 |
البارت 13____14 احببتها ولكن
امسكتها سيلا وضربتها بكل غل وعنف وسامح وحمزه يقفون يشاهدون عبير وهي تصرخ تحت يد سيلا التي لم ترحمها ويضحكون عليها وليل الذي يحاول ان يكتم ضحكاته بأي طريقه وروز التي لا تعرف ماذا تقول لهم وهي تشعر بالخجل من ما تفعله شقيقتها امسكت سيلا ذراع عبير وعضته بقوه وغل ورمتها بالارض ونهضت وعدلت من هيئتها وكأن شيئاً لم يحدث
نهضت عبير وهي تئن من الوجع ومن كثره الضرب التي تعرضت له من سيلا نظرت لها بغل وحقد ورفعت لها سيلا احدي حاجبيها وكانت ستذهب اليها مره اخري منعتها روز
روز:خلاص ي سيلا كفايه
سيلا:اوعي شوف البت بتبصلي ازاي...ي حربايه ي عقربه
سامح بضحك:ونبي لتسبيها تكمل عليها
نهضت عبير ونظرت لهم بغضب وحقد وذهبت بدون ان تنطق حرف واحد وسيلا تنظر لها بقرف
سيلا بأستفزاز:متنسيش تبقي تاخدي بالك من نفسك ي قطه بعد كدا
داوود:يخربيتك دانتي غلبتي يسرا ف جيم اوڤر
حمزه:لا بجد انا ارفعلك القبعه انا بحييكي بجد
سامح:كنتي فين من زمان اخيرا حد عرف يعلم عليها
سيلا:وانتوا معملتوش كدا ليه
سامح:لا هي كانت عايزه واحده زيها تطلع القديم والجديد
سيلا:إن جيت للحق انا فعلا طلعت عليها كل غلي
غاده:انا سبحان الله مش بحبها ومش برتحلها خالص
سيلا:اهي اتعلم عليها...دي شغاله زن زن زن علي الراجل وهو مش قادر يتنفس حتي وعامله فيها الام الحنونه جتها نيله وهي شبه العروسه الباربي كدا
غاده بضحك:هموت ولله بجد انتي فظيعه بس عجبتيني
سيلا:اي خدمه انا سفاحه وباكل البشر
غاده:طب متخلصينا منها
سيلا بمرح:لا ماسخه مش حلوه
ليل:دانتي قادره بجد
سيلا:تقربلك ايه المعفنه دي
سامح:خطيبته للاسف
سيلا بصدمه:وات؟؟؟دي خطيبتك انت
حمزه:شوفتي بقي محدش بيحبها اصلا
كانت هُناك من سمعت الخبر وحزنت كثيرا وفرت دمعه منها ولكن مسحتها سريعاً كي لا يلاحظ احد ولكن رأها ليل وتعجب كثيرا عندما رأها حزنت فور سماعها انها خطيبته
قضوا وقت طويل مع بعضهم وذهبت سيلا بعدما اطمئنت علي روز وذهبت كانت روز تجلس شارده ف الحديقه ليلا ولا تستطيع ان تصدق ما سمعته ف الصباح وكيف ان تكون خطيبته وهو لم يتحدث بذلك الموضوع ولم يذكره حتي
ذهب ليل اليها عندما رأها بالحديقه وكان الصمت سيد المكان
قطعه ليل وقال:قاعده لوحدك ليه
انتبهت روز له ومسحت دموعها بسرعه ولكن هو رأها ولكن لم يتحدث
روز بتوتر:عادي يعني انا بحب العزله
ليل:بس دي حاجه مش حلوه
روز:عادي انا متعوده علي كدا من بدري
ليل:زعلانه ليه من ساعه م كنا قاعدين مع بعض الصبح لحد م اختك مشيت
روز بتوتر:عادي مش زعلانه هزعل من اي يعني
ليل:يمكن مثلا من ساعه م عرفتي اني خاطب
صمتت روز ولم تجيب عليه وحاولت التهرب منه
روز:ه هو انت ايه اللي مصحيك لحد دلوقتي؟؟
ليل:دي مش الاجابه علي سؤالي علي فكره
روز بتهرب:ل لا طبعا مين قال كدا عادي يعني يمكن عشان اختي كانت وحشاني وبقالها سنه غايبه يعني
ليل:اممم هحاول اصدق كلامك بس انا عارف السبب
نهضت روز بتوتر وقالت:عن اذنك هطلع انام
ليل بهدوء:اتفضلي
ذهبت روز سريعاً من امامه وصعدت الي غرفتها وهي متوتره كثيرا وقلبها يدق سريعاً
روز بتوتر:انا ليه كنت بالتوتر دا...السؤال كان محرج اوي ليا بس انا غبيه عشان سكت ومردتش وهو فهم دلوقتي يعني بقيت مكشوفه قداموا...انا هنام احسنلي عشان مفضلش افكر كتير
بقصر فهمي
عادت عبير وهي غاضبه كثيرا من سيلا وتوعدت لها رأها فهمي وتعجب من هيئتها تلك
فهمي:مالك ي عبير ايه اللي مبهدلك كدا
عبير:مفيش ي بابا عادي
فهمي:هو ايه اللي عادي؟؟؟انتي مضروبه مين اللي بهدلك كدا
عبير بدموع:واحده معفنه كانت عند ليل انهارده وبهدلتني وجابتني من شعري زي م انت شايف كدا ي بابا
فهمي:خلاص متعيطيش ي حبيبتي وانا هجبلك حقك
عبير بفرحه:بجد ي بابا
فهمي بابتسامه:طبعا ي حبيبت بابا استني عليا كام يوم وانا هجيبها تحت رجلك واكسرها كمان
عبير بسعاده:ربنا يخليك ليا
فهمي بخبث:بس المهم تبيني ل ليل انك زعلانه عليه وانك جدعه ومش هتسبيه رغم عجزوا وانك هتفضلي جنبوا لحد م يرجع يمشي تاني وطبعا هو دلوقتي خطيبك يعني بعد م تتجوزوا هنكسروا وناخد منوا كل املاكوا لاني جيت معاه بالذوق ورفض نستعمل العنف بقي
عبير بشر:وساعتها هنرميهم كلهم بره القصر ويكون لينا هو والشركات وفلوسوا وتعبوا وشقاه هيروحوا ف ثانيه
فهمي:جدعه بس انتي مثلي الدور صح بقي
عبير:متقلقش همثلوا صح وهتشوف ف الاخر
فهمي:ماشي يلا اطلعي ارتاحي
بقصر الدهشان
عادت سيلا بوقت متأخر وصعدت الي غرفتها بدون ان تتحدث مع والدتها
سيلا:بقولك ي امل هاتيلي كوبايه قهوه مظبوطه عشان دماغي هتفرقع
امل الخادمه:حاضر ي ست سيلا
دخلت سيلا غرفتها بتعب وارهاق وجلست وهي قلقه من نظرات والدتها لها وتشعر انها تخطط ل شيئ ما
ذهبت وفتحت هاتفها ووجدت سيدرا تهاتفها
سيلا:ايوه ي سيدرا ازيك عامله اي
سيدرا:الحمد لله كويسه طمنيني عليكي
سيلا:انا كويسه وزي الفل مامتك كويسه
سيدرا:الحمد لله...قوليلي انتي متعرفيش حاجه عن روز؟؟
سيلا:مش انا رجعت مصر
سيدرا:بجد...امتي ومقولتليش ليه؟؟؟
سيلا:معلش معرفتش ابلغ حد المهم
سيدرا:حمدلله علي سلامتك...اومال روز مختفيه ليه
سيلا بخفوت:لا دي حكايه طويله ي سيدرا مينفعش تليفون
سيدرا:طيب نتقابل امتي وفين
سيلا:خليها بكرا ف كافيه*****
سيدرا:تمم اشوفك علي خير
اغلقت سيلا معها وجدت بأن هناك رساله من رقم مجهول ولكن علمت انها غاده
وكان محتوي الرساله(سيلا انا روز عاوزه اسألك علي حاجه)
ردت سيلا عليها(خير ي روز في اي)
روز(انا معرفتش انام غير لما اسألك عن مازن هو فين؟؟)
صمتت سيلا ولا تعرف بماذا تجيبها وجدت روز ارسلت رساله اخري(انتي مش بتردي ليه!!!)
ردت سيلا بكذب(اصلوا مشغول شويه)
ردت روز عليها(مشغول ف اي وايه الاهم مني!!!)
ردت سيلا عليها(شغل جديد بقي ومضغوط حبتين)
ردت روز(طيب..تصبحي علي خير)
اغلقت واخذ سيلا نفس عميق وهي لا تعرف ماذا تفعل بموضوع مازن وكيف ستخبرها بأنه ايضا السبب ب رميها بالشارع شربت قهوتها التي جلبتها لها امل وبعدها قررت ان تذهب الي سيدرا غدا وتفهمها كل شيئ وبعدها تأخذ مازن وتذهب الي روز وتخبرها الحقيقه كامله
باليوم التالي وبصباح يوم مليئ بالأحداث
نهضت سيدرا من نومها وتوضأت وادت فرضها وفطرت مع والدتها واخبرتها بأنها ستقابل سيلا
جليله بفرحه:بجد يعني سيلا رجعت
سيدرا:ايوه ي ماما وهروح اقابلها انهارده كمان عشان تحكيلي كل حاجه عن روز...شكل الموضوع كبير
جليله:استني انا هاجي معاكي
سيدرا:خليكي ي ماما متتعبيش نفسك
جليله:لا ازاي انا جايه ملكيش دعوه استنيني انتي بس
ذهبت جليله كي تغير ثيابها كي تذهب مع سيدرا لمقابله سيلا
بعد مرور ربع ساعه تحركوا الي طريقهم للكافيه التي ستقابل به سيلا
بقصر الدهشان
استيقظت سيلا وتوضأت وادت فرضها وارتدت فستان باللون الاسود وطرحه باللون الابيض واخذت حقيبتها وذهبت في طريقها الي الكافيه
ف الكافيه
جلست سيدرا ووالدتها بانتظار سيلا وبعد دقائق كانت سيلا بداخل الكافيه ظلت تبحث عنها حتي وجدتها تجلس هي ووالدتها ذهبت اليهم واستقبلوها بالاحضان
جليله بسعاده:ازيك ي سيلا عامله اي ي حبيبتي اخيرا رجعتي
سيلا بابتسامه:الحمد لله ي طنط
سيدرا بفرحه:حمدلله علي سلامتك ي حبيبتي كل دي غيبه
جلسوا كي يبدء حديثهم الطويل
سيلا بابتسامه:شغل بقي ي سيدرا نعمل اي
جليله:ربنا معاكي ي حبيبتي
سيدرا:قوليلي بقي روز مختفيه ليه وايه اللي حصل انا قابلت طنط كوثر من كام يوم ف النادي وسلمت عليا بقرف ولما سألتها عن روز قالت انها سابت البيت وهربت
ضحكت سيلا بسخريه علي حديث والدتها وتشويه صوره اختها امام الناس
سيلا:محصلش ي سيدرا
سيدرا:اومال في اي وضحيلي
سيلا:اللي حصل ان*********
وبدءت سيلا بسرد القصه لهم وتوضيحها اكثر تحت صدمتهم
بمنزل ام مازن
ام مازن:ي مازن قوم يلا
مازن:سبيني ي امي انا مش ناقص
ام مازن:هتفضل ع الحال دا كتير ي ابني
مازن:ايوه
ام مازن:بس انا مش عاجبني حالك دا ي ابني
مازن:لما اقوم هنبقي نشوف الحوار دا حاضر
خرجت ام مازن ب يأس فهي لا تعرف ماذا تفعل مع ابنها
ف الكافيه
سيدرا بصدمه:يلهوي كل دا حصل ل روز ونا معرفش
جليله:ولله انا مصدمه بجد ازاي امك تعمل كدا ف بنتها
سيلا:انا ذات نفسي مش عارفه انا مصدومه
جليله:ولله ي بنتي لو كنت اعرف كنت خدتها عندي
سيلا بابتسامه:عارفه ولله ي طنط من غير م تقولي
سيدرا:بس اللي انا مصدومه منوا ازاي ابن خالتك يطاوعها ويعمل كدا
سيلا:ولله ي سيدرا م عارفه اكيد لفت دماغوا وادتلوا فلوس عشان ينفذ واكيد هددتوا عشان ميتكلمش بس هو بردوا ف خطر ماما اكيد مش هتعديهالوا بالساهل
سيدرا:فعلا عندك حق...طيب انا عاوزه اشوفها واقعد معاها شويه
سيلا:ماشي يلا انا كنت هعدي ع مازن الاول عشان اعرف روز الحقيقه عشان عماله تسأل عليه ومش عارفه هفضل اخبي عنها لحد امتي
سيدرا:تمم يلا بينا
نهضوا وذهبوا ركبوا السياره واتصلت سيلا ب خالتها كي يجهز مازن
بمنزل ام مازن
ام مازن:مازن قوم اجهز عشان سيلا جايه تاخدك ف طريقها عشان هتروح ل روز
نهض مازن فجأه وهو لا يصدق ما سمعه احقاً سيقابل محبوبته
مازن:ماما انتي بتهزري ولا بتتكلمي بجد
ام مازن:لا بتكلم بجد
مازن بسعاده:النهارده اسعد يوم ف حياتي بجد
ام مازن:طيب روح اجهز يلا عشان سيلا زمانها داخله علينا
مازن بسعاده:طياره
ذهب مازن كي يجهز بينما والدته تدعي له ان يعود مجبور الخاطر وهي تري سعادته
وصلت سيلا ونزل مازن ورحب بها وركب بهدوء وذهبوا الي قصر ليل
بقصر ليل
روز:صباح الخير
الجميع:صباح النور
صفيه:كل دا نوم ي روز
روز بابتسامه:لا كنت صاحيه بس قعدت شويه مع نفسي وقولت اما انزل اقعد معاكوا
غاده بابتسامه:تعالي يلا اقعدي جنبي
ظلوا يتحدثون قليلاً وروز لم تتحدث مع ليل بحرف واحد وتحاول ان تتجاهله وهو تأكد من الذي يدور برأسه وانه صحيح كما ظن
رن جرس القصر وذهبت نعمه فتحت وكانت سيلا وسيدرا وجليله دخلوا ونهضت روز عندما رأت صديقتها سيدرا
ركضت سيدرا الي روز بسعاده كبيره وفرحه واحتضنتها بسعاده كبيره
سيدرا بدموع:وحشتيني اوي ي روزي وحشتيني اوي
روز بدموع:وانتي كمان ي حبيبتي وحشتيني اوي
ذهبت جليله واحتضنت روز بحنان وسعاده
جليله:وحشاني اوي ي روز عامله اي ي بنتي
روز بسعاده:وحضرتك وحشاني اوي...انا كويسه طول م انتوا كويسين
سيلا بابتسامه:ايه رأيك ف المفاجأه دي
روز بسعاده كبيره:احلي مفاجأه ف حياتي كلها
سيدرا:طمنيني عليكي انتي كويسه
روز:بقيت كويسه لما شفتكوا بجد
رأت سيلا سعاده روز وفرحتها عندما رأت سيدرا وجليله وكانت لا تريد ان تفسد سعادتها ولكن ما باليد حيله ف عاجلاً ستعرف
سيدرا:ايه الجمال دا لبستي الحجاب
روز:ايه رأيك
سيدرا بفرحه:زي القمر ي حبيبتي اللهم بارك
سيلا:روز
روز بابتسامه:نعم
سيلا:عندي ليكي مفاجأه تانيه
روز:مفاجأه؟؟؟مفاجأه ايه
سيلا:ادخل يلي برا
دخل مازن وهو ينظر لها بسعاده وفرحه كبيره وهو لا يصدق انه يراها الان امامه بعد غياب اخيرا وجدها ولكن اصبحت جميله اكثر بحجابها الرائع الذي يزين وجهها الخالي من مساحيق التجميل رأته وصُدمت احقاً هو امامها من احبته امامها بعد مده كبيره بالنسبه لها
روز بدموع وهمس:
روز بدموع وهمس:مازن
نظر لها ليل ونظر ل مازن الذي كان ينظر لها بسعاده كبيره وفرحه وهو لا يعرف ما علاقته ب روز ولكن يشاهد بصمت سيلا ذهبت اليها ووقفت امامها ولا تعرف بماذا تبدء
سيلا:روز م مازن...مازن لازم تبعدي عنه
روز بصدمه:ابعد عنه؟؟ليه ابعد عنوا بدون سبب ليه
سيلا:لو هتتكلمي من ناحيه السبب ف الاسباب كتير ولازم تعرفيها انا مكنتش حابه اكسر فرحتك دي وبردوا مكنتش متحمله اشوف لهفتك عليه وسؤالك عليه كل شويه بس اللي عمله مستحيل اي واحده تقدر تتخطاه او حتي تحاول تنساه لانه للاسف هيفضل سايب أثر جواكي
سيلا بعدم فهم:انا مش فاهمه حاجه انتي قصدك اي بالظبط
نظرت سيلا الي سيدرا وجليله بقلق وتوتر ولا تعرف كيف ستخبرها بتلك الحقيقه التي ستكون سبب ف دمارها
سيدرا:قوللها ي سيلا هتفضلي مخبيه لحد امتي هتفضلي سيباها كدا لحد امتي عاجلاً ام اجلاً هتعرف الحقيقه ولازم تتقبلها عشان تكمل وتشوف هتختار اي هيريحها بعد كدا
روز:هو انتوا بتتكلموا بالالغاز ليه انا مش فاهمه حاجه
ذهبت الي مازن الذي علم الذي ستفعله سيلا ووقفت امامه وهي تظن انه اصابه مكروه
روز بخوف:مازن هو في اي انت اللي هتقولي مش كدا انت تعبان ولا في اي
رأي مازن لهفتها وخوفها عليه وهو يشعر بالندم يتأكله وتأنيب ضمير انه اوصل نفسه الي تلك النقطه
روز:رد ساكت ليه انت كمان جاوبني في اي....ردوا
سيدرا:اتكلمي ي سيلا متسبيهاش كدا
غاده:انا مش فاهمه حاجه هو في اي بالظبط
سيلا:انا هقولك في اي
ذهبت روز اليها بلهفه وامل وهي تعرف انها ستخبرها بالحقيقه
روز بلهفه:ايوه قولي في اي بقي
سيلا بتوتر ودموع نظرت الي مازن وبعدها ل روز:طبعا انتي عارفه حكايه ان ماما خدرتك ورمتك ف الشارع
روز بتعجب:ايوه عارفه بس ايه اللي فتح الموضوع دا دلوقتي
سيلا:كنتي عاوزه تعرفي انتي ازاي بعد م اتخدرتي صحيتي لقيتي نفسك ف الشارع صح
روز:ايوه...انتي تعرفي مين؟؟؟
سيلا:للأسف
روز بترقب:مين؟؟؟
نظرت لها سيلا بدموع ورفعت يدها ببطء وهي تشير علي مازن نظرت روز للمكان الذي تشير فيه وكانت علي مازن صدمه كبيره كانت من نصيب روز وهي تنظر له والدموع تتجمع بعينيها الفيروزيه وهي لا تصدق
روز بدموع:مازن!!!!
نظر لها مازن بدموع وهي لا تستطيع ان تصدق ما سمعته كيف كيف من احبته يفعل بها هكذا
سيلا بدموع وهي تري روز مصدومه:هو اللي خدك ورماكي بعد م ماما طلبت منوا كدا....ومش كدا وبس هي طلبت منوا انه يقتلك ويدفنك بعيد ومحدش يعرف حاجه عنك....مقابل ايه كل دا...مقابل مبلغ كبير ادتهولوا
نظرت لها روز بصدمه وهي لا تستطيع ان تصدق ما سمعته ونظرت مره اخري الي مازن ودموعها تهبط بغزاره يكفي لم تعُد تتحمل اكثر من ذلك
سيلا:بس هو مقتلكيش...عارفه بحجه اي!!!بحجه انه بيحبك ومش هيقدر يعمل كدا...وسابك لحال سبيلك ومشي وسابك ف الشارع زي م انتي صحيتي كدا وشوفتي..هو اللي كان راميكي ي روز...هو
روز كانت بصدمه شديده تشعر كأنها مغيبه عن العالم وان هذا الهراء لم يحدث ولكن وجدت الصدق بحديثها ونظراتها فهي دائما تعلم بأن اختها تقول الصواب ذهبت الي مازن بهدوء وبطء وهي تتذكر ذكرياتهم وضحكهم وقفت امامه وهي ملامحها جامده لا تدل علي اي شئ ولكن دموعها هي التي تهبط بغزاره فجأه وبدون مقدمات صفعت مازن بكل ما تحمله من قوه وضع يده مكان الصفعه وهو لم يتحدث ولم يصرخ بل صمت وتركها تفعل ما تريد فهي الان ليست روز الذي يعرفها بل هي واحده اخري غاضبه وبشده لا تقارن ب روز الذي يعرفها صفعته مره اخري بغضب شديد تحت صدمه الكل والان اصبحت القصه واضحه امامهم
روز بصراخ:ليييييييه...لييييييه....انت تعمل فيا انا كدا انا
مازن:روز انا....
قاطعته روز بصراخ:اخرررررس اخرس خالص مسمعش صوتك ولا اسمي يجي علي لسانك ابدا...انا..انا ترميني ف الشارع وعشان خاطر ايه الفلوس
مازن:ي روز ولله انا...
روز بمقاطعه وصراخ:باااااس قولتلك اخررس انت بترميني انا...بعد دا كلوا...للدرجادي الفلوس اهم عندك مني...مفكرتش ايه اللي ممكن يحصلي بسببك...نمت ازاي علي سريرك وانت راميني بره لا حول بيا ولا قوه...ازاي جالك الجراءه دي كلها اصلا انك تعملها...وعشان ايه بمبلغ كبير هتشوف نفسك اوي يلا...انا اللي حبيتك وقولت خلاص دا اللي خرجت بيه من الدُنيا يطلع منك كل دا...ي شيخ منك لله...انا كرهتك ومش اي كُره لا دانا بكرهك اكتر م بكره امي نفسها اللي هي السبب الرئيسي اصلا ف اللي انا فيه دلوقتي...منظري بقي ايه وانا قاعده مع ناس انا مكنتش اعرفها وعاملوني احسن منكوا...انا اللي امنتلك ومتوقعتش ف مره انك تغدري بيا وترميني عشان الفلوس...انا بضرب نفسي بالجزمه دلوقتي اني حبيتك ف يوم من الايام...ايوه كرهت نفسي عشان سلمتلك قلبي وانا مرتاحه وواثقه فيك وقولت انك عمرك م هتخدعني ولا تجرحني ف يوم من الايام...مش دا كلامك ليا بردوا ولا كانت وعود علي الفاضي...لا ويا بجحتك ي اخي جايلي برجليك وفاكرني اني هسمحك
مازن بتوتر ودموع:قصدك اي؟!
روز بصوت عالي:قصدي اني مش هسمحك ومش هصفالك حتي لو بتموت قدامي انا عمري م هيدقلك قلب حتي لو كان فيك اي...اذا كنت انا اللي اسمي بنت خالتك من لحمك ودمك رمتني وكلوا...بسبب امي...انا كرهتك اكتر م كنت بحبك شوف حبي ليك كان قد ايه ودلوقتي كرهي ليك بقي اضعاف...نفسي اموتك بس مش عارفه...نفسي اطفي النار اللي جوايا واطلع من صدمتي مش عارفه....خلتني بعد م كنت اسعد واحده ف الدنيا اتعس واحده ف الدنيا...كسرتني وجرحتني ومهمكش عادي مهي كلبه عادي الفلوس اهم منها...وطول م انت ماشي ورا امي هتخسر اكتر هتخسر امك وكل واحد ف حياتك...لحد م تبقي لوحدك وكلوا بسببها ف الاول والاخر وزي م رمتني بكرا ترمي امك عادي مهو ملكش كبير
سيلا بخوف من حاله روز وصراخها الهيستيري ذهبت اليها كي تهدءها منعتها من الاقتراب
روز:اوعي تقربي...محدش يقرب
سيلا بخوف:طيب ممكن تهدي...
روز بصراخ:ليييه شيفاني مجنونه وبشد ف شعري
سيدرا تدخلت بسرعه:لا لا هي مش قصدها كدا خالص هي بس خايفه عليكي مش اكتر احنا خايفين عليكي ونتي مريضه قلب
روز:ملكوش دعوه انا مش صغيره...انا عارفه انا بعمل اي كويس
ذهبت اليها جليله واحتضنتها بمواساه وروز انفجرت من البكاء بأحضانها كانت تبكي بحرقه وجليله تهدئها كان ليل حزين عليها ولأول مره يراها بذلك الانهيار وبذلك الضعف
ذهبت سيلا ووقفت امام مازن الذي يبكي بصمت
سيلا ببرود:اطلع بره
مازن بدموع:سيلا انا بحبها ولله و....
سيلا باندفاع:اعتبر روز ماتت...اعتبرها مش موجوده معانا ع الكوكب اعتبرها كأنك متعرفهاش ومشوفتهاش قبل كدا ارحمنا بقي ي اخي ارحمنا وسبنا بقي
مازن بحزن:يعني انتي شايفه كدا
سيلا:ايوه وياريت تتفضل بقي
نظر مازن الي روز بحزن قبل ان يغادر ويتركهم ذهب وهو حزين ذهب وهو يشعر بالندم لم يكن يتوقع شئ كهذا ظن انها ستسامحه وتنسي ولكن فاجئته بردها
كانت روز تبكي بأحضان جليله ولم تهدء بل بكائها يزداد اقتربت سيلا منها وهي حزينه علي حالتها التي وصلت اليها
سيلا بدموع:روز....انا اسفه
خرجت روز من احضان جليله ونظرت ل شقيقتها بدموع وكسره واحتضنتها بقوه وهي تبكي يكفي لم تعد تتحمل
روز ببكاء:هي ليه الدنيا جايه عليا اوي كدا...ليه كل م اضحكلها تبوز ف وشي....ليه مفيش حاجه حلوه بتكتمل ي سيلا ليه
سيلا ببكاء وتحاول تهدئتها:هي الدنيا كدا ي روز لازم تتعبي شويه عشان بعد كدا تعيشي مرتاحه...مش كل حاجه بتيجي بالساهل ي روز ابدا
ابتعدت روز عنها وهي تبتعد عنهم
سيلا بقلق:رايحه فين ي روز
روز بهدوء:طالعه اوضتي محتاجه اكون لوحدي
صعدت روز تحت انظار الجميع حزن ليل كثيرا عليها وتمني ان يمسك ب مازن ويضربه لانه السبب ببكائها وانهيارها ذلك
سيلا بدموع:انا مش هوصيكوا عليها خلو بالكوا منها ونبي
غاده بمواساه:متقلقيش تحت عنينا ومش هتغيب عننا لحظه
سامح:خليكي لحد م تهدي واطلعي اتكلمي معاها اكيد بتسمع منك
صفيه:سامح عندو حق خليكي قاعده لحد م تهدي
سيلا باستسلام:حاضر
ف شركه ليل
_لو سمحت الاستاذ ليل موجود
فيروز:لا ي فندم الاستاذ ليل مبينزلش الشركه الفتره دي
_ليه؟؟؟هو حصلوا حاجه
فيروز:الاستاذ ليل اتعرض لضرب نار وحاليا بقي علي كرسي متحرك
_اييييييه؟؟؟اديني عنوانو بسرعه
فيروز:ممكن اعرف حضرتك مين الاول
_انا الرائد بهاء صابر صاحب ليل سالم الدمنهوي
فيروز:دقيقه ي فندم هخليك تكلموا لانه مبيسبش اي حاجه خاصه بيه معانا ل عنوان ول اي حاجه
بهاء بتفهم:تمم
ف الصعيد
_يعني اييييه حُصل ميته دا؟؟؟...إنت متأكد طيب اجفل
_ايه ي غفران حُصل ايه
_ليل ي حسيبة ليل جعد علي كرسي متحرك ي حسيبة
حسيبة بخضه:يلهوي ليه اكده كفالله الشر حُصل ميته وكيف صفيه متدناش خبر زي اكده عاد
غفران:اسمعي ي حسيبة تتصلي ب صفيه وتقنعيها تيجي تجعد إهنه هي وعيالها خلي ليل يغير جو
حسيبة:حاضر ي خوي
غفران:صفيه مش بس اختي ي حسيبة دي حته من جلبي الحاجه الوحيده اللي مهونه عليا تعب الدنيا ده
حسيبة بتفهم:عارفه ي خوي عارفه متجلجش انا هتكلم معاها واقنعها متجلجش
بقصر ليل
كانت روز بغرفتها وحيده تجلس بين اربعه جدران تبكي بحرقه وهي لا تستطيع ان تصدق حتي الان كان ليل بالطرقه واثناء مروره سمع صوت بكائها الذي مزق قلبه وألمه بشده يعرف انه خارج ارادتها وسريعاً تذكر حديثهم اول مره وعرف سريعاً انها بذلك الوقت كانت تقصده هو تردد ان يدخل لها ولكن حسم الامر وقرر ان يدخل طرق علي الباب وانتظر حتي يفتح له احد
نهضت وذهبت فتحت له الباب وعندما رأته ذهبت الي الفراندا وجلست وهي تحاول ان تتماسك امامه كي لا يشمت بها كما تظن هي كانت تنظر الي السماء الصافيه وكان شكلها جميل وهي شردت بمنظرها الرائع دخل بكرسيه المتحرك وكان بجانبها وينظر للسماء ايضاً
ليل:السما شكلها حلو انهارده...او مش السما بس
نظرت له بهدوء وعادت تنظر امامها مره اخري
ليل:انتي مش اول واحده علاقتها تفشل...ياما ناس جربت وفشلت بس فشلنا دا بنتعلم منوا بعدين...يعني بأختصار عشان مطولش عليكي وعشان متزهقيش مني وتقولي عليا اني متطفل الدنيا تجارب...انتي جايه الدنيا عشان تتعلمي من اخطائك وانك متثقيش اي حد بسهوله....ياما كلنا فشلنا اول مره وياما تعبنا ومكناش طايقين نفسنا وكنا زعلانين بس مش هنفضل زعلانين ع طول...لازم نشوف حياتنا وايه اللي مستنينا قدام...متزعليش عليه هو ميستاهلكيش والمفروض تحمدي ربنا انه اتكشف ف الاول قبل م كنتي ادبستي فيه...علي الاقل قضا اخف من قضا...مش عاوزك تزعلي وعسي ان تكرهوا شئ وهو خير لكم ي روز...لعله خير
شردت وحديثه يتكرر برأسها وانه علي حق بكل كلمه قالها
روز بهدوء:كنت معميه...كنت فاكره اني خدت نصيبي من الدنيا وخلاص..بس اظاهر اني كنت غبيه ومغفله
ليل:مش حكليه غبيه ومغفله...كل الحكايه ان انتي زي م بتقولي معميه...مش شايفه عيوبوا كل اللي شيفاه هي المميزات وبس
كل واحد فينا لما بيغلط بيتعلم من غلطوا وان انا مكررش نفس الغلطه تاني عشان متقفلش وطاقتي تنفذ ولو طاقتك نفذت يبقي مش هتعرفي تواجهي حد حتي نفسك مش هتعرفي تواجهيها...شوفي اللي مستنيكي قدام ارمي الماضي ورا ضهرك
لو تابعتي كرتون سيمبا كان قال جمله ف الكرتون دا انا ماشي بيها حياتي وحقيقي فادتني كتير واننا ك كبار مش بنتفرج عليه عشان عندنا طفوله متأخره زي م البعض بيقول بس بيكون في حكم ودروس الواحد بيستفاد منها ودا اللي انا عملتوا
لما سيمبا ابوه مات كان ضعيف ومكسور وحس وقتها انه وحيد وفجأه بالرغم من صغر سنه بس اكتشف انه هو اللي بقي الملك ومسئول عن ناس كتير وقتها عمه جشعه وحقده عموه وطرد سمبا من المملكه اللي هي المفروض بتاعته هو وقتها سيمبا لقي تيمون وبومبا دول وبقي وصحاب الروح بالروح ونسي نانا حب طفولتوا وكبر معاهم وكانوا زي السكر علي العسل سيميا لما كبر كان لسه عندوا حبه خوف ظهر القرد اللي دايما كان معاه من صغروا وسيمبا كان بيشوف ابوه ف كل حته حواليه كأنه جنبوا وبيحميه وبيشجعوا سيمبا لما نانا لقته صدفه واتكلموا مع بعض ساعتها شدوا قصاد بعض وسيمبا قرر يهرب من ماضيه ومخاوفه وقتها ظهرلوا القرد دا واتكلم معاه عشان يرجع ويحكم مملكته تاني وهو رفض بحجه انه خايف انه يواجه عمه وقتها القرد دا ضربوا علي راسوا وقالوا ان الماضي دايما بيوجع بس الحل انك ي تهرب منوا ي تتعلم منوا ودا كان درس مهم جدا يعلم الاطفال يعني ايه يتحدوا اي حاجه مهما كانت كبيره او خطيره كرتون بينمي روح العزيمه والاصرار واني مش هقع من اول مره وتيمون بردوا قالها ل سيمبا لما كان صغير ادي ضهرك للدنيا....سيمبا وقتها رجع قوي واتغلب علي عمه سكار ومات ورجع سيمبا احيا الارض اللي كانت ميته من الاف السنين من ساعه موت ابوه ورجعت الارض دي زي الاول والشمس نورت المملكه كلها وعم الخير والسعاده وسيمبا رجع ل نانا حب طفولته واتجوزها وخلفوا وجابوا بنت والحياه استمرت عادي وعاشوا مرتاحين وف الجزء التاني رجع نفس المشهد تاني بس ب احداث مختلفه شويه وعلمها زي م ابوه كان بيعلموا بالظبط....شوفتي انه مهم وبيدينا دروس نتعلم منها ف حياتنا ومكدبش عليكي كل م اكون زيك او ونا عاجز زي م انتي شايفه اتفرج عليه وبينمي جوايا روح العزيمه واني موقعش بسهوله...لازم تاخدي الكلام دا كله وتحطيه ف ودانك وتفتكريه دايما لان قصتك انتي ومازن...زي سيمبا ونانا بس الفرق ان دا غدر ودا خد وقت اعبال م يرجع تاني زي الاول عشان يرجع اللي اتاخد منوا...وممكن يكون دا كلوا متجسد ف شخص تاني غير مازن...شخص تعبان وبيتحدي تعبوا دا شخص بيخطط من سنين لحاجات كتير...اتمني تكوني فهمتيني وفهمتي قصدي ايه
كانت روز تستمع اليه بكل تركيز ومنصته اليه كثيرا كانت غافله عن هذا تماماً حقاً هو معه حق كانت تستمع اليه بتركيز واعجاب ان مازال هناك شخص بكل ذلك النضج وانه لم يخجل بل كان يتحدث بحماس يولد بداخلها روح العزيمه كي تنهض مره اخري ولا تستسلم مره اخري
روز بهدوء واعجاب:كلامك عجبني اوي بجد وشجعني مع اني بتعبك ف الكلام بس حقيقي انا بستفاد منك كتير....اول مره اشوف شخص كدا بجد...انت مميز ومختلف عن اي حد
ليل بمرح وغرور مصطنع:عارف عارف مش محتاجه تقولي
ضحكت روز عليه وهو ابتسم ف هو يستطيع ان يخرجها من حزنها بأي طريقه وهذا يسعده كثيرا دخل سامح وحمزه وغاده فجأه
سامح وحمزه وغاده في صوت واحد:خيااااااااااااااانه
#يتبع......
#احببتها_ولكن 14
بقلمي:بيسو وليد...
رايكوا....
تعليقات
إرسال تعليق