 |
الفصل 11
ليلي: يعني انتي جايه وماشيه دلوقتي
رحاب: كان نفسي اقعد معاكي والله ي بنتي اكتر بس غصب عني
ليلي: ولا يهمك ي حبيبي
رحاب: هروح واكلمك وعيد ميلادي يوم الاتنين هستناكي مليش فيه
ليلي: حاضر
مشيت رحاب وشويه عدت سميره عليها وروحوا قعدت ع السرير ومسكت التليفون لقت رحاب مدخلاها ف جروب لعيد ميلادها ولقت رقم 010 بيتكلم ف الجروب واسمه لوكا عرفت انها هي
خرحت م الجروب لقت رحاب بعتالها
ليلي انتي خرجتي ليه
ليلي: عادي بس عشان مش جايه معلش عشان ماجد وراه مشوار يوم الاتنين وهعوضهالك
رحاب: ليلي لو خرجتي عشان لوكا ف يبقي عيب عليكي انتي عارفه انتي عندي اي
ليلي: لا ي حبيبتي اي الهبل دا انا فعلا زي م قولتلك
رحاب:طب انا مليش فيه هستناكي
لسه هترد عليها لقت مسدج من الرقم ال 010
= ليلي عامله ايه
ليلي: الحمدلله مين
= انا لوكا
ليلي:!!
لوكا: هو انا موحشتكيش
ليلي: مبيوحشنيش حد جه عليا
لوكا: انا مجتش عليكي
ليلي: فعلا انتي صح... سلام
لوكا: طب قولي انا عملت ايه
ليلي قالتلها كل اللي قالته عليها
لوكا: ماجد هو اللي وقعنا ف بعض وهو اللي كان مخليني متضايقه منك والكلام دا قولته وقت عصبيه والله بس
ليلي: اوك كلامي خلص..
وقفلت معاها ونامت
تاني يوم
ليلي: متأخريش انتي بس
سميره: لا انا نص ساعه كدا وهتلاقيني فوق دماغك
ليلي: ماشي يلا باي
قفلت لقت مسدج من لوكا *ليلي الحقيني*
ليلي: ف ايه
لوكا: ف مشكله ف البيت عندي عاوزاكي تجيلي
ليلي: مشكله ايه وانا دخلي ايه بيها
لوكا: قولت لماما اني نازله معاكي عشان تنزلني وروحت مع اصحابي وعرفت وزعقتلي ف عاوزاكي تقوليلها اني كنت معاكي
ليلي بضيق: طيب هكلمها وهقولها
لوكا: لا تعالي عشان تصدق
ليلي: طيب هشوف
لوكا: معلش ي ليلي ونبي بس عشان هتعملي مشكله كبيره
ليلي استغربت شويه لانها عارفه ان لوكا مبتخافش من مامتها للدرجه ولا باباها
ليلي: طيب نص ساعه وهكون عندك
جت سميره وخدتها وراحوا ع بيت لوكا
سميره: يلا اطلعي وانا هقف هنا
ليلي: ماشي وبتفتح باب المدخل لقت لوكا واقفه وحضنتها
لوكا: انا اسفه بس مكنش ف طريقه تانيه وانا عاوزاكي متزعليش مني
ليلي فضلت ساكته بصت لسميره لقيتها بتبصلها بمعني سامحيها خلاص
لوكا: والله م كنت عارفه انا بعمل ايه بس انتي عارفه اني بحبك جدا والله ولو مش بحبك مكنتتش رجعت كلمتك عشان اراضيكي حقك عليا وبصي جبتلك حلويات م اللي بتحبيهم
ليلي فضلت ساكته وكل اللي ف تفكيرها انها مش بتعرف تكسف حد وانها محطوطه ف موقف ميتوصفش
سميره: طب بصي ي لوكا استني لما تروح كدا واتكلموا وهي تفكر شويه
لوكا: ماشي وحضنتها تاني
ليلي خرجت هي وسميره
سميره: طالما اعترفت بغلطها خلاص
ليلي: شايفه كدا
سميره: اها
روحت وغيرت هدومها لقت لوكا بعتالها ع الواتس ومنزلالها استوري وكاتبه *حياتي وانتي فيها والله احلي حياه*
لوكا: روحتي
ليلي: اه
لوكا: متزعليش مني
ليلي: حاضر
اتكلموا شويه ولوكا قدرت تخلي ليلي تنسى اللي حصل لو شويه يمكن عشان هي صاحبتها وعارفه ازاي تفكيرها
تاني يوم
لوكا: بس ي ستي وم ساعتها هموت واروح تاني
ليلي: خلاص روحيي
لوكا: م انا هروح وانتي معايا خودي اجازه بكرا ونروح
ليلي: مش عارفه هشوف
لوكا: لا مفيش الكلام دا قولي لماجد يلا وهكلمك لما تروحي
قفلت معاها وقالت لماجد ع اجازتها وكلمت سميره عرفتها انها بكرا اجازه
روحت البيت بعتتلها انها اجازه بكرا ونامت
تاني يوم صحيت لبست ولقت لوكا بعتالها مسدج ورنت عليها
لوكا: يلا فينك
ليلي: نازله اهو
لوكا: طيب تعالي البيت وننزل سوا
ليلي: طيب
راحتلها عدت عليها وخدتها ومشيوا
لوكا: بصي ناكل ونروح الكورنيش اي رأيك
ليلي: بحر يبقي موافقه اكيد
اتغدوا وطلعوا ع الكورنيش
لوكا: ايده البحر فين
ليلي: تعالي هنعدي الناحيه التانيه
لوكا: اه صح يلا
لوكا: وادينا قعدنا.. استني بقي اشغل اغنيه
*لو كان عليك.. صعب تبكي عنيك عليا مستحيل هتحن ليا وانت بعت هوايا ضيعته ب ايديك*
لوكا: متسرحيش ها انا هجيب بيبسي وجايه
قامت وليلي رجعت ركزت ف الاغنيه تاني
*بالنسبه ليك خلصت دوري وجودي جمبك مش ضروري هي دي قيمتي النهارده انا ف عنيك*
حست بخنقه وسرحت
فلاش باك
محمود: متبعديش عني ابدا
ليلي: مش هبعد غير لو انت عاوز كدا
محمود: لو ف يوم م الايام قولتلك ابعدي او مش عاوزك خليكي متأكده انه مش م قلبي
باك
فلاش باك تاني
محمود: انا محبتش حد زي م حبيتك
ليلي: وانا بحبك جدا ومش عاوزه غيرك
محمود: هتفضلي معايا
ليلي بحب: مش هسيبك ابدا
باك
فاقت من شرودها
شعرت بإن ثقل العالم كله فوق قلبها الصغير وضعت يدها فوق قلبها شعرت ب السلسال الذي اهداه لها امسكته وهمست بدموع
هنساك وهنسي الوهم ال عيشتهولي بس قلبي مش هيسامحك💔
القت به في المياه وتنهدت بقوه ودوي صوت الموسيقي م حولها *نسيتني م اول دقيقه قولي ايه هي الطريقه اللي بيها بتنسي عاوز اكون ناسيك مسألتنيش ولا حتي كان فارق معاك لو هعيش او هموت من غير هواك* ابتسمت بسخريه ومسحت دموعها بقوه وهي تري السلسال يرحل بعيد عنها مع المياه ولكن وجع قلبها لما لم يرحل معه!!!!
اتت لوكا وقعدت جمبها: بصي هي مش ساقعه اوي بس تمم
ليلي: فل كدا
لوكا: انتي كنتي بتعيطي
ليلي ب ابتسامه خفيفه: لا انا مرتاحه جدا.. تعالي نغني
لوكا: ماشي يلا
*ي هوي روح وقلواا..قلوا كتير اشتقتلوا.. لو بدو عمري كله بعطيه*
.......................................................................... بعد يومين
الو
ليلي: ايوا مين
= احم انا اوسم
ليلي: اوسم!! وجبت رقمي منين
اوسم: اهو جبته البرفن موجود
ليلي بضيق: لا
اوسم: يخساره تعرفي اني عملت حادثه امبارح
ليلي برخامه: والله طب حمدالله ع السلامه
اوسم: الله يسلمك م عشان كنت بفكر ف البرفن كتير ف خبطت ف عربيه
ليلي: طب خلي بالك بقا
اوسم بضحك: حاضر بس هو عاجبني جدا
ليلي: ماشي باي
وقفلت لقت رحاب بتتصل بيها
رحاب: اي ي حجه الاخبار
ليلي: انا تمام الحمدلله
رحاب: لا مش انتي م انا عارفه انك قرده انا قصدي ع القمر
ليلي: قمر اي ايدا ثواني هو انتي
رحاب بضحك: م بصراحه بقا مش هتفضلي عيشالي ع ذكري محمود دا فكي ي ماما
ليلي بضحك: والنبي وصلتيله ازاي وبعدين افتكرت
فلاش باك
عادل: طب اشمعنا انتوا بقا اتفضلوا دا كارت الشركه
اوسم مسك الكارت م ايده وبدله ب كارت تاني ومشيوا
رحاب: الكارت دا يلزمني
غاده: ي حيوانه
ليلي: هي شبه عادل دا اصلا
غاده بضحك: ايوا فعلا
باك
ليلي: لا مش ممكن
رحاب: اتنيلي دا سكر خالص وابن ناس وذوق كلميه وحاولي وبعدين مش بتاع لعب وتسليه وشكله بيحبك دا فضل يزن عليا قد كدا
ليلي بتفكير: هحاول
قفلت وروحت وحكت لسميره
سميره: ماشي كلميه ويمكن يبقي كويس وترتاحي معاه
ليلي: حاضر
تاني يوم لقت اوسم باعتلها
صباح الخير
ليلي: صباح النور
اوسم: ليلي ممكن اشوفك واتكلم معاكي
ليلي: ازاي
اوسم: ممكن تخرجي م شغلك نص ساعه واشوفك ف اقرب مكان جمبك
ليلي بتردد: هشوف
اوسم: متخافيش ي ليلي انا هتكلم معاكي بس
ليلي: ماشي
اوسم: هلبس وانزل وهكلمك
شويه وكلمها واتفقت معاه هتقابله ف شارع جمب الشغل عشان تبقي متطمنه اكتر راحت لقته واقف ساند ع العربيه
ليلي: اهلا
اوسم: اهلين.. اي اخبارك
ليلي: تمام
اوسم مد ايده ب عصير شيكولاته باللبن
ارسم: حسيته بيشبهلك
ليلي ب استغراب: نعم
اوسم: خلاص اتفضلي هتكسفي ايدي
ليلي مدت ايدها مسكته وفضلت ساكته
اوسم: بصي هكلمك عني الاول عشان تطمنيلي شويه.. انا اوسم عندي 24 سنه ساكن ف حلوان عند الكورنيش بشتغل ف شركه سياحه وف اخر سنه ليا ف الكليه ف كليه نظم ومعلومات بشتغل وانا بدرس ليه! كان ممكن استني اخلص الاول دا غير ان جامعتي ف التجمع مش قريبه...بس لاني شايف ان الوقت اللي هقعده ع القهوه مع اصحابي مش هيفيدني بحاجه وشغلي احسن وبحب اعتمد ع نفسي جدا انا معجب بيكي جدا وم اول م دخلت المحل اول مره عندك وانتي ف دماغي وانا فعلا داخل جد وعاوزك مراتي مش شغل بقا اقضي كام يوم واخلع.. بس كدا اتكلمت كتير
ليلي: تمام بص انا كل اللي هقولهولك اني فعلا مكنتش ناويه احط موضوع الارتباط ف دماغي تاني لاني جربت مره ومنفعش بس انت اللي ممكن تقدر تخليني اغير الفكره او اتمسك بيها اكتر وانا عشان اعمل اللي عليا هدي لنفسي فرصه قبل م اديك انت وهسيبلك الباب موارب شويه ممكن
اوسم بضحكه: ممكن ي ليلي
ليلي: طيب انا همشي بقا عشان ماجد
اوسم: ماشي هبقي اكلمك
هزت دماغها ومشيت
عدي شهر وليلي بتحاول تتأقلم مع اوسم بس حاسه ان ف حاجه جواها مش قادره تخليها تتقبل الموضوع او يمكن لسا محمود مأثر عليها!.
اوسم: ممكن بقي توافقي اشوفك يوم رأس السنه
ليلي: اشمعنا
اوسم: عاوز اشوفك ي ليلي وتاخدي عليا واحس انك قبلاني
ليلي بضيق: هشوف ي اوسم ربنا يسهل عشان بيبقي عندي شغل اليوم دا
اوسم: ليلي يوم 1 هعدي عليكي اخدك
ليلي: بس انا هبقي بايته عند اختي
اوسم: تمم تبعتيلي المكان ف مسدج وهعدي اخدك
قفلت ولقت سميره جايه عليها: اي خلصتي
ليلي: اهه
سميره: طيب يلا
بعد 3 ايام
يوم رأس السنه
ليلي: انا هشوف اوسم بكرا
لوكا: ماشي حلو
ليلي: مش عارفه
لوكا: حبيبتي اتعاملي عادي انتي مش بتعملي حاجه غلط انتي بتبتدي حاجه جديده ف حياتك
ليلي: تفتكري
لوكا: ايوا اكيد وانسي وعيشي عشان كله بيعيش حياته
.............................................................................يتبع
الفصل 12
نهي: انتوا فين
سميره: طالعين اهو عندك اكل
نهي: اطلعي ي بتاعت كرشك
ليلي: ها عندها اكل ولا ايه
نهي: ي عيال اخلصوا
سميره: ماشي طالعين
طلعوا وقعدوا سوا واتعشوا
ليلي: انا بكرا هشوف اوسم
سميره: ماشي انا خارجه بكرا ننزل سوا بقا
نهي: معندكوش دم
ليلي: معلش ي اختاااه
سميره: هتشوفي ويسوو
ليلي بضحك: بس ي ماما
سميره: مشوفتيش انتي اوسم دا ي نهي
نهي: وريني
ليلي طلعت صورته ووريتهولها
نهي: انا اللي هقفلك ي سميره لو غلطتي فيه
ليلي بضحك: حيوانه تستاهلي
سميره: ي واطيه
نهي وليلي ضحكوا وعدي اليوم
............................. تاني يوم صحيت وكلمت اوسم تتفق معاه عشان تنزل تشوفه
اوسم: انا خلاص اهو داخل عليكي
ليلي: ماشي لما توصل هبقي انزل
اوسم: ماشي
لبست ليلي ولقت اوسم بيرنلها
جت ترد تليفونها فلت م ايدها ووقع ف المايه
ليلي: سميره التليفون فصل ومش بيشتغل
سميره: طب تعالي ننزل ونوديه لحد لما ننزل
ليلي: ماشي هاتي اكلم اوسم م عندك
اوسم: الو
ليلي: اي ي اوسم انا ليلي
اوسم: تليفونك لي مقفول
ليلي: وقع ف المايه ومش راضي يشتغل
اوسم: طب خليه معاكي لحد م اجيلك متعمليش فيه حاجه
ليلي: اشمعنا
اوسم: اسمعي الكلام.. انزلي يلا انا يعتبر خلاص عندك
ليلي: ماشي انا نازله
قفلت معاه ونزلت هي وسميره
سميره: هتخلصي امتا
ليلي: مش عارفه بس هنجز يعني
سميره: اهو اوسم جه
اوسم: ازيكوا..ازيك ي سميره
سميره: الحمدلله ي اوسم اي اخبارك
اوسم: الحمدلله..يلا بينا
ليلي: ماشي
سميره: متأخريش وهبقي اكلمك
اوسم: لا تعالي احنا هناخدك ف طريقنا
سميره: لا ملهاش لازمه
ليلي: يلا ي بنتي
اوسم: انتي رايحه فين
سميره: هنزل المعادي
اوسم: طب كويس اوي دا احنا نازلين بردو معادي يلا
ركبو ووصلوا
نزلت سميره وشاورت ل ليلي هتبقي تكلمها
اوسم: يلا وصلنا
ليلي بصت قدامها: ستار باكس! اشمعنا؟
اوسم: ف ايس كوفي بحبه جدا هنشربه سوا
نزلوا ودخلوا
اوسم: اقعدي هنا ي برنسيس وثواني وجاي
قعدت وشوبه ولقته جه
اوسم: اتفضلي
مسكت الكوبايه ولاحظت ان مكتوب اساميهم ع الكوبايات
ليلي: انت اللي كتبتهم
اوسم: اه ممكن اصورهم
ليلي: اه اتفضل
اوسم: مش بتحبي ستار باكس
ليلي: هو مجرد مشروبات بس لكن مكان اقعد فيه مش بفضله يعني
اوسم: بتحبي تقفي قدام ايه
ليلي بدون تفكير: بحر
اوسم: قومي يلا
ليلي: هنروح فين
اوسم: تعالي بس
ركبوا وبصلها تحبي تسمعي ايه
ليلي: عادي اي حاجه
اوسم: ماشي
*ومكنتش اعرف قلبي هيحبك كدا وكنت فين انت وكل الحب دا*
ليلي افتكرت لما سمعت الاغنيه دي لما بدأت تحب محمود
ليلي بضيق: غيرها
اوسم: مش بتحبيها
ليلي: مش حابه اسمعها
وبصت للشباك وفضلت ساكته
اوسم: احنا وصلنا
ليلي نزلت ومشيوا سوا
ليلي: متقوليش اننا هندخل مول
اوسم بضحك: كايرو فيستيفال فيه بحر
ليلي بضحك: البحيره اللي جوا دي
اوسم ضحك
ليلي: طيب بس شكله حلو اوي دلوقتي
اوسم: عاملين احتفال للكريسميس وكمان بليل ف مختلف
ليلي: امم
اوسم: انتي قصيره اوي
ليلي بضيق: قصيره
اوسم بضحك: خلاص متتضايقيش بس فعلا قصيره بالنسبالي
ليلي: ممكن
اوسم: يلا ندخل
دخلوا ووقفوا قدام البحر وليلي فضلت ساكته
اوسم: غمضي عينك
ليلي: لا متهزرش مبحبش الجو دا
اوسم: متخافيش
غنضت عنيها
اوسم: فتحي
بصتله لقته ماسك خاتم يشبه للدبله بس فضه
اوسم: ليلي انا بحبك
ليلي بصدمه فضلت ساكته
اوسم: وعاوز اتجوزك
ليلي بتوتر: ان شاء الله
اوسم: هاتي ايدك البسهولك
ليلي بتهرب: م انا لابسه هقلع اللي معايا الاول
اوسم فهم موقفها: خلاص ماشي اتفضلي
ليلي ب احراج: شكرا ي اوسم بس فعلا مفيش مناسبه
اوسم بهزار: حبي هو المناسبه عشان تفتكري اليوم دا
ليلي بضحك: ماشي ممكن نمشي بقا عشان سميره
اوسم: ماشي يلا وكلميها
خرجوا واول م ركبوا
اوسم: استني سميره فين
ليلي: هي قربت ع المعادي
اوسم: طب ماشي احنا ممكن ناكل بيتزا ع م تيجي هنزل اجيبها واجي بسرعه
ليلي: بيتزا دلوقتي
اوسم: البيتزا ممكن ترفض
ليلي بضحك: ممكن
اوسم: مش هتأخر عليكي ومشي وبعدين رجع بصلها م الشباك
اوسم: اوعي تمشي وتسبيني
ليلي: لا متقلقش
مشي وشويه ورجع
كلوا سوا وراحوا لمكان سميره
اوسم: كلميها شوفيها فين
ليلي: عربيه فايز قدام اهي
اوسم: فايز مين
ليلي: حبيبها
اوسم: اه ماشي
وقف جمبهم
اوسم: اهلا
فايز: ازيك عامل ايه
اوسم: تمام ي باشا
سميره نزلت: يلا ي لولا
ليلي: يلا بينا باي ي اوسم
مشيوا وطلعوا وحكت ل سميره اللي حصل
ليلي: بس ي ستي
سميره ب اعجاب: حلو دا طب وانتي ايه
ليلي: مش هقولك مش مبسوطه بس مش عارفه محبتهوش ليه
سميره: واحده واحده وبعدين انتوا لسا عارفين بعض
ليلي: ممكن صح
نهي بنعاس: طيب هتاكلوا ولا ايه
سميره: لا
ليلي: انا هنام
نهي: ماشي ناموا وانا هدخل انام برضوا
تاني يوم كلمت اوسم م عند سميره وقالها ان التليفون هيتصلح النهارده وراحت شغلها وواقفه مع ماجد بيظبطوا الميك اب وقعت ع هدومها علبه كريم اساس
ليلي: ي ماجد انت بتهزر والله
ماجد بضحك: تستاهلي بس فعلا وقعت غصب عني
ليلي: دا انا اتبهدلت
هديل: ازيكوا
ليلي: اي جابك
هديل: ي بنتي احترمي نفسك بقا انتي لا يمكن تكوني صاحبه
ماجد: هديل هتشتغل معانا
ليلي بصدمه: لا بتهزروا
هديل بضحك: جتلك لحد عندك ي قلبي
ليلي: ي جماعه لا انتوا بتيجوا هنا بتدوني ع دماغي وتمشوا
ماجد بضحك: حصل
هديل: لا ي روحي عيب عليكي انا اقدر
ليلي: اما نشوف
بعد شويه
هديل: اومال تليفونك فين
ليلي: بيتصلح
هديل: ليه حصل ايه
ليلي: وقع ف مايه
هديل: يالهوي طب خلي بالك وسمعوا ماجد بيتكلم مع حد
انت تمم
الحمدلله بخير ليلي جوا مش كدا
بصت لقت اوسم واقف مع ماجد وداخل عليها
اوسم: ازيكوا
هديل: الحمدلله
اوسم: اتفضلي
مد ايده ب التليفون ومعاه شيكولاته
ليلي ب احراج: ايده ازاي طب انت تعبت نفسك
اوسم: عيب متقوليش كدا
ليلي: تسلم اتصلح بكام
اوسم: نعم
ليلي: لا م انا مينفعش ابدا اخده كدا والله
اوسم: ليلي انتي بتتكلمي مع راجل ماشي
ليلي: انا مغلطتش فيك بس مش هاخده كدا
اوسم: بالي بتعمليه دا غلط وسابهم وخرج
هديل: هو التصليح فيه دليفري ولا ايه
ليبي بضيق: مش فاهمه اي الاستعباط دا
هديل: اقعدي بقا واحكيلي مين دا
ليلي: اوسم
هديل: بعيدا ع اسمه ماشي مين بردو
ليلي: لسا متعرفه عليه بقالي شهر
هديل: بس شكله ذوق اوي وابن ناس
ليلي: هو اي حكايه ابن ناس دي ي جماعه هو مفيش غيره ابن ناس واحنا ولاد ايه يعني
هديل بضحك: والله ابغي اقولك بس استحي
ليلي بضحك: مهزأه
هديل: طب وانتي اي مزعلك بقا م اللي عمله
ليلي: حاسه اني بعشمه وانا مفيش جوايا حاجه بس بحاول والله
هديل: بتعشميه ف ايه معلش وبعدين هو دا اللي المفروض يتعمل هو دلوقتي ف فتره بيخليكي تحبيه فيها ف لازم يعني
ليلي: شايفه كدا
هديل: طبعا
بعد شهر ونص محصلش فيهم جديد
ليلي: ازيك ي فايز
فايز: الو ازيك ي ليلي اخبارك
ليلي: الحمدلله عاوزاك ف طلب ممكن
فايز: اكيد اتفضلي
ليلي: انت عارف ان عيد ميلاد سميره بعد كام يوم وانا فكرت هعملهولها ف كافيه وكدا ف عاوزاك تكون موجود وانا حسيت ان ف تاتش بسيط بينكم ف فرصه وتتصالحوا وهي هتتبسط جدا
فايز: حلوه الفكره جدا خلاص اتفقنا انا دلوقتي ف اسكندريه بظبط حاجات ف الجامعه اول م ارجع هكلمك
ليلي: خلاص ماشي
فايز: شكرا ي ليلي ع الفكره بجد
ليلي: ع اي يابني دي اختي يعني وانت اخويا الكبير
فايز: تسلمي ي ليلي ممكن انا بقي طلب
ليلي: اه اكيد
فايز: تجيبي اوسم معاكي
ليلي ب استغراب: اوسم!! اشمعنا يعني
فايز: نبقي كابلز احنا الاربعه كدا
ليلي بضحك: حاضر هقوله
قفلت معاه لقت اوسم بيرنلها
اي ي اوسم
اوسم: اي ي ليلي فينك
ليلي: نا رايحه الشغل اهو ف الطريق
اوسم: طيب فين بالظبط.. استني خلاص شوفتك
ليلي بصت حواليها: ايدا ف ايه
اوسم: اركبي
ليلي: انت بتهزر مش عليك امتحان دلوقتي
اوسم بص ف ساعته: لسا فاضل ساعه وربع
ليلي: هتلحق تروح التجمع دلوقتي
اوسم: مش مهم.. انا جيت اشوفك قبل م اروح واقولك صباح الخير واديكي الشيكولاته دي
ليلي ب احراج: انت فظيع والله وبتصدمني
اوسم بضحك: لا بحبك بس
ليلي: ماشي احنا خلاص وصلنا
اوسم: خلي بالك من نفسك
ليلي: حاضر وبالتوفيق ليك
اوسم: ليلي صح امتحانك الجاي امتا
ليلي: بعد بكرا
اوسم: ماشي
ليلي: باي
مشيت راحت شغلها وفضلت تفكر ف اللي اوسم بيعمله
تاني يوم
ليلي: خلاص بس هتتبسط يعني
لوكا: اكيد ي بنتي دي هتشوف فايز يعني
ليلي: ماشي خير هقفل معاكي عشان براجع للامتحان
لوكا: ماشي ي حب بالتوفيق ي بيبي
ليلي: حبيبي
سميره دخلت: بتعملي ايه
ليلي: بذاكر عشان عندي امتحان بكرا
سميره: انا عندي بس الاسبوع الجاي
ليلي: طب حلو.. استني اوسم بيرن
الو ي ليلي
ليلي: اي ي اوسم اخبارك
اوسم: تمام اي روحتي
ليلي: اه ف البيت بذاكر
اوسم: طيب فهمتي كويس
ليلي بغباء: ولا اي حاجه كله معقد
اوسم: طب صوريلي الملخص للاختبار بتاعك وانا هراجع معاكي
ليلي بفرحه: بجد
اوسم: اكيد يلا ابعتي وانا معاكي
بعتتله الصور وفضل يفهمها
ليلي بعدم فهم: لا انا تمم كدا
اوسم: مش عارف ليه حاسس انك بتضحكي عليا
ليلي بضحك: عيب عليك كله هيجي ع دماغي
اوسم: لا انا واثق فيكي انك هتنجحي وبتقدير
ليلي: ان شاء الله
اوسم: مش هشوفك
ليلي: تشوفني ليه
اوسم: اشوفك ليه؟ ليلي انتي واخده بالك اني اعرفك بقالي 3 شهور ومشوفتكيش غير مرتين تلاته وكل مره بتكلم معاكي فيها 5 د
ليلي بتهرب: م للأسف انا الاسبوع الجاي دا واخده فيه اجازه
اوسم: دا ليه
ليلي: عيد ميلاد سميره بعد 5 ايام يعني ف بدايه الاسبوع الجاي ف انا هعملهولها ع يوم الخميس قبلها بيومين
اوسم: ف البيت يعني
ليلي: لا ف كافيه
اوسم: انتي ومين
ليلي: هجيب فايز وهشوف اصحابها
اوسم: وانتي هتروحي مع فايز لوحدك
ليلي: م بقولك اهو هشوف اصحابها
اوسم: م اصحابها اكيد هيجوا ع هناك
ليلي: طب وبعدين
اوسم: هاجي اخدك م مكانك وهوديكي لحد هناك وهروحك
ليلي ب احراج: خلاص اللي تشوفه
قفلت معاه واتصلت ب لوكا
لوكا: خلصتي مراجعه
ليلي: سيبك م دا كله انتي هتيجي معايا العيد ميلاد
لوكا: ليه
ليلي: عشان اوسم جاي
لوكا: حلو دا هتبقي انتي واوسم وفايز وسميره انا بقا هعمل ايه
ليلي: هيوديني هوو وسميره هتتلهي مع فايز وهتطنشني
لوكا: انتي بتخافي ولا اي
ليلي بضحك: اخاف ايه ي متخلفه اوسم محترم جدا بس ي بنتي بيحرجني بكلامه ومبعرفش ارد ف لما تكوني موجوده مش هيتكلم
لوكا بضحك: يخربيت دماغك ع صحوبيتك خلاص ماشي
ليلي: اشطا اتفقنا يلا باي
............................ قبل العيد ميلاد بيوم..يتبع
الفصل 13
سميره: ليلي اصحي ستك ماتت
ليلي بخضه: ستي مين
سميره: هو ف كام واحده قومي
ليلي بحزن بسيط: لا اله الا الله
سميره: بابا زعلان اوي
ليلي بصتلها وافتكرت العيد ميلاد
ليلي: ي بومه
سميره: ف ايه
ليلي: لا مفيش
سميره: قومي نشوف حاجه سودا نلبسها بس
ليلي: ماشي
قامت ولبست ودخلت كلمت فايز
فايز: البقائ لله ي ليلي
ليلي: الدوام لله ف احنا هنأجلها بس 4 ايام لحد م ننزل وهتبقي حاجه بسيطه يعني
فايز: اكيد طبعا ي بنتي وانا هكلم سميره دلوقتي
ليلي: ماشي ي فايز باي
كلمت اوسم
اوسم: طب لو احتجتي اي حاجه كلميني وهجيلك ع طول
ليلي: حاضر متحرمش ي اوسم
قفلت ودخلت لقت بنات عمها ونهي وسميره قاعدين
ليلي: صباح السواااد
ريم: ومش اي سواد
ريماس: ربنا يرحمها
كلهم: امين
ليلي: بس تفتكروا مين وشه وحش
كلهم بصوا لسميره
سميره: ي جماعه متحسسونيش بالغربه
داليا: لا هي مكتوبلها تموت النهاردا
ريم بضحك: والله م متخيله لحد دلوقتي
نهي بضحك: هي فجأتنا
مرات عمهم دخلت
انتوا بتضحكوا يالي معندكوش دم
ريم: البت دي هي اللي بدأت
ليلي: ي غدارين
ريماس: ليلي تعالي ننزل سوا هجيب حاجه
ليلي: ماشي
لقت لوكا بترن عليها
لوكا: البقاء لله ي حبيبتي
ليلي: الدوام لله
لوكا: انتي بتعيطي
ليلي: لا دا برد
لوكا: يخربيتك طب انا بلبس وجيالك
ليلي: ماشي وانا نازله هعدي اخدك
لوكا: خلاص يلا مستنيه
ليلي: ماشي هقفل عشان منه بترن
قفلت وردت ع منه
منه: ليلي البقاء لله ي حبيبتي لسا عارفه
ليلي: الدوام لله ي منه
منه: انا هخلص شغل واعدي عليكي
ليلي: مش انتي بكرا اجازه خلاص تعالي بكرا وقضي اليوم عندي
منه: خلاص اتفقنا
عدي ال 4 ايام عزا م بين قعدتها مع اصحابها وبنات عمها
...........................................................................
ليلي: اي ي فايز فينك
فايز: انا خلاص اهو هتحرك م مكاني هبعتلك اللوكيشن بتاع الكافيه ع الواتس
ليلي: ماشي قفلت وكلمت اوسم
اوسم: انا قدامك اهو
ليلي: خلاص شوفتك
اوسم: ازيك ي ليلي ازيك ي
ليلي: لوكا
اوسم: ازيك
لوكا: تمام ي اوسم اي اخبارك
اوسم: الحمدلله
لوكا: شغلنا اغاني ي اوسم
اوسم: حاضر
ليلي: حلوه الاغنيه دي
اوسم بص ل ليلي: سكر محلي محطوط عليه كريمه
ليلي بضحك: وتجييني
فضلت تغني معاه هو ولوكا واتبسطت حست انها ف قاعده طبيعيه
اوسم: كدا وصلنا الكافيه هناك اهو
ليلي: اه فايز راكن هناك اهو
نزلوا وقابلو فايز وسلموا ع بعض
فايز: طيب خليكي ي لوكا هنا وانا وليلي واوسم هنخرج نكلم سميره برا نقنعها تيجي
ليلي بعياط تمثيل: اي ي سميره
سميره: ف ايه
ليلي: تعاليلي بسرعه ع المكان دا
سميره: اي حصل فهميني
ليلي: اوسم كنت خارجه معاه واتخانقنا وسابني ومشي ومعييش فلوس اروح
سميره: الحيواان دا هو متخلف
ليلي بصت لاوسم ب احراج وفايز ضحك
اوسم بهمس: اي دا ف اي
سميره: عارفه لو عبرتيه تاني دا واحد زباله
ليلي بضحكه مكتومه: خلاص ي سميره اخلصي تعالي
سميره: انا جايه اهو ولما نشوف الموضوع دا
قفلت معاها وبصوا لبعض وضحكوا
اوسم: عصبيه اوي سميره
فايز بضحك: بعتذرلك ي اوسم والله
اوسم بضحك: لا وانت ذنبك اي
شويه وسميره وصلت
سميره: انتي فين
ليلي: انا ف الكافيه اللي قدامك دا
سميره: ي بجاحتك داخله كافيه تعملي ايه
ليلي: م صاحب الكافيه قعدني عشان لقاني واقفه برا كتير
سميره: طب م تطلعي
ليلي: تعالي طيب اشكريه معايا
دخلت سميره لقت اوسم ولوكا وليلي
سميره: انتوا بتهزروا
فايز جه م وراها
فايز: بس انا مبهزرش
سميره بصدمه: فايز
ليلي: طب يلا نطفي الشمع عشان الوقت
طفوا الشمع وبدأوا يتصوروا
فايز: يلا اوسم مع ليلي
ليلي ب احراج بصت لاوسم
ليلي: طب خودي تليفوني ي سميره
سميره يلا نتصور كلنا بقا
ختموا ب الصوره ومشيوا
ليلي: يلا سميره انا ولوكا مع اوسم خليكوا ورانا
سميره: ماشي
.............................................................................
اوسم: صباح الخير
ليلي: صباح النور
اوسم: فينك
ليلي: الشغل
اوسم: ماشي فطرتي
ليلي: هفطر اهو
اوسم: ماشي ي ماما انا رايح الشغل اهو وهكلمك لما اخلص
............................................................................
بعد يومين
سميره: طب مكلمتهوش لي
ليلي بملل: مش عاوزه
سميره: بقاله يومين مش بيكلمك ازاي
ليلي بضحك: لسا مخلصش شغل الله
سميره: دا انتي عادي يعني
ليلي: مش عارفه بس حاسه فعلا انه عادي
سميره: محبتهوش
ليلي هزت دماغها ب لا
.....................
هديل: مش كفايه اكل انا تعبت
ليلي: شيليه م قدامي
هديل: مش عارفه مالنا النهارده
ليلي: حاسه اني بقالي سنه مكلتش.. ايه دا مش اوسم اللي داخل دا
هديل: اهه
اوسم: ازيك ي ليلي
ليلي بضيق: الحمدلله
اوسم: انا عديت اشوفك وماشي ورايا شغل ادعيلي
ليلي: ربنا معاك
مشي اوسم وشويه ورن عليها
ليلي: الو
اوسم: وحشتيني
ليلي بتنهيده: اوسم انت بتكلمني ليه دلوقتي
اوسم: بكلمك ليه
ليلي: اه وايه خلاك تيجي
اوسم: انتي صح
ليلي: كويس انك عارف سلام
قفلت وخدت شنطتها وروحت مع سميره
غيرت هدومها وجت تنام لقت مسدج م اوسم
* انا مش فاهم انتي بتكلميني ليه ب الاسلوب دا *
ليلي: اوسم خليك ف اللي انت فيه وخليني انا كمان ف اللي فيه عشان انت شايف انه عادي
اوسم: تمم ي ليلي
قفلت معاه ونامت
عدي اسبوعين وليلي مبتكلمش اوسم خالص ومش حاسه ب اي حاجه
ف الشغل..
ليلي بزعيق: متتكلمش معايا ب الاسلوب دا قولتلك
ماجد: انتي اللي بتستعبطي
ليلي: تمام هوريك الاستعباط فعلا
ماجد بعصبيه: ليليي
ليلي: بلا ليلي بلا زفت انا مش هقعد هنا تاني قرفت بجد
ماجد: انتي خلاص ظبطي حالك
ليلي: قول اللي تقوله عادي مش فارقه انا ماشيه
خدت شنطتها وبصتله ومشيت وكلمت لوكا حكتلها اللي حصل
ليلي بعياط: مش طايقه نفسي بقولك
لوكا: طب تعالي انا عاوزاكي
راحتلها شغلها لقتها واقفه هي وايهاب
*ايهاب صاحب الشغل عند لوكا*
لوكا: اي حصل بقا
ايهاب: هاتي عصير طيب
ليلي: اتخانقت معاه وسبت الشغل عادي بس مش هرجع تاني
لوكا: خلاص مترجعيش
ايهاب خرج
ليلي: عاوزه شغل
لوكا: اشتغلي هنا معايا
ليلي: هي ليله انتي بتهزري
لوكا: استني هتتحل
شويه ودخل ايهاب
ايهاب: قومي ي ليلي اتعاملي بقا مع اصحابك
ليلي: ازاي
ايهاب: اتعاملي معاهم ف الشغل
لوكا: خلاص ماشي انا هاخدها ونخرج دلوقتي
لوكا: شوفتي اتحلت ازاي
ليلي: مش عارفه مقلقه والله
لوكا: لا م احنا سوا اهو
عدي اليوم وروحت ليلي وهي مروحه لقت اوسم بيرن عليها مردتش عليه وقفلت تليفونها
عدي اسبوع وليلي اتأقلمت ف الشغل شويه مع لوكا
لوكا: مش هتمشي
ليلي: اه يلا بينا
روحت البيت غيرت ونامت بعد يوم طويل
بعد يومين
خلصت شغلها وهي مروحه وقفت هي وسميره ونورا صاحبتها ف الشارع
سميره: ليلي اوسم جاي م وراكي هيصالحك
ليلي بضيق: بتهزري وانا هعمل اي دلوقتي
سميره: اتصرفي عادي
ليلي: الموضوع اتقفل
سميره بضحك: جايبلك شيكولاته
ليلي: ي مستفزه
سميره: بس عشان وراكي
ليلي لقت ورده جمب وشها بصت
اوسم: مساء الخير
ليلي بصتله بضيق ومشيت
نورا: استني انا ماشيه معاكي
ليلي: امشي جنبي بسرعه ومتبصيش وراكي
سميره: ي ليلي استني.. ليلي
مشيت ووقفت ف شارع بعيد
ليلي بتنهيده: خلاص خلصت
نورا: يخربيتك نفسي وقف وبصت وراها... مش ورانا اومال سميره فين
ليلي: اهي جايه
سميره بضحك: امشوا بسرعه عشان عربيته ورانا
ليلي: والله م كان ليه لازمه كل دا وبعدين ينفع يعني يجب حاجه ويحصله كدا م كنتي قولتيله هي مش هتقبل وخلاص
سميره: مينفعش هيقولي بتقفليها ف وشي وبعدين انتي نسيتي انه ساعد ف عيد ميلادي
ليلي: اوف خلاص انا بس متضايقاله يعني
سميره: وانا والله بس هنعمل ايه يعني
روحت البيت لقت مسدج منه
*اللي عملتيه دا مكنش ينفع يحصل ابدا بس ع العموم ربنا يوفقك ف حياتك ي ليلي وانتي تستاهلي كل خير وبعتذر لو حصل مني اي اسلوب ضايقك*
قفلت التليفون ونامت
..........................
لوكا: طب ليه العصبيه
ليلي: عشان انا زهقت م كل اللي بيحصل داا وكله بيجي ع دماغي
لوكا: تديله فرصه اي رأيك
ليلي: لالالا استحاله هتكلم تاني
لوكا: مش عارفه ليه حساكي م صدقتي
ليلي: دا ليه يعني انا بس مش عاوزه اعيد تجربه كرهتها
لوكا: سبحان الله لو اللي ف بالي كنت هتتشقلبي حتي لو مش غلطانه
ليلي: مين معلش مش واخده بالي
لوكا: لا متاخديش ف بالك
لقت رقم غريب بيرن عليها
الو
=ازيك ي ليلي
ليلي: مين
=اوسم معاكي
ليلي بتنهيده: نعم ي اوسم
اوسم: بتطمن عليكي
ليلي: انا كويسه ي اوسم
اوسم: مش عاوزه تكلميني
ليلي: مش هينفع طول م مفيش بيني وبينك حاجه وانا عارفه نفسي وعارفه ان قلبي مش هيتفتحلك رغم انك كويس وتستاهل كل خير وفعلا انت لو جيتلي ف وقت غير دا يمكن كنت حبيتك جدا بس انا اسفه فعلا
اوسم: طب نبقي صحاب طيب وواحده واحده انا متأكد انك هتحبيني
ليلي: صدقني مش هينفع
اوسم: ليلي انا كنت ناوي انك اول م تخلصي امتحانات اخر السنه هاجي اكلم باباكي عشان انت فعلا عاوزك يمكن ف الفتره دي حاجات تتغير وتفكيرك ناحيتي يتغير
ليلي بأسف: ربنا يرزقك بالي تستاهلك فعلا ي اوسم بس بعد اذنك بلاش تكلمني تاني او توصلني اعملك بلوك والكلام دا ومتعلمش بكرا مخبي ايه
اوسم: ماشي ي ليلي واسف لو ضايقتك
ليلي: ولا يهمك.. سلام
قفلت معاه واتنهدت وحست بضيق
لوكا: الواد دا حبك فعلا والله بس انتي اللي غبيه مبتشوفيش
ليلي: مبشوفش فعلا
لوكا: ربنا ينور قلبك ي ليلي
ليلي: ان شاء الله يلا نكمل شغل
تاني يوم
ليلي: طب اخلصي قبل م ايهاب يجي
لوكا: جايه اهو
قفلت معاها لقت مسدج م *محمود!!!!!* ضربات قلبها ذادت حست ب ارتجافه وبروده ف جسمها
بصت للمسدج *صوره كوميك محل مكتوب عليه اسمها وبيقولها مبروك ع المحل*
ليلي بحزن: مش وقتك خااالص انت اي رجعك تاني تنهدت بداخلها وهمست
اهدي ي ليلي اهدي ولا اي حاجه خلاص
سابت التليفون واستنت تهدي شويه وبعدين مسكته وكتبتله
*ف حاجه ولا ايه*
محمود: لا مفيش انتي ف حاجه
ليلي ب استغراب: انت اللي باعت
محمود: اه م انا عارف خلاص كأني مبعتش
ليلي: م انا معتبراك مبعتش م قبل م تقول
محمود: ازاي
ليلي: يعني كأني مشوفتش المسدج منك خالص
محمود: م انتي رديتي
ليلي: رديت عشان اثبتلك اني مبقتش عاوزاك تكلمني
محمود: اديني سبب يخليكي متبقيش عاوزه تكلميني تاني
ليلي: لو ع الاسباب كتيير
محمود: بس انا مكنتش وحش معاكي وبقولك اديني سبب ولا انتي مش لاقيه وبتقولي كدا وخلاص
ليلي بغضب: ماشي
محمود: انا اسف اني اتكلمت
ليلي: متتكلمش تاني بقا
محمود: انا لو اعرف انك هتكلميني كدا مكنتش اتكلمت.. سلام
شافت المسدج ومردتش شويه وبعتلها
انتي عارفه انا عاوز ايه وبتستعبطي
ليلي: عاوز ايه ي محمود
محمود: هو انتي فاكره انا هقول بعد طريقتك دي
ليلي: براحتك متقولش
محمود: شوفي كام مره انتي كنتي بتبدأي كلام وكنت بتكلم ازاي ويوم م بدأت بصي طريقتك
ليلي: يمكن الاول كان ممكن اتكلم ب اسلوب تاني بس دلوقتي عقبالك ارتبطت ولازم احترمه
محمود: الف مبروك.. واسف اني اتكلمت ووعد مش هتتكرر وشكرا ع طريقتك
ليلي بملل: ماشي.. العفو
سابت التليفون وحست انها متضايقه م رجوعه
ليلي بدموع بسيطه: اي جابك تاني انا خلاص نسيتك..؟ نسيته!!
حطت ايدها ع وشها ودخلت لوكا
لوكا: بتعيطي ليه ي ليلي
ليلي ببكاء: محمود كلمني
لوكا: ي بنتي كفايه عيااط انا حفظت تعبيرات وشك بالعياط خلاص
ليلي بدموع: زهقت بجد هو عاوز ايه مش فاهمه
لوكا: سيبك منه والله مش فاهمه حبتيه ع ايه
ليلي بشرود: انا حبيته اوي فعلا.. اكتر م اي حد حبيته ف حياتي كنت شايفه محمود دا حاجه كبيره اوي بالنسبالي معملش اللي يخليني احبه كدا بس عمل اللي يخليني اكرهه ومكرهتوش.. وليد ع قد م كان معاملته طيبه وكويس وغير كل دا بيحبني جدا ومحبتهوش كدا اوسم وعمل اللي يخلي اي بنت تحبه ف ثواني ومحبتهوش مبعرفش اقارنه بيهم دايما كنت بشووفه احسن م الكل.. بس انا اول مره ابقي مش مستنياه كداا ولا مبسوطه برجوعه عارفه ليه.. عشان عارفه انه هيعلقني تاني وهيبعد
لوكا: طب خلاص متعيطيش امنعي كل دا ومتكلمهوش والله م يستاهلك فعلا انتي تستاهلي واحد يشيلك ف عنيه ومينزلش دموعك دي ابدا ي ليلي
ليلي: مش عاوزه اكلمه فعلا
............................................................................يتبع
الفصل 14
تاني يوم
كانت قاعده ف شغلها
*هو فاكر انه فعلا مش غلطان لسا!! سيبك مش هتعرفي تاخدي معاه حق ولا باطل وهيطلعك غلطانه ف الاخر برضوا... بس انا لازم أفهمه اني فعلا مش عاوزاه ف حياتي تاني* لقت نفسها بتبعتله
ليلي: فاضي ارنلك!
محمود: لو هتضايقيني بالكلام بلاش
ليلي: مش هضايقك
محمود: ماشي
ليلي: ابعت رقمك
محمود: نعم انتي حفظاه
ليلي بكدب: لو حفظاه هقولك لي
محمود: احلفي
ليلي: هتبعته ولا لا؟
محمود: حاضر بعتلها الرقم
اتصلت بيه وكلمته
الو
ليلي بتوتر لسماع صوته: الو ازيك
محمود: الحمدلله
ليلي بتنهيده: بص ي محمود دلوقتي انت لما بعدت اخر مره انا حطيت ف دماغي اني لازم انساك عملت كل حاجه عشان انساك فعلا ونسيت كل حاجه بتفكرني بيك رميتها
محموذ ب استغراب: رمتيها!
ليلي: اهه ثم اكملت ب ألم: حتي السلسه رميتها والانسيال كنت ناويه ارميه بس هو نصيبه كل م يضيع الاقيه يمكن عشان بحبه.. مش عشاان منك لا عشان حاسه انه حاجه ليا حاجه انا فعلا بحبها.. اختفيت وكان ف مصلحتي اني هنسي اسهل بس السلام بينا دلوقتي مش هينفع حتي قولتلي انا مكنتش وحش معاكي انت لا كنت وحش ولا حلو انا مش فاكره اني كنت ف وقت محتجاك وكنت موجود فيه مش فاكره ي محمود فعلا سكتت شويه وحست م سكوته هو كمان ان مفيش داعي تكمل
ليلي: انا خلصت وهقفل
محمود: ماشي ي ليلي سلام
قفلت معاه واتنهدت ومنعت نفسها انها تعيط بالعافيه قامت خرجت قعدت ف الشارع
لوكا: قاعده برا ليه
ليلي: عادي مش حابه اقعد لوحدي جوا
لوكا: طب يلا نقوم ونشوف هناكل اي
................................
تاني يوم صحيت حست ان جسمها واجعها ودماغها مصدعه كلمت ايهاب وقالتله انها مش جايه وقالها انهم هيقفلوا عشان الجو وحش
قفلت معاه وكلمت ريماس بنت عمها
ريماس: قاعده ف البيت زي حالتي
ليلي: اه قاعده اطلعي
ريماس: حالا هتلاقيني قدامك ولا اقولك قومي افتحي الباب
ليلي: لما تي.. قطع كلامها خبط الباب قامت فتحت
ريماس: لازم تجادلي يعني
ليلي: انتي م صدقتي ولا اي
ريناس: حاسبي كدا بقولك اي
ليلي: نعم.. جعانه صح
ريماس: ايوا نجيب اندومي
ليلي بضحك: لا ف اندومي هاتي نسكافيه بس عشان دماغي هتموتني
ريناس: ماشي ي كوكو
خلصت اكل وعملت النسكافيه وفتحت الشباك بصت للمطره ودعت ان ربنا يقدملها الخير.. الخير وبس
ريماس: فووقي
ليلي: نعم
ريماس بفضول: دعيتي اي هاا
ليلي: ربنا يقدملي الخير
جالها مسدج بتفتح لقتها من محمود
ريماس بضحك: الواد دا خير
ليلي ضحكت ع طريقتها
ليلي: اهدي بس لحد يسمعك
ريماس بخوف مصطنع: لا والنبي مش مستعده اتضرب
ليلي بضحك: يبقي نوطي صوتنا
فتحت المسدج لقته باعتلها *هسألك سؤال ممكن*
ليلي: اها
محمود: استفدتي ايه لما قولتي لسميره اني بتكلم عليها وحش
ليلي ب استغراب: انا
محمود: اهه
ليلي: انا مبتكلمش انا وسميره دا اولا ثانيا هو انت اتكلمت عليها عشان اقولها كدا
محمود: م انا مش عارف ومستغرب
ليلي: برا عني حوارات ي محمود
محمود: حوارات اي انا بسألك وبعدين انا اللي بيجيلي الحوارات مش انتي
ليلي: وانا قولتلك محصلش واكيد طالما قالتلك كدا يبقي اكيد سميره معاها حاجه تبين اني قولت عليك كدا
محمود: مش هفتح الموضوع تاني انا قولتلها متكلمتش عليكي وخلاص
ليلي: ماشي ي محمود
سكت شويه وبعتلها
محمود: هسألك سؤال تاني
ليلي: ماشي
محمود: اي رد فعلك لما شوفتي الصوره اللي بعتهالك
ليلي: صوره اي
محمود: الصوره اللي بعتها
عرفت انه قصده ع الكوميك اللي بدأ بيه الكلام
ليلي بضحكه بسيطه: عيب والله
محمود: كنت هخبط فيكي م فتره ع فكرا
ليلي: امتا
محمود: كنتي خارجه من عند ايات
ليلي سرحت وافتكرت الموقف
فلاش باك
ايات بضحك: ادخلي خوديه منه
دخلت لصاحب المحل: هات اخلص عشان امشي
صاحب المحل بضحك: مش هديهولك قولتلك الشحن وصل
ليلي بنرفزه: دا انت مستفز
صاحب المحل: وربنا وصلك
ليلي وهي خارجه وباصه ف التليفون: مش راضي يشحن لييه دا
عدي حد م جمبها وبعد م عدي ثبتت ثواني حست ان ف حاجه غريبه بصت لايات لقيتها بتضحكلها خافت تبص وراها عشان لو احساسها صح اليوم هيقفل معاها لو شافته ولو احساسها غلط هتتضايق من نفسها انها بتحس بيه وبردو اليوم هيقفل معاها راحت لايات
ليلي: بتضحكي ليه
ايات بضحك: مضحكش الله
ليلي بضيق: بس مش م غير سبب وبعدين الراجل اللي عندك دا مش راضي يديني الباقي
ايات بصوت عالي: اديي ل ليلي اللي هي عاوزاه
بصت ع المحل لقيته خارج منه!! هوو!!
فاقت ودخلت المحل وخرجت ع طول م غير م تاخد حاجه
ايات: رايحه فين خدتيهم منه
ليلي م غير م تبصلها: مش عاوزه حاجه
مشيت وراحت شغلها وفضلت تلعن نفسها انها راحت عند ايات
باك
ليلي: امتي دا
محمود: بتستعبطي
ليلي: لا بس ف مره لمحتك عندها
محمود: ممكن وقتها بقا.. كنت هخبط فيكي
ليلي: لا مخدتش بالي
محمود: ايوا بس وقفت قبل م اخبط فيكي ع طول ياريتني م وقفت
ليلي بضحك: بتخبط ف اي حد كدا
محمود بضحك: لا دا القشطه مش اي حد
ليلي ابتسمت وسكتت
تاني يوم كلمته ف التليفون قبل م تنام وقررت انها هتقفل الكلام معاه خالص عشان مترجعش تعاني من تانيوف وسط كلامهم
محمود: انتي عاوزه اي يعني
ليلي: مش عاوزه انا بقولك اهو انت رجعت تكلمني ليه
محمود: انتي مش هتفهميني
ليلي: لا هفهمك
محمود: انتي ي ليلي ي اما نتجوز ي اما تشوفيني ف الشارع متبقيش طايقه تبصي ف وشي يعني انا لما بشوفك بفتكر حياتنا سوا كان بينا حاجات حلوه كتير وكنا ف يوم م الايام بنحب بعض
ليلي: انا غيرك انت سهل تنسي انا لا انت عاوزني اشوفك ف الشارع اسرح وادمع وافتكر ولو حصل انا اللي هفضل واهمه نفسي وحياتي تقف اكتر لا مينفعش انا م اخر مره قولت خلاص هعيش حياتي وعيشتها فعلا وبدأت اتأقلم فيها لحد م ...
محمود: لحد ما اي
ليلي: نت عاوز ايه يا محمود
محمود: بصي انا مرتبط
.... عنيها دمعت وشها احمر حست ب ارتجافه بسيطه ف جسمها كل دا حصلها ف ثواني بس سكتت ولقت نفسها بتضحك بدموع بس هو مش حاسس غير بضحكها
ليلي بضحك مصطنع: ي حلاوه طب حلو داا وسكتت شويه وقالتله.. م انا عارفه
محمود: عارفه ازاي
ليلي: عارفه عادي
محمود: دا انتي مراقبه بقي
ليلي بضيق حاولت تخفيه: لا بيجي قدامي
محمود: انا مرتاح ومبسوط معاها وان شاء الله هيبقي ف نصيب
حست ب نغزه ف قلبها وضحكه بسيطه طلعت منها
ليلي: طب كويس ربنا يكملك ع خير ان شاء الله بس برضوا انت
محمود بمقاطعه: رجعت كلمتك ليه
ليلي: اها عشان ابقي فاهمه وقالت بداخلها *عشان اخد ع دماغي تاني اكيد*
محمود: بصي ي ليلي انا بحب اتكلم معاكي وبرتاح ف كلامي معاكي انا عاوز نبقي صحاب يعني حاجه مضايقاني اجي اتكلم معاكي فيها وانتي برضوا وكدا يعني
ليلي بتفكير حست انها لو كلمته محدش هيخسر غيرها ولو مكلمتهوش هتحسسه انه لسه جواها لو حتي بسيط
محمود: كل دا سكوت
ليلي: بفكر.. طب تمام انا موافقه اصل برضوا 5 شهور مش قليلين انهم ينسوني او ع الاقل هتبقي عادي بس ف حاجه
محمود: ايه
ليلي: لو ف يوم حبيت او ارتبطت
محمود: ي واطيه
ليلي: م هو مينفعش ابقي بكلمه واكلمك برضوا
محمود: ايوا فاهمك خلاص ماشي
ليلي بحزن: ماشي
محمود: مرتاحه ف شغلك الجديد
ليلي: اه مرتاحه
محمود: امم كويس
فضلوا يتكلموا لحد م قفل معاها عشان يصلوا الفجر ويتكلموا تاني
قفلت معاه والبسمه اللي كانت رسماها اختفت بصت لنفسها ف المرايه وهمست *طب وانا لييه محبتنيش* غسلت وشها وهي بتعيط صلت ودعت ربنا يريح قلبها وخلصت وبعتتله انها خلصت بس هتنام
تاني يوم
حاولت اشغاال نفسها بالعمل حتي تتخلص من التفكير به رن تليفونها
ليلي: اي ي لوكا
لوكا: اي ي حب انا اجازه النهارده ماشي
ليلي ب استغراب: اشمعنا
لوكا: مصدعه وملييش مزاج بس هفتقدك ف يومي
ليلي: سلامتك ي حبيبتي خلاص ونا هبقي اكلمك اطمن عليكي
لوكا: ماشي ي روحي باي
قفلت معاها ولقت مسدج من محمود
محمود: بتعملي ايه
ليلي: ف الشغل ونت
محمود: اهو قاعد ف البيت
ليلي: اممم ماشي
محمود: انا هنام شويه وهصحي اكلمك
ليلي: طيب
حل المساء وانهت عملها ورحلت
ف البيت
غيرت هدومها ولقت مسدج منه انه صحي وبيطمن عليها
ليلي: انت فين كدا
محمود: نزلت اجيب حاجات من تحت
ليلي: هاتلي مارشيملو
محمود: عنيا الاتنين والراجع
ليلي: لا مفيش راجع انت فين
محمود: انتي بتهزري هتنزلي بجد دلوقتي
ليلي بتهور: اه هنزل بسرعه
محمود: ماشي هستناكي ع اول الشارع
ليلي: طيب...قامت لبست وقلبها بيدق خوف لو حد حس بغيابها واشتياق ليه
نزلت وكلمته ف التليفون
محمود: بصي هتلاقيني ورا شويه عشان محدش يشوفك
ليلي: خلاص شوفتك
راحتله وركبت جمبه
محمود ب ابتسامه: اتغيرنا خالص
ليلي: حبه جرأه بقاا
محمود: انا مش مصدق ان انتي فعلا قاعده جمبي الوقت داا
ليلي بخوف حاولت تداريه: عادي يابني خير ان شاء الله
لقت تليفونها بيرن
ليلي بقلق: ايه يا سميره
سميره: انتي فين ي ليلي الدنيا مقلوبه بابا عرف انك نزلتي وحد شافك قاعده مع حد هو انتي مع محمود
ليلي اطرافها بردت بصت لمحمود بخوف: طب انا جايه
محمود: ف ايه
ليلي: بابا عرف نا ماشيه
محمود: ابقي طمنيني عليكي
سابته وروحت وقلبها بيدق م الخوف وفضلت تلعن نفسها انها نزلت
دخلت البيت لقت باباها مستنيها
باباها: كنتي فين
ليلي: كنت بشتري حاجه
تلقت صفعه من ابيها سقطت ع الارض وسقطعت دموعها معاها باباها: مين اللي كنتي معااه قولي
ليلي فضلت بصاله وساكته وخايفه
مسكها من شعرها وحاولت منعه سميره ومامتها وخلصوها منه بالعافيه
باباها: انتي ملكيش نزول تاني وانا اللي هربيكي من تاني
ليلي بخوف: انا معملتش حاجه
باباها: ابعدي عن وشي
دخلت اوضتها وهي ترتعش وجسمهت يؤلمها من الضرب المبرح
وضعت رأسها علي الوساده ونزلت دموعها وحست انها بتبتدي تخسر تاني داست ب ايدها ع قلبها وهمست *انت اللي بتجيبلي المشاكل* وغاصت في نومها م كثره بكاؤها
تاني يوم لقت محمود بيكلمها يطمن عليها حاولت تبينله ان الموضوع عادي وانه ملهوش ذنب بس من جواها كانت بتلعن قلبها ال بتمشي وراه
عدت الايام عليها كأنها شهور اصبحت تؤلمها عينها من كثره البكاء ولجأت الي الله تشكوه همها وتدعي ان يبدل حالها للأحسن
بدأت لوكا تروح لزيارتها كل يوم ك تهوين ع قلبها حتي لا تشعر بالملل
وبدأ محمود يتقرب منها بالكلام وحست انها بقت تنسي ساعات انه مرتبط بغيرها
محمود: ازيك
ليلي: الحمدلله وانت
محمود: الحمدلله..اوريكي حاجه حلوه
ليلي بفضول: وريني
ارسل لها صورتها
ليلي بخجل بعض الشيء: ايه دا
محمود: انتي حته من القمر ع الارض
ليلي: يسيدي يسيدي
محمود: وحشتيني
ليلي بثبات: متحاولش لا
محمود: وخسيتي
ليلي بضحك: بتدخلي من ثغراتي
محمود بضحك: ايوا
استمر الكلام بينهم علي هذا الحال وبدأ محمود يشوش عقلها من تاني
بعد شهر ف بيت ليلي
ليلي: طيب اطلعي
هديل: ماشي طالعه اهو
طلعت هديل ل ليلي
ليلي ب اشتياق: وحشتيني جدا
هديل: وانتي كمان اوي وضحكتك وحشتني
ليلي ب ابتسامه: ها بقا اي الموضوع ال هتموتي وتكلميني فيه
هديل بجديه: بصي ي ليلي انتي عارفه انتي غاليه علي قلبك ازاي وانا مسمحش اسمع حاجه زي كدا ومقولكيش
ليلي ب اهتمام: احكي ي بنتي ف ايه
هديل: بصي اليوم ال..قطع كلامها رنين هاتف ليلي
ليلي: لحظه ي هديل معلش..اي ي لوكا
لوكا: انا تحت البيت وطالعالك افتحي
ليلي: ماشي
هديل بضيق ملحوظ: هي لوكا جايه
ليلي: اه استني
فتحت ل لوكا ودخلت
هديل: طب انا همشي بقا ي ليلي
لوكا: اي يا هديل هو اذا حضرت الملائكه ذهبت الشياطين
هديل بسخريه: لا هو العكس وحياتك
لوكا: قصدك ايه
هديل: يلا اسيبكوا تقعدوا مع بعض بقي عاوزه حاجه ي ليلي
ليلي ب استغراب: لا طب والموضوع
هديل بهمس وهي بتحضنها: بعدين هقولك وذهبت
لوكا: مالها دي كمان نقصاها انا
ليلي: تلاقيها وراها حاجه عشان كدا مشيت
لوكا:امممم ماشي
.............................
ذهبت لوكا من عند ليلي دخلت ليلي اوضتها عشان تنام لقت ايات بترن عليها
ايات: ي بابا واحشني
ليلي بضحك: ونتي كمان اي الاحوال
ايات: الحمدلله بقولك صح
ليلي: ها
ايات: ف حوار عاوزه اقولك عليه بس كلام بيني وبينك
ليلي: سمعاكي احكي
ايات: وصلي كلام من ايهاب الي كنتي شغاله معاه ان لوكا قايله عليكي كلام قد كدا
ليلي قامت م مكانها وب انتباه: ازاي يعني انتي متأكده
ايات: والله ي بنتي دا حتي كمان ماجد عارف وحوارات
ليلي: طب سلام وانهت المكالمه
واتصلت ب ايهاب
الو
ليلي: اي ي ايهاب ال سمعته دا
ايهاب: اي ال سمعتيه ي بنتي
ليلي: كلام اتقال ف مكانك وف غيابي
ايهاب: لا دي صاحبتك ال انتي ماشيه معاها هي ال بتتكلم عليكي
ليلي بعدم تصديق: اشمعنا دلوقتي صاحبتي ال ماشيه معاها هي مش لوكا صاحبتك بردو
ايهاب: لالالا دي لو اكلت كلب كان طمر فيه عنها
ليلي ب اندهاش: ف اي ي ايهاب بالظبط فهمني
ايهاب: بتقول اني سارقها واتكلمت عليكي قد كدا انك مش كويسه وقاعده م الشغل عشان مقفوشه مع واحد
ليلي بدمع: طيب ماشي
قفلت معاه وحست بدوخه خفيفه م صدمتها قعدت ع السرير وبتحاول متصدقش ال بيتقال لقت هديل بترن عليها
هديل: اي ي ليلي نمتي
ليلي بصوت ضعيف م البكاء: لا
هديل: مالك ي ليلي
قصت عليها م حدث
هديل: م دا ال كنت هقولهولك النهارده بتفضل تتكلم عليكي وقدامك حبيبتك بس ثواني كدا م ايات كمان اتكلمت عليكي معاها ازاي هي ال جت وبتقولك الاول
ليلي: نعمممم اييات
هديل: والله ي بنتي اتكلمت هي كمان
ليلي بصدمه: اي ال بيحصل داا انا عملتلهم ايه
هديل: يبنتي اشكال زباله والله وخيراً تعملي معاهم هيردوه بشر وقله اصل
ليلي: طيب هقفل معاكي عشان هنام
هديل: حقك عليا متزعليش
ليلي: ماشي باي
قفلت معاها وبكت الا ان نامت
تاني يوم
سميره: ليلي يلا اصحي
ليلي بنعاس: ف اي
سميره: قومي الساعه 3
ليلي: حاضر
استيقظت وجه ف بالها ال حصل تنهدت بحزن ودخلت غسلت وجهها وادت فريضتها
مسكت هاتفها بتتردد ثم اخذت نفس واتصلت ب ماجد
ماجد:الو
ليلي: اي ي ماجد اخبارك
ماجد: الحمدلله ي ليلي انتي عامله ايه
ليلي: الحمدلله..ماجد هو ممكن معلش تقولي ال وصلك م ناحيه لوكا
ماجد: ياما قولتلك ي ليلي دي مش صاحبه ومبتحبكيش وبتمثل جامد وانتي عاندتي معايا
ليلي: يعني الكلام حصل
ماجد: ايوا ي بنتي وكذا حد بتفضل توقعه معاكي
ليلي: ماشي ي ماجد معلش عطلتك
ماجد: عيب يعني واحد ي ليلي
ليلي: تسلم ي ماجد
اخدت تفكر ماذا ستفعل تعلم انها ضعيفه واذا تشاجرت معهم ستنقلب عليها الطاوله قررت اخيرا ب ان تذهب ل ايات ف شغلها وتتحدث معها اولا
بعد يومين نزلت وراحت لأيات
ايات: ايدااا وحشاني وضمتها اليها لم تبدي ليلي اي رد فعل
ايات: مين مزعلك
ليلي: اقعدي ي ايات
ايات: حاضر ف اي
ليلي: بتتكلمي عليا لي ونتي مشوفتيش مني غير كل خير
ايات بتوتر: كلام اي مين ال قالك كدا
ليلي: تعرفي ان ال بيبقي محتاج يعرف ال وصل الكلام بيبقي اتكلم فعلااا لأنك لو متكلمتيش مش هتهتمي تعرفي لانك معملتيش
ايات: انا متكلمتش عليكي والله
ليلي: بس متحلفيش ووصلي للزباله التانيه اني لو شوفتها هقل منها
ايات: لا استني هكلمهالك عشان انتي مش فاهمه حاجه اتصلت ب لوكا
ايات: اي ي لوكا ليلي هنا وف حد موصلها كلام ع لسانا وهي مصدقه وبتتخانق معايا
ضحكت ليلي بسخريه ونظرت لها ب استحقار
ايات: خودي لوكا كلميها
اخدت منها الهاتف
ليلي: اي
لوكا: اي الحوارات دي
ليلي: بتيجي منك للأسف
لوكا: طب اهدي عشان مجبلكيش حوارات اكتر
ليلي: عاوزه اي مش فاهمه
لوكا: يعني ممكن اجيلك البيت اعملك حوار مع باباكي
ليلي ب اشمئزاز: ال عندك اعمليه واغلقت ف وجهها
اعطت ل ايات الهاتف
اياات: طيب افهمي
ليلي: مش عاوزه افهم انا عاوزاكوا تبعدوا عني وذهبت واخذت تبكي ف الشارع
دخلت البيت وحالتها لا يرثي لها رمت نفسها علي الفراش ودست وجهها ف المخده واخذت تبكي وشهقاتها تعلو احست بالخذلان للمره الألف كل من حولها يستغل عقلها ولكن متي سيرتاح قلبها!؟
........................................................
يتبعع
الفصل ال 15 والأخير
ف المساء
رن عليها محمود
ليلي: الو
محمود: اي الأخبار
ليلي: تمام وانت
محمود: الحمدلله اي البيت لسا قافشين عليكي
ليلي بضيق: عادي الحمدلله
محمود: هتعدي ان شاء الله..انتي فين كدا
ليلي: ف البيت هكون فين
محمود: ماشي عاوزه حاجه
ليلي: تسلم..باي
اغلقت الهاتف وفكرت قليلا بعلاقتها ب محمود حست ان الشغف ال كان جواها م نحيته بيروح اكتر..تنهدت ودعت ربها بالخير ونامت...
بعد مرور شهرين
بدأت حالتها تتحسن وتنسي ال حصلها م صحابها وعلاقتها بمحمود شبهه كويسه
...............................في بيت ليلي
كانت ماسكه تليفونها وفاتحه فيس ظهر قدامها صوره فستان عجبها اول بعتت الصوره لمحمود وقالتله بص حلو اوي
محمود: م طول م انتي معقده كدا مش هتلبسيه
ليلي: ملكش دعوه انت بس
محمود: ق يب هتلبسيه وتبقي زي القمر
ليلي: حبيبي الله يكرمك
محمود بضحك: معقده بقولك
.......................... بعد يومين صحيت لقت مسدج منه ب لينك لتحميل اللعبه ال بتحبها
ليلي: الله بس انا كنت عاوزه الجزء التاني
محمود: العبي دا وخلاص
ليلي: لا لعبته كتير
محمود: دا انتي طفله رخمه صحيح نعملك ايه
ليلي: غور مش عاوزه منك حاجه يرخم
استنت شويه لقيته مردش قفلت التليفون وبليل بصت لقيته مردش بردو عدي اسبوع والتاني وهو مردش عليها ولا كلمها
ليلي ف نفسها *انا عملتله ايه هو يكلمني بمزاجه ويبعد بمزاجه وبيفتح ومردش عليا*
اخر م زهقت قررت مش هتشغل بالها كتير وعادي هي متعوده منه علي كدا
وف يوم قاعده ف البيت بتقرأ روايه تليفونها رن وكان سميره
ليلي: الو اي ي بت
سميره: بقولك ي ليلي انتي بتكلمي محمود
ليلي: لا لي
سميره: اصله كلمني
ليلي ب استغراب: عاوز ايه
سميره: معرفش رن عليا بيقولي عامله ايه ولسا بتشتغلي وفضل يهزر قولتله متكلمنيش تاني قالي انا مش عاوزك تكوني زعلانه مني وانا اسف وحقك عليا واحنا صحاب قولتله لا مش صحاب قالي طيب انا عاوز اكلمك
ليلي بسخريه مريره: هه متوقعه منه
سميره: مش عاوزه بس يعرف اني قولتلك
ليلي: لا قولتلك مش بكلمه
سميره: طيب كويس
قفلت معاها وحست انها اغبي واحده ف الدنيا وكام مره صدقته واتضحك عليها .............
مش هو ال حبيته استحاله يكون دا ال قلبي اختاره..كلامه كدب تصرفاته كدب طب ولمعه عنيه ودموعه مثلها ازاي!!! ازاي قدر يعمل ف قلبي كدا..خسرت الكل علشانك واديني كسبت وخسرتك..!
دونت الكلمات ف مذكراتها والدموع تمليء عينيها
سرحت ف كل ال حصل معاها وكل لحظه عيطت عشانه كام مره جت ع كرامتها وهو جه عليها مسحت دموعها بقوه ووضعت المذكره تحت الوساده وغفلت
.......................................................
بعد شهرين
وقفت امام امام البحر وفتحت حسابه علي الفيسبوك وبصت لصورته بس عنيها مكانش فيها اللمعه ال كانت بتبصله بيها ضحكت ب استهزاء ع تحول مشاعرها م كل شيء ل اللاشيء احست بيد احد ع كتفها التفتت وجدتها صديقتها علياء احتضنتها بقوه واجهشت بالبكاء
علياء: عيطي انا حاسه بيكي والله
ليلي: انا مش زعلانه عليه بس زعلانه ع الوقت والمجهود والطاقه ال خلصوا ف حبه انا ازاي كنت عاميه كدا
علياء: انتي مش عاميه بس كل دي اختبارات م ربنا ومتستنيش م حد يصلحلك حياتك لان دي مهمتك انتي
ليلي بتنهيده: دا اللي هيحصل شايفه البحر دا انا رميت ذكرياتي كلها معاه وكل شويه باجي هنا عشان اثبت لنفسي اني هبقي احسن بس النهارده اول مره احس ان حبه مبقاش موجود مبقاش ليه مكان ف قلبي اول مره ابص لصورته واشوفه عادي.. واقل م العادي انا حاسه اني كنت بحب واحد مريض واناني...
علياء محاوله التخفيف عنها: طب اعزمك ع ايس كريم وتضحكي
ليلي بضحك: م غير ايس كريم انا مبسوطه اني شوفتك اوووي دلوقتي
علياء بحب: انتي عارفه يا ليلي انا بحبك ازاي بتبعدي كتير بس مكانتك هي هي واحنا عشره يبنتي
ليلي: ربنا يخليكي ليا..يلا بينا نمشي
واخذتها ورحلوا
......................................................
البدايات دايما بتكون حلوه متتخدعوش فيها بس خليكي دايما عارفه ان الراجل طول م ضمن حبك هيستغله لصالحه مفيش حد كامل احنا بنختار ال يكملنا مش ال يطلع نقصه فينا ال يحسسك انك غاليه وميبعكيش ويهرب مع اول مشكله...الحب حلو بس مع الشخص الصح والاختيار مش سهل والبدايات دايما بتتغير..الحب ل هيورد قلبك ل هيبقي لعنه بتذلك
اغلقت مذكراتها بعدما دونت كلماتها خلعت نظارتها واخذت تردد الكلمات التي كتبتها ابتسمت ابتسامه خفيفه وهمست بداخلها *انا اه خايفه م الناس وتعاملاتهم بس حاسه ان ربنا هيعوضني بالخير اكييد..* احست براحه خفيفه وهي تري التغيير الذي حدث بقلبها ف سبحان من يبدل احوال قلوبنا
....................بعد 5شهور
رجعت اشتغلت ليلي ف مجال الميك اب ال بتحبه وقفلت قلبها وقررت مش هتعيد تجارب تاني بعدت عن الشخصيات ال كانت مسببالها اذي ف حياتها يمكن نهايه قصتها مش زي م كله متوقع بس يكفيها ان اتعلمت تحب نغسها وتحافظ ع قلبها ومش اي كلمه تطلع من حد نصدقها ويمكن يجي ال يداوي قلبها م تاني بس...ياتري هتحبه؟؟
تمت😊
رأيكوا وشكرا لمتابعتكم حبايبي🌸💕
#بقلم ساره نبيل
تعليقات
إرسال تعليق