 |
الفصل 6
سميره:...يلا ي ليلي اصحي ماما عملت الفطار
ليلي: مش هاكل
سميره: قومي يلا محدش ف البيت غيرنا وماما قومي نقعد سوا
ليلي: طيب روحي وهاجي اهو
قامت وغسلت وشها وخرجت تفطر معاهم
ليلي: انا عاوزه انام تاني
مامتها: لا عشان تعرفي تنامي بليل عشان شغلك بكرا
سميره: نعم
ليلي: بتهزري صح
مامتها: لا مش بهزر كلمت ابوكوا وهتنزلوا م بكرا
سميره: يااااه كان فين الخبر دا م بدري
فرحت وقامت كلمت ماجد
الو
ماجد: اي ي معلم عامل ايه
ليلي: الحمدلله.. عندك مكان فاضي وضحكت
ماجد: ي باشا المكان كله ليك انت بتهزر ولا ايه
ليلي: ماشي م بكرا هنزلك
..............
نزلت تاني يوم الشغل بس ملقتش رحاب كان ف غاده وبنتين تانيين * سهيله*حبيبه*
دخلت ومحستش ان هي مبسوطه معاهم زي م كانت مبسوطه مع رحاب
بس ارتاحت لحبيبه اكتر وسهيله كانت بتتعامل معاها عادي
قعدت وكانت بتكلم محمود لقت صوت م وراها
ايدا دا محموود
لفت ب استغراب نعم انتي تعرفيه
سهيله: ايوا ي بنتي دا يبقي صاحب ابن خالتي جدا
ليلي: اها
حبيبه: سيبك منها دي اي حد تقولك هي تعرفه
سهيله: لا طب استني هوريكي صوره ليه مع ابن خالتي
وفتحت تليفونها وطلعت الصوره
ليلي بضيق: هو فعلا
سهيله: ايوا بس اي بقا وغمزت
ليلي: لا صحاب عادي يعني ف ايه
سهيله اصحاب برضوا ماشي ماشي انتي عندك انستجرام اوريكي صورهم عليه
ليلي بضيق اكتر: لا كان عندي وقفلته
سهيله ادا ازاي مش عندك
ليلي: عادي
........ روحت البيت وكلمت محمود وهي مروحه بس مرضيتش تحكيله اللي حصل عشان متضايقش نفسها
غيرت هدومها ودخلت قعدت مع سميره
ليلي: سميره البنت اللي معايا النهارده بتقولي ازاي مش عندك انستجرام هو عملي يعني اصل انا لما كان معايا مكنتش بفتحه
سميره: اه حلو هاتي اعملك واحد
ليلي: ماشي
عملتلها اكونت انستجرام وقعدت شويه وكلمت محمود ونامت
بعد ايام
ايدا عملتي اكونت
ليلي: اه م كام يوم
سهيله: هاتي طيب اعمل لنفسي فولو
ليلي: خودي
....
سهيله: خلاص خلصت
ليلي: ماشي انا هروح اقف مع ايات برا عشان بعتتلي
سهيله: استني هاجي معاكي
خرجت وقفت مع ايات
*ايات بتشتغل ف المحل اللي جمب ليلي وليلي عرفاها من سنه بس بقوا صحاب بقالهم 3 شهور*
ايات: مش عارفه بس مخنوقه
ليلي: ف اي طيب م اكيد ف سبب
سهيله: ادا بصي وراكي
ليلي بصت لقت محمود معدي وشافها
ايات: مين دا
سهيله: دا صاحب ليلي وضحكت جامد
ليلي اتضايقت بس مبينتش
ليلي: امهم كملي اي مضايقك
ايات: متخانقه مع ماما وو
تليفون ليلي رن لقت محمود سابتهم ودخلت ترد عليه
محمود: اي الاخبار
ليلي: الحمدلله
محمود: ايدا هي بتعمل اي هنا دي
ليلي: مين سهيله!
محمود: اه
ليلي بغيره: وانت عارفها
محمود: قريبه صاحبي ي بنتي بس كويس انها معاكي يعني وكدا هتطمن عليكي
ليلي: اه هي كويسه
............ خلصت شغلها وهي مروحه راحت تشوف محمود
محمود: انا واقف اهو مستنيكي انتي فين
ليلي: خلاص شوفتك اهو
ركبت وسلمت عليه وتليفونها رن لقت حبيبه
ليلي: الو
حبيبه: ي ليلي ف واد م اللي سهيله بتكلمهم دول وجه بموتسيكل وخدها م عند المحل وانا خايفه عليها وقولتها متروحش وسابتني وخرجت
ليلي: احم طب وبعدين هتعملي ايه
حبيبه: معرفش بس تقريبا دا سيف
ليلي بغباء: سيف مين
محمود بصلها خافت وقفلت معاها
محمود: مين سيف دا بقا
ليلي بتوتر: دا واحد كدا واحده صاحبتي عارفاه يعني
محمود: والله
ليلي: اها امهم وغيرت الموضوع عشان حست انه هيفهم االي ف دماغها وكدا سهيله هيحصلها مشكله عشان عارف قريبها
............
ليلي: محمود انا عاوزه اشوفك
محمود: ماشي هشوف واقولك
ليلي: لا هشوفك يوم الاربع
محمود بتفكير: ماشي
..........
فكرت تعمله حاجه تخليه مبسوط شويه وقررت تعمله اكل هي اللي عملاه
وراحت تشوفه وقعدت
محمود: ادا هو ف اكل
ليلي: اه عملالك اكل
محمود: بجد طب مقولتليش ليه دا انا كلت م شويه
ليلي: لا م الاكل دا هتاكله لما تروح
محمود: مش هتاكلي معايا
ليلي: لا كلت مع ماما قبل م اجي
محمود بصلها وسكت
محمود: صح عاوز اقولك حاجه
ليلي بصتله: هاا
َهي متعرفش اي حصل بس تقريبا محمود حاضنها دلوقتي و....... قلبها بيدق جسمها بيتهز اتوترت حب خوف لهفه حاجات كتير جديده عليها اول مره تحسها فاقت بسرعه وبصتله
محمود: ربنا يخليكي ليا
ليلي:.......
محمود: ليلي مالك
ليلي: مفيش
محمود: انتي اللي عملتي الاكل ولا بتضحكي عليا
ليلي: لا انا
محمود:.......
............. بعد شهر ليلي كانت متخانقه مع محمود وبقالهم 4 ايام مش بيتكلموا
روحت م شغلها وغيرت وفتحت فيس شويه وكانت مفتقداه جدا ف فتحت انستجرام وجابت الاكونت بتاعه كانت عارفاه من سهيله لما وريتها الصوره وفضلت تبص لصورته كتير وغصب عنها داست لايك خافت وشالته بسرعه وفضلت تلعن غبائها وفكرت ممكن يفتكر انها قصداها وبتفرض نفسها بعد تفكير كتير نامت وصحيت ع صوت التليفون الساعه 4 الفجر لقت محمود بيرن اتخضت وقامت ردت
الو
محمود بصوت اول مره تسمعه منه
انتي عامله انستا بقالك قد ايه
ليلي ب استغراب: من قريب
محمود: وعامله فولو لصاحبي لييه
ليلي: صاحبك مين؟
محمود بزعيق: افتحي الزفت واقبلي الفولو بتاعي دلوقتي
فتحت وقبلته واستنت
مش موجود ف الفولو عندك بس باين من برا ف السيرش دا معناه ايه وبعتلها صوره وفعلا باين ف السيرش ان ف فولو بينها وبين واحد
بس مين دااا!!
محمود: ساكته ليه
ليلي: ي محمود وفجأه مامتها دخلت ف سكتت وقالتله بصوت واطي استني ثواني
استني لحد م مامتها خرجت وردت
محمود: متكلمنيش تاني وابعدي عني
ليلي حست ان قلبها وجعها واللي فرق معاها صوته
ليلي: محمود انت كويس
محمود: ملكيش دعوه بياا ولو شوفتك ف الشارع قدامي انا هبهدلك
ليلي بخوف: هتعمل اي يعني
محمود: ملكيش دعوه بقا
ليلي: محمود اقسم بالله انا م اعرف الشخص دا ولا بعتت حاجه
محمود: انا قولت اللي عندي وقفل ف وشها
رنت عليه كتير بس مفيش رد حطت دماغها ع المخده وفضلت تعيط بصمت ومش عارفه تعمل ايه
...........
صباح الخير
حبيبه: صباح النو.. ايدا عنيكي مالها
ليلي: مفيش هي فين سهيله
حبيبه: مجتش وماجد بيرن عليها مش بترد
ليلي: ماشي
حبيبه: اي حصل بقا احكيلي
ليلي بصتلها وسكتت
حبيبه: طب هسيبك تهدي كدا وتعالي نعلق زينه عيد الحب دي عشان نخلص
قامت معاهت ووقفوا برا وماسكه لحبيبه الحاجه ومش مركزه فاقت ع صوت عربيه جايه وهي عارف الصوت دا للحظه قلبها كانت حاسه ان الللي حواليها سمعوا دقاته اكيد
لفت براحه وبتتمني لو يخيب ظنها بس طلع هو كان واحشها اوي افتكرت كلامه *انا لو شوفتك ف الشارع هبهدلك*
لقت نفسها بتمسك ف حبيبه جامد واول م مشي دخلت بسرعه وفضلت تعيط
حبيبه: لا مش هسيبك غير لما تفهمينني اي حصل وليه لما محمود عدي عملتي كدا
بصتلها وسكتت
حبيبه: سمعاكي
حكتلها اللي حصل امبارح لما كلمها وانها مش فاهمه حاجه
حبيبه بتفكير: بصي هو اولا تمم مش بيكدب بس انتي فعلا معملتيش للواد دا
ليلي: لا والله م اعرفه دا انا لسا اول مره اشوفه امبارح لما بعتلي الصوره
حبيبه: وريني كدا
وريتلها الصوره وحبيبه خدت الاكونت بتاعه جابته م علي تليفونها
حبيبه ب استغراب: دا قريب سهيله
ليلي: عرفتي ازاي
حبيبه: م انا عارفاه وجه ف مره لما انتي كنتي خرجتي تشوفي محمود خد حاجات وهي قالتلي ودا كمان صاحب محمود اللي كان ف الصوره
ليلي: طب م اقول لسهيله وتسأل قريبها دا لو يعرفني
حبيبه: لا ثواني دا مقلب معمول فيكي
ليلي: ازاي
حبيبه: بصي دا اكبر احتمال عندي ان سهيله هي اللي عملت الفولو لما مسكت تليفونك ورجعت لغيتك من عند قريبها واكيد عارفه ان محمود عندك وهيسألك
لأما الانستجرام بيبعت فولو لوحده ودي مش اكيد لانه مش هيبقي فيه غير قريب سهيله ف صدفه غريبه يعني
لأما بقا اخر حاجه واستبعدها ان محمود بيتلكك مثلا
ليلي اتلغبطت ومسكت تليفونها ترن ع سهيله مبتردش بعتتلها ع الواتس وسهيله ردت قالتلها *معلش مجتش عشان تعبانه... لا ي بنتي ابن خالتي ميعملش كدا دا محمود تلاقيه بيضحك عليكي*
ليلي اتصدمت بس قالت لا محمود هيعمل كدا ليه طب مدانيش فرصه ليه ادافع عن نفسي وليه حتي بيحكم عليا ع طول
شويه ورنت ع سهيله لقيتها حطيتها ع البلاك!!!!!
الواتس عملتلها بلوك
حبيبه: ادا وعملالي انا كمان
رن تليفون حبيبه وخرجت وبعدين دخلت
ليلي الحقيني
ليلي: ايه
حبيبه: خطيبي كان بيكلمني دلوقتي وقالي ان سهيله كلمته وبتقوله اني مش بحبه وانه بيضيع وقت معايا
ليلي: وهي سهيله وصلت لخطيبك ازاي
حبيبه: عشان كانت بتصالحنا ع بعض كذا مره
ليلي:........
...........
عدي اسبوع ومحمود محاولش حتي يكلمها ولا اي حاجه
ليلي كانت مستنياه ف كل وقت وقلبها دايما واجعها وكل تفكيرها * لو بيحبني كان كلمني *
ايات: ي بنتي مش شايفه بقيتي عامله ازاي
ليلي: مالي
ايات: طب م تحاولي معاه تاني
فكرت ف كلامها لحد م قررت انها هتكلمه وتشوفه وتفهمه ان ملهاش ذنب
كلمته وكان كلامه معاها بارد وغريب حست ان ف حاجه ووافق ان يتقابلوا بس ف حاجه مخوفاها منه
محمود هو انت سهيله كلمتك
محمود: لا
ليلي: متأكد
محمود: هتقولي ايه يعني
ليلي سكتت واتكلمت عادي وف وسط الكلام لقيته بيقولها م انتي عامله انك كيوت وهاديه وانتي مقضياها!!!!!!
ليلي سكتت ومعرفتش ترد
محمود: هو انتي فكراني اهبل وتروحي تقولي لصحابك دا انا بخرج معاه وبنتغدي سوا وحوارات مألفاها من دماغك اقسم بالله واحده شماال............
اديها بتترعش قلبها بدأ يدق جامد عنيها بتلمع من الدموع كل اللي عملته انها قفلت ف وشه
بعتلها مسدج ع الواتساب
*والله واحده شمال وتربيه شوارع
*انتي عيلتك دول غلطتهم انهم جابوا واحده زيك
*انا غلطان اني كنت هدخل واحده **** زيك عيلتي
بعتتله ربنا يسامحك بس انا مش مسمحاك ع اللي قولته دا كانت بتكتب واديها بتتهز سابت التليفون او بمعني اوضح وقع م ايدها وقامت زي التايهه مشيت ف الاوضه تكلم نفسها *انا مش شمال* زي م يكون بتوضح لنفسها انها مش كدا
راحت لسميره صحيتها سميره قامت بسرعه ف اي مالك
ليلي: هو انا شمال
سميره: اي الهبل داا انتي مش كدا ابدا
ليلي حضنتها وفضلت تعيط لحد م تعبت وقامت غسلت وشها ودخلت نامت وهي حاسه ان محمود بقي حاجه سودا بالنسبالها
بعد شهر حالتها بقت اسوأ وبقت مش زي الاول مبقتش تضحك ولا تتكلم كتير زي الاول بتشتغل عشان تضيع يومها وتروح تنام وخلاص.......................
انا ملاحظ ان ف حاجه بجد وكل شويه اشوفك ف الكاميرا بتعيطي ممكن افهم ف ايه دا لو بتعتبريني اخوكي الكبير فعلا
ليلي: مشاكل ف البيت معلش
ماجد: مش عارف اقولك اي وعارف انك بتكدبي بس هسيبك براحتك لحد م تيجي وتحكيلي
ليلي فكرت تكلمه تاني لاخر مره تبرر موقفها اللي هي اصلا معملتهوش
رنت عليه وهي مروحه
الو
ليلي: اي ي محمود هتكلم معاك ف حاجه تفضيلي نفسك معلش
محمود: معاكي اتكلمي
ليلي: طيب.. فهمته انها معملتش كدا وان كل دا هي مش فهماه وقد ايه هو اتسرع ف رده معاها وغلط فيها
محمود: انا كنت هكلمك اتأسفلك اني قولت الكلام دا بس مكنتش عارف انا بقول ايه ومكنش ليا وش اكلمك
ليلي ب خنقه ودموع: يعني اي ملكش وش هو انت تيجي عليا بالكلام وتقولي كدا
محمود: اسف ي ليلي
ليلي قفلت معاه وحست انها ارتاحت شويه بس برضوا كلامه لسا ف ودانها
روحت وغيرت هدومها ونامت بعد معاناه م غير م تعيط
وتاني يوم قاعده ف الشغل ولقت ايات داخله عليها
ايات: بقولك ايه
ليلي: قولي
ايات: انا كلمت محمود
ليلي قامت وقفت: نعم اي الهبل دا وانتي تكلميه ليه
ايات: عشانك والله عشان شايفه شكلك عامل ازاي وكلمته عشان اقوله انك بتحبيه
ليلي: وهو انتي اللي هتثبتيله داا يعني انتي بتتصرفي م ورايا ليه دلوقتي يفتكر اني بعتاكي عشان انول الرضا منه
ايات: لا والله متخافيش وبعدين والله انا فكرت فيكي عشان كدا كلمته وهو كلامه كان عادي بس
ليلي: طيب ممكن متكلمهوش تاني لو سمحت
ايات: لا وهكلمه تاني ليه
وحكتلها انه قالها ان الموضوع انتهي بالنسباله وان حصل سوء تفاهم ومش هينفع نبقي زي الاول واني محتاجه واحد زي اللي كان خطيبي هو اللي هينفع معايا *زي اللي كان خطيبي!!! * بلعت ريقها وفكرت هو ازاي يتكلم كدا مع واحده لسا اول مره يكلمها وهو ماله ب اللي كان خطيبي؟
.............................................................................
عدي شهر وليلي عرفت ان ايات كلمت محمود تاني او هو كلمها متعرفش بس اتخنقت وقفلت م الموضوع كله وازاي يكلم صاحبتها حتي لو ف اي بينهم دي حاجه بينهم
ولقت ان صاحبتها عرفت حاجات مكنتش عارفاها قرب رمضان و كانت مبسوطه شويه ان يومها فيه بيعدي بسرعه وشغل ف هتلهي تفكيرها بس للأسف كان حظها بيعكس معاها ساعات وتشوفه ف الشارع بس كانت بتحاول تتجاهل الموضوع ع قد م تقدر
قبل رمضان بيومين
ليلي: انا هدخل اجيب شاحن م عند ايات
حبيبه: ماشي بس متأخريش عشان هوريكي حاجه
ليلي: طيب
خرجت وهي باصه للتليفون ودخلت لايات ورفعت عنيها
محمود واقف بيتكلم مع صاحب المحل وايات واقفه ف النص
ادخل ولا ارجع ادخل ولا ارجع بس لو رجعت هيقول اني خايفه اضعف قدامه
دخلت واللامبالاه اللي رسمتها ع وشها متقولش ان ف حرب جواها بين قلبها وعقلها
خدي ي ايات اشحني دا ومدت ايدها بالتليفون
بس ثواني مش ايات اللي خدته منها هو اللي مسكه وايده لمست ايددها
توتر ولغبطه حصلت جواها متبصلوش لاء ركزي ف اللي بتعمليه لفت ومشيت ولا كأن حاجه حصلت
مجرد م خرجت خدت نفسها وبصت للسما *ياربي ليه بيحصل معايا كدا* ودخلت
حبيبه: كل دا ي بن.. ايده مالك
ليلي: مفيش كنت هقع بس
حبيبه: طب خلي بالك.. تعالي بقا بصي الصور دي
مكنتش مركزه معاها كانت بتهز دماغها بس
حبيبه: انتي معايا ولا ايه
ليلي: اه.. هو مفيش مايه هنا
حبيبه: استني هجيب من عند ايات
ليلي: ماشي
خرجت وشويه ودخلت ووراها ايات
ايات: ايوا بقا النظرات واللمسات
ليلي بصتلها بضيق وتوتر وسكتت
حبيبه: مش فاهمه همسات ونظرات اي
ايات: شافت الواد ياختي
حبيبه: واد مين
ايات: صاحبتي فهماني
ليلي: اهدي ي ماما
ايات: شافت محمود
حبيبه بصت لايات وفهمت هي ليه كانت داخله كدا
ليلي: طب اسكتي عشان ماجد داخل
دخل ماجد وبص لايات بضيق ونده ع ليلي
ايات: طب همشي انا بقا
ليلي: نعم ي ماجد
ماجد: فكك من ايات دي مش سالكه كدا وبتتكلم كتير
ليلي: عادي هي طيبه
ماجد: مش شبهك ي ماما افهمي انا خايف عليكي
ليلي: مينفعش ي ماجد لازم اشوف منها موقف عشان محسش اني ظلمتها
ماجد: صح بس خلي بالك
هزت دماغها وسكتت
خرجت م الشغل وكانت مروحه لقت ايات
اي ي بابا محمود هيكلمك
ليلي بمقاطعه: طيب انا طالعه البيت هبعتلك ع الواتس لما اطلع
طلعت وغيرت ومسكت التليفون لقت ايات بعتالها ع الواتس كلمتها شويه ومحمود رن عليها
الو
اي ي ليلي ازيك
الحمدلله انت اي اخبارك
الحمدلله تمم.. كل سنه وانتي طيبه
وانت طيب
مسلمتيش عليا يعني
هسلم عليك ازاي وصاحب المحل واقف
اممم صح.. طب اي بناطيل ف رمضان
ليلي بضحك: اهو بحاول بقا
انا كلمتك عشان وحشتيني بصراحه
ادا بجد وحشتك
اه... بس برضوا مسلمتيش عليا واتضايقت
م قولتلك يابني
لا وكنتي مترردده كدا
لا عادي
والله
اهه
خلاص كأني مقولتش حاجه
ماشي ي محمود وانت طيب
ماشي باي
قفلت وبصت للتليفون عادي ياعني المتوقع منه لقت حاجه بتنزل ع التليفون.. بتعيطي ليه ي غبيه م انتي اللي بتعملي كدا دخلت الاوضه التانيه عشان مبتكلمش سميره ومش عاوزه حد يشوفها كدا
قعدت ع الارض وفضلت تعيط متعرفش قد ايه ومحستش ب اي حاجه غير انها فاقت لقت نفسها نايمه ع الارض قامت بسرعه وبصت ف المرايه ولقت مكان خبطه ف دماغها عرفت انها اتخبطت ف التسريحه لما نامت دخلت غسلت وشها وحمدت ربنا ان محدش شافها كدا ونامت..يتبع
الفصل 7
ي جماعه يالي هنا
ليلي: ايي
ايات: بصيلي كدا بس وانتي بتكلميني
رفعت وشها: عاوزه ايه
ايات: ادا مالك ياختي
ليلي: صايمه بس ومش عاوزه اتعامل مع حد
ايات: خايفه نفطرك
ليلي بضحك: حاجه زي كدا
ايات: طيب هدخل اصلي العصر بقا
ليلي: ماشي
......................
ايات: تعالي عاوزاكي
ليلي: ف اي
ايات: تعالي محمود جوا وعاوز يشوفك
ليلي: ازاي داا
ايات: والله تعالي بس
ليلي بتوتر: طب ادخلي وهاجي وراكي
اهدي خلاص هتشوفيه وبس بصت جمبها لقت مامت ماجد قاعده استأذنت منها وخرجت
دخلت عند ايات
ازيك
محمود ب ابتسامه: الحمدلله عامله ايه
ليلي: تمم
محمود: صايمه ولا اي
ليلي: اه ياخويا
محمود: انا قولت اتأكد بس
ليلي ضحكت: طيب همشي انا بقا
خرجت ودخلت المحل لقت تليفونها بيرن
اي ي شوق
شوق: اي ي بيبي لو حد جمبك ابعدي هحكيلك حوار
ليلي خرجت برا المحل: احكي يلا
وهي بتكلم شوق محمود خرج وركب عربيته دخلت عند ايات تاخد منها الجاكت وهي خارجه لقته داخل تاني بس بصلها بضيق استغربت وكملت كلام مع شوق وقفلت
فتحت تليفونها لقته ماسح رقمها دخلت لايات
ليلي بعصبيه:ممكن افهم ايه دا
ايات: عشان انتي غبيه هو لما لقاكي واقفه بتتكلمي ف نفس الوقت الواد اللي قدامك كان بيتكلم ولما انتي خلصتي هو خلص ف افتكر انك بتكلميه وسألني
ليلي ضحكت وخرجت
روحت البيت وفطرت ونزلت ورنت عليه
الو
اي ي محمود انا عاوزه افهم حاجه بس هو انت بمزاجك تكلمني وبمزاجك تبعد وكل حاجه بتصدقها بدماغك انا مش فاهمه انت عاوز ايه تمسح الرقم وبعدين تسجله وترجع تسمحه هو ف ايه بس اقولك كويس انك مسحته وجت منك عشان كنت ناوياها
محمود: انا لما لقيتك بتتكلمي ف التليفون ف نفس الوقت الواد بيتكلم و
ليلي بمقاطعه: دا واحد مسيحي وبعدين وانت مالك اكلمه ولا مكلموش
محمود: يعني اي وانت مالك
ليلي: ايوا انت كل شويه تعمل اللي بتعمله دا انا زهقت وتكلم ايات وتاخد رأيها ف حاجات وتكلمها عادي وانا فيين م كل داا انا زهقت م كل شويه تبعد وترجع تكلمني لما مزاجك يجيلك والله تعبت
محمود: انا بتكلم مع ايات عشانك وبعدين هي اللي بتكلمني
ليلي: وانا فييين يعني ايه هي تقولي انك خلاص مش حابب الموضوع وبعدين تقولي دا عاوز يشوفك يعني اي كل داا
محمود: مفيش الكلام داا انا والله معرف ان كل دا بيتقالك
ليلي: محمود انا فعلا جبت اخري
محمود: انا اسف
ليلي: ماشي ي محمود هقفل عشان وصلت الشغل
محمود: طب عاوز اكلمك تاني
ليلي: لا مش هينفع .. سلام
محكود سكت شويه و بعدين قال سلام
...............
روحت البيت اتسحرت ونامت وصحيت ع تليفونها محمود بيرن
الو
اي ي ليلي انتي نمتي
ليلي: اه
محمود: معلش صحيتك.. بس انا عطلان بالعربيه من الساعه 12 وخايف تكون دعواتك
ليلي حست انه بيستخف بيها
لا انا مبدعيش ع حد
محمود: طب انا اسف مره تانيه
ليلي: طيب
محمود: انتي ليه محسساني اني بتحايل عليكي
ليلي: متتحايلش
محمود بعصبيه: طيب اقسم بالله فعلا م هتصل تاني
قفلت معاه وكملت نوم
..................................
ايات: اي انتي فين
ليلي: خارجه من الشغل
ايات: طيب هعدي عليكي اخدك هنفطر عندي
ليلي: ادا اشمعنا
ايات: ماما عزماكي يلا انا جايه
ليلي قفلت ولقت مسدج من محمود *انا مطلبتش حاجه غير انك تكوني مسمحاني*
اتنهدت وبعتتله حصل خير ي محمود
قوليلي مسمحاك
خلاص مفيش حاجه
عاوز اسمعها معلش
مسمحاك ي محمود
افتكري محمود بالخير
حاضر
بعتلها ماشي وورده
بصت للتليفون كتير واتضايقت اوي انها فعلا مش بتعرف تزعل منه
............................................................................
بعد يومين روحت البيت ومسكت تليفونها كلمته تطمن عليه
ليلي:طمني عنك
انا بخير طول م انتي بخير
وانا كويسه طول م انت بتاخد بالك م نفسك
استنت شويه لقته قفل نامت وصحيت ع الساعه 7 ولقت مسدج منه وفاتح
مش بتسألي عليا ليه
م انا سألت اهو
صاحيه ليه بدري كدا
عادي قلقت وصحيت
نصيبي عشان اصطبح بيكي
ليلي ضحكت: والله دا بجد
محمود: اه ربنا يستر
ليلي: ماشي بتتريق
محمود: لا انتي حتي ضحكتك حلوه
ليلي: متأكد
محمود: اه بتعملي وخوخوخ
ليلي ضحكت جامد: م عشان كدا أكدت عليك
محمود: لا ابتسامتك حلوه
ليلي: ماشي
محمود: نامي طيب عشان تصحي لشغلك وهستني تسألي عليا تاني
ليلي: انا اللي هسأل دايما
محمود: انا متضايق من نفسي من بعد اللي حصل
ليلي: انت شايف اني كدا او بفكر كدا وبعدين انا هبدأ مع نفسي م جديد
محمود: الله يكون ف عونك..... وانتي كمان وحشتيني
ليلي: بجد
محمود: اها
ليلي:تصبح ع خير
محمود: وانتي من اهله
بعد كام يوم كانت قاعده لقت مسدج منه
انتي بتستعبطي يعني
ردت عليه
بستعبط ازاي
محمود: مبتسأليش وشوفتيني وقولت هتكلمني ولا عبرتيني
ليلي ضحكت
انت متضايق عشان كدا
محمود: خلاص كبري دماغك
ليلي: لا بجد.. مين مضايقك كدا
محمود: محدش مضايقني
ليلي: طب اي اخبارك
محمود: الحمدلله
ليلي: شوفتني ازاي
محمود: كنتي واقفه ف المحل عند ايات وكنت هدخل اسلم عليكي بس لقيتك بتتكلمي مع صاحب المحل ف لفيت ورجعت
ليلي: بجد
محمود: هو ايه اللي بجد
ليلي: مستغربه يعني
خرجت تقفل المحل عشان تمشي
استني اساعدك
لفت لقيته الشاب اللي ف المحل اللي جمبها
لا شكرا تسلم
=لا ازاي احنا جيران مينفعش
ليلي: معلش هتعبك
قفل معاها وشكرته ومشيت
فتحت التليفون لقت مسدجات منه *مستغربه ليه* *انتي مبترديش عليا* *سلام ي ليلي*
ليلي: يابني كنت بقفل والواد واقف بيقفل معايا مينفعش امسك التليفون واسيبه بيقفل لوحده
محمود: والله.. انا غلطان اقسم بالله اني اتكلمت وبحرق ف دمي
ليلي: محمود ف ايه لكل دا انت كل شويه هتعمل كدا
محمود: بعمل اي بصي انتي بتتكلمي ازاي وردك ازاي
ليلي: ازاي يعني
محمود: انتي بتشغلي دماغك عليا
ليلي: هشغل دماغي ليه يعني
قفلت معاه عشان تفطر وخلصت وكلمته
محمود انا فعلا مش فاهمه مالك
محمود: بصي ي ليلي كلامك وطريقتك معايا
ليلي: انا مبكلمش حد وحش
محمود: انتي كل شويه مبكلمش حد وحش مبزعلش حد قولتلك انا مش حد.. انا عرفت ليه انتي بتتضايقي من كلامي عشان انتي بتعتبريني حد لكن انا لا ف هعتبرك حد عشان مزعلش نفسي
ليلي: لا انت مش حد
محمود: لا اقسم بالله حد
ليلي: لا والله وهتفضل محمود اللي حبيته ومبعرفش ازعل منه
محمود: ممكن تكلميني شويه كدا
ليلي اتحرجت وسكتت خدت القهوه االي كانت بتشتريها ومشيت
مبترديش ليه
ليلي: هرد اقولك ايه
محمود: يعني شوفتي المسدج ومردتيش
ليلي: اتحرجت وكنت بجيب قهوه
محمود: اتحرجتي ولا بتجيبي قهوه
ليلي: اتحرجت
محمود: لا متتحرجيش.. شويه كدا وهبقي اكلمك عشان متضايق بس
ليلي: معاك واحده
محمود: بس ي بابا
ليلي: ماشي
محمود: هخلص واكلمك
روحت البيت وغيرت لقته باعتلها انه خلص ردت عليه ومامتها ندت عليها تساعدها ف حاجات خلصت ودخلت الاوضه وفتحت التليفون لقته باعتلها مسدج
*انتي فين*
*ي بنتي*
*يعني انا قايلك خلصت وبعتلك وكنتي فاتحه وتقفلي ضايقتيني والله*
ليلي: كنت بعمل حاجات مع ماما والله ومشوفتش المسدج
محمود: طيب ارنلك
ليلي: استني لما يناموا
محمود: طيب لما تخلصي رنيلي
ليلي: لو الوقت اتأخر مش هرن
محمود: لا رني ملكيش دعوه
ليلي: بتكلمتي كدا ليه
محمود: عاحبك ولا مش عاجبك
ليلي: مش عاجبني
محمود: شدي ف حواجبك
ليلي: اي شغل ابتدائي دا.. وبعدين انا معنديش حواجب
محمود: ازاي وشعرك دا ايه
ليلي: اكستنشن
محمود: ايه
ليلي بضحك: شعر مستعار
محمود: وبيطلع م الطرحه عادي
ليلي اتحرجت: هو بيطلع م البندانه
محمود: ***
ليلي: احترم نفسك
محمود: لا مش هحترم
ليلي: ماشي
محمود: ربنا يهديكي
ليلي: ف ايه مش فاهمه
محمود: بدعيلك عادي
ليلي: والله
محمود: اسكتي بقا
ليلي: انت ليه محسسني اني حاجه بعصبك
محمود: بقيتي للأسف
ليلي: تمم حلو كدا خلاص ملوش لازمه الكلام وانت وضحت
محمود: لما نتكلم ف التليفون هنشوف الدنيا ماشيه ازاي
ليلي: مفيش دنيا هتمشي خلاص
محمود: حرام بقا
ليلي: هو حرام فعلا انا مش فاهمه بتتكلم كدا ليه
محمود: ناموا
ليلي: اه
اتصل بيها
الو
اي بقا مالك
ليلي: مفيش
محمود: بصي ي ليلي انا لما عرفتك حبيتك بجد وكنت بتمني اكون معاكي ع طول واللي حصل مكنش نفسي يحصل بس للأسف حصل انتي نصيبك مش معايا بس غصب عني والله *نبره صوته اتغيرت و.. بيعيط* انا اقسم بالله حبيتك فعلا بس مش هينفع ي ليلي ومش عاوزك تكرهيني ولا تزعلي مني
ليلي بعياط: مش هزعل منك ولا عمري هكرهك
محمود: انا اسف ع اي حاجه حصلت
ليلي: متتأسفش
فضلوا ساكتين
ليلي: طيب انا هقفل
محمود بصوت ضعيف: خليكي معايا شويه
ليلي بعياط: حاضر
فضلت تكلمه لحد م نامت...
......................... بعد 5 ايام
ماجد: انتي فين طيب
ليلي: جايه اهو خلاص داخله ع المحل
قفلت مع ماجد وشافت محمود واقف مع اصحابه كان واحشها جدا بس مشيت ع طول عشان متسرحش
خلصت شغل وجت تمشي لقت محمود بيرن عليها قلبها ابتسم قبل وشها
ليلي: الو
محمود: ازيك ي ليلي
ليلي: الحمدلله وانت
محمود: الحمدلله... هو انتي زعلانه مني
ليلي: ليه
محمود: مش عارف حسيت
ليلي: لا طبعا
محمود: طيب ممكن طلب
ليلي: اه
محمود: عاوز اشوفك دلوقتي
ليلي بصت ف الساعه لقتها 12
ليلي: بس الوقت اتاخر وانا مروحه دلوقتي
محمود: مش هأخرك
ليلي: ماشي
خرجت م الشغل وراحت شافته
محمود: انا مش عارف انساكي
ليلي بضحكه خفيفه: بجد
محمود: انتي فرحانه فيا صح
ليلي: لا والله
محمود: لا فرحانه وكل شويه اقول مش هعدي واشوفك وبرضوا بعدي وانتي عايشه حياتك عادي
ليلي: عايشه حياتي ازاي هو عشان بضحك وبحاول اتعامل يبقي عايشه حياتي
محمود: حاسس كدا
ضحكت وسكتت
محمود: والله فرحانه فيا
ضحكت اكتر ورفع ايده كأنه هيضربها ف تلقائي خبت وشها
لقته حضنها هي سامعه صوت قلبها *ريحته*الامان اللي حساه دلوقتي*قلبها اللي فرحان بقربه* فاقت ع صوت همسه ف ودنها *انتي عملتي فيا ايه؟ *
بعدت وبصتله
محمود مالك
محمود: مفيش يلا عشان اوصلك
تليفونها رن
الو
شوق: يلا ي بنتي انا مستنياكي كل دا
ليلي: حاضر جايه
قفلت وبصتله محمود انا جمبك ف اي وقت
محمود: يلا هوصلك
ليلي: لا هنزل هنا
محمود: طيب يلا عشان الوقت
جت تنزل مسك ايدها وفضل باصصلها كتير وعينه دمعت
مسكت ايده جامد انا مش همشي
محمود: يلا الساعه داخله ع 1
تليفونها رن تاني
طيب هروح وهكلمك
هز دماغه ونزلت
شوق: كل دا
ليلي: انا بحبه اوي ي شوق
شوق: هو مين دا.. يخربيتك طيب تعالي اجبلك عصير ونروح بسرعه
روحت وبعتتله مسدج *محمود انا جمبك والله*
محمود: نصيبك مش معايا بس قلبي بيحبك
ليلي: والله.. ماشي ي محمود
محمود: طيب ممكن طلب اخير
ليلي: نعم
محمود: نفطر سوا بكرا
ليلي: لا مش هينفع
محمود: هتضايق منك
ليلي: مش هينفع فعلا
محمود: لو موافقتيش هعرف انك مش عاوزه تكلميني تاني حسسيني لو لمره انك مختاراني
بعد مجادله وافقت
.............................تاني يوم
ماجد انا ماشيه بقا
ماجد: ماشي
خرجت وراحت قابلته
محمود: استغفر الله
ليلي بضحك: اي ياخويا بتتوب هنا
محمود: اه هتوب
ضحكت وسكتت
فطروا مع بعض وقعدت تتكلم معاه شويه
محمود: ليلي ايات صاحبتك مش كويسه
ليلي: ي محمود انا مش عارفه هي عملت ايه
محمود: انا مكنتش هقولك بس عشان تفهمي ومتجادليش هقولك...فاكره اليوم اللي دخلتي فيه عندها ولقيتيها بتوريلي حاجه ع التليفون
ليلي: اها
محمود: كانت بتوريلي صورتها بشعرها
ليلي بضحك: ونبي
محمود بصلها ب استغراب وحس انها مش مصدقاه ف وصفلها الصوره وحاجات فعلا خلتها تصدقه
ليلي بصدمه: طب وهي بتعمل كدا ليه
محمود: عشان هي مش صاحبه اصلا وبعدين كانت بترن عليا كتير وتقولي انا مرتحالك والله وكلام مش لطيف
ليلي سكتت
محمود: كلام مع ايات تاني مش هيبقي فيه ي انا ي هي
ليلي بدون تفكير: انت
محمود: ماشي ولو لقيتك بتكلميها هفهم انك اختارتي صاحبتك
هزت راسها وسكتت
وصلها وروحت وكلمته
محمود: اتبسطي؟
ليلي: اه جدا
محمود: ماشي وزي م قولتلك مفيش كلام مع ايات
ليلي: حاضر
محمود: ولو كلمتيها هعرف
ليلي: خلاص ي محمود مش هكلمها قولتلك اي هتراقبني
محمود: ماشي
..............
انتي مبترديش ليه بقا من امبارح
ليلي: عادي يعني
ايات: والله ودا م ايه ي ست ليلي
ليلي: بصي ي ايات انا مش هينفع اكلمك تاني ولا احتك بيكي عشان سميره اختي ومش عاوزاها تقول لماما حاجه عشان المشاكل
ايات: وانا عملت ايه لاختك
ليلي: مش عارفه بس انتي عارفه سميره مبيعجبهاش اغلب صحابي
شوق ب انقاذ للموقف: وي بنتي كمان قالتلها متكلمنيش انا كمان
ايات: ماشي ي ليلي براحتك
وخرجت.. بصت ليلي لشوق بقله حيله
شوق: روقي خلاص اهي اتحلت
......................................
يلا عشان نروح
شوق: ماشي استني
خرجت م الشغل وهي مروحه كان تفكيرها ف محمود مكلمهاش ليه النهارده
وهي ماشيه شافته واقف مع اصحابه بصتله وعملت مخدتش بالها ومشيت
روحت وفتحت التليفون لقت مسدج منه
* انا اقسم بالله زعلان منك جدا واول مره ازعل كدا *
ليلي جه ف بالها انه زعل عشان مكلمتهوش
ليلي: م انت مكلمتنيش خالص برضوا
محمود: انتي فاكره اني زعلان عشان كدا انتي هبله اوي ي ليلي
ليلي: اومال ايه
محمود: انا خيرتك بين اصحابك وبيني وانتي اختارتيهم
ليلي ب استغراب: اختارت ايه انا عملت اللي قولتلي عليه
محمود: لا واضح فعلا انا غلطت لما فكرت انك ممكن تختاريني وصاحبتك اللي كنتي ماشيه معاها النهاردا مشوفتيش مشيتها وطريقتها كأنكوا رايحين تتشقطوا
ليلي: اقسم بالله اختارتك انت مش مصدق ليه وكل شويه تعمل كدا وصاحبتي دي مالها مفهاش حاجه انا مالي بلبسها
محمود: اعمل ايه انتي اللي بتبوظي كل حاجه انا هبعد خالص ي ليلي فعلا
ليلي: محمود اقسم بالله انا تعبت وفعلا مش عارفه اعمل ايه تاني بس اعمل اللي انت عاوزه بقا
محمود: ماشي
سابت التليفون وفضلت تعيط لحد م حست بخنقه بعتتله
انت كويس طيب
محمود انا فعلا والله عملت اللي قولت عليه
صاحبتي دي انا بقالي كتير عارفاها وكمان جارتي وهي كويسه ي محمود بس لبسها كدا
شاف رسايلها ومردش عليها
عيطت اكتر لحد م نامت
تاني يوم صحيت وفكرت تكلمه تاني بس كانت متردده شويه
شوق: ي بت ف ايه طيب
ليلي: مفيش بس تعبانه والله
شوق: قولتي لمحمود انك بعدتي عن ايات
ليلي هزت راسها وسكتت
شوق: قالك ايه
سرحت وافتكرت مكالمته
محمود: الو
ليلي: محمود انا لاخر مره هقولك اني فعلا والله اختارتك انت ومش مختاره غيرك بس انا كان لازم اشوف موقف من ايات عشان ابعد عنها وشوق برضوا مينفعش عشان مشوفتش منها حاجه هي طريقه لبسها مش لايقه مع جسمها
محمود: ليلي انتي مش بتسمعي غير لنفسك
ليلي بنرفزه: اسمع لنفسي ايه انت الوحيد بوافق ع كلامه البسي جيب حاضر متضحكيش ف الشارع ماشي متتكلميش ف التليفون ف الشارع حاضر ابعدي عن ايات وبعدت عشان فعلا مش كويسه لكن شوق مشوفتش منها حاجه
محمود: هو انت بقول الكلام دا لنفسي
ليلي بضعف: انا اسفه بس مش هينفع ابعد عنها م غير سبب
محمود: انتي اللي اختارتي ي ليلي وقولي لصاحبتك انتي خدتي ليلي من محمود
.............................................................................
شوق: ي بت سرحتي ف ايه
ليلي: معاكي اهو.. عادي قالي ماشي وخلاص
شوق حست انها مش عاوزه تتكلم
شوق: ماشي طب هتعملي ايه
ليلي: مفيش هنقوم يلا عشان منه جايه ونطلع عندي
قابلوا منه وروحوا البيت عند ليلي وفطرو ونزلوا
منه: ياه بقالنا كتير متجمعناش
ليلي: اي خدمه
شوق: م تيجوا نتمشي شويه
ليلي: وبالنسبه للشغل
منه: دي دماغها مسوحاها
ليلي: جدا ي بنتي
شوق: بتتكلموا عليا ي عيال
منه وليلي بصوا لبعض وضحكوا ومشيوا
راحت الشغل ومسكت تليفونها تبعتله مسدج لقت مسدج من..يتبع
الفصل 8
راحت الشغل ومسكت تليفونها تبعتله مسدج لقت مسدج من وليد *كل سنه وانتي احلي بنت ف عيني* استغربت وبعتت لمحمود انها هتشوفه رفض وقالها انها هتضايقه بكلامها بس فهمته انهم مش هيتخانقوا هما هيتفاهموا بس
خلصت شغلها وقابلته
ليلي: ازيك
محمود: الحمدلله
سكوت
محمود: هو انتي جايه عشان تسكتي
ليلي بتوتر: بجمع الكلام
محمود: سبيه يطلع زي م هو يلا انا سامعك
ليلي: احم بص ي محمود انا بحاول افهمك اني فعلا مبقتش اكلم ايات وب
محمود بمقاطعه: بعدتي عنها وخلاص مش هتكلميها تاني ليلى انا فهمتك ان صحبتك دي مش كويسه وابعدي عنها خلصت من ايات طلعتلي واحده تانيه معرفش منين ومشيتها ولبسها وانا شاب وفاهم بصه الشباب ازااي بس ازاي مينفعش تسمعي اللي بقولك عليه انا بتكلم لمصلحتك انتي مش لياا
ليلي: انا بحاول ارضيك ي محمود
محمود بعصبيه: ترضيني!! انتي بترضيني ازاي ب اصحابك اللي ماشيه معاهم ولا طريقتك اللي اتغيرت ولا الجيبه اللي قولتلك البسيها وهي دي اللي انا قايلك عليها؟؟ والتي شيرت ربطاه قومي وبصي لنفسك هو داا اللبس اللي انا عاوزه!!
ليلي عيطت وسكتت
محمود بضعف: انا مفيش واحده غيرك فكرت فيها ف الجواز وكنت واخد الموضوع جد انتي اللي بتضيعي كل حاجه مبقتيش انتي لاا
ليلي بصتله وجت تمسك ايده شد ايده بعيد
ليلي: انا اسفه
محمود: اسفه؟؟ حتي اسفه دي مبتقولهاش لما بتغلطي... يلا هوصلك
وقف عشان ينزلها
ليلي فتحت الباب ورجعت بصتله
ليلي: انا اسفه ع كل حاجه وحاول تنسي زي م انا حاولت
محمود: هحاول
ليلي بدموع: طب ممكن احضنك لأخر مره
محمود بص الناحيه التانيه
حست ب انكسار ونزلت بصت عليه وهو ماشي قعدت ف الارض وحست ان خلاص كل حاجه بتروح منها
شوق: ي بت
بصت لقت شوق واقفه قدامها وسميره جايه عليهم
شوق: برن عليكي ومش بتردي ليه وسميره كانت بتدور عليكي وقاعده كدا ليه
سميره: انتي كنتي فين واي حصلك
ليبي عيطت وفضلت ساكته
سميره بقلق: ليلي ايه حصل
ليلي: سابني خلاص ومش عاوزني تاني
شوق: طب اهدي بس اي حصل
ليلي بصت لنفسها: هو انا وحشه او مش كويسه
سميره: بس اي اللي بتقوليه دا احكي ايه اللي حصل
ليلي: قالي لبسي مش حلو وعيطت اكتر
سميره طب اهدي تلاقيه بس متعصب او حاجه ولما يهدي كلميه
شوق: ايوا ابقي كلميه بعدين
ليلي بعياط: لا محمود مش عاوزني خلاص
سميره: طب اهدي قومي تعالي نروح
ليلي استسلمت لكلامها وروحوا
مامتها: انتوا جيتوا..ايه دا مين بهدل هدومك كدا
سميره: دي وقعت ع السلم ي ماما
مامتها: طب ابقي خلي بالك
ليلي دخلت الاوضه غيرت وقعدت ع السرير باصه قدامها مش حاسه ب اي حاجه كل اللي شيفاه كلامه قدامها
سميره: اهدي بقا وهتتحل وبعدين خليكي واثقه ف نفسك انتي مش وحشه هو ف زيك ي بنتي
ليلي بصتلها بتحاول تصبر نفسها بكلامها
...........................................................................
خلص رمضان وجه العيد وليلي متعرفش اي حاجه عن محمود وبتحاول تتعايش مع نفسها
سميره: انا زهقت اووي م قاعده البيت
ليلي: هما كام يوم عيد وخلاص
سميره: مش طايقااااه
ليلي بضحك: وانا والله بس هنعمل ايه
مامتها: بدل م انتوا قاعدين قوموا اعملوا اي حاجه
سميره: ي ماما اي ونبي هيتعمل
مامتها: اه م انتي خدتي ع النزول انتي وهي
ليلي: نزول اي هو احنا بنلعب
مامتها: صعبتوا عليا
سميره بصوت خافت ل ليلي: م تيجي ننزل
ليلي وهي باصه للتليفون: هنروح فين
سميره: عادي نتمشي
ليلي: ماشي
...................................................
ماجد: اي ي معلم اي الاخبار
ليلي: تمام والله ي ماجد اي الدنيا
ماجد: الحمدلله بخير... بكرا غاده جايه م الفرع التاني هي ورحاب وشوق مش جايه عشان مسافره هتنزلي معاهم تعيدوا معايا
ليلي: مفيش مشكله هصحي وابقي انزل
ماجد: ماشي
...........
تاني يوم نزلت وقعدت معاهم وقبل م تمشي
غاده دخلت بتضحك
ليلي: مالك
غاده: مفيش بس استاذ ماجد كان بيهزر مع صاحبه برا ف ضحكت عليهم
ليلي: اها ماشي خودي الشنطه دي حوطيها قدام المحل
غاده: استني طيب همسح ايدي
ليلي: خلاص خليكي
خرجت ليلي وبتبص قدامها شافت محمود واقف مع صاحب المحل اللي حمبها بصت الناحيه التانيه ع طول عشان ميشوفهاش ودخلت
................بعد العيد
متأخرتش صح
ليلي: لا نص ساعه بس
حبيبه: طب كويس اومال البنات فين
ليلي: غاده مش نازله تاني
حبيبه: ايه دا ليه
ليلي: مش عارفه ورحاب قعدت فتره عشان فرح اختها
حبيبه: ومين ف الفرع التاني
ليلي: هشام وشوق
حبيبه: طب اشطا الحمدلله محدش فينا راح هناك
ليلي: لا انا مبعرفش اتعامل هناك خالص اصلا وكمان استحاله اقعد مع هشام دا ف مكان واحد هي ناقصه رخامه
حبيبه بضحك: ليه دا طيب
ليلي: اه فعلا
صباح الخير
ليلي بصت لقت شاب واقف
ليلي: صباح النور
=مش فاكراني ولا ايه
ليلي سكتت وبصتله
فلاش باك
قاعده هي ورحاب وغاده شاب دخل طويل وعينه بني وشعره ناعم وطويل لونه اسود وعنده غمازه وابيضاني
ليلي: اتفضل
= عاوز البرفن اللي وراكي دي
ليلي: تمم
اديتله البرفن مسكها وشمها
= حلوه اوي بصي كدا
ليلي ب استغراب مسكتها
ليلي: اها لطيفه جدا
= انا اول مره ادخل هنا
ليلي: نورت اساعدك ف حاجه تاني
= لا ميرسي ليكي
راحت ناحيه الكاشير وبتحاسبه دخل شاب تاني
انت لسه هنا يابني
= اه ي عادل تعالي بص المحل حلو جدا
عادل: اول مره اشوفه.. ازيكوا
غاده: الحمدلله
ليلي: اتفضل البرفن
رحاب: دا كارت المحل
عادل: طب اشمعنا انتوا بقا اتفضلوا دا كارت الشركه اللي بشتغل فيها
رحاب خدت منه الكارت وابتسمت وسكتت
عادل: انا عادل ودا اوسم
ليلي: اوسم!
اوسم: اها غريب مش كدا
ليلي: اه عادي ومدت ايدها ب البرفن وحاسبته وخرجوا
غاده: اوسم وهو اوسم فعلا جميل خالص
رحاب: اه ليه كاريزما كدا
ليلي بصتلهم وضحكت
غاده: موقفتنيش ليه انا
ليلي: المره الجايه
باك
فاقت ليلي وابتسمت: اه اتفضل معلش مكنتش واخده باالي
اوسم ضحك: ايه دا ازاي دا انا زبون عندكوا حتي
ليلي: مكانك
اوسم: البرفن موجود
ليلي: اها جابته وادتهوله
اوسم: تسلمي ي!!!
ليلي بضحكه رخامه: نورت
.............................
ولاء: ياسطا واحشني بقا
ليلي بضحك: والله وانتي فينك كدا
ولاء: كنت بجيب تي شيرت ومروحه
ليلي: طب استني خليكي مكانك هجيلك انا اجازه
ولاء: ماشي تعالي
شافت ولاء وقعدت معاها وشويه وشوق كلمتها عشان تقابلها ويروحوا سوا
ليلي: يلا هبقي اكلمك
ولاء: ماشي ي روحي
.........
شوق: اليوم ممل اوي النهارده بس بقولك اي اخت هشام جت وسلمت عليا
ليلي بضحك: ايدا بسرعه كدا طب حلو والله
لاحظت ان عربيه محمود جايه قدامها!! و... معاه واحده!!!!!!
شوق: مش دا محمود
ليلي:متبصيش وامشي
عدي م قدامها
ليلي بدمع وسخريه: مصدق خلاص
شوق: مش يمكن اخته
ليلي: اخته!! اخته اه امشي عشان مش طايقه نفسي
شوق:طب اهدي ي حبيبتي
روحت البيت وفضلت تعيط وتفتكر كل حاجه عملتها وبتحصل واخرتها تشوفه مع واحده *بس هي مالها م طبيعي هيحب غيرها* حسا ب الم ف قلبها حطت راسها ع المخده وفضلت تعيط لحد م نامت
بعد اسبوع
شوق: مش عارفه ي بنتي بس كل م تشوفني تفضل تقولي انا عرفت عن محمود بلاوي
ليلي:اي بيكلم بنات وضحكت
شوق بضحك: متخلفه اوي يعني بس استني اكملك دي بتقولي ان محمود قالها انك كلمتيه وبتقوليله ايات بتتكلم عليك
ليلي بضيق: اي الهبل دا بقا
شوق: معرفش بس عادي كبري
ليلي: طب هقفل معاكي بقا عشان مروحه
شوق: ماشي وانا كمان هقوم اقفل الحساب مع هشام حبيبي
ليلي بضحك: طيب ياختي باي
ليلي خدت شنطتها وهي مروحه رنت ع محمود
الو
ليلي: اي ي محمود بص انا مش فاهمه اي اللي بتعمله دا وانك تقول لايات اني كلمتك والشغل دا انا مش عاوزه حوارات
محمود: انا قولت لايات كدا
ليلي: اهه
محمود: وانتي مصدقه
ليلي: لو مش مصدقه مكنتش كلمتك
محمود: طب ولما انتي مصدقه بتسأليني ليه
ليلي: انا متصله عشان افهمك اني مش هبله
محمود: لا هبله وهي بترازيكي عشان تضايقك وانتي عشان هبله بتصدقي وجايه بتتخانقي معايا بقالي كام شهر مبكلمكيش وغيبتي وفجأه ومكلماني عشان تتخانقي معايا
ليلي: والمفروض اعمل اي هو انا بغيب بمزاجي
محمود: ليلي انتي بتسمعي لاي حد وايات دي متعرفيش هي اللي كلمتني وقالتلي اي عنك كمان بس مش هتكلم عشان مينفعش
ليلي: براحتك متتكلمش
محمود: ماشي ي ليلي
ليلي: سلام ي محمود
قفلت معاه وحست انها مش مرتاحه وف حاجه مضيقاها وصلت البيت وغيرت ومسكت تليفونها فتحت الشات بتاعه وفكرت شويه وبعدين بعتتله
*مكنش قصدي اتعصب ولا اضايقك بس هي فعلا استفزتني جامد واسفه* استنت لحد م فتح وبعتلها
*معملتش حاجه ومتكلمتش عليكي وعصبيتك طلعت عليا شكرا*
ليلي: هي اتعدت حدودها جامد والمره دي فعلا جبت اخري منها واسفه مره تانيه بعتت المسدج وشويه ونامت
صحيت لقته شافها ومردش بعتتله
انت مبتردش ع اسفي ليه واستيكر هزار
محمود: متضايق منك اوي بجد
ليلي: م انا اتأسفتلك
محمود: ماشي ي ستي بس بجد متضايق
ليلي: م عشان كدا كلمتك تاني
محمود: انا حلمت بيكي امبارح وشوفتك ولما رنيتي افتكرت هتسلمي عليا
ليلي: م انا كنت متضايقه
محمود: ليلي انتي لو واحده تانيه انا كنت شتمتك وقفلت ف وشك
ليلي: اسفه
محمود: ماشي ي ليلي
ليلي: عاوز حاجه
محمود: رايحه فين
ليلي: مش رايحه قاعده ع قلبك
محمود: طب ولو مكنتش سألتك كنتي هتعملي ايه
ليلي: عادي كنت هكلمك بردو
محمود: رخامه يعني
ليلي: اه اي الدنيا معاك
محمود: تعبان والله ي ليلي
ليلي: طب خد علاج وكل كويس
محمود: انا هنام شويه اصلا
ليلي: ماشي نام واصحي طمني عنك
محمود: حاضر
وهي مروحه بعتتله
محمود: انتي فين
ليلي: مروحه
محمود: طب روحي وغيري وكلميني
ليلي: حاضر
روحت وغيرت هدومها وقعدت مع سميره ومسكت تليفونها وبعتتله
ليلي: محمود
محمود: قلب محمود
ايدا هو بياخد قلبي ليه! اجمدي
ليلي بعتتله قلب وقالتله
ليلي: كلت
محمود: مش جعان
ليلي: لازم تاكل
محمود: م مفيش حد يعملي اكل
ليلي: امم بكرا لما تتجوزني هعملك اكل
محمود ضحك
ليلي: مش هتنام
محمود: انام ع القهوه
ليلي: ايدا انت نزلت ليه
محمود: زهقان ف قعدت مع اصحابي شويه
ليلي: بس انت تعبان
محمود: لا عادي
ليلي ل سميره: بقولك ايه
سميره: اي
ليلي: انا عاوزه اعمل اكل
سميره: لمين
ليلي: لمحمود
سميره: ماشي
ليلي: طب بصي بكرا الجمعه تمام يعني هروح الشغل متأخر شويه ف اي رأيك هنزل الصبح بدري واجيب الحاجه واعملهم واشوفه واديهومله
سميره: ماشي بس هتعمليله ايه
ليلي: م هفكر عشان هو تعبان ف مش هياكل اي اكل
بعتت لمحمود: م تعمل شوربه خضار وتاكلها
محمود: لا مش بحبها
ليلي: ليه طب ممكن فراخ مسلوقه
محمود: يعني انا باكلها بالعافيه وهي فرن هاكلها مسلوقه دا اكل عيانين
ليلي: م انت تعبان.. طب ممكن بانيه
محمود: ليلي ف ايه
ليلي: عادي يابني بس عاوزاك تاكل
محمود: لا مش جعان
ليلي: طب اشرب ينسون
محمود: مش بحبه انتي عارفه مبشربش حاجات سخنه
ليلي: معلش اشربه
محمود بضيق: ليلي خلاص بقا متقفلنيش
ليلي:ماشي خلاص
وسكتت
شويه ولقته باعتلها صوره كوبايه ينسون هو عملها
ليلي: دا ينسون
محمود: اه ياختي
ليلي: شاطر اشربه هتخف
محمود: معرفش بتحسي ب ايه لما بتشربيه
ليلي: بحس ب هدوء اعصاب
محمود: انا حاليا بعد م شربته حاسس اني عاوز ادخل الحمام
ليلي ضحكت
سميره: ها هتعملي ايه
ليلي: رز بالفراخ وبانيه
سميره: ماشي حلو بس انتي معاكي فلوس
ليلي: اه معايا كنت هكمل بيهم لاخر الشهر بس مش مشكله
سميره: هتصرفيهم كلهم؟ خلاص انا معايا لما تبقي تحتاجي قوليلي
ليلي: حاضر
سميره: هتديهومله ازاي
ليلي: يوهه دا انا نسيت وكمان معرفش بيته وسكتت شويه.. لا ثواني كدا عرفت
فتحت التليفون وطلعت صوره محمود اللي حاطتها واتس ومتصور عند بيته ومكتوب رقم بيته
سميره بضحك: ماشي قفشناه بكرا نصحي ونظبط
ليلي بفرحه: ماشي
صحيت تاني يوم ونزلت اشترت الحاجات وسميره ساعدتها وخلصتهم ونزلوا سوا..يتبع
الفصل ال 9💜
صحيت تاني يوم ونزلت اشترت الحاجات وسميره ساعدتها وخلصتهم ونزلوا سوا
سميره: هنركب ونحاول نوصل
ليلي: ماشي
وصلت ف المكان وفضلت تدور ع البيت لحد م
سميره: اهي عربيته هناك
ليلي: ماشي تعالي يلا
سميره: لا انا هستناكي بعيد شويه وكلميه دلوقتي شوفيه فين وخليه ينزلك
ليلي بعتتله
فينك
محمود: كنت بجيب حاجات ولسا طالع البيت
ليلي: طب ممكن تنزلي ثواني
محمود: ايه دا انتي فين
ليلي: تحت البيت هديك حاجه وامشي
محمود: وانتي مقولتليش ليه
ليلي: طب انزل الاول
محمود: مش هنزل انتي بتحطيني قدام امر واقع وعارفه اني مش هاخد حاجه
ليلي: طب انزل الاول
محمود: روحي ي ليلي
بصت لسميره بحزن
سميره: ايه
ليلي: مش هينزل
سميره: نعم ازاي
ليلي رنت عليه كذا مره مردش عليها لحد م رد
ليلي: انزل ي محمود مينفعش
محمود: مين معاكي
ليلي: صاحبتي
محمود: مين صاحبتك
ليلي: هتفرق يعني
محمود: اه عشان انتي بتتسوحي وخلاص وقولتلك انا مبحبش كدا
ليلي: يعني مش هتنزل
محمود: لا
ليلي: ماشي سلام وقفلت
سميره: رني تاني مينفعش انك تعملي كل دا ع الفاضي
ليلي بدموع: حاضر رنت عليه وفضل يكنسل عليها بعتتله مسدج هتفضا سايبني واقفه كدا كتير.. هزعل منك جامد
وكل دا وهو مش بيرد عليها
بصت لسميره واديتها الاكل مشيت وهي بتعيط
سميره:خودي ي ليلي طب استني ي بنتي
ليلي بصتلها
سميره: بذمتك حد يزعل الخدود دي
ليلي بعياطط: انا مخنوقه اوي بجد دا مقدرش اي حاجه
سميره: هو الخسران خلاص
ليلي: يلا عشان نمشي م هنا
مشيت ليلي هي وسميره وهنا ماشيين
سميره: خلاص بقا فكي
ليلي: حاضر
سميره: والله ي بنتي دا.. ايه دا محموود
ليلي بصت لقت عربيه سودا قدامها وهو فيها
سميره: اي دا انت جيت ازاي
محمود: اركبوا
ليلي مشيت وسميره ندت عليها
ليلي بصتلها لقيتها حاطه وشها فوق العربيه عشان محمود ميشوفش هي بتقول ايه
سميره بهمس: تعالي اركبي وانا همشي
ليلي وطت عشان ميشوفهاش ف المرايه
ليلي: لا مش عاوزه
سميره: معلش يلا تعالي
ليلي راحت عندها سميره اديتها الاكل
سميره: يلا انا هروح الشغل وانتي خلصي وعدي عليا
ليلي هزت راسها وركبت معاه
محمود بتعب: هي اللي ممشياكي صح
ليلي ب استغراب: مين.. سميره؟
محمود: اه انتي كدا دايما بتتسوحي
ليلي: اي الي بتقوله دا
محمود: هي ليلي هيجيلها الجرأه انها تجيلي لحد بيتي مثلا
ومسك ايدها جامد: انتي ايه دايما بتحطيني قدام امر واقع ليه مش بتفكري بقا
ليلي ب الم: سيب ايدي
محمود ساب ايدها وبص قدامه لاحظت ان التعب باين عليه
ليلي بلطف: انا والله عملت كدا عشان عارفه انك تعبان مش اكتر
محمود: وانا مش عاوز حاجه ومطلبتش منك
ليلي ب الم: يعني ايه
محمود: يعني مش هاخد حاجه
بصت قدامها لقت انها ف الشارع اللي كانت بتشوفه فيه دايما
ليلي: ماشي ي محمود انا هنزل
محمود: خودي الحاجه دي معاكي
بصتله حست انها فعلا مش طايقه الشخص دا
فتحت الباب ونزلت وبصتله
ليلي: انا غلطانه اني عرفتك
محمود بعصبيه: غلطاانه!
قفلت الباب ومردتش عليه بصلها وراح مشي
بصت عليه وهو ماشي وهمست لاول مره *بكرهك*
حست بدموعها بتنزل بصت للاكل اللي ف ايدها مشيت وهي بتعيط ومش حاسه ب اي حاحه ولا ب الناس اللي واقفين يبصولها ب استغراب
راحت عند سميره
ليلي بعياط: انا مش عاوزه اعرفه تاني وسابت الاكل ومشيت سميره: ندت عليها بس هي مردتش عليها وراحت شغلها لقت ماجد قدامها
ماجد بقلق: ايه دا ف اي ي ليلي مال
ليلي بمقاطعه: ماجد بالله عليك انا كويسه ومفيش اي حاجه ومش عاوزه اتكلم مع حد دلوقتي
ماجد: طيب هسيبك تهدي ادخلي
دخلت وسندت راسها ع المكتب وفضلت تعيط
لحد م دخلت لوكا عليها
لوكا: اي حصل سميره كلمتني وجتلك عشان هي مش عارفه تطلع
ليلي بدموع: انا تعبانه اوي
لوكا: اهدي والله م يستاهل دا معندهوش دم
ليلي: انتي مش متخيله انا حاسه ب ايه دلوقتي
لوكا: حاسه والله بس انتي خلاص عملتي اللي عليكي
ليلي: انا الغلطانه مش هو لاني كنت بوهم نفسي كتير
لوكا: طب تعالي امشي م الشغل ونتمشي شويه وتفكي ع نفسك
بعد شويه لقت محمود بيرن عليها بصت للتليفون ومردتش
رن تاني مرضيتش ترد لحد م بعتلها مسدج * ليلي انتي عارفاني وعارفه اني مستحيل اعمل كدا م غير سبب انا مش مجنون ي ليلي عشان اعمل كدا وبعدين م انا اخدت منك اكل قبل كدا* * ليلي مفيش واحد طبيعي هيعمل مع واحده عملاله اكل كدا انا اتجننت اه بس مش للدرجه* * اقسم بالله ف سبب وربنا قادر يبينهولك* *انا هرن مرتين كمان لو مردتيش هعرف انك مش متضايقه وعاوزه تهدي لا هعرف انك مش عاوزاني اتكلم معاكي تاني* كل دا هي بتقرأ من غير م ترد لقته بيرن بصت للتليفون ب استهزاء رن مرتين وبعتلها *ماشي ي ليلي انا اسف.. سلام* *انا صعبان عليا انك تبعدي وانتي فاهمه غلط*
بصت للمسدج دي وعنيها دمعت.. فاهمه غلط.. انا دلوقتي لاول مره افهم صح
......................
تاني يوم وهي مروحه م شغلها
سميره: م تيجي نجيب كنافه
ليلي: ماشي تعالي
خلصوا وروحوا وقاعده مع سميره بيتفرجوا ع فيلم لقت مسدج منه *انا مش طنشت وكبرت دماغي انا سايبك تهدي واكلمك* *ردي ي ليلي* مردتش وحست انها مش قادره تتعامل او تنسي اللي عمله سكتت شويه وبصت لسميره
سميره: اي
ليلي: محمود بيكلمني بس حاسه اني مش عاوزه اتكلم
سميره: خلاص استني لما تهدي
لقته بعت تاني *انا استحملتك لما اتعصبتي عليا وانا فعلا مضغوط وتعبان* *انا حاسس اني تقيل اوي عليكي* *اقولك ع حاجه انا هسيبك تعيشي حياتك وهبعد عنك خالص* *سلام ي ليلي* اتنهدت وبصت جمبها لقت سميره نامت
بعد اسبوعين
لوكا: ليلي بصراحه انتي لازم تشيلي محمود دا م دماغي: بصي انا فعلا لازم اشيله م دماغي بس انا بحبه وبعدين تلاقيه ارتبط
لوكا: ايوا محمود ارتبط
ليلي ب اهتمام: ونتي عرفتي منين
لوكا: ارتبط ب ايات حد شافهم مع بعض ف العربيه سوم الجمعه اللي فاتت
ليلي ب انكسار: اكيد دا كدب
لوكا: وحياتك لا
ليلي: مش مهم براحته
لوكا: ولو عاوزه تتأكده كلميه واسأليه او ابعتيله مسدج
ليلي: لا كبري دماغك انا هقفل بقا عشان هنام
لوكا: متعيطيش عشان خاطري
ليلي شافت المسدج وقفلت وفضلت تعيط ع حظها اللي دايما
ضدها مسكت التليفون تاني وبعتتله *كان ممكن تقولي م الاول انها عجباك بس فعلا انتوا شبهه بعض*
وعملتله بلوك وفكرت شويه هي صح ولا لا
.........
تاني يوم
ي بنتي خلصي بقا انا تعبت م الشغل
امل جديده ف الشغل مع ليلي: حاضر خلاص اهو.. ليلي تليفونك بيرن
راحت تشوف تليفونها لقت محمود خافت وقلبها دق جامد واتوترت فضل يرن كتير راحت عملت تليفونها وضع طيران ودخلت كملت شغل وهي سرحانه
شويه وحست ب باب المحل بيتفح قلبها اتقبض لفت براحه لقته هو نزلت شويه تحت الباترينه
ليلي ف سرها: ي رب اقلب ازازه برفان
بصت لامل لقيتها بتكمل شغلها
ليلي: قومي شوفي الناس
امل قامت وبصت وقعدت تاني
قامت وقفت وبصتله بثبات ع قد م تقدر
محمود: تليفونك فين
ليلي: ليه
محمود: اخرج م هنا الاقيه اتفتح
ليلي: مش هيتفتح
محمود: انا قولت ولف وخرج
امل: مين كائن الحيطه دا وبيكلمك كدا ليه
ليلي بتوتر: ابعدي دا قالي افتح التليفون
جريت فتحته لقت لوكا داخله عليها
لوكا: محمود كلم سميره وقالها خلي اختك ملهاش دعره بيا عشان مزعلهاش
ليلي بصدمه: قالها كدا
لوكا: اهه
تليفونها رن لقته هو
ليلي: انت قولت لسميره خلي اختك ملهاش دعوه بيا
محمود بهدوء: انتي سمعتيني
ليلي: لا
محمود: يبقي خلاص متتكلميش واي اللي انتي بعتاه دا
ليلي: اه مش حصل
محمود: ورحمه ام
ليلي بمقاطعه: بلاش تحلف برحمه مامتك كدب
محمود: انتي مجنونه ولا ايه مين انتي عشان تقوليلي محلفش ب امي اقسم بالله لو لسانك دا جاب سيرتي انتي او صحابك هقطعهولك انتي اقسم بالله زباله وندمان اني عرفتك واحده مريضه والله
لوكا بهمس جمبها: لو غلط فيكي اغلطي فيه
ليلي بدموع بسيطه: انا اللي كان يوم اسود يوم م عرفتك ي محمود بجدد والله يسامحك وقفلت
لوكا: انتي غبيه بيغلط فيكي وسكتي
ليلي: مغلطش
لوكا: انا سامعه صوته متكدبيش
ليلي بعياط: عاوزاني اعمل اي يعني هااا بيقولي اني زباله هو ليه شايفني كدا
لوكا: فكك منه بقا عشان دا مريض بجد
ليلي: كفايه بجدد انا اللي مريضه زي م بيقول
لوكا: نعم انتي هبله
ليلي: بلاش كلام تاني مش وقته
لوكا: طب اهدي
تاني يوم فكرت تكلمه عشان ع لاقل يوم م تفتكره متفتكروش بحاجه وحشه او ف الحقيقه هي مش قابله تشوفه وحش
ليلي: الو
محمود: لو متصله تاخدي حقك ف اعتبري نفسك خدتيه ولو متصله تتأسفي ف انا مش قابل منك اي حاجه
ليلي: انا مش متصله لدا ولا دا انا متصاله عشان اقولك نصفي لبعض عشان منفتكرش بعض بحاجه وحشه
محمود: ليلي انتي دايما تسمعي لصحابك كلمتين وتصدقيهم وبعدين ايات مين اللي هرتبط بيها انتي مجنونه ولا ايه
ليلي: انا مليش دعوه ترتبط ولا لا بس مش ب صاحبتي
محمود: بقولك ايه انا مش عاوزه اتكلم معلش
ليلي: تصدق اني غلطانه ي محمود
محمود: غلطانه اه
ليلي: تمم سلا
قفلت وندمت انها فعلا كلمته تاني
بعد شهرين بدأت تلهي نفسها ف الشغل وتبعد تفكيرها عنه وكمان خدت بالها ان محمود عملها بلوك
ليلي: امهم الاجازه مغيراكي
رحاب بضحك: بصوا مقهوره مني ازاي
ليلي: الصراحه اه
رحاب: الاندومي واحشني اوي والله
ليلي: متقنعنيش انك مكلتيش م ساعه م قعدتي
رحاب: لا طبعا كلت بس مبعرفش اسرق م حد وهو بياكل زي م كنت بسرقه منك
ليلي بضحك: الله ياخدك
دخل ماجد
ماجد: ازيكوا ي بنات.. ليلى تعالي عاوزك
ليلي: ف ايه
ماجد: انا مش عاوزك تكلمي شوق تاني ولا تتصلي بيها حتي لاي سبب
ليلي ب استغراب: مالك ي ماجد ف ايه
ماجد: زي م قولتلك
ليلي: طب افهم معلش
ماجد: هي عاوزه كداا
ليلي ب صدمه: نعم
ماجد: بصي ي ليلي انتي عارفه انتي عندي ايه ويعلم ربنا ان مفيش حد ف معزتك عندي انتي اختي وصاحبتي.. انتي عارفه ان شوق مرتبطه ب هشام
ليلي: اه عارفه
ماجد: هو مش عاوزها تتكلم معاكي تاني وهي سكتت وموافقاه عادي
ليلي ب دمع بسيط: وانا عملتلهم ايه
ماجد: م عشان معملتيش بس كل واحد بيقع ف اللي شبهه كلهم زي بعض ي بنتي والله وانتي الكسبانه ف الاخر
ليلي سكتت ومردتش
ماجد: كبر دماغك ي معلم دا انت مخليهم كلهم هيموتوا منك
ليلي: عادي ي ماجد
ودخلت وسابته
رحاب: مالك
ليلي: شوق مش عاوزه تكلمني تاني
رحاب: ف داهيه هي اصلا بت مش جدعه
ليلي افتكرت لما محمود قالها ابعدي عنها وهي رفضت ومباعتهاش وهي دلوقتي لما اتحطت ف نفس الموقف باعتها
ليلي: انا بحاول افتكر موقف واحد عملته وحش معاها مش فاكره
رحاب: والله ي بت ي ليلي هي اللي هتاخد ع دماغها ف الاخر
.................
ليلي: بس ي بنتي بفكر ابعد عن الشغل هنا خالص
لوكا: لا كبري دماغك
ليلي: ربنا يسهلها م عنده هقفل معاكي دلوقتي
لوكا: ماشي بقولك صح انا عاوزه انزل شغل تاني معاكوا قولي لماجد كدا
ليلي: حاضر هقوله
قفلت معاها لقت ايات داخله عليها
ايات: ازيك ي ليلي
ليلي: كويسه
ايات بصتلها وحضنتها: حقك عليا انا اسفه
ليلي فضلت ثابته مكانها
ايات بحزن: انا عاوزااكي متزعليش مني ع اي حاجه عملتها ف حقك بس والله ي بنتي انتي متعرفيش انا عرفت اني بحبك ازاي
ليلي: حصل خير ي ايات
ايات: مسمحاني
ليلي ب ابتسامه خفيفه: مفيش حاجه خلاص
ايات: ماشي انا هروح ع شغلي عاوزه حاجه
ليلي: شكرا
خرجت وليلي بصت عليها وهي خارجه..هي فعلا مسمحاها!؟
..................... يتبع
الفصل 10
ليلي: هو كله بيخلع وانا اللي بفضل ليه
رحاب بضحك: يابنتي انتي اتكتبتي ع المكان اساسا انتي فاكره ماجد هيسيبك تخلعي بسهوله
ليلي ضحكت جامد: عندك حق بس بجد زعلت
رحاب: وانا والله بس ي بنتي لولا اني هقعد ف العبور ع طول مكنتش همشي
ليلي: بس هشوفك اكيد
رحاب: طبعا كل اسبوع هتلاقيني نطالك هنا
ليلي: حبيبي ياسطا
....................
ماجد: طب انتي شايفه ايه
ليلي: م انت عارف لوكا
ماجد: خلاص تنزل عشان كمان رحاب اخر يوم النهاردا
ليلي بفرحه: ماشي هكلمها واقولها
....................
هو انا موعوده كل م انزل يبقي فيه بضاعه واتدبس
ليلي: وشك حلو
لوكا بضحك: والله انا اللي مصبرني اني هكون معاكي
ليلي: ع اساس اول مره تنزلي هنا
لوكا: طب انا غلطانه
ليلي بضحك: حبيبي والله
..............
نسيت انساك حواليا كل الناس وبالي معاك..نسيت انساك وكأني لسه عايشه عشان فكراك
شيلي الهاند دا مش قاعده لوحدك
ليلي: ايه
لوكا: ايه انتي قاعده سرحانه وبتسمعي اغاني لوحدك وعينك هتدمع اهي
ليلي بضيق: محمود واحشني
لوكا: طب وبعدين م طبيعي يوحشك عشان انتي بتحبيه
ليلي بدمع: مينفعش يوحشني
لوكا: طب خلاص متعيطيش
ليلي: ماشي يلا نمشي بقا ولا ايه
.................
ناقص شهر ع عيد ميلادك ي مسكر
ليلي بصت للمسدج ومهتمتش
ي بت
ليلي: معاكي.. حبيبتي تسلمي
ايات: عامله ايه
ليلي: بخير
ايات: دايما
سابت التليفون وبصت للسقف وغمضت عنيها وظهر قدامها كل الاحداث اللي حصلت وبتحصل معاها
ليلي بضعف: ي ربي انا تعبت منهم كلهم مش عارفه هما اللي صح ولا انا
...................
لوكا: بقولك ايه م تيجي نروح بحر فاكره لما كنا بنروح الكورنيش
ليلي: اها مفيش مشكله نبقي نروح
لوكا: ماشي وابقي فكري ف الموضوع متنسيش
ليلي: حاضر عنيا.. باي
قفلت معاها
مسكت تليفونها وبصت لشات محمود لقته شايل البلوك قفلته ورجعت فتحته تاني وبعدين سابت التليفون شويه ومسكته وفتحت الاستيت وظاهر انه شايفها استسلمت لقلبها كالعاده وبعتتله
م احنا حلوين اهو وبنفك البلوك
محمود: عادي متضايقه اني فكيته
ليلي: لا مستغربه
محمود: اشمعنا
ليلي: عادي انك فكيته يعني اي السبب
محمود: م انتي عملتيه قبل كدا وفكتيه.. فكتيه ليه
ليلي: مش فاكره
محمود: وانا كمان.. انتي بتكلميني ماسنجر ليه انا مش بحبه
ليلي ب احراج: عشان عامله بلوك واتس
محمود: ماشي
ليلي: فكيته خلاص
محمود: ابعتي الرقم
ليلي برخامه: هتلاقيه ف البلوكات م انت عاملي برضوا
محمود: ماشي
شويه وبعتلها ع الواتس
قافلين ليه
ليلي: عشان ماجد عنده مشكله بس
محمود: اممم المكان منور
ليلي بضحك: قصدك مضلم
كلمته شويه وقفلوا وهي حاسه انها مش بتعمل الصح ليها بس بتعمل الصح لقلبها
...............
ليلي بتكلم محمود شات بس وكلامهم بسيط جدا حست انها بتيجي ع نفسها بس الكلمه اللي بتصبر نفسها بيها *يمكن اكرهه م تصرفاته*
............
اي ي زباله
ليلي: هدييل! عامله اي ي حبيبي
هديل: الحمدلله مش بتسألي
ليلي: معلش والله بس فعلا الشغل واخد وقتي
هديل: اي اخبارك
ليلي: الحمدلله اي فينك كدا و.. ادا هو راح فين
هديل: هو اي
ليلي بقلق: الانسيال كان ف ايدي وببص دلوقتي مش لقياه
هديل: طب اهدي ودوري ف المحل كويس
ليلي بعياط: مش عارفه دا اللي محمود كان جايبه
هديل: محمود مين!! طب خلاص هنلاقيه استني
تليفونها رن بصت لقت محمود قلبها دق جامد
ليلي بتوتر: الو
محمود: الو عامله ايه
ليلي: الحمدلله وانت
محمود: الحمدلله مالك انتي بتعيطي
ليلي: لا عادي
محمود: اخلصي ف اي
ليلي: ف واحده صاحبتي كانت جيبالي انسيال وضاع ف متضايقه بس
محمود: وانتي بتعيطي عشان كدا
ليلي بضيق: اهه عشان مينفعش انا بجد مهمله
محمود: خلاص نجبلك غيره
ليلي بفرحه خفيفه: لا بس دا هديه مينفعش
فصلوا يتكلموا وضحكها ونساها موضوع الانسيال قفلت معاه وبصت لهديل وسكتت
هديل: خودي
ليلي: ايه دا لقيتيه فين
هديل بضحك: وانتي بتحضنيني شبك ف الطرحه
ليلي بضحك: طب كويس اننا لحقناه
...........
قبل عيد ميلادها بيوم
سميره: هتيجي معايا يعني
ليلي: اه ماشي بس هتروحي دلوقتي تجيبي ايه
سميره: هشتري حاجه ونهي جايه معانا
ليلي: حلو ماشي هخرج واكلمك
...................
نهي: يلا نركب من هنا
سميره: ماشي يلا
بعد م ركبوا
ليلي: بتعملي ايه
نهي: بحط الهاند هسمع اغاني عشان الأغاني اللي شغاله مش عحباني
سميره: طب احنا اخواتك يعني شاركينا
نهي: لا
ليلي: كنا عارفين انه لا
وصلوا ونزلوا ودخلوا محل شنط
ليلي: هتجيبي شنطه
نهي: لا اختاري شنطه
ليلي: ادا بجد
نهي: يلا قبل م ارجع ف كلامي
سميره: اه وانتي عارفه نهي م بتصدق
ليلي بضحك: حاضر.. اختارت معاهم شنطه وخرجوا
ليلي: مش قادره اوصفلكوا انا مبسوطه ازاي
سميره ونهي: كل سنه وانتي طيبه
ليلي: يخليكوا ليا
سميره: م تيجوا نجيب ايس كريم
نهي: لا تعالي نروح ونجيب واحنا مروحين وخلاص عشان الوقت اتأخر
سميره: ماشي يلا بينا
وهما مروحين فتحت تليفونها لقت مسدج منه *كل سنه وانتي طيبه* قلبها فرح وحس ان المسدج مميزه بعيد ع اي حاجه
ردت عليه وانت طيب
روحت غيرت وقعدت مع اخواتها ومامتها شويه
مامتها: انا بقي هديكي فلوس تجيبي لنفسك حاجه
ليلي: ي جماعه بتحرجوني والله...شوفتوا صح ماجد جابلي ايه وطلعت سلسله فضه م شنطتها
سميره: حلوه اوي
نهي: اه جميله بس قصيره شويه
ليلي: اه بس حبيتها
................تاني يوم
لوكا: انا خارجه هشتري حاجه وجايه
ليلي: ماشي
شويه ودخلت لوكا وايات ومعاهم بلالين كتيير
لوكا: كل سنه وانتي طيبه ي روحي
ليلي بفرحه: اي الحلاوه دي
لوكا: خودي ي روحي كل سنه وانتي طيبه
مسكت ليلي البوكس منها وحضنتها
ايات: كل سنه انتي طيبه ي بيبي
ليلي بصتلها وشكرتها وفتحت هديتها لقيتها سلسله وخلخال
ليلي: تسلمي ي ايات تعبتني نفسك
ايات: عجبوكي
ليلي: اه جداا والله
.........
مش قادره اوصفلك البلالين غيرتلي مزاجي ازاي
لوكا: عارفه انك بتحبيهم
ليلي: اه جدا يلا باي ي حب
لوكا: باي
....................
هديل: ازيك ي هانم
ليلي: احسن منك
هديل: والله انا مهزأه اني بعبرك وجايبالك هديه عيد ميلادك
ليلي: بجدد ي روحي وريني
فتحتها لقيتها بيجامه
ليلي بفرحه: اي الهديه قليله الادب الحلوه دي وحضنتها
هديل: كل سنه وانتي طيبه ي روحي
ليلي: وانتي طيبه ي حبيبي
استني سميره بترن
الو انتي فين
ليلي: ف الشغل
سميره: طب اطلعي يلا
طلعت لقتها جايبالها دبدوب وخاتم فضه
ليلي بصدمه: ادا دا ليا
سميره: ايوا ي كوكو
ليلي بصتلها بفرحه وروحوا البيت بتفتح تليفونها لقت مسدج م شوق
*مش هاين عليا انام من غير م اقولك كل سنه وانتي طيبه وكل سنه وانتي صديقتي الصدوقه وصديقه السندوتشات والبيبسي*
بصت للمسدج واكتفت ب * وانتي طيبه *
..............
بكرا عيد ميلاد محمود
لوكا: طب مش هتكلميه
ليلي: هكلمه اكيد بس هو انا كدا صح
لوكا: امشي ورا اللي هيبسطك
ليلي: ماشي
بعتتله مسدج كل سنه وانت طيب ي محمود
محمود: وانتي طيبه
...............
لوكا: انا زهقت من تصرفات ماجد دي وبفكر امشي
ليلي: كبري دماغك وماجد طيب والله وبيعزك جدا
لوكا: اه م انا عارفه وباين.. ي بنتي انتي مش شايفه بيكلمني ازاي
ليلي: والله لسا امبارح بيقولي لوكا جدعه وكويسه
لوكا: امتا دا
ليلي: عادي كان بيكلمني بعد م روحت بيراجع معايا حاجات ف قالي
لوكا: امممم معرفش انتي بتعرفي تتعاملي معاه كدا ازاي
ليلي بضحك: ي بنتي حفظته وعرفته خلاص وبعدين جدع وطيب وانا بحبه جدا والله
لوكا: لا ربنا يخليكوا لبعض ياختي
ماجد: ازيكوا ي بنات
ليلي ولوكا: الحمدلله
لوكا راحت ناحيه ماجد ووقفت تتكلم معاه: دا ليلي حتي والله كانت بتقولي انك قولت عليا جدعه لما كلمتها بليل
ليلي سمعت كلمتها وغمضت عنيها جامد وبصت لماجد لقيته باصصلها ومبتسم وساكت
ليلي: لوكا بعد اذنك تعالي ثواني
لوكا: ايه
ليلي: هو انتي قولتي لماجد اني قولتلك انه كلمني
لوكا: اه واي يعني
ليلي اتعصبت جامد وحست انها لو كلمتها هتقول كلام مش حاسه بيه
ليلي بهدوء: ماشي وسابتها وبعدت
شويه
لوكا: بقولك ي ماجد هو انت تتضايق لو ليلي حكتلي حاجه انت اتكلمت معاها فيها
ليلي بصتلها بصدمه لتصرفاتها وسكتت
ماجد: لا عادي ي بنتي وبص ل ليلي وسكتت
لوكا دخلت وليلي خرجت ناحيه الباب
ماجد: ليلي رايحه فين
ليلي م غير م تبصله: هغسل وشي
ماجد: تعالي اقفي عاوزك
ليلي: نعم
ماجد: متتحرجيش انا عارف ليلي وتفكيرها وهي الحركه دي منها مش حلوه وانا عارف نيتك كانت ايه وانتي بتحكي
ليلي: ي ماجد عادي انا استغربت بس
ماجد: لا هو ب
لوكا بمقاطعه: ماجد انا مروحه
ماجد بص لساعته: دا ناقص ربع ساعه وتروحوا سوا هتمشي بدري ليه
لوكا: عادي بنت عمتي ف البيت
ماجد: طب روحوا سوا
لوكا: لا هروح انا بسرعه
ماجد: براحتك
مشيت لوكا وليلي بصت لماجد
ماجد: كبري دماغك
ليلي بخنقه: هكبر دماغي فعلا
تاني يوم ليلي نزلت وراحت شغلها وماجد رن عليها
اي ي ماجد
ماجد: ليلي كلمي لوكا شوفيها مجاتش ليه
ليلي: لا طلعني منها انا
ماجد: طب استني هكلمها
........
ماجد: مش بترد ي ليلي
ليلي: ممكن نايمه ولما تصحي هتيجي
ماجد: ليلي دا شغل وانتي عارفه مبحبش كدا
ليلي: طب وانا هعمل ايه
ماجد: حاولي توصليلها ب اي طريقه
ليلي: م هي مبتردش عليك هترد عليا انا
ماجد: مش معاكي رقم مامتها كلميها
ليلي: هحاول ي ماجد.. باي
رنت ع مامتها
ليلي: الو
مامت لوكا: الو.. ازيك ي ليلي اخبارك
ليلي: الحمدلله ي طنط والله بخير
مامت لوكا: دايما ي حبيبتي
ليلي: معلش ي طنط فين لوكا
مامت لوكا: هنا اهي نايمه مش هي اجازه
ليلي: طب معلش ي طنط تصحيها عشان هي كانت فعلا اجازه لكن ماجد تقريبا نسي ف كان عاوزها
مامت لوكا: خودي اهي معاكي.. لوكا كلمي ليلي.. هو انتوا متخانقين
ليلي: لا مفيش ي طنط هستأذنك مع السلامه
وقفلت وبصت للتليفون بعد م سمعت لوكا بتقول لمامتها انها مش هتكلم حد حست انها مش عارفه تفكر او تستوعب اللي بيحصل فاقت ع رنت ماجد
ماجد: اي ي باشا عملت ايه
ليلي: كلمت مامتها ولوكا نايمه شكلها تعبانه ولا حاجه
ماجد: طب فكك خالص بقا عشان لقيتها بعتالي مسدج بتقولي انها مش جايه تاني
ليلي بصدمه: بجد
ماجد: اه ع العموم براحتها وانا هلبس ونازلك
........
ماجد: انا رايح اجيب حاجات وحبيبه جيالك م الفرع التاني مرضيتش ابعتلك شوق
ليلي: خلاص تمام
شوبه ودخلت حبيبه
ياهلا ياهلا
ليلي: اهلين بالحلوه
حبيبه: واحشني ياسطا
ليلي بضحك: وانتي كمان
صباح الخير
لفت ليلي لقته *اوسم*
حبيبه: صباح النور
اوسم ل ليلى: ازيك
ليلي: الحمدلله
اوسم: البرفن موجود
ليلي: للأسف لا بس 3 ايام وهجيبهولك م الفرع التاني لو حابب تستني
اوسم وقف قدامها ورفع نضارته: استني اكتر كمان
ليلي ب احراج: اللي يريحك
اوسم: طب ممكن رقمك وتكلميني تقوليلي انه جه
ليلي بضيق: اتفضل كارت المحل
اوسم بعدم رضا: ماشي شكرا
ومشي
حبيبه: انتي تعرفيه
ليلي: هعرفه منين دا كمان
حبيبه: انا قولت برضوا هتعرفي الاشكال النضيفه دي منين
ليلي: ولما اغلط فيكي
حبيبه بضحك: خلاص خلاص
دخل ماجد
ليلي: ماجد هات اصور م عندك حاجه
ماجد: خودي
مسكت التليفون وصورت وجت تبعت لنفسها الصوره ع الواتس لقت شات لوكا واخر حاجه كتباها *انا مش هشتغل معاها* بصت لماجد واديته التليفون
ليلي: افتح الشات دا
ماجد بتوتر: اشمعنا
ليلي: معلش بس افتحه
فتح الشات وكان بيجري الكلام
ليلي: استني وريني
لقيتها بعتاله *دي بتاعه حوارات اصلا* *انا كنت بعمل وهي مش بتعمل اي حاجه* *هي متلزمنيش*
بصت للتليفون وفضلت ساكته
ماجد: ليلى اهدي متعيطيش انا والله مكنت عاوز اقولك عشان متزعليش
ليلي: هو انا عملتلها ايه
ماجد: معملتيش ودا اللي مستغربه بس هي شكلها مصلحجيه اوي وبتحب نفسها
ليلي:.......
.....................................................................
*مبقتش عارفه افضل معاك عايشه الهموم ولا امشي وانسي!*
سرحت ف الكوبليه وف حياتها مع محمود اللي دايما مخلياها مش مبسوطه وفكرت تبعد خالص وترتاح م كل دا بس كلمته عشان تثبت لنفسها انه مش عاوزها فعلا
................
الو
اي ي محمود ازيك
محمود: الحمدلله
ليلي: عاوزه اسألك سؤال بس هترد
محمود: ماشي
ليلي: انا بالنسبالك ايه
محمود: اي جاب السؤال دا ف بالك دلوقتي
ليلي: عشان عاوزه ارتاح بجد
محمود: وانا قالق راحتك ف ايه
ليلي: رد وهقولك
محمود: انتي انانيه اوي
ليلي ب ألم: انا انانيه
محمود: اه بتدوري ع راحتك بس
ليلي: راحتي وهي فين راحتي دي وهو لو انا ببص لراحتي اي هيخليني اكلمك تاني وانت بالطريقه دي
محمود: واي السبب اللي خلاكي تكلمي
ليلي بتوتر: عشان انا.. يعني عشان كدا بحبك يعني
محمود: انتي شايفه ان حياتك شبهه حياتي؟
ليلي: ازاي يعني!! قصدك لبسي يعني
محمود: لا لبسك دا حاولت وانتي بتعملي اللي ف دماغك برضوا
ليلي: مفيش حد بيغير حاجه م اول مره
محمود: م انا حاولت
ليلي: مش من مره ي محمود
محمود: مش كل حاجه بنحبها بناخدها
ليلي ب ألم: صح عندك حق
محمود: مش معني كدا اني بقولك انتي وحشه
ليلي: وانا مش وحشه عشان تقولي انتي وحشه واقولك ع حاجه انا مش زعلانه والله وانت مش ظالمني ولا انا ظالماك وانا فعلا لو كنت بعدت م غير م اسمع الكلام دا كنت هفضل ألوم نفسي اني محاولتش معاك مره تاني بس المره دي مش هبص ورايا تاني وهعيش حياتي اللي انا عايشاها وانا شايفه اني كويسه جداا كفايه اني مبأذيش حد وربنا يوفقني ف اللي جاي
محمود: مش كل الظروف ينفع نضحي فيها
ليلي: وانت مضحيتش
محمود: مضحيتش!!
ليلي: سلام ي محمود
قفلت معاه وحست انها مبسوطه من نفسها لانها حاولت لاخر مره لقت دموعها بتنزل مسحتهم وفتحت تليفونها مسحت رقمه ودخلت خدت شنطتها وقالت لماجد انها لازم تمشي وخرجت لقت ريماس بنت عمها
ريمتس: لازم اجيلك يعني
ليلي: نعم
ريماس: مالك ف ايه
ليلي بصتلها وحضنتها جامد وعيطت
ريماس بصتلها ومسحت دموعها: اهدي متعيطيش ابدا
ليلي: انا تعبت من كل اللي بيحصل ف حياتي
ريماس: عشان انتي قمر ي قمر
ليلي غصب عنها ضحكت بصت لقت محمود معدي قدامها بصت لريماس وضحكت
ريماس: ايوا اضحكي ي قمر.. قوليلي بقا مين اللي عمل فيكي كدا
ليلي بدموع وضحك: الدنيا
ريماس بغناء: ي دنيا ليه بتيجي كدااا علينا حرام
ليلي: بس خلاص اسكتي..رايحه فين
ريماس: كنت مروحه من الشغل ف قولت اعدي اشوفك
ليلي: كويس تعالي نروح بقا عشان تعبانه نوم
ريماس: وانا والله يلا بينا
روحت وغيرت هدومها وقعدت بصت للسقف وعدي قدامها شريط كل لحظه كانت معاه غمضت عنيها جامد ودموعها بتنزل
ليلي: انا مش معقول هفضل كدا لا
مسحت دموعها وفتحت تليفونها لقته باعتلها مسدج
لو دا اللي انتي عاوزاه ماشي عادي هعمل زيك وهمسح رقمك ولو شوفتك ف الشارع هبقي ولا اعرفك احلى مسا عليكي
بصت لرسالته ب استهزاء وفكرت متردش عليه بس هي لازم تاخد الخطوه اللي تثبت لنفسها انه عادي كتبتله
معنديش حل تاني اعمله وانا لو شوفتك ف الشارع هبقي فعلا معرفكش مضطره اقفل عشان معنديش وقت تاني اضيعه.. سلام
شاف رسالتها ومردش عليها مسحت الشات بتاعه وقفلت التليفون ونامت
........... بعد شهر بقت بتتعايش عادي مش هتنكر انه بيجي ف بالها شويه.. لا كتيير بس مفيش ف ايدها حل غير انها تنساه...يتبع
البارت 11_12_13_14_15 الأخير من هنا
تعليقات
إرسال تعليق