 |
اغتصاب في صمت
الحلقة الخامسة عشر :والسادسة عشر
آسر بتعجب:خير يا دكتورة منى ؟!
مني برسمية:دكتور آسر لو سمحت عوزاك في حاجة في مكتبي.
آسر:طب اتفضلي.
ذهبا الي المكتب وجلسا قبالة بعضهما لتقول منى باحراج:مدام نورين كانت جاتلي عيادتي قبل كدا.
آسر بتعجب:امتي؟
مني بتذكر:من حوالي خمس شهور.
آسر:لا اكيد حضرتك غلطانة احنا متجوزين من تلات شهور بس.
مني:لا انا متأكدة ان الفترة كانت اكبر من تلات شهور.
آسر بتفكير:طيب هي كانت جيالك ليه؟
قصت عليه مني ما حدث وقتها فحدث آسر نفسه:يعني نورين كانت بكر ومكذبتش عليا في حاجة آدم هو اللي كذب عليا في كل حاجة عشان كدا هو مكنش موافق اني اتجوزها طب هي فعلا اللي زقته انا مش عارف بجد افكر بس انا دلوقتي مبسوط مبسوط ان نورين مكذبتش عليا احمدك واشكر فضلك يارب.
استفاق علي صوت منى:دكتور آسر دكتور آسر.
آسر:هه ايوه يا دكتورة مني شكرا لحضرتك علي المعلومة دي عن اذنك.
مني:طب.....................
قاطعها رنين هاتف آسر الذي فتحه ولم يتمكن من الاجابة للهجة صديقه الآمرة:تعالي حالا يا آسر بسرعة.
آسر بقلق:حاضر .
لم يقل آسر شيئا بل انطلق مسرعا الي غرفة رامي ونورين.
في المطعم:
نور:ها فهمتي كدا؟
روجيدا:اه بس احنا ليه بنلبس حجاب وبنغطي رجلينا؟
نور:لان المفروض انك بتكوني محتشمة ومفيش حاجة تظهر من جسمك خالص ولا تكون مجسمة دي البناطيل او شفافة وبعدين الحجاب وتغطية الرجلين دا فرض علي كل مسلمة.
روجيدا:يعني المفروض اني البس حجاب واغطي رجلي؟طب والبناطيل؟
نور:ممكن تلبسي بناطيل واسعة متكنش شفافة ولا مجسمة وتلبسي الحجاب عادي وتغطي رجليك.
روجيدا:اها فهمت تعرف اني كنت بشوف مامي بتعمل كدا وانا صغيرة بس لما هي ماتت مش شوفت حد بيعمل كدا ولا حد علمني.
نور مواسيا مشجعا:انا هعلمك بس عايزك تستجيبي تمام؟
روجيدا بطفولة:تمام.
في المشفي:
وصل آسر لغرفة رامي ركضا ولكنه لم يجد نورين فسال بلهفة :فين نورين يا رامي؟
رامي بهدوء :اضطريت انقلها اوضة عادية بعد اما اديتها مهدئ.
آسر بصدمة:مهدئ!ليه؟!
رامي بهدوء:تعال هوريك.
جلسا امام الحاسوب وفعّل رامي الفيديو ليظهر حدث قبل قليل بعدما غادر آسر الغرفة :
تدلف ممرضة غرفة الدكتور رامي بعدما استيقظت نورين لتقول الممرضة :دكتور رامي حضرتك مشوفتش دكتور آسر؟
رامي :كان هنا من شوية ومشي ليه خير؟
الممرضة:اصل استاذ آدم اخوه فاق وطلبه ضروري.
رامي:طب ممكن تشوفيه علي بوابة المستشفى.
الممرضة:حاضر عن اذنك.
رامي :اتفضلي.
كل هذا ونورين مستمعة جيدا الي كل ما قالته الممرضة لقد استيقظ آدم اذن هو ما زال حيا قاطع شرودها رامي :نورين نورين انتِ كويسة؟
نورين بجمود:ايوه.
شعر رامي بشيئ غريب في حديث نورين فهي كانت تبكي منذ قليل والآن ملامحها جامدة تماما فقرر ان يتخذ طريقا آخر لتشخيص حالتها رغم انه مخالف لمهنته ولكن عليه بذلك لمساعدتها.
اقترب رامي من نورين قليلا بكرسيه ثم قال بمغازلة مصطنعة:بس آسر فعلا عرف ينقي زوجة جميلة ورقيقة زيك.
نظرت له نورين بغضب وكورت كلتا يديها ولاحظ رامي ذلك فاستمر قائلا:دلوقتي آسر مشى وفيه اوضة استراحة تحت ما تيجي اما.......
نظر لها من اعلي الي اسفل فقامت نورين بصفعه بشدة وهي تمسك بتلابيب ثيابه صارخة:مش هتستغلوها تاني انا همنعكم يا كلاب محدش هيقدر ياذيها طول ما انا موجودة انا هقتلكم كلكم هقتلكم كلكم.
ضغط رامي بصعوبة علي زر علي المكتب ليحضر سريعا مجموعة من الممرضات والممرضين امسكوا بنورين وخلصوه منها حتي اعطاها مهدئا ثم نقلها الي غرفة بالمشفي.
عودة الي الواقع :
آسر بصدمة:يعني ايه!!
رامي بهدوء:يعني نورين مراتك عندها انفصام في الشخصية.
آسر:ودا نابع من ايه؟
رامي بحذر:دا نابع من استغلال اعتدائي حصل لها وهي صغيرة معتقدة انها مقدرتش تساعد نفسها فتولدت شخصية تانية بتحميها.
آسر:بس الموضوع عدي عليها كتير جدا ونورين كانت صغيرة جدا دي كانت خمس سنين هي ازاي لسه فاكرة ؟!
رامي :الاطفال عند بداية الخمس سنين بتتفعل الذاكرة عندهم وبالاخص بيتذكروا الاحداث الاليمة اللي عاشوها وخاصة السيدات عندهم قدرة علي تذكر الأحداث الاليمة لفترة طويلة وخاصة اللي خلتهم يبكوا.
آسر بحيرة:طب والحل؟
رامي:احنا دلوقتي المفروض نعرف اسم الشخصية الثانية عشان نقدر نتواصل معاها ويا تري هي بتحبك زي نورين ولا بتكرهك والاهم من دا اننا نبعد آدم عنها لان الشخصية الثانيةبتحاول تنتقم منه.
آسر:طب هي ليه منتقمتش من زمان؟يعني آدم موجود في مصر من خمس سنين.
رامي:آدم فعلا كان موجود في مصر من خمس سنين ولفترة سفره كانت الشخصية الثانية منعزلة عن شخصية نورين لان الوظيفة اللي هي متولدة عشانها وهي حماية نورين من المغتصب مكنتش موجودة وبالتالي هي كانت مطمورة لاعتقادها بامان نورين حاليا.
آسر:طب ولما آدم رجع؟
رامي:كنت بتلاحظ ان نورين بتتكلم معاه بطريقة مش كويسة او بتتجاهله؟
آسر بتذكر:اه لما كنا في إسكندرية كانت متجنباه خالص ومش بتكلمه ويارا كانت قالتلي انها كلمته بطريقة وحشة في المستشفي قبل كدا.
رامي بتفكير:دا كان دليل علي عودة ظهور الشخصية الثانية من جديد لعودة آدم لكن طول فترة سفرك زي ما انا فهمت ان آدم مكنش بيختلط بيها كتير يعني يعتبر وظيفة الشخصية الثانية مش متفعلة لفترة طويلة وكانت شخصية نورين الاصلية بتحاول اخفائها.
آسر:يعني نورين عارفة بوجود الشخصية الثانية؟
رامي :الاعتقاد الاكبر لا بس لو نورين عرفت وقدرت تقاوم الشخصية الثانية باعتبار انك موجود وهتحميها من اي مستغل يحاول يقربلها وهي تطمئن لوجودك جنبها دا هيساعدنا جدا في العلاج وبكدا نقدر ننقذ حياة مراتك وحياة اخوك.
آسر بحزن:ان شاء الله طب واحنا هنبدا العلاج امتي؟
رامي :بكرا ان شاء الله بعد اما نورين تفوق من المهدئ.
في اليوم التالي صباحا في غرفة نور:
استيقظ منذ ساعتين منتظرا اتصالها كالعادة ولكنها تاخرت وهو قرر الانتظار حتي اتصلت واجاب مسرعا:الو
روجيدا :الو نور تعال كمان ساعة عشان هنروح المول نعمل شوبينج.
نور:تمام مسافة السكة هكون عندك.
ارتدي نور ملابسه ووضع العطر المفضل ونظر لنفسه برضا ثم انطلق بسيارة والده الي منزل روجيدا ليجدها منتظرة في الحديقة مرتدية بنطال اسود واسع وقميص كحلي باكمام ونظارة شمسية سوداء وقبعة كبيرة تغطي شعرها باكمله نظر لها نور بنظرة اعجاب فهي لاول مرة ترتدي ملابس محتشمة كهذه اقتربت منه بخطوات هادئة ناظرة للارض ثم قالت بهدوء:سلام عليكم.
نور باعجاب وسعادة:وعليكم السلام ورحمة الله وبركاته.
روجيدا بابتسامة هادئة:يلا نمشي؟
نور بابتسامة واسعة:يلا.
استقلت في المقعد الخلفي وهي غير عادتها فهي تجلس بجواره علي المقعد الأمامي ولكن نور لم يعلق بل ابتسم ابتسامة جانبية ثم ادار المحرك وانطلق باتجاه السنتر التجاري.
مرت ساعة ونصف وهما يتجولان في السنتر التجاري تشتري روجيدا ملابس كثيرة تتضمن فساتين طويلة واسعة وتنورات وبلوزات قصيرة تلائم التنورات وكلما سالت نور عن رايه اجاب مبتسما بالعبارات:حلوة،جميلة جدا،برافو ذوقك رائع.
انتهت من شراء الملابس ثم اتجهت لشراء الحجاب فقال نور بتعجب:انتي هتتحجبي؟!
روجيدا بهدوء:اه فيه اعتراض؟!
نور بابتسامة مسرعا:لا لا اتفضلي.
انتهت من التسوق ولكنها لم تجلس بالمطعم كعادتها لان العصر قد أَذن وهي تريد الصلاة في وقتها.
كانت طوال سيرها تسير بخطوات متزنة هادئة ناظرة لاسفل ولا ترفع عينيها الا لتوجيه طريقها وقد اُعجب بها نور كثيرا وردد في سره"سبحان الله مغير الاحوال"
في المشفي :
كانت تنظر الي البقعة الفارغة امامها تتساءل لِم تركها آسر الي الآن ولم يات حتي لرؤيتها كانت شاردة عندما قطع شرودها صوت دقات الباب ودخول الطبيب رامي بابتسامة مشرقة:صباح الخير.
نورين بابتسامة هادئة:صباح النور.
رامي :عاملة ايه دلوقتي يا نورين؟
نورين:الحمدلله بس انا ايه جابني هنا مش كنت المفروض اروح مع آسر وبعدين هو فين؟
رامي بحذر :نورين انتي آخر حاجة فكراها ايه؟
نورين بتذكر:انك نيمتني مغناطيسيا وانا استرجعت ذاكرتي القديمة وبعدين لما صحيت لقيت نفسي هنا بس دا اللي انا فكراه.
رامي:اممم طيب انا كنت جاي اناقشك في حاجة فقدتِ الوعي الظاهر ان الذكريات كانت شديدة عليكِ فققدتِ وعيك.
نورين بتهرب:اه ممكن بردو هو حضرتك كنت عايز تناقشني في ايه؟
رامي بهدوء:في حكاية المغتصبين.
نورين بدهشة:افندم؟!
سحب رامي كرسي بهدوء وجلس عليه قائلا:المغتصبين بالنسبة لحكاية آدم اخو آسر انا بقول انك تنسيها احسن وتعيشي حياتك مع آسر عادي لان مواجهتك المغتصبين مش هتفيد بحاجة يعني مش هيتبطل الاغتصاب في البلد.
نورين بغضب:طبعا ما حضرتك لازم تقول كدا ما حضرتك راجل زيهم.
رامي موضحا:انا راجل مش مغتصب.
نورين بغضب:لا مغتصب وخاين كنت بتخون صاحبك امبارح لما كنت بتحاول تعمل علاقة مع مراته ولما آسر يجي هقوله.
علم رامي الآن انه يحادث الشخصية الأخرى وليس نورين فابتسم بسخرية قائلا:مش هتعرفي تقوليله لانك مش هتشوفيه اصلا.
نظرت له نورين بدهشة فقال موضحا:اصل انا حبسته عشان آخد راحتي معاكِ يا جميل.
نورين بصدمة:ايه!!
ضحك رامي ضحكات سخيفة وتفاجا برد فعل غير متوقع!!!!!!!!!!!
اغتصاب في صمت
الحلقة السادسة عشر(الجزء الاول) :
اخرجت نورين بحركة سريعة سكين صغير من اسفل الوسادة وكادت تدق عنق رامي لولا انه تدارك ذلك وامسك كلتا يديها وحاول مقاومتها ولكنها كانت اقل ما يقال عنها متوحشة من الدرجة الاولي لم يستطع رامي استمرار مقاومتها حيث كان هو اسفل علي الفراش جراء اسقاطها له وكانت هي في الاعلي تحاول بكل قوتها ان تغرس السكين في قلبه حتي فتح آسر الباب فجاة وهو يلهث بشدة:نورين.
نظرت له نورين بدهشة ثم الي رامي الذي يلتقط انفاسه بصعوبة بعد ان سرق السكين من يدها عند دخول آسر المفاجئ ثم فقدت الوعي لتلتقطها ايدي آسر بعينيه القلقتين.
نهض رامي عن الفراش ليضع آسر نورين عليه ثم يقبلها من جبهتها بحب وقلق ثم قبل يدها واضعا اياها بجوارها ثم خرج هو ورامي من الغرفة متجهين الي مكتب رامي.
آسر بحزن بالغ:يعني دا معناه ايه؟
رامي متنهدا بحزن علي صديقه:يعني الاثنين بيحبوك.
آسر:يعني اقتل نفسي عشان الثانية دي تسيب نورين!
رامي:لا طبعا مش كدا بص يا آسر دلوقتي باعتبار ان نورين عندها شخصيتين والاثنين بيحبوك بس الثانية عندها مهمة ثانية وهي انها تقتل آدم لكن انت حسيت انها بتحاول تقتل آدم في مرة وتراجعت لما رجعت لنورين؟
نظر آسر بعينيه جهة اليمين وتذكر قبل وفاة امير:
آسر بابتسامة:نورين حبيبتي يلا عشان اخدك انتي ويارا في طريقي.
نورين بهدوء:حاضر.
هبطت نورين مع آسر واستقلت السيارة بجواره ويارا وجودي بالخلف ثم قبل التحرك قالت نورين بسرعة:آسر استني هطلع اجيب الفون.
آسر بابتسامة:ماشي يا حبيبتي بسرعة متتاخريش.
نورين بابتسامة غامضة:حاضر.
اسرعت نورين بالذهاب وتوجهت الي المطبخ الخالي ثم أمسكت خنجر صغير اخفته اسفل وشاحها وصعدت لغرفة آدم ويارا بخطوات ثابتة وهادئة حتي وصلت الغرفة كان نائما بكل هدوء وراحة علي فراشه الناعم.
نورين بحقد:طبعا نايم هادي البال ولا اكنك عامل حاجة ما هم الحقراء مبيحطوش في بالهم اعمالهم الحقيرة بتعمل في الناس ايه بس انا هخلصهم من شرك يا آدم هخلصهم من عمايلك السودة والناس ترجع تنام باطمئنان تاني.
اقتربت منه بخطوات صغيرة هادئة بعدما اظهرت الخنجر من اسفل وشاحها .
في السيارة:
رن هاتف نورين في حقيبتها فقام آسر باخراجه ليقول بدهشة:فون نورين اهو امال هي بتعمل ايه؟
يارا بتعجب:يمكن فاكرة ان هو فوق وبتدور عليه كل دا.
آسر وهو يفتح باب السيارة :طب انا هطلع اقولها واجي.
يارا:تمام.
صعد آسر الي غرفته لكنه لم يجد نورين فتساءل اين يمكن ان تكون واثناء هبوطه لاحظ باب غرفة آدم المفتوح فتقدم وهو ينادي:نورين نورين.
دلف الغرفة فوجد نورين تنظر لآدم النائم ونظراتها غريبة فنادي عليها مرة أخرى :نوريين.
اخفت نورين الخنجر سريعا ثم التفت لآسر قائلة بدهشة:نعم!
اقترب منها آسر بهدوء ثم قال بابتسامة:بتعملي ايه هنا يا حبيبتي الفون بتاعك تحت في الشنطة.
نورين بابتسامة مرتبكة:بجد!وانا لافة عليه طيب يا حبيبي اسبقني وانا جاية اهو.
قبّل آسر وجنتها قائلا:ماشي يا حبيبتي.
هبط آسر الي اسفل مستقلا السيارة بينما نظرت نورين بتعجب الي الخنجر في يدها ثم وضعته علي الطاولة بجوارها بسرعة ونظرت للغرفة بدهشة متساءلة:انا جيت هنا امتي انا مش فاكرة ياااربي.
نظرت لآدم المستلقي الا يجب ان يكون قد استيقظ ولكن ما هذا يا ألله!
غادرت متجهة لاسفل غير ملاحظة زجاجة الخمر التي كانت مرتمية في سلة المهملات.
عودة للواقع:
آسر بتذكر:هو دا اللي حصل بالظبط.
رامي بتفكير:يعني لاحظت انها كانت مندهشة ومرتبكة ؟
آسر:اه تقريبا.
رامي:يبقي الشخصية الثانية بتسعي انها تخلص من آدم تماما وبعد كدا هتخلص من نورين عشان تبقي معاك لانها بتحبك.
آسر بصدمة:ايه!
رامي بتوضيح:الشخصية الثانية بتحبك وهي هتسعي لتملك نورين تماما عشان تبقي معاك يعني هتسيطر علي نورين تماما بعد اما تقتل آدم فلازم نكشف لنورين حقيقة ان عندها انفصام في الشخصية.
آسر بقلق:طب ودا هيبقي فيه صدمة لنورين ولا هيساعد في العلاج؟
رامي بتنهيدة:هو هيبقي صدمة فعلا بس هيساعد بشكل كبير في العلاج.
زفر آسر بحزن:ماشي.
اجلسها علي الاريكة الملتوية(الشازلونج)مطمئننا:حبيبتي مجرد فحص ذهني عشان نطمن عليكي يا قلبي.
اومات له نورين براسها بعينين قلقتين تتخللهما ابتسامة هادئة ولكن يشوبها الارتباك.
غادر آسر الغرفة وبعد ثوان دلف رامي بابتسامة بادلته نورين الابتسامة ثم اراحت راسها علي الاريكة ليبدا التنويم المغناطيسي ثم ضغط رامي علي زر جعل قيود تلتف حول يدي نورين بعدما نامت.
رامي:نورين نورين.
نورين:هممم.
رامي:ممكن تقوليلي انتي ليه وامتي بداتي تروحي عند الدكتورة النفسية؟
نورين:قبل وفاة بابا باسبوع.
رامي:ليه؟
نورين:كانت احداث بتحصلي مبفتكرهاش بلاقي نفسي في اماكن معرفش روحتها امتي او ازاي.
رامي:عايزة تقتلي آدم ليه؟
تساقطت عبراتها قائلة:انا مش عايزة اقتله.
رامي بهدوء ونظرات ثاقبة :امال؟
نورين بدموع تخنقها:انا مستحيل ااذي آسر.
رامي بهجوم:يعني تنكري انك بتحاول تقتلي آدم؟
نورين بدفاع:ايوه.
رامي بهجوم ولهجة اشد:لا بتحاولي تقتليه وتخلصي منه انتقاما لانه اعتدي عليكِ.
نورين ببكاء:لا انا مبحاولش لا لا.
رامي بحدة:كذابة انتي دايما بتحاولي تقتليه حتي انتي اللي وقعتيه عن سور السطح.
نورين ببكاء:لا لا.
وقف رامي معطيا ظهره لنورين قائلا بغضب:اعترفي يا نورين ولاما هتصل بالبوليس.
اتسعت عيناه جراء سماع صوت ضحكات عالية نظر خلفه فوجد نورين وهي تضحك بشدة وعينيها مفتوحة.
رامي بتعجب:نورين!
نورين بضحك:تؤ تؤ لورين.
رامي بدهشة:لورين؟!!!
لورين:ايوه ههههه صاحبة نورين اوعي تكون فاكر اني مش فاهمة انت بتعمل ايه ههههههههه لا فاهمة اوي انت بتحاول تضغط علي نورين عشان تخرجني اوك واديني خرجت اهو عايز ايه؟
رامي باهتمام:عايزة تقتلي آدم ليه؟
لورين:لانه اناني وحقير ومستغل وعلي فكرة مش آدم بس اي حد هيحاول يستغل عدم فهم وادراك بنت صغيرة او احتياجات ست كبيرة انا بردو هقتله عارف ليه لان دول المجتمع مبيعاقبهمش حتي عارف لما البنت بيتم الاعتداء عليها هي اللي بتُنبذ مبتتجوزش بتعيش حياة صعبة والحيوان اللي عمل كدا بيحصله ايه بيتحبس كام سنة وبعدين بيخرج بيمارس حياته عادي وكان شيئا لم يكن لكن البنت هي اللي بتعاني بس وانا مش هسمح بكدا هقتل كل واحد يفكر ان البنت ضعيفة ومش هتاخد حقها لا وهتسيبه كمان عشان سمعتها وانها تعرف تعيش لا كل واحد لازم يعرف ان البنت قوية وان احنا مش هيتداس علينا بعد كدا واحنا هنجيب حقنا ومش هنضطر نتجوزهم عشان نعيش لا هنتجوز اللي عيزينه ازاي بقي! لان احنا الضحية هم اللي لازم يقفوا معانا يساعدونا نتخطي المحنة دي يكونوا هم سندنا وحمايتنا لان مش احنا الغلطانين.
رامي بتنهد:عندك حق بس....
لورين مقاطعة:بس المجتمع مش هيتقبل فكرتي وهيعتبرني مُدانة وهتسجن واتعدم.
رامي:ونورين ملهاش ذنب.
لورين بحدة:انا بعمل كدا عشانها انا عشت عذابها وحسيت به معاها انا بجيب حقها هي.
رامي:نورين مش عايزة تاذي آسر.
لورين:وانا مش هاذيه انا بجيب حق كل بنت اخوه الحقير آذاها.
رامي :انتي بتخوني نورين لانك بتحبي آسر.
لورين:دا ملهوش علاقة بالموضوع.
رامي:دا هو دا الموضوع انتي بتخوني نورين وعايزة تسيطري عليها لانك بتحبي آسر.
لورين:انا اللي بحبه نورين مبتحبوش.
رامي :انتي خاينة خاينة انا هقول لآسر.
لورين بخوف:لا انت مش هتقول حاجة مش هسمحلك.
رامي بابتسامة خبيثة:لا انا قلتله خلاص حتي شوفي كدا.
اشار باتجاه كاميرا صغيرة معلقة باحد اركان الغرفة ثم اشار ناحية الباب حيث دلف آسر و.
يتبع
تعليقات
إرسال تعليق