 |
دار الايتام
البارت الثالث عشر...
تمارا..يلا
جاسركان مستني منها اي تعليق لكن كانت باصة من الشباك ولا كأن في حاجة لكن اللي كان جواها عكس اللي بتظهره كانت شايفة ان اللي هي حاسه بيه غريب لكن شعورها بالغيره والوجع كان اكبر من انها تفكر في حاجه تانيه
جاسر..مرة واحدة زود السرعه اوي عشان تمارا تتكلم او تديله اي رد فعل
تمارا..ممكن تهدي السرعة شوية
جاسر..كمل من غير ما يدي كلامها اي أهمية
تمارا..ممكن تسوق براحة
جاسر..معلش اصلي مستعجل ورايا مشوار وحجز للسفر بكره وبعدين رايح لهايدي
تمارا..تمام ممكن تنزلني أدام مستعجل اوي كده بدل ماتسوق بسرعة عشان توصلني وتخلص
جاسر..على اساس لو نزلتك هتعرفي تروحي
تمارا..وليه مش هعرف انا صغيره من فضلك يامستر جاسر ياتهدي السرعة شوية ياتنزلني
وقف جاسر العربيه مرة واحدة
جاسر..هو انتي مش بتفهمي زينا.
تمارا..نعم
جاسر..كام مرة قولتلك اسمي جاسر احنا مش فالشغل
تمارا..هو انت ليه بتتعامل معايا كده
جاسر..كده اللي هو ازاي
تمارا..معرفش بس يعني بقالك كام يوم من ساعة ماروحنا المستشفي لبابا وانت بتتعامل معايا بعصبية مع اني مش شايفة أني عملت حاجة تضايقك
جاسر معرفش يرد عليها يقولها ايه
تمارا..يعني انا قولت ممكن تكون مضايق عشان كنت السبب في زعل بينك وبين خطيبتك لكن حتى بعد المشكله كنت بتتعامل كويس مش فاهمة في ايه لو حضرتك شايف اني عملت حاجة ضايقتك قول انت حتى اضايقت امبارح لما مستر هادي شكر فيا وانهرده بتتكلم في موضوع السفر لغيت وجودي في اني ارد وقررت ترد بدالي
جاسر..وايه اعتراض حضرتك
تمارا..أعتراضي اني مش هقدر اسافر
جاسر..ليه ان شاء الله
تمارا..اولا لاني مش واخدة ابعد عن اخواتي ثانيا عمري مانمت بره لوحدي
جاسر..لا والله ما ناخد اخواتك عشان تكوني مطمنة واهو بالمره تتفسحو
تمارا..ملوش لزوم التريقه
جاسر..اصلي صراحة مش لاقي سبب ده شغل ياتمارا ولا انتي مش عارفة ان الشغل مفيهوش اعذار وبعدين مين قال انك هتبقي لوحدك انا هبقى معاكي
تمارا..ايوة بس انا عمري ما ركبت طيارة وبصراحة بقي انا بخاف من اي حاجة عالية
ابتسم جاسر اخيرا بتخافي يعني انتي عاملة كل ده عشان بتخافي
تمارا..برجاء لو سمحت ياجاسر بلاش اسافر
جاسر..ولاول مره يسمع اسمه منها من غير حضرتك او مستر يا ايه؟
حست تمارا باحراج ابتسمت وودت وشها بعيد عن عينه
جاسر..ابتسم تصحي الصبح تحضري شنطتك واعملي حسابك هنسافر بليل مش الصبح هحجز الطياره بعد ما اوصلك و هكلمك ابلغك بالمعاد مفهوم
تمارا..بس انا بجد بخاف
جاسر..مفهوم
تمارا..بقلة حيلة حاضر
دور العربيه وطلع وهو مبتسم
وصل جاسر تحت البيت حمدلله عالسلامه
تمارا..بحزن عشان عارفة انه رايح لهايدي الله يسلمك
وقبل ما تفتح الباب
جاسر..تمارا
تمارا..ايوة
جاسر..انا اسف
تمارا..على ايه
جاسر..لو ضايقتك او اتعصبت عليكي اليومين اللي فاتو
تمارا..مفيش حاجة خلاص
جاسر..اكيد
تمارا..بابتسامة بسيطة اكيد
جاسر..هكلمك ابلغك بمعاد السفر
تمارا..تمام
جاسر..يلا اطلعي
تمارا..باي
جاسر..باي
طلعت تمارا ادام عيون جاسر ومشي بعدها بالعربية
طلعت تمارا فتحت
عشق..اهلا
تمارا.بابتسامة اهلا بيكي يا قلبي
نور..وحشتيني
تمارا..وهي بتاعد بتعب وانتي كمان ياقلبي
زهره..مالك يا تيمو
تمارا..هلكانة خالص
زهره..احضرلك الاكل ولا كلتي
تمارا..انا جعانه انتو كلتو
زهره..اه كلنا أستني هحضرلك العشا وانتي قومي يلا غيري
تمارا..استني عشان عيزاكو
عشق..خير في ايه
نور..في ايه قلقتيني
تمارا..انا مسافرة بكرة مع مستر جاسر في شغل
عشق..ايه ده بجد
تمارا..اه والله
زهره..رايحه فين
تمارا..مرسي علم. هنخلص اتفاقيه شغل بتاعة منتجع سياحي
نور..ايه ده الله انا نفسي اروحها اوي
عشق..بقلق بس ازاي هتسافري وبعدين انتي مالك ومال السفر
تمارا..ماهو انا سكرتيرته الخاصه ولازم اكون معاه
عشق..ايوة بس انتي اول مره تباتي بره وانا مش متعودة ابعد عن حد فيكو
تمارا..والله وانا كمان بس مقدرش ارفض وبعدين انا اصلا مش عايزة اسافر احنا هنروح طيران وانا بخاف من اي حاجة عالية
نور..حد يطول يركب طياره
تمارا..انا عندي فوبيا من المرتفعات
عشق..هتأعدي اد أيه
تمارا..تقريبا اربع ايام خمسه معرفش
عشق..بحزن كل ده
زهره..طيب هتسافري امته
تمارا..بكره بس مش عارفة أمته بالظبط مستر جاسر هيحجز الوقت ويبلغني
عشق..هتوحشيني
تمارا..انتو كلكو هتوحشوني بقولكم ايه ما تيجو تحضرو معايا الشنطة
زهره..طيب كلي الاول
تمارا..هقوم اخد شاور الاول
زهره.. قومي لحد ما احضرلك العشا
تمارا..طيب
رن تليفون عشق
نور..عشق موبايلك ده اللي بيرن فالاوضه
عشق..اه استني اقوم اشوفه راحت عشق على موبايلها وتنحت اول ما شافت الاسم وقلبها بقى يدق بسرعة
عشق..الو
ليل..ازيك ياعشق
عشق..الحمد لله
ليل..اسف لو اتصلت فالوقت ده يارب مكنش قلقتك
عشق..لا ابدا انا صاحية في حاجة
ليل..عشق تعبانه شوية
عشق..تعبانه ازاي
ليل...يعني من تاني يوم ولادتها وهي اكلها بسيط والوقت مش بتاكل من مهره خالص وانا مش عارف اعمل ايه وبعدين الاول كانت بتقف وتتحرك الوقت طول الوقت اعده عالارض جمب مهره ومش بتقوم خالص خايف يكون فيها حاجة وانا مش عارف وقلقان يجرالها حاجة
عشق..طيب هي مهره مش بتوافق انها ترضعها يعني لما عشق بتقرب من مهره بتبعد أصل ديما الفرسه لما بتولد بتبقى تعبانة ومجهده مش قادرة ترضع البيبي بتاعها وكل ما يقرب منها عشان يرضع بتبعده عنها وطبعا لما البيبي بيحس كل مره بالرفض بينفر منها وممكن يصاب باكتئاب زيه زي البني ادم وده خطر لانه لا قدر الله ممكن يجراله حاجة
ليل..لا لا بالعكس انا براقبهم من بعيد عشق بتروح عشان ترضع ومهره وبتقفلها عادي بس عشق مبتلحقش تقف ثانيتين تلاته وتسيب مهره وتروح تأعد
عشق..كده يبقى لسه الغدد اللبنيه ما اشتغلتش كويس عند مهره وعشق مش بتلاقي لبن بس كده غلط لازم يكون في عامل مساعد لعشق
ليل..يعني ايه عامل مساعد
عشق..يعني لو اللي بقوله ده صح وعشق مش تعبانه يبقى لازم انت تأكلها
ليل..نعم أكلها ازاي
عشق..يعني ترضعها ببرونه لحد ما مهره تبقي احسن والغدد اللبنيه تفرز اللبن بشكل طبيعي
ليل..طيب انا قلقان يكون فيها حاجة غير كده
عشق..فالحالة دي لازم دكتور يشوفها فورا..هي بقالها اد ايه مش بتاكل
ليل..انهرده اليوم التاني
عشق..كده كتير دي محتاجه تاكل كويس عشان تقدر تقف
ليل..ايوة بردو انا مش عارف المفروض اعمل ايه
عشق..حست انه هو مش قادر يتصرف طيب انا ممكن اساعدك بس مش عارفه امته وازاي
ليل..ازاي
عشق..يعني لو تحب اني اجي اشوفها
ليل..طبعا ياريت تبقي فعلا ساعدتيني طيب امته
عشق..بصراحه مش عارفه
ليل..يعني ايه
عشق..انا بنزل الصبح الشغل الساعه 8وبرجع البيت الساعه 10وسعات 11فامش عارفة ممكن اجي امته او حل تاني اني اجي يوم الجمعه يوم اجازتي بس المشكلة ان انهرده التلات يعني فاضل يومين
ليل..صعب طيب يعني هو في حل لو توافقي عليه يبقى ياريت
عشق...ايه هو
ليل..لو بكره بعد الشغل اعدي عليكي اخدك ونروح سوا وهرجعك تاني
عشق..تمام معنديش مشكله وممكن استأذن ساعه بدري عشان بردو متأخرش
ليل..تمام انا مش هأخرك متقلقيش
عشق..تمام يامستر ليل
ليل..بردو
عشق..بابتسامه تمام يا ليل
ليل..بابتسامه شكرا ياعشق
عشق..العفو على ايه
ليل..اسيبك بقى عشان لو هتنامي
عشق..تصبح على خير
ليل..وانتي من اهل الخير
قفلت..عشق وعلى وشها ابتسامه جميله
جاسر..وصل المكان اللي فيه هايدي
هايدي اول ما شافته جريت عليه حضنته وحشتني اوي
جاسر..بجمود على غير العاده وانتي كمان
هايدي..هونت عليك متسألش كل ده فيا
جاسر..والله انتي اللي مزعلاني وانتي مفروض تعتذري مش انا ولا انتي اتعودتي ان انا اللي اصالحك
هايدي..لا بس اول مره احس اني مش فارقه معاك
جاسر..مين قال كده لو مش فارقه معايا مكنتش جتلك
هايدي..بفرحة بجد يعني بتحبني
جاسر..ايوه بحبك ومقدرش استغني عنك بس ياريت متزعلنيش تاني وتتصرفي صح بعد كده
هايدي..حاضر اوعدك ياحبيبي قولي بقى مسافر فين
جاسر..مرسي علم كام يوم كده وارجع
هايدي..انت مسافر لوحدك ولا ادم جاي معاك
جاسر..لا ادم مش جاي عنده شغل هنا مفيش غير تمارا بس اللي جايه معايا
هايدي..اتحولت ملامح وشها نعم ودي ايه اللي مسفرها معاك
جاسر..حبيبتي احنا لسه كنا بنقول ايه تمارا السكرتيره بتاعتي ووجودها معايا ضروري احنا مش رايحين نلعب
هايدي..ممكن اعرف ايه حكايه البت دي وازاي اشتغلت معاك
جاسر..والله صدفه تمارا طلعت قريبه حاج محمد الله يرحمه وطلب شغل ليها وانا قولتله اني محتاج سكرتيره وتاني يوم جابها واتفجأت انها هي دي كل الحكاية
هايدي..ماشي ياجاسر بس اياك تتكلم معاها كل اللي بينك وبينها شغل وبس
جاسر..ياحبيبي ماهو فعلا كل اللي بينا شغل وبس بقولك ايه انا لازم اقوم بقى
هايدي..ايه ده ليه
عشان الصبح عندي شغل بدري احنا قافلين الشركه بقالنا 3ايام حداد على حاج محمد ولازم اروح اخلص شغل قبل مااسافر بالليل
هايدي..انا مش فاهمه ليل ابن عمك ده بيفكر ازاي يقفل شركه 3ايام عشان حتت موظف
جاسر..اولا احنا شغلنا ماشي زي ماهو وباقي المجموعه شغاله مفيش غير الفرع اللي كان شغال فيه عم محمد اللي قفل ثانيا وده الاهم عم محمد مش اي حد بالنسبالنا ياهايدي
هايدي..ماشي خلينا فالمهم انت طيارتك امته
جاسر..على11بس هنتحرك 9كده
هايدي..تمام ياروحي يعني مش هشوفك قبل ما تمشي
جاسر..بتهيألي صعب انا اصلا همشي من الشركة عالمطار مش هروح
هايدي..خلاص انا هاجي اشوفك قبل ما تمشي
جاسر..بلاش ليل من اخر مره لا طايقك ولا طايقني
هايدي..ياسيدي متقلقش هعدي عليه اعتذرله بنفسي
جاسر..وهو رافع حواجبه ده ايه التغير ده هايدي هانم تعتذر
هايدي..بص اصل بصراحة الموقف مكانش حلو والموظفين سمعوا فا عشان كده هعتذرله
جاسر..ربنا يخليكي ليا ياروحي
هايدي..ويخليك ليا ياقلبي صحيح قبل ما تمشي كنت عايزه اطلب منك حاجه كده
جاسر..ايه ياقلبي فلوس طبعا
هايدي..بموت فيك ديما عارف انا عايزه ايه من غير ما اطلب
جاسر..ماشي ياستي بكره الصبح هحولك عالڤيزا بتاعتك
هايدي..وهي بتلف ايدها على رقبته بموت فيك
جاسر..وانا كمان يلا انا همشي عشان الحق انام شويه
هايدي..اوك باي ياروحي
مشي جاسر وقامت هايدي من التربيزه وراحت على تربيزه صحبتها
رحاب..ايه اتصالحتو
هايدي..طبعا ياماما انا هايدي
رحاب..ناويه على ايه
هايدي..بضحكه كلها شر كل خير
أما عند البنات حضرو الشنطة مع تمارا
ودخلوا يناموا نامت تمارا على السرير وفضلت باصة للسقف وسرحانه ماسكه الموبايل في ايدها مستنيه جاسر يكلمها وايدها التانيه بتلعب في شعرها والنوم خلاص بيسيطر على عينها وكل ما تحس انها هتنام ترجع تفتح عينها
أخيرا اتصل جاسر قفلت الصوت عشان ميصحوش وخرجت من الاوضه راحت تتكلم فالصاله
تمارا..بصوت واضح عليه النوم الو
جاسر..اسف لو صحيتك
تمارا..لا ابدا انا لسه منمتش كنت مستنياك تكلمني بنام واقوم
جاسر..معلش سامحيني لو سهرتك بس مقدرتش اروح احجز بنفسي خليت حد من الشركه حجز وانا روحت لهايدي ولسه عارف المعاد خلصت مع هايدي وقولت اعرفك
تمارا..ولا يهمك المهم المعاد امته
جاسر..علي11بس هنتحرك 9
تمارا..ان شاء الله هكون جاهزة
جاسر..ايوة بس في حاجه انا محتاجك بكره..معايا فالشركه
تمارا..تمام معنديش مشكله الصبح هكون عند حضرتك
جاسر..خد نفس بقلة حيلة تمارا ممكن بعد اذنك بلاش حضرتك دي بجد
تمارا..حاضر المهم انا هاجي البيت قبل معاد السفر
جاسر..اه ان شاء الله نخلص اللي ورانا وهخليكي تروحي تجهزي نفسك وانا هخلص شغل و اعدي عليكي
تمارا..هو انت مش هتروح عشان ترتاح قبل السفر
جاسر..للاسف مش هينفع في شغل كتير متعطل لازم يخلص قبل ما اسافر
تمارا بس كده هيبقى تعب عليك
جاسر..اعمل ايه طيب هبقى ارتاح فالطيارة
تمارا..بسخريه طيارة وترتاح هتقدر
جاسر..بابتسامه اه ياخوافه انا بحب الطيران بقى وبعرف ارتاح فيه
تمارا..ربنا يستر
جاسر..قولتلك متخافيش انتي مع جاسر السيوفي
تمارا..اه ولما الطيارة تقع هتعملي براشوت ياجاسر ياسيوفي
ضحك جاسر على طولة لسانها لسانك ده عايز يتقص
تمارا..ضحكت انا انا حتى طيبة
جاسر..مانا عارف يلا انا وصلت اقفلي بقى وروحي نامي هشوفك الصبح
تمارا..ماشي تصبح على خير
جاسر..تمارا
تمارا..نعم
جاسر..على فكرة صوتك حلو وانتي عايزة تنامي
تمارا..برقت واتحرجت
جاسر..انا مش بعاكس على فكره بس بجد صوتك حلو
تمارا وشها جاب الوان وارتبكت احمم تصبح على خير
جاسر ضحك وانتي من اهل الخير
قفلت تمارا وهي جواها شعورين شعور مخليها طايره فالسما وشعور مخليها مضايقه انه رجع كلم هايدي قررت تدخل تنام ومتفكرش
طلع الصبح على ابطالنا
كل واحد فيهم راح على شغله وراحت نور على جامعتها بعد ما اتفقت مع زهره انها هتخلص شغل بسرعه وتروحلها عالجامعة
وصلت تمارا الشغل ودخلت عند جاسر
تمارا..صباح الخير
جاسر..بابتسامة جذابة صباح النور متأخرة ليه
تمارا..باين على ملامحها الحزن اسفة يامستر جاسر اول مرة اجي لوحدي الشركه من يوم ما اشتغلت الطريق كان زحمه وبصراحه بابا كان بياخدني ويجبني مكنتش ببقى مركزه اوي باجي معاه وخلاص فاخدت وقت انهرده
جاسر...الله يرحمه عموما ولا يهمك تعالي خدي الفايل ده ظبطي اللي فيه عاللاب وبعد ماتخلصي ارجعيلي خدي الورق اللي معايا هقولك تعملي في ايه بس الاول هخلصه انا
تمارا..تمام محتاج مني حاجه
جاسر..ميرسي يا تمارا
خرجت..تمارا تشوف شغلها
اما عند نور طلعت تحضر المحاضره بتاعتها واثناء ما هي في المحاضره جالها اتصال من نوح
معرفتش ترد عليه وكنسلت بعد مدة بسيطة خلصت المحاضرة وخرجت عشان تكلمه
نور..الو
نوح..صباح الفل
نور.بأبتسامه صباح النور
نوح..بتكنسلي ليه
نور..ابدا مكنتش عارفة ارد كنت فالمحاضرة
نوح..انتي نزلتي الجامعة انهرده
نور..اه البنات نزولو الصبح على شغلهم وانا خوفت اعد لوحدي فنزلت الجامعة وزهره هتعدي عليا بعد شوية
نوح..بابتسامة خوفتي بزمتك انتي متأكده انك كبرتي
نور..لا انا مش بخاف بس صراحة من ساعة ما بابا اتوفى وانا بخاف من البيت
نوح..الله يرحمه هي زهره جيالك ليه
نور..انت ناسي انها بتدرس ولا ايه جايه تحضر محاضرة مهمه وتجيب ورق ليها ولتمارا
نوح..طيب هتخلصي امته
نور..يعني على سبعه كده
نوح..طيب ممكن اعدي عليكي
نور..بفرحه بجد اقصد يعني ليه؟
نوح..مش عيزاني اعدي عليكي
نور..لا مش قصدي طبعا بس اقصد هتكون قريب يعني مني
نوح..لا انا جايلك مخصوص
نور..بتركيز مخصوص ليه
نوح..من غير ليه مش قولنا هنرجع صحاب زي الاول واني هرجع اقرفك تاني ولامش عايزة
نور..طبعا عايزة
نوح..خلاص هعدي عليكي واول ما اوصل هكلمك
نور..ماشي هستناك
نوح..يلا بقى اقفلي بلاش رخامة عطلتيني
نور..انا ماشي يانوح لما اشوفك
نوح..بابتسامة خلي بالك من نفسك
نور..حاضر باي
نوح..باي
عشق..كانت بتخلص شغلها بسرعه عشان تقدر تستأذن بدري وتروح مع ليل
زهره..خلصت شغلها واستأذنت وراحت لنور
عدى الوقت بسرعه على الجميع
تمارا..كانت بتحاول تخلص الورق التاني بسرعه عشان تمشي وتجهز للسفر
وصلت هايدي الشركة وطلبت تقابل ليل
بلغت السكرتيرة ليل ودخلت هايدي بابتسامة لاكن جواها خوف من ليل
هايدي..مساء الخير يا ليل
ليل..بجمود اهلا يا هايدي اتفضلي
هايدي..اسفه لو جيت من غير معاد بس كان لازم اجيلك عشان عارفه انك مضايق مني عشان اللي حصل فجيت عشان اعتذر
ليل..اتمنى اللي حصل ده ميتكررش تاني
هايدي..اوعدك بس لازم تعرف انه كان غصب عني وبعدين مكنتش عارفه انها من طرف حد شغال معاكم خصوصا انها صدفة غريبة
ليل..حصل خير المهم تخلي بالك من تصرفك بعد كده انتي عارفى ان اهم حاجه عندي سمعة الشركة
هايدي..حاضر اوعدك ممكن بقى اعدي على جاسر وعشان اشوفه قبل ما يسافر
ليل..طبعا اتفضلي
هايدي..بعد اذنك
خرجت هايدي وهي حاسة بانتصار انها قدرت تخلي ليل يسامحها هايدي لنفسها جه دورك ياست تمارا
خبطت هايدي على مكتب تمارا
تمارا..ادخل
دخلت هايدي وعلى وشها ابتسامه صفرا مساء الخير
تمارا..بصدمه مساء النور
هايدي..جاسر معاه حد
تمارا..لا لوحده لحظه ابلغه ان حضرتك موجودة
هايدي..اوك
تمارا كانت مصدومة ومضايقة
خبطت..تمارا عالباب
جاسر..ادخل
تمارا..مستر جاسر انسه هايدي عايزة تقابل حضرتك
جاسر..هايدي طيب دخليها ياتمارا
تمارا..أتفضلي
هايدي..ميرسي
دخلت هايدي وقفلت وراها وهي بتبتسم لتمارا ابتسامة نصر
اما تمارا..كانت هتشيط من الغضب
هايدي..وحشتني
جاسر..وانتي كمان ياروحي انا قولت مش هتيجي
هايدي..ينفع تسافر من غير ما اشوفك
جاسر..تشربي ايه
هايدي..اي عصير
جاسر..رفع التليفون تمارا من فضلك اطلبيلي قهوتي وعصير برتقال
تمارا..تحت امر حضرتك
عدى وقت بسيط ودخل عامل البوفيه يدخل يحط العصير والقهوة
وفضلت تمارا تخلص شغلها بسرعة بتحاول تهدا وتركز ومتفكرش في هايدي وبعد وقت بسيط خلصت ولمت ورقها وكل حاجتها وقامت عشان تبلغ جاسر وتمشي
اما عند جاسر كان اعد على الكنبه اللي في مكتبه وهايدي كانت اعده جمبه وماسكه ايده
هايدي..على فكره انا عديت على ليل قبل ما اجي
جاسر..قالك حاجة
هايدي..لا خالص كان ذوق جدا واعتذرتله على فكره انا عملت كده عشانك مش عيزاك تكون مضايق من تصرفي
جاسر..ربنا يخليكي ليا
هايدي..سمعت صوت خبط في مكتب تمارا..فتوقعت انها هتيجي او هتخبط انا همشي بقى يا روحي قامت وقفت وقف جاسر ادامها وكان ضهره للباب قربت من جاسر وحطت ايدها على القميص فضلت تمشي ايدها على صدره انت عارف انك هتوحشني اوي
جاسر..بقولك ايه اهدي كده احنا فالشركة
هايدي..بدلع وايه يعني بقولك هتوحشني قربت منه اكتر حطت ايديها الاتنين على رقبته فضلت تبوسه من خده ومن رقبته
جاسر..هايدي هايدي
هايدي..اممم
جاسر..مش هينفع كده
هايدي..هو ايه اللي مش هينفع ولسه هايدي مكمله.
حس جاسر انه استسلم
وفاللحظه دي شافت هايدي خيال تحت الباب بيقرب
خبطت تمارا جاسر مسمعش من كلام هايدي واول ما فتحت تمارا قربت هايدي من شفايف جاسر
تمارا..أتصدمت من المنظر
اول ما هايدي شافتها بعدت بتمثيل انها اتخضت
جاسر اتصدم لما شاف تمارا
تمارا بارتباك اسفه انا انا خبطت عالباب
جاسر..وهو بيقفل زرار القميص بسرعه وبيحاول يظبط نفسه بارتباك تعالي ياتمارا
ابتسمت هايدي ابتسامة نصر
تمارا..حست ان في حاجة واقفه في حلقها مش قادره تبلع ريقها ولا قادرة تتكلم حاسه بوجع ونغزة في قلبها كانت عايزة تمشي بأي طريقة وبتحاول تمنع دموعها بس كملت بثقة وثبات
تمارا..مستر جاسر ده الورق اللي حضرتك ادتهولي خلصته خلاص اقدر امشي عشان اجهز
جاسر..باصصلها بنظرة اسف تمام ياتمارا اتفضلي 9هكون عندك
تمارا..تمام بعد اذنك
لفت ضهرها عشان تمشي
هايدي..انسه تمارا
وقفت تمارا وهي بتغمض عنيها ورجعت بصلتلها افندم
هايدي..اسفة على سوء التفاهم اللي حصل قبل كده اتمنى متكونيش لسه مضايقة
تمارا..وهي بتحاول تسيطر على غضبها مفيش حاجى يا انسه هايدي حصل خير بعد اذنكم
خرجت تمارا وقفلت الباب وراها لمت حاجتها بسرعه وخرجت من المكتب بتحاول تسيطر على دموعها لكن في اخر لحظه مقدرتش وخانتها دموعها ومخدتش بالها من نوح اللي شافها وهي بتعيط
جاسر..لهايدي بعصبية ينفع اللي حصل ده ينفع تخلي منظرنا زي الزفت كده
هايدي..ايه يا حبيبي حصل ايه بس اهدى كده عادي واحد وخطيبته بيبوسو بعض
جاسر...بس مش فالشركة ادام الموظفين يا هايدي وانا حذرتك
هايدي..غريبة بس انت مرفضتش كنت شيفاك مبسوط
جاسر..سكت ومعرفش يرد ماشي يا هايدي حصل خير
هايدي..اوك ياقلبي اشوفك لما ترجع باي
جاسر..بخنقة باي ياهايدي
خرجت هايدي وثواني ودخل نوح
هايدي..هاي يانوح
نوح..هاي ياهايدي جاسر جوه
هايدي..ايوه جوه.
نوح..اوك هشوفه سلام
هايدي سلام..خرجت من المكتب وهي طايرة من السعادة
نوح..باستفهام ايه اللي بيحصل هنا
جاسر..ايه اللي بيحصل
نوح...هايدي جت هنا وليل قال.
قاطعه جاسر وهو باين عليه العصبية... مفيش يانوح هي جت واعتذرت لليل وخلاص الحوار خلص.
نوح...وانت مالك متعصب كده ليه هو حصل حاجة بينها هي وتمارا تاني.
جاسر...لا مفيش
نوح...غريبة.
جاسر...هي ايه دي.
نوح...اصلي من شوية صغيرة لمحت تمارا خارجة من المكتب وبتمشي بسرعة وبتعيط نادتلها بس مسمعتش كأنها مش شايفة ولا سامعة حد فا قولت اجي اشوف حصل ايه لقيت هايدي خارجة من عندك فا توقعت انهم اتخانقو
جاسر..بصدمة بتعيط
نوح..اه والله انت مزعلتهاش
جاسر..انا لا
نوح..امال حصل ايه لا يكون في حاجة
جاسر..انا هبقى اكلمها واعرف منها
نوح..تمام انا ماشي
جاسر..الساعه 5ونص رايح فين
نوح..خلصت شغل وقولت اعدي على نور فالجامعة
جاسر..ليه
نوح..هو ايه اللي ليه من غير ليه
جاسر..ماشي ياعم بس متنساش ان نور ملهاش في صياعتك
نوح..صياعة ايه ياعم انا ونور صحاب من واحنا صغيرين وهي الوقت نفسيا مش حلوة فا قولت اقف جمبها مش اكتر
جاسر..ماشي ياحنين
نوح..ماشي ياعم يلا سلام
جاسر..سلام أعد جاسر بحزن عالكرسي مش عارف يعمل ايه فالموقف ده خصوصا انه اتأكد الوقت بعد ما نوح قاله ان تمارا بتعيط انها بتبادله نفس الشعور اعد يفكر ازاي يصلح الموقف
قابل نوح ادم وهو خارج
نوح..على فين
ادم..خلصت وقولت اروح اجيب حاجات نقصاني انت رايح فين
نوح..انا كمان خلصت ورايح مشوار بقولك ايه ماتيجي معايا
ادم..على فين
نوح..كنت رايح لنور الجامعة
ادم..مش بقولك مش مطمنلك
نوح..بلاش رخامة بقى قولت اي
ادم..طب انت رايح لنور انا اجي وابقى زي العزول ليه
نوح..لا ماهو انت لو جيت مش هتبقى عزول اصل زهره معاها فالجامعة ولو مجتش انت طيرتها من جمبنا هتبقى هي اللي عزول
ادم..بضحك يبقى انا مش هاجي
نوح..طب قدم السبت
ادم..ولا سبت ولا حد عشان تبقي تصيع عليا وتقولي مفيش حاجه
نوح..طب اوعدك لو جيت معايا..هحكيلك كل حاجه يمكن احكيلك حاجات اول مره اقولها
ادم..انت عندك سر ياض ولا ايه
نوح..سر واحد دول اسرار تعالى بقى
ادم.ماشي يا سيدي هاجي معاك يلا بينا
نوح..يلا
أما عند تمارا
وصلت البيت واول ما دخلت انهارت من العياط مر ادام عينها كل شريط حياتها الاسود لحد ما استقر على جاسر
تمارا..ليه كده ياجاسر طب لما انت بتحبها ليه حسستني انك مهتم بيا ليه نظراتك كلها بتبين عكس كده استحاله اكون عشمت نفسي بحاجة مش، موجودة لايمكن الاحساس اللي وصلتهوني يكون وهم بس ليه لا اكيد مش هتسيب واحده ليها اصل وفصل وتبص لمجرد سكرتيرة ملهاش اهل ولا معارف تربية ملجئ
انا اللي غلطت من اول لما عشمت نفسي بحاجة مش ليا لما حاولت اطلع وامسك نجمه فالسما وانا تحت فالارض بس من انهرده لازم كل حاجة تتغير ولازم ابطل تفكير فيك وكملت بانهيار بس انا حبيتك ازاي وليه وامته معرفش بس حبيتك اوي فضلت تعيط كتير وفالاخر قامت خدت شاور يفوقها شويه وخرجت صلت وابتدت تجهز
أما عند نور وزهره
خرجوا هما وصحابها من الجامعه كانو واقفين بره عند المكاتب يشتروا ورق
حاتم..زميل نور ايه في حاجه نقصاكم اجبهالكم
نور..لا خلاص كله تمام
سامر..هاي ياشباب ايه الاخبار
حاتم..اهلا بالباشا بتاعنا
سامر..عامل ايه يا حاتم ومين القمرات دول مش تعرفنا
حاتم..انسه نور وانسه زهره الاتنين قرايب
سامر..اهلا بيكم معلش انا اول مره اشوفكم او بالاصح كده اول مره اشوف حاتم واقف مع حد نضيف وكان مركز مع نور
نور..شكرا يا سامر اتشرفت بمعرفتك
زهره..شكرا ياسامر
فضلو يتكلمو كتير بس نور مكنتش مستظرفاه اوي
سامر..بصوت واطي قرب من نور ممكن يا نور تديني رقمك
نور..ليه
سامر..يعني عشان نبقى صحاب
نور..اسفه ياسامر بس انا مينفعش ادي رقمي لحد معرفهوش
سامر..ما احنا هنتعرف
نور..بس وقبل ما تتكلم
لمحت نوح وادم
نور..شاورت لنوح
نوح قرب منهم مساء الخير وكمل بملامح غاضبه قليلا ايه ده سامر
سامر..الله نوح السيوفي وادم باشا هنا فالجامعة
نور..انتو تعرفو بعض
نوح..ده يبقى
دار الايتام
البارت الرابع عشر...
اخو هايدي خطيبة جاسر ابن عمي
سامر..عاش من شافك يا نوح باشا
نوح..موجود ديما يا سامر ايه اللي جاييك الجامعة اللي اعرفه انك متخرج معايا
سامر.بضحك لا انا كبرت عالكلام ده بس كنت جاي لناس صحابي ولقيت حاتم بالصدفه حاتم بالمناسبه اخو واحد صاحبي
نوح..اهلا بيك
حاتم..نورت
سامر..ادم باشا عامل ايه
ادم..بخير يا سامر
نوح..معلش هنستأذن يلا يانور
نور.يلا
نوح..فرصة سعيدة يا شباب سلام ياسامر خلينا نشوفك
سامر..قريب
ادم..يلا يازهره
زهره..هاا اه يلا
راحو على العربية نوح اركبي
نور..حاضر لما تيجي زهره
نوح..زهره هتركب مع ادم
ادم.يلا هتروح فين
نوح..هنروح ناعد في مكان شويه تمام يانور
نور..طيب تمام زي ما تحبو اصلا عشق رايحه مع ليل تشوف عشق ومهره ومفيش حد فالبيت
نوح.تمام يازهره
زهره..معرفش بس يعني اصل
ادم..مالك في ايه هنأعد شويه مع بعض واهو تغيرو جو شويه
زهره بصت لنور حست انها عايزه تروح..طيب تمام بس منتأخرش
نوح..متقلقيش مش هنأخركم يلا يا ادم خد زهره ونور هتركب معايا
ادم..يلا يازهره
زهره..حاضر
ركبوا ومشيوا بعد فتره بسيطه وصلو مول كبير
اعدو في كافيه مع بعض نوح كان باين عليه ان مزاجه قالب
ادم..بقول ايه انا هقوم انا لف كده وارجع تاني
نوح..رايح فين
ادم..هشوف اللبس اللي كنت عايز اجيبه
نوح باصصله وهو مش طايقه
ادم..كاتم ضحكه زهره تيجي معايا
زهره.وهي باين عليها انها مرتبكة
بصت لنور حاضر
ادم..اتفضلي بص لنوح من غير ما حد من البنات يشوفه وغمزله
نوح بصله وسكت مشي ادم وزهره
نوح..تشربي ايه
نور..مش عايزة
نوح..تشربي ايه
نور..اي حاجه
نده نوح الويتر واحد قهوه مظبوط بص لنور تشربي ايه
نور..نسكافيه
الويتر..تمام بعد اذنكم
نور..نوح انت كويس
نوح..تمام مالي يعني
نور..معرفش بس لما كلمتني الصبح كان صوتك كويس الوقت حاسة ان في حاجة مضيقاك
نوح.وهو بيولع سيجارته وبياخد منها نفس لا انا تمام بس اتقفلت لما شوفت اللي اسمه سامر ده
نور..ليه انت مش بتقول تعرفه
نوح..ايوه بس مبينزليش من زور وعارف ان انا كمان مبنزلوش من زور
نور..ليه ده حتى شكله ظريف يعني
نوح..بغضب نعمم
نور..بخوف مقصدش بس يعني
نوح..مفيش بس الواد ده متقفيش معاه تاني لاي سبب خصوصا ادام شافك معايا هيحاول يكلمك تاني
نور..ليه يعني وليه مضايق منه اوي كده هو عملك حاجه
نوح..مين ده ميقدرش يضايقني طبعا بس هو عيل مش سالك ومش تمام وانا مش بحبه عايز يساوي نفسه بيا بأي طريقه فاكر ان عشان اخته اتخطبت لجاسر يبقي هيوصل لعيلة السيوفي
اسمعي يانور ملاقيكش واقفه مع الواد ده تاني عشان هو مش كويس موراهوش غير انه يوقع البنات وفي بنات هبله بتحب تجري ورا اي حد شيفاه مركز ومن عيله
نور..وانت شايفني كده
نوح..انا بحذرك يانور لكن مقولتش انتي كده انا خايف عليكي مش اكتر واللي ضايقني انه شافني معاكي عشان كده بنبهك لان هو من بعد المره دي هيرجعلك تاني عشان يضايقني فهمتي اي وقت يانور يقرب منك او يتعرضلك ومتقوليليش متلوميش غير نفسك مفهوم
نور..طيب حاضر بس ممكن تهدى شوية انا أصلا معرفهوش اول مره اشوفه انهرده لما جه سلم على حاتم
نوح..وايه حاتم ده كمان اكيد زيه ما بيقولك اخو صاحبه
نور..لا حاتم كويس ومؤدب والله انا اعرفه من ساعة ما دخلت الجامعة ومشوفتش منه حاجة وحشه بيعاملنا على أننا أخواته
نوح..انا معرفش اخواته او مش اخواته سامر لو عايز يوصلك هيوصلك انتي تخلي بالك وخلاص سمعتي واي وقت يتعرضلك تقوليلي وانا هتصرف هو قالك اي حاجه او حاول يطلب رقمك قبل ما اجي
نور.بأرتباك ااااا لا
نوح..نور
نور..بتوتر ايوه طلب رقمي
نوح مسك كف ايدها بغضب ادتيله رقمك
نور بألم اااه لا والله مدتلهوش حاجة قولتله مبديش رقمي لحد سيب ايدي انت بتوجعني
نوح..رقمك مع حاتم
نور..نوح سيب ايدي
نوح..ردي
نور..ايوه معاه بس من زمان والله
نوح..اي رقم غريب هيجيلك وتردي عليه يانور صدقيني متلوميش غير نفسك
نور..نوح ايدي بقولك سيبني
نوح..ساب ايدها
نور..بغضب هو انت بتتكلم معايا كده ليه من ساعة ما شوفت سامر ده ليه مضايق كده وحتى لو عرف يوصل لرقمي اكيد يعني مش هاخد وادي معاه فالكلام ليه بقى اللي انت بتعمله ده
نوح..ومين قال اصلا انك هتردي على رقم غريب
نور..يعني لو زهره ولا عشق ولا تمارا حد فيهم حصل اي ظرف واتصل بيا من رقم غريب ازاي مردش هو اي رقم غريب يبقى هو سامر ده
نوح..بعصبية انت بتجادلي كتير فالكلام ليه ماتقولي حااضر
نور..حاضر يانوح بصت الناحية التانية وهي مضايقة من طريقته اما نوح فافضل باصص عليها وهو بيشرب السيجاره ورجله مش مبطله هز
ادم..طب ايه رأيك في ده
زهره..ايوه ده احلى بكتير من الاول
ادم..اكيد
زهره..والله تحفه
ادم..تمام هاخد ده
زهره..هتجيب حاجة تانية
ادم..زهقتي ولا ايه
زهره..لاخالص بسألك عادي
ادم..على فكره ذوقك حلو اوي
زهره..شكرا
حاسب ادم وخرج هو وزهره
فضلو يتمشو فالمول
زهره.احنا مش هنرجع بقى
ادم ضحك هو انتي ليه ماشيه قلقانة كده انا مش هخطفك على فكرة
زهره..بابتسامه معلش اصل انا خوافه ولخمه شويه وبتوتر ووو
ادم..هي لسه فيها و ايه ده كله ليه كده ياماما الحياه ابسط من كده
زهره..عندك حق بس انا اكتشفت ده متأخر
ادم..اللي هو ايه بقى
زهره..يعني ان الحياه بسيطه الاول كنت حساها معقده كنت خوافه جدا كنت بتوتر من اقل حاجه وممكن اعيط من اقل حاجه ديما كنت بتحامى في تمارا وعشق من غيرهم معرفش اتصرف يعني هما كانو العضلات
ادم..والوقت
زهره..لا الوقت الوضع اختلف كتير يعني اول حاجه اشتغلت والشغل غير حجات كتير فيا خلاني اعرف اتكلم اتعامل شوفت ناس كتير مبقتش اخاف زي الاول بقيت اعرف اجي واروح لوحدي بص باختصار زهره اللي ادامك دي غير زهره الاولى اللي انت مشوفتهاش قبل كده
ادم..طيب بالنسبالك انهي احسن
زهره..زهره الاولى كنت بحبها اوي كنت حساها على سجيتها زهره بتاعت الوقت بتعجبني مش بتخاف بتحاول بتجرب بتتعامل بتقدر تتصرف يعني حاجات كتير
ادم..امال ليه عايزه ترجعي لنور وليه مكنتيش عايزة تيجي معايا وفضلتي تبصي لنور
زهره..لا مش كده بس يمكن احراج يعني انا عمري ما احتكيت بأي راجل وكنت محروجة مش اكتر لكن مخفتش ولا حاجة
ادم..عموما انك تتغيري للاحسن ده شئ كويس جدا خصوصا ان الدنيا مش عاوزه الشخص اللي بيخاف من اقل حاجه مش عايزة الشخص الضعيف الضعف ده حاجة وحشه وللاسف الانسان الضعيف الناس بتركبه خليكي في زهره الجديدة بس بردو متتخليش عن زهره القديمة
زهره..انا بحاول اخلق زهره جديدة بتجمع بين الاتنين وتاخد منهم اللي يخليها تقدر تعيش وسط الناس
ادم..وهو مبتسم براڤو عليكي على فكره انا مبسوط اني اتكلمت معاكي يمكن شوفتك كذا مره بس دي اول مره انا وانتي نتكلم وحقيقي اتبسطت اني اتكلمت معاكي
زهره..وانا كمان يمكن تكون اول مره اعد مع حد غريب اسفه اني بقولك كده بس دي حقيقه عمري ما خرجت مع راجل او اعدت معاه لوحدي دي اول مره في حياتي يمكن عشان كده كنت متوتره
ادم..ولا حتى صحابك فالجامعة
زهره..لا خالص والله العظيم
ادم..بابتسامه مصدقك والله وياستي انا يشرفني اني اكون اول واحد نال شرف الاعده معاكي
اكتفت زهره بالابتسامه ووشها احمر من كلمته
ادم..اتمنى تتكرر تاني ونبقى صحاب
زهره..ده شرف ليا يا ادم واكيد هبقى مبسوطة
ادم..طب ايه يلا نشوف نوح ونور
زهره..يلا
عدي الوقت خلصت عشق شغلها والساعه 9كان ليل تحت العيادة
عشق..الو
ليل..ايوه عشق خلصتي
عشق..ايوه خلصت
ليل..طب يلا انزلي انا تحت العيادة
عشق..ثواني وهكون عندك
دقايق بسيطه ونزلت عشق اول ما لمحها ليل نزل من عربيته راح ناحيتها
ازيك ياعشق
عشق..بأرتباك الحمد لله
ليل..يلا بينا
عشق.. يلا
ركبوا وانطلق ليل عالڤيلا
....
تمارا جهزت وخلصت كل حاجه ولبست ومنتظرة جاسر وعينيها باين عليها آثار الدموع اتصلت بنور وزهره
نور..الو
تمارا..ايه يانور فينكم
نور..احنا لسه مش مشينا ياتيمو انتي فين
تمارا..اناجهزت بس لسه مستنيه جاسر كنت عايزه اشوفكم قبل ما اسافر جزم
نور..حقك علينا والله احنا كمان كنا عايزين نشوفك
تمارا..خليكي انتي يا اختي مع سي نوح
نور..ههههه اما اشوفك يارخمه
تمارا.فين البت زهره
نور..اهي معاكي
زهره..الو
تمارا..ايه ياقلبي كده مشوفكيش قبل ما اسافر
زهره..حقك عليا ياتوتي والله انا كمان مضايقه اني مش هشوفك قبل ما تسافري اوي
تمارا..خلاص عفيت عنك المهم انك خرجتي واتبسطتي شويه
زهره..خلي بالك من نفسك وطمنيني عليكي لما توصلي
تمارا..حاضر ياقلبي وانتو كمان بقولك ايه اقفلي عشان جاسر شكله وصل بيتصل عليا باي
زهره .ماشي ياروحي يلا باي
تمارا...الو
جاسر..ايوه ياتمارا انا تحت
تمارا..بترد على اد الكلام ثواني واكون تحت
جاسر..براحتك متستعجليش انا واقفلك
تمارا..انا خلصت ثواني واكون تحت
جاسر..تمام
زهره..قفلت وهي مضايقه كان نفسي اشوفها قبل ما تمشي مفيش حد فينا سلم عليها حتى عشق مشافتهاش
نور..انتو اول مره تبعدو عن بعض
زهره..اه دي اول مره فعلا
ادم..تحبي تروحي تشوفيها فالمطار بسرعه
زهره..بصتله ايه ده بجد ينفع
ادم..لو تحبي ينفع طبعا
زهره..هزت راسها بفرحه لنور
نور..لو مش هنعطلكم ياريت
نوح..طب يلا قومو بسرعه
زهره..بس هي قالت طيارتها 11هنلحق
ادم..متشغليش بالك هنلحق انتي بتقولي لسه جاسر معدي عليها انا هكلمه و اقوله اننا هنروح عشان تشوفوها
زهره..طيب ممكن تقوله ميقولهاش
ادم..حاضر
حاسب نوح الويتر وقامو بسرعه
اتصل ادم بجاسر وعرفه وقاله ميقولش لتمارا واتحركو بالعربيه.
قفل جاسر اول ماشاف تمارا لمحته وهي نازله فكرت انه بيكلم هايدي أضايقت اكتر
راح عليها جاسر بيحاول يبص في عيونها اللي باين عليها انها معيطه وحزينه ازيك ياتمارا
تمارا..بأقتضاب تمام
جاسر..يلا عشان منتأخرش فتحلها باب العربيه الخلفي وركب جمبها كان معاه السواق اتحركوا وطول الطريق كانوا ساكتين لا هو عارف يقولها ايه ولا هي قادره تشيل الموقف من دماغها
بعد حوالي ساعه إلا ربع وصل جاسر وتمارا المطار
جاسر للسواق خالد تودي العربيه عالڤيلا وقبل ماأرجع هبلغك بالمعاد عشان تكون في انتظارنا
خالد..حاضر يا افندم تؤمرني بحاجه تاني
جاسر.شكرا ياخالد
خالد.توصلو بالسلامه بعد اذنك
مشي خالد وفضل جاسر واقف تمارا واقفه جمبه من غير ما تسأله ليه واقفين
طلع..جاسر الموبايل
جاسر..انا وصلت المطار
ادم..تمام خمس دقايق ونبقى ادامك
جاسر..طيب سلام
تمارا..كانت واقفه ومتأكده انه بيكلم هايدي بيطمنها عليه
بعدت عنه شويه طلعت الموبايل واتصلت على عشق كانت مخنوقه جدا من العياط ومحتاجة تسمع صوتها جاسر كان ملاحظها بس كان ساكت
عشق..الو يا تيمو
تمارا..وحشتيني
عشق..انتي اكتر ياتيمو
تمارا..كان نفسي اشوفك قبل ما اسافر
عشق..وانا كمان والله يا تيمو بس غصب عني انتي عارفه اني رايحه مع مستر ليل عشان اشوف مهره وعشق وبعدين انتي عارفه اني بخلص متأخر وحتي لو مكنتش هروح اشوفهم مكنتش هلحقك
تمارا..ودموعها في عينها عارفه يا قلبي بس كان نفسي اشوفك
عشق..انتي مشيتي
تمارا..احنا فالمطار
عشق..مال صوتك يا تمارا
تمارا..كانت مستنيه سؤال عشق ومقدرتش تسيطر على دموعها حست ان في حاجه واقفه في حلقها مش قادرة ترد
عشق..تيمو انتي معايا
تمارا..معاكي ياعشق
عشق..بقلق تمارا انتي بتعيطي
ليل بص على عشق بعد كلمتها
تمارا..لاانا كويسه انا بس مضايقه عشان اول مره ابعد عنكم وكملت بضحك عشان عشق متقلقش وطبعا هركب طياره وانتي عارفه اني بخاف
عشق..بابتسامه متخافيش يا قلبي وبعدين دي زهره اللي كنا بنقول عليها خوافه مابقاش يتخاف عليها ايه اتعديتي منها
تمارا..لاخلاص
عشق..خلي بالك من نفسك وطمنيني عليكي اول ما توصلي
تمارا..حاضر يلا باي ياقلبي
عشق..باي ياحبيبتي
مسحت تمارا دموعها عشان جاسر ميشوفهاش بس هو كان شايفها وسامعها واتأكد ان سبب عياطها الموقف اللي شافته واتأكد ان تمارا حبته زي ماهو حبها
قربت تمارا مكانها تاني وثواني ووقف ادامهم عربيت ادم ونوح
تمارا..كانت مركزة في مكان تاني مشافتهمش غير لما سمعت زهره بتنادي عليها
زهره..تيموو
تمارا..بصدمه زهره انتي بتعملي ايه هنا
نور..جينا عشان نشوفك ياقلبي منقدرش نزعل القمر
حضنتهم تمارا اوي والابتسامه مش مفارقه وشها
ابتسم جاسر بحب على فرحتها
ادم..ايه الطيارة هتطلع امته
جاسر..خلاص كمان نص ساعه
نوح..طب ايه يلا بقي عشان تلحقوا
تمارا..انا مبسوطه اني شوفتكم كان نفسي اشوف عشق بس سلمولي عليها انتو وبوسوهالي كتير
نور..حاضر ياستي
زهره..على فكره ادم هو صاحب الفكره دي
تمارا..ميرسي يا ادم انت بجد فرحتني اوي
ادم..اي خدمه ياستي انا اتفقت مع جاسر انه ميقولكيش عشان تبقى مفجأه
بصتله تمارا واول ماشافته مبتسم وباصصلها بعدت وشها بسرعه
نوح..مفيش ميرسي يانوح ما انا جبت نور بردو
تمارا..ضحكت ميرسي يانوح ربنا يخليكو ليا دي احلى مفجأه
نوح..طب يلا بقي عشان متتأخروش
تمارا..حاضر رجعت حضنت البنات خلو بالكم من نفسكم ومن عشق
زهره..حاضر متقلقيش يلا يا قلبي كلميني لما توصلي
نوح..انتو محسسني انها مسافره امريكا دي مرسي علم مش بعيده وربنا
جاسر..بقول ايه هنمشي احنا بقى عشان منتأخرش
ادم..يلا توصلو بالسلامه
سلمو عليهم ومشيو دخل جاسر وتمارا صاله المطار
.....
اما عند ليل..وصلوالڤيلا
ليل..اتفضلي
دخلت عشق وراه وهي محرجه
ليل دخلها الجنينه وشدلها كرسي اتفضلي
عشق.مش هنشوف مهره وعشق
ليل..طيب ارتاحي الاول واشربي حاجه وبعد كده نشوفهم
عشق..عشان بس متأخرش
ليل..مش هأخرك متقلقيش
عشق.طيب بردو نشوفهم الاول وبعد كده ابقى اشرب حاجه
ليل..طيب اللي يريحك اتفضلي
راحو على الاسطبل الخاص بمهره اول ما شافتها بقت تعمل صوت تعبيرا عن انها مبسوطه قربت منها عشق وفضلت تحسس عليها
ليل..بابتسامه غريبه اول مره اشوف مهره مبسوطه مع حد غيري
عشق..بابتسامه انت غيران ولا ايه
ليل..خالص بالعكس بس مهره متعوده عليا انا ونوح وادم وجاسر وامي يعني اللي متعوده تشوفهم ديما لكن اي حد غريب لا والغريبه انها فكراكي
عشق...الحيوانات ذكيه جدا والحصان زي الكلب وفي مبينساش اللي بيحبه
ليل..فعلا وواضح انها حبتك
عشق..انا كمان حبيتها اوي ووحشتني اوي
ليل...طيب وبالنسبه لعشق اللي اتولدت على ايدك واتسمت على اسمك موحشتكيش
عشق..هي فين صحيح
ليل..تعالي معايا هي جوه دخلت عشق معاه لقت عشق الصغنونه واقفه بس شكلها مجهد
عشق..ياروحي بقينا حلويين خالص ماشاء الله رجعت عشق لمهره تاني وحاولت تشوف بايدها إذا كان في لبن او لا
عشق..زي ما توقعت مهره لسه الغدد اللبنيه مش شغاله عندها كويس..محتاجه تاكل كتير وتشرب مايه كتير اوي
ليل..طيب وعشق
عشق..عشق بقى انا جبتلها ببرونه وهأكلها وتشوف بعمل ايه عشان تعمله بعدين
ليل..حاضر
بعد دقايق ابتدت عشق تأكل عشق الفرسه
ليل مبتسم وهي بتاكل ايه ده دي بتاكل
عشق..ماشاء الله مش قولتلك انها مش تعبانه هي بس جعانه
بعد وقت من اللعب مع عشق وبعد ما اكلتها
عشق..عرفت هتعمل ايه
ليل..تمام بس يارب اعرف اعمل زي ما عملتي
عشق..لا هتعرف وكملت بمرح ولو سمحت تخلي بالك من بنتي الصغيره وتهتم باكلها لحد ماممتها تشد حيلها مش عايزه اشوفها تعبانه
ليل...بابتسامه جذابه بس كده حاضر ههتم بيها وهشيلها في عيني كمان عشق دي غاليه عليا اوي وركز في عنيها بعينه اللي تقتل
ارتبكت عشق من نظراته طب ايه نسبهم بقى عشان ينامو وانا الحق اروح
ليل..مش هتمشي قبل ما تشربي حاجة
عشق..ماشي بس بسرعة من فضلك عشان الوقت اتأخر
ليل..طب يلا تعالي معايا
خدها ليل وخرجوا فالجنينه عملها عصير ورجع اتفضلي
عشق..شكرا
ليل..يارب يعجبك انا مليش فالعصاير خالص انا اخري قهوة والشغالين اجازة عشان امي مسافرة مع والدة جاسر
عشق..تعبت نفسك مكنش ليه لزوم انا اصلا متأخرة
ليل.مفيش تعب ولا حاجة
سرحت عشق لثواني
ليل.مالك
عشق..مفيش بس قلقانة على تمارا
ليل..ليه عشان مسافرة متقلقيش عليها وبعدين ده شغلها ولازم تتعودو دي مش اول ولا اخر مرة هتسافر فيها
عشق..لا مش عشان كده بس هي اه اول مره تبعد او احنا التلاتة عموما اول مرة حد فينا يبعد عن التاني بس هي عموما لما كلمتني صوتها كان مضايق
ليل..بتحبيها اوي كده
عشق..يااااه بحبها هي وزهره الحاجة الوحيدة اللي طلعت بيها من الدنيا انا فتحت عيني لقيتهم معايا عمرنا ما فارقنا بعض فالحلو والوحش كنا دايما مع بعض بحسهم ولادي مش بس اخواتي
ليل..هو انا ممكن اسألك سؤال بس لو هيضايقك ومش عايزة تردي عليه مترديش
عشق..لا خالص اتفضل
ليل..مفكرتيش تد. وقبل ما يكمل
عشق..لا مفكرتش ومبفكرش اني ادور عليهم
ليل..سكت واتصدم من ردها ومن معرفتها للسؤال قبل ما يكمل
عشق..هما زمان رموني ومكنش عندهم اي بديل عشان يحافظو عليا مش هستنى انا بقى لما اكبر وادور عليهم لو كانو محتاجني مكنوش سابوني في اكتر وقت كنت محتجاهم فيه انا اترميت فالشارع وانا عمري يوم وده اكتر وقت كنت محتجاهم فيه بدل ما ياخدوني في حضنهم ويطمنوني رموني ماسابوليش صوره ليهم اعرف شكلهم تفتكر بعد ده كله ينفع اني ادور عليهم وبعدين حتى لو حبيت ادور عليهم هدور عليهم فين وازاي انا معرفش عنهم حاجه
ليل..طيب حتى لو هما طول الفتره دي يعرفو مكانك ويعرفو عنك كل حاجه وحطينك تحت عينهم من بعيد لبعيد وجم الوقت وقالولك انهم اهلك هيبقى ايه رد فعلك
عشق..بابتسامة وجع معرفش مقدرش احدد رد فعلي لانهم باختصار ملهمش في قلبي حاجة اكيد هبقى مش مهتمه مش هيفرق معايا مش هبقى عايزة اشوفهم
ليل..انا اسف لو ضايقتك
عشق..لا خالص بالعكس انا مبقتش اضايق زي ما تقول كده من كتر الصدمات اللي خدتها في حياتي قلبي نحس
ليل..عشق مبتفكريش تشتغلي معانا فالشركة زي تمارا
عشق..باستغراب اشتغل ايه انا مفهمش في شغلكم ده خالص
ليل..عادي اتعلمي زي ما تمارا اتعلمت واهي الوقت بتتحسن كتير وتقريبا بقت فاهمة جدا
عشق..بص انا حاليا مش عارفة يمكن لما اشتغلت فالعيادة مع الدكتور اللي بشتغل معاه حاليا كنت بدور على اي شغل وخلاص عشان يبقى في دخل نقدر نعيش منه ممكن اكون مش مبسوطه اوي او مش هي دي الحاجة اللي كنت عيزاها بس هو دكتور محترم جدا اه المكان بعيد وبخلص متأخر بس مفيش بديل اه كان في بالي اني لما اظبط نفسي واستقر شويه اشوف غيره بس كنت هدور في تخصصي لكن الشركة معاكم ميتهيأليش اني هقدر افيدكم بحاجة
ليل..قولي موافقة وسيبي الباقي عليا
عشق..وهي بتفكر ومش عارفة تقولو ايه مستر ليل انا
ليل..اولا قولنا بلاش مستر دي ارجوكي
عشق..حاضر ليل انا مش عارفة اقولك ايه ومش قادرة احدد اذا كانت دي هتبقى خطوه صح او لا
ليل..طيب اديكي فرصة تفكري
عشق..ماشي بس
ليل..مفيش بس وفكري وانا هستني ردك
عشق...انا خايفة اوافق ومقدرش افهم الشغل
ليل..هتفهمي وهتبقي شاطرة جدا كمان وكملي في دراستك عادي وبعدين مش يمكن لما تخلصي تفتحي عيادة خاصة بيكي انتي قولتي انك اشتغلتي عشان تقدري تظبطي حياتك انتي والبنات يعني مكنش فارق معاكي انك تشتغلي حاجه ليها علاقه بدراستك يبقى ليه متشتغليش معايا ادام كده كده لسه متخرجتيش
عشق..تمام بس بردو ممكن تديني يومين كده وارد عليك
ليل..وانا موافق وهستنى ردك ولو وافقتي هيكون شغلك معايا انا هتبقي السكرتيرة الخاصة بتاعتي وانا ياستي اللي هدربك بنفسي
عشق..تمام بس بردو خليني افكر واخد رأي البنات فالخطوة دي
ليل..تمام
عشق..بصت فالساعه انا اتأخرت الساعه 11
ليل..طب يلا عشان اوصلك
عشق..يلا
على جميع الركاب المسافرين الرجاء ربط الاحزمة الطائرة على وشك الاقلاع
كانت جملة المضيفة
ربط..جاسر الحزام وبص على تمارا اللي كانت اعدة باصة من شباك الطيارة وسرحانة
جاسر.تمارا
تمارا سرحانة
جاسر..تمارا
تمارا بصتله نعم
جاسر..اربطي الحزام الطيارة خلاص هتطلع
بصت تمارا عالحزام حاولت توصله تربطه مكانتش عارفة
فك جاسر الحزام بتاعه وقام مسك الحزام لتمارا عشان يربطهولها وسط زهول تمارا ربط الحزام وفضل باصصلها
ارتبكت تمارا حاول جاسر ما يربكهاش اكتر من كده اعد عالكرسي تاني ربط الحزام بتاعه
ثواني وابتدت الطيارة تدور وتتحرك
شهقت تمارا من الخضة وزادت ضربات قلبها غمضت عينيها جامد وفضلت ماسكة بايدها ايد الكرسي تضغط عليه جامد كانت مرعوبه
جاسر...تمارا افتحي عنيكي
تمارا مغمضة ومش بترد
جاسر..افتحي عنيكي واهدي شويه متخافيش الموضوع بسيط
وقبل ما يكمل كلمته ابتدت الطيارة فالطلوع
حست تمارا انها مش قادرة وحست ان نفسها ابتدا يروح من كتر الرعب
جاسر..بدون مقدمات فك الحزام بتاعه وقام اعد على ركبه ادامها مسك ايديها الاتنين في كف ايده بحنيه عشان يطمنها تمارا ايدها كانت متلجه من الخوف وفيها رعشه بسيطه فتحت تمارا عنيها بصدمه وفضلت بصاله
جاسر..بصوت هادي وجذاب خليكي مفتحه عنيكي متقفليهاش اتنفسي بهدوء شويه حاولي تظبطي نفسك ابعدي الخوف من دماغك خالص
حاولي تفكري في حاجة تانية
تمارا..سرحت في عيونه اللي خدتها بعيد ولمسه ايده اللي خلتها حلقت فالسما مع الطيارة
جاسر..لاحظ انها ابتدت تهدي وشايفها مركزة في كلامه وفي عنيه هو كمان ركز في عنيها
طلعت الطيارة واستقرت فالسما ولسه الاتنين على حالهم
جاسر..انا اسف ياتمارا
فاقت تمارا اخيرا على جملته سحبت ايديها براحه وهي لسه بصاله
جاسر..عارف انك مضايقه من الموقف اللي حصل الصبح بس هي اللي قربت هي اللي
قاطعته تمارا بحده لما افتكرت الموقف دي حياتك يامستر جاسر انت حر وبعدين تتأسف على ايه واحد وخطيبته وبي مقدرتش تنطق عادي يعني موقف وعدى وبعدين ميصحش ان حضرتك تتأسف للسكرتيرة بتاعتك عموما حصل خير مين قال لحضرتك اني مضايقة
جاسر كان هيولع منها انا قولتلك ميت مره اسمي جاسر وبس ولا حضرتك ولا مستر ولا زفت
تمارا..اسفه بس حضرتك المدير بتاعي واظن اللي بيني وبين حضرتك شغل وبس ولازم نحافظ كويس عالالقاب اللي بينا حضرتك مستر جاسر المدير بتاعي وانا انسه تمارا سكرتيرة حضرتك.
جاسر بصلها بصدمه نعم
تمارا..زي ما حضرتك سمعت
جاسر..انتي شايفه كده
تمارا..ايوة شايفة كده
جاسر..بغضب تمام يا انسه تمارا قام اعد مكانه وربط الحزام وهاين عليه يكسر الطيارة على دماغها لكن مكنش قادر يفهمها اي حاجة عالاقل الوقت
فضلت تمارا بصاله بنصر حست ان جزء من كرامتها رجعلها واخيرا بصت ادامها
ثواني وجاسر رجع بصلها ومال جمب ودنها وكمل بهمس حست تمارا برعشه اصابت جسمها بالكامل من قربه منها بالطريقه دي من نفسه اللي كان بيخرج منه مع كل حرف بينطقه يخبط في وشها ويزيد من ضربات قلبها
جاسر..انا سبتك تقولي اللي يخليكي تحسي انك مرتاحه بس حابب اقولك انك اضايقتي ومهما حاولتي تبيني انك مضايقتيش مش هصدقك رجع تاني مكانه بص أدامه وعلى وشه أبتسامه جذابه بصتله تمارا من غير ولا كلمه كان اعد هادي وباصص ادامه ولا كأنه قال اي حاجه بصت تمارا من الشباك وفضلت سرحانه لحد مامر الوقت من غير ولا اي كلام بينهم واخيرا وصلوا والطيارة استعدت للنزول
ابتدت ترتبك تاني وكان باين عليها الخوف لما سمعت المضيفة
تستعد الطائرة للهبوط الرجاء من الركاب الرجوع الى مقاعدهم وربط الاحزمة
بصت تمارا لجاسر اللي كان باصص ادامه من غير اهتمام ولا كأنه حاسس بلغبطتها وارتباكها كان هاين عليها تعيط اول ما حست ان الطيارة بتنزل غمضت عنيها وفضلت تتنفس بسرعه ومسكت في ايد الكرسي
حست بايده بتمسك ايدها فتحت عينها براحه بصت عليه لقته اعد زي ماهو مش باصص ناحيتها مركز بعينيه ادامه لكن ايده ماسكه ايدها اوي
ومع اول لمسه للطيارة للارض ضغطت تمارا بايدها على ايده ضغط جاسر اكتر على ايدها عشان يطمنها واخيرا نزلو من الطيارة
وصلو داخل المطار عشان ياخدو الشنط كان المطار زحمه ومكان الشنط زحمه بدون مقدمات مسكها جاسر من ايدها زي الاطفال خايف تتوه منه وهي ماشيه في ايده من غير ما تتكلم
في مكان أخر
وصل ليل تحت البيت
ليل..حمدلله عالسلامه
عشق..الله يسلمك
ليل..عشق ياريت تفكري فاللي قولتلك عليه
عشق..حاضر واوعدك هرد عليك في اقرب وقت
ليل..وانا هستني ردك
عشق..متنساش خلي بالك من عشق
ليل..بابتسامه عشق في عيني
ابتسمت..عشق بهدوء بعد اذنك
ليل..اتفضلي عشق
عشق..نعم
ليل..اي وقت تحتاجي اي حاجه انتي او البنات كلميني في اي وقت
عشق..حاضر
ليل..يلا اطلعي بسرعه عشان الوقت اتأخر واقفلو على نفسكم كويس
عشق..حاضر تصبح على خير
ليل..وانتي من اهل الخير
نزلت عشق كان جواها سعاده من نوع خاص اول مره تحس بيها واحساس بتحاول تبعده عن دماغها وفنفس الوقت شعور مخليها طايرة
طلعت عشق البيت ومشي ليل ولكن بردو مخدوش بالهم من الي بيراقبهم
نور..كل ده ياست عشق
زهره..كنتي فين كل ده
عشق..لا والله بلاش انتو تتكلمو طب انا كنت في شغل الدور والباقي عاللي بيصيعو
تعليقات
إرسال تعليق