 |
| احببتها ولكن |
صفيه بخضه وفزع:لييييل ابني
ركدت اليه وحسنيه وماجدة يقفون مكانهم بذهول وصدمه
صفيه ببكاء:مالك ي ليل ايه اللي حصلك ي ابني مين عمل فيك كدا...انت كنت خارج زي الفل من هنا وماشي علي رجليك ايه اللي قعدك ع كرسي متحرك ي ابني
ليل بتعب:ماما...م ممكن ت..تهدي شويه
سامح:ماما ممكن تهدي ليل تعبان بلاش نجهده اكتر من كدا
صفيه ببكاء:قولولي ايه اللي حصل اخوك حصلوا اي ي سامح
صقر:انا هحكيلك*******
بقصر الدهشان
استيقظت سيلا بوقت متأخر وهي تشعر بخوف لا تعرف لماذا ولكن نهضت وذهبت كي تأخذ شاور دخلت كوثر بهدوء عندما تأكدت ان سيلا دخلت الحمام ذهبت واخذت هاتفها وجدت ان الهاتف مغلق بقفل معين ادخلت اسمها لكن لم يُفتح ادخلت اسم روز وجدته فُتح ابتسمت بخبث ودخلت علي اخر الاتصالات التي اجرتها سيلا كان هناك رقم غير مسجل اتصلت به
ف الجامعه
انتهوا من المحاضره وذهبت غاده الي روز وجلسوا مع بعضهم وجدت روز بأن اختها تهاتفها اجابت عليها
كوثر بترقب:الو
رمت روز الهاتف علي الطاوله سريعاً وهي خائفه
غاده بتعجب:في اي ي.....
وضعت روز يدها سريعاً علي فهم غاده كي لا تجعلها تُكمل حديثها اخذت هاتفها وكتمت الصوت ونظرت ل غاده بقلق
روز بخوف:غاده ردي علي كوثر هانم ولو قالتلك اي حاجه قوللها ايوه اوعي توقعي بلسانك ونبي
غاده:انا مش فاهمه حاجه
روز بتعجل:هفهمك بعدين ردي
اخذت غاده الهاتف وفتحت الاسكبير كي تسمع روز واجابتها
غاده:ايوه
كوثر:مين معايا
تذكرت روز سريعاً اسم مريم الذي اطلقته لانها كانت تراقبها
روز بخفوت:قوللها مريم
غاده:انا مريم
كوثر:ااا ازيك ي مريم انتي كويسه
غاده بتعجب:ايوه ي طنط الحمد لله
كوثر:طيب ي حبيبتي انا كنت بتطمن عليكي عاوزه حاجه
غاده:لا شكرا ي طنط
اغلقت كوثر الهاتف ووضعته سريعاً بمكانه وذهبت بسرعه قبل ان يكشف امرها خرجت سيلا وهي تبتسم ف كانت تلك خدعه منها حتي تتأكد من شكوكها
سيلا:كدا هنلعب علي المكشوف وانا عرفت نيتك اي ي كوثر هانم...ويا انا ي انتي وانتي اللي بدأتي والبادي اظلم
ف الجامعه
غاده:انا مش فاهمه حاجه
روز:هفهمك لما نروح...يلا نكمل بقيه محاضراتنا عشان نروح
غاده:ماشي يلا
ب تركيا
(الحوار مترجم)
داوود:يجب ان اعود الي مصر مجددا أراس
أراس:لماذا داوود
داوود:سمعت ان ابن خالتي اصبح عاجزاً ويجب علي ان اعود مره اخري كي ادير العمل مكانه حتي يتم شفاءه
أراس بتأثر:ي الاهي...إذا متي ستعود
داوود:لا اعرف أراس عندما اعرف سأخبرك
أراس:سأشتاق لك ي صاح
داوود بابتسامه:وانا ايضا صديقي
أراس:حسناً اذهب انت ولا تقلق سأدير انا العمل هنا وقريباً سأتي الي مصر كي ازوره ونصبح اصدقاء
داوود:حسناً سأنتظرك
أراس:متي ستذهب
داوود:اليوم أراس لأن خالتي بحاله سيئه كثيرا وسأخذ طائره الساعه 5
أراس:إذاً اعتني بنفسك وسأطمئن عليك
داوود بابتسامه ووداع:حسناً ي صديقي اراك علي خير
أراس بوداع:الي اللقاء داوود
ذهب داوود حتي يركب الطائره ويعود الي بلده العزيزه مصر
بقصر ليل
ليل بتعب:ي امي ح حرام عليكي ب بقي ا انا مش متحمل
صفيه ببكاء:غصب عني ي ليل عاوزني اول م اشوفك كدا اعمل اي ازغرطك يعني
ليل بابتسامه:لا بس ي يعني متعيطيش وتستقبليني ك كدا يعني
صفيه:اخواتك دول عقارب
سامح وحمزه معا بصدمه:احنا؟؟؟
صفيه:ايوه عشان رايحين وعارفين ان اخوكوا ف المستشفي وبين الحياه والموت ولما اسألكوا رايحين فين تقولولي رايحين ل نضال عشان رجلوا اتكسرت
نضال:انا اللي قولتلهم كدا حتي هما مكانوش يعرفوا ي طنط ولله غير لما جم
صفيه:وانت متقولش حاجه زي كدا ليه مش انا اموا
صقر:ولله ي ست الكل م كنا عارفين هنقولك الخبر ازاي هو اللي اخترع الحجه دي عشان يجيبهم
حسنيه:معلش ي صفيه اللي حصل حصل قدر الله وما شاء فعل الحمد لله انه قام زي الفل وعايش
صفيه:الحمد لله
ماجده:الف سلامه عليك ي ليل تقوم بالسلامه ان شاء الله
ليل:الله يسلمك ي ماجده
عادت غاده وروز من الجامعه وهم يضحكون دخلوا القصر وعندما وجدوا ليل يجلس علي ذلك الكرسي صعقوا بشده
غاده بصدمه:ليل اخويا
ركدت غاده اليه وجلست علي ركبتيها امامه وهي تبكي
غاده ببكاء:مالك ي ليل ايه اللي حصلك ي قلب اختك فيك اي
صفيه:اهدي اهدي ي غاده ليل تعبان وعامل عمليه كبيره اهدي علي اخوكي
غاده بصدمه:عمليه اي هو ايه اللي حصلك ي ليل قولي في اي
ليل بتعب:انا كويس ي غاده متخافيش عليا ي حبيبتي
غاده:انت مش عاوز تتكلم قدامهم طيب تعالي نقعد بعيد
امسكت الكرسي وحركته الي الخارج وامسكت يد روز واخذتها معها الي الحديقه
ماجده بتعجب:مين دي ي عمتو اللي غاده خدتها معاها بره
صفيه:دي روز بنت خالد الدهشان الله يرحموا
ماجده:وهي بتعمل اي هنا؟؟؟
حسنيه:جرا اي ي ماجده واحنا مالنا
ماجده:مش بسأل ي ماما
حسنيه:ونا بقولك ملكيش دعوه
بالحديقه
غاده:قولي بقي كل حاجه حصلت من طقطق ل سلام عليكوا ومن غير م حرف ينقص ي ليل عشان هزعل منك اوي
حكي ليل كل شيئ حدث بينه وبين فهمي وهي تستمع اليه بصدمه وروز لا تفهم شيئ ومن فهمي هذا
غاده بكره:ي حيوان هو عاوز منك اي ي ليل
ليل بحزن:عاوز ياخذ كل حاجه ي غاده...عاوز ياخد تعبي وشقايا طول السنين دي
غاده:واحنا مش هنسمحلوا ي ليل وهناخد حقكك ولله مهسيبوا
ليل:ملكيش دعوه انتي عبيطه من امتي وانتي بتدخلي ف حاجه بطلي عبط واسكتي
غاده باندفاع:وبعد م اسكت هتعمل اي هاااا عاوزني اسكت وهو السبب ف انه خلاك عاجز وقاعد علي كرسي
صمت ليل وحزن من كلامها وغاده تضايقت من اندفاعها
غاده:ليل انا مكنتش اقصد اجرحك بالكلام
ليل بابتسامه:عادي ولا يهمك ي حبيبتي مش زعلان سبيني دلوقتي
غاده بحزن:حاضر
ذهبت غاده وتركت روز مع ليل وهي حزينه علي ما اصابه
روز بحزن:الف سلامه عليك ي ليل
ليل بهدوء:الله يسلمك ي روز
روز:بجد مش عارفه اقولك اي بس عارف اول م شوفتك بالمنظر دا افتكرت ايه
ليل بأهتمام:افتكرتي ايه؟؟؟
روز:لما كنت بتكلم معاك وقولتلي ساعتها ان انا ممكن يحصلي حاجه دلوقتي او كمان شويه....كأنك كنت حاسس
ليل بتنهيده:عادي ي روز بقيت متوقع ان تحصلي اي حاجه ف اي وقت...حتي الموت بقيت متوقع اني ممكن اسيب اهلي وناسي ف اي وقت مش عارف ي روز بفكر كتير اوي ف النقطه دي ومش عارف ابطل تفكير
روز:ليه؟؟مش يمكن عشان انت حاطط الموضوع ف دماغك ف بتقعد تفكر فيه كتير ولو حصل معاك حاجه مثلا زي كدا خلاص هتموت!!
بلاش تفكر ف الموضوع دا ي ليل كتير وخليك عارف دايما ان الاعمار بيد الله ولو مكتوبلك هتموت دلوقتي هتموت...حاول متفكرش كتير وتهدي وتشوف شغلك وحياتك ومستقبلك
ليل:حياتي اي بقي ومستقبل اي ي روز م خلاص بقيت واحد عاجز وكل حاجه راحت
روز:لا طبعا مش معني ان انت عاجز يبقي انت خلاص حياتك وقفت علي كدا لا بالعكس دا اختبار ليك من ربنا بيشوف مدي تحملك وصبرك أيه....خليك قد الاختبار دا ي ليل ومتستسلمش بسهوله...حاول مره واتنين وتلاته وعشره وصدقني هتنجح انا واثقه وعارفه كدا كويس ولو مش واثقه مكنتش قعدت ونصحتك واتكلمت معاك
ليل بحيره:يعني انتي شايفه اي؟؟؟
روز:شايفه انك تعافر وتتحدي اي حاجه وتشتغل عادي جدا وتمارس حياتك الطبيعيه كأن محصلش حاجه وكأنك واقف علي رجلك....متخليش حد يستغل ضعفك دا مهما كان مين ي ليل
صمت ليل يفكر بكلام روز ووجد انها محقه بكل حرف قالته
روز:عن اذنك...قبل م امشي متزعلش من غاده مكنتش تقصد حاجه هي بس من خوفها عليك اندفعت ف الكلام هي مهما كانت اختك وبتحبك وبتخاف عليك ف مكنش قصدها حاجه
ليل:روز....بجد شكرا ليكي وعلي نصيحتك ليا
روز بابتسامه:العفو دا واجبي....عن اذنك
ذهبت روز وبقي ليل يجلس شارداً ويفكر بكلام روز له
ف الثامنه مساءاً بتوقيت القاهره بمطار القاهره وصلت الطائره العائده من تركيا الي اراضي مصر الحبيبه هبط داوود ومعه حقائبه وخرج وجد سامح وحمزه بأنتظاره
سامح بابتسامه:حمدلله علي سلامتك ي دودو
داوود بضيق:بطل ام الاسم دا عشان معصبني
سامح باستفزاز:ليه كدا ي دودو بس دا حتي جميل ولايق عليك ي ظبوطه
داوود:وربنا اخوك لو م اتلم هعوروا
حمزه:يابا عوروا عادي ميهمكش
سامح:دانت مستبيع بقي
داوود بضحك:بيحبك اوي ي سامح
سامح:الحب بينط من عنيه....بقي انت اخ اخس
داوود بضحك:حاسس اني وقعتكوا ف بعض سيكا
سامح:حاسس مش متأكد؟؟دانت اسمك الحقيقي خرابه
حمزه:وي وي وي اوعي يابا بص انا من رأيي ترجع تركيا تاني
داوود باستفزاز:مش راجع مصر وحشاني هقعد كدا يجي ست شهور
حمزه:تنور يخو...ست ايه يعنيا؟؟؟
داوود بضحك:شهور ست شهور يحلو
سامح:داحنا مش هنام الست شهور دول
حمزه:دا هيأدبنا يجدع انت بتهزر
داوود بخبث:وههزر ليه
سامح:احم احم بقولك اي ي داوود ليل مستنيك يلا
داوود:اهرب براحتك هجيبك...هاتوا الشنط وتعالوا ورايا يلا
سامح:ايه المعامله المنتنه دي؟؟؟
حمزه:اكمنك ظابط يعني هتعامل عيال خالتك كدا؟؟؟اسفوخس عليك واطي
داوود:بتقول حاجه ي حموزه...شكل الكلبشات وحشتك
حمزه بخوف:لا لا ولله مين قال كدا دانت تأمر ي برنس...شيل ي سامح الكلب اخلص
سامح:تعرف انك جبان واهبل؟؟؟
حمزه:دا بيقولي كلبشات يعم انت نسيت اللي كان بيحصل فينا
سامح:لا يخويا منستش...بقولك اي محدش هيخلص علي فهمي غير داوود
حمزه:طب ولله من بدري ونا بقولهم كدا بس محدش سمع مني
سامح بمرح:دي هتبقي مجزره ي شقيق
حمزه بسعاده:حصل انا بحب الدم كدا بموت ف الخناقات
داوود:انتوا لسه فيكوا العاده القذره دي
سامح:يعم احنا بنحب كدا زعلان ليه
داوود:قدامي ياض انت وهو
سامح:حاضر
حمزه:سموحه الجبان
سامح:هعلقك لما اروح اتقل عليا ي ابن صفيه
عادوا الي القصر ورحبت به صفيه بشده وهي سعيده كثيرا
صفيه بفرحه:حمدلله علي سلامتك ي داوود ي ابني نورت مصر
داوود بابتسامه:منوره ب ناسها ي خالتي
صفيه:قلب خالتك ادخل انت مش غريب
دخل داوود وجد ليل يجلس ولم ينتبه لهم ذهب داوود اليه ووضع الكلبشات بيده وازال النظاره التي يرتديها ليل
ليل بابتسامه وفرحه:داوود...عاش من شافك يعم
داوود بسعاده:حبيبي حبيبي حبيبي...واحشني يعم فينك مختفي ليه
ليل:ولا مختفي ولا حاجه اهو موجود ومنفوخ ف الشغل
داوود:ربنا يعينك
ليل:وبعدين انت مش هتبطل العاده المنيله دي بقي اي حد ماشي تحط الكلبشات ف ايدوا انت عشان ظابط هتدوس علينا يعني دي اخرتها ي ابن خالتي
دارود:يابا انا مقدرش ازعلك بس كنت بلفت انتباهك
ليل:ايه الاخبار معاك وحياتك ف تركيا ايه
داوود:زي الفل ولله الدنيا ماشيه تمم
ليل:مش ناوي ترجع ي سياده الرائد ولا اي
داوود:ولله بفكر ي ليل بس صحابي وناسي كل دول هسيبهم وامشي ازاي
ليل:وايه المشكله عادي ابقي روحلهم زياره
داوود:عارف ولله قبل م اجي سلمت ع أراس صحبي وكان زعلان اني همشي واسيب كل حاجه...بس عارف هينزل مصر قريب يطمن عليك
ليل بابتسامه:كتر خيره ولله...ينور ف اي وقت
داوود:احكيلي بقي حصل اي خلاك كدا
حكي له ليل كل شيئ حدث بالتفصيل وداوود يستمع اليه باهتمام ف داوود وليل نفس الطبع ويفهمون بعضهم حتي لو لم يتحدث احد منهم
انتهي ليل وداوود لم يتكلم ب حرف واحد
داوود:مين فهمي دا؟؟يقربلك اي
ليل:ابن عم امي
داوود:ومالوا داخل وواثق انه هياخد كل دا ليه
ليل:انا بفكر ف حاجه بس مش عارف هتنفع ول لا خصوصا بعد م هرب وكسب
داوود:ايه هي؟؟؟؟
بغرفه غاده
غاده:رووووز تعالي عوزاكي بسرعه
اتت روز اليها سريعا وهي متعجبه من صراخها
روز بقلق:في اي ي غاده قلقتيني
غاده بفرحه:ابن خالتي جه ي روز جه انا مش مصدقه
روز بتعجب:مش فاهمه
غاده:داوود رجع من تركيااااا اخيراااااا
روز:داوود مين؟؟
غاده:انتي غبيه ي روز بقولك ابن خالتي
روز:ايوه يعني اعمل اي ازغرط
غاده:امشي ي روز
روز:مانا مش فاهمه بصراحه
غاده:داوود قاعد ف تركيا بقالوا كام سنه عشان في شغل هناك بيخلصوا ورجع انهارده عشان خاطر ليل
روز بخبث:اااهه افهم من كدا انك بتحبيه
غاده بتوتر:ل لا م مين قال كدا
روز:ي بت
غاده بحنق:بس بقي اسكتي دانتي بارده
روز بضحك:خلاص متزعليش
غاده:تعالي ننزل نسلم عليه
روز:استني نسلم عليه اي انا معرفهوش اصلا
غاده:تعالي هعرفك عليه
نزلت غاده الي الاسفل اولا وذهبت ورحبت به
غاده بابتسامه:ازيك ي داوود حمدلله علي سلامتك
داوود بابتسامه:الله يسلمك ي غاده...الحمد لله انتي تمم
غاده:اهه الحمد لله
نزلت روز بعدما ارتدت حجابها بخجل ولكن فجأه وجدت الذي يضع الكلبشات بيدها بغضب وكان داوود
داوود بغضب:اخيرا لقيناكي فاكره هتفضلي هربانه كدا كتير ومش هتتمسكي...وعامله فيها المحترمه والبريئه
سامح بصدمه:قصدك اي ي داوود
داوود:البت دي حراميه ونصابه هي واهلها وانا معايا امر بالقبض عليها
ليل بصدمه:............
ليل بصدمه:روز؟؟؟ازاي
غاده:انت ايه اللي انت بتقولوا دا ي داوود
داوود:زي م سمعتوا كدا البت دي حراميه وجايه تنصب عليكوا واكيد استعطفتكوا بكلمتين ودمعتين ملهمش اي تلاتين لازمه عشان تعيشوها معاكوا واكيد معاها فلوس بس بتاخد منكوا واحده واحده
حمزه:ايه يعم داوود اللي انت بتقولوا دا؟؟؟انت عبيط
روز ببكاء:ولله العظيم م عملت حاجه حضرتك اكيد غلطان انا مستحيل اعمل حاجه زي كدا انا مبشتغلش حد...حتي اسألهم اهم انا....
قطع حديثها ضحك داوود وكذلك الكل عليها وهي توقفت عن البكاء وهي بحاله من الذهول ولا تفهم ما الذي يحدث وعلي ماذا يضحكون
روز بصوت باكي:هو انتوا بتضحكوا علي اي؟؟
داوود بضحك:ايه رايك انفع مش كدا
غاده بضحك:اصل داوود كان بيهزر معاكي هو داوود دايما كدا
بكت روز مره اخري من الخضه التي تعرضت لها امسك ليل الوساده والقاها علي داوود بقوه
ليل بغيظ:بطل بقي هزارك دا عشان هتموت واحد فينا قريب
داوود بضحك:مش قادر ولله....انتي خوفتي بجد
اومأت روز بنعم وهي تشهق وتبكي مره اخري ذهبت غاده اليها واحتضنتها بمواساه
غاده:متعيطيش ي روز معلش هو رخم
داوود:طب ولله لايق عليا ولما ثبتها خافت
ليل:دانت رزل ياض انت ملكش دعوه بيها تاني
ذهب اليه داوود وجلس علي ركبتيه امامه وهو ينظر له بخبث
داوود:ودا ليه بقي ان شاء الله تقربلك حاجه
ليل بغيظ:من غير م تقربلي انا عرفتك ي داوود
داوود باغاظه:بس طلع اسمها حلو اوي هي اسمها اي؟؟؟اهه روز
ليل بغضب مكتوم:لم نفسك عشان هزعلك
داوود بخبث:مالك متعصب كدا ليه تكونش خاطبها؟؟
امسك ليل الوساده وضربه بها بغصب
ليل:غور من وشي ياض انت
داوود:الله...انت اتجننت يعم انت يخربيتك
ليل:امشي عشان هزعلك ولله
داوود بابتسامه:بس حلوه ولله
غاده:هي مين دي اللي حلوه ي استاذ انت؟؟
داوود بسرعه:امك
صفيه:نعم
ضحكت روز عليهم وعلي داوود وهي تراه محاصر بينهم
داوود:ل لا ي خالتي بشكر فيكي د د دا سامح قصدي علي سامح
سامح:انا حلوه؟؟؟
ابتسم ليل بخفه وهو يري داوود محاصر بين الجميع ولا يعرف بماذا يجيب
داوود:جرا اي يجدعان هو في اي؟؟
ليل:وقعت ف شر اعمالك البس بقي
سامح:يوم ليك ويوم عليك
داوود:وات؟؟؟
حمزه بمرح:ازغط بط
امسك داوود الوساده وركض خلف حمزه بغضب
داوود:انت لسه فيك ام خفه الدم السخيفه دي
وقع حمزه وامسكه داوود وضربه بالوساده
داوود:انا بقي عشان خفه الدم دي مأبد ف مصر ي حمزه
حمزه بصراخ:لاااا لاااا ونبي ابوس ايدك بلاش ونبي يعم عشان خاطر عيااااااااااالك
داوود بصراخ مثله:معنديش عياااااااااااال ي ابن الهبلاااااااااه
اتي سامح وليل وروز وغاده علي صوت صراخهم وهم ينظرون لهم بصدمه وزهول ومن ثم تحول الي ضحك هيستيري
حمزه:اوعي بس ايدك ي باشا متطولش ونبي يعم انت معندكش عيال
داوود:انا لسه سنجل ياض انت انت عاوز تدبسني بدري بدري
حمزه:إن جيت للحق بصراحه اهه عشان اخلص منك
داوود:لا يقلب امك مش هتخلص ي ابو ملحق
حمزه بصدمه:ايدا هو مين قالك اني مملحق
داوود:هو في غيره حبيب الملايين اللي بيفضحك اول ب اول
حمزه بتمثيل:كدا يسطا هو مش انا اخوك برضوا ولا انا ابن البطه السوده
سامح:عنك ي برنس سبلي انا الطلعه دي ي صفيااااااااااه
اتت صفيه علي صوتهم العالي وهي متعجبه
صفيه:اي اي في اي ي جحش انت
سامح بخبث:حمزه بيقول انه ابن البطه السوده
صفيه:اخس عليك ي حمزه بقي انا سوده
حمزه:ي فتاااااااان وربنا فتان ان الفتنه اشد من القتل ي سامح
داوود:دا ايه الايمان والتقوي اللي نزلوا عليك دي ي حمزه
ليل بسخريه:ي شيخ حمزه
سامح:مولااااااي
حمزه:بس ياض انت وهو يلا
صفعه داوود بخفه وامسكه من ياقه تيشرته
داوود:ولا انت مش هتبطل طوله لسانك دي ولا اكمنك انت الصغير يعني
حمزه:اوعي يعم كدا بس سيب الياقه بتاعه التيشرت هتبوظ
داوود وهو ممسك بياقه التيشرت وباغاظه:وايه يعني لما يبوظ م يبوظ فدايا هتجيب غيره
حمزه:وحياه امك مانت مش بتدفع حاجه
صفيه:ولد عيب كدا دا اكبر منك هو من سنك برضوا
حمزه:وايه يعني مهو قد ليل عادي
داوود:انا عندي 26 سنه ي كلب وانت لسه يدوبك 20 يعني تحترمنا عشان فرق السن اللي مبينا
حمزه:علي ال 6 سنين يعم انت
داوود:ياض متبطل لماضه بقي يخربيت اللي هتكون من نصيبك بكرا نسمع اخبارها ف الجرايد وهي مُنتحره بسببك
حمزه بتفاخر:مش هيحصل عشان انا عسول ودمي خفيف
داوود:حوش ياض العسل اللي بيقع منك حوش
حمزه:اوعي يعم بقي انت تقيل اوي يخربيتك
نهض داوود ومعه حمزه وهو يركض باتجاه ليل
حمزه:لو راجل قرب
ليل بابتسامه:م بلاش انت مع داوود
حمزه:مانا هتحامي فيك
ليل:ولله انا غير مسئول عن اللي هيحصل وابعد عشان العمليه وراعي ي بغل اني لسه تعبان
حمزه:حاضر يخويا ي حبيبي
غاده:دلوقتي بقي حبيبك
حمزه:طول عمره ي حريقه واسكتي
رن هاتف روز وكانت سيلا اختها
سيلا:ايوه ي روز انا سيلا ي حبيبتي
روز:ايوه ي سيلا انتي كويسه
سيلا:ايوه ي حبيبتي بقولك اي انا جيالك دلوقتي
روز بتعجب:في حاجه ولا اي؟؟؟
سيلا:جايه اتكلم معاكي شويه وياريت الاستاذ ليل يكون معانا ف القاعده دي
روز بقلق:في اي ي سيلا انتي بتخوفيني ليه
سيلا:متقلقيش بس محتاجه اتكلم معاكوا شويه فيها حاجه دي
روز:ماشي قدامك قد اي
سيلا:يعني خمس دقايق كدا
روز:ماشي توصلي بالسلامه
غاده:مين اللي كان بيكلمك
روز:دي سيلا اختي بتقول انها جايه
داوود:الله حلو اوي اما اجرب عليها زي معملت مع روز
ليل:اقسمت بالله لما امشي علي رجلي تاني لوريك
داوود:قول ان شاء الله يعم....هي قدامها قد اي
روز:خمس دقايق
داوود:حلو اوي
ب شركه ليل
عبير بتكبر:بقولك اي ي بتاعه انتي
فيروز:اتفضلي ي عبير
عبير:اسمي عبير هانم ي بت انتي
فيروز بضيق:اتفضلي ي عبير هانم خير
عبير:ليل جوه
فيروز:لا مش جوه حضرتك عوزاه ليه وانا ابلغه
عبير:وانتي مالك عوزاه ف موضوع شخصي
فيروز بحنق:بصي ي فندم ليل بيه مش هيجي الشركه الفتره دي خالص
عبير:مقلكيش ليه يختي
فيروز بخفوت:استغفر الله العظيم ي رب...هو حضرتك متعرفيش
عبير:معرفش اي...متقولي في اي اخلصي
فيروز:ليل بيه اتعرض ل ضرب نار وخد رصاصتين وحاليا قاعد علي كرسي متحرك
عبير بصدمه:امتي الكلام دا
فيروز:اول امبارح
عبير بغضب:وانتي ازاي متعرفنيش حاجه زي كدا انتي غبيه
فيروز بحده:احترمي نفسك لو سمحتي حضرتك ف شركه محترمه ي ريت متغلطيش عشان مطلبلكيش الامن
عبير:امن مين ي ام امن انتي متعرفيش ي بت انا مين ولا اي
فيروز:محصلناش الشرف
عبير بتكبر:انا عبير فهمي الاسيوطي يعني تتكلمي عدل معايا
فيروز باغاظه:طيب اتفضلي من غير مطرود بقي
عبير بغضب:ماشي انا هوريكي ي معفنه ان مخليت ليل يطردك مبقاش انا
غادرت عبير واستغفرت فيروز وهي تحاول ان تهدء
فيروز بحنق:جتك الارف فرحانه اوي انك بنتوا وفرحانه بلبسك اوي استغفر الله العظيم مش عارفه استاذ ليل متحملك ازاي
ذهبت عبير الي قصر ليل اثناء دخولها كانت سبقتها سيلا التي ما ان دخلت حتي وجدت احد يرفع مسدسه عليها
سيلا بفزع:مين...مين ولله معملت حاجه خد الموبايل اهو وكمان الفلوس اه الفلوس مش عوزاها بص خد كل حاجه بس ونبي متموتنيش انا جيت ف مكان غلط ولا ايه
داوود:شششش اسكتي انتي رغايه ليه هقتلك اسهل
وضعت سيلا يدها علي فمها وهي تهز راسها يميناً ويساراً
داوود:حلو بتسمعي الكلام من اول مره جايه لمين؟؟
سيلا لم تجيب عليه وهو تعجب من عدم ردها عليه
داوود:انتي مبترديش ليه
سيلا:هرد ازاي ونا حاطه ايدي ع بوقي عشان متكلمش وعشان متقتلنيش يعم انت
داوود:اممم لمضه زي واحد كدا اعرفه لايقين علي بعض انتوا
سيلا:مين دا؟؟؟
داوود:لا متاخديش ف بالك وبعدين انتي هتاخدي معايا ف الكلام ولا اي ي بت انتي
سيلا بخوف:لا ولله انا اسفه لحضرتك
داوود:جايه لمين
سيلا:ل ليل الدمنهوري حضرتك
داوود:اممم هو عارفك؟!!
سيلا:اهه ولله واختي موجوده هنا كمان وهو عارفنا
داوود:اسمها اي روز مش كدا
سيلا بتعجب:ايوه بس حضرتك تعرفها منين؟؟؟
داوود:اصلي لسه مديها نفس المقلب دا
سيلا:م مقلب اي حضرتك مش ناقصه خفه دمك دي
داوود بجديه:انتي هتهزري ي بت انتي معايا ولا اي
سيلا بسرعه:لا ولله انا اسفه حقك عليا
داوود:اطلعوا ي شباب
خرج ليل وروز وغاده وسامح وحمزه وهم يضحكون علي منظر سيلا وهي كانت بحاله صدمه
سيلا:هو في اي طب م المكان صح اهو اومال مين الجدع اللي ثبتني دا
داوود من خلفها:الرائد داوود علام
سيلا بخضه:ي ماما متكح حضرتك ولا تعمل اي حاجه حضرتك جبتلي صرع
داوود بضحك:كنت بجرب فيكوا معلش حقك عليا
سيلا:انتوا بتضحكوا؟؟؟كنت هموت فيها ولله
ليل بضحك وخفوت:معلش ي سيلا داوود دي العاده الوحيده اللي زي الزفت فيه
سيلا بصدمه:ايدا سلامتك الف سلامه ايه اللي حصل
سامح:لا دي قصه طويله هنقولهالك بعدين
سيلا:طيب عن اذنكوا محتاجه روز والاستاذ ليل علي انفراد
ليل:تمم اتفضلوا
ذهبوا الي الحديقه وجلسوا وكان الصمت سيد المكان
ليل:خير ي انسه سيلا
سيلا:كل خير ي استاذ ليل
ليل بابتسامه:قوليلي ي ليل ع طول بلاش شغل الرسميات دا انتي زي غاده اختي بالظبط
سيلا بابتسامه:شكرا واسفه اني تقلت عليك وشكلك تعبان
ليل:ولا يهمك قولي في اي
سيلا:بصراحه يعني انا جايه ليك وطالبه منك طلب بعد اذنك يعني
ليل باهتمام:قولي محتاجه فلوس؟؟؟
سيلا:لا لا الحمد لله معايا انا كنت طالبه منك انك تخلي بالك من روز اختي
ليل:بمعني؟؟؟
سيلا:بصراحه في مشاكل مبين روز وماما وماما رمتها ف الشارع بمعني اصح ساعه م والدتك خدتها...طبعا روز حكتلك عن السبب وهي دلوقتي بتراقبني وبتحاول توصل ل روز وانا خايفه عليها اوي ف انا عارفه ومتأكده انك هتحميها وتخلي بالك منها عشان كدا جتلك وطلبت منك الطلب دا
ليل:من غير م تقولي ي سيلا انا كنت هعمل كدا ونا عارف ايه اللي بيحصل ومتخافيش اختك مسئوله مني ومش هسمح لحد انه يأذيها حتي لو كان مين...اختك مع ليل سالم الدمنهوري واظن انتي عارفه
سيلا بابتسامه:طبعا عشان كدا جتلك وبجد مش عارفه اشكرك ازاي بابا كان صاحب بباك الروح بالروح
ليل:عارف وعارف روز لما كانت صغيره لسه بينا ذكريات كتير ويعتبر عيله كمان ف عشان كدا بقولك لو احتجتي اي حاجه ف يوم من الايام متتردديش انك تيجي تطلبيها مني
سيلا بابتسامه وامتنان:شكرا ليك بجد ربنا يخليك ويباركلك ويشفيك ي رب
ليل:امين....مش محتاجه حاجه ي سيلا
سيلا:ربنا يكرمك لو هحتاج هقولك ولله صدقني
ذهب داوود اليهم وجلس معهم بدون اذن
ليل:جرا اي ي حضره الظابط ناوي تموت مين
داوود ببراءه:انا...انا طيب حتي
ليل:ايوه يخويا فعلا
داوود:احم متزعليش ي انسه سيلا انا كدا دايما بس دا هزار
سيلا بابتسامه:عادي حصل خير هتعود مع مرور الوقت
رن جرس القصر وفتحت نعمه الباب وكانت عبير ابنه فهمي عدو ليل عبير تحب ليل ولكن ليل لا يحبها ولكن يوهمها بانه يحبها كي ياخذها ويهدد والدها بها وينتقم منه
دخلت عبير حتي بدون اذن من احد ولمحت ليل يجلس مع فتاتين ذهبت اليه
عبير بلهفه:ليل مالك حصلك اي انت كويس
ليل بجمود:انا كويس ي عبير مفيش حاجه
عبير:اومال ايه اللي عمل فيك كدا
ليل:حادثه والحمد لله ربنا نجاني
عبير:قولتلك 100 مره خلي بالك
سيلا:حصل خير ي انسه هو بقي كويس الحمد لله
عبير بقرف:انتي مين ي بتاعه انتي
سيلا:بتاعه....انا بتاعه؟؟؟
عبير:ايوه هو في غيرك وبعدين انتي مالك انا بتكلم مع ليل
سيلا:اصل ليل تعبان ف قولت اريحوا وارد عليكي انا
عبير:طيب خليكي ف نفسك بقي
نظرت سيلا الي روز بحنق ونظرت ل عبير مره اخري وهي تنظر لها بغضب
عبير:هقوم اجيبلك عصير
ليل:شكرا مش عاوز
عبير:طيب ارتاح عشان متتعبش
ليل:لا انا كويس وزي الفل
عبير بحب مصطنع:بس انت كدا هتتعب ونا مش عاوزاك تتعب عشان تخف بسرعه
اخذ ليل نفس عميق وزفره بضيق وسيلا وروز لاحظوا انه لا يريد ان يتحدث معها
سيلا:خلاص ي خالتي بمبه انتي شغاله زن زن زن في اي
عبير:انتي بيئه اوي علي فكره
نهضت سيلا بغصب وقالت:انا بيئه
عبير:ايوه بيئه وعره كمان
اتي الجميع علي صوتهم العالي ولا يفهمون ما الذي يحدث
سيلا:لااااا دانتي متعرفنيش بقي ميغركيش اني كيوت والكلام دا كلوا انا بقلب ع فيفي عبدو ف ثانيه
سامح:ولا ي حمزه
حمزه:اي ي حب
سامح بسعاده:خناقه
حمزه:انا هشكرها مخصوص ولله واعزمها علي اكله بره لو نتفت ريشها وموتتها دلوقتي
سامح:هيحصل
عبير:انت ازاي تدخل الاشكال البيئه دي عندك
كانت تشير الي سيلا وروز سيلا رفعت كوم تيشرتها
سيلا:لا دانتي زودتيها اوي تعالي انا هوريكي الاشكال البيئه دي هتعمل فيكي اي ي قلب امك
#يتبع....
#احببتها_ولكن 12
بقلمي:بيسو وليد....
رايكوا ي شباب....
البارت 13_14من هنا هنا هنا هنا هنا هنا
تعليقات
إرسال تعليق