 |
اغتصاب في صمت
الحلقة الثالثة عشر:
خلع آسر معطفه ووضعه علي جسدها ثم حملها الي منزله فهو الاقرب الي مكان تواجد نورين واسرع بوضعها علي الفراش ثم قال بسرعة:ماما نيهال يارا لبسوها بسرعة علي ما اجيب الدكتورة.
نيهال بقلق:حاضر.
ابدلت نيهال ويارا ملابس نورين وحضرت الطبيبة الاقرب من المنزل الا وهي الطبيبة مني الالفي وقامت بفحص نورين.
آسر بقلق:مالها يا دكتورة؟
الطبيبة مني:هي تقريبا حصل لها اعتداء خارجي وواضح انها كانت بتقاوم بسبب الجلد اللي علي ضوافرها بس الاعتداء متعداش تمزيق الملابس الحمدلله ربنا انقذها بس يستحسن تعملوا محضر بالاعتداء اه والحمدلله الجنين بخير.
آسر بذهول:هي حامل؟!!
مني :اه حامل في اسبوعين الف مبروك.
آسر بسعادة:الله يبارك في حضرتك اتفضلي.
غادرت مني ولكن يساورها شك لقد رات هذه الفتاة من قبل ولكن اين؟
في غرفة نورين:
آسر بحب:الف سلامة عليكي يا قلبي ايه حصلك؟
نورين بارهاق:مش فاكرة حاجة غير اني كنت خارجة من العمارة انا ولورين وانا جاية البيت هجم عليّ اثنين بلطجية ومش فاكرة حاجة بعدها.
آسر وهو يقبل جبينها:متقلقيش يا قلبي انا هجبلك حقك.
نيهال بسعادة:الف مبروك يا نوري.
نورين بتعجب:مبروك علي ايه؟!
يارا بابتسامة:انتي حامل يا حبيبتي.
نورين بسعادة:بجد انا حامل؟
آسر بابتسامة:ايوه يا حبيبتي حامل هيجي حتة منك.
نورين بحب:ومنك يا حبيبي.
يارا بمرح:احم نحن هنا.
آسر:منورين منورين.
الجميع:هههههههههههه.
خارج الغرفة :
آدم يتحدث هاتفيا بغضب:ايه اللي هببته دا يا حيوان انا مش قلتلك تعور ايديها دا مفيهاش خدش.
سلّام:يا باشا انا وسعد هجمنا عليه وهي كانت هادية اوي وكنا هنعورها وفجاة طلعت سكينة من شنطتها وعورتني في ايدي وعورت سعد في رجله والكلبة بتاعتها دي قامت عضانا دا احنا اتشلفطنا يا باشا.
آدم بتعجب :امال مين قطع هدومها؟
سلّام:والله يا باشا ما لحقنا نعمل حاجة دا احنا يدوب هددناها بالمطواة وقامت مطلعة السكينة.
آدم بغضب:طب اقفل اقفل جتكم القرف.
اغلق آدم الهاتف ليقول بتفكير:يا تري وراكِ ايه يا نورين؟!
في اليوم التالي في اكاديمية الشرطة:
تدلف الاكاديمية بخطوات واثقة مغرورة والجميع ينظر اليها في اعجاب اتجهت لمكتب والدها ثم دلفت:بابي ازيك.
علاء:بخير يا قلب بابي وانتي عاملة ايه؟
روجيدا بدلال:كويسة بس زعلانة منك.
علاء:ليه بس كدا يا حبيبتي ؟!
روجيدا :بقالي ٣ ايام مش عملت شوبينج.
علاء:بجد!لا مش معقول خدي يا قلبي(اعطاها الفيزا كارد) اشتري بيها اللي انتِ عيزاه يا قلبي.
قبلته من وجنته قائلة بسعادة:شكرا يا حبيبي ربنا يخليك ليا.
قاطعهما دقات علي الباب وبعد اذن علاء دلف شخص قائلا:قاعة التدريبات جاهزة يا فندم اجمع المتدربين؟
علاء بحزم :وهم المتدربين فين ؟
الشخص بانضباط:سامر وفرقته عند حمام السباحة وسليم وفرقته في ميدان الجري ونور وفرقته في الكافيتيريا يا فندم.
علاء:اجمعهم حالا في قاعة التدريبات عشان نوزع المهام.
الشخص:حاضر يا فندم.
خرج الشخص فقالت روجيدا مسرعة:بابي ثواني وجاية اهو.
علاء:ماشي يا قلبي.
اسرعت روجيدا الي الخارج تبحث عن ذلك الشخص وعندما راته نادت:انت انت.
التف الشخص قائلا بتعجب:انا!
روجيدا وقد اقتربت منه:ايوه انت انت اسمك ايه ؟
الشخص :محمد.
روجيدا:بابي بيقولك روح انت انده لبقية الفرق وانا هنده لفرقة نور.
محمد معترضا:بس يا فندم.......
قاطعته روجيدا بحزم:دي اوامر بابي اتفضل يلا.
محمد بانصياع:حاضر يا فندم.
غادر محمد واتجهت روجيدا الي المقهي لتجد نور جالس مع صديقيه ولكنه شارد فيما الاثنين الآخرين يتحدثان شعرت انه حزين ولكنها لا تعلم لِم؟
اقتربت منهم بخطوات مدللة ثم قالت بصوت انثوي رقيق:هاي يا شباب.
وقف الاثنان قائلا:آنسة روجيدا ازي حضرتك.
ابتسمت بدلال قائلة:كويسة بابي بيقولكم تجتمعوا في قاعة التدريبات عشان يوزع المهام.
وائل:وحضرتك جاية تقوليلنا بنفسك؟
روجيدا بثقة:انا اصلا كنت جاية الكافيه و عرضت علي بابي اني اناديكم وهو وافق يلا اتفضلوا.
وائل:تمام يلا يا نور؟
نور:تمام.
سبق وائل وخالد نور حيث انه كان خلف الطاولة وعندما جاء ليمر بجوار روجيدا فاجاته بامساك معصمه نظر لها نور لبرهة في صدمة ولكنه حرر يده سريعا في غضب وحدة فقالت روجيدا باسف مصطنع:اووه سوري.
نور بحدة:افندم.
روجيدا بحزن مزيف :انت ليه بتعاملني كدا؟
نور بتعجب :بعاملك ازاي؟
روجيدا وقد اقتربت منه قليلا:كدا بجفاء مش بتبصلي ومش بتثني علي جمالي؟
ابتعد نور قليلا قائلا بحزم :عن اذنك معنديش وقت للتفاهات دي.
غادر نور لتحدث روجيدا نفسها بغضب:تفاهات انا تفاهات ماااشي.
فكرت في شيئ وابتسمت بخبث عاقدة علي االنية علي تحقيقه.
في مكتب آسر بالمشفي:
حاول الاتصال بنورين ولكن هاتفها مغلق فقام بالاتصال بالبروفيسور سالم الذي يطلب من نورين رسالة الماجستير.
سالم:السلام عليكم.
آسر:وعليكم السلام ازي حضرتك يا دكتور سالم؟
سالم:بخير الحمدلله وانت ازيك؟
آسر:الحمدلله معلش دكتور سالم هي نورين هتتاخر انهرده ؟
سالم بتعجب:تتاخر انهرده فين؟نورين ماشية من الجامعة بقالها نص ساعة تقريبا.
ذُهل آسر ولكنه قال بابتسامة مزيفة:اه صح هي قالتلي انها هتقابلني بس انا نسيت وبتصل علي فونها بيديني مشغول.
سالم بتفهم :ماشي يا حبيبي عاوز حاجة ثانية؟
آسر:لا شكرا سلام.
سالم:سلام.
اغلق آسر الهاتف واخذ يحدث نفسه:يعني نورين مش في الجامعة امال هتكون راحت فين وليه قافلة تلفونها يارب تكون بخير يارب.
في قاعة التدريبات :
علاء:طبعا انتم عارفين النظام مع كل مرحلة جديدة هيبقي عندكم مهمة لازم تنجحوا فيها عشان تثبتوا جدارتكم في اكاديمية الشرطة ودلوقتي هنوزع علي كل واحد منكم مهمة معينة.
اعطي لكل فرد مهمة وعندما جاء الدور علي نور اسرعت روجيدا تجاه والدها وهمست بشيئ في اذنه ثم قال علاء:نور انت مسئول عن حماية بنتي لمدة اسبوع ودي هتكون مهمتك هتروح معاها في كل حتة لحد اما ترجع البيت.
نور معترضا:بس يا فندم.......
علاء بحزم:فيه اعتراض يا طالب؟
نور بانضباط:لا يا فندم.
علاء بحزم:انصراف وكل واحد منكم مهمته ابتدت دلوقتي.
غادر علاء وغادر كل فرد ما عدا روجيدا ونور قامت روجيدا بالاتجاه ناحية باب قاعة التدريبات ثم لفت بنصف استدارة قائلة بحدة :يلا.
غادرت روجيدا ونور يلحق بها محدثا نفسه:يارب مقتلهاش.
عند السيارة:
روجيدا بامر:بتعرف تسوق؟
نور بسخرية :اه تحبي تشوفي الرخصة ؟
روجيدا بملل:لا لا مصدقاك طب اتفضل سوق يلا علي المول عشان هنعمل شوبينج.
استقلت روجيدا السيارة ليقول نور بنفاذ صبر هامسا:يااارب.
في السنتر التجاري:
قامت بشراء الكثير من الاشياء وهو لا يستطيع حمل اكثر فقال بملل:آنسة روجيدا هو لسه كتير؟
وقفت روجيدا فجاة قائلة:اولا اسمي روجيدا مبدئيا.
نور بتعجب:مبدئيا!
روجيدا :ايوه لحد اما تقولي روجي زي بقية اصحابي ثانيا ايوه لسه كتير وانت عليك تشيل وبس.
جاءت لتذهب مرة اخري ولكن استوقفها رميه الحقائب علي الارض فقالت بغضب:ايه اللي عملته دا؟!
نور بثقة:انا الحارس بتاعك يا آنسة روجيدا مش الخادم ولما حضرتك تخلصي انا مستني عند العربية.
غادر تاركا اياها في غضب وهي زفرت في انزعاج ثم نادت علي احد الموظفين ساعدها في حمل حقائبها الي السيارة وعندما وصلت وجدته يتحدث في الهاتف وعندما اقتربت قام بانهاء المكالمة.
روجيدا بغضب:يلا.
استقلا السيارة وقام نور بقيادتها ثم بعد دقائق:آنسة روجيدا.
روجيدا بغيظ:نعم؟
نور:هو حضرتك لسه عندك مشاوير؟
روجيدا لنفسها:طبعا ما هتلاقيك عايز تروح للي كنت بتكلمها في الفون.
نور:ها؟
روجيدا:اه ليه؟
نور:احم انا اختي حامل وجوزها عامل حفلة وكنت عاوز اروح يعني.
روجيدا:العيلة بس اللي هتحضر باباك ومامتك هيحضروا؟
نور بحزن:انا والدي متوفي.
روجيدا باعتذار حقيقي:اوووه انا آسفة.
نور بحزن:ولا يهمك.
روجيدا:طب يلا ودينا هناك.
نور بتعجب:ايه!هو حضرتك هتيجي؟
روجيدا :اه حضرتك معترض؟
نور بابتسامة:لا ابدا.
قاد السيارة الي منزل نورين وآسر حيث تجمعت العائلتان واتت نورين واستاذنت بالصعود لاعلي لارتداء ملابس اكثر راحة ودلفت المرحاض وصعد خلفها آسر وحدثها وهي ما زالت بالمرحاض :نوري انتي كنتي فين الساعة ٣؟
نورين:كنت في الجامعة يا حبيبي.
آسر:اممم طب وفونك كان مقفول ليه؟
نورين:اكيد كان فاصل شحن يا حبيبي.
اقترب آسر من حقيبتها وفتحها ثم فتح هاتفها ووجد انه مشحون بنسبة 75% فقال :طيب يا نوري انا نازل تحت يا قلبي.
نورين:ماشي يا حبيبي.
هبط آسر لاسفل وهو عاقد النية علي مراقبة نورين.
في الأسفل :
نيهال:وانتي يا حبيبتي عندك كام سنة؟
روجيدا بابتسامة:١٩.
نيهال:العمر كله يا حبيبتي.
روجيدا :ربنا يخليكي يا طنط.
نوران:وانتي بتدرسي ايه؟
روجيدا :بدرس سياسة واقتصاد.
نوران:اممم عايزة تشتغلي في السلك الدبلوماسي؟
روجيدا :اه ان شاء الله.
نيهال: وباباكِ موافق؟
روجيدا :اه وبابي هيرفض ليه؟
نيهال:لا يا حبيبتي مفيش.
كانت تنظر للارض ولكنها كانت تسرق النظرات الي نور الذي يتحدث مع آسر ونائل ولاحظ هو نظراتها ولكن هي لاحظت نظرات آدم الشارهة تجاهها ولكنها قررت تجاهله حتي انتهاء الليلة.
انتهت الحفلة وغادر كل فرد الي منزله.
في اليوم التالي في السادسة صباحا وخاصة في منزل امير السميري:
استيقظ بانزعاج علي رنين هاتفه فاليوم لا يوجد اكاديمية فتجاهل الهاتف ولكنه عاد للرنين فاجاب بنوم:الو .
اتاه صوتها الانثوي الغاضب:بتصل بيك بقالي ساعتين وحضرتك لسه نايم؟!
نور بفزع:مين؟
روجيدا:انا روجيدا ايه هنقضي اليوم كله نوم ولا ايه؟
نور:انتي جبتي رقمي منين؟
روجيدا:تصدق انك هتبقي ظابط فاشل اكيد جبته من بابي يعني.
نور:طب وحضرتك عايزة ايه؟
روجيدا:انا عندي چيم كمان ساعة تكوني قدام البيت كمان نص ساعة عشان الحق التدريب من اوله.
نور بنفاذ صبر:حاضر يا فندم.
روجيدا :سلام
نور:مع السلامة.
زفر بانزعاج ثم دلف الي المرحاض اخذ حماما سريعا وتوضا وادي فرضه ثم ارتدي ملابسه واتجه الي منزل روجيدا ليقلها الي مركز التمرينات.
كان يسير خلفها لير اين تذهب بعدما تنتهي من الجامعة وجدها تصعد مبني دلف خلفها وجدها تستقل المصعد ولاحظ اي طابق يقف المبني ثم صعد اليه ووجد ان هناك شقة واحدة في الطابق وهي شقة"الطبيبة سمية الراوي اخصائية الطب النفسي والاستشارات النفسية"نظر لثوان الي الشقة واراد ان يدخل ولكنه هبط سريعا ووقف امام المبني لدقائق وبدا محادثة نفسه :يعني نورين كانت بتيجي لدكتورة نفسية اكيد بعد وفاة عمي أمير طب هي ليه مقلتليش وبتخبي عني؟مش عارف بس بدام هي مش بتعمل حاجة غلط انا مش هقولها اني عرفت وهسيبها لحد اما تيجي تقولي هي بنفسها.
ابتسم لقراره ثم غادر ولكن كانت هناك عينان تراقبه بابتسامة خبيثة ونظرات ذات مغزي.
بعدما ذهبت لمركز التمارين ثم اتجهت للنادي لممارسة رياضة التنس ثم ذهبت الي الحديقة لمقابلة صديقاتها قررت الذهاب الي المطعم لتناول الطعام.
نور:ثواني هكلم امي اطمن عليها.
روجيدا بابتسامة:اتفضل.
ابتعد نور قليلا بينما انتظرته روجيدا وعندما التف نور للذهاب معها صرخ بفزع:روجيداااااااااا.
في منزل آسر ونورين:
بعد تناول الطعام سويا صعد آسر غرفته ليرتاح قليلا بينما ذهبت يارا الي الطبيبة مني الالفي لمتابعة حملها ومعها جودي ولم يتبق الا آدم ونورين.
دقات علي باب مكتب آدم الذي سمح للشخص بالدخول :ايه دا نورين اهلا اتفضلي.
دلفت نورين بخطوات ثابتة ثم قالت بهدوء:لو سمحت يا آدم ممكن تطلع معايا علي السطح عايزة اوريك حاجة.
آدم:اه طبعا اتفضلي.
صعدا لاعلي المنزل ثم قال آدم:ايه خير؟
اتجهت نورين للسور ثم قالت:اهو تعال.
اتجه آدم الي مكانها واخذ ينظر وهي قالت:بص الجنينة تقطيع الشجر بتاعها مش حلو ودا مش هيبان من تحت هيبان من فوق اكتر وبردو مش بتتنضف اوي وممكن تجيب تعابين وحجات وحشة ودا ممكن ياذينا وخاصة جودي لانها صغيرة.
دقق آدم النظر ثم قال باقتناع:اه عندك حق.
رن هاتف نورين فاستاذنت للاجابة وابتعدت قليلا عن آدم الذي كان يدقق النظر في اشجار الحديقة ولم ينتبه لنورين الذي اقتربت منه بخطوات هادئة صامتة ثم........................
اغتصاب في صمت
الحلقة الرابعة عشر:
استيقظ آسر فزعا علي صوت صرخات شقيقه آدم الذي قُذف به من علي هاوية اعلي المنزل وخرج آسر مسرعا الي الحديقة ووجد اخوه شبه ميت.
رفع آسر ناظريه الي اعلي المنزل فوجد نورين تقف بالقرب من الحافة وتنظر بنظرات ثابتة ومخيفة فقال آسر محذرا:نورين ارجعي ارجعي.
لم تمتثل نورين لامره بل تقدمت خطوة اخري فاخرج آسر هاتفه وهو يصعد لاعلي مسرعا وهو يطلب الاسعاف لنجدة شقيقه وعندما وصل لاعلي قام بجذب نورين من يدها ولكنه لم يستطع محادثتها لانها قد فقدت الوعي.
عند نور وروجيدا:
نور فزعا وبصوت مرتفع:روجيدااااا.
كان هناك شاحنة كبيرة تتقدم من روجيدا بسرعة عن عمد وروجيدا تتحدث في الهاتف غير مدركة ذلك اسرع نور اليها ووثب باتجاهها فسقطا علي الارض يتدحرجان حتي استقرا هو بالاسفل وهي بالاعلي ناظرين لاعين بعضهما ولكن قطع هذه اللحظة عندما ابعد نور روجيدا عنه وسحب مسدسه وقام باطلان النيران علي الشاحنة الكبيرة التي فرت هاربة.
نور بعتاب: مش تفتحي ازاي تكلمي في التلفون في طريق زحمة انتي غبية!
روجيدا بهدوء:آسفة.
نور بامر:اتفضلي هتروحي البيت ومفيش خروج الا مع حراسة انتي بقيتي مُستهدفة.
روجيدا بانصياع:حاضر.
استقلا السيارة وعاد بها المنزل وعندما اطمئن عليها اتاه اتصال بان آدم وشقيقته نورين قد نُقلا الي المشفي ويجب الحضور.
في منزل نائل الطوخي:
تتحدث نوران في الهاتف بغضب:يعني ايه مش هتيجي يا نائل بقولك نورين وآدم الاتنين في المستشفي.
نائل بنفاذ صبر:يا نوران بقولك عندنا اجتماع مع ثلاث شركات وانا اللي معايا الملفات ومحضر كل حاجة لو جيت هطرد من الشركة.
نوران:ماشي يا نائل خليك في شركتك.
وقامت بفصل الخط.
دلفت ناريمان الغرفة بهدوء وقالت:معلش يا نوران والله هو مش قصده وانتي عارفة نائل مش بيتاخر في حاجة.
نوران:عارفة والله يا ناريمان بس لازم بردو يحافظ علي شكلنا قدام اهلي وآسر عمره بردو ما اتاخر معانا في حاجة.
جلست ناريمان بجوارها وهي تربت علي يدها:معلش يا حبيبتي ابقي فهميه كدا بالراحة وانتي هتلاقيه مستجيب ان شاء الله.
نوران بخفوت:ان شاء الله
ناريمان بابتسامة:يلا بقي عشان نروح لنورين ونشوف نور الصغير.
نوران مبادلة الابتسامة:ماشي يلا.
في المشفي:
آسر بقلق:نورين مالها يا عصام؟
عصام(الطبيب):هي جالها فقدان وعي غريب والاغرب لما تدخل وتشوفها دلوقتي.
آسر بقلق اكبر:ليه مالها؟!
عصام:تعال ادخل بس.
دلف عصام وآسر الغرفة لنورين المستكينة علي الفراش تنظر للفراغ وعندما رات آسر اشتعلت في عينيها اللهفة وارتمت باحضانه وهو كان يشدد من احتضانها كانه يريد ادخالها بضلوعه كي يحميها من كل سوء.
عصام باحراج:احم مدام نورين حضرتك آخر حاجة فكراها ايه؟
نظرت نورين لآسر بتعجب ثم اجابت:انا كنت دخلت آخد شاور وبعدين كنت راحة انام لما سمعت ان يارا خارجة مع جودي وروحت بقولها تخلي بالها من نفسها ولو عيزاني اجي معاها بس هي قالت لا ومشيت وانا طلعت نمت جنب آسر ومفقتش الا دلوقت.
عصام بشك:مدام نورين حضرتك بتابعي عند طبيب نفسي؟
نظرت نورين الي آسر بقلق ثم اذدردت لعابها قبل ان تجيب:اه كنت بتابع عند دكتورة سمية بعد وفاة بابا الله يرحمه لاني مكنتش مستحملة الصدمة.
عصام:طب آسر معلش ممكن دقيقة؟
اوما آسر براسه فخرج عصام وقبل آسر يد نورين ثم خرج خلفه.
عصام بحيرة:بص انا مش عارف اقولك ايه بس هي تقريبا عندها شيزوفرينيا.
آسر بصدمة:ايه!!
عصام:انا بقولك تقريبا ياريت تعرضها بكرا علي دكتور رامي عشان نقدر نحدد حالتها.
آسر بحزن:ان شاء الله.
غادر عصام ودلف آسر الي الغرفة لتقابله عيني نورين القلقة قائلة:في ايه يا آسر الدكتور قالك ايه؟
جلس آسر امامها ثم جذب رأسها اليه مقبلا جبهتها قائلا بحنو:هتبقي كويسة يا قلبي.
رفعت نورين راسها قائلة بقلق:بجد؟
اقترب آسر براسه منها وقبل شفتيها برقة ثم الصق جبهته بجبهتها قائلا بعشق:بجد.
عانقته نورين بشدة وهو ايضا لم يكن باقل منها وظل هكذا ثوان حتي قال آسر:هقوم اشوف آدم واجي.
نورين بقلق وتعجب:ماله آدم؟
آسر دون ان يدخل الي التفاصيل حتي يعلم ما حالة نورين:وقع من علي السطح.
شهقت نورين قائلة:ايه!طب هو هو كويس دلوقتي؟
نظر آسر للارض مخفيا قطرات الدموع في عينيه قائلا بحزن:لسه في العمليات.
ربتت نورين علي كتفه مواسية:ان شاء الله هيبقي كويس.
مسح آسر عينيه وهو يردد:ان شاء الله ان شاء الله انا هروحله بقي.
نورين مسرعة وهي ترفع الغطاء:هاجي معاك.
امسك آسر يديها قائلا:لا يا حبيبتي استريحي انتي وانا هبقي اجي اطمنك وباذن الله بكرا تشوفيه.
نورين بتعجب وانصياع:حاضر يا حبيبي.
قبل آسر يديها ثم اتجه لغرفة العمليات فوجد يارا الباكية ونيهال ونوران يحاولان مواسيتها وناريمان تهدئ جودي لبكائها علي بكاء والدتها ونور يقف قبالتهم في حزن وحالما رات نيهال آسر حتي هبت واقفة تسال:نورين مالها يا آسر؟
آسر بحزن وتماسك:مفيش يا امي كويسة نوران لو سمحتي انتي وناريمان تاخدوا جودي معاكم وحضرتك يا ماما وانت يا نور تروحوا تشوفوا نورين.
وافق الجميع واتجهوا لغرفة نورين بينما جلس آسر بجوار يارا وهو يحاول تهدئتها ولكنها سالته:ايه اللي حصل؟
لم يجد آسر مفرا من الحديث فهي ستعلم الحقيقة في النهاية فقص عليها كل ما حدث فصرخت يارا ببكاء:يبقي هي اللي زقته.
آسر بدفاع:لا انتي بتقولي ايه نورين مستحيل تعمل كدا.
يارا ببكاء:لا تعمل عشان هي مش بتحبه وبتكلمه بطريقة وحشة قدامنا كلنا.
آسر بتوهان ولكنه قال:لا هي بتحبه ولو حتي مش بتحبه دا مش سبب تخليها تقتله نورين متعملش كدا ابدا.
يارا بجمود:عشان انت بتحبها هتقول كدا ومش هتشوف الحقيقة لكن لو آدم حصله حاجة واكتشفت ان لها دور في كدا انا مش هسكت.
نظر لها آسر بالم ولكنه آثر الصمت حتي خرج الطبيب وبادرته يارا بالسؤال فاجاب:الحمدلله هو عدي مرحلة الخطر وهيتنقل اوضة عادية كمان شوية لكن فيه كسر في ذراعه ورجله الايمن وان شاء الله يخفوا مع الوقت.
يارا بسعادة:الحمدلله يارب الحمدلله طب ممكن نشوفه؟
الطبيب:اه طبعا بس ياريت مننهكوش بالكلام.
يارا بسرعة:اكيد يا دكتور.
تم نقل آدم الي غرفة عادية وجلس معه يارا وآسر حتي المساء عندما غادر الجميع وبقي آسر مع نورين بينما بقت يارا مع آدم بعدما عرضت والدة يارا ان تاخذ جودي معها.
في اليوم التالي في الصباح الباكر وخاصة في غرفك نور:
يتافف منزعجا لصوت رنين هاتفه ويجيب بملل :نعم؟
روجيدا بصوت أنثوي رقيق:صباح الخير.
نور بهدوء:صباح النور.
روجيدا :عايزة اروح الكافيه مع أصحابي.
نور:حاضر ساعة بالظبط وهكون عندك.
روجيدا:ماشي هستناك.
لم يعلم لماذا سال هذا السؤال ولكنه قال:روجيدا انتي صليتي؟
روجيدا بتلعثم:لا مش صليت انا مش بعرف ازاي اصلي؟
نور بتعجب:يعني ايه؟
روجيدا بحزن:مفيش حد هنا بيصلي وانا مش بعرف اصلي.
نور بابتسامة:طب انا هجيلك نفطر واعلمك ازاي تصلي ماشي؟
روجيدا بسعادة:ماشي.
في المشفي:
استيقظت نورين وارتدت ملابسها وذهبت مع آسر الي غرفة آدم ولكنه كان نائما فلم تحتك به ولكنها لاحظت معاملة يارا الجافة معها واثناء سيرها مع آسر في الرواق سالت:آسر هي يارا معاملتها اتغيرت معايا كدا ليه؟
آسر بارتباك:مفيش يا حبيبتي اكيد يعني عشان جوزها تعبان بالطريقة دي ادعي ربنا يصبرها.
نورين بشك:ربنا يصبرنا كلنا.
آسر:يارب يا حبيبتي تعالي هنروح نشوف واحد صاحبي.
نورين:ماشي.
اتجها الي مكتب الطبيب رامي لتقول نورين بدهشة:اخصائي نفسي!
آسر:اه بدل الدكتورة سمية دا هيساعدك اكتر.
نورين:ماشي.
دلفت نورين وبعد التحية رامي:ممكن تقعدي علي الشازلونج يا مدام نورين؟
ابتسمت نورين ثم فعلت مثلما قال ثم قالت بهدوء:هتنيمني مغناطيسي عشان تفحص ذهني؟
نظر رامي بدهشة الي آسر ثم اليها فقطعت دهشته بقولها:انا كنت بقرا علم نفس كتير اتفضل.
قام رامي بتنيميها مغناطيسيا ثم بدات الاسئلة:
رامي:مدام نورين حضرتك بتحبي جوزك؟
نورين:اه.
رامي:ليه؟
نورين:عشان اول شخص حبني لذاتي ولشخصي بدون ما يكون عنده رغبة لاستغلالي.
دار رامي بعينيه قليلا في شك فهذا يعني امرا ما ولكن ليست كل التوقعات صحيحة فسال:زي باباكي الله يرحمه؟
نورين:اه.
رامي:مدام نورين عايزة نرجع بالذاكرة ٨ سنين ورا تقدري تقوليلي شايفة ايه؟
نورين:كنت في اولي ثانوي وراحة المدرسة مع صاحبتي ناريمان لما اكتشفنا ان استاذ الرياضيات اغتصب صاحبتنا هالة وهي انتحرت.
نظر رامي لآسر بصدمة الذي صدمته كانت اكبر فسال رامي:ودا ولد عندك الكراهية ضد الرجال والاعتقاد انهم هيستغلوكي؟
نورين:لا.
رامي باهتمام:امال اعتقادك بانهم هيستغلوكي جه منين؟
نورين وقد شعرت بالم قليل ولكنها قالت:لما كنت خمس سنين آدم آدم صاحب بابا حاول يغتصبني.
شعر آسر ان الارض تدور به لم يستطع ان يقف وكان علي وشك السقوط ولكن رامي اسنده الي الكرسي وقال بخفوت:معلش يا آسر لازم اكمل.
آسر بتوهان والم وعينان تدوران:اه اه.
عاد رامي لمكانه ثم قال:تقدري تقوليلي ايه اللي حصل؟
نورين وقد سالت عبراتها علي وجنتيها:كنت في الحضانة وكانت بعيدة عن البيت وبابا هو اللي كان بيوصلني وبيروحني وفي يوم اختي نوران كانت وقعت من علي سلم المدرسة واتخبطت في دماغها وودوها المستشفي وبابا جاله اتصال وراح علي طول بعد اما آدم صاحبه عرض عليه انه يجبني من الحضانة.
رامي:ها كملي يا نورين متخافيش.
نورين وهي تحاول ان تعيد رباطة جشاها:اخدني عنده شقته وقالي ان احنا هنلعب ونستني بابا(قصت عليه الجزء الذي نعرفه جميعا)
يسير في الرواق بلا هدي عندما علم ان حبيبته الوحيدة لم تكن بكرا هل خدعته واخبرته انها بكرا؟اسئلة كثيرة تراودت الي ذهن آسر عندما علم حقيقة زوجته وشقيقه حتي انه تركها في منتصف الجلسة ولم يكملها ولكن اوقفه في الرواق صوت مناداة:استاذ آسر.
التف آسر ليجد ان المنادي لم يكن الا............. الطبيبة مني الالفي.
تعليقات
إرسال تعليق