 |
دار الايتام
البارت الخامس عشر..
زهره..احنا بنصيع طب عشان كلمتك دي انا هغيظك
عشق..غيظي ياستي هي جت عليكي
زهره..روحنا شوفنا تمارا فالمطار
عشق.ايه من غيري ياجزم
زهره..ادم ونوح ودونا
عشق..بحزن كنت عايزة اشوفها
نور.بتسلم عليكي وبعتالك السلام
عشق..بقولكم ايه انا عايزة اخد رأيكم في حاجة
زهره..قولي
نور..حاجة ايه
عشق..ليل عرض عليا اني اشتغل معاه فالشركة
زهره..بفرحه بجد
نور..احلفي كده
عشق..اه والله
نور..قولتيله ايه
عشق..قولتله هفكر وارد عليك
زهره..نعم يا اختي
نور..لزهره انا سمعت صح بتقول هتفكر تفكري في ايه انتي عبيطة ياعشق
عشق..ليه بس
نور..عشان في مليون حد يتمنى انه يشتغل في مجموعه السيوفي فمابالك بقى لما مدير المجموعة بنفسه يطلب منك تشتغلي معاه
عشق..ايوه بس انا مفهمش حاجة في شغلهم وبعدين انا نفسي اشتغل في تخصصي
زهره..هي تمارا يعني اللي كانت بتفهم في شغلهم يا عشق
نور..وبعدين تعالي هنا عشان نكون بس صرحى مع بعض انتوا لما اشتغلتوا يا عشق اشتغلتوا عشان تقفوا على رجليكم
زهره..ايوه صح
نور..حلو يعني محدش فيكم اشتغل بتخصصه وانتي نفسك ياعشق لو كنتي لقيتي شغل غير العياده بتاعة الدكتور مكنتيش هتقولي لاصح
عشق..صح
نور...طيب يعني انتي كل اللي كنتي محتاجاه شغلانه كويسة تجيب فلوس حلال عشان تقدري تصرفي على دراستك فا ايه اللي يمنع انك تشتغلي ولما تتخرجي ابقي ياستي دوري على تخصصك
عشق..على فكرة ليل قالي كده
نور..طيب حلو يعني كلامنا واحد
عشق..طيب اعمل ايه
نور..توافقي من غير تفكير دي فرصة مينفعش تضيعيها من ايدك
عشق..طيب هشوف رأي تمارا
زهره..تمارا اصلا لو عرفت انك بتفكري هتقتلك وبعدين هي هتفرح انك هتشتغلي معاها وهتروحوا وتيجو مع بعض طب ياريته كان قاللي انا
عشق..يعني لو قالك كنتي هتوافقي
زهره..ودي عايزة تفكير ياغبيه
نور..غبيه فعلا
عشق..طيب اعمل ايه مع الدكتور واقوله ايه
نور..عادي ياعشق اعتذريله بأي حاجه قوليلو لقيتي شغل جمب البيت قوليلو هتسافري قوليه لقيتي فرصة في مكان تاني متقوليلوش خالص
عشق..لامينفعش مقولهوش عيب الراجل كويس معايا وبعدين مينفعش انسى انه كان ليه الفضل عليا الفترة اللي فاتت
زهره..عندك حق خلاص قوليلو حل يتقبله وفنفس الوقت ميزعلش منك
عشق..ماشي بس بردو سيبوني يومين كده مع نفسي لحد ما احس ان الشغل مع ليل فعلا فرصة
زهره..يابت ودي عايزة تفكير انتي عبيطة
عشق..لا انا خايفه مقدرش افهم الشغل او اعك الدنيا
نور..لا ياعشق الشغل مش صعب اوي كده اكيد هتتعلمي مع الوقت وبعدين ادام هو اللي عرض عليكي اكيد هيخلي حد يدربك
عشق..هو قاللي اني هدرب تحت ايده هو
نور..طب كلميها انتي بقى عشان انا غبيه وممكن امد ايدي عليها
عشق..بضحك ليه بس
زهره..انتي فعلا مستفزه نور عندها حق تقوم تقتلك كمان وانتي عايزة ايه اكتر من كده بزمتك
نور..قسما بالله لو مارديتي عليه وقولتيله انك موافقة لاقتلك
عشق..طيب هوافق بس مش على طول كده استنو يومين تلاته عشان ميحسش اني مصدقت
نور..ماشي مش اكتر من كده
عشق..حاضر
نور..يلا قومو ننام
عشق..استني اشوف البت تمارا وصلت ولا لا
زهره..ايوه والنبي اطمني عليها.
وصل جاسر وتمارا الفندق واستقبلهم هادي بترحيب
هادي..نورت الفندق ياجاسر باشا نورتي يا انسه تمارا
جاسر..بنورك يا هادي باشا
تمارا..شكرا لحضرتك
هادي..اكيد جايين تعبانين تعالو اديكم مفاتيح الاوض وبكره ان شاء الله نتقابل الصبح
جاسر..تمام
راح هادي عالرسيبشن وطلب المفاتيح
موظف الاستقبال..اتفضل يا افندم
مستر جاسر غرفه107الدور السابع والغرفه التانيه 154الدور التاسع
جاسر..لحظه بس هما الاوضتين مش جمب بعض
الموظف..لا يا افندم للاسف
هادي..في مشكله ياجاسر باشا
جاسر..اه في انسه تمارا مش هينفع تكون لوحدها انا عايز الاوضتين جمب بعض
الموظف..للاسف صعب
جاسر..لو مفيش انا معنديش مشكله هشوف اي فندق تاني
هادي..لا فندق تاني ايه بس ياباشا اقرب فندق هنا بيبعد كتير عن المنتجع احنا عايزين المكان اللي هتأعد فيه يكون قريب من مكان الشغل وانا شايف ان مفيش مشكله ولا ايه يا انسه تمارا
طبعا هادي كان قاصد انه يختار الاوضتين بعيد عن بعض
تمارا..حبت تضايق جاسر انا كمان شايفه ان مفيهاش مشكله عادي
هادي..اهو شوفت بقى
جاسر..وهو هييولع من تمارا وتحديها ليه هادي باشا خلي كلامك معايا انا مش هأعد فالفندق غير زي ماقولت تمام وفي غرف اوك مفيش انا كمان شايف انها مفيهاش مشكله اني اشوف فندق تاني ولو عالعطله متقلقش دي بتاعتي ها هتعمل ايه ياريت الرد بسرعه عشان انا جاي تعبان وتقريبا من امبارح منمتش
هادي..بقلة حيلة لموظف الاستقبال حاول بسرعة تخلقلي اوضتين جمب بعض ولان هادي كان عارف ان جاسر هيرفض كان قايل للموظف لو الامور ازمت اعمل الحل التاني بعد حوالي خمس دقايق الموظف هادي باشا في اوضتين فالدور الخامس بس مش جمب بعض لكن فنفس الدور اوضه 77واوضه 87
هادي..اظن نفس الدور مش مشكله ولا ايه
جاسر..بقلة حيلة تمام
هادي..للموظف هات المفاتيح
خد منه المفاتيح واداهالهم وبعت معاهم واحد بالشنط
هادي...اسيبكم ترتاحو ثواني والعشا هيكون طالع لحد فوق اشوفك الصبح وكمل بابتسامه وهو باصص لتمارا واتمنى الفندق يعجبك ياجاسر باشا تمارا بعدت عينها بسرعه وخوف من جاسر اللي منظره ميبشرش بالخير
جاسر..ان شاء الله بعد اذنك طلع جاسر وجمبه تمارا وصلو الدور بتاعهم ادام اوضة جاسر فتح بالمفتاح وخلى العامل يحط شنطته جوه ومشي معاه لحد اوضة تمارا
جاسر..تمام حطها هنا انا هدخلها واداله فلوس
العامل.شكرا ياباشا
جاسر..العفو
جاسر فتح الاوضة ومسك الشنطة وبايده التانية ومسك ايد تمارا ووشدها ودخلها جوه
تمارا..ااااه ايدي في ايه وازاي تدخل معايا الاوضة اصلا
فاللحظه دي رن تليفون تمارا بصت فيه لقتها عشق
ردت بسرعه وكأن عشق جتلها نجده عشان يهدي شوية من عصبيته
تمارا..ايوه ياعشق
عشق..تيمو وصلتي
تمارا..اه ياحبيبتي وصلت لسه واصله الفندق
عشق..انا مش قولتلك ياجزمه طمنيني اول ما توصلي
تمارا...انا قولت لما اخلص واطلع الاوضه اكلمك بس انتي سبقتيني
عشق..طيب يا حبيبتي انا قولت اطمن عليكي
تمارا..انا بخير ياعشق اطمني ياقلبي
كل ده بيحصل تحت نظرات جاسر اللي واقف في وسط الاوضه بهيبته وطوله وعضلاته اللي ترعب كانت تمارا واقفه بتكلم عشق وعينها رايحه جايه عليه بس كانت بتحاول تبان هاديه رغم ان جواها كان مرعوب
عشق..ماشي هسيبك الوقت عشان ترتاحي وبكره اول ما تكوني فاضيه كلميني عندي ليكي مفجأه وعايزه اخد رأيك في حاجه
تمارا..حاضر هكلمك بوسيلي البنات
عشق..هما بيبوسوكي
تمارا..يلا تصبحو على خير اقفلو على نفسكم كويس
عشق..حاضر ياقلبي وانتي من اهل الخير باي
قفلت عشق وفضلت تمارا حاطه الموبايل على ودنها خايفة تنزله من جاسر
جاسر..بغضب خلصتي
هزت تمارا دماغها
جاسر..طب نزلي الموبايل ده
نزلت تمارا ايدها براحه
مسكها جاسر من ايدها بغضب
تمارا..اااه
جاسر بغضب افهم بقى انتي قاصدة تستفزيني ولا فعلا مش قاصدة
تمارا..سيب ايدي استفزك ايه انا مش فاهمه
جاسر..تمااارا انتي فاهمه كويس انا قولتلك قبل كده هادي ده ملكيش دعوه بيه صح كلامه يكون معايا وبس صح ملكيش علاقة بيه خالص وانا اللي هتصرف معاه في اي حاجه صح انطقي
تمارا..بألم ايوه صح
جاسر..لما هو صح بتوافقيه ليه على ان الاوض تكون بعيده
تمارا..وانت ايه مشكلتك تكون بعيده او قريبه
جاسر..مشكلتي انك لازم تكوني جمبي مينفعش تكوني بعيد هو عارف من الاول ان انا وانتي جايين مش قادر يجهز اوضتين جمب بعض اقولك انا بقى هو عارف ويقدر يعمل كده بس الباشا شكله كده عينه منك وحضرتك مش قادرة تفهمي ده هادي معروف انه نسوانجي
تمارا.بصتله بصدمه واحراج
وانتي بكل بساطه بتسهليهاله شوفي ياتمارا قسما برب العزه اول واخر مره اقولك على حاجه ومتنفذيهاش مفهوم
تمارا..سيب ايدي
جاسر..مفهوم
تمارا..طيب طيب بس سيب ايدي ياجاسر من فضلك
جاسر ساب ايدها براحه انا هخرج الوقت والباب ده مش عايزه يتفتح لاي ظرف مفهوم ميتفتحش غير ليا وبس
تمارا..حاضر ممكن تمشي بقى
سابها جاسر وخرج ورزع الباب وراه
مسكت تمارا ايدها وابتسمت
اما عند البنات
دخلوا عشان ينامو
عشق..تصبحو على خير يابنات
زهره...وانتي من اهله
نور..تصبحو على خير يابنات وقبل ما يردو عليها
سمعوا صوت تكسير ازاز
صرخت نور وزهره وعشق بفزع
عشق..ايه الصوت ده
نور..مش عارفه
عشق..تعالو نشوف
زهره..حاطه ايدها على قلبها لا انا خايفه
عشق..تعالو متخافوش
خرجو البنات براحه يشوفو ايه اللي اتكسر بصو عالباب لقوه مقفول دخلو على اوضة حاج محمد مفيش اي حاجه
نور..شوفي المطبخ طيب يمكن كبايه اتكسرت راحت عشق وهما وراها شافو في كل مكان كل حاجه زي ماهي
زهره..طب يمكن الصوت ده من الشارع
عشق..شارع ايه الصوت جاي من جوه الشقه
نور..ايوه الصوت فعلا وقبل ما تكمل كلمتها سمعو لتاني مره صوت تكسير قوي صرخو البنات ومسكو في بعض
راحت بيهم عشق ناحية البلكونه لقو ازاز الشباك كله اتدمر
نور..ايه ده ايه اللي كسره كده
زهره..يمكن السقعه خليته فرقع
عشق..يمكن انا قلبي وقف من الخضه
نور..وانا ده انا قطعت الخلف
عشق..ايه ده
نور..ايه
دخلت عشق جوه البلكونه وطت عالارض ده طوب حد حدفه
بصو البنات من الشباك عشان يشوفو حد واقف
زهره..يمكن عيال صغيره بتلعب
عشق..عيال ايه اللي بتلعب فالشارع الساعه تلاته الفجر وبعدين الشارع فاضي
زهره..ممكن يكون حد حدفها وجري
عشق..مش عارفه زهره هاتي حاجه نلم الازاز ده وتعالو ندخل من السقعه دي
نور..طب والشباك اللي اتكسر ده هنسيبه كده
عشق..هنقفل الشيش ده وبكره نجيب حد يصلحه لمو الازاز اللي اتكسر وقفلو الشباك ودخلو عشان ينامو
في صباح يوم جديد
نزلت عشق وزهره على شغلهم ونور على جامعتها ونزلوا الشباب شغلهم
ليل..وصل مكتبه كلم جاسر
ليل..الو
جاسر..بصوت نايم ايوه ياليل
ليل.انت لسه نايم
جاسر..الساعه كام
ليل.8ونص
جاسر..طب لسه شويه عايز ايه انا معادي مع هادي فالموقع على 11
ليل..ليه متأخر كده
جاسر..ولا متأخر ولا حاجه احنا جينا بليل على واحده ونص كده وعلى ما نمنا الصبح كان بيطلع
ليل..طيب خلاص كمل نوم لما تصحى كلمني
جاسر..في حاجة
ليل..لا كنت عايز اعرف منك عندك جديد
جاسر..لا مفيش بس متقلقش كله ماشي زي ما احنا متفقين
ليل..تمام وكمل بغموض جاسر مش عايز غلطه ومش عايز الموضوع يكبر اكتر من كده
جاسر..متقلقش انت عندك جديد
ليل.اه عندي كتير
جاسر..طب ايه
ليل..لا سيبك من الجديد الوقت في حاجات بس عايز اتأكد منها الاول وبعدين هبلغك بكل جديد بس من هنا لحد ما اقولك عينك ما تغفلش عن تمارا
جاسر..متقلقش هي تحت عيني المهم انت خلي عينك عاللي عندك
ليل..متقلقش كله تحت السيطره
جاسر..تمام
ليل..روح نام شويه بقي وهرجع اكلمك
جاسر..تمام يلا سلام
ليل.سلام
قفل ليل ونفخ دخان سيجارته وحاله من الغموض مسيطره عليه
عدى اليوم ساعه ورا ساعه كل واحد فيهم بيشوف اللي وراه
نزل جاسر وتمارا وكانو تقريبا مش بيتكلمو مع بعض خالص بيتكلمو فالشغل وبس جاسر مشغول مع هادي وتمارا وراهم بتسجل الملاحظات المهمه لكن كان جاسر على اخره من نظرات هادي لتمارا
بعد وقت طويل من الشغل كانت الساعه حوالي سبعه
هادي..كده احنا شوفنا الجزء الرئيسي فالموقع بكره نشوف المكان التاني عشان الدنيا ليلت والجو برد
جاسر..تمام احنا يعتبر خلصنا جزء كبير ومهم بكره نحاول نخلص كل حاجه عشان مش هقدر اعد الاربع ايام
هادي..بس استحاله نخلص شغل الموقع كله
جاسر..اهو نحاول على اد مانقدر بكتيري اوي هفضل لحد بعد بكره وان شاء الله هخلص كل حاجه متقلقش اكيد مش هسافر وانا عارف ان في حاجه فالمقاسات مخدنهاش
هادي..تمام خلينا بس نشوف بكره هنعمل ايه ولو خلصنا جزء كبير بكره يبقى اخرنا بعد بكره زي ما قولت
جاسر..تمام
هادي..صحيح ناويين تعملو ايه
جاسر..في ايه
هادي..يعني الساعه 7واكيد مش هتطلعو تفضلو فالاوض لحد بكره اطلعو كده غيرو وظبطو نفسكم وانزلو عشان اعملكم جوله حلوه في المكان ونتعشى مع بعض انتو ضيوفي يا جاسر باشا وبعدين دي فرصه نأعد مع بعض
جاسر..لتمارا عندك مانع تنزلي
تمارا..لاخالص
هادي..بابتسامه تمام هستناكم على 9كده
جاسر..تمام
في الجامعة
خرجت نور من الجامعة وقفت عشان تركب وتروح
سامر..اهلا بالقمر
نور..ارتبكت اول ما شافته اهلا يا سامر
سامر..عامله ايه
نور..تمام
سامر..ايه واقفه كده ليه
نور..لا ابدا خلصت محاضرات ومروحه
سامر..طب اتفضلي انا هوصلك
نور..ها لاشكرا انا هروح زي كل يوم
سامر.مالك قلقانه كده ليه مش هاكلك والله بس احسن من وقفتك دي بدل ما حد يضايقك
نور..شكرا ياسامر مش هقدر اركب
سامر..طيب انا كنت محتاج اتكلم معاكي
نور.معايا انا في ايه
سامر..انتي شايفه انه ينفع هنا
نور..وانا اسفه مش هقدر اروح معاك اي مكان اولا انا معرفكش كويس انا لسه اعرفك من امبارح وبس ومبركبش مع حد غريب
سامر..بس احنا طلعنا معرفه مش نوح قالك ان اختي تبقى خطيبة جاسر ابن عمه
نور..حتى ولو اسفه مش هقدر بعد اذنك ومشيت خطوتين
سامر مد ايده بسرعه ناحيتها مسكها من دراعها استني بس انا مخلصتش كلامي
نور..بصوت عالي من فضلك ابعد ايدك دي عني انت ازاي تمسكني اصلا الزم حدودك ومره تانيه ايدك دي متتمدش عليا تاني عشان لو حصل هقطعهالك انت فاهم
حاتم زميلهم وصحاب نور وصحاب سامر جم على صوتها
حاتم..ايه ده ايه ده في ايه مالكم بس
سامر..اهدي ياماما كده واتكلمي عدل انتي مش عارفه بتتكلمي مع مين ولا ايه
نور..معرفش ومش عايزة اعرف وصراحة ميشرفنيش اني اعرف وبحذرك لتاني مره لو ايدك دي اتمدت عليا او اتعرضتلي تاني هتندم
سامر..انتي يابت عاملة نفسك محترمه طب ما انتي ركبتي مع نوح ولا هو نوح اه وسامر لا مش تستني تجربي يمكن اعجبك
حاتم..خلاص يا سامر بس بقى يا اخي
نور..انت قليل الادب ومش محترم ورفعت ايدها وضربته بالقلم وسط ذهول الجميع
سامر..انا هعرفك شغلك يازباله يابنت ال....وقبل ما يقرب منها
بسرعه تدخل كل صحابهم مشوا نور بسرعه من ادامه وقفت تاكسي بسرعه وطارت من ادامه
حاتم..ماخلاص يا اخي بقى في ايه
سامر..وديني ماهسيبها والقلم ده هخليها تندم عليه طول حياتها
حاتم..ياعم خلاص تعالى بس ناعد في مكان
سامر..ولا مكان ولا زفت انا ماشي ركب عربيته وبكل غضب داس عالبنزين وصوت احتكاك العجل بالارض عمل صوت مرعب
بعد مده روحت نور كانت مخنوقه جدا وصدقت كلام نوح وعرفت كان عنده حق في عصبيته بس خافت تقوله تعمل مشكله روحت البيت واتفاجأت بزهره وعشق
نور..ايه ده انتو جيتو
زهره..اه عشق جت وعدت عليا وطلعنا سوا
عشق..خلصت بدري النهرده انتي مالك
نور..مفيش
عشق..لافي طبعا مالك يانور
وكأن عشق داست على زرار اترمت نور في حضن عشق وانفجرت من العياط
عشق..ايه ده نور مالك
زهره..بفزع نور انتي حصل معاكي حاجه في ايه
فضلت تعيط ومش بترد
حاولت عشق تهديها وتقرأ لها قرآن وهي حاطه ايدها على راسها هديت نور شويه
عشق..قوليلي بقى في ايه ماتقلقنيش
ابتدت..نور تحكيلهم اللي حصل وهي منهاره
عشق..وايه اللي يخلي الحيوان ده يتجرأ ويعمل كده من تاني مره يشوفك فيها خصوصا انه طلع يعرف نوح
نور..معرفش بس تقريبا كلام نوح صح وحكتلهم اللي حصل يوم ما خرجو مع بعض
زهره..فعلا لما رجعنا نوح كان باين على وشه ان في حاجه مضيقاه بس كده هو كلامه صح
عشق.. طبعا كلامه صح المهم مش عيزاكي تضايقي نفسك انتي خدتي حقك وكويس انك ادتيله القلم ده عشان يفوق
زهره..احسن ده كان عايز مية قلم مش قلم واحدصراحه لما شوفته مرتحتلهوش خالص باين عليه بتاع بنات وشايف نفسه بفلوسه
نور..بس انا خايفه وقلبي مقبوض وحاسه انه مش هيعديها على خير
عشق..يبقى لازم تقولي لنوح وهو يتصرف خصوصا انه قالك لو اتعرضلك تقوليله
نور..نوح لالا هيحصل مشكله لو قولتله خصوصا ان نوح مش طايقه مش عايزة يحصل مشكله بسببي
عشق..ايوه يانور بس ده شكله مش كويس وبجح والمرادي عدت على خير محدش يعرف ممكن يحصل ايه بعد كده خصوصا انه عارف انتي بتقفي فين وصحابك مين يعني هيوصلك وهو الوقت كرامته وجعاه عشان القلم اللي خده ادام الكل واكيد هيبقى عايز يرد كرامته وده لازم حد يوقفه عند حده
نور..صدقيني ياعشق نوح مينفعش يعرف انتي مشوفتيهوش كان متعصب ازاي لما شافه يعني لوحصل وقولتله الدنيا هتقوم ومش هتأعد وهتبقى مشكله كبيره بسببي خصوصا ان جاسر خاطب اخته يعني ممكن يحصل بينهم هما كمان مشكله واديكي سمعتي من تمارا عن البنت دي لما خبطتها اول مره وتاني مره لما راحت الشركه
عشق..هما واضح كده انهم شبه بعض
زهره..طب ايه رأيك تقولي لليل هو هيعرف يتصرف
نور..لونوح عرف ان قولت لليل ومقولتلهوش هتبقى مشكله تانية
عشق..طيب والعمل
نور.مفيش انا هعدي بكره ومش هروح الجامعة يكون نسي شويه
زهره..تفتكري هينسى
نور..معرفش بقى بس عالاقل ميبقاش الموضوع لسه سخن
عشق..ربنا يستر بس لو اي وقت شوفتيه وحسيتي انه ناويلك على حاجه كلمي اي حد فينا بسرعه واحنا ساعتها نتصرف
نور..حاضر ولمحت الازاز بتاع البلكونه سليم
ايه ده انتو صلحتو الازاز
عشق..اه عديت على الراجل انا وزهره وطلع معانا ركبه على طول
نور..طيب كويس
زهره..ده كان مخلي الدنيا رصاص الصبح
عشق..يلا يانور قومي خدي شاور وغيري هدومك اكون حضرت العشا وتعالي افرجك جبت ايه
زهره..اه يانور البت عشق جابت حتت كاش مايو بالروب بتاعه واللكلوك يجنن
نور..طب فرجيني الوقت
عشق..مسكت الشنطه ماشي ياستي بصو بقى انا قولت اوريهلكم ولو عجبكم هجبلكم انتو التلاته الالوان بتاعته تجنن شوفوه الاول ولو عجبكم بكره اجبلكم طلعته عشق ايه رأيك
نور..ايه ده الله تحفه ياعشق
عشق..بجد طب لونه حلو
نور..اوي ده هيبقى فظيع عليكي وبعدين لونه عليكي هيبقى قمر وكمان لايق مع لون عيونك الزرقه ماشاء الله
عشق..بجد
زهره..والله فظيع بس لازم نشوفه عليكي
نور..ايوه صح
عشق..لامليش مزاج البسه انهرده
نور..لا مليش فيه انا هقوم اخد شاور وناكل وبعدين ادخلي البسيه عشان اشوفه عليكي
عشق..ماشي ياستي
دخلت نور تاخد شاور
وخرجت كانت زهره وعشق حضرو العشا بعد وقت بسيط خلصو قامو شالو الاطباق مع بعض
خدت..عشق الكاش عشان تدخل تاخد شاور دافي وتلبسه
في الشركه
ليل..اعد في مكتبه بيخلص اللي وراه عشان يمشي
نوح وادم خبطو
ليل..ادخل
نوح..ايه خلصت
ليل..اه خلاص وانتو كله تمام
ادم..انا تمام يابوص
نوح..وانا كمان
ليل..في اخبار
نوح..متقلقش كله تحت السيطره ماشيين في خطتنا زي ماأتفقنا بالظبط
ليل..نوح انت وادم انا مش عايز حد فيهم يحصله حاجه
وعايز في اقرب وقت يكونو بيشتغلو معانا وعنينا عليهم
ادم..متقلقش انا بكره هكلم زهره في موضوع الشغل وعارف انها هتوافق
نوح..وانا كمان هقول لنور وواثق انها هتوافق
ليل..انا عارف ان نور هتوافق اولا لان هي الوحيده اللي مش بتشتغل فيهم وثانيا هتوافق عشان تحاول تلهي نفسها بعد اللي حصل للحاج محمد
ادم..طيب وعشق شايف انها هتوافق
ليل..فالاول انا كنت واثق انها هتوافق بس اتفاجأت انها قالت هتفكر بس بردو واثق انها هتوافق المشكلة مش في شغلهم الوقت
نوح..امال ايه
ليل..المشكله في موضوع الشقه اللي نور متمسكه بيها هما لازم يسيبو الشقة في اقرب وقت المكان بتاعهم شعبي ووجودنا ديما في مكان شعبي مع بنات لوحدهم من غير راجل دي في حد ذاتها مشكله ليهم وممكن تطمع اي حد فيهم لكن لو راحو الشقه بتاعتي الوضع هيكون مختلف
ادم..طب والحل هو بردو صعب عليها تسيب المكان اللي اتربت فيه بسهوله كده خصوصا انت عارف انها كانت متعلقه بوالدها
ليل.الحل في ايد الحنين وبص لنوح وهو رافع حواجبه
نوح..انا مع انك بتتريق بس بردو حتى لو انت واثق انها هتوافق عشاني ميتهيأليش من وجهه نظري انها هتوافق او عالاقل الوقت ده لسه عم محمد دمه مبردش
ليل..اهو بردو حاول مش هنخسر حاجه
ادم..عموما في كل الاحوال احنا لازم نتصرف ونظبط كل ده في اسرع وقت يعني يومين تلاته بالكتير يكونو اشتغلو معانا وتحت عنينا
ليل..يبقى تشدو حيلكم عالاقل عشان عشق متطولش فالتفكير لو زهره ونور اشتغلو هي هتتشجع انهم يكونوا كلهم في مكان واحد وفضلوا يتكلموا مع بعض
في منزل حاج محمد
خرجت عشق بعد ما خلصت شاور كانت لابسه الكاش الجديد شعرها واصل لاخر ضهرها بلونه الدهبي وعيونها الزرقا وبشرتها البيضه شكلها كان يجنن كأنها حاجه خيال او رسمه مرسومه بأحترافيه
زهره..اوبااا
نور..ماشاء الله يا عشق قمر
عشق..باحراج بجد
نور..انتي جميله اوي ياعشق على فكره ربنا يحميكي
عشق..انتي اللي اجمل ياروحي
زهره..بجد يا عشق الكاش فظيع مرسوم عليكي وشكلك فيه يطير العقل احنا لازم نكلم البت تمارا تشوف القمر ده
نور..اه والنبي تعالو نغيظها
عشق..سيبوها يمكن عندها شغل او مع حد
زهره..استني نجرب مسكت موبايلها تكلمها فديو كول
تمارا..كانت بتجهز عشان نازله
تمارا..الو
زهره..ياتيمو وحشتيني
تمارا..انتو كلكم وحشتوني اوي
زهره..انا متصله بيكي عشان اوريكي القمر بتاعنا
خدت..منها نور الموبايل بت ياتوتي وحشتيني بقولك ايه
تمارا..ايه يانونتي
نور..البت عشق جابت كاش مايو يجنن بصي هوريكي وهي لبساه شوفي شكله
وجابت الكاميرا على عشق اللي فضلت تتحرك وتعمل حركات زي عارضات الازياء
تمارا..ايه ده يخربيتك يجنن ايه الحلاوه دي كلها
عشق..بجد شكله حلو
تمارا..يابت انتي اللي محلياه ده حرام يتلبس ادام جوز العوانس اللي عندك دول ده عايز العريس
عشق..اتلمي يابت
زهره..احنا جوز عوانس يا بقره
تمارا..بضحك لا انتو حبايبي بت ياعشق انا عايزه منه مليش فيه
عشق..والله لسه بقول للبنات اني جبته عشان تشوفوه وهجبلكم انا مني ليكم هديه بس خوفت ميعجبكوش
تمارا..ده جامد والله لو مجبتيلي واحد لا اكون واخده ده منك
عشق..لاوالله هجبلكم بكره عايزه لون ايه
تمارا..الوانه ايه لو في بينك هاتيلي
عشق..ايوه في بصي هو كل الوانه تهبل انا هصورهم بكره وانتو اختارو ايه رايك
تمارا..خلاص تمام مبروك عليكي ياروحي وخبط باب اوضتها بقولكم ايه أقفلو يلا عشان نازله اتعشى تحت هكلمكم تاني
زهره..الله يسهلو
تمارا..عينك ياحوريه هي نقصاكي
زهره..ماشي ياجزمه
تمارا..يلا خدو بالكم من نفسكم هرجع اكلمكم تاني
عشق..باي ياتيمو
تمارا..باي
رن تليفون نور
نور..دي طنط ساميه اللي فوقينا
نور..الو ايوه ياطنط ساميه
ساميه جارتهم ازيك يانور
نور..الحمدلله ياحبيبتي بخير
ساميه..معلش يابنتي اني بكلمك فالوقت ده
نور..لاياطنط متقوليش كده لسه بدري يعني خير في حاجه
ساميه..والنبي يانور انتي او البنات في حد فيكم بيدي حقن
نور..اه زهره بتعرف تدي ليه في ايه مالك
ساميه..الاملاح يابنتي تعباني اوي كنت عند الدكتور امبارح وقالي كل 12ساعه حقنه والله من التعب مقدرتش انزل الصبح فاقولت اسالك بدل ما يضيع اليوم من غير ما اخدها
نور..لا ياطنط سلامتك حاضر زهره هتطلعلك تديهالك
ساميه.اسفه يابنتي بس والله ما قادره اقف على رجلي
نور..ايه اللي بتقوليه ده ياطنط احنا زي بناتك
ساميه..ربنا يحميكم يابنتي
نور..يلا اقفلي وهي هتجيلك الوقت سلام
ساميه..سلام يا بنتي
زهره..مالها في ايه
نور..محتاجه تاخد حقنة الاملاح عشان رجليها تعبانه والنبي اطلعي اديهالها يازهره..الست دي طيبه اوي وبتصعب عليا جوزها ميت وبنتها الوحيده متجوزه ومسافره مع جوزها ملهاش حد
عشق..طيبه فعلا اوي ووشها بشوش كده
زهره..طيب حاضر هطلع بس تعالي معايا انا مليش كلام معاها اوي وبصراحه بتحرج
نور..تتحرجي من ايه دي اعده لوحدها وبعدين دي فوقينا بدورين يا زهره
زهره..مليش فيه
عشق..خلاص روحي معاها وخلاص يا نور
نور..طب قومي يا اختي نطلعلها
عشق..استني يا اختي انتي وهي طالعين كده
نور..لا هنحط طرحه يعني مش هنطلع كده
عشق..وبالنسبه للترنج يا اختي انتي وهي هتطلعو كده عالسلم
نور..الناس اعدين في بيوتهم مدفيين ودي فوقينا مش رايحين الشارع
زهره..يلا سيبك منها الست هتموت فوق
عشق..حتى انتي بوظتي خلاص
زهره..وهي بتلبس الزنط على دماغها كملت بضحك خليكي في نفسك يابتاعة الكاش مايوه
عشق..بابتسامه ماشي ياجزمه انتي وهي بصو عالسلم قبل ما تنزلو احسن يكون حد طالع او نازل ويشوفكم بمناظركم دي
نور..لبست هي كمان الزنط حاضر حاضر
خرجت نور وزهره بصو عالسلم كويس وطلعو
أما عند الشباب
ادم..عارف ياليل لما لقيتك الاول اهتميت بعشق قبل ما تحكيلنا عاللي حصل فكرت انك معجب بيها
نوح..صراحه وانا كمان
ليل..انا معجب بعشق ؟؟لا خالص كل الحكايه ان عشق وتمارا ونور وزهره الاربعه عم محمد وصاني عليهم مش اكتر يعني هما بالنسبالي مش اكتر من وصيه بنفذها
ادم..ليه بتقول كده يا ليل ادي نفسك فرصه حاول تتغير
ليل..مبقاش ينفع خلاص يا ادم
نوح..هو ايه اللي مبقاش ينفع عشق حلوه وجميله ولا انت يا ليل يعني فعلا كنت معجب بيها زي ماحسينا بس لما عرفت حقيقتها بعدت وقررت انك تكون مجرد بتنفذ وصيه زي ما قولت
ليل..ايه العبط اللي انت بتقوله ده لا طبعا مش كده خالص هي ملهاش ذنب بس العيب عندي انا
ادم..انسى يا ليل حاول ترجع ليل القديم من تاني حاول تبعد ليل القاسي اللي مبقاش في باله غير انه يسهر ويشرب ويقضي وقت مع الستات وفالاخر يرميلهم شويه فلوس
ليل..كلهم كلاب وده اخرهم
نوح..لاياليل مش كلهم ومش ليل السيوفي اللي واحده تعمل فيه كده
ليل..بعصبيه انت فاكر ان اللي عامل فيا كده واحده انا اللي عامل فيا كده اني حبيت بجد اني اديت كل اللي عندي وخلاص مبقاش عندي حاجه اديها لحد خصوصا انهم كلهم شبه بعض
ادم..طب وعشق
ليل..يادي عشق انا مالي ومالها ياسيدي عشق كويسه وياسيدي مش كلهم زي بعض بس انا معنديش حاجه اديها لحد فهمتو اقفلو الحوار ده بقى من فضلكم
...
عند تمارا
فتحت تمارا الباب لقت جاسر وعلى وشه ابتسامه جميله وهاديه
جاسر..خلصتي
تمارا..ايوه
جاسر..طيب يلا
تمارا..يلا
خرجت تمارا ونزلت معاه كان هادي مستنيهم خدهم وراح مكان جوه الفندق مطعم شيك جدا اعدوا وطلبو العشا وابتدا يشتغل زي فقرات غناء وهما بياكلو كان الجو جميل خلصو عشا
اشتغلت موسيقي هاديه سلو
ميرنا لجاسر تسمحلي بالرقصه دي
جاسر..وهو بيبص عالصوت قام وقف
ايه ده ميرنا يخربيت عقلك انتي جيتي من بره امته
ميرنا..وهي بتضحك جيت من اسبوع كده عاش من شافك
جاسر..انا موجود انتي اللي اختفيتي
ميرنا..واديني رجعت يا سيدي وهأعد على قلبكم
جاسر..اعرفكم ميرنا بنت خالي
هادي..اهلا بيكي
ميرنا اهلا بحضرتك
جاسر..تمارا
ميرنا..هاي ياتمارا
تمارا..هاي ياميرنا
رغم ان تمارا كانت من جواها بتولع بس حست ان ميرنا طيبه ومرحه ومش معقدة ومغرورة زي هايدي لكن من جواها بردو كانت هتولع
ميرنا..يلا تعالا ارقص معايا
جاسر..ماشي يامجنونه تعالي
جاسر..بعد اذنكم
راح..جاسر معاها وابتدا يرقص ويضحك ويتكلم هو وميرنا اللي كانت عباره عن كتله نشاط
اما تمارا..فكانت عنيها عليهم ومش طايقة نفسها جاسر كان بيبص عليها من تحت لتحت بس كان متجاهلها تماما لدرجه ان تمارا استغربت ازاي سابها بسهوله كده مع هادي
هادي..تحبي ترقصي يا انسه تمارا
تمارا..بابتسامه انا ارقص لا معرفش
هادي..متعرفيش ايه هي صعبه يعني اديكي شايفه اهو رايحين جاين واعدين يلفو حوالين بعض ولا بيعملو اي حاجه
تمارا..ضحكت طيب يرضيك افضل الف وادوخ واقع والناس تضحك عليا
كل ده كان تحت انظار جاسر اللي اختفت ابتسامته مع ميرنا وعينه بقت مركزه معاهم
هادي..تدوخي وتقعي ايه انتي راكبه فالملاهي
تمارا..فضلت تضحك على خفه دمه
هادي..اخيرا شوفتك بتضحكي
تمارا..ليه وانا شكلي كئيبه اوي كده
هادي..لا خالص مقصدش بس عارف ان جاسر خانقك.
تمارا..بارتباك لا خالص ليه بتقول كده
هادي..عشان باين عليه مش مديني فرصه حتى اقولك كلمه حتى لو فالشغل
تمارا..تقصد ايه
هادي..اقصد انه بيحبك وبيغير عليكي
تمارا..بصدمه نعم
هادي..زي ما انتي بتحبيه وغيرانه عليه الوقت وهو بيرقص مع قريبته
تمارا.اتصدمت اكتر وارتبكت
هادي..متستغربيش انا حبيب قديم وافهم في لغة العيون العيون فضاحه زي ما بيقولو وما بتسترش مهما حاولتي تخبي
نزلت..تمارا عينها تحت باحراج
هادي..انا كنت بحب وكنت متجوز
رفعت تمارا عينيها بهدوء تسمعه
كنا بنحب بعض من الجامعه كنت اكبر منها بسنه فضلنا نحب بعض 7سنين خلصنا دراسه وسافرت واشتغلت مع ابويا واخيرا حددنا معاد الجواز وفعلا اتجوزنا بعد ما وقفت على رجلي وكبرت شغل ابويا اللي كان عباره عن مكتب سياحي صغير في وسط البلد حبيت المجال واديته كل حاجه عندي اتجوزنا وعملت فرح كبير لكن القدر كان اقوى مني ومنها وبعد جوازنا بشهر ماتت اتكهربت وهي بتعمل العشا على بال ماجريت عليها كان كل حاجه خلصت وبعدها عشان احاول اخرج من اللي انا فيه دفنت حياتي فالشغل لغايه ما بقيت زي ما انتي شايفه
تمارا..بحزن انا اسفه
هادي..على ايه انا عايز بس اقولك ان ممكن تكوني حستيني سخيف بعاكسك بضايقك بس صدقيني مش انتي المقصوده كنت عايز بس اخلي جاسر ينطق بدل ما يضيع وقت ومحدش عارف امته يومه جاي
تمارا..حضرتك تعرف جاسر
هادي..اعرفه من سنين كتير وعلى فكره بحسه مش بيستظرفني يمكن عشان مفيش بينا معرفه شخصيه اللي بينا شغل وبس بس انا بحبه جدا على فكره عشان جدع انا يمكن صاحب ليل وادم اكتر
تمارا..بابتسامه بجد المفروض الانسان ميحكمش على حد من غير ما يتكلم معاه ومتزعلش مني انا فعلا كنت بحسك زي ما قولت
هادي..بابتسامه سخيف
تمارا..يعني بس بجد حضرتك بني ادم محترم
هادي..لو بتحبيه بجد حاربي عشانه وهو لو بيحبك هيحارب عشانك متضيعوش وقت العمر بيتسحب مننا واحنا مش حاسين ومحدش فينا عارف مين اللي هيسيب التاني الاول
تمارا..بابتسامه جميله انا مبسوطه اني اتكلمت مع حضرتك بجد
هادي..انا اكتر والله ومن انهرده اعتبريني اخوكي وكمل بغمزه بس أدام جاسر انا السخيف اللي بيعاكس
ضحكت..تمارا بصوت عالي شويه وصل لسمع جاسر اللي كان شايط
ميرنا..وهي بتبص على جاسر عايزه تعرف باصص فين الله شكل هايدي هانم مش ماليه عين الباشا بتاعنا
جاسر..وهو بيبصلها تقصدي ايه
ميرنا..ودي محتاجه شرح باين على عينك اللي بتطلع نار
مين المزه دي
جاسر..يابت اتلمي مزه ايه ايه الكلام ده ده منظر واحده كانت عايشه بره
ميرنا..لابجد مالك كده حاسه انك هتفجرهم بتحبها ولا ايه
جاسر..يابنتي انتي عبيطه بقولك اعدين اعدت شغل ودي سكرتيرتي
ميرنا..وايه اللي يمنع ياباشا انتو معندكوش مرايات في بيتكم ولا ايه بص كده على اي مرايا شوف شكلك
جاسر..وهو بيضحك انتي مشكله
ميرنا..طب بزمتك انا صح مش كده قول بقى الفضول هيقتلني
جاسر..انتي شايفه ايه
ميرنا..شايفه انه اه وعلى فكره مش انت بس هي كمان عايزه تفجرني
جاسر..بفرحه بجد
ميرنا..ايوه بقى انا قولت والله يابت ياميرنا انتي استاذه في لغه العيون
جاسر..بس يافضيحه وطي صوتك
ميرنا..بصراحه بجد والله شكلها احلى واظرف من هايدي بتاعتك دي متزعلش مني بس صراحه مبتنزليش من زور
جاسر..وهو بيضحك ولا هي بتطيقك انا نفسي اعرف ليه كلكم مش بتحبوها
ميرنا..وهي بتضحك اديني سبب واحد نحبها عشانه
جاسر..طب ابوس ايدك بلاش تسييح انا عارفك وانا عارف اللي يمشي ورا العيال.مااا.
ميرنا..بضحك متكملش
بس بقولك ايه بجد والله شكلها بتحبك
جاسر..عارف
ميرنا..طب وانت
جاسر..بحبها يا ميرنا
ميرنا..طب وهايدي
جاسر..ليها حساب عندي لسه محتاج اصفيه
ميرنا..حساب ايه
جاسر..مش وقته الوقت المهم مطوله ولا لا يمكن احتاجك معايا
ميرنا..انا خلاص اعده على قلبكم
جاسر..طب حلو اوي تعالي نروحلهم وهبقى اكلمك افهمك
ميرنا..قشطه يلا
عند ليل
ليل..بقول ايه يلا كفايه رغي قوموا بينا
ادم..هنروح ولا ناوي تسهر
ليل..لامليش مزاج تعالو نروح احسن
نوح..يلا انا كمان مصدع
اما عند عشق
بعد ما طلعت نور وزهره
عدى حوالي نص ساعه
كانت عشق واقفه ادام المرايه تسرح شعرها وسرحانه ومبتسمه
سابت الفرشه من ايدها العيال دول اتأخرو كده ليه
وفجأه سمعت صوت
دار الايتام
البارت السادس عشر...
تكسير ازاز أتخضت عشق وكلمت نفسها تاني خرجت تجري عالبلكونه عشان تشوف مين اللي بيحدف طوب لقت الازاز زي ماهو والشيش والازاز مقفولين أستغربت
عشق..ايه ده امال ايه صوت التكسير ده اتحركت على الحمام والاوضه التانية براحة ملقتش حاجة كل حاجة زي ماهي دخلت عالمطبخ لقت ازاز الشباك مكسور حبت تبص عالمنور الداخلي معرفتش كان اطول منها حست بخوف خرجت عالصاله عشان تكلم نور وزهره تقولهم سمعت صوت حركه عالباب وكأن حد بيحاول يفتح
عشق..بصوت باين عليه الخوف مين ابتدت ترجع براحه لورا على الاوضه عشان تجيب موبايلها تكلم نور دخلت بسرعه مسكت الموبايل وجابت رقم نور رنت سمعت صوته معاها فالشقه عرفت ان نور سابته
جابت رقم زهره بسرعه وحطته على ودنها وخرجت تاني عالصاله وهي بتتصل فجأه اتفتح الباب واتفاجأت عشق ب3 شباب داخلين عليها من المنطقه كانت دايما تشوفهم وهي راجعه متأخر من الشغل اعدين على ناصيه الشارع
نزلت التليفون من ودنها بصدمه
عشق..انتو عايزين ايه وازاي تدخلو هنا
فاللحظه دي رن تليفون زهره
زهره لنور دي عشق بتتصل
نور ردي قوليلها نازلين
زهره..ايوه ياقلبي نازليين خلاص اهو
ظهر على زهره ملامح التخشب اول ماسمعت صريخ عشق
عشق..ابعد عني ياحيوااان
عشق.نوور زهرره
الشاب فتح المطوه وحطها في جمبها وهو مكتفها وحاطط ضهرها ليه وايده التانيه على بوئها لوصوتك طلع هتموتي خلينا نقضي يوم حلو كده بهدوء وهنسيبك وننزل وإلا المطوه دي هغرزها في قلبك مفهوم
عشق..وهي دموعها نازله هزت دماغها بسرعه.
نور...في ايه يازهره
زهره..نور حد دخل على عشق الشقه
نور..ايه بتقولي ايه جريت نور وزهره ووراهم جارتهم ساميه نزلو بسرعه دور
وحسو بصوت بصت نور براحه ورجعت لورا بسرعه لما لمحت واحد منهم واقف على الباب بره يراقب السلم
نور.حطت ايدها على بوء
زهره ورجعو كذا خطوه لفوق
نور..حد واقف
زهره..طب هنعمل ايه
نور..هكلم نوح بسرعه ايه ده تليفوني فالشقه
زهره..استني انا هكلم ادم
رجعو تاني بسرعه وقفو ادام شقه جارتهم
جابت زهره رقم ادم وهي ايدها بتترعش اتصلت عليه في نفس اللحظه اللي كان ليل وادم ونوح خرجو من اسانسير الشركه ورايحين على عربياتهم رن تليفون ادم
ادم..غريبه دي زهره.
نوح..والعه
ادم..اتلهي غريبه انها تتصل في وقت زي ده
ليل..طب ماترد لا يكون في حاجه
ادم..الو فلحظه ملامحه اتغيرت لما سمع صوت زهره اللي بيعيط بهستريا
ادم..زهره في ايه مش فاهم حاجه اتكلمي من غير عياط
نوح..في ايه
ليل..بقلق في ايه يا ادم
زهره..ادم في حد دخل الشقه وعشق جوه لوحدها وسمعاها بتصرخ لما جيت انزل انا ونور لقينا واحد واقف بره بيراقب السلم وانا معرفش مين معاها وايه اللي بيحصل
ادم..انتو فين
زهره..احنا عند جارة نور
ادم..خليكو مكانكم متحاولوش تنزلو احنا جايين حالا
قفل معاها
ليل..بقلق في ايه يا ادم
ادم..بسرعه مفيش وقت في حد اتهجم على شقه حاج محمد وعشق لوحدها جوه
ليل..بفزع بتقول ايه يلا بسرعه
خرج..ليل طاير ونوح وادم وراه
ليل..وهو بيتكلم فالموبايل مع رجالته
واحد من رجالته ايوه ياليل باشا
ليل..تسيب اي حاجه في ايدك وجري على شقه حاج محمد
الشخص طب والمشوار اللي حضرتك مبلغنا بيه
ليل..انت لسه هتتكلم ياغبي اخلص سيب اللي في ايدك انا جاي وراك
قفل ليل..وثواني وكل واحد فيهم كان جوه عربيته وبأقصى سرعه عندهم طاروا بالعربيات
عشق..ابعد عني ارجوك سبني
الشباب 1.اسيبك ايه يخربيتك ده انتي طلقه
شاب 2مليش فيه انا اللي هبدا الاول
رد عليه الاول لا البدايه دايما عندي ولا ناوي اخسرك
الشاب2 خلاص ياعم ابدأ
الشاب 3فتح الباب اللي كان مواربه انتو ناسيني خالص على فكره
شاب1لا ياعم منقدرش بس يلا بقى عشان السهره شكلها هتحلو مسك عشق من ايدها وسط زهولها وبيحاول يشدها ابتدت عشق جسمها يتلج ويتخشب
الشاب1يلا يا حلوه
عشق..سيبني بقولك
ابتدا الشاب..يقرب منها ويحاول يحاصرها اكتر
فاللحظه دي فقدت عشق السيطره على نفسها وفضلت تصرخ بكل قوتها وهو يحاول يكتم صوتها عضته من ايده
الشاب..1اااه ايدي يا بنت الكلب وضربها بالقلم بقوه لدرجه ان شفايفها اتفتحت
عشق..وهي بتصرخ لو اخر يوم في عمري مش هتلمسني
مسكها من شعرها..ورماها عالارض طب انا كنت ناوي اكرمك ومتعبكيش واحطك عالسرير بس انتي اخرك عالارض وحدفها بكل قوته عالارض اتخبطت راسها في حرف الكرسي بقوه واتفتحت صرخت عشق وحست انها خلاص كل قوتها بتنهار حست انها هتفقد الوعي لكن كانت مصره انها تتحامل على نفسها وتتماسك عشان متفقدش أغلى حاجه عندها
انقض عليها الشاب يحاول شويه يكتم بوئها وشويه يحاول يأيد حركتها
مسك الروب اللي فوق الكاش مايوه قلعهولها بالعافيه لدرجه انه اتقطع
حاول يشيل الفستان وسط صراخ عشق ومحاولاتها فالدفاع عن نفسها
وكأن العالم كله من حواليها فجأه بقي أصم ومش سامع صراخها
ولسوء حظها فعلا مكنش حد سامع حاجه المطر شغال والرعد والبرق شغالين وكل واحد اعد في بيته قافل عليه وقافل اي مكان يدخل منه البرد ولان البيوت القديمه كانت بتتميز بالمداخل الكبيره وحوائطها كانت كبيره كان محدش سامعها ولولا زهره فتحت الخط وسمعت صراخها مكنتش حست بيها هي كمان فضل الشاب يضرب فيها وهي تعافر معاه ولاخر نفس متماسكه عشان متفقدش وعيها
الشاب بغضب ماتمسكها معايا بدل ما انت اعد تتفرج
قرب منها الشاب التاني وحاول يمسك ايدها عشان يشل حركتها بأيد واحده والتانيه على بوئها لدرجة انها اقسمت بداخلها ان روحها بتطلع ادام عينيها
حاول الشاب التاني انه يقرب منها ويفقدها اعز ما تملك لكن عشق مستسلمتش فضلت تضرب بكل قوتها برجليها عشان تبعده عضت التاني من ايده جامد ومن قوة العضه ساب ايدها بسرعه ومسك ايده وهو بيتألم والدم نازل منها
حاولت عشق..تقوم وتضرب فيه بايدها ورجليها كانت خلاص جالها حاله من الانهيار
وفضلت تصرخ بكل قوتها وصل صوتها لزهره ونور
زهره..بعياط دي بتصرخ
نور..لاانا مش قادره هما اتأخرو كده ليه
جارتهم..لطفك يارب احميها انا هبلغ البوليس
نور..استني بس هما جايين حالا
زهره..سابتهم ودخلت جري على شقة جارتهم دخلت عالمطبخ فتحت الادراج زي المجنونه طلعت سكينه وخرجت بسرعه
نور..أستني رايحه فين
زهره..دي عشق يانور وانا مش هقف لحدما يجو يكونو قتلوها ولا اغتصبوها انا هروح واللي يحصل يحصل
نور..نزلت وراها استني انا جايه معاكي
نزلت زهره وهي من جواها مرعوب وبتترعش لكن كانت عايزه تنقذ عشق حتى لو اخر يوم في عمرها
نزلت..ادام الباب كانت شايفه شعاع نور بسيط واللي كان واقف مش موجود بره عرفت انه هو كمان دخل
قربت من الباب وفتحته بايدها براحه واتصعقت من المنظر عشق فالارض بين الصاله واوضتها شاب فوقيها بيحاول يقلعها والتاني بيحاول يساعد صاحبه عشان يغتصبها
اما التالت مخدتش بالها منه كان فالمطبخ بيغسل ايده من الدم بسبب عضة عشق ليه
زهره..بصراخ سيبها ياحيوان ابعد عنها وإلا السكينه دي هدبها في قلبك
الشاب..استني بس
زهره..بصراخ بقولك ابعد عنهاااا وفضلت تقرب وهي حاطه السكينه ادامها وهما بيحاولو يقفو عشان يثبتوها ونور وراها لكن مكنوش واخدين بالهم من اللي جه من وراهم ومسك نور اللي اطلقت صرخه عاليه وحط المطوه ادام صدرها قفل الباب بسرعه سيبي السكينه اللي في ايدك دي ياشاطره بدل ما اطلع قلبها ادامك سيبيي
زهره..مش هسيب وسيبها بقولك انا ياقاتل يامقتول انهرده
ولاول مره زهره كانت تبان بالقوه دي رغم الخوف اللي جواها لكن لاول مره كانت تظهر عكس اللي جواها
اوقات كتير ضغط المواقف اللي حوالينا بيظهر شخص اخر احنا نفسنا منعرفهوش اوقات موقف صعب نمر بيه يظهر المارد اللي جواك مهما كنت شخص طيب
قرب..منها الشاب التاني اللي كان بيساعد صاحبه وهي مش واخده بالها حاول يمسك منها السكينه وهي تعافر معاه ومش راضيه تسيبها ابدا
الشاب قدر يوقع السكينه وفضل يضربها بالقلم وهي تضربه
اما التالت اللي ماسك نور فامسكها هو كمان وحاول يعتدي عليها وبقى المكان عباره..عن 3وحوش بيحاولو يسلبو من 3بنات اعز حاجه عندهم
عشق..مفقدتش عمرها ايمانها بالله بس فاللحظه دي كانت عشق ابتدت تنهار حقيقي وابتدا شريط حياتها يمر ادام عنييها رغم ضربها فالشاب وعدم استسلامها لكن شريط حياتها الاسود كان بيمر ادامها من تعذيبها فالملجأ للكلام اللي كانت بتتعرضله مكنش في جمله في دماغها بتترد غير
انتي بنت حرام
انتي بنت حرام
انتي بنت حرام
واخيرا فاقت عشق على صرخه الشاب التاني اللي كان بيحاول يعتدي على زهره
زهره بتضحك زي المجنونه قتلته قتلته
قام الشاب وهو ماسك السكينه اللي اتغرزت في بطنه
الشاب اللي كان ماسك نور يابنت الكلب قتلتيه وقبل ما يكمل جملته كانت سحبت زهره السكينه من بطنه وصرخت بكل قوتها وهقتلكم انتو كمان ابعدو عنهم
وقف الشباب بزهول من اللي فقدت السيطره على نفسها
لكن اللي كان مع عشق مش راضي يستسلم
زهره..بصراااخ ابعدو بقولكم
وقبل ما يرد عليها الشباب كان الكل سمع ركله للباب هشمته بتعلن عن وصول الحمايه والامان
دخل رجالة ليل اللي وصلو تحديدا في نفس وصول ليل وادم ونوح
دخلو الرجالة وظهر من وراهم ليل اللي هيبته لوحدها ترعب اي حد
وفاللحظه دي الشباب حسو انهم خلاص ميتين وسيطر عليهم شعور الرعب
اما البنات حالهم مكنش يقل حاجه عن حال الشباب لكن كان شعورهم مختلف احساس بالامان ولكن الصدمه الحقيقية كانت على ليل ونوح وأدم من المنظر اللي شافو عليه البنات
وفنفس لحظه دخولهم قام الشاب من فوق عشق قامت عشق بسرعه وعلامات الرعب باينه عليها وشها ابيض الدم خارج من كل مكان دموعها مش بتقف رعشه في جسمها وكأن في جهاز داخل جسمها بيكرهبها
ليل..كان لاول مره يشوفها من غير حجاب كانت حوريه من الجنه
زهره كانت بتعيط وتضحك ومفيش غير جمله واحده بتقولها بهيستريا قتلته انا قتلته انا قتلته
نور كانت هدومها مقطعه
اما ليل فا كان عقله في عالم تاني
وعقله مبيرددش غير جمله واحده جمله كانت السبب في تحويل شخصيته وهي اللي حولته فالموقف اللي شافه ده لوحش
ليل انا مش بنت
ليل انا مش بنت
ثواني وليل كان اتحول لوحش حقيقي ومسك الشباب قتلهم وادم ونوح ساعدوه وخلو الشباب مفيهمش حته سليمه حتى اللي اضرب بالسكينه
وقعوا الشباب في ايدهم مغمَ عليهم
ليل..لرجالته وهو بيتنفس بسرعه ونظرته مخيفه وصوته يرعب خدوهم عالمخزن مش عايز حد يلمحهم مفيش حد فيهم يشوف النور لا اكل ولا شرب لحد ما اجيلهم وبكل قوته مفهوووم
رجالة ليل مفهوم يا ليل باشا شالوهم رجالته وخرجو بيهم بره الشقه
ليل..للبنات اهدو اهدو خلاص اعتبرو مفيش حاجه حصلت
كانو البنات واقفين جمب بعض هدومهم متقطعه دموعهم مبتقفش
نوح..بغضب لمسو واحده فيكم
نور..فضلت تهز دماغها بهيستريا وعياط قرب منها نوح اخدها في حضنه مسكت نور في ضهره بكل قوتها وانهارت
اما زهره مكنتش بتقول غير انا قتلته قرب منها ادم رجعت لورا بخوف وهي ماسكه عشق
ادم..زهره انتو كويسين خلاص متخافيش
زهره..فاقت شويه وانهارت انا قتلته يا ادم كانو هيغتصبونا
ادم..ششش خلاص كل حاجه خلصت متخافيش وقرب منها خدها في حضنه وفضل يطبطب عليها
اما عشق فا كانت صاحيه لكن مش في وعيها عنيها مبرقه دموعها مش بتقف وساكته تماما وماسكه جسمها بايدها وبتترعش كان شكلها يشبه الاموات
ليل..عشق انتي كويسه
عشق..بتتنفس بسرعه ومش بترد
قرب منها ليل يهزها لكن مكنش في استجابه
ليل..عشق انتي كويسه متخافيش
وابتدا ليل يضربها على وشها براحه عشان ترجع من صدمتها واخيرا رفعت عينها عشق لليل وهمست بصوت واطي متسبنيش ووقعت فاقده وعيها بين ايد ليل اللي ايده كانت اسرع وشالها بين ايده
زهره..عششق جريت عليها هي ونور
نور..بعياط عشق والنبي فوقي
حطها ليل على الكنبه بسرعه
ليل..باصص عليها وعلى جسمها اللي ظاهر وهي نايمه حس بغيره من جواه لمجرد وقفة نوح وادم ادامها
ليل..بصوت قوي جبولها حاجه نغطيها من جوه بسرعه
دخلت نور بسرعه جابتلها الاسدال بتاعها حاول ليل بمساعده البنات يلبسهولها وسابو شعرها اللي نازل بلونه اللي يخطف وملمسه الحرير
رفع ليل الطرحه عليها
زهره..جابت برفيوم عشان تفوقها خده منها ليل وابتدا يرش في ايده ويشممها
زهره ونور مش مبطليين عياط وبعد كذا محاوله اخيرا استجابت عشق فتحت عينها براحه وتقفلها وترجع تفتحها خدت ثواني لحد ما ابتدت تركز واول ما شافتهم كلهم حواليها افتكرت كل اللي حصل وقامت بسرعه وهي بتحاول تخبي جسمها برعب
ليل..عشق اهدي انتي كويسه
عشق..ابتدت دموعها تنزل وانهارت وانهاروا معاها البنات
ليل..كان اعد ادامها على ركبته حاول يقرب منها وياخدها في حضنه كان خايف من رد فعلها لكن قرب وشدها لحضنه واتصدم لما لقى عشق استجابت واترمت في حضنه شدد ليل من احتضانه ليها عشان يطمنها
وبعد ثواني بعدت عشق سابها ليل براحتها فاللحظه دي سمعو صوت عالباب
جارتهم ساميه اتفضل ياباشا
ليل قام وقف دخل الظابط ومعاه رجالته
الظابط..مساء الخير
ليل..بجديه مساء النور
الظابط جالنا بلاغ من الحاجه بتقول ان في حد اتهجم على الشقه هنا وفي بنات لوحدهم
ادم ونوح والبنات بصو لليل زهره كانت مرعوبه ومن غير ما تحس مسكت في ايد ادم برعب مد ادم ايده مسك ايدها بين كفه وهزلها دماغه براحه انها متتكلمش
نوح..لنور براحه ادخلي البسي حاجه
نور..حاضر
خدت نور زهره ودخلو لبسو ورجعو
ليل..بثبات ايوه حصل 3 شباب دخلو عليهم بس لحقناهم فالوقت المناسب
الظابط طيب وفين الشباب
ليل..قبل مانوصل واحد فيهم بلغهم وللاسف جريو مقدرناش نمسك حد فيهم ولا حتى نشوفهم
الظابط..حضراتكم مين
ليل..انا ليل السيوفي صاحب مجموعه شركات السيوفي للحديد والصلب وده نوح السيوفي اخويا وادم ابن خالتنا
الظابط..باستغراب ليل باشا السيوفي بجد
ليل...اكيد مش بهزر ياحضرت الظابط
الظابط..لامقصدش ياباشا بس مستغرب وجود حضراتكم فالمكان هنا
ليل..الانسه نور تبقي بنت الراجل اللي كان شغال معايا وللاسف اتوفي من فتره بسيطه واللي بينا مش مجرد صاحب شركه وموظف الراجل ده عشره عمر شغال معانا من سنين وانا دايما بشوف طلباتهم والبنات معاهم تليفوناتنا ولما حصل كده اتصلو علينا
الظابط..طيب احنا محتاجين البنات معانا عشان نفتح محضر
ليل..ملوش لزوم زي ما حضرتك شايف دول بنات واعدين لوحدهم وبيتهيألي الشوشره مش حلوه عشانهم
الظابط..طيب مش نسألهم يا ليل باشا يمكن يحبو يثبتو حاله ونرجعلهم حقهم
ليل..طبعا
الظابط..لعشق انتي نور
عشق..لا انا عشق قريبتها
الظابط..تقدري تقوليلي اللي حصل
عشق..الحاجه ساميه اتصلت بنور عشان تسأل لو حد فينا يعرف يدي حقن عشان كانت تعبانه
ونور قالتلها ان زهره بتعرف وهتطلعلها ولما قفلت زهره اتحرجت تطلع لوحدها فا نور طلعت معاها وانا كنت لوحدي
وبعدها بشويه سمعت صوت تكسير ازاز ودي مكنتش اول مره امبارح حصل نفس الموقف ولما سمعنا الصوت خرجنا لقينا باب البلكونه اتكسر وبعدها بثواني اتحدف طوبه تانيه كسرت الازاز كله لما بصينا ملقيناش حد قفلنا الشيش كويس وقولنا اكيد طفل بيلعب او حد حدفها وجري وانهرده جبت واحد ركبه وقبل ما يدخلو عليا سمعت صوت تكسير تاني جريت اشوف مين اللي بيحدف لقيت الباب زي ما هو والازاز مش مكسور لفيت الشقه كلها لقيت المطبخ هو اللي مكسور ومقدرتش اشوف مين لان الشباك عالي خرجت عشان اكلم زهره ونور ينزلو يشوفو سمعت صوت حركه عالباب وكأن حد بيفتح الباب جريت اجيب رقم نور لقيت الموبايل هي سيباه هنا اتصلت بزهره وقبل ما ترد لقيت الباب بيتفتح والتلاته ظهرو ادامي دخلو اتنين وواحد منهم فضل واقف يراقب السلم وهو ماسك الباب قربو مني وحاولو يي سكتت عشق فاللحظه دي من الاحراج
الظابط..وبعدين
عشق..شكلهم كانوا شاربين حاجه وحاولو يعني انهم
الظابط..عشان ميحسسهاش بالتوتر..تمام فاهمك
عشق...بعدها زهره ونور نزلو حاولت زهره تهددو هي ونور وللاسف مسكوهم وبعدها بشويه جه مستر ليل ومعاه مستر ادم ومستر نوح بس قبل ما يدخلو كانو سابونا وجريوا على فوق طلعو وراهم ملقوش حد ليل بصلها باعجاب انها اكدت على كلامه
الظابط..طيب انتو تعرفوهم
عشق..انا تقريبا شوفتهم فالحته هنا كذا مره
نور..وانا كمان اعرفهم بيقفوا دايما عالشارع
الظابط..طيب تحبو تعملو بلاغ
عشق..بتسرع لا حضرتك بلاش احنا زي مامستر ليل قالك اعدين لوحدنا من بعد ما والد نور اتوفى ومش عايزين حد يعرف حاجه
الظابط..عموما ده رقمي وطلع كارت لو حبيتو اي وقت تقدمو بلاغ انا تحت امركم
ليل..شكرا يا حضرت الظابط
الظابط..العفو يا ليل باشا مبسوط اني شوفت حضراتكم واي وقت تحبو تقدمو بلاغ انا تحت امركم
ليل..بأبتسامه شكرا
الظابط..بعد اذنكم
مشي الظابط
الست ساميه..معلش جيت متأخر بس لما شوفت الشباب الله يحميهم جم اطمنت واستنيت الظابط
نور..مكنش ليه لزوم تبلغي
الست ساميه..ازاي يابنتي عشان ياخدو جزاتهم بس صحيح انا كنت واقفه مستنيه الظابط مشوفتش حد جري
ليل..بحزم لاطلعو اكيد مخدتيش بالك
الست ساميه بطيبه يمكن يا ابني اصلي كنت شويه اقف عالباب وشويه اروح بسرعه ابص عالشرطه من البلكونه
ليل..عموما شكرا ليكي يا حاجه تعبناكي اتفضلي انتي عشان نسيب البنات ترتاح
الست ساميه..باستغراب من طريقته حاضر..مش عايزين حاجه يا بنات
نور..شكرا لحضرتك يا طنط تعبناكي
ساميه تعبك راحه يابنتي بعد اذنكم
خرجت وقفل ليل وراها الباب وبصلهم وهما كلهم واقفين في صمت
لكن ادم قطع الصمت ده انت ليه مقولتش للظابط
ليل..اقوله اني خدتهم عشان همحيهم من على وش الدنيا وبعدين لازم اتأكد الاول بنفسي العيال دي تبع مين
نوح..ما البنات بيقولو انهم بيشفوهم فالشارع
ليل..ولو مايمكن الزباله التانيين متفقين معاهم
نور...مين دول تقصد ايه ومين اللي متفقين مع حد
عشق..قاطعتها وكملت كلامها بخوف انت هتعمل فيهم ايه اوعي تعمل فيهم حاجه انت لازم تسلمهم
ليل..بغضب نعممم ايه صعبانين عليكي
عشق..لا بس دي مش طريقه ممكن تسلمهم وياخدو جزائهم
ليل...ليل السيوفي بيعاقب بنفسه وكمل بصوت عالي وغاضب وبعدين انتي ازاي اصلا تدافعي عنهم انتي مش شايفه عمل فيكو ايه ولا كان عاجبك منظرك وانتي واقفه هدومك مقطعه
عشق..بعيون فيها دموع ليل من فضلك
ليل...من فضلي ايه انتي عارفه لو مكنتيش لحقتي تتصلي بزهره كانو عملو فيكي ايه طب لو كانت زهره مكلمتش ادم ومعرفتش تتصرف ونزلت على طول تلحقك من غير ما تتصل كانو عملو فيكو ايه انتو التلاته
وكمل بصوت عالي وبعدين انتو ازاي انتو التلاته يحصل كده فالازاز امبارح ومتبلغوش حد فينا
نور..بصوت مرعوب احنا قولنا حد بيلعب ويمك
قاطعها ليل بصوته الجهوري انتو اعدين لوحدكم من غير راجل معرفش انا حاجه اسمها يمكن وقت متأخر ويتحدف حاجه والدنيا تحت مفيهاش مخلوق وتقولي يمكن عيل
نوح..ليل اهدى بس
ليل..اهدى انت مش شايف الاستفزاز
وتقولك متعملش فيهم حاجه وسلمهم مجنونه انتي
عشق..بغضب من فضلك اتكلم بطريقه احسن من دي انت مبتكلمش حد من الشارع
ليل..بغضب بالغ ولاول مره يشوفو ليل وهو متحول خانه التعبير من شدة الغضب
ليل..امال انتي منين يا ماما !!!!
صدمة لجمت الجميع وكأن ليل جاب ميه ساقعه ونزلها على دماغ زهره وعشق بالاخص
زهره..نزلت دموعها
اما عشق..فاوقفت مصدومة من كلمته ودموعها متحجره في عنييها لكن رفضت نزولها
ادم..ليلللل
نوح..ليل ممكن تهدا بقى
قربت نور من زهره وعشق مسكتهم من ايدهم جامد
استوعب ليل الكلام اللي خرج منه في لحظة غضب فضل يدور حواليين نفسه وهو بيمرر ايده على راسه بسرعه ووقف كان بيبص على عشق بطرف عينه يشوف رد فعلها فضلت عشق بصاله كتير من غير كلام واخيرا نطقت بابتسامه هاديه لكن بتحمل وجع كبير
عشق..يمكن نكون اترمينا فالشارع لكن احنا مش تربية شوارع يا استاذ ليل يمكن نكون اتربينا في دار ايتام وشوفنا فيه ايام محدش يستحمل انه يعيشها ولو غيرنا اتحط في نفس ظروفنا دي كان اتخلق جواه بني ادم تاني خالص بني ادم لا يصلح انه يعيش مع بني ادمين بني ادم مش شايل غير حقد وغل وقسوه وكره وحاجات كتير وحشه بس احنا مطلعناش كده ده عشان كنا قريبين من ربنا وعشان ربنا كان قريب مننا اوي بس انت معذور انت زيك زي غيرك شايف ان اللي اتربى في دار ايتام ولاد شوارع بس دي مش حقيقة احنا مش ولاد شوارع ياليل باشا
ليل..كان سامعها بزهول ورد فعلها وكلامها الهادي قتله وكان نفسه يقتل نفسه عشان الكلام اللي طلع منه سكت ثواني وهو باصصلها لكن كمل بجمود
ليل..ادامكم ربع ساعه بس تكونو لميتو اي حاجه تخصكم فالبيت وحاجة تمارا كمان عشان هنمشي من هنا حالا
نور..بدموع بس انا مش هسيب بيت بابا
ليل..بصوت عالي نوور اللي قولته يتنفذ وحالا
نور..حست برعب ورجفه من صوته مسكها نوح من ايدها
نوح..ليل براحه شويه وبص لنور نور. بيتك هيفضل موجود هتقفليه بس مش هينفع تعيشو فيه انتو هنا مش في امان خالص صدقيني في حاجات كتير انتو متعرفوهاش بتحصل اكيد هيجي يوم ونعرفهالكم بس لحد مانثبت كل ده لازم تسمعي الكلام ممكن
نور..دموعها مش بتقف
نوح..يلا يانور جهزوا حاجتكم عشان خاطري لازم نروح مكان تكونو فيه تحت عنينا اكتر وهتكونو فيه فأمان
تمام
هزت نور راسها بضعف
نوح..بابتسامه يلا جهزي شنطتك
مشيت نور براحه على اوضتها
ادم..يلا يازهره روحي مع نور
بصت زهره لعشق اللي كانت واقفه زي ماهي باصه لليل
زهره..بس
ادم..يلا يازهره اسمعي الكلام احنا مش اتفقنا نكون اصحاب وانك هتثقي فيا يلا روحي مع نور وحضري حاجتك وحاجة تمارا
زهره..هزت راسها براحه ومشيت ورا نور
ليل..لعشق انتي واقفه كده ليه يلا بسرعه
عشق..انا مش رايحه في اي مكان
ليل..عشق بلاش تختبري صبري عشان انتي اللي هتخسري
عشق..مش هخسر أد اللي خسرته واصلا معنديش حاجه اخسرها مش هاجي معاك في مكان انت يمكن يكون من حقك تمشي كلامك على نور عشان علاقتك بوالدها لكن انا لا
ليل.انا همشي كلامي عليكم انتو الاربعه وهتسمعوه غصب عنكم
عشق..انت مش واصي عليا
ليل..بغضب من اللي واقفه ترد عليه واللي عمرها ما حصلت أن حد يقف ادام ليل السيوفي
ليل.. لا واصي عليكي يا عشق وهتنفذي كلامي بالحرف
عشق..لا قولتلك مش واصي لا انت ولا غيرك انا مليش واصي انا مليش اهل مليش عيله مليش حد انا زي ماانت قولت بنت شوارع يعني مليش كبير غير ربنا انت فااهم
ادم..عشق براحه اهدي
نوح..عشق عشان خاطري
ليل..قرب منها ومسك دراعها بعنف خلاها اتألمت اللي قولته حالا هيتنفذ وإلا قسما بالله لاهشيلك غصب عنك حالا وامشي بيكي
ادم..ليل سيب ايدها
عشق حست برهبه من قربه ونظرته وصوته اللي يرعب
ليل..حالا تكوني جاهزه مفهووم
ادم..يلا عشق يلا بعد اذنك
شدت عشق ايدها من ايد ليل
ودخلت بسرعه على الاوضه
وابتدو البنات يجهزو حاجتهم في صمت وبعد مده بسيطه خرجو
نوح..خلصتو
نور..ايوه
ادم..اتأكدتو ان مفيش حاجه نقصاكم او ناقصه تمارا
زهره..لا كله تمام
ليل..انتو التلاته تعملو حسابكم وكمل بصوت عالي ومش عاااايز نقاش من بكره هتنزلو تشتغلو في
مجموعه السيوفي
عشق..ايه هتشغلنا غصب ياليل باشا
ليل..وهو مش باصصلها احسبيها زي ما تحسبيها بس اللي بقوله هيتنفذ
نوح..وهو بيبصلها برجاء انها تسكت
عشق..ومش خايف على سمعت شركتك بدل ماكانت فيها واحده من الشارع هيبقو تلاته
ليل..وهو بيبصلها بعيون زي الصقر عشق قولتلك متختبريش صبري اللي قولته هينفذ
عشق..بس انا مش هقدر اسيب الدكتور كده مره واحده
ليل..ليه ياعني وايه المشكله هنروح نستأذن من حتت دكتور عشان تسيبي شغلك
عشق..وايه المشكله عالاقل ده دكتور وليه اسمه وابن ناس زي حضرتك مش ابن شارع زيي
ادم..عشان يهدي الخلاف سبيها دي عليا ياعشق انا هظبط كل حاجه
ليل..فضل يبصلها
نوح..يلا ياجماعه بقى مسك شنطة نور
وادم..مسك شنطة زهره وتمارا
نزلو...ونزلت عشق وراهم مسك ليل منها الشنطه
عشق..انا هقدر انزل بيها
ليل..عشق سيبي الشنطه وانزلي
سابتها عشق ونزلت ادامهم
قفل نوح الباب ونزلو كلهم مع بعض
ركبت نور مع نوح وزهره مع ادم
فضلت عشق واقفه وقبل ما تعترض على ركوبها معاه كان فتح ليل الباب ودخلها جوه العربيه وثواني وانطلقو بالعربيه
فضلت عشق طول الطريق باصه من الشباك ودموعها نازله في صمت وليل كل شويه يلمحها بطرف عينه مش عارف يقول ايه او يعتذر ازاي بعد جرحه ليها
البارت 17_18بعدقليل
تعليقات
إرسال تعليق