفيه : حاضر يا جدي ..
الجد : قفل معاه و راح يشوف انعام ...
انعام : قاعده في الاوضه من ساعه ما فاقت ...
الجد : انتي كويسه دلوقتي ...
انعام : اه يا عمي الحمد لله....
الجد : أنا عارف انك اضايقتي من وجود خالد بس مكنش في حل تاني يا بنتي
...
انعام : لفت وشها الناحيه التانيه و قالت و الي عمله ده هتسامحه عليه برضو
..
الجد : اكيد لا و مرضاش يقولها علي اي حاجه من الي خالد قاله ...
*عند قاسم *
قاسم : حلو اوي كده هتروح دلوقتي و تسلم الملفات دي دلوقتي القسم و تبلغ
علي الباشا و تقول للظابط الي هناك قاسم بيه الدمنهوري هو الي بعتها لحضرتك
...
الراجل : تحت امرك حاجه تاني ...
قاسم : لا روح انت ...
بعد حوالي 6 ساعات فاق فهد و كان باصص للسقف و بيفتكر اخر حاجه حصلت معاه
...
الممرضه دخلت العنايه عشان تشوف اخبار فهد اي ...
فهد : اتكلم بصوت مبحوح و قال عايز مايه ...
الممرضه : راحت جابت مايه و ادتهاله بعدين قالت فهد بيه الحمد
لله على سلامه حضرتك...
فهد : الي يسلمك أنا بقالي قد اي هنا ...
الممرضه : انهارده تاني يوم لحضرتك ...
فهد : أمال فين الناس الي كانت معايا ...
الممرضه : هعرفهم حالاً انك فوقت ...
خرجت الممرضه و قالت لأهله بعدين راحت قالت للدكتور ..
الدكتور : شايف حضرتك احسن دلوقتي ..
فهد : اه الحمد لله ..
الدكتور : دلوقتي هيتم نقلك علي اوضه عاديه و تقدر تشوف أهلك ...
فهد : تمام شكرا يا دكتور ..
و بالفعل تم نقل فهد في اوضه عاديه و حالته هو و ماسه بقت احسن بكتير و جه
الوقت الي خلاص هيرجعوا في البيت تاني في الوقت ده كانت الشرطه بتقبض علي
الباشا بعد ما الدكتور اداهم تقرير طبي أنو كويس و يقدر يخرج كمان . .
ماسه ماشيه هي و فهد ماشي معاه و قاسم سنده ..
و هما ماشيين في الطرقه بتاعت المستشفي شافوا الباشا و هو خارج مع
الشرطي...
الباشا : بيلف وشه شاف فهد و هو ماشي جمب ماسه و ده الي عصبه راح
ساحب المسدس من جمب الظابط و صوب بيه علي ماسه و قال برضو هحرق قلبك عليها
و في وسط الكلام و و الزعيق طلعت طلقه مجهول المصدر و الكل صوت.....
يتبع
تعليقات
إرسال تعليق