 |
دار الايتام
البارت السابع عشر...
اما عند جاسر وتمارا كان الوضع مختلف
رجع جاسر وميرنا عالتربيزه بعد ما خلصو رقصتهم مع بعض اعدو معاهم وفضلو يتكلمو
جاسر..كان باين هادي لكن من جواه غضب كبير فضل يولع سيجاره ويخلصها يولع غيرها ورجليه مش مبطله هز
اما تمارا فاكانت متقلش غضب عنه ولكن كان جواها رهبه وخوف من منظره اللي ميبشرش بخير ابدا
هادي..وانتي بقى بتدرسي ايه يا انسه ميرنا
ميرنا..بابتسامه شقيه بدرس لا بدرس ايه انا مخلصه تجارة اعمال بقالي سنه
هادي..معقول بس شكلك صغير
ميرنا.. بجد
هادي..اه والله انا قولت بالكتير انتي لسه في اولر جامعة
ميرنا..لا والله مخلصة بقالي سنه
هادي..طيب انتي ليه عايشة بره
ميرنا لا مش عايشة بره انا اه اعدت كذا سنه في انجلترا بس بروح وباجي فالسنه كذا مره دي خامس سنه ليا هناك يمكن اخر سنه طولت وتقريبا منزلتش اجازة خالص
بس عشان كنت خلاص اخر سنه وتخرج بقى وكده فاقولت اخدها جد ومضيعش وقت في السفر
هادي..ناوية تسافري تاني
ميرنا..انا بروح وبرجع بس المرادي ناوية اسافر فالاجازات
هادي..اجازات ايه لما انتي خلصتي دراسه
ميرنا..ما انا نويت اشتغل هنا بقى..وفي اجازات شغلي هروح انجلترا
هادي..اه فهمت ناويه بقى تشتغلي ايه يعني مجهزه حاجة في دماغك
ميرنا..والله لسه مش عارفه بس اكيد هأعد على قلب جاسر وبصت لجاسر بابتسامة شقية وغمزتله
ابتسم جاسر رغما عنه على شقاوة ميرنا
هادي..يا بختك يا جاسر باشا عموما يا ستي لو لسه بتفكري انا كمان موجود..القرى السياحيه دي كلها مستنياكي
جاسر..لا يا هادي باشا ميرنا معايا انا ماصدقت انها نزلت
هادي..بقى كده يا جاسر باشا ماشي يا سيدي بس بردو انا موجود
ميرنا..ايوه بقى شكلها هتحلو ورجال الاعمال بيتخانقوا عليا
ضحك..هادي وجاسر على شقاوتها وكلامها
لاحظت ميرنا سكوت تمارا وشرودها
ميرنا..وانتي بقى يا تمارا بتدرسي ايه
تمارا..انا في تجارة القاهرة
ميرنا..في سنه كام
تمارا..في تالته
ميرنا..ايه ده الله اول مره اقابل حد اصغر مني
جاسر..وهو بيبصلها باستغراب ومالك فرحانة كده ليه
ميرنا..اصلك مش فاهم دايما الناس بتفكر اني صغيرة وكمان دايما انا اصغر واحده في اللي بصاحبهم انت مش فاهم دي معاناها اني اكون دايما صغيره كده بيستعيلوني
هادي..بس حاجه حلوه انك تباني اصغر من سنك
ميرنا..مش دايما والله اسألني انا
على فكره لو اشتغلت معاكم لازم نبقى اصحاب
تمارا..طبعا
ميرنا..اصلك مش فاهمه يعني ايه واحده تشتغل مع اربع رجاله وايه مبيهزروش وانا زي مانتي شايفه عيله واكيد مش هيرحموني
ضحكت..تمارا غصب عنها على طريقة ميرنا المرحه
جاسر..اكيد هتتعلقي
ميرنا..لا خلاص هيبقى ليا ضهر وانا وتمارا هنتفق عليكم
تمارا..بلاش تمارا احسن اتعلق معاكي
ميرنا..لا اجمدي كده احنا بنات اه بس جامدين اوي
هادي..انتي مشكله
جاسر..انتي مطوله هنا
ميرنا..لا مطوله ايه انا ماشيه بعد بكره وانتو
جاسر..احتمال كبير بكره بليل عشان في شغل كتير متعطل
ميرنا..خلاص لو كده هشوفكم بكره بقى قبل ما تمشو
جاسر..تمام
ميرنا..هقوم انا بقى عشان صحابي اكيد هيولعوا فيا من ساعة ما شوفتكم وانا اعده معاكم ومطنشاهم واطيه اوي انا
جاسر..كويس انك عارفه
ميرنا..لهادي مبسوطه اني أتعرفت على حضرتك
هادي..انا اكتر بس من غير حضرتك دي
ميرنا..ماشي يا هادي
ميرنا..هشوفك بكره يا تمارا ولازم نبقى صحاب انا مبسوطه اني شوفتك
تمارا..ان شاء الله انا مبسوطه اكتر
ميرنا..باي ياجاسر
جاسر..باي ياميرنا
هادي..دمها خفيف اوي
جاسر..ميرنا دي مشكله وكمل لتمارا يلا
هادي..ما لسه بدري
جاسر..عشان نقدر نصحى بدري للشغل
هادي..تمام خلاص يارب تكونو اتبسطتوا
جاسر..اكيد وشكرا ياهادي عالعزومه الحلوه دي
هادي..العفو على ايه مش مقامك ياجاسر تصبح على خير
جاسر..وانت من اهله
هادي..تصبحي على خير ياتمارا
تمارا..وانت من اهل الخير
مشيو وكان جاسر هيولع كمان بيندهلها بأسمها خلاص بقو صحاب
ركبو الاسنسير مع بعض تمارا كانت بتحاول على اد ما تقدر تبعد عنيها عن جاسر خالص وقف الاسنسير واول ما نزلو منه اتصلت هايدي على جاسر
جاسر..الوو
هايدي..ايوه ياحبيبي عامل ايه
جاسر..بخير الحمد لله انتي ايه اخبارك
تمارا..الغضب كان ماليها بس بتحاول تتحكم في نفسها ومتبينلوش اي حاجه
جاسر..وانتي كمان ياحبيبي
هايدي..هترجع امته
وصلو فاللحظه دي ادام الغرفه اللي تمارا نازله فيها
تمارا..لجاسر تصبح على خير
جاسر..شاورلها بكف ايده تستنى وقفت تمارا
جاسر..بكره عندي شغل الصبح وهسافر على اخر النهار بأذن الله
هايدي..طيب مش هشوفك لما ترجع انت وحشتني اوي
جاسر..انتي اكتر واكيد هشوفك
تمارا..حست بفوران بيحصل جواها ونطقت اخيرا انا داخله اديته ضهرها عشان تدخل لكن بحركة سريعة منه مسك كف اديها براحه بين ايده
اتخشب جسم تمارا من لمسته المفاجأه ليها
اما جاسر فا وقف يكمل كلام بثبات ولا كأنه عمل حاجه
جاسر..خلاص ماشي تمام عموما انا هقفل الوقت عشان عندي حاجه مهمه هبقى اكلمك تاني
هايدي..اوك ياروحي هستناك يلا باي
جاسر..باي
هايدي..وكانت عارفه وواثقه ان تمارا معاه جاااسر
جاسر..نعم
هايدي..بحبك
جاسر..عينه في عين تمارا وماسك ايدها خد نفس وكأنه بينطق بالعافيه وانا كمان
تمارا..بتحاول بعصبيه تسحب ايدها من ايده
لكن جاسر كان مشدد على قبضته ليها جامد
هايدي..باي
جاسر..باي
قفل جاسر وبصلها في ايه
تمارا..حضرتك اللي في ايه حضرتك اللي موقفني
جاسر..افتحي الباب
فتحت تمارا الباب ورجعت بصتله
فتحت الباب وبعدين
جاسر ولا قبلين وقام مدخلها بايده لجوه دخل وراها وقفل الباب
تمارا..ايه اللي حضرتك بتعمله ده
جاسر..اللي انا بعمله ولا اللي انتي بتعمليه
تمارا..وانا عملت ايه ان شاء الله جاسر..اعده تضحكي وتهزري مع هادي..وتتكلمو
تمارا..بابتسامه مستفزة وحضرتك مضايق ليه هو عزمنا واحنا قبلنا العزومة اكيد مش هنفضل اعدين نبص في وش بعض واحنا ساكتين
جاسر..وانا حذرتك قبل كده وقولتلك متتكلميش معاه حصل ولا لا
تمارا..حصل بس ده في حدود الشغل واظن بقى احنا مكناش في ميتنج شغل كانت سهره عاديه
جاسر..حتى ولو أدام قولت مفيش تعامل يبقى مفيش تعامل
تمارا..اسفه وانا مش تحت امر حضرتك
جاسر بصلها بصدمه
تمارا..حضرتك تقدر تقولي اي حاجه خاصة بالشغل وانا هسمع كلامك فورا لكن حياتي الشخصيه واكلم مين ومكلمش مين اظن انا اللي احددها واظن انه مش طبيعي يعني ان حضرتك تقوم ترقص وانا افضل حاطه وشي في وشه ومنتكلمش وحتى لو ده حصل اظن مش طبيعي انه يكلمني ويفتح معايا كلام ومردش عليه
جاسر..انتي بتكسري كلامي يا تمارا
تمارا..والله حضرتك اللي مصمم تخليني اكسر كلامك
جاسر..بصوت يرعب وانا كلامي مش هيتكسر يا تمارا فاااهمه
تمارا..حست برجفه من صوته وعصبيته بس حاولت متبينش وده ليه؟
جاسر..هو ايه اللي ليه
تمارا..ليه حابب تتحكم فيا
جاسر..ده مش تحكم
تمارا..لاتحكم حضرتك بتعمل اللي على مزاجك تكلم خطيبتك تحب فيها ترقص مع قريبتك تهزر تضحك محدش بيقولك لا ليه بقى انت بتتحكم فيا اكلم مين ولا مكلمش مين انا حرة على فكره
جاسر..لا مش حرة ولو عايزة تسميها تحكم براحتك بس اللي بقوله يتسمع انتي فاهمه
تمارا..لامش فاهمه وانا حرة طول مانا مش بقصر في شغلي يبقى حضرتك ملكش اي حق تتكلم معايا واظن يعني يا مستر جاسر حضرتك محكمتش على ميرنا قريبتك وهي معاها ولاد شباب اصحابهاواعده معاهم ومحكمتش على هايدي اللي هي خطيبتك وهتبقى مراتك انها متأعدش مع صحابها ولا ايه
جاسر..اتصدم من ردها ومبقاش عارف يقولها ايه يقولها ان انتي اللي فارقه معايا انتي اللي بحبها وبغير عليها انتي اللي تهميني
جاسر..انتي صح بس عالاقل دول صحابهم لكن انتي تعرفي هادي منين عشان تأعدي وتتكلمي وتحكي معاه
تمارا..باستفزاز هادي يمكن اكون مكنتش اعرفه ولا في حاجه بتجمعنا بس تقدر تقول اننا بقينا اصحاب
جاسر..وهو بيمسكها بقوه من ايديها نعم يا اختي اصحاب وده من امته ان شاء الله
تمارا..اااه مستر جاسر ايدي
جاسر..قسما بالله ياتمارا لو حصل وشوفتك بتتكلمي معاه تاني لا هخليه اخر يوم في عمرك وعمره
تمارا..وده بأماراة ايه
جاسر..وهو بيضغط اكتر على اديها بأماراة اني مديرك
تماارا..وحست انها على وشك البكاء بسبب ضغط ايده على ايدها بس حبت تكمل ومتبينلوش وجعها
تمارا..لو شغلي مع حضرتك هيخليك تتحكم فيا فا اسفه اعتبرني مستقيله ومن الوقت انا مش هكمل معاك
جاسر..حس ان شياطين الدنيا بتتنطط ادامه واقسم بداخله ان الغضب اللي جواه منها لو فرغه فيها لا هتقع ميته من خوفها ولكن كان ليه رد تاني يفرغ في شحنته دي غير العصبية
وبحركه سريعه منه حط ايده ورا رقبتها وجذبها ليه بعنف وانقض على شفايفها وفرغ كل طاقة العصبية فيها
كان جواه مشاعر كتير متلغبطه كان مضايق منها ومن عندها ومن تكسيرها لكلامه كان جواه حب وكلام كتير نفسه يقولهولها ومش عارف كان مضايق وهو بيفتكر وهي اعده مع هادي وبتضحك وبتهزر وتتكلم كان غيران ملقاش طريقة يعبر بيها عن كل مشاعره غير كده
اما تمارا كانت بتحاول تدفعه بكل قوتها عنها لكن مكنتش قادره تحركه او تبعده خطوه حست ان شفايفها اتعورت من عنف القبله بتاعته حست بطعم الدم حتى جاسر حس انها اتعورت ولكن مسبهاش بس اول ما حس انه ابتدا يهدا بعد ما فرغ كل عصبيته فيها ابتدا يبوسها برقه وحب حس ان تمارا هديت ومبقتش تقاومه واستسلمت بعد مده بعد عنها براحه لما حس انه محتاج هو وهي للنفس لمحها مغمضه عنيها ووشها اتحول للون الاحمر من كتر الاحراج نزلت تمارا عينها بسرعه وهي مش قادره تقول كلمه ولا حتى تبينله انها غضبانه منه اكتفت بالصمت
جاسر..بلهجه امر بكره الصبح تقومي تجهزي شنطتك هنسافر اخر النهار والصبح مش هتنزلي انا هنزل لوحدي اشوف الشغل
خرج جاسر بسرعه من الاوضه وقفل وراه اما تمارا فاكانت مش طايقه نفسها عشان استسلمت ليه كان جواها كمية غضب من نفسها اكتر من الغضب اللي كان جواها ليه عشان حست للحظه انها مبسوطه
اعدت على حرف السرير وفضلت تعيط تعيط لحد ما راحت فالنوم من كتر العياط
اما عند البنات والشباب
وصل ليل اخيرا هو والشباب بعربياتهم
ادام برج كبير وضخم في ارقي احياء القاهرة
نزل ليل من العربيه وراح فتح شنطة العربيه خرج منها شنطه عشق ونزل ادم ونوح والبنات
راح ليل ناحية مدخل البرج استقبله أمن البرج بفرحه
ليل بجمود البنات هيأعدو فالشقة اللي فالدور التاسع مش عايز اي حد يطلع او ينزل عندهم عايزكم تأمنوهم كويس اي حاجه هتحصلهم متلوموش غير نفسكم
الامن..متقلقش حضرتك اللي حضرتك عايزه هيتنفذ بالحرف
ليل..تمام المهم محدش يطلع غيرنا وطبعا جاسر باشا
الامن..حاضر يا افندم
مشي ليل ناحية الاسنسير وهما وراه في صمت رهيب
ركبو مع بعض واخيرا وصلو للدور اللي فيه الشقه
وقف ليل ادام الباب فتح بالمفتاح ودخل وهما واقفين زي ما هما شغل ليل الانوار
ليل.ادخلو
ادم..يلا يازهره اتفضلي
نوح.ادخلي يانور
دخلو مع بعض لكن فضلت عشق واقفه ادام الباب
ليل..فضل باصص عليها من بعيد
لمحته عشق فدخلت من سكات عشان متديلوش الفرصه انه يتكلم
وقفوا البنات يبصو على المكان بانبهااار
مكنتش مجرد شقه كانت عباره عن ڤيلا الدور كله كان شقه واحده كانت واسعة بطريقة تصدم ليل كان عاملها ليه
كانت الشقه مجهزه بالكامل باحدث الاجهزه واحدث الاثاث كانت شقه تبهر بجد
ليل..عجبتكم
نور..باعجاب دي حلوه اوي
ادم..ايه رأيك يازهره
زهره..بحزن باين علي ملامحها حلوه اوي
اما عشق كانت واقفه ساكته خالص ومفيش اي رد فعل ليها
ليل..الشقه مفيهاش حاجه ناقصه خالص اي حاجه هتحتاجوها هتلاقوها واي حاجه ناقصه بلغونا وهنجهزهالكم فورا
هنسيبكم الوقت عشان ترتاحوا بكره الصبح7ونص بالدقيقه هتلاقو في سواق تحت مستنيكم عشان يجبكم عالشركه وتستلمو شغلكم الجديد
صمت تام من البنات نوح وادم وليل بيراقبوا رد فعلهم لكن اتفاجئو بالصمت ولكن قطع الصمت ده صوت ليل
ليل..انا مبكلمش نفسي مفهوم
نور..بخوف ردت بسرعه مفهوم
ليل..زهره؟
زهره..ان شاء الله هكون جاهزة
ليل..كمل بصوت هادي عشق
عشق..بصتله وسكتت
ليل..انا بكلمك على فكرة
عشق..وانا قولتلك يا ليل باشا اني مش عايزة اشتغل معاك
ليل..وانا مبخدش رأيك انا بأمرك
عشق..وهي بتبصله بكره بعد اذنكم مشيت من ادامه عشان تدخل اي اوضه وتختفي عن وشه لكن ايد ليل كانت اسرع منها سحبها وراه لاوضه من الاوض ورزع الباب وراه بغضب
زهره..ادم والنبي الحقه بدل ما يحصل حاجه
ادم..متخافيش ليل مش هيعمل حاجه
نور..هو ايه اللي مش هيعمل حاجه انت مش شايف منظره
ادم..ليل مش وحش زي ماهو بيحاول يبين كده ليل اطيب بكتير من اللي انتو شايفينه ده بس هو خايف عليكم
زهره..كده خايف علينا امال لو مش خايف علينا كان عمل ايه
نوح..زهره اولا انا بعتذر بالنيابه عن ليل عالكلام اللي قاله بس صدقيني ليل مش كده خالص ليل بيمر بفتره صعبه اوي ممكن مع الوقت تعرفوها بس كل اللي عايز اقوله الوقت انه بيعمل كده خوف عليكم ومش هو بس احنا كلنا خايفين عليكم
زهره..من ايه طيب؟
بص نوح لادم وسكت
ادم..مش لازم تعرفوا الوقت كل اللي مطلوب منكم بس انكم تسمعوا الكلام من غير نقاش ومن غير ما نخلي ليل يوصل لحالته دي واكيد هيجي وقت وتعرفو بس لحد ما يجي الوقت ده عايزكم تتأكدو اننا خايفين عليكم بجد وبنحاول نحميكم وعايزكم توصلو الكلام ده لعشق وتمارا كمان لما ترجع
نور..طيب هو احنا هنشتغل ايه
نوح..بكره بس يا ستي تيجو الشركه وكل واحده هتستلم شغلها وتفهمه كمان
دخل ليل الاوضه ودفع عشق جوه
عشق..وهي بصاله من غير ولا كلمه
ليل..بغضب انا سبق وحذرتك انك متحاوليش تقفي أدامي وانتي مصممه انك تكسري كلامي
عشق.هو انت ليه محسسني اننا عبيد عندك ولازم نسمع كلامك لو على وصيه بابا ليكم تقدر تنفذها على نور وبس لكن احنا لا او اقولك لو زهره وتمارا موافقين هما حريين دي حياتهم لكن انا لا مش موافقه واعمل حسابك انا جيت معاك هنا بس عشان المشكله متكبرش لكن انا مش هطول هنا تحت رحمتك كتير وهمشي
ليل..لو تقدري اعمليها
عشق..هقدر ايه هتمنعني؟
ليل..جربي وانتي اصلا مش هتلحقي تخرجي من باب البرج اللي انتي اعده فيه ده وهبلغهم تحت ان انتي متخرجيش لاي سبب غير اللي انا اقوله وبس
عشق..هتعين عليا مراقبه ولا ايه
ليل..سميها زي ما تسميها بس خروج او مشي في اي مكان من غير اذني ممنوع
عشق..هتحبسني
ليل بصوت عالي اااه ياعشق هحبسك
عشق..بتحدي هنشوف مين فينا اللي هيمشي كلامه يا ليل باشا
ليل..الغضب عمي عينه مسكها من ايدها بعنف بت انتي بلاش تتحدي ليل السيوفي عشان مش حتت عيله زيك تقف ادامي انا افعصك برجلي
عشق.رغم الالم اللي حاسه بيه من مسكته بس كانت بتتكلم بهدوء وبرود قتل ليل ومن جواه كان معجب بقوتها دي اوي
عشق..وانا مبخفش غير من اللي خلقني يا باشا انا صحيح بنت شارع بس لسه متخلقش اللي يدوس عليا
ليل..وهو بيمسك رقبتها بغضب بلاش ياعشق بلاش تخليني اوريكي شخص تاني متحبيش انك تشوفيه
عشق..حست انها بتتخنق من قبضة ايده على رقبتها
ليل..بلاش تقفي ادامي
عشق كانت حاسه ان روحها بتطلع مسكت ايده بايدها تبعدها عنه
ليل..كان حاسس انه مش في وعيه لكن اول ما حس ان لون وشها ابتدا يتغير انتبه وبعد ايده فورا
عشق مسكت رقبتها وبقت تاخد نفسها بسرعه وتكح جامد
ليل..بقلق عشق انتي كويسه انا اسف انا مقصدش
عشق..بتحاول تظبط نفسها اللي راح
ليل.انتي اللي استفزتيني ووقفتي ادامي
عشق..بعد ما حست انها بقت احسن اخيرا اتكلمت انا عمري ما كرهت حد في حياتي حتى اهلي اللي رموني فالشارع رغم اللي عملوه فيا مش بحبهم بس مش بكرهم عشان عمري ماعرفت اكره لكن انت علمتني الكره وعمري ماكرهت حد اد ما كرهتك
ليل..حس بالغضب من كلامها ومن نفسه عشان وصلها انها تكرهه
ليل..وانا مطلبتش منك تحبيني بس هتسمعي كلامي غصب عنك ورجلك فوق رقبتك مفهوم بكره الصبح تكوني جاهزه..السواق هيبقى تحت
عشق بتحدي مش هاجي
ليل.يبقى متلوميش إلا نفسك يا عشق ومتزعليش من رد فعل ليل السيوفي
عشق..اكتفت بالصمت
فضل ليل باصص لها ثواني واخيرا خرج بره الاوضه ورزع الباب وراه انتتفض جسم عشق مع رزع الباب قفلت عشق بالمفتاح وجريت عالسرير واخيرا اطلقت العنان لدموعها اللي حبستهم كتير وانفجرت عشق من العياط
ليل..خرج وعلامات الغضب على وشه ظاهرة وكمل بلهجه أمر وهو باصص لزهره ونور اللي قولته من شويه يتنفذ مش عايز تأخير بكره مفهوم
نور وزهره حاضر
ليل..يلا خرج بغضب وسابهم
ادم..لزهره هستناكي بكره
زهره..هزت دماغها بضعف
نوح..نور انتي وزهره اتكلمو مع عشق عشان اللي حاصل بينها هي وليل مينفعش حاولو تهدوها وتقنعوها
زهره..حاضر يا نوح هكلمها
نوح..عايزة حاجه يانور
نور..لا شكرا
ادم..يلا تصبحو على خير اقفلو الباب كويس ومتقلقوش المكان هنا متأمن عالاخر والباب ده مصفح يعني لو الف راجل حاول يكسره مش هيعرفو
نور..ربنا يستر
نوح..تصبحو على خير
نور وزهره وانت من اهله
خرج ادم ونوح ورا ليل قفلت زهره الباب وراحو لعشق يشوفوها
نور..خبطت على الباب عشق عشق افتحي ياعشق
عشق..بتعيط ومش بترد
زهره..عشق عشان خاطري لو بتحبيني افتحي
عشق..لو سمحت سيبوني لوحدي
نور..طيب هنطمن عليكي بس
عشق..قولت سيبوني لوحدي
زهره..ماشي ياعشق
نور..هنسيبها
زهره..سبيها لما تهدى هتفتح
نور..طيب يلا نشيل الشنط
زهره..يلا
نزل ليل راح للامن
محدش فيهم ينزل غير لما السواق يجلهم للشغل وبس او يرجعهم غير كده ممنوع انا اللي بقولك تقولهم ليل باشا امر بكده ولو حد خرج هشوف شغلي معاكم
الامن..تمام يا افندم
مشي ليل عالعربيه وهما وراه
ادم..ليل اقف ليل بكلمك
وقف ليل مره واحده افندم
ادم..تقدر تقولي ايه اللي انت بتعمله ده يعني مش مكفيك انك سمعتهم كلام زي الزفت وانهم ولاد شارع وتجرحهم بالمنظر ده كمان جاي تكمل عليها هنا
ليل..انا عارف انا بعمل ايه
نوح..لا ياليل ادم عنده حق انت كسرتهم ياليل اللي قولته مكنش ينفع يتقال وياريت يا اخي حاولت تصلحه انت كمان جاي تأمرهم ينزلو الشغل بدل ما تعتذر وتكلمهم براحه تتكلم معاهم بطريقتك القاسيه دي
ليل. بغضب ااايه واقفين ادامي وبتتكلمو وشويه شويه هتقولولي اعمل ايه ومعملش ايه
ادم..لما تبقى غلط يا ليل يبقى لازم ننبهك امال لو مكنش الراجل وصاك عليهم قبل ما يموت كنت عملت فيهم ايه
ليل..انا عارف بعمل ايه ومش شايف اني غلط لما عيله تقف ادام ليل السيوفي يبقى ده اخرها معايا انتو اكتر ناس عارفين اني بحميهم بس مش هسمحلهم انهم يقفو ادامي
ادم..مفيش فايدة انا فعلا غلطت لما شكيت للحظه انك ابتديت تتغير شكيت انك حبتها ياليل بس اللي يجرح بالمنظر ده يبقى معندوش قلب على فكرة ياليل انا كمان ابقى احسبني معاهم من ولاد الشوارع مانا امي وابويا ماتو ولولاك انت وماما سهام كان زماني فالشارع
ليل..بغضب من كلامه انت بتقارن نفسك بايه انت عبيط يا ادم
ادم..لا يا ليل مش عبيط احنا واحد زي بعض بس انا حظي كان احسن لقيت مكان وسط اهلي هما للاسف ملقوش حد يقف معاهم ومش بعد ما جت الدنيا عليهم تيجي انت وبكل جبروت وتجرحهم وتدوس عليهم اقولك انا كنت بتمنى انك تقرب من عشق وتحبها بس الوقت مبتمناش كده ابدا وسابه وراح على عربيته
نوح..استني يا ادم ادم
طار ادم بالعربيه وهو في قمة غضبه
نوح..بص لليل وسكت
ليل..ايه عندك كلمتين انت كمان عايز تسمعهملي قول سامعك هي جت عليك ما كل واحد فيكم واقف يقول اللي على كيفه
نوح..لا ياليل معنديش ادم قال كل اللي كنت عايز اقوله بعد اذنك وسابه وراح ركب عربيته وطار هو كمان
اما..ليل وقف الغضب عاميه ومش عارف يعمل ايه ولا يروح فين
ملقاش..نفسه غير ورجله وخداه على مكان بيسهر فيه
راح..وشرب لحد ما النهار طلع
كان يوم قاسي اوي على كل ابطالنا
كل واحد من الشباب كان ساكت ومتضايق
والبنات..كل واحده فيهم جواها جرح
اما عند هايدي
كانت اعده في اوضتها تسمع اغاني بالهاند فري دخل عليها سامر
هايدي شالت الهاند من ودنها جيت امته
سامر..بخنقه لسه جاي
هايدي..ومالك كده قالب وشك ليه
سامر..هحكيلك بس عايزك تقوليلي حل بدل ما اتصرف انا وترجعي تزعلي
هايدي..قول قلقتني
حكالها سامر علة كل اللي حصل بينه وبين نور من اول مره لما نوح جه هو وادم لتاني مره اما ضربته
هايدي..بحقد نعمم بقى حتت بت متسواش تمد ايدها عليك
سامر..تخيلي بس وديني ما هسيبها ولازم اندمها واكسر عينها
هايدي..لا اتقل عليا كده وانا اديك الخلاصه
سامر..ازاي
هايدي..الاول انت كنت عايز ايه منها
سامر..يعني يا ديدي كان اخري معاها وقت حلو وليله جميله وخلصت
هايدي..طب انا بقول انك عايز تربيها وتكسر عينها صح
سامر.اه صح
هايدي.تمام انا هقولك تعمل ايه بس تنسى خالص ليله حلوه دي فكك منها في مليون بنت احلى منها بس لازم طبعا ترجع كرامتك اللي بعترتها ادام الناس
سامر..يعني ايه
هايدي..انا هقولك تعمل ايه
بعد وقت طويل من الكلام بينهم
سامر..بصدمه الله يخربيتك ايه الدماغ دي ده الشيطان ميعرفش يفكر كده
هايدي..وهي بتمسكه من خده وانا عندي كام سامر ياناس
سامر..يعني مش هتضايقي خصوصا انك قريبه من العيله يعني وعشان جاسر وكده
هايدي..لا ياسيدي مش هتضايق
سامر..هنفذ امته
هايدي..يومين كده لما نظبط كل حاجه واديك التمام تنفذ وسلملي عالسنيوره
سامر..اشطا
....
وصل ليل في وقت متأخر يادوب طلع خد شاور عشان يفوق ريحة الخمره كانت بتفوح منه خرج لبس بدله سوده وتحتها قميص اسود ساب اول كام زراز مفتوحين لبس نضارته
كان شكله عامل زي رجال المخابرات
نزل تحت كان ادم ونوح اعدين عالسفره يفطرو في صمت
ليل..بهدوء صباح الخير.
ادم..ونوح صباح النور
اعد بكل هدوء شرب قهوته كان الصمت يسود المكان
ليل كان حاسس بتعب جامد وحاسس انه مش على بعضه دايخ ومعدته تعبانه
وفجأه قام بسرعه وخبط فنجان القهوه وقعه وهو بيقوم جري عالحمام
وجي وراه ادم ونوح بفزع فضلو يخبطو عالباب اللي هو قافله اول مره يشوفوه تعبان بالمنظر ده
فضل ليل بسبب القهوه اللي شربها يخرج كل الخمره شربها من معدته
نوح..ليل افتح الباب
ادم..وهو بيخبط بسرعه وقلق ليل افتح الباب ده
فتح ليل الباب بضعف وهو بينشف وشه
نوح..انت كويس
ادم..مالك يا ليل انت تقلت فالشرب صح
ليل..وهو بيبعدهم ابعدوا عني
ادم..ليل اهدي بعد اذنك خلينا نطمن عليك
ليل.قولت ابعدوا عني مش عايز حاجه من حد انا كويس
نوح..بلاش عند ياليل خليك انهرده ارتاح
ليل..انا كويس بص لادم وبعدين ادم انت مش شايفني وحش ومعنديش قلب مالكش دعوه بيا بقى
نوح..ليل
قاطعه ليل وأنت مش أمنت على كلامه يبقى ملكوش دعوه بيا انا وحش محدش ليه دعوه بيا
ادم..انت لسه سكران ارتاح عشان خاطري
ليل..انا مش سكران ابعدو عني ومشي باتجاه الباب عشان يخرج
نوح..طب استني اركب معايا
ليل..قولت ابعدو عني ايه مبتفهمووش
خرج..ليل وخرج وراه نوح وادم وفضلو ماشيين وراه لحد ما وصل الشركه
طلع ليل..على مكتبه وباين عليه التعب
دخل وراه ادم ونوح
ادم. ليل انت كويس
ليل..اه يا ادم كويس
نوح..روح ارتاح ياليل عشان خاطرنا
ليل.نوح انا قولت اني كويس خلينا فالمهم حد فيكم اكد الحجز بتاع بكره لماما وطنط منى
ادم..انا اكدته طيارتهم بكره هيوصلو بعد بكره الصبح
ليل..تمام العيال اللي فالمخزن تابعتوهم
نوح..اه متقلقش الرجاله جابو للواد اللي مضروب بالسكينه دكتور. والتانين اهم لسه بيعافرو
ليل..تمام يتعالجو بس واروحلهم عشان نخلص الحساب اللي بينا
ليل..جاسر كلم حد فيكم بليل
ادم..لا مكلمش واحنا كلمناه مردش
ليل..اطمنتو من تمارا
نوح..لا بس شويه كده ونكلمهم
ليل..تمام
خطبت السكرتيره بتاعته فاللحظه دي
نوح..أدخل
دخلت السكرتيره ليل باشا في بنات بره بيقولو انهم تبع حضرتك
اتأكدو الشباب انهم جم
ليل..دخليهم
دخلتهم السكرتيره وياريتها ما دخلتهم
نور وزهره صباح الخير
ادم..ونوح صباح الخير
ليل..بترقب من اجابتهم عشق فين؟
زهره ونور بصوا لبعض وسكتوا
ليل..ما تنطقووو
زهره ونور اتنفضو
زهره..مرضيتش تيجي
ليل..يعني ايه ما رضيتش تيجي هي بتتحداني
زهره..هي من امبارح من ساعة ما خرجت من عندها وهي قافله الباب وبتعيط ومش راضيه تخرج حتى الصبح مشوفنهاش قافله الباب ورفضت رفض تام انها تيجي
ليل..وقف خد موبايله وسجايره من على المكتب
ادم..على فين ياليل
ليل..هروح اشوف عشق هانم اللي كسرت كلامي
نور..بخوف بس هي مش هتفتح لحضرتك لانها متوقعه انك هتروح قالت بلغوه ميجيش عشان لو جه مش هفتح
ليل..كمان تمام اوي
خرج وقبل ما يلحقه نوح وادم وقف ليل
مش عايز حد يجي ورايا تاخدو نور وزهره وتفهموهم شغلهم وانا ساعة زمن هاجي انا وعشق
استسلمو بقلة حيلة
وخرج ليل رغم تعبه زي الوحش الغاضب
دار الايتام
البارت الثامن عشر...
نزل ليل من الشركه ركب عربيته وسط زهول الموظفين من شكله اللي يرعب وهو خارج بعد ما جه بوقت بسيط
نوح..كان لازم تقوليله اللي عشق قالته
نور..معرفش طب اعمل ايه ماهي فعلا قالت قولوله ميجيش عشان مش هفتحله
زهره..بخوف ربنا يستر
ادم..متقلقوش ان شاء الله خير
زهره..يارب
ادم..حد فيكم كلم تمارا
زهره..بقلق ليه في حاجه
ادم..لا خالص اصل بكلم جاسر مش بيرد فا قولت اشوف يمكن تكونوا كلمتوا تمارا
زهره..لا من امبارح اخر مره كلمناها كانت نازله تتعشي من وقتها متكلمناش
ادم..تمام انا الوقت ابقى اكلم جاسر واشوف هيرجعوا امته
نور..احنا المفروض هنعمل ايه
نوح..نور انتي وزهره هتمسكو مع بعض شغلي انا ونوح لان تقريبا انا ونوح شغلنا واحد واللي هو المراجعه المفروض ان انا وادم مسؤولين عن مراجعة كل كبيرة وصغيرة بتدخل مش فرعنا بس لا المجموعة بالكامل وانتو هتساعدونا في ده ومش هتشتغلوا لوحدكم احنا الاربعة هنبقى تيم واحد طبعا الشغل نفسه وطريقة المراجعة دي هنفهمهالكم متقلقوش وطبيعة الشغل سهل لكن في نفس الوقت صعب احنا بنتكلم في مبالغ وارقام خرافية يعني مينفعش غلطة تحصل القسم بتاعنا عايز تركيز جامد جدا لان زي ما قولتلكم الغلطة بتساوي خسارة
زهره..بس ده كده خطر احنا منفهمش اي حاجة ويوم ما نشتغل نمسك شغل زي ده
ادم..متقلقيش يا زهره الموضوع ابسط بكتير من ما تتخيلي كل الحكاية زي ما نوح قال محتاج تركيز وبس وطبعا انتوا لسه بتتعلموا يعني مش هنديكم ورق وملفات ونقولكم راجعوا لوحدكم انتو هتعملوا ده معانا هتشوفونا واحنا بنشتغل هتفهمو وبعد كده هتبتدوا شغل وطبعا بعد ما تدخلوا فالجد وتكونوا فهمتو بردو مش هنسيبكم احنا الاربعة هنكون تيم واحد وكل واحد فينا هيسلم للتاني يعني بدل ما كانت بتتراجع مرتين هتتراجع اربعة فهمتو
نور..مبدأيا ان شاء الله خير
نوح..ان شاء الله يلا تعالو نوريكم مكاتبكم
زهره..تمام
قاموا مع بعض
اما عند جاسر خرج الصبح بعد مالبس عشان ينزل يروح لهادي
عدى على اوضة تمارا وقف ادام الباب شويه ورفع ايده عشان يخبط وبعد ثواني نزلها
ونزل على تحت يقابل هادي
وابتدوا يتكلمو فالشغل وراحو تاني عالموقع مع بعض كان جاسر مش مستحمل كلمة من هادي اللي ضايقه اكتر بسؤاله عن تمارا اكتفى جاسر برده انه مش محتاجلها فالشغل انهرده وانها هتحضر نفسها عشان السفر
اما عند عشق
حاولوا البنات يتصلو بعشق عشان يقولولها ان ليل رايحلها لكن كانت قافله الموبايل عشان محدش يتصل عليها وخصوصا الدكتور اللي هي محرجه منه جدا واخر ما تعبو في انهم يبلغوها سابوها تقابل نصيبها لوحدها
اما عند عشق فا بعد ما نزلو البنات قامت من نومها وهي حاسه بصداع جامد من كتر العياط فضلت تحرك راسها شمال ويمين وانتبهت للاوضه اللي كانت فيها
واللي كان واضح انها فخمه جدا فضلت تتحرك فالاوضه بخطوات بطيئه وهي بتتفرج عالاوضه عينها جت على صورته
عشق..لنفسها دي الاوضه بتاعته راحت على صورته مسكتها وعيونها مدمعه سابتها وفضلت تلف فالاوضه تستكشفها على اد ما كانت مضايقه جدا من ليل بس مكنتش بتكرهه زي ما قالتله كان جواها شعور من ناحيته كل يوم بيقوى اكتر خرجت تشوف باقي الشقه اللي حست انها تايهه فيها
ورجعت تاني..فتحت شنطتها طلعت منها غيار خدت ترنج ودخلت تاخد دش دافي وبعد وقت بسيط خرجت نشفت شعرها وصلت فرضها
ورجعت تاني عشان تحط هدومها في الدولاب واتفاجأت ان ليل سايب كام غيار ليه وبرفانات بتاعته لقت علبه شكل الصندوق الخشب مقفوله بقفل فضلت تبص على شكلها وفالاخر سابتها مكانها وانتبهت مره واحده على صوت الباب اللي كان بيخبط
عشق حطت ايدها على قلبها ده اكيد ليل
مشيت براحه على اطراف صوابعها عشان متعملش صوت ويسمعها قربت من الباب عشان تبص من العين
وقبل ما ترفع نفسها على اطراف صوابعها عشان تشوف جالها صوته من ورا الباب اللي فزعها
ليل..افتحي ياعشششق افتحي الباب ده انا عارف انك سمعاني
عشق واقفه مبرقه عنيها بخوف وفضلت ترجع لورا بخطوات بطيئه كانت حاسه ان قلبها هيقف من الخوف
ليل.افتحيييي البااااب ليل كان حاسس انه تعبان وحالته كل شويه بتسوء من كتر ما شرب ومحتاج عالاقل يرتاح اليوم ده لكن كان بيكابر
ليل..افتحي ياعشق عشان وديني لو ما فتحتي لا هتندمي
عشق واقفه ادام الباب عنيها مليانه دموع وحاسه ان جسمها اتجمد مجرد ما سمعت صوته بس
ثواني وعشق برقت عينها بخوف لما سمعت صوت مفاتيح فالباب وفجأه ظهر ادامها الوحش زي ما لقبته عشق بداخلها بمجرد ما شافته بدلته السوده وشكله الواصل لاعى قمم الغضب وعيونه الحمره من الغضب والتعب وشرب الخمره
دخل جوه وقفل الباب وفضل واقف ثواني من بعيد باصصلها ومع سماع عشق لدفعة الباب هزه قويه اصابت جسدها بالكامل من شدة الخوف ونسيت تماما انها واقفه ادامه من غير طرحه
فضلت باصه عليه من بعيد من غير كلام ولكن عنيها قالت كل حاجه بمجرد ما سقطت دمعه سريعه على خدها
فضل يقرب ليل بخطوات بطيئه من غير ولا صوت وهي ترجع خطوه هو يقرب خطوه وهي ترجع وفجأه لفت عشق جسمها في حركه سريعه وجريت عالاوضه بسرعه عشان تقفل الباب بالمفتاح
لكن كان ليل اسرع منها وقبل ما تقفل مسك الباب اللي مقدرتش عشق تحركه فتح ليل الباب بعنف واتدفعت معاه عشق
ليل..بصوت باين عليه انه سكران بتكسري كلامي
عشق..هزت دماغها بالنفي بسرعه ودموعها بتتسابق على خدها
ليل..بتتحديني ياعشق
عشق...هزت دماغها بعنف
ليل..قولتلك بلاش ياعشق تعانديني قولتلك اسمعي الكلام حظك الاسود وقعك معايا في اسوء فتره بمر بيها في حياتي
فضلت ترجع عشق لحد ما ضهرها خبط فالحيطه
وقف ليل عن الحركه وابتدا يقلع ببطئ شديد الچاكت بتاع البدله رماه بأهمال عالكرسي
فك زراير القميص كل ده وهو باصص لها
وعشق واقفه مصدومه من اللي بيعمله وقلبه وقع وجسمها تلج من الخوف
ليل..انا هعرفك ياعشق يعني ايه ليل يقول حاجه وانتي تكسريها
اقسمت عشق بداخلها ان قلبها وقف حرفيا من صدمتها
عشق..بصوت مهزوز اخيرا نطقت انت بتعمل ايه
ليل..انا لسه معملتش بس هعمل فضل يقرب يقرب لحد ما وقف ادامها
عشق..بخوف ل ل ليل ارجوك ابعد عني وانا هعمل اللي انت عايزه صدقني
ليل.بعد ايه انا حذرتك امبارح وانتي اتحدتيني حاوطها ليل فالحيطه بايده حاولت عشق تنزل من تحت ايده بسرعه لكن مسكها ليل بسرعه وقربها منه مال على رقبتها يبوسها صرخت عشق ليل ابوس ايدك بلاش ابوس ايدك ياليل متعملش معايا كده فاللحظه دي قربها ليل لحضنه بقوه وفضلت تضرب في صدره بقبضة ايدها الصغيره اللي مهزتش ليل سنتي واحد لكن اتصدمت عشق اول ما لقت ليل خدها في حضنه وقالها
ليل..شششش أهدي متخافيش مني انا لايمكن أذيكي او المسك انا مش وحش ياعشق فضل يقربها لحضنه ويضغط عليها اكتر وكأنه بيخبيها جوه ضلوعه هديت عشق لما حست بصدق كلامه لكن كانت مرعوبه وجسمها كله بيتنفض بين ايديه
ليل ابتدا يقول كلام مش واعي بيه هي اللي عملت فيا كده ياعشق هي اللي غيرتني هي اللي حولتني وخلتني بني ادم عايش من غير قلب قاسي ميعرفش يعني ايه رحمه محدش بيطمنلي ياعشق كل الناس نظرتها ليا نظرة خوف حتى انتي ياعشق خفتي مني بس انا مش كده سامحيني لو جرحتك بكلامي عشق أنا تعبان اوي ومحتجالك ماتسبنيش وفجأه حست عشق ان ليل بيتقل عليها ثواني وكان فقد وعيه صرخت عشق باسمه ووقعت معاه عالارض من حمل جسمه عليها
عشق..ليل ليل ليل قوم والنبي ليل فوق قولي مالك ليل طب بص انا مش زعلانه منك ومسمحاك والله بس قوم أرجوك. سابته عشق عالارض جريت بسرعه جابت مايه وأزازه البرفيوم بتاعته وفضلت ترش على وشه مايه وترش له من البرفيوم وتقرب ايدها تشممه عشان يفوق لكن من غير استجابه انهارت عشق وصرخت فيه بهيستريا وفضلت تضربه على صدره لما حست انها بتفقده وافتكرت عم محمد
عشق..ليل قووم ليل متوجعش قلبي عليك ليل انا اول مره قلبي يدق لحد ليل قوم عشان خاطري انا محتجالك اكتر مانت محتاجلي ليل قووم وانا هسامحك لو جرالك حاجه مش هسامحك ياليل
وفجأه..ليل فتح عينه بضعف
اول ما شافته فاق انهارت وضربته على صدره حرام عليك حرام عليك تعمل فيا كده انا مش ناقصه وجع
أبتسم ليل بضعف وشدها براحه على صدره فضلت عشق تعيط وهو يطبطب على ضهرها ويمشي ايده بحنان على شعرها قالها بهمس وضعف انا اسف
عشق..قامت براحه ممسحت عنيها بظهر ايدها زي الاطفال
وقفت حاولت تساعده عشان يقوم حاول ليل يقوم معاها بس كان دايخ جدا وحاسس ان الدنيا بتلف بيه
قومته براحه نيمته عالسرير وشمت ريحته
عشق..انت شارب؟
ليل..بهدوء ايوه
عشق..اكيد مش واكل صح
ليل..هز دماغه بنفي
عشق..سابته وخرجت بره الاوضه غابت خمس دقايق ورجعتله بصنيه عليها عصير وفطار بسيط وحطتهم ادامه
عشق..لازم تاكل حاجه بسرعه عشان الدوخه اللي انت حاسس بيها دي تروح وتقدر تقف
ليل..بحزن مش عايز
عشق..لازم تاكل عشان الخمره اللي انت شربتها دي مدتله ايدها بساندوتش صغير
ليل..مليش نفس ياعشق مش جعان
عشق..كل حاجه بسيطه بس
ليل خد منها الاكل وكل براحه وحاسس انه فعلا تعبان بعد ثواني بسيطه اداها الاكل مش هقدر اكل اكتر من كده ياعشق
عشق..طيب اشرب العصير ده ومتقولش لا انت محتاج حاجه مسكره عشان تقدر تفوق
ليل..خد منها العصير شرب منه شويه مش قادر خلاص
عشق..خدته منه وحطته عالصنيه طيب احسن الوقت
ليل..احسن
عشق أتصل بأدم او نوح يجبولك دكتور
ليل..انا كويس ياعشق متقلقيش حاول يقوم يأعد عالسرير
عشق..اساعدك
ليل..لا انا تمام قرب ايده من زراير القميص عشان يقفله بس حس بدوخه والوان كتير شايفها في عينه حط ايده على عينه بتعب حس بلمسه عشق ليه وهي بتقفله الزراير
شال ليل ايده براحه وفضل باصص عليها وهي منزلها عينها عشان متشفهوش خلصت وراحت جابتله الچاكت ساعدته انه يلبسه
ليل..شكرا ياعشق
عشق..بارتباك العفو انا انا هشيل الاكل وارجعلك
مسكها ليل من ايدها استني ياعشق
عشق..وهي بتسحب ايدها براحه
ليل..انا اسف يا عشق عاللي حصل واسف عالكلام اللي قولته امبارح صدقيني انا
قاطعته عشق وانا مش زعلانه منك
ليل..بجد
عشق..بجد
ليل..يعني مسمحاني
عشق..بابتسامه هاديه مسمحاك
ليل.بصلها باعجاب شعرك حلو اوي يا عشق
اختفت ابتسامة عشق لما افتكرت انها كل ده واقفة ادامه من غير طرحه جريت بسرعه من ادامه فتحت الدولاب وشدت منه طرحه بسرعه حطتها على شعرها
ابتسم ليل وقام وقف انا هروح البيت الوقت مش هقدر اروح الشركه لاني منمتش من امبارح ياريت بكره تكوني موجودة ممكن
عشق..بابتسامه هزت دماغها ممكن
بس انت هتعرف تسوق
ليل..متقلقيش انا كويس
عشق..ممكن لما تروح بس تعرفني عشان اطمن انك كويس
ليل...انتي طيبه اوي ياعشق بعد اللي عملته معاكي ده وقلقانه عليا
عشق..انا قولتلك اني نسيت اللي حصل خلاص
ليل..بابتسامه لما اروح هطمنك خرج ليل من الاوضه بضعف واضح عليه..وهي وراه
عشق..ليل
بصلها ليل..نعم
عشق..مين اللي كنت بتتكلم عنها ووصلتك للحاله دي
ليل..اختفت ابتسامته بسرعه
حست عشق انها اتسرعت فالسؤال وانه هيتحول تاني
ليل..مش لازم تعرفي وانسي اي حاجه قولتها بكره ياريت متتأخريش
عشق
فتح..الباب وخرج بسرعه من ادامها
عشق لنفسها ده اكيد مجنون
بعد ما مشي ليل بلغ ادم ونوح انه مش راجع الشركه عشان تعبان وعايز ينام
سأله ادم عاللي حصل بينه وبين عشق قاله انه اتعصب عليها شويه بس لما حس انه تعبان مشي وقالها بكره تكون موجودة ووافقت
زهره..يعني محصلش غير كده
ادم..ده اللي قاله بس ليل مبيكدبش وهو فعلا تعبان من ساعت ما صحي شرب كتير امبارح وحالته كانت صعبه اكيد مقدرش هو بيقول انها كانت هتيجي خلاص بس هو اجلها لبكره لان المفروض عشق هتشتغل معاه وهو مش هيجي
نور..الحمد لله ان الموضوع عدى على خير
نوح..الحمد لله يلا نكمل شغل
نور..يلا
مرت الساعات بسرعه كان جاسر خلص شغل مع هادي
هادي..كده احنا تمام
جاسر..اه كده هنبتدي خلاص وطبعا اي ملاحظه بسيطه واحنا بنشتغل هنظبطها مع بعض
هادي..تمام جدا انا يومين كده ومسافر بره هأعد اسبوع واول ما هرجع هجيلكم القاهره ونبتدي
جاسر.ان شاء الله
هادي..هتسافرو خلاص
جاسر اه يادوب اطلع اغير واحضر الشنطه وشويه ونروح المطار
هادي..توصلو بالسلامه
جاسر..شكرا يا هادي على استضافتك لينا
هادي..متقولش كده يا جاسر ده مكانكم واي وقت تحب تيجي بعيد عن الشغل المكان مفتوح.
جاسر..شكرا يا هادي هسيبك انا بقى عشان الحق
هادي..ماشي ياجاسر مع السلامه
مشي..جاسر عالفندق تاني
اما تمارا فامن بعد ما صحيت حضرت شنطتها ولبست ورجعت اعدت تاني عالسرير وعلى وشها معالم الحزن وأثر الدموع باين على عنيها اللي حمره
وبتفكر فاللي حصل بينهم وكانت مضايقه انها استسلمتله وكانت مضايقه انه من الصبح متعرفش عنه حاجه ولا كلمها ولا عدىى عليها متعرفش رجع من الشغل ولا لسه فضلت اعده عالسرير مجهزه نفسها لحد ما يخبط عليها
اما جاسر فا كلم ليل وهو في طريقه للفندق
جاسر..الوو
ليل..ايوه يا جاسر
جاسر..مال صوتك
ليل..مفيش بس تعبان شويه
جاسر..مالك
ليل..مفيش تقلت قالشرب امبارح ومعدتي تعبانه يعني حاجه بسيطه
جاسر..طيب ما تروح ترتاح
ليل..انا فعلا مروح عالبيت خلاص
جاسر..ماشي انا بس بعرفك ان كله تمام خلاص..وكام ساعه كده ونبقي في القاهره
ليل..طيب تمام المهم توصل تمارا..عالشقه بتاعتي
جاسر..باستغراب نعم اشمعنى
ليل..البنات هناك
جاسر..وافقو
ليل..يعني مش بالظبط
جاسر..بقلق في ايه ياليل
ليل..جاسر انا مش فايقلك انا حقيقي تعبان وكلم نوح او ادم يفهموك
جاسر..ماشي ياليل هقفل واكلمهم
ليل..سلام
جاسر..سلام
قفل جاسر مع ليل واتصل بأدم عرفه كل حاجه
واتصدم من اللي سمعه
جاسر..خلاص تمام يا ادم هجبها علدة هناك المهم حد منهم جراله حاجه
ادم..متقلقش لحقناهم فالوقت المناسب
جاسر..الحمد لله
ادم..متعرفش تمارا عشان متقلقش لما توصلو ابقى قولها
جاسر..خلاص تمام يلا سلام عشان وصلت وهدخل الاسانسير
ادم..اوك تمام يلا سلام
طلع جاسر على اوضته من غير ما يعدي على تمارا كان عايز يشوفها ويطمن عليها عشان مشفهاش من امبارح بعد اللي حصل بينهم لكن كان بيحاول يهرب منها عشان مكنش عنده تفسير او مبرر يقولهولها
دخل خد شاور وخرج لبس سويت شيرت رمادي وبنطلون اسود وكوتشي رمادي حضر شنطته بسرعه وبعد وقت اتصل جاسر بالريسبشن يطلب حد يطلع ياخد الشنط خرج
راح على اوضة تمارا خبط عليها بترقب
حست تمارا بلغبطه واول ما سمعت خبطته عالباب عرفت انه جاسر
وقبل مايخبط تاني فتحت تمارا
جاسر بجديه وهو بيحاول يشوف رد فعلها جاهزه
تمارا..منزله عينها ومحرجه منه جاهزه
لمح جاسر العامل جي
جاسر..فين شنطتك
تمارا..لحظه هجيبها
جاسر..استني دخل جوه جابها واداها للعامل
جاسر..يلا
مشيت وراه تمارا في صمت
وبعد وقت بسيط خرجو من الفندق وركبو العربيه اللي هتوديهم المطار وطول الطريق الاتنين ساكتين خالص
وصلو اخيرا المطار وبعد ما خلصو الاجراءات طلعو عالطياره
اعدت تمارا وبسرعه قفلت الحزام قبل ما المضيفه تقول عشان متديلوش الفرصه انه يقرب منها
جاسر..شافها فهم تصرفها وسكت
دقايق مرت بينهم كأنها ساعات واخيرا نطقت المضيف
المضيفه على جميع الساده الركاب الرجاء ربط الاحزمة الطائرة على وشك الإقلاع
ربط..جاسر الحزام الخاص بيه وانتظر طلوع الطيارة
اما تماره..فا كانت مترقبه لحظة الطلوع وقلبها بيدق بخوف
وابتدت الطيارة تمشي وتزيد سرعتها اكتر
جاسر..باصص ادامه مش عايز يبصلها عشان متحسش انه بيستغل خوفها
فضلت تمارا تتنفس بسرعه بخوف وتبصله وهو باصص ادامه ببرود ولا كأنها اعده بصت ادامها بغضب منه واول ما الطيارة ارتفعت غمضت تمارا عينها اوي ثواني حست بايده بتحضن ايدها بقوه اتشبثت بأيده اكتر من غير ما تبصله ولا هو يبصلها
طلعت الطيارة فالجو فضل جاسر ماسك ايدها بايده وفضلت تمارا ايدها في ايده مسابتهاش وكأنها مغيبه تماما من لمسته ومرتاحه وهي بين ايده
سندت راسها عالكرسي غمضت عينها عشان متشوفش المنظر من فوق ثواني ونامت حس جاسر ان اعصاب ايدها فكت من ايده بص عليها لقاها نايمه بس منكمشه على نفسها من البرد
طلب جاسر من المضيفه حاجه يغطيها بيها ثواني وجابتله المضيفه بطانيه صغيره غطاها جاسر كويس ورجع مسك ايدها بين ايده تاني
عدي الوقت بسرعه ونزلت الطياره من غير ما تصحى تمارا ولا حست بنزولها لكن كل ده كانت ماسكه في ايده
جاسر تمارا تمارا قرب ايده من وشها يصحيها وبلمسه حنينه طبطب على خدها يلا قومي وفضل عينه على شفايفها اللي باين عليها الجرح اللي سببهولها
فتحت عينها براحه شافته ادامها وباصص على شفايفها
تمارا عدلت نفسها نعم
جاسر..يلا قومي وصلنا والناس بتنزل
تمارا بجد وصلنا احنا لسه طالعين
جاسر..بابتسامه لا احنا وصلنا انتي اول ما الطياره طلعت نمتي
تمارا..سحبت ايدها من ايده براحه
وفكت الحزام
جاسر..قام وهي وراه مدلها ايده عشان كان في زحام جامد
مسكته تمارا ايده من سكات
وبعد مده بسيطه وصلو خارج المطار كان السواق مستنيهم
بلغوا جاسر عالمكان اللي يطلع عليه
تمارا فكرت انهم لسه هيروحو مشوار فا سكتت ومتكلمتش
وبعد وقت اخيرا وصلو تحت البرج الضخم اللي اول ما تمارا شافته بصتله بانبهار وهي بترفع راسها عشان تشوف طوله الشاهق
تمارا..وهي بتبصله احنا هنا ليه احنا مش هنروح
جاسر..حب يلاعبها ما احنا روحنا خلاص
تمارا..روحنا فين ده مكان تاني
جاسر..وايه المشكله
تمارا..وهي عينها مليانه غضب نعم هو ايه اللي ايه المشكله هو حضرتك شايفني ايه ادامك
جاسر..مالك خليكي هاديه الشقه هتعجبك اوي
تمارا..بصدمه انت اكيد مجنون او عبيط شقة ايه اللي هتعجبني وعايزني أطلعها معاك انت شايفني ايه حضرتك ولاعشان امبارح مدتلكش قلم يفوقك عاللي عملته ده
جاسر..بابتسامه عبيط ومجنون وقلم يفوقني ولما انتي جامده اوي كده مدتنيش ليه وكمل بغمزه ولا عجبتك
تمارا..اتصدمت من جرأته انت قليل الادب ومش محترم
جاسر..مسك ايدها وهو بيضغط عليها جامد لكن كان مبتسم
ينفع واحده تقول لمديرها انت قليل الادب ومش محترم عشان وصلها بيتها..اللي فيه اخواتها
تمارا..اخواتي انت بتكدب وانا اخواتي هيعملو ايه فوق
جاسر..ليل جابهم على هنا
تمارا..انت كداب نور كانت رافضه
جاسر..يابنتي هتغابي عليكي بلاش كداب دي والله ليل جابهم هنا امبارح
تمارا..ومقولتليش ليه
جاسر..عشان انا لسه عارف انهرده قبل ما نسافر ليل بلغني وقاللي اجيبك على هنا
تمارا..واقفه مش قادره تصدقه طيب هو جابهم هنا ليه.
جاسر..لما تطلعي هتعرفي منهم كل حاجه
وكمل على فكره تليفونك معاكي تقدري تكلمي اي حد منهم تتأكدي بنفسك انهم فوق بس قبل ما تتصلي انا مش هكدب عليكي تمارا انا مش وسخ زي ما انتي فاكره...يلا اتصلي اطمني ووقف جاسر سند على شجره ادام باب البرج وعقد رجليه على بعض طلع سيجاره ولعها وفضل باصصلها وهو بينفخ الدخان
جاسر..ماتتصلي
مسكت..تمارا موبايلها وفتحته نورت الشاشه جابت رقم عشق كل ده وهو باصصلها
وفجأه..قفلت تمارا الشاشه يلا
جاسر..مش لما تطمني بنفسك
تمارا..لا مش هتصل يلا
ابتسم جاسر كن من جواه كان طاير انها متصلتش
شال شنطتها ودخل معاها الاسانسير وطلعو سوا ادام باب الشقه
وقف جاسر بعيد شويه
تمارا..انت واقف بعيد ليه
جاسر..عشان اكيد ميعرفوش اني معاكي
تمارا..لا هما مش بيفتحو غير لما بيلبسو طرحه تعالي اقف هنا
جاسر..ايه بتحسي بالامان جمبي.
تمارا..بتبصله بغضب رنت وهي ساكته
ثواني والباب اتفتح كانت زهره الي اول ما شافته جريت قبل ما تسلم على تمارا عشان كان شعرها باين
جاسر..وهو بيتك على شفايفه وبيكور قبضه ايده في وش تمارا عجبك كده
تمارا وهي بترفع كتفها وبتغمض عنيها بخوف منه
معرفش الله
جاسر..طب يلا خدي شنطتك وادخلي واتأسفيلها
تمارا..حاضر شكرا
جاسر..على ايه
تمارا..معرفش بس شكرا
جاسر..ماشي ياستي مدلها ايده سلام
تمارا..وهي بتمدله ايدها سلام ولكن اتصدمت..وفتحت بوئها وبرقت عنيها..لما جاسر رفع ايدها على شفايفه يطبع عليها بوسه
جاسر..وهو بيغمزلها تصبحي على خير
تمارا..بصت بصدمه
مشي جاسر وهو بيضحك ضحكة جميلة..وقف الاسنسير وشايفها من بعيد واقفه لسه متنحه
جاسر..ادخلي بدل ما اجي تاني
انتبهت تمارا دخلت وقفلت وراها بسرعه
نزل..جاسر وهو مبتسم
يتبع
تعليقات
إرسال تعليق