 |
البارت👈 1️⃣9️⃣ بقلم ✍️ سلطان زماني
روحت دخلت ل بابا قولتله ما تيجي
اغسلك رجلك بمياة دافية واقصلك
ضوفرك
بابا .. والله بتفكريتي ب امك يا ريم مش عايز اتعبك ياحبيبتي
ام رحمه .. طب ما دام بتحن ليها ما ترجعلها يا اخويا
بابا ..ياستي أنا جبت سيرة رجوع انتي عايزة تنكدي وخلاص
ام رحمه ..ما أنا كنت بتاعة النكد والهم وهي بتاعة الدلع والمرقعه
سبتهم ودخلت جبت طيشت بلاستيك كبير وحطيت فيه مياه
دافيه ودخلت وهما بيتخانقو لسه وبينقرو مع بعض
_ هات ياحبيبي رجلك انت تعبان وواقف عليها ياعيني من الصبح
ام رحمه ..اه يابنتي القاعدة علي القهوة طول اليوم بتعب
بيشقي وبيتعب ياعيني وتمصمص في شفايفها
بابا ..خلاص يا ام رحمه لمي دورك وخلي ليللتك تعدي
ام رحمه ..ولو ملمتش دوري هتعمل ايه ياعنيه
بابا ..اووووف بقا دي مبقتش عيشه
_ هدي نفسك ياحبيبي فين القصافة ياماما
ام رحمه ..افضلي يابت كده استفزيتي لحد ما اخنقك
ب أيدي دول
_ كل ده علشان بسألك عن القصافه فين ياماما طب أنا اسفه
وحقك عليا ياماما هقوم ادور عليها واجيبها
ام رحمه ..انا خلاص بقيت علي اخري من البت دي الله اما طولك ياروح
بابا ..ياستي هي عملتلك حاجه ما ساكته وراضيه ومبتعملش
مشاكل ونفعنا اكتر من بناتك
ام رحمه . مالهم بنات يا اخويا تيجي ايه المحروسة دي جنب
بناتي المتعلمين المحترمين الي متربين علي الغالي
جنب الصعلوجه بنت الصعلوجه دي
بابا ..طب وطي صوتك لتسمعك هو انتي كده مفيش يوم
تعديه من غير نكد وقرف
ام رحمه.. والنبي ما حد نكدي ومقرف غيرك
_ اي ده انتو لسه بتتخانقو
ام رحمه ..ما احنا ربنا مش هيريحنا وهنتهنا في عيشتنا الا
لما تغوري ياحبيبتي
_ اي ده هو أنا لما اتجوز مش هاجي هنا تأتي ولا ايه
ام رحمه ..اه هنغير الشقة ومش هنقولك علي عنونا الجديد
_ هسال ياماما لحد ما اوصلكم هو أنا أقدر استغنا عنكم
ده انتو حبايبي
ام رحمه.. شايف القطة المغمضه بترد وتتبارد ازاي
بابا ..هي قالت حاجه ..براحه ياريم هتشيلي الجلد كده
_ حاضر يا احلي بابتي في الدنيا
ام رحمه ..بابتك ههههههههه بنت الفلاحة بتقول بابتي قطيعة
تقطعك انتي وبابتك في يوم واحد
وسيبتنا وخرجت وفضلت تبرطم وهي ماشية
بابا ..سيبك منها ..مفيش اخبار عن امك
_ بتكلمني بس مش كتير بس هي كويسة
بابا ..قولتلها انك اتخاطبتي
_ اه وهي الي قالتلي اسمع كلامك وانك مش هتعوز غير مصلحتي
بابا ..أصيلة والله امك دي الله يرحم ايامها بقا
_ كنت بتحبها يابابا
بابا ..محبتش غيرها اصلا كانت هي جنتي الي علي الارض
_ لا ده احنا كنا غراقانين لشوشيتنا بقا ياحج
بابا ..جتك اي ياريم هههههههههه الله يصلح حالها بقا ويهنيها
_ امال كنت ليه كل إجازة تضربها وتنكد عليها
بابا .. كنت بغير عليها اوي أنا معرفتش يعني ايه حب وغيره
وشك والحاجات دي قبل ما اتجوز امك
لو كان ينفع اجيبها هنا جنبي واعيش يوم هنا ويوم هنا كنت
عملت كده بس ام 44 دي مكنتش هتسيبها في حالها
فضلت قاعدة معه اكتر من ساعتين مستحمله الرغي بتاعه
وبصاته الي مش مرتحالها وعينه مركزة علي صدري وعلي
فخادي الي بتبان وكل شوية ادريها لما القيه مركز اوي
طول الساعتين معرفتش اطلع ب اي معلومة وكل مكالماته
علي المداري والمستخبي
كلمني صدام قالي أنه خلص شغل بس هيقفل علشان أبوه
تعبان وبكرا يبقا يعمل الي اتفقنا عليه قولتله الف سلامة ابقي
طمني عليه
واول حاجه تعملها اول ما تفتح المحل تشوف وتقولي علي طول
قالي هو كده كده الموبيل معايا ..اول ما افتح عيني هشفلك واقولك ياغزال 😘
فضلت صاحية طول الليل منمتش مستنيا صدام لما يصحه ويقولي لاقه ايه
وعلي الساعة 6الصبح مقدرتش وعيني غفلت ونمت صحيت
بعد الضهر فضلت اتصل بيه نايم قمت من علي السرير غسلت
وشي وفطرت مع بابا وايهاب جيه قولت في سري ياادي
اليوم الاسود فضل قاعد معايا مش بيتكلم وعمال يبصلي
ومكسوف ادخل الاوضه يجي ورايا وخايفه اتكلم يسمعني
ولا يقول ل حد فين لما عبير صحيت وفضلت تتكلم معه وانا
دخلت أكلمه قالي
صدام ..بنت الايه مسحه كل حاجه يا اما نقله الحاجات علي
كرت مموري وشيلاه معها
_ احيييه بقا ياعم دور كويس أنا لو ينفع اجيلك كنت جتلك
صدام . أنا دخلت علي كل حاجه حتي الفيس والمسانجر مش
موجود اصلا علي الموبيل دي بنت شيطانه
_ ازاي ده انا يسمعها بتكلم كتير والاوضه مقفولة وساعات
تخده معها الحمام وتقعد بالساعة جوه
صدام ..طب بقولك ايه الواتس بتعها موجود بس محادثات
كلها عادية أنا ممكن اخترق الواتس بتعها واي رسائل أو صور
أو فيديوهات تبعتها أو تستقبلها تجيلك في سعتها
_ بجد طب مستني ايه ما تعمل كده
صدام . طب تعرفي تجيني دقيقة وحده بس قبل ما تيجي وتاخد تليفونها
_ اجيلك ايه بس والزفت الي برا ده اسيبه لمين واقوله رايحه فين
صدام ..زفت مين ده
_ ايهاب. أنا عارفه لي الي حابه النهارده
صدام . أنا كنت عايز أوصله ببموبيلك انتي فلازم موبيلك
يكون موجود علشان اعرف الجهازين علي بعض
_ تعرفهم علي بعض ما تغديهم بالمرة وتنيمهم في حضن بعض بالمره
صدام .. ياريت بس الغزال مش راضي وانا مش عايز حاجه منه غير بالرضا 😘
انهي علشان هي شوية وتيجي تاخد تليفونها
_ ماشي يا عم هطلع اعمل حوار واشوف
طلعت عملت نفسي اني زعلانه وقولتله قول ل بابا أننا
هنخرج شوية بابا كان بيكلم في التليفون وقاله ماشي لبست
في دقيقة وسحبته من ايده وفضلنا نمشي قبل محل صدام
قولتله أنا هروح لوحده صحبتي اجيب منها حاجه وارجعلك
بسرعة علشان توصلني البيت لقيته قالي لا ياماما انتي
روحي أنا همشي وفعلا سبني ومشي وقفت مزهوله من رده
ووقفه لقيته رجعلي جري وبيقولي هاتي 10 جنيه اديته 20
جنيه وفضلت امشي براحه خايفة يجي تاني او يكون
بيراقبني ورحت لصدام وفعلا خد موبيلي وعمل ربط بين الواتس اب بتاعها وبتاعي
وقالي القديم راح خلاص بس الجديد كله هيبقى عندك يا
غزال بذمتك بقا مستهلش بوسة
قولتله تستاهل وقمت طبعه علي بابا المحل وبعتله بوسه ب
أيدي وخدت بعضي وخلعت وهو اتكسف ينده عليا وكلمني
وقعد يهزر ويقولي يابتاعة مصلحتك
يتبع ..باذن الله بكرا نكمل ياحلوين تصبحو علي جنة❤️
تعليقات
إرسال تعليق