 |
البارت الحادي عشر..دار الايتام 11_12
عشق..إنا لله وإنا إلبه راجعون
الدكتور..ابتدا يشيل عنه الاسلاك
نور..مسكت ايده بتبعده انت بتعمل ايه بابا عايش بابا مامتش بابا مش هيسبني هو قاللي كده
نوح..بيحاول يسيطر على نور ويمسكها
نور..اوعي سيبني بابا قوم والنبي متخليهمش ياخدوك مني
نور..جريت على ليل ومسكت ايده وهي بتترجاه
والنبي خليهم يكشفو عليه تاني والله بابا عايش متسبهمش يشيلو الاجهزه
ليل..وعينه كلها حزن على نور مسك ايدها ادعيله يانور هو الوقت محتاج انك تدعيله
نور..وحيات غلاوة بابا عندك يا مستر ليل خليهم يكشفو عليه تاني
نوح..مسك ايد نور
نور اهدي عشان خاطر عم محمد هو اكيد حاسس بيكي الوقت متتعبهوش عليكي
نور..والنبي يانوح خليهم يكشفو عليه تاني انا مليش غيره يانوح بابا مماتش والله بابا وعدني انه مش هيسبني وراحت جري على والدها تكلمه بابا قوم عشان خاطري قولهم انك مموتش قولهم انك بس تعبان شويه قولهم اني مليش غيرك وفضلت تهز فيه بعنف قوووووم قووووم قولهم اني من غيرك هضيع قولهم اني من غيرك هموت..طب رد عليا وقولي انت هتسبني لمين طب كده خلاص مش هستناك كل يوم تخلص شغلك وترجعلي طب مش هستناك تسهر معايا كل يوم خميس زي ما احنا متعودين قولهم انه مينفعش تسبني قوم بقي بالله عليك يابابا
شدها نوح من فوق والدها نور كفايه
نور..لو بتحبو بابا بجد اعملو حاجه انا قلبي واجعني اوي
فاللحظه دي نوح شدها لحضنه من غير تفكير انهارت نور جوه حضنه
شال من عليه الدكتور كل الاسلاك
ليل..بنبره حزن جاسر خلص كل الاجراءات
الدكتور..حضرتك هيدفن انهرده
ليل..لا بكره الصبح الوقت اتأخر
الدكتور..تمام تعالى معايا يا جاسر باشا نخلص كل الاجراءات والصبح ميبقاش فاضل غير الغسل
جاسر..تمام اتفضل يادكتور
ليل..ادم بلغ الشركه كلها اننا اجازه 3ايام وبلغهم بوفاة حاج محمد
وانت يانوح عايزك تعمل اتصالاتك وتنزل اكبر نعي لحاج محمد الوقت عشان لو في اي حد من اهله يحب يكون موجود وعايزك تحجز اكبر مكان للعزا
نوح..حاضر ياليل
عدى..اليوم بسرعه والكل كان ساكت وحالة الحزن اللي سببها في قلوبهم عم محمد كانت اكبر بكتير من انهم يعبرو عنها بالكلام
الكل فاليوم ده فضل موجود فالمستشفى بعد رفض نور التام انها تروح وبعد اقناع فاشل من الجميع قررو يوافقو انها تفضل خوف عليها من الانهيار وكلهم فضلوا معاها لكن كل واحد من الشباب كان بيخلص اجراءات الدفن والغسل وتبليغ كل الناس ومكان العزا اما البنات فافضلو طول الوقت ماسكين المصاحف يقرأو قرآن
عدت الساعات كأنها عمر
وطلع الصبح عليهم ومحدش فيهم عينه غمضت
جه وقت الغسل دخل الشباب وقفو عالغسل بتاع حاج محمد كانت لحظه صعبه عالجميع
وبعد مدة من انتهاء الغسل اتفتح الباب خرج ليل ونوح
كانوا البنات اعدين ادام الباب منتظرنهم
نور بعيون حمرا من شدة البكاء سألتهم .خلاص
نوح..هز دماغه وطلب ليل من نور والبنات يدخلو يودعوه
مشيت نور بخطوات بطيئه وكأنها بتجر رجليها من على الارض مدلها نوح وليل ايديهم يسندوها مشيو معاها براحه والبنات وراها
لمحت نور والدها نايم على سرير الغسل ومتغطي بالكفن قربت براحه وهي قلبها مقبوض حاسة ببرودة في كل اطراف جسمها حاسة انها مش ماشيه على ارض صلبه حاسة انها ماشيه على مطاط ورجلها كل شويه تخونها وقبل ما تقع يسندها ليل ونوح وصلت ادامه
فضلت واقفة باصة عليه دموعها بتنزل بغزاره من غير صوت
جاسر..تعالو يابنات قربو عشان تودعوه ووقف جاسر وادم وليل ونوح بعيد عشان يسبوهم براحتهم نور واقفة من جمب لوحدها وباصة عليه بزهول ومن الجمب التاني عشق وتمارا وزهره
قربت زهره باسته في جبهته بدموع عمري ماهنساك وعمري ماهبطل ادعيلك اشوفك فالجنه يا احن اب فالدنيا بعدت وقربت منه تمارا باسته من جبهته سامحني لو كنت انا السبب يارتني كنت بدالك يمكن اعرفك من مده مش كبيره بس عمري ماحزنت على حد زي ما حزنت عليك من قلبي اشوفك فالجنه ياحبيبي
قربت عشق بخوف لأول مره تتحط في موقف زي ده
عشق..بنهيار وهي بتبوسه هتوحشني اوي هيوحشني صوتك وانت بتخبط عالباب الصبح وتناديني عشان نصلي الفجر حاضر مع بعض انت وجعتني اوي يمكن الوجع اللي حسيته في حياتي دي كلها ميساويش الوجع اللي انا حاسه بيه الوقت على فراقك طول عمري حاسه بنقص وفراغ عشان مليش اهل وانت في مده بسيطه قدرت تعوض النقص ده والوقت انت روحت وسبت في قلبي فراغ اكبر بكتير من اللي كنت حاسه بيه انا اول ما شوفتك بتتخبط وبتقع كنت عارفه ان دي هتبقى النهايه بس كنت بدعي ربنا انه يخيب ظني لكن هو اختارك عشان انت طيب وربنا بيحب الطيبين فالجنه ونعيمها يا اطيب وانضف قلب فالدنيا ورجعت باسته تاني وقامت
نور ..ممكن تسيبوني لوحدي معاه شويه
ليل..هزلها دماغه وخرجهم كلهم وراح لنور اللي كانت واقفه باصه لوالدها ومديه ليل ضهرها
ليل..نور انا عارف انك محتاجه تودعيه وتفضلي معاه بس حاولي متطوليش عشان نلحق نصلي عليه
نور..حاضر
ليل..طبطب على كتفها وخرج سمعت نور قفل الباب
وفالوقت ده انهارت انت عارف انك وحشتني من قبل ما تمشي وتسبني هونت عليك يابابا تسبني انا موجوعه اوي ومحدش حاسس بيا طب انت عارف نومتك دي عامله في قلبي ايه الوقت انا مش متخيله اني هروح البيت من غيرك مش متخيله اني اسيبك في قبرك واروح طب قولي بعد كده هعمل ايه انت قولتلي ان الموت الحقيقه بس مقولتليش انه يوجع اوي كده وقولتلي انك عايش عشان تسلمني بايدك للراجل اللي يستاهلني خلفت الوعد ليه يابابا هتوحشني اوي هتفضل في قلبي وروحي
فاللحظه دي دخل ليل ونوح
قربو منها قومها نوح من على حاج محمد يلا يانور إكرام الميت دفنه
نور قامت من غير ولا كلمه
ابتدو يتحركو وبعد مده وصلو المسجد وكان مليان ناس من الشركه وجيرانهم في خان الخليلي وللاسف مكنش في اي حد من عيلته
نور..كانت ماشيه معاهم كأنها مغيبه بتمشي وبس لكن حالت الزهول والتوهان مكانتش مفرقاها وبعد ما تمت الصلاه عليه
طلعو عالمقابر بتاعت عيلة السيوفي
وكانت زحمه بطريقه محدش يتخيلها مكنش في حد مبيحبش الراجل ده الكل كان حزين عليه من قلبه بجد
اتفتحت المقبره واترفع غطاء النعش وظهر جثمان حاج محمد الكل كان بيساعد انه يطلعه شاله ليل وجاسر ونوح وادم وسط حزن وبكاء الجميع واول ما نور شافتهم بينزلو بيه فاللحظه دي انهارت حرفيا
متسبنيش يابابا أرجوك فضلت عشق وتمارا وزهره ماسكينها
ثواني وكانت كل حاجه خلصت ووصلوا حاج محمد لمسكنه الابدي
فضلوا الناس يمشوا واحد ورا التاني والمكان يفضى
لحد ما الكل مشي ومفضلش
غير البنات والشباب وعم ليل
سراج البقاء لله يابنتي شدي حيلك
نور.بحزن وتوهان ونعم بالله
سراج انا عارف ان اي كلام الوقت مش هيهديكي بس والدك كان غالي عندنا ده عشرة العمر النضيفه والطيبه اي وقت تحتاجي اي حاجه هتلاقيني موجود اوعي تترددي لو احتاجتيني اكيد هتلاقيني معاكي ابوكي وصانا عليكي انتي والبنات طبعا
نور..شكرا لحضرتك
سراج..وانتو يابنات اي وقت تحتاجونا هتلاقونا وديما انا هتابعكم بنفسي
عشق..شكرا يا افندم
تمارا..شكرا يامستر سراج
زهره..شكرا
سراج..لليل انا همشي وهشوفكم بليل فالعزا
ليل..هزله دماغه
مشي سراج وفضلوا البنات والشباب
نور واقفه باصه على مكان عم محمد من غير ولا كلمة مفيش غير دموعها اللي نازله وقلبها اللي بيصرخ ومحدش سامعه فضلوا اعدين من غير كلام اكتر من نص ساعه اللي اعد يقرا قرأن واللي اعد يدعيله وبعد وقت
ليل..يلا بيناعشان تقدرو ترتاحو شويه قبل العزا
نور..خليني معاه عشان يطمن امشو انتو
نوح..نور يلا عشان ترتاحي انتي شكلك تعبانه اوي
نور..متقلقش انا عايشه ادامك اهو
نوح..قرب منها اكتر اسمعي الكلام يلا عشان ترتاحي شويه
نور..عشان خاطري يانوح امشو انتو
نوح..نمشي فين انتي بتهرجي صح يلا يانور اليوم انهرده طويل لازم ترتاحي
نور..بدموع انتو مستكترين عليا الشويه دول انا حتى مش هشوفه تاني وبعدين راحه ايه خلاص مبقاش في راحه
نوح مسك ايدها لا طبعا مش مستكترين عليكي حاجه بس هنجيله تاني ولو الميت بيحس بجد يبقى كده انتي هتوجعي قلب عم محمد عليكي يلا يانور سبيه يرتاح
نور..بقلة حيلة حاضر
نوح..يلا ياجماعه
ليل..خرج وكلهم وراه
نور..لليل ممكن اطلب من حضرتك طلب
ليل..طبعا يانور وبلاش حضرتك دي انا اخوكي الكبير
نور..هو ينفع ابقي ازور بابا تاني
ليل..طبعا من غير استأذان دي مش محتاجه طلب كل ما تحبي تيجي اتصلي عليا او على نوح واي حد فاضي فينا يجيبك وياستي لو عايزه المفتاح كمان خديه تعالي وقت ماتحبي
نور..شكرا
ليل..العفو يلا اركبوا
ركبت..نور وعشق ونوح مع ليل في عربيته
وركبت تمارا وزهره مع جاسر وادم
واتحركو
طول الطريق ليل باصص على عشق فالمرايه وهي واخده نور في حضنها وباصة عالطريق ودموعها نازله من غير ولا صوت والحال كان نفسه عند جاسر اللي بيسرق نظرات لتمارا من تحت نضارته واللي حالها مكنش يفرق عن حال البنات فالحزن
بعد مده وصلو تحت بيت عم محمد
ونزلو البنات بعد ما ليل قالهم انهم هيعدو عليهم ياخدوهم على الساعه 5 عشان يروحو مكان العزاء
طلعو البنات الشقه بحزن كان البيت شكله حزين
اعدت كل بنت فيهم على كنبه ساكتين من غير ولا كلمه عشان يرتاحو من تعب اليوم وكل واحده فيهم سندت دماغها ونامو وهما اعدين كان بقالهم كذا ساعه مداقوش النوم
عدي..الوقت بسرعه
وصوت تليفون نور صحاهم
نور..مسكت تليفونها بضعف
نور..الو
نوح..ايوه يانور اسف لو صحيتك
نور..لا يانوح انا بس كنت مريحه شويه
نوح..انتي كويسه
نور..الحمد لله
نوح..طيب احنا اتحركنا وجاي عليكو حضرو نفسكم انا قولت اكلمك قبل مااجي عشان تجهزوا
نور..حاضر يانوح هنجهز ونستناكم
نوح..تمام
نور..سلام
نوح..نوور
نور..نعم
نوح..خلي بالك من نفسك
نور..حاضر
نوح..سلام
نور..سلام
نوح..كان راكب في عربية ليل هو وادم مخدوش عربياتهم
وجاسر كان محصلهم على هناك
ابتدو البنات يلبسو ويجهزو
وعدي الوقت بعد ما جهزو فضلو اعدين مستنينهم وصوت القرأن في الشقه ودموعهم منشفتش لحظه
ثواني ورن تليفون نور
نور..ايوه يانوح
نوح..يلا يانور انزلو احنا تحت
نور..حاضر نازلين حالا
قفلت معاه نور وابتدو يتحركو ونزلو مع بعض
قرب نوح من نور عامله ايه الوقت
نور..بابتسامه كلها وجع بخير
ليل..يلا عشان نوصل قبل ما الناس توصل
فتح نوح الباب لنور وعشق اللي ابتدت تحس بالتعب تاني لانها مخدتش الدوا من ساعة ماتعبت أتشغلو فاللي حصل
اتحرك ليل ووراه جاسر
وصلو المكان اللي هيقام في العزاء
كان عباره عن قاعتين قاعه لاستقبال الرجال وقاعه للسيدات
كان المكان مليان بالناس
عدى الوقت بسرعه كان الكل تعبان وابتدت قاعة السيدات تفضى خالص وفضلو الاربعه مع بعض
وبعد وقت بسيط خلص الشيخ وانتهي العزا دخل ليل مع الشباب
اول ما البنات شافوهم قامو وقفوا ماعدا عشق اللي حاسه بتعب فظيع
ليل..عامله ايه يانور
نور..انا بخير يامستر ليل
ليل..مش قولنا بلاش مستر دي
نور..انا مش عارفه اشكرك واشكركم كلكم ازاي تعبتكم معايا بس انتو عارفين انا مليش حد
ليل..ايه العبط ده احنا مش بنقف معاكي عشان انتي لوحدك بس احنا بنقف معاكي عشان انتي بنت عم محمد وانتي اكيد عارفه هو غلاوته عندنا اد ايه
نور..عارفه والله وكنت يعني عايزة
ليل..قولي يانور عايزه ايه
نور..كنت عايزه حضرتك يعني تقولي على اي حاجه حضرتك صرفتها بابا كان شايل مبلغ فالبنك وقبل ماتكمل كلامها قاطعها ليل بحده
ليل..ايه اللي انتي بتقوليه ده يانور عم محمد خيره كان عالشركه كلها ويتوزن بالدهب وانا معملتش حاجه يانور ده حقه ودي حاجه بسيطه اقدر اقدمهاله
نور..ايوه بس
ليل..مفيش بس مسمعش منك الكلام ده تاني وعايز اقولك ان مرتب عم محمد هيوصلك كل شهر ده غير التأمين بتاعه اللي هيكون عندك بكره
نور..المرتب ده مش من حقي بابا خلاص مات
ليل..لاحقك يانور عم محمد مكنش مجرد موظف مات وخلاص هو بالنسبالي اكبر من كده بكتير والتأمين ده حق اي موظف فالشركه وفلوس دراستك كلها انا متكفل بيها
نور..لابعد اذنك كده كتير انا مصاريف دراستي هعرف اتصرف فيها انا هعدي يومين كده وانزل ادور على اي شغل هشوف مكتب محاماة انزل اتدرب فيه هشتغل اي حاجه المهم اني اشوف شغل
ليل..انتي لا هتشتغلي ولا هتعملي اي حاجه تأثر على دراستك وكلامي منتهي زي ماقولتلك مصاريفك عليا ولو ياستي حابه تشتغلي عشان تضيعي وقت انا هشوفلك شغل مع حد من معارفي حابه تيجي تشتغلي فالشركه حاجه بره تخصصك الشركه مفتوحه في اي وقت لكن لو هتشتغلي عشان الفلوس فا ده مرفوض واظن ان عم محمد وصاني عليكي وانتي سمعتي ده بنفسك يعني من انهرده انا اخوكي الكبير ومسؤوول عنك ولازم تسمعي كلامي اتفقنا
نور..حاضر
ليل وجه كلامه للبنات والكلام اللي سمعتوه الوقت مش بس لنور الكلام ليكم كلكم من انهرده انتو الاربعى مسؤولين مني واي حاجه تخص دراستكم انا متكفل بيها
عشق..شكرا لحضرتك بس احنا بنشتغل وهنقدر
ليل قاطعها اظن كلامي مفهوم عايزين تشتغلو انتو حريين بس اي حاجه تخصكم دي مسؤوليتي
تمارا..مستر ليل عشق عندها حق حضرتك تقدر تعمل كده مع نور لانها بنت الراجل اللي كان بيشتغل معاك وفي بينكم حاجات كتير لكن احنا
قاطعها ليل انتو بناته زي نور مش هو قال كده مش وصاني عليكم زي ما وصاني على نور وأدام كنتو تهموه زيكم زي نور يبقي تهموني انا شخصيا دراستكم حياتكم تعبكم حمايتكم كل حاجة تخصكم مسؤوليتي الكلام ده انا مش هكرره تاني بص لعشق كان باين عليها التعب
انتي كويسه
زهره..لا عشق تعبانه ومش بتاخد العلاج من ساعة اللي حصل ولا بتاكل
ليل..بحده اظن الدكتور قال تهتمو بيها صح
عشق..هما مش مقصرين في حاجه بس اللي حصل لخمنا كلنا
ليل..وطبعا مكلتيش
ادم..هو واضح ان كلهم مكلوش مش بس هي
ليل..طيب يلا نوصلهم الاول ونشوف موضوع الاكل ده
ركبو عربياتهم وبعد وقت وصلو البنات
وطلعوهم ليل كان بيتكلم مع نوح براحه وثواني وخد نوح مفاتيح العربيه من ليل ومشي
ليل..زهره من فضلك حضري العلاج لعشق
زهره..حاضر بس هأكلها الاول عشان هي مكلتش
ليل..حضريه بس والاكل حالا هيكون جاهز
نور..كده كتير اوي بجد
ليل..بابتسامه بلاش عبط مفيش حاجه كتيره على بنات عم محمد
نور..بابتسامه حزينه ليه حق بابا يحبك
جاسر..تمارا طبعا انا عارف ان الظرف اللي احنا فيه ده مش ظريف ومينفعش اقول كده لكن غصب عني بكره في ميتنج امبارح للأسف كان معاده و لغيناه وطبعا انهرده برده اتلغي معلش هحتاجك معايا بكره مينفعش يتأجل اكتر من كده
تمارا..انا جاهزه يامستر جاسر
مر الوقت ورجع نوح فتحتله زهره كان معاه اكياس كتير
خدتها منه زهره
ليل قام وقف تمام يابنات هنسبكم بقي ترتاحو ياريت تاكلو و متنسوش علاج عشق
نور..متقلقش
ليل..اي وقت تحتاجوني كلموني
عشق..شكرا يامستر ليل
ليل..بأبتسامه العفو يلا اقفلو على نفسكم كويس
نزل ليل وعينه علر عشق وعشق بتحاول تبعد عينها عنه
نوح..نور خلي بالك من نفسك وياريت تاكلي هبقى اكلمك اطمن عليكي
نور..شكرا يانوح تعبتك
نوح..مفيش بينا شكر وياستي اتعبيني انا راضي
ابتسمت..نور
نوح..يلا تصبحي على خير
ادم..تصبحو على خير يابنات
البنات..وانت من اهله
جاسر..تصبحو على خير معادنا بكره الساعه 7 ياتمارا
تمارا.. حاضر
نزلو الشباب ودخلوا البنات غيروا هدومهم وابتدو ياكلو لكن جواهم حزن ووجع ميتوصفش
بعد ما خلصو دخلو ينامو بعد تعب ووجع اليوم في صباح يوم جديد
نزلت زهره على شغلها
ونزلت عشق على شغلها
وفضلت تمارا ونور مع بعض لحد ما يجي معاد نزول تمارا مع جاسر
طول الوقت تمارا بتحاول متسبش نور
تمارا..نور عايزه اتكلم معاكي
نور..قولي ياتمارا سمعاكي.
تمارا..بدموع انتي زعلانه مني صح بس انا مليش ذنب والله لو عليا يارتني كنت انا بدل بابا بس انا معرفش مين عمل كده وعمل كده ليه وبقصد ولا من غير قصد انا قلبي واجعني والله على بابا ومكنتش اتمنى يحصله حاجه بسببي بس لو وجودي معاكي هيضايقك ويفكرك ب بابا
قاطعتها نور
نور..ايه اللي انتي بتقوليه ده انا مش زعلانه منك طبعا اللي حصل قضاء وقدر وده عمر بابا بيكي من غيرك كان هيحصل كده بلاش تحملي نفسك ذنب حاجه ملكيش دعوه بيها ووجودك معايا انتي وعشق وزهره مش حاجه بمزاجكم انا مليش غيركم خلاص
تمارا..يعني مش زعلانه مني
نور..حضنتها مقدرش ازعل منك
تمارا حضنتها جامد عدى الوقت بسرعه طلعت زهره البيت وكانت تمارا بتجهز عشان الميتنج وبعد مدة بسيطة اتصل جاسر بتمارا عرفها انه وصل ونزلتله
جاسر كان واقف ادام العربيه
تمارا..مساء الخير
جاسر..مساء الخير يلا بينا
تمارا..يلا
ركبت تمارا واتحرك جاسر بالعربيه
فضلو شويه ساكتين
جاسر..عامله ايه ياتمارا
تمارا..تمام يامستر جاسر
جاسر..هو انا مش قولت بلاش مستر دي
تمارا..سامحني بس مش عارفه
جاسر..ليه اسمي صعب اوي كده
تمارا..لا بس
جاسر..مسمعش مستر دي تاني ماشي
تمارا..ماشي يا
جاسر...ياايه
تمارا..بابتسامه ياجاسر
جاسر..ايوه كده ناس مبتجيش الا بالعين الحمرا
ابتسمت تمارا
جاسر..طمنيني نور كويسه
تمارا..لا مش كويسه خالص
جاسر..هي لسه فالاول الصدمه وحشه عليها شوية شوية هتتعود
تمارا..اكيد ربنا يكون في عونها انا مش بنته واتوجعت عليه هي تعمل ايه ربنا يصبرها
جاسر..يارب وعشق اخبارها ايه
تمارا..هي كمان تعبانة خالص بس بتحاول تثبت عكس كده
جاسر..انتو بس اهتمو باكلها وعلاجها وان شاء الله هتبقى احسن
تمارا..يارب
وصل جاسر وتمارا الاجتماع وادم كان وصل في نفس الوقت معاهم سلمو على بعض ودخلو وابتدا الميتنج
فضل جاسر يتكلم فالشغل بكل جديه هو وادم تمارا كانت مركزه مع جاسر وهو بيتكلم بجديه شكله كان يجنن واثق قوي طريقة كلامه فالشغل تقول انه حد كبير الكل كان عامله حساب ولكن كانت مضايقه من نظرات هادي اللي حاسه انها بتخترقها
جاسر..تمام يبقى احنا كده على اتفاقنا
هادي صاحب المنتجع بس كده هنحتاج نحدد يوم تاني نمضي فيه الورق
ادم..شوف اليوم اللي يناسبك
هادي..انا اعد هنا فالقاهره يومين يعني المفروض اني اسافر بعد بكره وهرجع تاني بعد عشر ايام فاياريت لو ينفع بكره او بعده بس الصبح لان طيارتي الساعه 9بليل
جاسر..انا معنديش مشكله بس الاول اشوف المواعيد لو بكره تمام اوك نتقابل
تمارا بكره في مواعيد
تمارا..بكل ثقه خلاص اتعودت واتأقلمت عالاجتماعات والشغل بكره في ميتنج الساعه 6 يخلص 7
جاسر..طيب بعد 7في حاجه
تمارا..لامفيش في ميتنج الساعه 9يعني حضرتك ادامك ساعتين من بعد الميتنج الاول
جاسر..لو يناسبك الساعه 7ونص اوك
هادي..بأعجاب وهو مركز على تمارا سكرتيرتك شكلها شاطره
جاسر..بغضب بسيط كل اللي بيشتغلو في مجموعة السيوفي شاطرين
هادي..ياريت كان عندي سكرتيره شاطرة كده
جاسر..بابتسامه صفرا مقولتليش المعاد يناسبك
هادي..تمام
جاسر..يبقى اتفقنا
خلص الميتنج وقاموا كلهم يسلموا على بعض
ادم..لهادي اتشرفت بمعرفتك
هادي..الشرف ليا انا
جاسر..وهو بيمدله ايده اشوفك بكره
هادي. على معادنا ان شاء الله
ومد ايده لتمارا اتشرفت بمعرفتك
تمارا..تنحت وارتبكت
جاسر بابتسامه نصر حط ايده في ايد هادي معلش مبتسلمش على رجاله
ادم..كان مصدوم و كاتم ضحكته وحاسس ان نوح كان معاه حق
هادي..حس باحراج وابتسم ابتسامه صفرا بعد اذنكم
ادم..اتفضل
جاسر كان شايط يلا
ادم..يلا
خرجو بره ادم هطير انا بقى
جاسر..تمام
ادم..حب يرخم عليه لو وراك حاجه روح وانا اوصل تمارا
جاسر..اتكل على الله يا ادم
ادم..وهو بيقرب من ودن جاسر لينا اعده وخصوصا مع نوح
جاسر..طب اخلع قبل ما اخليك تتشاهد على روحك
ادم..بضحك سلام ياتمارا
تمارا..سلام يامستر ادم
مشيوا بالعربيه وطول الطريق جاسر ساكت ووشه ميبشرش بخير
تمارا..مش فاهمه ماله بس حبت تقطع الصمت
لكن فجأه
البارت الثاني عشر...
قطع جاسر اول حرف فكرت تنطقه
جاسر..تمارا مش عايزك تحتكي خالص باللي اسمه هادي ده حتي لو كلمك او وجهلك اي سؤال مترديش عليه سبيني مني ليه مفهوم
تمارا..هو حصل حاجه
جاسر..لامحصلش بس انا مبرتحش للبني ادم ده
تمارا..حبت تستفزه عشان تعرف قصده اكتر ايوه بس هو واضح انه ذوق
جاسر..والله ذوق عجبك اوي طريقته علر فكره انتي اللي شغاله معايا مش انا اللي شغال معاكي يبقى تنفذي اللي بقوله
تمارا..اضايقت من طريقته انا شغاله معاك زي مابتقول بس مش معناه ان حضرتك تتكلم معايا كده انا اسمع كلامك في اي حاجه تخص الشغل
جاسر..واللي بقوله ده شغل انتي معايا في ميتنج يبقى الكلام يكون من خلالي
تمارا..هو حضرتك شوفت اني خدت واديت معاه في كلام عن الشغل الراجل قال كلمتين شكر فيا مش اكتر ده مضايق حضرتك في ايه
جاسر..وقف العربيه وبصوت عالي انتي بتناهدي في ايه ايوه مضايق هو ميخصهوش اذا كنتي شاطره في شغلك اولا انا اللي احدد ده مش هو
تمارا..يعني حضرتك مضايق ان حد شكر في شغلي بدل ما تتبسط
جاسر..انا قولت اللي عندي مش عايز احتكاك بيه خالص مفهوم
تمارا..بعصبيه اوك يامستر جاسر وبصت ادامها
فضل جاسر باصص عليها ثواني بنظرات غضب ودور العربيه ومشي وفضلو طول الطريق ساكتين وصلو تحت البيت
ركن جاس ونزل فتحت تمارا ونزلت في لحظه وصول عشق
عشق..السلام عليكم
جاسر..بابتسامه اهلا دكتوره عشق عامله ايه
عشق..بابتسامه بخير الحمد لله حضرتك عامل ايه
جاسر..ماقولنا بلاش حضرتك دي عموما ياستي انا بخير انتي عامله ايه الوقت
عشق..انا الحمد لله بخير
عشق..عامله ايه يا تيمو
تمارا..بخير الحمد لله
عشق..واقفين ليه كده انتو لسه راجعين ولا ايه
جاسر..اه لسه واصلين حالا
فاللحظه دي وصل ليل ونوح مع بعض
جاسر..ليل ونوح هناك اهم
بصت عشق وتمارا
ركن ليل ونزل راحلهم
ليل..مساء الخير واقفين كده ليه
جاسر..مساء الخير ابدا انا لسه جاي انا وتمارا من الميتنج وعشق لسه واصله زيكم
ليل..عامله ايه ياعشق
عشق..بخير الحمد لله
ليل.انتي راجعه متأخر كده ليه الساعه 11
عشق..انا برجع كده اغلب الوقت وكان في شغل كتير
ليل..ايوه بس احنا في شتا والدنيا بتبقى هاديه مينفعش تيجي في وقت زي ده لوحدك
عشق..اعمل ايه معنديش بديل للاسف
جاسر..انت جاي ليه صحيح
ليل..عايز نور
عشق اطلعي انتي وتمارا بلغو البنات اننا طالعين واحنا جايين وراكم
عشق..حاضر بعد اذنكم طلعت هي وتمارا
ليل.لجاسر عملتو ايه
جاسر..كان باين عليه الغضب بس بيحاول يخفيه كله تمام متقلقش كله ماشي زي ما احنا عايزين بكره هنمضي الورق ولما يجي من السفر هسافر معاه مرسي علم ونشوف المكان ونكمل كل حاجه
ليل..طيب تمام المهم انت مالك
جاسر..مفيش مصدع بس
ليل..لا ياراجل
نوح..ودي محتاجه سؤال ما المزه راجعه وشها ميختلفش عن وشه
جاسر..نوح خليك في حالك عشان متزعلش
ليل..بابتسامه الله ده الحوار شكله بجد بقى
جاسر..هي الحفلة عليا ولا ايه انا ماشي
ليل.استنى بس ياعم خليك عشان تطلع معانا
جاسر.لا انا ماشي اطلعو انتو
ليل..ما تصبر انا مش هاخد خمس دقايق
جاسر معلش ياليل خليني اروح احسن
نوح.سيبه ياعم ده حتى شكله وحش
جاسر وهو بيبصله انا همشي مخصوص عشان مرتكبش في اخوك جريمة
ليل.طب امشي وهبقى اكلمك
جاسر..يلا سلام ركب عربيته ومشي
ليل.ماتخف يارخم انت من هزارك ده
نوح.ياعم انا عملت حاجه هو اللي متعصب
ليل.وانت متتوصاش
نوح..طب بزمتك انا مش عندي حق
ليل.والله لو حصل انا هبقى اول واحد مبسوط
نوح..رضيت على صنف النسوان اخيرا
ليل..لارضيت ولا اتنيلت بس مفيش مقارنه بين تمارا وهايدي
نوح.صراحه مفيش مقارنه خالص
ليل.طب يلا تعالى نطلع بدل ماحنا واقفين كده
نوح.يلا بينا
طلعو فتحتلهم عشق دخل ليل ونوح
ليل.ازيك يانور
نور.الحمد لله بخير
نوح..عامله ايه يانور انهرده
نور.الحمد لله يانوح عايشه
نوح.ايه لهجه التشاؤوم دي
نور.هوفي ايه اتفائل عشانه
ليل.ليه كده يانور الدنيا مبتقفش على حد الدنيا بتمشي يانور ومش معناها اننا بنسي اللي فارقونا محدش بيموت عشان حد يانور هو اه بياخد معاه حاجة جوانا بس بتستمر الحياه
نوح.ليل معاه حق يانور لازم تتقبلي الموقف ولازم ترضي عشان دي سنة الحياه ناس بتيجي وناس بتروح وعم محمد مش اول واخر حد هيروح لسه هيروح ناس بعده غالين ومش كل حد هيروح هنوقف حياتنا ونتشائم
نور.بحزن والدموع بتلمع جوه عنيها كل اللي بتقولوه ده صح بس غصب عني مش قادره اتخيل اني مش هشوفه تاني مش قادره اعد فالبيت حاسه بخنقه فظيعه من غيره امبارح اول مره انام فالبيت من غيره مش قادره اتقبل عارفه انه حرام بس غصب عني البيت بعد ماكان احلى مكان بالنسبالي وليا في ذكريات حلوه بس مش قادره وكمان حاسه ان اليوم بقي طويل مش عارفه اشغل نفسي
ليل.اشغلي نفسك بمذاكرتك حققي حلم عم محمدخليه يحس ان اللي تعب عشانه بيتحقق
نور.مش قادره اركز
ليل.طيب ايه رأيك عندي اقتراح اتمني يعجبك
نور..ايه هو
ليل.ايه رأيك تغيري الشقه تروحي مكان تاني وتبدأي حياة تانية
نور..مقدرش اسيب الشقة مقدرش اسيب كل ذكرياتي فيها واغير مكاني كده بكل سهوله
نوح.ليل معاه حق وبعدين مين قال ان الذكرى بتتنسي مجرد ماتسيبي المكان الذكرى دي فيكي يانور يعني لايمكن تنسيها بس تغيير المكان هيساعدك كتير انك تقدري تكملي ولا ايه يابنات ساكتين ليه
عشق.احنا ملناش رأي
ليل.ليه ملكوش رأي
عشق..اولا ده بيتها هي وهي اللي تقدر تتحكم فيه ثانيا هي اللي تقدر تقيم اذا كانت هتقدر او لا انا مقدرش احكم على مشاعرها خصوصا ان المشاعر اللي بتتكلم عنها والذكريات يمكن اكون عشتها معاهم هنا لما عشت معاهم الفتره القصيره دي قدرو يوصلولي الاحساس اللي نور بتتكلم عنه ده لكن انا عمري ماعشته ولا جربته ولا حتى حسيته
حس..ليل بالوجع من كلامها بس انتي حستيه ياعشق
عشق..انا ازاي
ليل..حسيتيه مع زهره وتمارا فالمكان اللي عشتو فيه مع بعض ومع ذلك سبتي المكان انتي وهما
تمارا..بس احنا سبنا مكان مكناش حبينه من البدايه وشوفنا فيه ايام مش حلوه وكان اهم حاجه اننا خرجنا مع بعض لكن نور عاشت في مكان بتحبه مع حد بتحبه ليها فالمكان ذكريات حلوه فا هي شايفه انه صعب تفارق الحد ده وكمان تسيب المكان اللي ليها في ذكريات
نور.هو ده اللي اقصده
ليل.ماشي بس عايزك تفكري وانتو كمان فكرو معاها وحاولو تقنعوها وياستي لو حبيتي بلغيني
نور..حتى لو حبيت هنروح فين الشقق غاليه جدا عشق وتمارا وزهره سبب ان بابا شافهم كانو بيدورو على شقه واقل ايجار شافوه كان في حدود 3000 وده صعب جدا
ليل.هو انا بقولك كده عشان تقوليلي ايجار وفلوس لو عالشقة موجودة في مكان راقي جدا وفبرج حلو اوي والبرج ده يخصني يعني
نور..قاطعته لا مش هينفع كفايه اوي كده اللي عملته معايا لحد الوقت مش هينفع صدقني
ليل.احنا اتفقنا اني مسؤوول عنكم واتفقنا اني زي اخوكم الكبير يعني الكلام ده ملوش لزوم
نور..معلش عشان خاطري يا مستر ليل خليني براحتي
ليل.ماشي ياستي عموما فكري وانا موجود بس بلاش مستر دي بقى
نور..حاضر ياليل
ليل..بابتسامة ماشي ياستي انا مش هطول عليكي اتفضلي واداها ظرف
كبير
نور.ايه ده
ليل.ده تأمين بتاع عم محمد 150الف
نور بصدمه كانت اول مره تمسك في ايدها رقم زي ده اعمل بيه ايه
ليل..اللي يريحك اعمليه
نور..ايوه بس
ليل..انتي مش ليكي حساب فالبنك حطيهم فيه
نور.انا مليش حساب في بنك بابا اللي كان ليه
ليل..طيب عادي تفتحي حساب وكمان المفروض يتعمل اعلان وراثه عشان فلوس عم محمد اللي كان شايلها ليكي حطيهم على بعض واعملي حساب باسمك
نور..باحراج اسفه ياليل بس يعني انا اولا اول مره امسك مبلغ زي ده في ايدي ثانيا انا معرفش في حكايه البنوك والاوراق والكلام ده انا بردو مش عارفه هعمل ايه
نوح..سيبيها عليا انا ياستي احنا لسه الشركه بكره اجازه اعدي عليكي الصبح واروح معاكي اعملك حساب وتحطي الفلوس
ليل.اهو نوح حلهالك
نور..ماشي
تمارا..هو فين مستر جاسر
ابتسم نوح بخبث لليل
ليل.بجديه مشي بيقول مصدع شويه
تمارا..تمام اعملكم ايه تشربوه
ليل.ولا حاجه احنا ماشيين
نور.مينفعش لازم تشربو حاجة
ليل.مش هينفع يانور الوقت اتأخر وعشان محدش من جيرانكم يقول حاجه انتو بقيتو لوحدكم
قام وقف لو احتاجتم حاجه كلموني
نور.ماشي شكرا ياليل ربنا يخليك لينا
نوح..بصوت واطي مفيش حاجه لنوح
نور..باحراج ووش احمر ابتسمت وبصت فالارض سلم عليها ونزل
دخلت نور براحه تبص عليه من ورا الشباك
دخلت تمارا تاخد شاور وزهره بتحضرلهم العشا
عشق.راحت تقفل ورا ليل
عشق.صحيح مهره عامله ايه
بص ليل لعشق بأبتسامه بخير احسن كتير بس يعني مسألتيش على عشق دي حتى اتولدت على ايدك
عشق.بابتسامه لا خالص كنت هسأل عليها بس يعني عشان مهره هي اللي كانت تعبانه عموما عشق عامله ايه
ليل.بقصد عشق قمر وحلوه اوي
عشق...حست بارتباك ودقه في قلبها وحست ان كلامه ميقصدش عشق الفرسه احمم هي فعلا جميله ربنا يخليها لمهره
ليل.ويخليها ليا اصلي شكلي كده هحبها
عشق..هي ايه مين
ليل..عشق
عشق ارتبكت اكتر ووشها جاب الوان ابتسم ليل ابتسامه جذابه بعد ما حس بارتباكها يلا ادخلي واقفلي
عشق.بصاله بصدمه
ليل...ادخلي يلا عشان انزل
عشق.فضلت بصاله وساكته
ليل.شاور بايده ادام عنيها عشق
عشق.هاا نعم
ليل..بابتسامه اللي واخد عقلك
عشق.لا مفيش حضرتك بتقول حاجه
ليل.اسمي ليل على فكره وحش اغيره عشان مسمعش حضرتك دي
عشق..بسرعه نطقت لا ده جميل اوي
استوعبت اللي قالته وحست باحراج
ليل...عاجبك يعني وضحك ضحكه بسيطه بينت غمزاته يلا ادخلي واقفلو على نفسكم كويس
عشق.حاضر تصبح على خير
ليل وانتي من اهل الخير
دخلت عشق بسرعه قفلت الباب ووقفت بضهرها عليه وحطت ايدها على قلبها اللي بيدق بطريقة غريبة
عشق.لنفسها اهدي ياعشق ايه اللي حصلك مينفعش اللي انتي حاسه بيه ده انتي لسه كنتي بتنصحي البنات اهدي اهدي محصلش حاجه انتي بس تعبانه
عشق.ايوه انا تعبانه انا هروح اخد العلاج وهبقى تمام
ركب ليل العربيه وطلع لكن مخدش باله من العيون اللي كانت بتراقبهم دخلت نور بعد ما ليل مشي بالعربية
لقت عشق واقفه زي ماهي سانده عالباب وسرحانه
نور..عشق واقفه كده ليه
عشق.بارتباك مفيش
خرجت تمارا من الحمام في ايه
نور...معرفش مالها
عشق..بارتباك انا الحمد لله هدخل اخد شاور
نور..لتمارا البت دي مالها
تمارا..معرفش مالها شبه الانسان الالي كده
زهره..من المطبخ تعالو خدو العشا يلا
راحوا البنات ساعدوها واعدوا كلوا مع بعض وبعد ماخلصو دخلو ينامو
حطت كل واحده فيهم دماغها عالمخده وغمضو عينهم مدعيين النوم لكن كل واحده فيهم كان جواها كلام محتاجه تتكلم فيه مع نفسها
في صباح يوم جديد
صحيوا ابطالنا جميعا
قامو البنات من نومهم خدو حمامهم وصلوا فروضهم وجهزت كل واحده فيهم نفسها زهره لشغلها وعشق لشغلها ونور لمشوارها مع نوح اما تمارا فا قامت تشوف طلبات الشقه من اكل لتنضيف لحد معاد نزولها
زهره.ظبطي انتي الشقه ياتمارا وسيبي الاكل انا لما هاجي هعمله
تمارا..لاياقلبي عشان لما تيجو هتبقو تعبانين من الشغل تلاقو حاجه تاكلوها
نور..ربنا يخليكي لينا ياحبيبتي هنتعبك معلش سامحيني هنزل واسيبك تعملي شغل البيت لوحدك
تمارا.بلاش عبط اللي فاضي فينا بيعمل وانهرده انا اللي فاضيه عادي يعني يلا بقي اتكلو على الله
نور..بتطردينا
تمارا..اه حاجه زي كده
نور..نوح لسه مجاش
تمارا..شيفاكي عينك بتطلع فراشات
نور..انا لا خالص وبعدين انا رايحه اتفسح ما الكلام كان ادامكم
عشق..ايوه بس في ناس كده ماصدقو وفرحو انا كمان يا تمارا انا شايفه الفراشات
تمارا..قولتش حاجه
نور..حتى انتي ياعشق وانا اللي بقول عليكي عاقله
زهره..مين دي اللي عاقله انا مش عارفه الفكره اللي انتي وخداها عن عشق دي جيباها منين
نور.. شكلي كده فهمتها غلط
عشق..بس يابت انتي وهي يلا يا زهره ننزل سوا لحد ما سي نوح يجي ياخد البرنسس
نور..ضربتها على كتفها طب اتكلي على الله يارخمه
عشق..اه يامفتريه انا حمل ايدك دي
زهره.يلا سلام يابنات خلي بالكم من نفسكم
عشق..باي ياتيمو
تمارا..رفعت حاجبها
عشق...باي يانونتي
نور..نور بصت لتمارا
تمارا..وهي بتشاور بايدها باستغراب ناحيه خروج عشق
البت دي مش مريحاني
نور..ولا مريحاني انا كمان
تمارا..بتهزر وتضحك ومودها حلو وتيمو ونونتي لا انا كده ابتديت اتوغوش
نور...بضحك انا اتوغوشت خلاص
تمارا..عموما مش ههدى غير لما اعرف سبب التغيير ده
كملت نور لبسها وبعد حوالي ربع ساعه من نزول عشق وزهره اتصل نوح بنور
نور..الو
نوح...اوعي تقولي انك لسه مجهزتيش
نور.لا انا لابسه ومستنياك
نوح..طب يلا انا تحت
نور.انا نازله حالا
نوح..مستنيكي
قفلت..نور كانت تمارا واقفه عالباب رافعه حاجبها وحاطه ايدها في وسطها
نور..ايه ده انتي واقفه من امته
تمارا.من ساعة الفراشات ماملت الاوضه ياحيلتها
نور..وشها احمر بطلي رخامه بقى
تمارا.طب خلاص انتي هتحمريلي بقولك ايه يانور
نور.ايه
تمارا..بحب اتبسطي وحبي وعيشي ومتضيعيش لحظه واحده من غير ما تكوني فيها سعيده
نور..بحبك اوي
تمارا..وانا بحبك المهم تخلي بالك من نفسك ومش عايزين مياعه اتقلي كده
نور..يعني ازاي
تمارا..لا ازاي ايه اخلصي الراجل واقف تحت بعدين نبقي نتكلم ونرغي مع بعض براحتنا
نور..وهي بتجري حوالين نفسها يالهوي ده انا نسيته هنتكلم بعدين يلا باي.
تمارا..انتي يامسطوله استني
نور..ايه تاني
تمارا..الظرف اللي فيه الفلوس يامتخلفه هتروحي من غيره
نور..خبطت على راسها اخ نسيته
تمارا..بسخريه اللي واخد عقلك يانونتي
نور..بغضب رخمه
تمارا..خلي بالك من نفسك
نور..حاضر وانتي كمان هرجع قبل ما تنزلي اكيد
تمارا..ماشي
نزلت نور لقت نوح اعد جوه عربيته بيشرب سيجاره اول ما لمحها نزل وقرب منها
نور..اسفه اني وقفتك واسفه انك صحيت بدري بسببي
نوح..بابتسامه هاديه ايه كميه الاسف دي انا موقفتش كتير على فكرة وبعدين انا متعود اصحي بدري ياستي عشان شغلي
نور..طب ايه يلا
نوح..يلا
اتحركو بالعربية وبعد مدة قصيرة وصلو البنك
نور..ايه الناس دي كلها هو ليه زحمه كده
نوح..عادي بقى متقلقيش يلا تعالي ورايا وهنخلص على طول
ابتدا نوح يتعامل وهي ماشيه وراه ولا عارفه حاجه
نوح..احنا كده خلصنا كل حاجه تخص اعلان الوراثه فاضل بس نفتح حساب ليكي رقمك قرب خلاص تعالي اعدي هنا لحد ما اخرج اشرب سيجاره واجيلك
نور..لاانا مش هعد
نوح..في ايه
نور..انا هاجي معاك مش هاعد لوحدي
نوح..بابتسامه هما هياكلوكي طب تعالي يلا
خرجوا مع بعض
وقف سند على عربيته يشرب سيجاره
رن تليقون نوح
نوح..صحيت
ادم..اه لسه صاحي انت فين
نوح..انا مع نور
ادم..وهو رافع حواجبه ليه
نوح..مفيش فالبنك بنخلص اجراءات كده
ادم..لا والله انت والواد جاسر مش عارف ليه مش مطمنلكم
نوح..ليه بس
ادم..المهم راجع امته
نوح..لسه معرفش في حاجه ولا ايه
ادم..لا مفيش بشوفك صحيت ملقتكش وليل نايم قولت اشوفك فين
نوح..ماشي عموما اما اخلص هكلمك
ادم..انت رايح انهرده مع جاسر الميتنج
نوح..لا متفقناش مش المفروض انك معاه انهرده
ادم..والله ما عارف عموما هكلمه لو محتاجني هروح معاه
نوح..خلاص شوفه كده
ادم..تمام بقولك ايه
نوح..هاا
ادم..خلي بالك منها ها
نوح..بضحكه جميله مابلاش انا ده انا برخم عالشعب كله هتيجي انت وترخم عليا
ادم..لا خلاص ياعم انت حبيبي
نوح..ماشي ياطيب يا امير
ادم..سلام
نوح..سلام
اثناء مكالمه نوح مع ادم كانت نور..بصاله وسرحانه في ملامحه ضحكته كلامه مكنتش مصدقه انها رجعت تشوفه زي الاول
نوح..نووور
نور..هااا ايه
نوح...هو ايه اللي ايه مالك واقفه سرحانه كده ليا بتشبهي عليا ولا ايه بنادي عليكي ومش بتردي
نور وشها احمر من الاحراج لا بس سرحت
نوح...طب يلا ندخل
نور..حاضر
دخلو تاني وخلصو كل حاجة
نور..كده خلاص
نوح..اه ياستي كده كله تمام يلا
نور..بحزن يلا
خرجو من البنك وراحو عالعربيه دورها وطلع
نوح..مبروك
نور..شكرا يانوح
نوح..مالك مبوزه ليه
نور..لا مفيش
نوح..ماالك
نور..والله مفيش بس بقيت افرح لما اطلع من البيت وانا الوقت خلصت بسرعه وراجعه
نوح..طيب تحبي تروحي اي مكان
نور..ابتسمت بفرحه ورجعت افتكرت كلام تمارا اتقلي عليه لا لا
نوح..ليه نروح مكان نأعد في شويه وهروحك عالاقل تغيري جو
نور..مش عايزه اعطلك
نوح..تعطليني على ايه انا مش ورايا حاجه انتي ناسيه اني اجازه وبعدين انتهزي الفرصه اخر يوم انهرده بكره شغل والفرصه هتضيع
نور..نطقت بسرعه من غير ماتعمل حساب جملتها يعني مش هشوفك تاني
نوح..بابتسامه جذابه انتي عايزه تشوفيني تاني
نور..حست بالجمله اللي نطقتها انا مش قصدي انا وابتدت ترتبك
نوح..حس انها اتحرجت ايه قولتي ايه ناعد في مكان شويه
نور..طيب بس هو يعني ممكن منروحش كافيه
نوح..ياستي شاوري عالمكان اللي تحبي تروحيه وانا اوديهولك
نور..انا مش عايزه اعد في مكان انا عايزه اروح اقف عند النيل
نوح..يااه النيل مره واحده ايه الطلب الصعب ده
نور..انت بتتريق
نوح..بابتسامه لا خالص مشي نوح ووصل مكان عالنيل
نور..هو انا مش قولتلك منروحش مكان
نوح..انتي مش عايزه النيل اديني جبتك ادامه بس بدل ما نقف فالشارع ناعد يلا انزلي
نزلو ودخلو المكان كانت نور ماشيه براحه ونوح سابقها
وقف ورجعلها خطوتين وبدون اي مقدمات مسك ايدها ومشي بيها ورا الويتر
نور..اتصدمت حست ان قلبها هيقف مش مصدقه نفسها هي معاه في مكان واحد وماسك ايدها
نوح..شدلها كرسي اتفضلي
اعدت من غير ماتنطق
ابتدا نوح يتكلم معاها ويفتكرو ايام زمان وحاول انه يغير مودها شويه
اما عند تمارا.كانت خلصت تنضيف الشقه والاكل راحت تشوف هتلبس ايه عشان تبتدي تجهز
رن موبايلها كانت سمعاه بس مش لقياه فضلت تدور مش لقياه فصل ورجع رن تاني وهي لسه بتدور وعلى ما وصلتله كان قفل للمره التانيه
تمارا..لقته جاسر ولسه هتتصل بيه اتصل بيها تاني
تمارا..حطت ايدها على قلبها اهدي اهدي وخدت نفس الو
جاسر..وباين على صوته الغضب من ساعة ما سابها امبارح مبترديش ليه الموبايل فصل مرتين
تمارا..مكنتش لا قيه الموبايل
جاسر..ماشي ياتمارا الساعه الوقت 4 انا ساعه واكون عندك عشان اول ميتنج الساعه6
تمارا..ردت باختصار تمام
جاسر.مضايق من تقفيلها من الكلام كان جواه حاجه عيزاها تكمل كلام لكن هي مدتلوش فرصه
جاسر..اوك
تمارا..سلام
جاسر. بغضب سلام
قفل جاسر وهو بيغلي فضل يكلم نفسه وهو متعصب جدا انا فيا ايه اشمعنى هي اللي عامل كده عشانها ده انا على اد حبي لهايدي بس اليومين اللي هي غابت فيهم مش مأثريين فيا كده اشمعني هي
نور..بجد شكرا يانوح الاعده دي انا كنت محتجاها بجد
نوح..على ايه يانور انتي نسيتي اننا صحاب من زمان ولا ايه
نور..لا منستش طبعا
نوح..خلاص ياستي نرجع زي الاول لو معندكيش مانع واي وقت تكوني مخنوقه كلميني بس وانا اجي اخرجك وانسيكي الدنيا اتفقنا
نور.بابتسامه طفوليه اتفقنا
قام نوح بعد ما طلب الحساب ودفع وبتلقائيه مد ايده لنور مسكت ايده وكأنها مغيبه وصلو العربيه وانطلق نوح عشان يرجعها
عدى وقت واتصل جاسر على تمارا
ردت تمارا وهي متعمده تستفزه ايوه يامستر جاسر
جاسر..بغضب انا تحت
تمارا..ثواني وابقى ادام حضرتك
جاسر كان بيطلع شرار من عينه
نزلت تمارا لقته راكب العربيه ووشه ميبشرش بخير.
ركبت العربيه ازيك يامستر جاسر
بصلها جاسر وهو مكشر تمام
دور العربيه وطلع ووصل فالمعاد وابتدا اول ميتنج وخلص الساعه 7 اتحركو على طول على معاد الميتنج بتاع هادي والاتنين طول الوقت ساكتين
وصلو المكان
جاسر مش طايق نفسه بيحاول يبان طبيعي سلم على هادي
وهادي سلم على تمارا من بعيد بعد احراج جاسر ليه
ابتدو يتكلمو فالشغل وابتدو يمضو الورق اللي بينهم
هادي..كان طول الوقت بيبص لتمارا
تمارا كانت بتبعد عينها وهي قلقانه من جاسر اللي أعد جمبها يهز رجله بطريقه سريعه تعبيرا عن غضبه
فاللحظه دي وصل ادم
مساء الخير اسف عالتأخير الطريق صعب جدا
هادي وهو بيسلم عليه اهلا ادم باشا ولا يهمك فعلا الطريق وحش جدا
ادم...اعد وابتدو يتكلموا فالشغل
وبعد وقت خلصوا
جاسر..كده نقدر نقول مبروك علينا
هادي..الله يبارك فيك بس لسه هتعاين المكان
جاسر..ده متوقف عليك بقي والله انا جاهز ان شاء الله من بكره بس انت بتقول مسافر
هادي..اهو هو ده اللي كنت عايز اقولهولك انا سفري اتأجل اسبوعين عشان في شغل للاسف مخلصش ومينفعش اسافر من غير ما اخلص اللي ورايا هنا لان الشغل هناك بيترتب علي تخليص الشغل هنا الاول فا مش هينفع اسافر غير لما اخلص اللي ورايا عشان كده كنت عايز اعرف لو ينفع نخلص باقي الاجراءات وانت سهلتها عليا ياباشا وشكلك جاهز شوف تحب تسافر امته انا فاضي من انهرده
جاسر..تمام بكره معنديش مانع اهو نخلص الاجراءات بتاعت المشروع مره واحده
هادي..تمام يبقي مبدأيا احنا متفقين انا كام ساعه كده وهسافر وهكون في استقبالك هناك ادم باشا هيكون معاك
ادم..لا للاسف أنا عندي شغل كتير
هادي..طيب انسه تمارا
جاسر..هو ليه الاسئله دي
هادي..ابدا عشان اجهز الغرف اللي هتنزلو فيها فالفندق وكل حاجه تبقى جاهزه لاستقبالكم
جاسر..تمام عموما انا وانسه تمارا بس اللي هنيجي
تمارا..بصدمه ايوه حضرتك بس
جاسر بصلها بعينه نظره سكتتها
هادي..ايه يا انسه تمارا مش عايزه تغيري جو ولا ايه وبعدين متقلقيش مرسي علم هتعجبك اوي.
تمارا..لايا افندم مش كده بس
جاسر قاطع كلامها خلاص يا هادي باشا بكره هنكون هناك بليل
هادي...وهو كذلك استأذن انا بقى
سلم عليهم ومشي
جاسر..ادم عندك مشكله تكمل الميتنج اللي جاي بدالي
ادم..اشمعني
جاسر..مفيش بقالي كذا ساعه وعندي مشوار مهم وعشان الحق احجز للسفر بكره وابلغ ليل
ادم..تمام امشي انت وانا هكمل
جاسر يلا ياتمارا
تمارا..مش هكمل الميتنج مع مستر ادم
جاسر..بصلها بغضب لا يلا عشان اوصلك
تمارا..بصت لادم بقلة حيلة
ادم هزلها دماغه بتفهم
لمت ورقها وراحت ورا جاسر من سكات
وقبل ما يركبو العربيه جاله تليفون
جاسر..الو
هايدي..وحشتني رغم اني زعلانه منك
جاسر بخنقه بس حب يضايق تمارا ومكنش فاهم ليه اتصرف كده
لسه فاكرة
هايدي..كمان انت اللي زعلان
جاسر..وانتي شايفه المفروض مزعلش
هايدي..طيب مش هينفع نتكلم فالموبايل انت فين
جاسر..انا لسه مخلص ميتنج وكنت رايح مشوار عشان مسافر بكره شغل
هايدي..طب تعالي عدي عليا عشان عايزه اشوفك وحشتني
جاسر..وانتي كمان
تمارا حست بوجع
هايدي..خلاص هستناك
جاسر..ساعه بالكتير واكون عندك
هايدي..اوك باي قفلت هايدي لكن جاسر كمل المكالمه مع نفسه ماشي ياروحي وانا كمان بحبك
باي ياقلبي قفل الموبايل
ورفع وشه لتمارا عشان يعرف من ملامحها اذا كانت بتبادله نفس الشعور اللي هو حاسس بيه ولا لا
جاسر..يلا
تعليقات
إرسال تعليق